المساعد الشخصي الرقمي

مشاهدة النسخة كاملة : خلف كواليس ليلة الخميس


شبارقة
23-04-2007, 10:08 AM
إخوتي أحبتي ...
السلام عليكم ورحمة الله ..
تعالوا نشوف ما خلف الكوانين عفواً الكواليس في ليلة تكريم السيد رئيس المنتدى ..
طبعاً الجميع بتكلم عن روعة اللقاء وكده .. أنا عندي نظرة تانية ..

تعالوا معاي..

أول حاجة ببدأ بنفسي عشان ما نزعل زول ...

* بعد الفنان ما جاء وغنى أغنيتين أو تلاتة (كان ما بخاف الكضب) لملم أسلاكو ومكرفوناتو وشتت وقال عندو حفلة تانية ..... المنظمين للحفل قالوا نمشي العشاء ... كان معاي في طربيزتي أخونا شبندر، وأخونا عصام عموش (زول ظريف جداً ومبدع جداً وبراي لأبعد الحدود ، وفوق كده عويناتو دقاق) ، وبدأت القفشات والنكات .. .... مع سرحتي في كلام الجماعة ... تشيل يا شبارقة المنديل المعطر ، وتفتحو وتحاول تكب منو في قطعة الجدادة (كراع جدادة) الجات مع الكوكتيل .. والله لو ما قريت منديل معطر قايلو كاتشب أو مايونيز!! بس حمدت الله الشباب ما شافوني ..(ما تكلموا زول) ..

* الحلامابي زول آخر أناقة ، بدلة وكرفته (أظنو مستأجرها من البطحاء .. الله اعلم ـ ان بعض الظن اثم)... بس لسوء الحظ يوم الاحتفال لقى الشرابات وسخانة ، المهم لفح ليهو شراب كل فردة من بلد وقال: الشايفني منو ؟؟؟ ما تحت البنطلون !! نسى انو صلاة العشاء قدامو .. ولي شقاوتو صلى جنب واحد لسانو متبري منو .. وكشف حالو كشف السواد!!

* اثناء الفنان ما بيغني واحد من الجماعة قال : يا خوانا واحد يدق صدرو ويشيل العريس ...
زوووووووووووووووول دق صدرو مافي .. بالرغم من شخص العريس الضعيف!!!

* صلاح رسلوهو يجيب حاجة من البقالة ، لاقتو حاجة نستو موبايلو في البقالة ، الحاجة شنو ؟ الله أعلم ، بس حسب كلامو حاجة شديدة!! والحمدلله اللي جات على الموبايل!!

لسه ما خلصت .. جاييكم
سواااح
23-04-2007, 10:13 AM
قلت لي يا شبارقة ما شلتو العريس

برغم شخصو الضعيف !!!!!!!

عليك الله ما بتخجلوا

لو واحد ما بيقدر

ما انتو خمسين !!!!
نزار حسن محمد
23-04-2007, 10:55 AM
والله ..مصيبتكم ..مصيبه .. الجنى ده قطع المسافه دى كلها ..ساكت ..حسب ..مصادرنا ..قالوا شبارقه بشيل شنطتوا بتاعة المحاما محل ما يمشى ..وقال اكيد فى المه الجماعه دى بلقى ليه قضيه ولا قضيتين .. اه لم مشروعه فشل ..قال كيتن فى الناس دى اشحن شنيطتى اخبار وقطيعه ساكت ..اه عشان الاخبار ماطير قبل مايلاقى زميله مدناوى بداء بالاخبار دى وانتظروا شبارقه فى الكبرى....
Madanawi
24-04-2007, 03:17 AM
الحمد لله انو المنديل كان "منقوش جانبه" والا لكان شبارقة أكل المنديل .. والاسعاف في معمل الغسيل حق ود المطامير!!
عماد عبدالشكور
24-04-2007, 04:05 AM
معقووووووووووووووووووولة يا شبارقة زاهر بي طولو وعرضو قاعد وما قدرتو تشيلو العريس ؟
والله عيب منكم
بس ما وريتنا الوان الشرابات كانت شنو ؟
rasheed
24-04-2007, 05:04 AM
بالله أنا أقول شبارقة ده قاعد بتمعن في شنو أتاريييييييييييهو قاعد يصور ويخزن لما ما لقى ليه قضية ،، بس أنا ما كلمتوا بالشرابات بتاعة الحلامابي ،، بعدين يا جماعة عرضنا على العريس أنو نشيلوا لكن قال يا جماعة خلوا اليوم يمر على خير ونرجع لأهلي سالم كان أنا كان البشيلوني (( ضعف الطالب والمطلوب )) 00 والله يا شبارقة غشيتنا بالبدلة دي ،، أكان على زاهر أهو جاي جاهز زي محمد أحمد عوض بجلابيتو ،، عشان يملاها ،، حسب تعليمات عماد عشان يكون عايش اللحظة لأنو الحيكومة بتاعت عماد عملت فيها عيانة وكده بس عشااااااااااان ما يمشي للقاء ناس مدني ديل ،، بعدين الخبر جاني برضو أنو في نسوان قاعدات يكجنن مدني دي جنس كجنة ( أقروها صاح بالله ) كجن يكجن كجينة إذ هي كجنة وليس كجنة دانية قطوفها 00 يعني في نسوان من يسمعن بمدني دي بتصيبهم نار الله الموقدة ،، وقالوا مدني دي زي الضرة عندهم 00 الله يستر على الناس اللي نسواننن من مدني 00 بالدارجي كده 00 ويا شبارقة لينا لقاء 0
ابوشوتال
24-04-2007, 05:04 AM
انا قايتو بسال الاستاذ صلاح
الصابونة ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ وين
حقت غسيل اليدين
عماد عبدالشكور
24-04-2007, 05:18 AM
يالرشيد معارضة كيفنك
والله الحيكومة الرشيدة بتاعتنا كانت جاية عديييييييييييييل معاي لو لا الظروف الصحية (الحقيقية)
شبارقة
24-04-2007, 09:38 AM
قلت لي يا شبارقة ما شلتو العريس

برغم شخصو الضعيف !!!!!!!

عليك الله ما بتخجلوا

لو واحد ما بيقدر

ما انتو خمسين !!!!

اللي في البر عوام يا خالتي فاطنة!!
شبارقة
24-04-2007, 09:40 AM
والله ..مصيبتكم ..مصيبه .. الجنى ده قطع المسافه دى كلها ..ساكت ..حسب ..مصادرنا ..قالوا شبارقه بشيل شنطتوا بتاعة المحاما محل ما يمشى ..وقال اكيد فى المه الجماعه دى بلقى ليه قضيه ولا قضيتين .. اه لم مشروعه فشل ..قال كيتن فى الناس دى اشحن شنيطتى اخبار وقطيعه ساكت ..اه عشان الاخبار ماطير قبل مايلاقى زميله مدناوى بداء بالاخبار دى وانتظروا شبارقه فى الكبرى....

يا ريت لو جيت يا نيزو الاحتفال .. كان قطعت فيك زازية في جلابيتك السمنية ..

بالمناسبة : ما قاعد تغيرها ليه ؟؟ عاجباك للدرجة دي؟؟
شبارقة
24-04-2007, 09:47 AM
الحمد لله انو المنديل كان "منقوش جانبه" والا لكان شبارقة أكل المنديل .. والاسعاف في معمل الغسيل حق ود المطامير!!

ياخوي أخير آكل دستة مناديل ولا أقع معمل ود المطامير!!
شبارقة
24-04-2007, 09:50 AM
معقووووووووووووووووووولة يا شبارقة زاهر بي طولو وعرضو قاعد وما قدرتو تشيلو العريس ؟
والله عيب منكم
بس ما وريتنا الوان الشرابات كانت شنو ؟

يا خوي زاهر كلمنا ،، قال طولو وعروضو ما بيعملو حاجة
عايز ارتفاعك وعمقك عشان يشيل العريس!! وانت أبيت تجي!!
شبارقة
24-04-2007, 09:54 AM
انا قايتو بسال الاستاذ صلاح
الصابونة ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ وين
حقت غسيل اليدين

الله جابك في عبي ..



قول والله ما قلت يلا نمشي ،،،،

مش عشان البرنامج ما عاجبك !!

عشان الجزمة ضيقة !!!

براك جبتو لي (عنقك) رقبتك ...
شبارقة
24-04-2007, 10:01 AM
بالله أنا أقول شبارقة ده قاعد بتمعن في شنو أتاريييييييييييهو قاعد يصور ويخزن لما ما لقى ليه قضية ،، بس أنا ما كلمتوا بالشرابات بتاعة الحلامابي ،، بعدين يا جماعة عرضنا على العريس أنو نشيلوا لكن قال يا جماعة خلوا اليوم يمر على خير ونرجع لأهلي سالم كان أنا كان البشيلوني (( ضعف الطالب والمطلوب )) 00 والله يا شبارقة غشيتنا بالبدلة دي ،، أكان على زاهر أهو جاي جاهز زي محمد أحمد عوض بجلابيتو ،، عشان يملاها ،، حسب تعليمات عماد عشان يكون عايش اللحظة لأنو الحيكومة بتاعت عماد عملت فيها عيانة وكده بس عشااااااااااان ما يمشي للقاء ناس مدني ديل ،، بعدين الخبر جاني برضو أنو في نسوان قاعدات يكجنن مدني دي جنس كجنة ( أقروها صاح بالله ) كجن يكجن كجينة إذ هي كجنة وليس كجنة دانية قطوفها 00 يعني في نسوان من يسمعن بمدني دي بتصيبهم نار الله الموقدة ،، وقالوا مدني دي زي الضرة عندهم 00 الله يستر على الناس اللي نسواننن من مدني 00 بالدارجي كده 00 ويا شبارقة لينا لقاء 0

نتلاقى في الرمله الدقاقه ..

الكلام اللي قلتو عن نسوان مدني ما فهمت فيهو الرماد ...

علا أنا ناوي أعرس من مدني!! رايك شنو؟؟
جيفارا
24-04-2007, 10:26 AM
أحسن لأنــــــو ما دعونــــــا عشان كدة الغبار والكتاحة كانت يوم الخميس

الفيكم أتعرفت والحمد لله أنو ما كنا في عشان ما يقولوا الكلام طلع من عندنــــا ولسانا خفيف
ود المطامير
24-04-2007, 10:36 AM
الحمد لله انو المنديل كان "منقوش جانبه" والا لكان شبارقة أكل المنديل .. والاسعاف في معمل الغسيل حق ود المطامير!!
أنا غايتو يوم العرس فى أبوظبى المناديل عجبتنى ومليت
منها جيوبى والله سمحات سماحه أسكت ساااى
ود المطامير
24-04-2007, 10:37 AM
ياخوي أخير آكل دستة مناديل ولا أقع معمل ود المطامير!!
أهاااا .. دا الشين البخلى الزول يعضى إيديهو
شبارقه أكان إتنكر لى منو البقوم يهديهو ؟
ابوشوتال
24-04-2007, 11:43 PM
مدفعني ومطلع عيني ؛؛ والبدلة ؛؛؛ حقت...........
وباقي معاك ريال ...................
انا لوقبلت عليك بزعمطك
شبارقة
25-04-2007, 01:02 AM
أهاااا .. دا الشين البخلى الزول يعضى إيديهو
شبارقه أكان إتنكر لى منو البقوم يهديهو ؟

شبارقة ما بدل عهدوا أبداً
ما اتنكّر ليكا

ما ناسي الماضي .. ما خان لياليكا

خلي بالك سلبة حمار خدوم ..

وأوعى تصدق كلام الجرايد!!