بصراااااحة حاجة تزعل

[بت الكاشف]

الموقف كالاتى....
مصريين ...سوريين...لبنانيين (حلويين ..محبوبيين..لونهم ابيض...الا انهم اكاديميا بليدين)
سودانيين.......
شاطريين..ومعتزيين بى نفسهم الا انهم شينيين ...ولونهم اسمر.
هذة هى نظرت اصحاب بلاد المهجر الى الوافديين عموما
والتى كثيرا ما ورثت فينا الشعور بالدونية ونحن الاعزة
فالبارحة قد حدث موقف اردت ان احكيه اليكم جميعا حتى تفيدونا
بارائكم كيفية التصرف والتعامل فى بلاد الغربة التى اخترنا المجىء اليها بمحض ارادتنا .
فابنى البكر ابن الست سنوات فى صفه الاول الابتدائى تكالب عليه مجموعة من الطلبة السوريين والمصريين(الذين تقف فى تربيتهم الشوارع اكثر من اهاليهم)وفتحوا الشنطة حقتوا وطلعوا الكتب وبدوا يشرطوها ويقذف بعضهم بها بعضا فعندما حاول اخذ الكتب منهم اصبحوا يضحكون عليه ويسخروا منه روح يا سودانى ...روح يا سودانى..ذهب ابنى الى رائدة الصف واخبرها ..الا انها مصرية والمشكلة اخر الدوام يعنى ما فاضية عايزة تمشى ..والمشتكى سودانى..فلم تعره ادنى اهتمام.
جاء ابنى مكسور الخاطر وحكى وسالنى ماما لية ضحكوا على وقالوا لى روح يا سودانى ....
حزنت كثيرا وقلت ليهوا عشان نحنا اسيادهم ونحناياولدى مابنقبل الحقارة والبحقرنا بناكلوا بى اسنانا
وبنقطعوا بى اظافرنا لكن للاسف جينا البلد دى اتكسرت السنون واتقلمت الاظافر.
فاصبحت فى حيرة من امرى نربيهم على حسن الخلاق والمعاملة الحسنة ام نزرع فيهم بزرة الشر لكى يستطيعوا العيش وسط هذه الغابة.
وتسائلت لماذا نقبل على انفسنا هذا ونحن دوما الاعزة

[خطاب العبيد]

أختى بنت الكاشف لكى كل الود والاحترام وانتى بنت عزة اغلى وطن واكرم انسان وأخت لرجال وهبو كل الحياة للكرم والشهامة والرجولة وهذامازرع فى نفوسناوتربينا به فلا يكن فى نفسك حرج من هذا . ولكن لى عتب عليكى .
كان من المفترض ان تاخذى ابنك وتذهبى به فى اليوم التالى الى المدرسة وتاخذى حق ابنك بى يدك من المعلمة اولا ثم من بقية الطلبة . ده حال كل السودانين فى المهجربس المعروف انو مابننتظرحد يدينا حقنا بناخدو بى يدنا .

المهم ماتسكتى لو زوجك او انتى لازم تعلمو الاولاد مايخلو حقهم لحد وكمان تعلموهم على حسن الخلق والتعامل مع الاخرين لانو ده فرق الانسان المتعلم من التانى .
لكى كل الاحترام والتقدير

[نزار حسن محمد]

اختى بت الكاشف
ولايهمك ..باخد لك حق ولدك ..وسوف ارفع الموضوع للجهات المسئوله ولو داع الامر سوف اذهب لمدرسة ابنك بنفسى ...

[نزار الكاشف]

اختنا
العيبة مافي الشفع الشرطو لي ولدنا الكتب
العيبة في الكبار البخلوهم اتمادوا في الموضوع ،، وزي ما قال ليك نزار حسن الموضوع لازم نقيف فيهو
والمسئول المدرسة ما الاطفال
فلازم حقك يرجع
بس فهمي ولدك انو الدنيا حلوة وفيها الطيبين وفيها الشريرين
وانو بقولو ليه روح يا سوداني عشان اكيد هو وحيد بينهم وهم عصابة
وعلميهو انو كلمة سوداني دي اكبر شرف ممكن يحصلوا في حياتو بعد شرف الاسلام
ولنا عودة في الموضوع

[Madanawi]

السودانيين عموما أهل عزة وشهامة .. والفينا مشهودة ..

نتصف باحسن الاخلاق .. والأمانة .. وطيب المعشر .. والوفاء

هذه الصفات قلّ ان توجد في شعب مثل ماهي في تراثنا وموروثاتنا ..

لسان حالنا دوما يقول :

يخاطبني السفيه بكل قبح ..

وأترفع أن أكون له مجيبا ..

علّمي إبنك .. أنه سوداني وعزيز بسودانيته .. وان لا يشعر ولو للحظة بأنه أقل من أترابه من الجنسيات الأخرى .. ونحن لا نعمم سوء الأخلاق على كل الجنسيات الأخرى .. فكل بلد وكل جنس به من هو صالح ومن هو طالح ..

[شبرقية]

حالة تحزن...حالة تجنن
لازم تردي اعتبار ولدك بنفسك وتمشي المدرسة وتقابلي المدير او المديرة
واخونا نزار مابقصر

ولدك لازم يعرف انه ياسوداني شرف ...مدح ...عزة...رفعة...فخر...مااهانة
المابعرفك بجهلك ...

[طلال الصول]

والله صح حاجة تزعل لكن ماتختي في بالك انا مريت بي مشاكل زي دي لأنو بدايت دراستي الابتدائية كانت في السعودية واول ما يتعرف علي اصحاب صدقيني حيكون هو قائد المجموعة النقطة بتاعة القمة مستهدفة خليها في بالو بس بالمناسبة حتى لمن رجعنا السودان في الاول مرينا بي مشاكل زي دي السبب ما انو سوداني بس لكن الغرابة فيو عنهم

[هيثم عبدالعال]

العزيزه بت الكاشف
أثني على كلام من سبقوني في التعليق وأشدد على نقطة عدم التخلي عن الحق وبالأسلوب الذي يجدي مع هؤلاء وهو التصعيد والتخويف فهم قوم يخاف الواحد ولا يختشي كما مقولتهم الشهيره ، فمثل هذه المعلمه التي أستكثر عليها هذه الصفه أول ما تشعر بأن الموضوع سيمسها في الرزق ( هدفهم الأسمى ) والذي تتوارى دونه كل الأخلاقيات والمثل والقيم تلك التي نحتفظ بها نحن معشر الشينين كما يدعون والتي أصبحت بضاعة بائره في هذا المحيط ، ستجدينها هي وغيرها من أهالي هؤلاء الأراذل يركعون تحت قدمي ( السوداني ) .
أرجو أن تفيدينا بما يحدث معكم في هذا الأمر وأحذر (إن جاز لي) من مفردة (معليش) فهي لن تصلح شرخاً في نفسية إبنك .

[madaniboy]

حالة ماساوية لازم تاخدي حق ابنك ولا ترووحي الصف انتي بنفسك وتقلبي الدنيا فووق تحت
دا موضووع ما بنسكت ليه
مشكلة الزمن دا الطيبة والمسكنه علمي ولدك الشفتنه
تحياتي
فاقد حنان

[مازن الجمّال]

الاخت بت الكاشف
تحية واحترام
في مقولة قديمة وما متأكد من القايلها ( اعتقد انو الطيب صالح ) بتقول :
خيرو السودانيين ما بين احسن الافارقة واسوء العرب ونحنا للاسف اخترنا الخيار التاني
وعموما العرب بشكل عام معروفين بالعنصرية البحتة
لكن على قولك نحنا برضو العزة فينا وهنا في المهجر قاعدين يعملوا لينا ألف حساب ولاسباب كتيرة اولها اننا مميزين بالامانة والشطارة وتانيها اننا البيهبشنا بنقطعوا باسنانا ..

وانا افريقي .. انا سوداني

[ابوشوتال]

يابت الكاشف لاتشيلي هم بس الولد علمية انو مايخاف البقل ادبوعليو اجيب حقو بي يدو اضرب باي شي مايهمو لانو المصريين جبانيين جدا والسوريين نفس الطريقة
ولو معاهو سوداني تاني اكون احسن بس اهم شي عدم الخوف
تاني نحن مايهمنا احد التعليم العندنا الواحد لو قعد عمروا كلوا يقراء ما يحصل الابتدائي عندنا ونحن نعرف نحترم الكبير ونوقر الصغير ( هنا الاستاذ مايقدر اضرب طالب )
الحقوق مهضومة ( بس نتمني انو بلدنا تصلح عشان نرجع كلنا )

[رضا حسن محمد]

لازم الولد يمشى مع ابوه ويخليهة يكفتهم واحد واحد ولو دعى الامر يكفت ابواتهم
الحاجاتال زى دى تتحلا بالضرب
حريقة تحرق المصريين والسوريين ومن شايعهم

[صلاح الدين]

الأخت الكريمة بت الكاشف،
الأخوه الأعضاء بسلم عليكم كتير وربنا اديكم العافية .
الحكاية دي مرت علي قبل كده لكن ماوصلت لتقطيع الكراسات واخدت حق ولدي وحقي كسوداني ووريتهم أنو نحن أمة متعلمة جدا ، قلت ليهم الواحد حتى لوماعندو حق الفطور لازم يقرا الجريدة وأهلنا الكبار ناس أدب وحكم وأهل قرآن وبعرفو حق المسلم والجيران . ياأختي لازم تمشو مع ولدكم عشان يعرفو الكلام دا ، وبعدين ليه نرضى بالحقارة ؟؟؟ ما كلنا لأدام وآدم من تراب . اضافة للحكاية في حاجة تغيظ لما الواحد من نفس الجنسيات دي يتكلم معاك بالعربي المكسر ، مثلا يقول ليك نت في جيب من هادا . وتقول ليهو ياخي أنا سوداني بتكلم عربي ويمكن متعلم أحسن منك ، برضو بعد شوية تلقاهو يرجع ليك بنفس الحكاية . وكمان اتعجبو العجب لما يشوفوك تتكلم باللغة الإنجليزية كحل لموضوع أو عايز تفهم ليك واحد مابعرف الا انجليزي . ربنا يكون في العون ولازم مانتنازل عن حقنا وحق عيالنا مع التزامنا بتقاليدنا وآدابنا السمحة وكرمنا وكسفراء لبلدنا العزيز .

[بت الكاشف]

بشكر جميع من شارك وكتب ونصح ورايكم على راسى
الا اننى اردت طرح هذا الموضوع حتى اناقش قضية تمس جميع السودانيين هنا
واتمنى من خلال هذا الطرح ان نجد لها حلا سويا...مش يدافعوا عن انفسهم فقط بل كيف يكونوا حقااااااااريين.
ولكل من اراد ان يطمئن على ابنى وابنكم ...فعندما اتصلت بابو احمد جن جنونه واتحمق حماقة كل سودانى تابى عزته الهوان وانطلق الى المدرسة فلم يجد سوى استاذ مصرى وتم مسح الارض به (هرشوا شديد)ووراهوا جننا فوعد الصباح حيعاقب اولئك الطلبة فى طابور الصباح وقد فعل فرد الى ابنى اعتباره...الا ان ابوه لم يكتفى بذلك فسجل احمد وغسان فى نادى لتدريب الكاراتية...واشترا لى احمد برجل وقال ليهوا لااااااااازم تطعن الولاد القطعوا الكتب وعندك مكافاة .....فيا نزار ويا رضا الحقوا اتكلموا مع ابو احمد قبل الولد ما يبقى ارهابى.
ودمتم فخرا وعزتا للاوطان

[بدرينا]

اخت بت الكاشف .. دي واحدة من سلبيات الغربة لكل الناس النظرة الدونية..

[رضا حسن محمد]

يا بت الكاشف
دى ياهو الشغل النضيف
انا السنة الفاتت ولد مصرى ضرب حسن ولدى مشيت المدرسة خليت حسن كفت المصرى وانا دقيت ابو الولد دق العيش
حالتى اعقل واحد فى اولاد حسن

[salwa]

بنت الكاشف

بالجد والله شيء بيخلي الواحد يحمق ويزعل من جوة قلبه لانه شيء زي ده بياثر في نفسية الولد

لكن في شيء مهم كما قالوا الاخوان قبلي ...علمي ولدك انه ما يسكت ابدا على اي اهانة او شيء يمس كرامته من هو صغير ......اي نعم نحن بنخاف على اةلادنا ونقول يمكن لامن يجي ياخد حقوا
يقوم يلقى ليه واحد شرامي او اهله ما مرربينه ويقوم يستعمل شيء يضر الولد حجر او اي شيء ممكن يتسبب ليه في اذية اكبر .لكن قولي ليه لو شال حجر انت شيل طوبة ولو شال سيخة انت شيل عامود .يعني ما يسكت ابدا ويدافع عن حقه باي حال

وبخصوص الشيء العام ده شيء مزروع في النفوس وزي ما قلتي نحن اسيادهم ويكفي انه السودانيين مشهود ليهم بالامانة في كل مكان يعملوا فيه

واي صاحب عمل بيامن السوداني واكتر من يخون المصريين والسوريين

وربنا يغطي على ولدك يارب وجميع اولادنا جميعا

وامشي المدرسة وكسري الاولاد ديل وكفتيهم زي ما قال اخونا فوق

[شبارقاوية]

والله حاجة فعلا تزعل ولازم نعلم الاولاد يدافعوا عن نفسهم بعقل وادب
وعجبتنى حريقة تحرقهم دى يا رضا
وتحرق العلمهم كدة

[المسافر]

الأخت بت الكاشف

أعلم تماماً الإحساس المؤلم الذي يصاب الإنسان في مثل هذه المواقف . . .
ودعينا نتفق بأن ما تربينا عليه وعادتنا وتقاليدنا لا تجدي في الغربة وتحديداً مع هؤلاء
الجنسيات ( الجهلة ) حسب قول الرسول صلى الله عليه وسلم.
فنحن جميعاً تأثرنا عند بداية الغربة بطيبتا وحسن معشرنا . . . والواضح أنها أصبحت لا تأتي نفعاَ وبالعكس تملأ الواحد حسرة وندم .
ويجب أن تكون المعاملة بالمثل

وقال الشاعر ( إذا أتتك مذمتي من ناقص فهي الشهادة بأني كامل )


ولكِ كل الوداد

[هيثم عبدالعال]

يا أخوان
تحية على ردة الفعل القوية وده أكيد شعور كل سوداني تجاه بني جلدته وتجاه كرامتنا ووطننا
لكنرجاء بلاش حكاية ضرب وطعن دي أولاً لأن هذا أسلوب الجهلة وهو ما نستنكره
وثانياً لأن العواقب ممكن تكون وخيمة يعني لا قدر الله لو حصلت وفاة أو إعاقة معناها ضياع الولد وقضاء بقية حياته في السجن أو أكثر من ذلك وكده بدل ما يكون الولد إتأثر نفسياً بسبب المشكلة الحاصلة أو الإستفزاز تفقدوا أسرته ويكون بلاء ومصيبة أكبر

[ود المريبيعة]

التحيه ليك يا بت المكاشفى انتى من المكاشفيه شيوخنا
ما عندى شى اقولو ليك الا انك انتى ستهم كلهم وولدك سيدهم والشى دا الناس الواعيه عارفاهو لو كانو مصريين او غيرهم لكن الناس البتجرى وراء المظاهر ولهو الدنيا هم البقولو الكلام داء
وارجعى شوفى بلدهم شنو وبعدين انتى بتحكمى
ربى يخليك ويخلى ليك ولدك
وما تهتمى بالموضوع

[مدنيّة]

حالتى اعقل واحد فى اولاد حسن


قصدك الشرير فيهم منووووو ؟؟ :cool:



بت الكاشف زي ما قالوا ليك الاخوان سوقي ولدك وامشي بيهم المدرسة ووصليها محل ما تصل بس حقنا ما تخليه

[عمار هبّار]

بت الكاشف ..
والله العيب ما فينا العيب فيهم .. أحكي ليك حاجة عجبتني جداً عندي زميل لي هنا في السعودية سوداني برضو كان بتتكلم معاه واحد قالت ليه والله لو ما لونكم إنتو أحسن ناس رد ليها وقال إنو عقدة اللون دي عندكم إنتو ما عندنا نحنا ودي مشكلتكم لو شايفين لوني أسود لكن أنا فخور بيه .. الداير أوصلو ليك إنو تخلي المشكلة فيهم ما فينا وتحاولي تفهمي ولدك كدا وإنتي بديتي صاح لمن إتكلمتي ليه عن السودانيين .. والدايروا منك كمان إنك تصعدي الحكاية وتطالبي بي حق الولد بالطرق الرسمية عشان تكبري في نظروا ويكبر السودان وحب السودان جواه وما يحس يوم بالدونية ..
شكراً ولكل مشكلة حل .. وخير وسيلة لحل المشاكل تصعيدها ..

[sandra]

يا اختي لوكان الموضوع على اللون.. فبياض العين مابشوف دون سوادها..
ولو كان الموضوع انو شينين.. فجمال الروح مابيقارن بجمال الوجه..

بعدين ياغاليه نحن اصلا عندنا راي في اللون الابيض.. دايما شربان ووسخان ومبقع..
علمي اولادك انو نحن لو ماكنا سودانيين كنا اتمنينا انو نبقا سودانيين...

وريهم انو نحن مابنرضى الحقاره.. والسنون الاتكسرت والاظافر الاتقلمت بتقوم تاني وبتجرح؛؛

ســــــــاندرا

[مختار بازى]

الاخت الفاضله
بت الكاشـــــــــــــــــف
بعد التحيه زى ما قال الاخوه المفروض كنتي تسوقي ولدك وتمشي للمعلمه التي لا تحمل اي صفه
من صفات المعلمين وتديها هي اولا درس في فن التربيه وبعد داك تخليها تاخد ليك حق ولدك وقدامك
وربنا يحفظكم ويرجعكم للوطن محل العزه والكرامه

[اميمه عشريه]

يكفيهو انه سوداني

شفتي لو ما مشيتي بمشي ليك انا ,,,,,,:mad: :confused: ,,,,,

[الشريف الهندي]

بت الكاشف والله فعلا المسأله محزنه لأبعد الحدود
لكن الصبر ليس الا الصبر
المهم تغرسي في الولد عزة نفسو وقيمة بلدو وجنسيته وما يتنازل ابدا
وليعرف انه هو الاشرف والاعلى والافضل بيناتهم
وانقل ليك وعد من صديق معاي قام بحرقه شديده لما قريت ليه الموضوع بتاعك وقال لي والله لو ماشبت للطفل ده حقو ما بارتاح والله ....
ربنا يصلح الاحوال