غايتو انتو يا المغتربين بري منكم !!!

[مدنيّة]

والله شكيت محنك
ما قادر تصبر ؟ لما هى تمشى هناك .

عاد بجيب الصبر من وين هو:D

[مدنيّة]

عمتو مدنيه انا جاهز ونباشر العمل
ومواصله للبوست بتاعك ده اى زول
عاوز وظيفه فى السودان الينزل مؤهلاته C.V
فى البوست والوظائف حسب الاقدميه
واوعى من الواسطات يا مدنيه الكل حسب
كفائته.

اي اي يامكاشفي مي شان ننتقم من المغتربين ديل شر انتقام:D

[مدنيّة]

دا كلو هين و لا شفت لينا الشغل ولا جيتي انتي هنا اها دي احلوا كيف
وبعدين تعالي هنا انتي صدقتي والا شنو بلد شنو ورجعت شنو
خلينا هنا مرتاحين نضرب في المكيفات دي من المكتب لي العربية الواحد يقوليك سخانة شديدة
خلاص

اي ياطلال اخيرا اعترفت لما هددناك بتحويل اوراقك للمفتي اقصد لمكتب المكاشفي :D

[مدنيّة]

هههههههههههههههههههههههههههههههههههههههههههههههههه ههههههههههههههههه
تعالي شوفي الاغتراب عشان تعرفي براك غربه كلام فاضي وضياع زمن
رضاك يا صفيه

طب ما ترجع لاهلك وناسك وبلدك وخليك من الاغتراب

همسة : مي شان اضمن انا وظيفتك × بلد الاغتراب:D

[مدنيّة]

يا مدنيه سمعتي بالفنان البغني
دبي دولار مزيف وفي جده ناس كذابه

الفنان دا مغترب ولا ود بلد زي انا ومكاشفي !!
لو مغترب يطرشني ما سمعت بيه ولو ود بلد برضو يطرشني ما سمعت بيه :D

بس بيني وبينك كدا ما بالغ في دولار دبي المزيف دي :(

[طلال الصول]

اي ياطلال اخيرا اعترفت لما هددناك بتحويل اوراقك للمفتي اقصد لمكتب المكاشفي :D



ما قالوا ليك يا مدنية البلد دي بتعلم اربعة حاجات
الخوف والخمالة

[مدنيّة]

ما قالوا ليك يا مدنية البلد دي بتعلم اربعة حاجات
الخوف والخمالة

قلت لي اهم خمسة حاجات × الجيش تلاتة الضبط والربط :D

[هاني 2]

يامدنية .... كلامك لذيذ لكن ؟ الما عارف اقول عددددددددددددددددددددددددددس

[عثمان جلالة]

[العزيزة مدينة أعزك الله بالخير آميييييييييييييين
ده حال البشر كل واحد ماراضي بالعندو (وكان الانسان أكثر شيء جدلاً) صدق الله العظيم المهم كان الوضع متأزم شديد رسل لي سيرتك الذاتية خلينا نشوف ليك شغل بره السودان والله يعينك علي التذاكر كان شفعك كتار .... وبركة من صلى وقال يا الله .... ربنا يزيل البلا من عبادة وخصوصا ناس السودان وبالأخص مدينة وما جاورها ... وودعناك وداعة مفتاحها تبارك وبابها ياسين وداعة ختوها في البحر ما غرقت وختوها في النار ما حرقت ]

[الجيلي حسن يوسف]

الله اهديكم كلام مش مظبوط ابدا

[الريانه]

يامدنية انا اول سودانيه قررت ترجع ونفزت ولا اقول ليك احكى ليك القصه وانتى احكمى اتزوجت مغترب فى قطر وبعد ماوصلت قال جاه عرض شغل فى السودان وبدون اى شى وافقت بس لو ماصدقوا فى وعدهم نرجع طوالى وكان عرضهم شقه وراتب مليون غير البدلات وعربيه (نعيم شديد) ولما وصلنا لقينا المكن (مصنع صلصه) ماراكب وفيه مشاكل في الازبيرات ركبه ليهم مع انه مطلوب لوظيفه اداريه وطلب نصف الراتب لظروفهم اول يوم صاحب المصنع مشى وماجاء وتانى يوم نسى والعربات فى بورتسودان والشقه بقت قطعة ارض بالسمع وماشفناها :cool: ودة غير مامرات النسابه لاننا طبعا نزلنا معاهم والمعامله بقت زفت (اسفة)لاننا رجعنا نهائى يعنى مافى طريقه للكزب فلان وقع دايرين نوديه الدكتور رسلو سيد الدكان داير كذا سيد اللبن داير كذا هدوم العيد ووووووووووووووووووووووووووووو000000000000000000 اطرينا ورجعنا ولما جينا نرجع بعنا ممتلكات خاصه عشان التزاكر :eek: تفتكرى لو الاغتراب زى ماقلت ممكن نسيبه ونرضى بالقلتة :( الغربة الحقيقيه فى كلامك يامدنية فيه نعمه اسمها الشمس احنا مابنشوفها وده مرض كسير وكساح والرجال محروقين بيها سخانته ضعف شمسكم والله الكهرباء قاعده تقطع فى الدوحه والسعوديه اسالى طبيب اسنان وحايقول ليك احسن معجون ابو ورده الظاهر مغتربينكم يامدنيه ناس لو بدين بتبين استغفرى ربك وختى الرحمن فيه وقولى استغفرك ربى انى كنت من الظالمين

[الريانه]

يامدنية مواضيعك البتطرحيها للنقاش جميله خالص تسلمى وماتنقطعى

[نزار حسن محمد]

مدنيه ..يامدنيه ..انا اول واحد برسل لكم ال cv بتاعى
1/ متغرب منذ خمستاشر سنه..شفتى كيف
2/ ابقــــى.. سياره لليلى علوى ذى حقتى..شفتى كيف
3/ بصرف راتبى بالدولار الما مزيف من دبى..شفتى كيف
4/ عملت ..مدير ..ثم خفير ..ونائب مشرف للمنتدى ..شفتى كيف
5/ ارغب فى وظيفة مستشار.. او ..وزير ..ولا .. رئيس ...شفتى كيف..
6/ مامشكله الراتب ..اى حاجه انشاءالله بال يرووووو..بس كاش
7/على اتم استعداد بالعمل تحت التكييف ..مافى مشكله..شفتى كيف
8/ المكاشفى يمكن ارضى ايكون معاى سائق لمشاوير بورسودان
9/الوجبات مامشكله اى حاجه انشاءالله كنتاكى ..او بيتز هت..
10/ الرحلات الخارجيه اى مكان انشاءالله ..هونلولوووو على الفتهانزا ..
الرجاء الاتصال على فى حالة الموافقه ...عشان اقرر بعد ..داك

[مدنيّة]

يامدنية .... كلامك لذيذ لكن ؟ الما عارف اقول عددددددددددددددددددددددددددس

عدس شنو ياهاني 2:eek:

ديل مغتربيييييييييييييييين يعني تقول ليهم الحاجات ديك اللي انا مابعرفها ناس منو منو ديلاك ياخ :D

[مدنيّة]

[العزيزة مدينة أعزك الله بالخير آميييييييييييييين
ده حال البشر كل واحد ماراضي بالعندو (وكان الانسان أكثر شيء جدلاً) صدق الله العظيم المهم كان الوضع متأزم شديد رسل لي سيرتك الذاتية خلينا نشوف ليك شغل بره السودان والله يعينك علي التذاكر كان شفعك كتار .... وبركة من صلى وقال يا الله .... ربنا يزيل البلا من عبادة وخصوصا ناس السودان وبالأخص مدينة وما جاورها ... وودعناك وداعة مفتاحها تبارك وبابها ياسين وداعة ختوها في البحر ما غرقت وختوها في النار ما حرقت ]

جمعاً يا جلالة الدعوة الحلوة دي

اها ياجلالة ما قلتي لي عنوانك مي شان يعني ارسل ليك ال cv بتاعتي :confused:


وبعدين موتوع التذاكر ماتشيلي ليه هم انتي بس شوفي لي الشغل وربك كريم في التذاكر نزار قال لي برسلهم لي:D

[مدنيّة]

الله اهديكم كلام مش مظبوط ابدا

مرحب بيك اخونا الجيلي
الكلام في شكل مزاح بينا ليس الا
مشكور علي مرورك
وربنا يهدي الجميع

[مدنيّة]

يامدنية انا اول سودانيه قررت ترجع ونفزت ولا اقول ليك احكى ليك القصه وانتى احكمى اتزوجت مغترب فى قطر وبعد ماوصلت قال جاه عرض شغل فى السودان وبدون اى شى وافقت بس لو ماصدقوا فى وعدهم نرجع طوالى وكان عرضهم شقه وراتب مليون غير البدلات وعربيه (نعيم شديد) ولما وصلنا لقينا المكن (مصنع صلصه) ماراكب وفيه مشاكل في الازبيرات ركبه ليهم مع انه مطلوب لوظيفه اداريه وطلب نصف الراتب لظروفهم اول يوم صاحب المصنع مشى وماجاء وتانى يوم نسى والعربات فى بورتسودان والشقه بقت قطعة ارض بالسمع وماشفناها :cool: ودة غير مامرات النسابه لاننا طبعا نزلنا معاهم والمعامله بقت زفت (اسفة)لاننا رجعنا نهائى يعنى مافى طريقه للكزب فلان وقع دايرين نوديه الدكتور رسلو سيد الدكان داير كذا سيد اللبن داير كذا هدوم العيد ووووووووووووووووووووووووووووو000000000000000000 اطرينا ورجعنا ولما جينا نرجع بعنا ممتلكات خاصه عشان التزاكر :eek: تفتكرى لو الاغتراب زى ماقلت ممكن نسيبه ونرضى بالقلتة :( الغربة الحقيقيه فى كلامك يامدنية فيه نعمه اسمها الشمس احنا مابنشوفها وده مرض كسير وكساح والرجال محروقين بيها سخانته ضعف شمسكم والله الكهرباء قاعده تقطع فى الدوحه والسعوديه اسالى طبيب اسنان وحايقول ليك احسن معجون ابو ورده الظاهر مغتربينكم يامدنيه ناس لو بدين بتبين استغفرى ربك وختى الرحمن فيه وقولى استغفرك ربى انى كنت من الظالمين

طب يالريانة شوفي التجربة الحقيقية اللي مريتي بيها دي ووضحت ليك حال السودان والعمل فيه !! تتخيلي انه كتير من الاماكن لما تمشي تشتغل فيها بيقولوا ليك كلام يطلعوك بيه للسماء ولما تجي لارض الواقع بتلقي انه كله سراب !!

اها موتوع الشمس دا ياختي صدقيني شبعنا منه وخلا كبرنا والحمد لله ما ح يجينا لين عظام والكلام دا ، اها قلتي شنو ممكن تبدليني ولا يفتح الله:D

[مدنيّة]

يامدنية مواضيعك البتطرحيها للنقاش جميله خالص تسلمى وماتنقطعى

الله يسلمك من كل بلاء ياغالية
وانتي كمان مناي انك ما تنقطعي مننا وتواصلنا دائما

همسة : باعتبار انه ظروف الدنيا ما معروفة وكدا لو انقطعتني مننا - لا قدر الله - الفيز × الدوحة ما ليها حد رسلي لي ان شاء الله زيارة اجي اطمن عليك وارجع ما بقعد كتير خمسة سنين بس :p

[مدنيّة]

مدنيه ..يامدنيه ..انا اول واحد برسل لكم ال cv بتاعى
1/ متغرب منذ خمستاشر سنه..شفتى كيف
2/ ابقــــى.. سياره لليلى علوى ذى حقتى..شفتى كيف
3/ بصرف راتبى بالدولار الما مزيف من دبى..شفتى كيف
4/ عملت ..مدير ..ثم خفير ..ونائب مشرف للمنتدى ..شفتى كيف
5/ ارغب فى وظيفة مستشار.. او ..وزير ..ولا .. رئيس ...شفتى كيف..
6/ مامشكله الراتب ..اى حاجه انشاءالله بال يرووووو..بس كاش
7/على اتم استعداد بالعمل تحت التكييف ..مافى مشكله..شفتى كيف
8/ المكاشفى يمكن ارضى ايكون معاى سائق لمشاوير بورسودان
9/الوجبات مامشكله اى حاجه انشاءالله كنتاكى ..او بيتز هت..
10/ الرحلات الخارجيه اى مكان انشاءالله ..هونلولوووو على الفتهانزا ..
الرجاء الاتصال على فى حالة الموافقه ...عشان اقرر بعد ..داك



الله يهديك يانزار
يعني هسي انا بس ارد اقوليك شنووووو ؟:confused:
وكله كوووووووووووم ورقم (10) دي كوم قلت منو علي منو ؟؟ وريني ليها مي شان لو لاقيتني في حتة تانية اعرفها ولك الثواب والاجر من رب العباد :D

[طلال الصول]

مدنية انت لغايت حسي ما سافرتي
نصيحة ملفوفة بي بشكير
سافري اوروبا والا امريكا الجو عندهم بارد وسمح احسن من العرب ديل
اكان لقيتي ليك سفرة ما تنسيني رسلي بمش معاك
والكلام دا سر بيني وبينك
انا عند ي اعتماد لوتري لأمريكا برسلو ليك

[الريانه]

منو القال ليك الفيزه موجوده بالاخص السودانين السفير السابق رفع تقرير بيطلب عدم الموافقه لاى سودانى عشان العواطليه كتير مع انو بيوت العزابه بالعدد ومتدينين ماليهم فى امور (جده ) بس ليك على ارسل ليك وقلتى شنو بدل وحياتك ماتقولى جعليه

[ابو لوزة]

والله عند ك في الكلام ده كلو وانا واحد من الناس عائز اجي راجع اليوم قبل بكر ة بسسس شوا لي شغلوبكرة الصباح اكون في مدني

[مدنيّة]

مدنية انت لغايت حسي ما سافرتي
نصيحة ملفوفة بي بشكير
سافري اوروبا والا امريكا الجو عندهم بارد وسمح احسن من العرب ديل
اكان لقيتي ليك سفرة ما تنسيني رسلي بمش معاك
والكلام دا سر بيني وبينك
انا عند ي اعتماد لوتري لأمريكا برسلو ليك

عاش مين شافك ياطلال
كنت مختفي وين ؟؟ انا هسي قلت خلاص طلال رجع البلد :D


اها اناي زاتي بينك وبينك كدا بلاد الخليج دي ماعايزاها بفتش لبلاد العم سام كان عندك لي طريقة قولها سااااااااي ولك كل الدعوات

همسة : قلت لي اعتماد دي منوووو :cool:

[مدنيّة]

منو القال ليك الفيزه موجوده بالاخص السودانين السفير السابق رفع تقرير بيطلب عدم الموافقه لاى سودانى عشان العواطليه كتير مع انو بيوت العزابه بالعدد ومتدينين ماليهم فى امور (جده ) بس ليك على ارسل ليك وقلتى شنو بدل وحياتك ماتقولى جعليه

هي يالريانة ياختي انا عارفك بتقدري تتصرفي لي × عدد واحد فيزا :D
ويحيا الجعلية × كل بقاع الارض;)

[مدنيّة]

والله عند ك في الكلام ده كلو وانا واحد من الناس عائز اجي راجع اليوم قبل بكر ة بسسس شوا لي شغلوبكرة الصباح اكون في مدني

هي يا ابولوزة هو الشغل لو في كان قلنا يااغتراب ؟؟:confused:

كدي تعال شوف الحالة براك
سخانة وكهربا قاتعة وكتاحة واييييييييييييييييييييييييييك:(

[عثمان جلالة]

مدينة عندنا في السعودية فتحوا الزيارات لكل المهن ما عدا سائق خاص أو عامل، بالله تطلعي جواز سفر لو ما عندك، وشوفي واحد بس من شفعك ولا أبوهم مرافق عشان نعمل ليك إجراءات الزيارة ..... التذاكر ..... عليك

[مدنيّة]

مدينة عندنا في السعودية فتحوا الزيارات لكل المهن ما عدا سائق خاص أو عامل، بالله تطلعي جواز سفر لو ما عندك، وشوفي واحد بس من شفعك ولا أبوهم مرافق عشان نعمل ليك إجراءات الزيارة ..... التذاكر ..... عليك

يعني ياجلالة معقولة بس امشي من غير البنات وابوهم !!:eek:

وبعدين التذاكر ما تشيلي ليها هم اصلك

نزار ود حسن قال متكفل بيهم:D

اها ياختي ما اديتني العنوان مي شان ارسل ليك الشهادات واللازي منه ;)

غايتو فيك الخير ياجلالة الوحيدة اللي عبرتني :cool:

[abu_ola]

الله اهديكم كلام مش مظبوط ابدا

حبابك يا الجيلي اخونا بين اهلك و ناسك

الله يهدي الجميع يا ود عشاي

بس ما عرفنا الكلام المامظبوط دا ياتو فيهم كلام الناس البتشجع الأغتراب و لا كلام الناس الواقفة ضد فكرة الإغتراب

و على العموم الحكاية كلها فرفشة و ضحك ليس إلا

و مساحة للتواصل بين المغتربين و المستغربين

[مدنيّة]

حبابك يا الجيلي اخونا بين اهلك و ناسك

الله يهدي الجميع يا ود عشاي

بس ما عرفنا الكلام المامظبوط دا ياتو فيهم كلام الناس البتشجع الأغتراب و لا كلام الناس الواقفة ضد فكرة الإغتراب

و على العموم الحكاية كلها فرفشة و ضحك ليس إلا

و مساحة للتواصل بين المغتربين و المستغربين

يديك العافية ابوعُلا

[مثني ودالعيكوره]

مدنيه لك التحيه ... زخات مطر
وبهدي ليك وللمغتربيين الاغنيه دي

يا المغتربين بري منكم ... اليا العننا ما سألين بري منكم

يا ناس الدمام .. بري منكم
يا الماكلين الحمام وناسييين المدام .. بري منكو
***
ويا ناس الرياض ... بري منكم
يا الماكليين الجداد وناسيين الاولاد .. بري منكم
***
ويا ناس دبي ... بري منكم
انا اووووب عليّ
السودان ولع بيّ ... بري منكم

ولسع بتذكر جوابات المغتربين ... بداية الجواب سلام والشوق الشديد
وفي اخر جواب الواحد البرسلو ليك "دا كان زمن الجوابات قبل الاتصالات ما تنبهل"
يكتب ليك :
ملحوظه : اما بخصوص الفيزا فانها علي وشك ان تصلك بس... الكفيل مسافر
وعلي بال ما تشطب لي بيوتي وتركب المراوح الفيزا ح تصلك...

وانت تصدق الكلام دا وتقفل البيوت والفيزا ما تصلك...
وتركب المراوح .... وتجير البيوت للمره التانيه والفيزا ما تصلك

الظاهر عليها الفيزا دي راكبه في سلحفاء عرجاء وعندها ابوالشهيق "كل ماتمربيها بي سبيل( زير) تشرب منو "

غايتو الله يديكم العافيه يا المغتربيين..

مع عاكر مودتي...

[مدنيّة]

مدنيه لك التحيه ... زخات مطر
وبهدي ليك وللمغتربيين الاغنيه دي

يا المغتربين بري منكم ... اليا العننا ما سألين بري منكم

يا ناس الدمام .. بري منكم
يا الماكلين الحمام وناسييين المدام .. بري منكو
***
ويا ناس الرياض ... بري منكم
يا الماكليين الجداد وناسيين الاولاد .. بري منكم
***
ويا ناس دبي ... بري منكم
انا اووووب عليّ
السودان ولع بيّ ... بري منكم

ولسع بتذكر جوابات المغتربين ... بداية الجواب سلام والشوق الشديد
وفي اخر جواب الواحد البرسلو ليك "دا كان زمن الجوابات قبل الاتصالات ما تنبهل"
يكتب ليك :
مع عاكر مودتي...

غايتو ياود العيكورة وقعت لي × جرح كيف:D

[Madanawi]

غايتو المغتربين ما مرتاحين ولهم همومهم ومشاكلهم
وناس البلد الحال ما عاجبهم وعاوزين يتخارجو كلهم
خلق الانسان عجولا .. والعين ما بملاها الا الترااااااب

الله يهدّي سر الجميع .. ولكم الود،

[مدنيّة]

غايتو المغتربين ما مرتاحين ولهم همومهم ومشاكلهم
وناس البلد الحال ما عاجبهم وعاوزين يتخارجو كلهم
خلق الانسان عجولا .. والعين ما بملاها الا الترااااااب

الله يهدّي سر الجميع .. ولكم الود،

اللهم امييييييييييييين

همسة : متر السيراميك عندكم بكم يالتوم مي شان نقارن بينا وبينكم;)

[عوض الكواكب]

دة كلام امامنا الشافي ياخيتي مدنية ومقالي جايي ورا

تغرب عن الأوطان في طلب العلى وسافر ففي الأسفار خمس فوائـد
تفريـج هـم واكتسـاب معيشـةٍ وعلـمٍ وآدابٍ وصحبـة مـاجـد

الحض على السفر من أرض الذل

ارحل بنفسك من ارضٍ تضام بهـا ولا تكن من فراق الأهل في حرق
فالعنبر الخام روث فـي مواطنـه وفي التغرب محمولُ على العنـق

والكحل نوع من الأحجار تنظـره في أرضه وهو مرمي على الطرق

لما تغرب حـاز الفضـل أجمعـه فصار يحمل بين الجفـن والحـدق

حال الغريب

إن الغريب له مخافة سارقٍ وخضوع مديونٍ وذلة موثق
فإذا تذكـر أهلـه وبـلاده ففؤاده كجناح طيرٍ خافـق

الحض على الترحال

ما في المقام لـذي عقـلٍ وذي أدبٍ من راحة فـدع الأوطـان واغتـرب
سافر تجـد عوضـاً عمـن تفارقـه وانصب فإن لذيذ العيش في النصـب
إني رأيـت وقـوف المـاء يفسـده إن ساح طاب وإن لم يجر لم يطـب
والأسد لولا فراق الأرض ما افترست والسهم لولا فراق القوس لم يصـب
والشمس لو وقفت في الفلك دائمـة ًلملها الناس من عجـم ومـن عـرب
والتبر كالترب ملقـي فـي أماكنـه والعود في أرضه نوع من الحطـب
فـإن تغـرب هـذا عـز مطلـبـه وإن تغـرب ذلـك عـز كالـذهـب

[عوض الكواكب]

ابيت فى غربة لا النفس راضية بها *ولا الملتقى من شيعتى كسب
ولا صديق تسر النفس طلــــــــعته *ولا صديق يرى مــــا بى فيكتئب
ومن عجائب ما لقيت من زمـــــــن *انى بليت بخطب امــــــــره عجب
فان يكن سأنى دهرى وقـــــادرنى*فى غربة ليس لى فيها اخ حدب
فسوف تصفو الليالى بعــــد كدرتها* وكـــــل دور اذا مـــــــا تم ينقلب



مافيا الغربة
اها انا جيتك يامدنية عشان اوريك المكشن بلا بصلة اول بالتبادي في عصابة المافيا دي ابدا ليك بالرؤس الصغار حتين اجي في النص المهمشبن ثم الكبار وفي زقاق قسم بالله تدخلي تشوفيه اوريك ليه طيارت الرش احسن الصوريخ لا المتخلفين ودي بتكون وصلة كلام ياخيتي مدنية عارفاهم ديل منو ناس العمرة
اهة نخش في....
الرؤس الصغيرة
بسم الله ابدا
عامل تربية مواشي وما ادراك بحالهم خيمة في نص الصحراء او بين الجبال اهة دي حال مغترب ولة متغرب نفتح باب الخيمة ولة نسرح معاهم نفتح الباب اول بالتبادي لاترباس لا رزة ربطة حبل ابقوا لي جوة سرير واحد امكن جديد ريسيما دة ماركة السرير او حق خشب عشان استحمل الرحول والرحول عز العرب يعني بالاقليزية كل تلاتة او اربعة يوم الخيمة في محل في كرسي لا اقعدوا في الزولية ديك طبعا الزولية عندنا السباتة او السجاد ها جنة اكرم الضيوف بيبسي بايت حار والمشروب الغازي لمن يكون حار مذاقو كيييف ولة اقل لك املا ليهم السحلة موية خلهم يشربوا السحلة دي الكورة عندنا الموية وين يابة في الدبة الدبة دة الجركانة عندنا ولة احسن الوايد مويتو باردة بتكون والله وقسم يامدنية حالف الجكن الاكلتينا ليه اطلعو عضم عضم اخلي تشليح اهة نسرح ولة ناكل لينا لقمة تسندنا ياجماعة ناكل نحنا جيناك دة قومة دغش الرحمن نلف من وادي لي وادي ومن شعيب لي شعيب دة عندهم الخور عندنا حتين وصلنالك وكما الوصف كنا تهنة في الصحراء قتلنا الجوع والعطش والكلام دة حصل يامدنية ناس كتار ماتوا كدة اهة شربتوا ورويتوا والله البطن مليانة لكن الحلق ناشف ناخد لينا غمدة ونقيل هي السموم دي بي تخلي ليها واحد يغمد احسن نتونس و وردة الجزائرية قالت بتونس بيك هي يازول انت ما سمعت حميدان ماوقعت فيهو صاقعة كاتلة ليها جملين وهو الله حلاهو الله مالو اندفن في التراب اكان تشوف الرويس الطالع برة التراب يعني كان ما اندفن كان مات عمل ليهو كرامة ونحن اتعشينا معاهو سلامة والله دي حقيقة يامدنية اهة تاني مافي خبيرا جاي ولة جاي اسكت ااازول السيل اللجة والمطرة مابشتنت الروعية ناحيتنا كلهم وشالت خيامهم هوووي انتو ما سمعتو بالامين ما هجم عليه ذئب جرحو وخربشو شديد لكن امانة الامين ما راجل سوداني حر حرم شقة خشمو نصين زعلة ساكت وغضبة والله جابو صورتو في الجرايد والمجلات يامدنية اهة كفاك ولة اذيدك ودي حصلت حقيقة
بعد دة الاكل عايز ساعتين ويجهز كيييف الكلام دة ها جنة غسل قدر الملاح اسوي شنو انت غسلت الحلة اااااااي العدس هناك والبصل وجمبهن كيس البر حق العصيدة وفي مرقة دجاج ماتنسها
الحمد لله شبعنا شبعة شديدة وبعد دة نشرب الشاي ونشيل لينا خشم خشمين عشان القعدة طالت
وبنرجع تاني نواصل الحديث ياخيتي مدنية

[طلال الصول]

عاش مين شافك ياطلال
كنت مختفي وين ؟؟ انا هسي قلت خلاص طلال رجع البلد :D


اها اناي زاتي بينك وبينك كدا بلاد الخليج دي ماعايزاها بفتش لبلاد العم سام كان عندك لي طريقة قولها سااااااااي ولك كل الدعوات

همسة : قلت لي اعتماد دي منوووو :cool:



بالصحة والطيبات انشاء الله يامدنية
الرجعة والله فكرتا فيها جادي اليومين ديل اخوك كان عيان وبراو والله اتجرست جرس
زول ساي احنسيني لي شوربة ماف

العم سام دا صاحبنا من زمان بنتوصت ليك
اعتماد دي اخت صاحبي :D

[مدنيّة]

ابيت فى غربة لا النفس راضية بها *ولا الملتقى من شيعتى كسب
ولا صديق تسر النفس طلــــــــعته *ولا صديق يرى مــــا بى فيكتئب
ومن عجائب ما لقيت من زمـــــــن *انى بليت بخطب امــــــــره عجب
فان يكن سأنى دهرى وقـــــادرنى*فى غربة ليس لى فيها اخ حدب
فسوف تصفو الليالى بعــــد كدرتها* وكـــــل دور اذا مـــــــا تم ينقلب



مافيا الغربة
اها انا جيتك يامدنية عشان اوريك المكشن بلا بصلة اول بالتبادي في عصابة المافيا دي ابدا ليك بالرؤس الصغار حتين اجي في النص المهمشبن ثم الكبار وفي زقاق قسم بالله تدخلي تشوفيه اوريك ليه طيارت الرش احسن الصوريخ لا المتخلفين ودي بتكون وصلة كلام ياخيتي مدنية عارفاهم ديل منو ناس العمرة
اهة نخش في....
الرؤس الصغيرة
بسم الله ابدا
عامل تربية مواشي وما ادراك بحالهم خيمة في نص الصحراء او بين الجبال اهة دي حال مغترب ولة متغرب نفتح باب الخيمة ولة نسرح معاهم نفتح الباب اول بالتبادي لاترباس لا رزة ربطة حبل ابقوا لي جوة سرير واحد امكن جديد ريسيما دة ماركة السرير او حق خشب عشان استحمل الرحول والرحول عز العرب يعني بالاقليزية كل تلاتة او اربعة يوم الخيمة في محل في كرسي لا اقعدوا في الزولية ديك طبعا الزولية عندنا السباتة او السجاد ها جنة اكرم الضيوف بيبسي بايت حار والمشروب الغازي لمن يكون حار مذاقو كيييف ولة اقل لك املا ليهم السحلة موية خلهم يشربوا السحلة دي الكورة عندنا الموية وين يابة في الدبة الدبة دة الجركانة عندنا ولة احسن الوايد مويتو باردة بتكون والله وقسم يامدنية حالف الجكن الاكلتينا ليه اطلعو عضم عضم اخلي تشليح اهة نسرح ولة ناكل لينا لقمة تسندنا ياجماعة ناكل نحنا جيناك دة قومة دغش الرحمن نلف من وادي لي وادي ومن شعيب لي شعيب دة عندهم الخور عندنا حتين وصلنالك وكما الوصف كنا تهنة في الصحراء قتلنا الجوع والعطش والكلام دة حصل يامدنية ناس كتار ماتوا كدة اهة شربتوا ورويتوا والله البطن مليانة لكن الحلق ناشف ناخد لينا غمدة ونقيل هي السموم دي بي تخلي ليها واحد يغمد احسن نتونس و وردة الجزائرية قالت بتونس بيك هي يازول انت ما سمعت حميدان ماوقعت فيهو صاقعة كاتلة ليها جملين وهو الله حلاهو الله مالو اندفن في التراب اكان تشوف الرويس الطالع برة التراب يعني كان ما اندفن كان مات عمل ليهو كرامة ونحن اتعشينا معاهو سلامة والله دي حقيقة يامدنية اهة تاني مافي خبيرا جاي ولة جاي اسكت ااازول السيل اللجة والمطرة مابشتنت الروعية ناحيتنا كلهم وشالت خيامهم هوووي انتو ما سمعتو بالامين ما هجم عليه ذئب جرحو وخربشو شديد لكن امانة الامين ما راجل سوداني حر حرم شقة خشمو نصين زعلة ساكت وغضبة والله جابو صورتو في الجرايد والمجلات يامدنية اهة كفاك ولة اذيدك ودي حصلت حقيقة
بعد دة الاكل عايز ساعتين ويجهز كيييف الكلام دة ها جنة غسل قدر الملاح اسوي شنو انت غسلت الحلة اااااااي العدس هناك والبصل وجمبهن كيس البر حق العصيدة وفي مرقة دجاج ماتنسها
الحمد لله شبعنا شبعة شديدة وبعد دة نشرب الشاي ونشيل لينا خشم خشمين عشان القعدة طالت
وبنرجع تاني نواصل الحديث ياخيتي مدنية

مرحب بيك عوض الكواكب الزول المغترب :D

طب ياعوض اسعلك سعال يعني وقت المعاناة دي كلها حااااااااااااصلة شنو المقعدكم ؟؟

ومنتظراك لبقية الحديث

[السباعي]

الخالة مدنية لا تغرنك المظاهر.....الجماعة ديل فيهم ناس ما لاقين ياكلو...وأسأليني انا......واسمعي كلام عوض الكواكب كويس.....

[عوض الكواكب]

مرحب بيك عوض الكواكب الزول المغترب :D

طب ياعوض اسعلك سعال يعني وقت المعاناة دي كلها حااااااااااااصلة شنو المقعدكم ؟؟

ومنتظراك لبقية الحديث






اشكرك ياخيتي مدنية على التجاوب
زول زادتني فخرا اعتز بيها وهي شهرة لينا من بين كل العرب بل بين كل الشعوب
وما في اي شحص في العالم له مفردة معروف بها من لهجته
ولو اعطيتك الاجابة مات البطل
اجابة سوألك في سرد هذا الموضوع الشائك انشاء المولى لأن المسألة نسبة وتناسب

<!>

[مدنيّة]

بالصحة والطيبات انشاء الله يامدنية
الرجعة والله فكرتا فيها جادي اليومين ديل اخوك كان عيان وبراو والله اتجرست جرس
زول ساي احنسيني لي شوربة ماف

العم سام دا صاحبنا من زمان بنتوصت ليك
اعتماد دي اخت صاحبي :D

خلاص تعال ياطلال اصلا فتحنا مكتب بتاع المكاشفي للاستقدام الخارجي وماعندك مشكلة بنخت ليك طوبة عشان الصف طووووووووووووووووووووويل:cool:

همسة : ياكافي مافي زول حنسك للاكل قاعد براك ولا شنو ؟ غايتو انا عارفة انك في السعودية ومااااااظن في زول في السعودية بيقعد براه ،، ارحل منهم الساكن معاهم ديل :D

[مدنيّة]

الخالة مدنية لا تغرنك المظاهر.....الجماعة ديل فيهم ناس ما لاقين ياكلو...وأسأليني انا......واسمعي كلام عوض الكواكب كويس.....

اهلا بيك ياولدي معانا في المنتدي :D
ويلا ورينا ابداعاتك

تعرف يالسباعي انا المجنني المالاقين ياكلوا ديل وقاعدين هناك لسة :(

اها بخسوسي انا لا عايزة اغترب لا يحزنون :cool:

همسة : مافي زول يقول الكديسة لما ما تلقي اللبن ;)

[مدنيّة]

اشكرك ياخيتي مدنية على التجاوب
زول زادتني فخرا اعتز بيها وهي شهرة لينا من بين كل العرب بل بين كل الشعوب
وما في اي شحص في العالم له مفردة معروف بها من لهجته
ولو اعطيتك الاجابة مات البطل
اجابة سوألك في سرد هذا الموضوع الشائك انشاء المولى لأن المسألة نسبة وتناسب

<!>

اكيد يازول :D
ومافي احلي من لهجتنا السودانية وسودانيتنا التي نعتز بيها


تعرف ياعوض للان ما لقيت اجابة علي سؤالي دا

[نزار حسن محمد]

خبر عااااااجل ....
مدنيه فى طريقه للاغتراب
...
وانتظروووو الرد العكسى

[مجدى سنجر]

على وزن ما كتبته أخونا عوض الكواكب
يقول القالك:
بليتو بصحبة قوم لا استطيع فراقهم
ولكنى صائد رزق
ولا بد للصياد من صحبة الكلب
ارجو المعذرة ولكن الكلب رمز الوفاء

[طلال الصول]

والله يا مدنية يا اختي براي يعلم الله اكان ابوي بيني وبينو الف ودقداق كيلو ونازل هو زاتو
واقولك كمان ساكن الله ورقبتي

داون كدا
مافي طريقة تقربو الطوبة بتاعتي شوية لي قدام ما في مانع من دفع الرشوة
طبعا الرشوة دي كلمة اندر تيبل وبالحبر السري

[عوض الكواكب]

نرجع تاني نواصل الحديث ياخيتي مدنية
في واحد جاي جديد قال اكان شغال مدرس وجة البلد دي عشان يدرس خصوصي لكن قسم بقة يدرس الشفع ويسرح بالبهم ويحلب ويصرر وفي دكتور بيطري قرف وقال راجع لقة شغلو هنا نظري وعملي كيف ياخوي مافهمتة عليك اشرح لي.... يعني اخونا دة سرح وساق الوايد حق الموية وحلب وصرر وفي النهاية عالج البهائم لكن الاجاويد ما دخلوا بين البيطري وكفيلوا وحلوا المشكلة ونقل علي مزرعة حقت البان لكن دحين العقرب ما في نبلة يامدنية صاح لكن اخونا احمد مارجع على طول مما لقة الوضع ما عاجبو رجع هي لكن زوجتو ما ريحتو ساعة وصل البلد عوة شديدة راجل التابة واليابة....مافي داعي ..الخ وعايزكم تضحكوا معاي في ردو ليها (علي قلبي كان حبك حاكم .... بندم عليك دعم الندم علشان خاطر عينيك ضيعت انا حالي وكنت اظن انك حبيبي قلبي كان ينشد تعود ليه...) علي فكرة الاغنية للفنانة نوال الزغبي وانشدها لها كاملة لحن ورقص وما كان لها الا ان ترضى بالامر الواقع وهذه حقيقة يا خيتي مدنية( لكن احمد زكي) وللحديث بقية

[مدنيّة]

خبر عااااااجل ....
مدنيه فى طريقه للاغتراب
...
وانتظروووو الرد العكسى

مدنيّة ما منتظراك ترسل ليها الفيزا بس انت نطيت من كلامك:(

[مدنيّة]

على وزن ما كتبته أخونا عوض الكواكب
يقول القالك:
بليتو بصحبة قوم لا استطيع فراقهم
ولكنى صائد رزق
ولا بد للصياد من صحبة الكلب
ارجو المعذرة ولكن الكلب رمز الوفاء

لاحولة
معقولة للدرجة دي:eek:

[مدنيّة]

والله يا مدنية يا اختي براي يعلم الله اكان ابوي بيني وبينو الف ودقداق كيلو ونازل هو زاتو
واقولك كمان ساكن الله ورقبتي

داون كدا
مافي طريقة تقربو الطوبة بتاعتي شوية لي قدام ما في مانع من دفع الرشوة
طبعا الرشوة دي كلمة اندر تيبل وبالحبر السري

غايتو ياطلال معني انك ساكن براك في السعودية دي انك مرطب ترطيبة الف ، يعني ما تبع جماعة عوض الكواكب ديل :D

بعدين ماعندك اي مشكلة نجرها ليك الطوبة دي اصلو الصف تووووووووووووويل والشمس دي ما ح تقدر تقيف فيها باعتبار انك مغترب :cool: والرشوة دي حااااااصلة بس مااسمها رشوة ياخ اسمها تسهيلات مي شان كدا خليها بفوق الطربيزة :rolleyes:

[مدنيّة]

نرجع تاني نواصل الحديث ياخيتي مدنية
في واحد جاي جديد قال اكان شغال مدرس وجة البلد دي عشان يدرس خصوصي لكن قسم بقة يدرس الشفع ويسرح بالبهم ويحلب ويصرر وفي دكتور بيطري قرف وقال راجع لقة شغلو هنا نظري وعملي كيف ياخوي مافهمتة عليك اشرح لي.... يعني اخونا دة سرح وساق الوايد حق الموية وحلب وصرر وفي النهاية عالج البهائم لكن الاجاويد ما دخلوا بين البيطري وكفيلوا وحلوا المشكلة ونقل علي مزرعة حقت البان لكن دحين العقرب ما في نبلة يامدنية صاح لكن اخونا احمد مارجع على طول مما لقة الوضع ما عاجبو رجع هي لكن زوجتو ما ريحتو ساعة وصل البلد عوة شديدة راجل التابة واليابة....مافي داعي ..الخ وعايزكم تضحكوا معاي في ردو ليها (علي قلبي كان حبك حاكم .... بندم عليك دعم الندم علشان خاطر عينيك ضيعت انا حالي وكنت اظن انك حبيبي قلبي كان ينشد تعود ليه...) علي فكرة الاغنية للفنانة نوال الزغبي وانشدها لها كاملة لحن ورقص وما كان لها الا ان ترضى بالامر الواقع وهذه حقيقة يا خيتي مدنية( لكن احمد زكي) وللحديث بقية

غايتو ياعوض ياخوي متل الاغتراب دا ماعايزنه :D


وبرضو منتظرين بقية الحديث

[طلال الصول]

غايتو ياطلال معني انك ساكن براك في السعودية دي انك مرطب ترطيبة الف ، يعني ما تبع جماعة عوض الكواكب ديل :D

بعدين ماعندك اي مشكلة نجرها ليك الطوبة دي اصلو الصف تووووووووووووويل والشمس دي ما ح تقدر تقيف فيها باعتبار انك مغترب :cool: والرشوة دي حااااااصلة بس مااسمها رشوة ياخ اسمها تسهيلات مي شان كدا خليها بفوق الطربيزة :rolleyes:




والله يامدنية يا ختي السكنة الواحد براو سمحة وكعبة وسمحة شديد وكعبة شديد
وكان الترطيبة دي يعني قاعد في الرطوبة انا جمب البحر اسكتي ساي :rolleyes:

صدقتي الحر والشمس ديل ما بنقدر علين المشكلة زمانك اكانو مسمني كلب الحر من كتر الحوامة في الشمس حسي اتحنكشت حنكشة شديدة :cool:
نقطة نظام : احنا الناس المساكين المغتربين ديل ما زيكم مفتحين وما بنعرف التساهيل
والكلامات دي :D

[مدنيّة]

والله يامدنية يا ختي السكنة الواحد براو سمحة وكعبة وسمحة شديد وكعبة شديد
وكان الترطيبة دي يعني قاعد في الرطوبة انا جمب البحر اسكتي ساي :rolleyes:

صدقتي الحر والشمس ديل ما بنقدر علين المشكلة زمانك اكانو مسمني كلب الحر من كتر الحوامة في الشمس حسي اتحنكشت حنكشة شديدة :cool:
نقطة نظام : احنا الناس المساكين المغتربين ديل ما زيكم مفتحين وما بنعرف التساهيل
والكلامات دي :D

غايتو × السعودية اول مرة اسمع بالسكن المنفرد دا ياطلال:)

تعرف ياطلال اكتر حاجة بتغيظني في المغتربين ديل
الواحد تلقاه سافر ليه اسبوعين يجي السودان يعمل لينا فيها ابو الحنكشة زاااااااتها :(

ردا علي نقطة النظام
اها بعد ما اتحنكشتوا انتو احنا غيرنا اسم الرشوة وسميناها تسهيلات :rolleyes:

[طلال الصول]

غايتو × السعودية اول مرة اسمع بالسكن المنفرد دا ياطلال:)

تعرف ياطلال اكتر حاجة بتغيظني في المغتربين ديل
الواحد تلقاه سافر ليه اسبوعين يجي السودان يعمل لينا فيها ابو الحنكشة زاااااااتها :(

ردا علي نقطة النظام
اها بعد ما اتحنكشتوا انتو احنا غيرنا اسم الرشوة وسميناها تسهيلات :rolleyes:





اول حاجة انا مخالف السنة والشريعة ومسكين لا عروس لا اصحاب اشان يسكنو معاي

تاني شي انا مغترب تلات ارباع عمري يعني من حقي الحنكشة خالص

التالتة بقى ما قلت ليك يا حليلنا وخليل ايامنا


كدى خلينا في المهم لقيتي لي شغل والا لسة



ملحق : السيرة الزاتية رسلتها ليك بالفاكس

[حساام]

تحياتي للخاله مدينة وتحياتي للكل وللأستاذ / صلاح الطاهر
والله مدينه عندها حق لكن المشكله بعد نرجع نلقي حانعمل شنو؟؟نلقي الشفوت في السودان قفلوا كل فرص الوظايف صاح؟

بالمناسبة ياأستاذ / صلاح رقم جوالك رايح مني ممكن تتصل علي او تديني ليه عبر الشمارات دي ههههه

تحياتي
حسام الدين فاروق

[waheeb]

اختنا مدنيه لم استطع ان امنع نفسي من الضحك صحي كلامك ما فيه ايئ غلط لكن هجومك شرس عليهم لكن اقول ليك بستاهلو عشان لواحد لمن تسألو اها الحال كيف بدل يحمد ربو يقول ليك الاسطوانه المعروفه والله البلد بطاله ، مافي شغل، فايتنكم بالصبر، الجايبكم شنو للبهدله وبعد دا كلو الواحد يجيك نضيف عربه اخر موديل وبعد شويه تلقاهو قاعد يبني ولمن تسالو يقوليك سعودية شنو!!!!!!!
اها دي جنس حاله .. عليك الله اديهم ووريهم عروضك ...

[الصادق السماني]

السلام عليكم
يا اخت مد ينه هذا هو الحاصل لكن اقوليك ابشرك السودان بخيره خيرو وفير



يمشي الفقير وكل شي ضده
والناس تغلق دونه ابوابها

وتراى مبغوضآ وليس بمزنب
ويرى العداوه ولايره اسبابها
حتي الكلاب اذا رات ذو ثروه

خضعت لد يه وحركت انيابها
واذ رات يومآ فقيرآ عابرآ
نبحت عليه وكشرت انيابها


والكــعاكه السوبر فايزر

[الصادق السماني]

اليوم طالت غربتي
واليوم قلت همتي
اليوم كثرة زلتي
وياحليل اهلي البيهم معزتي
انا ياوطن بهواك
لا نك فيك امى
وابى واخوتى ورفقـتى


(ود الكــعاكه)

[عوض الكواكب]

يامدنية بصراحة ما حصلتي على 10%من الاجابة للبوست هذا
ام الحنكشة دي شيْ تاني وانا مع اخشوشنوا فاٍن النعمة لا تدوم

[portbail]

الاخت مدنية اولا حمد لله علي السلامة
الناس كدابين شقتي ليك مغترب قال انا جاي وجا راجع
عزيزي محمد السر
أقبل علي النفس واستكمل فضائلها *** فأنت بالروح لا بالجسم إنسانا

الحمد لله قررنا ورجعنا رقم مغريات الغربة وأصحاب الشغل لكن فضلنا نعيش وسط أهلنا نعيش حياة كريمه والحمد الله وكسره بي مويه في بلدي أحسن أيتها حاجة والسودان ما يرفض وزول بستقبل الجميع بصدر رحب فقيرهم وغنيهم كبيرهم وصغيرهم بس أهلنا في الغربه يتخزوا قرار الرجعة كيف ؟؟؟

مدنية أختي ألزمي الجابره ووهطي قعدتك وتذكري
نحن أصحاب بلد نقعد نقيف علي كيفنا

ومفروض المغتربين هم الإحسدوك علي حالك لأنك في نعيم "أنا عشت العهدين الغربة والإستقرار "ولكنني حالياً مرتاااااااااااااااااااااااح في نص أهلي والحمد لله - يالا لا غربه لا وهم

[محمد أحمد الشيخ]

يا مدنية هاك

قالو ليك واحد مغترب جديد أول ما وصل المطار لقي ليك أتنين سودانيين ..... قام سألم أها يا جماعا بلدكم دي كيف ؟؟؟؟؟؟؟
قالوا ليهو :- والله بلد تمام ... عليك الله شوف النظافة دي .. وشوف الخضرة دي .. وشوف شجر التفاح ده .. وشوف شجر العنب ده .. وشوف شجر الزيتون ده ..
تقول لي السودان ياخي !!!!!!!! عليك الله شايف ليك شجر نيم هنا ؟؟؟؟؟ صاحبنا الجديد قال ليهم :- لا ....
قالوا ليهو :- ده كلو أكلناهو نحن .....

[ابو جعفر]

والله يا مدنية انا جيت من السودان قبل شهر والله جاني احباط
الناس عايش عندكم في امن وامان والله حاسدينكم واي واحد مليان
قروش زمان الناس بتعزمنا في البيوت والان عزايم في الاندية وحاجات
تانية :) :)

[مختار بازى]

يا مدنية هاك

قالو ليك واحد مغترب جديد أول ما وصل المطار لقي ليك أتنين سودانيين ..... قام سألم أها يا جماعا بلدكم دي كيف ؟؟؟؟؟؟؟
قالوا ليهو :- والله بلد تمام ... عليك الله شوف النظافة دي .. وشوف الخضرة دي .. وشوف شجر التفاح ده .. وشوف شجر العنب ده .. وشوف شجر الزيتون ده ..
تقول لي السودان ياخي !!!!!!!! عليك الله شايف ليك شجر نيم هنا ؟؟؟؟؟ صاحبنا الجديد قال ليهم :- لا ....
قالوا ليهو :- ده كلو أكلناهو نحن .....

:D :D :D
احلي زول يا ود الشيخ:D
اكلو النيم كلو لاحولا


همسة:
غيرتي رايك ولا لسة

[مدنيّة]

بجي راجعة ليكم واحد واحد بس افضي شوية
باقي اليومين ديل الشغلة شوية كتيرة

وانتظروني في بوست جديد بعنوان ( المغتربين × الاجازة:D )
عشان تعرفوا بري منكم ولا لا :mad:

[طلال الصول]

دا بوست والا عنوان فيلم يامدنية

المغتربون × استنبول

[بشار محيسي]

يسم الله الرحمن الرحيم
السلام عليكم ورحمة الله تعالى وبركاته

التحية لجميع الاخوة بمنتدى ود مدني,

لعدد من السنوات وانا اتعامل مع الانترنت حيث اقوم بزيارة المواقع المتنوعة واتصفح كل صفحاتها بشكل يومي وفي كل تلك السنوات كنت امر مرور الكرام بالمنتديات, فقد يكون جهلا بها او كسلا كما هو (معروف عنا كسودانيين) ولكن في الفترة الاخيرة بدأت اتوقف قليلاً في بعض المنتديات لعمل قرأة سريعة لبعض المواضيع التي التي تلفت الانتباه على شكل ال(take away) واخيراً صادفت احدى البرامج بتلفزيون السودان القومي ويدعى (ساعة شباب) وقد كان الحديث عن المنتديات فبغض النظر عن البرنامج و ما دار فيه من حديث فقد كان لي دافع بان تكون لي مشاركة في احدى المنتديات و بما انني من مدينة ود مدني فقد كان خياري الاول منتدى ود مدني, وبدأت بالاطلاع عليه من خلال المواضيع العامة واسماء المشاركين فقد تاكد لي بان هنالك مواضيع كثيرة واشخاص كثيرون يمكن الاستفادة منهم وان هنالك ايضا مساحة واسعة للمشاركة ولكن ما يصعب الامر تناولها بشكل شخصي بمعنى ان البعض يضون تعليقاتهم على بعض الامور ويظل البقية يردون عليهم بطريقة التعليق التي تجعل من الموضوع ونسة شخصية, على العموم لا اود ان اتعمق في الامر حتى لا اكون ناقدا , بل اردت ان اقول بان لدي الرغبة في المشاركة في كثير من الواضيع المطروحة و التعليق و النقد ولكن ليس بشكل الزم.

مشكورين

اخوكم
بشار محيسي

[بشار محيسي]

ارجو المعذرة فحقيقة انني حديث عهد بالمنتديات والتعامل معها فهذه هي مشاركتي الثانية اليوم فوددت ان اعيدها للتاكد من وصول المشاركة الاولى حيث انني جاهل بالتعامل من خلال المنتدى فارجو منكم التوجيه.

مشكورين

اخوكم
بشار محيسي

[محمد أحمد الشيخ]

مرحبا بك حبيبنا بشار محيسي ..... وأنا أقول المنتدي ده ما لو منور كدي الليلة

المهم يا حبيبنا نيابة عن المشرفيين بنرحب بيك في بيتك وطبعا ده ما مكان ترحيب لانو البوست خاص بالإخوة المغتربيين أمثالكم .

خليك مداوم علي الظهور وحاتعرف أي حاجة

أخوك / محمد باسطة

[بشار محيسي]

الاخت مدنية سلام و كيفنيك؟ ان شاء الله طيبة,

كده النسألك انت معانا ولا مع الخيانة يعني مغتربة و لا في السودان؟ على العموم الشئ الفهمته انك انت الفتحتي الموضوع ده معليش انا لسع برلوم في المنتديات لكن فتحتي ليك موضوع ما بنقفل ولو قلنا نتكلم او نقنع الشباب في السودان بحال المغترب ووووووووووك حنتشاكل ونزعل من بعض. باختصار للجميع كل من يحصل على فرصة للاغتراب بعد ما تتقفل في وشه اتوكل واغترب (نساء ورجالا) ويجئ ويجرب الغربة فبالرغم من اني حديث تجربة بالغربة (4 سنة) فقط الا انني توصلت الى انو اي حد يقدر اضمن (سترته) في السودان من اكل وشراب وعلاج بعمل ثابت ما افكر اغترب لانو ده هو الشئ الوحيد الموفره المغترب بس في عيب على السودانيين لو الواحد بس ركب طيارة في مطار الخرطوم وفجأة الكابتن قال انو في عطل وقاموا اجلوا السفرية فطلعت الناس من الصالة وهم نفس الناس القبل 15 دقيقة ودعناهم تلقى الناس تهمس عليك الله عيين ده ابيض كيف يا خي ديل مرطبيين وداك السمينة ده لييه 15 سنة مغترب كان ضعيييف ودى والله لو ما كانت اغتربت ما كان عرست هاهاهاها فقولي لي كيف حا نقدر نقنع الناس بقلة الفايدة و كترة العزاب في الغربة اذا نحن ما حانقدر نقنع الناس فس المطار انو ديل رحلتهم اتاجلت؟

[الصادق السماني]

مدينه مالك علينه
المغـتربين حالون حال السرور
لوعصر الحيطه تولع نور
هههههههههههههههههههههههههههههه

[ربيع الدنيا]

والله يا مدنية كلامك كلو صاح بس نقول انشاءالله تبقو زى المغتربين ديل وانتو فى بلدكم راحات وكندشه وشكولاتات سااااااااااااااااااى

[ود الاغبش]

السلام عليكم يا شباب
الله يجازيك بالخير يا اخت مدنية نقرتي علي وتر حساس
خليتي الكل يهضرب
لكن اسمعي انقول ليك
اي نعم نحن ضاربين المكيفات و الهواء البارد و ما عندنا كهرباء بتقطع و اولادنا سمان و لكن ......
تتخيلي رغم دا كلو مستحيل تلقي مغترب بالو مرتاح
مستحيل تلقي مغترب ينوم في الحوش هانئ البال
اتحداك لو في مغترب عمره اكتر من 35 سنة
و ما عندو ضغط و لا سكري
دا غير وجع النفسيات التانية
و الله و الله انتو في نعمة ما بتعرفوها الا تفقدوها
و الله لا يحرمكم منها و حا نواصل
افرازات الاغتراب السلبية في لحظة اخري

[nasir]

طريق نحو اللامجهول دنيا تانية الاغتراب مثل الموت

[الجيلي حسن يوسف]

الله اخليك لا تتكلمي كدا انتي و الله توزني 100 مغترب انتي مشاركة فعالة في مجتمعك و كل يوم شايلة عامودك للمستشفي و ين احسن من كدا و مرتاحة نفسبا اكتر من اي واحد حتي لو كان في امريكا

[مايسة]

أتاريك من 2007 حاقدة على المغتربين :cool:;)

[Amin Idries]

و أنا أشيل و اقول مدنية دي مالها مع انها بت جيرانايادوب فهمت الحاصل