غايتو انتو يا المغتربين بري منكم !!! [الأرشيف]

مدنيّة

26-04-2007, 12:23 AM

اكتر حاجة بتغيظني في المغتربين ديل لما تجي تتكلم معاهم وتقول ليهم شوفوا لي شغل معاكم يرد يقولوا ليك والله انت قاعد في نعمة ما عارفها ساااااااااي قاعد في بلدك وسط اهلك وتعمل العايزه وما في أي زول بيسالك ( نحن ولاد بلد نقعد نقيف علي كيفنا ) اها تقوم تقتنع بكلامه دا وتقول ليه طب ياخ ما ترجع لبلدك دي المانعك شنو من الرجوع ؟؟
يقول ليك لالا ما بقدر بعد كدا اعيش في السودان انا خلا كيفت وضعي علي العيشة برة البلد !!!!!
اها يالمغتربين مالكم وحالكم حال الزينين وعدوا معاي لا عندكم سخانة جو لا كهرباء قبل ما تجي زي الناس تقطع تاني لا اولادكم بيمرضوا – مافي زول يجي بكرة يقول مدنية سحرت ليي اولادي :D – مبسوووووووووووطين اربعة وعشرين قيراط بياكلوا الشكولاتات بالانواع والاشكال ويشربوا الالبان والعصائر بالعلب احنا شفعنا يالله الله تلقي ليهم وقية لبن في الاسبوع يشربوها وتغسلوا هدومكم باريل وكمان معاه لمسة داوني احنا كان غسلنا هدومنا ياهو صابونه الغسيل دي بالله الصابونة الواحدة تغسل بيها خمسة دست وكان علي الاكل شبعااااااااااااااااااااااانين شبع السنين والجكن دا ما مخلين فيه شئ ، اها شئ بروست وشئ رضوي وشئ كنتاكي وشئ ما بعرف شنو احنا من الاسم بس تقوم جاري (جدادة ) ومرة كل خمسة شهور تتلما فيها الحلة كلها
وكله كوم ومعاجين الاسنان بتاعتكم كوووم براه شئ ضد التسوس وشئ بنكهة شنو ما بعرف وشئ للاسنان الحساسة وشئ للاسنان اللي ممكن تكون حساسة وشئ للاسنان الحساسة واللي ما نفع معاها بتاع الاسنان الحساسة واحنا لينا الله وعيشة السوق ياهو ابو وردة دا اذا وجد يعني ولو ما وجد الواحد يكشح وشه بحبة موية ويجي طالع
هووووووووي اسمعوا مافي زول يقول مدنية عندها حقد طبقي دفين وطهر من خلال البوست دا لكن بالجد والله بستغرب انكم عائشين عيشة هنية وما راضين ليها نجي نقول ليكم بدلونا تقولوا لا اها نفهم شنو بس احنا !!! :confused:

ابراهيم

26-04-2007, 12:27 AM

ههههههههههههههههههههه
انا بكمل ضحكتي وبجيك

نزار حسن محمد

26-04-2007, 12:32 AM

..بت امى مدنيه ..ياخوانا ..معليش امسحوها لى فى وشى مدنيه الحمى طلعت ليها فى راسها يومين والكهرباء قاطعه والجو ذى جهنم سخانه تفرطق حبة العيشه ..وهى متعوده على شاى البن نص النهار
فارجوا المعذره ... لكن بينى وبينك يامدنيه حمتك اريتا حمة السرور فتيتى فت العيش وطلعتى النصيحه
عددددديل ..كدى انا من الضحك ماقادر ارد عليك ..بمشى وبجيك راجع .

ود المطامير

26-04-2007, 12:46 AM

هع هع هع هع هع
جايين وين يا مدنيه ؟ عليكم الله خليكم قبلكم وما تجوا تضايقونا
وأكان جيتوا يعنى ح تخلوا السودان فاضى يعنى ؟ وبعدين إنتوا
عندكم خبره التكيف مع الأجواء الحاره والمعدومه والمشى كدارى
والكتاحه ودفن الميت وسيرة العريس والمويه الفيها أبو الضبضوب

ونحنا إتبرمجنا على المكيف أبو ريمونت كنترول والبيرجر وحاجات
أنا زاتى ما بعرف إسمها وباكلها ساااى حتى بالقشور والبزور

عليكم الله خليكم قاعدين هناك علشان لما نجى إجازه نمغصكم
بالوجوه النايره والكلام المعوج .. سياره ... زين ... هلا والله
وشفعنا يخافوا من الجداده البتسكوها علشان تاكلوها

غايتو ... مافى ليكم هع هع هع هع

صلاح ودالطاهر

26-04-2007, 12:47 AM

اختي مدنية اولاً في التبادي الحمد الله علي السلام وعيد ميلاد سعيد كدي ختي الرحمن في قلبك وزي ماقال نزر قطعتي المصارين من الضحك وقالوا في المثل المعارف يقول عدس اه يابت امي كيفن حالك والخرطوم لسع تقوموا تقعوا براكم ربي معكم ربي يخدر عود ضرعتكم اه كلامك ده كل صاح لكن البيقنع الديك شنو
اهل المنتدا حبابـكم زينة في كلام مدنية
بيـك اتشرفـت دارالمنتدي صافي النية
سائـل ربـي يحميكي وتكوني هنيـة
ويكيفيك شر هناي ما نلقى فيكي عشية
قالولنا الرحول لبلاد حسب كلام مدنيه
اهل المنتدا اهل المراح والجيه
ان بقت مدني هي المعنيه
ضابحين السمينه ام جنيات متكيه
ناكل شيه حد من صباح لي عشه

اسكتي ساااااااااااااي حبيبة قساااااااااااااي ما يغرك كلام المغتربين اصلو قالو في المثال علي حسب كلام خونا التنفرز القرفي مصنف المغتربين كاتي
قال نسوانهم سماأاااان ومكان واولادهم عوره ورجالهم كضابين الله يكفين شر كلامه واستغرتك يامالك روحي برجعليك لنضمك الحلوه ده وتسلمي من كل اذي

ابراهيم

26-04-2007, 12:56 AM

لكن يا مدنية الصابونة البتغسل خمسة دست مبالغة غايتو جنس مباصرة
شغالة بالنية ولا شنو :D
أما ابو وردة دة صابون رومانسي واحلى منو مافي
والله ضحكتني مسألة الأسنان الحساسة دي:D
مدنية كدي احكي لينا برواقة كدة الحاصل شنو

المسافر

26-04-2007, 12:59 AM

والله ياهو الحقد الإجتماعي زاتو . . . وكعبوية منك بس :D

والحاجات التتكلمي عنها دي لا تسوى شيء مقابل
والإحساس بإنك غريب بإستمرار وبين توهان العقول

وأهبك كل الوداد

ابورجاء

26-04-2007, 01:00 AM

الغالية عمتي الطيبة مدنية
اولا حمدا لله على سلامة البنيه واجر وعافية بأذن الله..

بعد ده تعالي لي هنا كلامك يدل على حقد
دفين يدل على طفولة مشرده :D ;) :p :eek: ....
ههههههههههههههههههههههههههههههه
والله يا عمتي الما بيعرف يقول عدس كلامك كلوا صح
من ناحيتك وغلط من ناحية العاش الغربة صح يعني
الاتمرمط فيها صح مالقى اليسندو من جاء الغربة
يعني بالمعنى الواضح في الغربة لو ما عندك حد يسندك
مجرد ما وصلته (كان زمان اسه نهي سندالكل في نفسوا)
اولا يا عمتي هنا في الغربة بتفقد اشياء كتيره اولها ادميتك
واظن دي ما هينه يعني في اي بقعه من الارض اغترب الواحد
عن موطنوا يعتبر ما بني ادم في بلد الاغتراب ودي حقيقة ما
كلام جرايد وفي الدول الخليجية حتى ما يعتبروك مخلوق حتي
ما يقدروا يسموك حمار اكرمنا واياكم الله والبيقول غير كده
يراجع طبيب نفساني ......
فعلا في واحد يسب ليك للغربة واليوم الجابو الغربة ومجرد ما تقول
ليهو طيب ما ترجع يقول ليك كيف وبي شنو طيب انت جيت كيف وبي شنو
احسن ليك ترجع بي باقة الكرامة الفاضله ليك والا تقعد طول عمرك عبد
ويا ريت لو عبد بني ادم لا عبد احسن منك الحمار يعني بالعربي الفصيح
الغربة بقت مساؤي اكتر من محاسن في المغصوب على الغربة عشان
ده شغلوا والغربة جزء من واجبوا في اتجاه معين لكن المغترب عشان
يحسن وضعوا المعيشي كضاب بالعكس بيزيدو سؤ واسأل مجرب ...
الكلام كتييييييييييييييييييييييييييير يا عمتي وما بنقدر نطلع المتخبي كلوا
بس نقول الغربة قاااااااااااااااااااااااااااااااااااااااااااااسية ....

تخريمة مع المشاققه والهمسة :ـــ
اسه الكلام الفوق ده ما كلام واحد مجنون
وحقدوا اكبر من حقدك يا عمتي:D ..
بس ما دايرنا نطلع حااااااااااااااااااااااقد ....
شايفوا في عيون الكثييييييييييييييييييير .....

ودوما في رعاية الله وحفظه....
مع كل الود باقة ورد....

مدنيّة

26-04-2007, 01:00 AM

لكن يا مدنية الصابونة البتغسل خمسة دست مبالغة غايتو جنس مباصرة
شغالة بالنية ولا شنو :D
أما ابو وردة دة صابون رومانسي واحلى منو مافي
والله ضحكتني مسألة الأسنان الحساسة دي:D
مدنية كدي احكي لينا برواقة كدة الحاصل شنو

والله يا ابراهيم ياخوي الحاسل يعني زهجة منكم انتو بس لانكم عايشين في نعيم واحنا عايشين في حجيم وكله كوم والسخانة الحاسلة علينا دي كوووووووم براه وبعد دا كله انتو ما عاجبنكم عيشتكم دي

يعني ممكن تكونوا ما بيتدخروا حاجة من مرتباتكم بس عايشين كويس ونايمين كويس والجو باااااااارد بالتكيف المركزي واولادكم ماشاء الله تبارك الله سماااااااااان وما عندهم مرض زي العندنا دا بالله احنا بنفرش مع سرايرنا سرير مخسوس للباعوض عشان يرقد شوية ويقوم علينا شوية اها بالله ما حنين احنا ديل ولما نجي نشوف حالنا احنا تلقاه كله بالمانيص :mad: ( هسي صارة لي انا مالي ؟؟ اي بصر ليك مش انت برضو برة البلد :mad: ) اوع تقول حقد طبقي :cool:

بورتبيل

26-04-2007, 01:33 AM

هووووووي يا عمتنا مدنية ... مالك علينا ... ما تروقي المنقة شوية
انا شايف المغتربين ديل ولله حالتم تحنن بس فايتنكم بالصبر

ولله انا شخصياَ شايف السودان بالجد نعمة ... بس ارجع كيف ما عارف
اصلو السودان مرات مرات بزهج .. كتاحة وشمش .. وجنس زحمة
بس الله يكون في العون

مدنيّة

26-04-2007, 01:45 AM

ههههههههههههههههههههه
انا بكمل ضحكتي وبجيك

تبعا ح تكملها في المكيف الباااااااارد واحنا قاعدين في السخانة حتي الضحكة قربنا ننساها:(

مدنيّة

26-04-2007, 01:48 AM

..بت امى مدنيه ..ياخوانا ..معليش امسحوها لى فى وشى مدنيه الحمى طلعت ليها فى راسها يومين والكهرباء قاطعه والجو ذى جهنم سخانه تفرطق حبة العيشه ..وهى متعوده على شاى البن نص النهار
فارجوا المعذره ... لكن بينى وبينك يامدنيه حمتك اريتا حمة السرور فتيتى فت العيش وطلعتى النصيحه
عددددديل ..كدى انا من الضحك ماقادر ارد عليك ..بمشى وبجيك راجع .

اي كلكم بتضحكوا ما بالكم رااااااااايق تحمدوا سيدكم
مرطبين ومرتاحين وضاربين الهواء البارد
هسي عليك الله يانزار القلته دا براه بس ما بخليني حاقدة عليكم حقد طبقي دفين ؟؟ :confused:

منتظرة جيتك :cool:

مدنيّة

26-04-2007, 01:50 AM

هع هع هع هع هع
جايين وين يا مدنيه ؟ عليكم الله خليكم قبلكم وما تجوا تضايقونا
وأكان جيتوا يعنى ح تخلوا السودان فاضى يعنى ؟ وبعدين إنتوا
عندكم خبره التكيف مع الأجواء الحاره والمعدومه والمشى كدارى
والكتاحه ودفن الميت وسيرة العريس والمويه الفيها أبو الضبضوب

ونحنا إتبرمجنا على المكيف أبو ريمونت كنترول والبيرجر وحاجات
أنا زاتى ما بعرف إسمها وباكلها ساااى حتى بالقشور والبزور

عليكم الله خليكم قاعدين هناك علشان لما نجى إجازه نمغصكم
بالوجوه النايره والكلام المعوج .. سياره ... زين ... هلا والله
وشفعنا يخافوا من الجداده البتسكوها علشان تاكلوها

غايتو ... مافى ليكم هع هع هع هع

ياود المتامير عايز تزعلني زيادة بمقارنتك دي ، سح ؟؟ :mad:

همسة : أبو الضبضوب دا منوووو :confused:

عمار هبّار

26-04-2007, 01:51 AM

سلام يا مدام ..
خلينا نتكلم بي موضوعية شوية .. سبب الإعتراب شنو ؟
السبب الأساسي في الإغتراب إنو الواحد يحسن وضعو الإقتصادي والإجتماعي والأكاديمي أحياناً بزيادة الخبرات العلمية والعملية ولكن الأهم تحسين الوضع الإقتصادي .. يعني لو دا ما حصل مافي فائدة من الغربة .. بعدين القال منو المغتربين مبسوطين تعالي أقعدي معانا أسبوع وبتعرفي الإنبساط الجد .. لكن والله والله يا مدنية إنتو في نعمة والياباها يعمى .. ويكفي أنه من أسباب سعادة المرء أن يكون رزقه في بلده ..
لك التحية والإحترام ..

مدنيّة

26-04-2007, 01:54 AM

اختي مدنية اولاً في التبادي الحمد الله علي السلام وعيد ميلاد سعيد كدي ختي الرحمن في قلبك وزي ماقال نزر قطعتي المصارين من الضحك وقالوا في المثل المعارف يقول عدس اه يابت امي كيفن حالك والخرطوم لسع تقوموا تقعوا براكم ربي معكم ربي يخدر عود ضرعتكم اه كلامك ده كل صاح لكن البيقنع الديك شنو
اهل المنتدا حبابـكم زينة في كلام مدنية
بيـك اتشرفـت دارالمنتدي صافي النية
سائـل ربـي يحميكي وتكوني هنيـة
ويكيفيك شر هناي ما نلقى فيكي عشية
قالولنا الرحول لبلاد حسب كلام مدنيه
اهل المنتدا اهل المراح والجيه
ان بقت مدني هي المعنيه
ضابحين السمينه ام جنيات متكيه
ناكل شيه حد من صباح لي عشه

اسكتي ساااااااااااااي حبيبة قساااااااااااااي ما يغرك كلام المغتربين اصلو قالو في المثال علي حسب كلام خونا التنفرز القرفي مصنف المغتربين كاتي
قال نسوانهم سماأاااان ومكان واولادهم عوره ورجالهم كضابين الله يكفين شر كلامه واستغرتك يامالك روحي برجعليك لنضمك الحلوه ده وتسلمي من كل اذي

والله يااستاذ صلاح وعليكم السلام - عليك الله دي لقيتها كيف :D -
وشكرا علي التهنية لكن وحاة الله السخانة العندنا خليها سااااااااااااي وكمان ناس الكهربا ما بجيبوها لينا الا عشان يقطعوها تاني مالينا حق نقول كلامنا دا ؟؟ :confused:

مدنيّة

26-04-2007, 01:57 AM

والله ياهو الحقد الإجتماعي زاتو . . . وكعبوية منك بس :D

والحاجات التتكلمي عنها دي لا تسوى شيء مقابل
والإحساس بإنك غريب بإستمرار وبين توهان العقول

وأهبك كل الوداد

من العلينا يا المسافر اخوي :D
بعدين ياخوي القاعدين معاهم انتو ديل اغلبهم غرباء عن البلد يعني موت الجماعة عرس :cool:

مدنيّة

26-04-2007, 02:01 AM

الغالية عمتي الطيبة مدنية
اولا حمدا لله على سلامة البنيه واجر وعافية بأذن الله..

بعد ده تعالي لي هنا كلامك يدل على حقد
دفين يدل على طفولة مشرده :D ;) :p :eek: ....
ههههههههههههههههههههههههههههههه
والله يا عمتي الما بيعرف يقول عدس كلامك كلوا صح
من ناحيتك وغلط من ناحية العاش الغربة صح يعني
الاتمرمط فيها صح مالقى اليسندو من جاء الغربة
يعني بالمعنى الواضح في الغربة لو ما عندك حد يسندك
مجرد ما وصلته (كان زمان اسه نهي سندالكل في نفسوا)
اولا يا عمتي هنا في الغربة بتفقد اشياء كتيره اولها ادميتك
واظن دي ما هينه يعني في اي بقعه من الارض اغترب الواحد
عن موطنوا يعتبر ما بني ادم في بلد الاغتراب ودي حقيقة ما
كلام جرايد وفي الدول الخليجية حتى ما يعتبروك مخلوق حتي
ما يقدروا يسموك حمار اكرمنا واياكم الله والبيقول غير كده
يراجع طبيب نفساني ......
فعلا في واحد يسب ليك للغربة واليوم الجابو الغربة ومجرد ما تقول
ليهو طيب ما ترجع يقول ليك كيف وبي شنو طيب انت جيت كيف وبي شنو
احسن ليك ترجع بي باقة الكرامة الفاضله ليك والا تقعد طول عمرك عبد
ويا ريت لو عبد بني ادم لا عبد احسن منك الحمار يعني بالعربي الفصيح
الغربة بقت مساؤي اكتر من محاسن في المغصوب على الغربة عشان
ده شغلوا والغربة جزء من واجبوا في اتجاه معين لكن المغترب عشان
يحسن وضعوا المعيشي كضاب بالعكس بيزيدو سؤ واسأل مجرب ...
الكلام كتييييييييييييييييييييييييييير يا عمتي وما بنقدر نطلع المتخبي كلوا
بس نقول الغربة قاااااااااااااااااااااااااااااااااااااااااااااسية ....

تخريمة مع المشاققه والهمسة :ـــ
اسه الكلام الفوق ده ما كلام واحد مجنون
وحقدوا اكبر من حقدك يا عمتي:D ..
بس ما دايرنا نطلع حااااااااااااااااااااااقد ....
شايفوا في عيون الكثييييييييييييييييييير .....

ودوما في رعاية الله وحفظه....
مع كل الود باقة ورد....

طب ياابورجاء بعد كلامك دا عن الغربة ما تعملها وتبقي اول واحد اعرف مغترب يجي راجع البلد :cool:

انا والله يااخوانا مافي شئ خلاني اكتب البوست دا الا عشان الكلام الزي كلام اخونا ابورجاء دا

طب انتو عارفين الكلام دا كلللللللللللللله المقعدكم هناك شنوووو

مدنيّة

26-04-2007, 02:09 AM

هووووووي يا عمتنا مدنية ... مالك علينا ... ما تروقي المنقة شوية
انا شايف المغتربين ديل ولله حالتم تحنن بس فايتنكم بالصبر

ولله انا شخصياَ شايف السودان بالجد نعمة ... بس ارجع كيف ما عارف
اصلو السودان مرات مرات بزهج .. كتاحة وشمش .. وجنس زحمة
بس الله يكون في العون

صبر منو الفايتننا بيه ؟؟ :eek:
يا بورتبيل احنا مرتبنا بخلص يوم واحد في الشهر اها بس اتخيل باقي الشهر بنعمل شنوووو ؟؟

اها تعال بدل اي واحد في الخرطوم تشوف النعمة اللي هو قاعد فيها دي كيف

مدنيّة

26-04-2007, 02:15 AM

سلام يا مدام ..
خلينا نتكلم بي موضوعية شوية .. سبب الإعتراب شنو ؟
السبب الأساسي في الإغتراب إنو الواحد يحسن وضعو الإقتصادي والإجتماعي والأكاديمي أحياناً بزيادة الخبرات العلمية والعملية ولكن الأهم تحسين الوضع الإقتصادي .. يعني لو دا ما حصل مافي فائدة من الغربة .. بعدين القال منو المغتربين مبسوطين تعالي أقعدي معانا أسبوع وبتعرفي الإنبساط الجد .. لكن والله والله يا مدنية إنتو في نعمة والياباها يعمى .. ويكفي أنه من أسباب سعادة المرء أن يكون رزقه في بلده ..
لك التحية والإحترام ..

ياهلا بيك ياعمار
يلا قارن بالوضع المعيشي للمغترب وللزول القاعد في السودان
عايش كويس لابس كويس لو مرضت بتتعالج كويس - لاحظ الخط تحت لو - ساكن كويس متوفرة ليك كل الخدمات الاساسية والترفيهية
احنا بختصر ليك حالنا بانه ماشي في الماينص - ما واقف لسة ماشي -

هيثم عبدالعال

26-04-2007, 03:02 AM

مدنيه سلام وتحيه
والله ما قلتي إلا الحق رغم إني من الجماعه إياهم ، لكن بس شغال بي نظرية الإنتقام أي واحد يقول عاوز يجي بسك ليهو بيدي وكراعي عشان يتورط وبعدين يقعد يسب ويلعن في الغربه تقول في زول جبروا .
وكمان أزيدك من الشعر بيت تعرفي قاعدين قدام التلفزيون أربعه وعشرين ساعه وكل ما نشوف إعلان ولا دعايه بتاعت حاجة نمشي نجيبها وهاك يا لهط وبعد شوية الجرسه تبدأ والواحد فينا خطوتين ما يقدر يمشيهم ورجيم ما ينفع ورياضه ما تنفع بس إلا كان نزيد المقاسات . أها أمانة في ذمتك دي براها ما مصيبه . ( عارض عليك زيارة سنه عندنا عشان نرجعك بي كرين )

طلال الصول

26-04-2007, 06:06 AM

مدنية سلام كيف حالك
اول حاجة احنا في الغربة مبسوطين وتمام التمام
لكن بنقول كدة عشان الناس ما يجو يضايقونا
والباقين خايفين من نسوانن

salwa

26-04-2007, 07:24 AM

مدووووووووووووون

حبيبي

والله يا مدنية بالجد كده شلتي حالنا

يا بنت ما تخلي الطابق مستور د ه كله حاصل وبحذافيره كمان

وازيدك كمان انحن بنقول كلامنا ده كله وتعالي شوفي لو الراجل ابى يخلينا نمشي الاجازة

ووووووووووووووب علي وعلى اهلي كلهم يا بنت بقعد حزنانة ليك سنة بحالها

وهو طبعا يقعد يقول اولادي والسخانة واكهرباء بتقطع و..........و.............

طيب والله ده كله في صحي لكن راجعين ليها ياربي ولا لا

( مووووووووووووضعك عسل بس )

الله يستر من جماعتنا ديلاك ما يقوما علينا

الفارس البنفسجي

26-04-2007, 07:32 AM

يا ناس المنتدى هوووووووووووي

مدنية دي من الصباح بتكشكش ليكم
ساااااااااااااااااااااااااااااااااااااي ،
يعني إلا تقولها ليكم عديييييييييييل
بالله العندو تأشيرة إن شاء الله زيارة
يرسلها لي حبوبتنا مدنية ، عشان
تجي هنا وتشوف الكندشة وماوراء
الكندشة، وتشوف السودانيات الراحات
المرطبين هنا عايشين كيف.
بس أعملي حسابك يا حبوبة من الشرك
ونومي عين مفتحة وعين مغمدة !!!!

بابكر

26-04-2007, 08:03 AM

والله يا مدنيه فى مغتربين مالاقين حق التمباك !! وخجلانين من رجعة الشماته !! (( ايد وراء وايد قدام ))

طلال الصول

26-04-2007, 09:05 AM

مدنية الناس ديل ما يغشوك

محمد السر احمد

26-04-2007, 10:37 AM

الاخت مدنية اولا حمد لله علي السلامة
الناس كدابين شقتي ليك مغترب قال انا جاي وجا راجع

اميمه عشريه

26-04-2007, 03:22 PM

والله يا بت امي استغليت ونستي معاك استغلا ل شديييييييييد :D
يعني ما نتونس مع بعض طوالي تجي تعملي منو موووووووضوع بس ما حأناقشك ارح بهناك بوريك الغربه هي شنو من طق طق لسلامو عليكم ارح مشيتي ولا لسه راجيه تأشيره بجاي ..:eek: :D ؟؟؟

الشريف الهندي

27-04-2007, 02:29 AM

الغاليه مدنية كل سنه وانتي طيبه اولاً وربنا يحقق امانيك انشاء الله
والف حمدا لله على سلامة الأموره الصغيره انشاء الله وربنا يواليها بالعافيه يارب
************************************************** **********************************
مدنيه والله النصيحه السودان حالتو بالبلا وليكم الله
لكن والله مهما كان الالم والعذاب في السودان فهو اهون من لحظة شوق
للأهل والناس والاولاد والاخوان ...اهون بكتير من احساس خوف ان اجازتك للسوادان
تتاخر شويه وترجع تلقى واحد من الوالدين فارق الحياه او من الاخوان
ماطعم الغربه وماطعم الحياة الهنية .. والله ليست الا ضحكه كاذبه نضحكها كلنا مع بعضنا
علشان نقدر نداري دموووووووع وآهات وآلام ... الغربه غير الالم والعذاب والله مافيها شي
والجاي كلو رايح ومافي شي لقدام على الاقل انتو حتقدرو تواجهو اي مصاعب وحتعرفو تعيشو اي متاعب فيالحياه بالسودان والعيشه الهنيه البتقولي عليها والله وراها في اطنان هموم
واحساس خوف مستمر والم متزايد كل يوم وعمر ضايع يوم ورا يوم ...بلا فائده تذكر غير هدوم كاسيه اجساد من جوه منتهيه بالتعب والالم والعذاب ......ولو جينا لاسباب عدم الرجوع واتخاذ القرار في الاستقرار في السودان ..ده كمان الكلام فيهو يطوووووووووووول .. لأن كل مغترب يحمل كم هائل من الهموم والمسؤوليات التي ترتبت عليهو مجرد ما اغترب ومؤكد ما حيقدر عليها بعد عودته وكم هو محتاج علشان يعيش حياته في السودان اقل مستوا من الكان عايشه مع اولاده على الاقل وكم محتاج علشان يعلم اولاده الاربعه او الخمسه ؟ ..وكيف حيقدر يعيش باقي التسعه وعشرين يوم زي ما انتو بتقدرو تعيشو ؟ ومن وين حيقدر يجيب الراتب البيكمل في يوم واحد ؟ والتجارب السابقه للكثيرين بتخلي الانسان في حالة حيرة لا تنتهي ..واقرب مثال من اقاربنا كانو عايشين في سويسرا اكثر من عشرين عام ... ولما فكرو في الاستقرار .. اصيب الاولاد بحساسية تجاه الجو في البلد ولا يوجد حل سوى مغادرة البد فاضطرو للرجوع وتعالي شوفي الثمن البيدفعوه اطفال المغتربين لما يجو للجامعه في السودان يدفعو آلاف الدولارات و تلقيهم الواحد ماعارف كوعه من بوعه الا القليل منهم وشوفي الاطفال المابعرفو الخروف من الحمار ... ده كلو كوم والاسوء المابيعرفو يتكلمو بالعربي ديل كمان حكايه تانيه ... ورايك شنو لو تجي في الغربه ويوم تدخلي على بنتك في غرفتها بدون ماتستاذني
وتقوم تنهرك وتطردك من الغرفه وتعلي صوتها عليك وتقرب تضربك بس لمجرد انك ما استاذنتي
للدخول وده مثال حي لسوداني عايش في فرنسا وفي النهايه اختار الرجوع للسودان وكره كل يوم
قضاه بره سودانو وبلدو .. قد يكون السبب انشغاله عن اولاده وجريهو وراالرزق علشان يدفع الفواتير آخر الشهر ..وبرضو عادات وتقاليد الشعب العايش وسطو .. يتطبع الابناء عليها .. ومارايك في ان تعيشي في الغربه وانتي في اي لحظه مهدده ان يتم الاستغناء عن خدماتك وحياتك كلها تتلخبط ... وماتعرفي تجيبي حق التذاكر من وين ...مارايك وانتي نايمه واحتمال في اي لحظه يتم طردك من البيت وما تلقي ليك اي حل او مكان يأويك ... ومارايك وانتي عايزه تسجلي بنتك في مدرسه ثانويه او متوسطه وبنتك تقديرها امتياز ..تقوم المديره ببساطه تطردك ولما ما تتحركي انتي والمعاك تقوم المديره تقول هاتو مبيد حشرات للحشرات الواقفه هنا لمجرد انك اجنبية ...ايه يارك في الذله دي وماطعم الراحه هنا وماطعم المكيفات والاكل والشراب شفتي شكل الغربه كيف يا مدنيه ؟؟ هل بتقدري تعيشي الحياه دي ؟؟ وكمان لما يجيك تلفون آخر الليل وانتي نايمه في المكيف البااااااارد والباااااااااااال رايق زي ماقلتي وشبعانه وفجأه تلقي في التلفون خبر وفاة والد او والده ..... لاقدر الله ...لاحوله ولاقوة الا بالله ده كمان كلااام تاني ... شن طعم الحياه تاني ...
اما عن احساسي انا حاليا أن اصل ارض السودان واملئ الرئتين بهواء بلدي واسجد واشكر الله واسلم على ارضي واشم ريحة التراب واملى رئتي من هوا وتراب بلدي اهون والله على من ذفرة شووووووق وشوووق لكلمة ياولدي أو يا خالو او ياعمو ... وماباليد حيله ... المغتربين والله ليهم الله ..
كلامي ده كلو كوووووووووم ولو جاك ( سوباوي ) يحكي الحكاوي ده كمان كوم تاني يديكي القصايد ويسرد الشكاوي والله تتحيري تقولي الغربه دي بس ( سجن غوانتمامو ) وهي والله اكتر

لكي خالص الود يامدنيه
وربنا يصلح احوالنا جميعا انشاء الله
ويحلحل مشاكلنا كلنا يارب ويحقق امانينا
وماعليك ياربي بكثير فانت القادر المقتدر القدير

الشريف الهندي

27-04-2007, 02:32 AM

نسيت احكي ليك قصة طفل ... لما ابوهو عاقبه في يوم علشان غلط
مشا شال التلفون وقال عايز يطلب 911 علشان يشتكي ابوهو قال كلموهو اولاد الجيران
شوفي جنس الشافع ده بالله وحالتو يادوب عدى ليهو شهر ولا شهرين بس في الغربه

ابورجاء

27-04-2007, 04:10 AM

طب ياابورجاء بعد كلامك دا عن الغربة ما تعملها وتبقي اول واحد اعرف مغترب يجي راجع البلد :cool:

انا والله يااخوانا مافي شئ خلاني اكتب البوست دا الا عشان الكلام الزي كلام اخونا ابورجاء دا

طب انتو عارفين الكلام دا كلللللللللللللله المقعدكم هناك شنوووو

الغالية عمتي الطيبة مدنية العايزه تغترب :D
كتيييييييييييييييييييييييييييييييييير رجعوا وكتييييييييييييييييييير
راجعين وانا اولهم بس بعد ما ادفع الدين العلي :rolleyes: ..
والله يا عمتي مافي واحد راضي بالغربة ابدا لكن زي
ما قلنا من الاول في اشياء كتيرة بتخلي الواحد يرفض يرجع
اهمها انو يرجع ايد قدام وايد وراء وغالب هو السبب الاساسي.

تخريمة مع المشاققة والهمسة :ــ
طرفة مغترب رجع البلد :ـــ
واحد اخونا بعد غربة 10 سنوات متواصلة رجع البلد
ايد وراء وايد قدام لكن فيهو حسنه رجع سمين ومبقبق
بعد ما كان دعاية الجوع المهم بعد اخد راحتو تب ابوهو
يعاين ليهو تحت فوق ومستغرب لا شنطه ولا يحزنون يا ربي
يكون عفشوا اتاخر وراهو والا الحاصل شنو (تبعا ده الابو )
كدي اسالوا واتاكد يا ولد شنو وين العفش عشان اخوانك يدخلوهو
قال ليهو يا ابو مافي عفش جيتكم برقبتي بس .. الوالد مستغرب
كيف يا ولد جيت بي رقبتك بس والغربة دي كلها كنت بتسوي شنو
واستفدته شنو ؟؟؟؟؟ الولد يرفع كم الجلابيه لي فوق ويقول
هاك يا ابو كان تقدر تلوي دي :D :p ....

ودوما في رعاية الله وحفظه....
مع كل الود باقة ورد....

ابوشوتال

27-04-2007, 05:09 AM

مدنية انا عندي تاشيرة
رايك شنو
واحدة للعريس( راجلك ) خطيبك
بعدين خلي ارسل ليك ملحق
بس بعدين مايدعيني انت ماعندك مشكلة بتنومي من الصباح لغاية الساعة 3 عصر
والسهر بالليل حدو الصباح والرمود رفيقيك ليل ونهار

انت بين اربعة حيطان
والراجل في الدوام تعبان
مرقة دقش الرحمن
اجيك اخر اليوم منهك وتعباب
اكان سالتية وين اقول ليك ياخي مافي الدوام
قايتو كلمة كلمتين ويلا نام
وانت السهر ونوم الكيعان
ونيسك الرمود ومكيف تمام تمام
اهههه احسن هنا ولا السودان .

الشريف الهندي

27-04-2007, 06:08 AM

هاك يا ابو كان تقدر تلوي دي :D :p ....
ابو رجاء انشاء الله انت طيب آخوي ومشتاقين.... الزول ده قالو كان في ( ليبيا ) ضارب الجداد الرخيص ده مامدعوم من القذافي وشارب اللبن قالو جــــا راجع شبعاااااااااااااان عضلات وقال لأبوهو وريني اكان تقدر تلوي يدي دي .
هع هع هع هع هع هع هع هع هع هع

والله نجيض بالحيل ... جدع ... اها دا بقا الا يشتغل عتالي ...
ماقلنالك يامدنية ده المجنن الجماعه ديل ...

ابوالنور

27-04-2007, 07:03 AM

اكتر حاجة بتغيظني في المغتربين ديل لما تجي تتكلم معاهم وتقول ليهم شوفوا لي شغل معاكم يرد يقولوا ليك والله انت قاعد في نعمة

مافي كلام

ابوالنور

27-04-2007, 07:04 AM

الاخت مدنية اولا حمد لله علي السلامة
الناس كدابين شقتي ليك مغترب قال انا جاي وجا راجع

بركة الجات منك يا بيت الله

شبرقية

27-04-2007, 11:42 PM

شنو يامدون حقد طبقي مستدفن
اسمع ياحبوبة برسل ليك زيارة انت والبنيات وابوهن
كان مارجعتي تاني يوم ياخي البلد مملة وزهج وماف موضوع
الا عندنا مكيفات والاكل دلفري تنتكي في سريرك واتحشي
وكان شفتي التياب جمبنا واحد اسمو زريق هندي ببيع تياب
اليوم ديك كان في سوق الاكل امي قالت تعبت قالت انتي جيبي باقي الحاجات
اها مشت قعدت في كنتاكي سمعتي بيهو دا
المهم ونحن راجعين البيت والحاجة مصدعة شديد جينا بالاسمو زريق
والله ردا فيها الروح وقالت لابوي الا ننزل

وكان شفتي البيتزا الكبيرة ديك اله عليها

بس تعرفي انتو عايسين في نعمه اوعك تتغربي
الرد الشديد ماكويس والاكل المتير بسوي تخمة وهسه نكوس للرجيم
والروقة ماسمحة خليكم في حالكم

اها ارسل ليك والا خليتيها

والله يامدون هضربتي بي ماعارفة قلت الشنو ?
الزيارة قلتي مادايراها مش

عبدالرحيم سعيد

28-04-2007, 12:32 AM

اجد اجابة الاستاذة 0مدنية0في قول تلك القروية التي احضرت للقصر الملكي زوجةوامضت ترفا فيه السنين فردت مجيبة( واكل كسيرة في قعر بيتي احب الي من اكل الرغيف وتحرك خلخالي احب الي من صوت الدفوف) تجد صنوف الطعام والحلوي امامك والصدق عندي لاتسوي كوم نبق اوتسالي في شارع اتجاه واحد بمدني وكلمات اهلك الغبش تتجاذبك والطرفه سجية تتخللها وهمك ينتهي بقيلولة في ضليل بعيدا عن ازيز المكيفات وغامل المدن والمشاريع التي لا تطوي عندها يصدر البكاء علي مافقد0واراني ممن كنت يومها اسأل ماسألته استاذتنا مدنية والاجابة خير برهان في قلبي علي الورق فكل اناء بما فيه ينضح0اما قال اجدادنا قديما (تمرق من بيتك حزين تلقي الفرح من وين)ولكن مقدورنا مانحن فيه مانفك يبارحنا 0والمكضب يجرب0

عبدالمجيد عشريه

28-04-2007, 03:56 AM

لكن لقيتك يا مدنيه حقدك دفين وطبقي لدرجه فظيعه اها مشيت امبارح مخصو ص البحيره الجنبنا فيها بط كده مبالغه طبعا ده ما بياكلوهو يا مدنيه بس للمنظر:p قلت عشان الحقد الطبقي الفيكي يبقي صيينه عديل هههههه وانا بصور في الصور دي ومنتظر الغروب قلت بالله يعني مدنيه دي لو كانت هنا استمتاعها حيكون مختلف عنا استمتاعي بيهو انا القاعد اشوفو كلو يوم؟؟ لقيت الحكايه هي قناعه وبس غايتو اخليكي مع الصور عشان لو ما متي تكوني علي الاقل شقيتي المقابر هههههههههههه

عبدالمجيد عشريه

28-04-2007, 04:25 AM

طبعا يا اخوانا الحته دي كان بيجي القيصر الالماني ويلهم الثاني° يقضي فيها بس الصيف حتي جميله جدا ومننا كده حوالي ربع ساعه لمن ازهج بمشي ارسم هناك :D لانو مافيها كتاحه والناس نضااااااااف بصوره فظيعه وبالجد ما بتتوصف لاتقول لي مدني لا حي العمده ههههههههه اها يا مدنيه بسوق بنيتي واخليها تتفرج في البط وتصرفاتو ولو ماجاء الغروب ما برجعها داير اطلعها شاعريه ههههه ... الصور التانيه دي وانا راجع البيت بمر بكنيسه كده بسمع صوت الاجراس بتغني في معبد الحب يا سلااااااااااااام علي الخواجات ياخي بردد وراها دقت الاجراس في معبد الحب ونادت ههههههههههه نادت الافراح ..طبعا لانو الجو بيكون خرافي ما بركب العربيه البي ام دبليو 745 بتاعتي عشان احافظ علي البيئه واخفض من ناس ثاني اكسيد الكربون
واخواتو ...يا سلااااااااااام ياخي طبعا نسيت اقول ليكي برضو انو دوسلدورف دي مدينه من اغلي مدن المانيه معروفه بيجو فيها الشيوخ والامراء السعوديين بيشترو من سوق كده اسمو شارع الملوك Königs alle str اسمو بالالماني ° طبعا البنطلون فيهو ب 600 دولار هههههههههه لمن تهف لي بمشي اشرب قهوه واتفرج في الناس القيافه القهوه ب 8 يورو فنجان صغير بس بيكيف شديد ...هههههههههههههههههه اخليك مع الصور بتعبر ليك عن لسان حاله الليله غايتو الحقد المدني ده لو ما بقي ملكي ما اكون ود عشريه ....متابع معاك ههههه.

اميمه عشريه

28-04-2007, 06:10 AM

والله يا ود امي بالغت مدنيه تاني لو دخلت هنا ... ادي دقني هههههههههههههههههههههههههههههههههههه

ابوالنور

28-04-2007, 07:54 AM

[quote=عبدالمجيد عشريه;171042]طبعا يا اخوانا الحته دي كان بيجي القيصر الالماني ويلهم الثاني° يقضي فيها بس الصيف حتي جميله جدا ومننا كده حوالي ربع ساعه لمن ازهج بمشي ارسم هناك :D لانو مافيها كتاحه والناس نضااااااااف بصوره فظيعه وبالجد ما بتتوصف لاتقول لي مدني لا حي العمده ههههههههه اها يا مدنيه بسوق بنيتي واخليها تتفرج في البط وتصرفاتو ولو ماجاء الغروب ما برجعها داير اطلعها شاعريه ههههه ... الصور التانيه دي وانا راجع البيت بمر بكنيسه كده بسمع صوت الاجراس بتغني في معبد الحب يا سلااااااااااااام علي الخواجات ياخي بردد وراها دقت الاجراس في معبد الحب ونادت ههههههههههه نادت الافراح ..طبعا لانو الجو بيكون خرافي ما بركب العربيه البي ام دبليو 745 بتاعتي عشان احافظ علي البيئه واخفض من ناس ثاني اكسيد الكربون
واخواتو ...يا سلااااااااااام ياخي طبعا نسيت اقول ليكي برضو انو دوسلدورف دي مدينه من اغلي مدن المانيه معروفه بيجو فيها الشيوخ والامراء السعوديين بيشترو من سوق كده اسمو شارع الملوك Königs alle str اسمو بالالماني ° طبعا البنطلون فيهو ب 600 دولار هههههههههه لمن تهف لي بمشي اشرب قهوه واتفرج في الناس القيافه القهوه ب 8 يورو فنجان صغير بس بيكيف شديد ...هههههههههههههههههه اخليك مع الصور بتعبر ليك عن لسان حاله الليله غايتو الحقد المدني ده لو ما بقي ملكي ما اكون ود عشريه ....متابع معاك ههههه.

http://www.9q9q.org/index.php?image=Vflvyu2ZXKLG0Z

عليك الله ياودعشريه لصف لينا صورة بتك هنا في صورة الغروب بتاعي مدينة ود مدني دي
ورسلا لينا بي نكهة لندن
اقصد بت الجزيره
ونورك نحنا كمان لالوبنا اقصد حاجاتنا الجميله
وخليك قريب التقيل ورا

الشريف الهندي

28-04-2007, 10:32 AM

اها يامدنيه اخير ليك كده براكي جبتيهو لرقبتك والله نحنا زاتنا جاتنا نفسيات خليكي انتي في السودان
هههههههههههههههههههههههههههه
اسمعيني انا والله زي الغيرت رايي هههههههههه
ياعبدالمجيد لكن مابالغت ياخي للدرجه دي ياخي اها الزوله دي اخير نغير راينا معاها

هيثم بابكر

28-04-2007, 11:03 PM

انتي يامدنية قولي ساكت السخانة مضايقاك عارفكم يالبنات قروشكم كلها رايحه في الكريمات وتجي الشمس تخرب كل حاجة ،،،،،،، يااختي تعالي جاي النحسدكم انتو ياناس الداخل مالكم مرتاحين ومروقين تنومو في الحيشان هوا بارد نقي ، تشربو من الحنفيات مياه النيل النقية موية مجانية ، لو ساكت هفت ليك من الصباح ماتمشي الشغل تقعد مع الحاجة تتونس وتفطر وتشرب القهوة بالك مروق مافي خوف ، ولو ساكت عندكم عرس في بورتسودان انشاء الله اجازة محلية اسبوع بدون خصم راحة صاح ، والزمن دا كمان البيوت والفرش وموضة السيراميك في كل مكان ومكائن الشاورما في المناسبات الصغيرة داخل البيوت لعشاء الضيوف مكيفات ثابتة مكيفات متحركة ، ،،،،،،ن

مدنيّة

28-04-2007, 11:04 PM

مدنيه سلام وتحيه
والله ما قلتي إلا الحق رغم إني من الجماعه إياهم ، لكن بس شغال بي نظرية الإنتقام أي واحد يقول عاوز يجي بسك ليهو بيدي وكراعي عشان يتورط وبعدين يقعد يسب ويلعن في الغربه تقول في زول جبروا .
وكمان أزيدك من الشعر بيت تعرفي قاعدين قدام التلفزيون أربعه وعشرين ساعه وكل ما نشوف إعلان ولا دعايه بتاعت حاجة نمشي نجيبها وهاك يا لهط وبعد شوية الجرسه تبدأ والواحد فينا خطوتين ما يقدر يمشيهم ورجيم ما ينفع ورياضه ما تنفع بس إلا كان نزيد المقاسات . أها أمانة في ذمتك دي براها ما مصيبه . ( عارض عليك زيارة سنه عندنا عشان نرجعك بي كرين )

يعني ياهيثم كنت فاكرة روحي براي الحاقد لقيت حقدك ما بتلحق :D

مدنيّة

28-04-2007, 11:06 PM

مدنية سلام كيف حالك
اول حاجة احنا في الغربة مبسوطين وتمام التمام
لكن بنقول كدة عشان الناس ما يجو يضايقونا
والباقين خايفين من نسوانن

الخوف من النسوان دا حاصل هنا برضو ياطلال يعني ماجديد :p
بس انتو قولوا ماعايزننا نضايقكم ونقسم معاكم اكل عيشكم ;)

مدنيّة

28-04-2007, 11:08 PM

مدووووووووووووون

حبيبي

والله يا مدنية بالجد كده شلتي حالنا

يا بنت ما تخلي الطابق مستور د ه كله حاصل وبحذافيره كمان

وازيدك كمان انحن بنقول كلامنا ده كله وتعالي شوفي لو الراجل ابى يخلينا نمشي الاجازة

ووووووووووووووب علي وعلى اهلي كلهم يا بنت بقعد حزنانة ليك سنة بحالها

وهو طبعا يقعد يقول اولادي والسخانة واكهرباء بتقطع و..........و.............

طيب والله ده كله في صحي لكن راجعين ليها ياربي ولا لا

( مووووووووووووضعك عسل بس )

الله يستر من جماعتنا ديلاك ما يقوما علينا

وشهد شاهد من اهلها :cool:

هي راجعين دي متين بس ؟؟:eek: اراهنك انه عشان تجوا تعرسوا للاولاد :D

مدنيّة

28-04-2007, 11:10 PM

يا ناس المنتدى هوووووووووووي

مدنية دي من الصباح بتكشكش ليكم
ساااااااااااااااااااااااااااااااااااااي ،
يعني إلا تقولها ليكم عديييييييييييل
بالله العندو تأشيرة إن شاء الله زيارة
يرسلها لي حبوبتنا مدنية ، عشان
تجي هنا وتشوف الكندشة وماوراء
الكندشة، وتشوف السودانيات الراحات
المرطبين هنا عايشين كيف.
بس أعملي حسابك يا حبوبة من الشرك
ونومي عين مفتحة وعين مغمدة !!!!

انت سمح وقت فهمتها ما ترسل الزيارة :mad:

مدنيّة

28-04-2007, 11:13 PM

والله يا مدنيه فى مغتربين مالاقين حق التمباك !! وخجلانين من رجعة الشماته !! (( ايد وراء وايد قدام ))

هي افضل ياتها رجعة الشماتة ولا الجهجهة في بلاد الغربة :confused:

همسة : التوقيع مبالغة لكن :D

مدنيّة

28-04-2007, 11:14 PM

مدنية الناس ديل ما يغشوك

لالالا
ماتخاف علي اختك اصلها ما بتتغشي

مدنيّة

28-04-2007, 11:17 PM

الاخت مدنية اولا حمد لله علي السلامة
الناس كدابين شقتي ليك مغترب قال انا جاي وجا راجع

الله يسلمك ود السر وعاش مين شافك

ما هو دا المجنني ياود السر :o

مدنيّة

28-04-2007, 11:20 PM

والله يا بت امي استغليت ونستي معاك استغلا ل شديييييييييد :D
يعني ما نتونس مع بعض طوالي تجي تعملي منو موووووووضوع بس ما حأناقشك ارح بهناك بوريك الغربه هي شنو من طق طق لسلامو عليكم ارح مشيتي ولا لسه راجيه تأشيره بجاي ..:eek: :D ؟؟؟

هههههههههههه
مالازم ياعثل

اها ارح بهناك مافي زول يسمعنا;)

مدنيّة

28-04-2007, 11:21 PM

الغاليه مدنية كل سنه وانتي طيبه اولاً وربنا يحقق امانيك انشاء الله
والف حمدا لله على سلامة الأموره الصغيره انشاء الله وربنا يواليها بالعافيه يارب
************************************************** **********************************
مدنيه والله النصيحه السودان حالتو بالبلا وليكم الله
لكن والله مهما كان الالم والعذاب في السودان فهو اهون من لحظة شوق
للأهل والناس والاولاد والاخوان ...اهون بكتير من احساس خوف ان اجازتك للسوادان
تتاخر شويه وترجع تلقى واحد من الوالدين فارق الحياه او من الاخوان
ماطعم الغربه وماطعم الحياة الهنية .. والله ليست الا ضحكه كاذبه نضحكها كلنا مع بعضنا
علشان نقدر نداري دموووووووع وآهات وآلام ... الغربه غير الالم والعذاب والله مافيها شي
والجاي كلو رايح ومافي شي لقدام على الاقل انتو حتقدرو تواجهو اي مصاعب وحتعرفو تعيشو اي متاعب فيالحياه بالسودان والعيشه الهنيه البتقولي عليها والله وراها في اطنان هموم
واحساس خوف مستمر والم متزايد كل يوم وعمر ضايع يوم ورا يوم ...بلا فائده تذكر غير هدوم كاسيه اجساد من جوه منتهيه بالتعب والالم والعذاب ......ولو جينا لاسباب عدم الرجوع واتخاذ القرار في الاستقرار في السودان ..ده كمان الكلام فيهو يطوووووووووووول .. لأن كل مغترب يحمل كم هائل من الهموم والمسؤوليات التي ترتبت عليهو مجرد ما اغترب ومؤكد ما حيقدر عليها بعد عودته وكم هو محتاج علشان يعيش حياته في السودان اقل مستوا من الكان عايشه مع اولاده على الاقل وكم محتاج علشان يعلم اولاده الاربعه او الخمسه ؟ ..وكيف حيقدر يعيش باقي التسعه وعشرين يوم زي ما انتو بتقدرو تعيشو ؟ ومن وين حيقدر يجيب الراتب البيكمل في يوم واحد ؟ والتجارب السابقه للكثيرين بتخلي الانسان في حالة حيرة لا تنتهي ..واقرب مثال من اقاربنا كانو عايشين في سويسرا اكثر من عشرين عام ... ولما فكرو في الاستقرار .. اصيب الاولاد بحساسية تجاه الجو في البلد ولا يوجد حل سوى مغادرة البد فاضطرو للرجوع وتعالي شوفي الثمن البيدفعوه اطفال المغتربين لما يجو للجامعه في السودان يدفعو آلاف الدولارات و تلقيهم الواحد ماعارف كوعه من بوعه الا القليل منهم وشوفي الاطفال المابعرفو الخروف من الحمار ... ده كلو كوم والاسوء المابيعرفو يتكلمو بالعربي ديل كمان حكايه تانيه ... ورايك شنو لو تجي في الغربه ويوم تدخلي على بنتك في غرفتها بدون ماتستاذني
وتقوم تنهرك وتطردك من الغرفه وتعلي صوتها عليك وتقرب تضربك بس لمجرد انك ما استاذنتي
للدخول وده مثال حي لسوداني عايش في فرنسا وفي النهايه اختار الرجوع للسودان وكره كل يوم
قضاه بره سودانو وبلدو .. قد يكون السبب انشغاله عن اولاده وجريهو وراالرزق علشان يدفع الفواتير آخر الشهر ..وبرضو عادات وتقاليد الشعب العايش وسطو .. يتطبع الابناء عليها .. ومارايك في ان تعيشي في الغربه وانتي في اي لحظه مهدده ان يتم الاستغناء عن خدماتك وحياتك كلها تتلخبط ... وماتعرفي تجيبي حق التذاكر من وين ...مارايك وانتي نايمه واحتمال في اي لحظه يتم طردك من البيت وما تلقي ليك اي حل او مكان يأويك ... ومارايك وانتي عايزه تسجلي بنتك في مدرسه ثانويه او متوسطه وبنتك تقديرها امتياز ..تقوم المديره ببساطه تطردك ولما ما تتحركي انتي والمعاك تقوم المديره تقول هاتو مبيد حشرات للحشرات الواقفه هنا لمجرد انك اجنبية ...ايه يارك في الذله دي وماطعم الراحه هنا وماطعم المكيفات والاكل والشراب شفتي شكل الغربه كيف يا مدنيه ؟؟ هل بتقدري تعيشي الحياه دي ؟؟ وكمان لما يجيك تلفون آخر الليل وانتي نايمه في المكيف البااااااارد والباااااااااااال رايق زي ماقلتي وشبعانه وفجأه تلقي في التلفون خبر وفاة والد او والده ..... لاقدر الله ...لاحوله ولاقوة الا بالله ده كمان كلااام تاني ... شن طعم الحياه تاني ...
اما عن احساسي انا حاليا أن اصل ارض السودان واملئ الرئتين بهواء بلدي واسجد واشكر الله واسلم على ارضي واشم ريحة التراب واملى رئتي من هوا وتراب بلدي اهون والله على من ذفرة شووووووق وشوووق لكلمة ياولدي أو يا خالو او ياعمو ... وماباليد حيله ... المغتربين والله ليهم الله ..
كلامي ده كلو كوووووووووم ولو جاك ( سوباوي ) يحكي الحكاوي ده كمان كوم تاني يديكي القصايد ويسرد الشكاوي والله تتحيري تقولي الغربه دي بس ( سجن غوانتمامو ) وهي والله اكتر

لكي خالص الود يامدنيه
وربنا يصلح احوالنا جميعا انشاء الله
ويحلحل مشاكلنا كلنا يارب ويحقق امانينا
وماعليك ياربي بكثير فانت القادر المقتدر القدير

اتخيل لي يا الشريف الهندي بعد صور ود عشرية غيرت رايك من كلامك دا:p

مدنيّة

28-04-2007, 11:25 PM

نسيت احكي ليك قصة طفل ... لما ابوهو عاقبه في يوم علشان غلط
مشا شال التلفون وقال عايز يطلب 911 علشان يشتكي ابوهو قال كلموهو اولاد الجيران
شوفي جنس الشافع ده بالله وحالتو يادوب عدى ليهو شهر ولا شهرين بس في الغربه

اكيد المجتمع بربي مع الاسر اولادها
بس يالشريف في المجتمعات دي فيها ايجابيات احنا ما عندها واكيد فيها سلبيات برضو ماعندها عشان كدا بتقي معادلة صعبة الحل

مدنيّة

28-04-2007, 11:27 PM

الغالية عمتي الطيبة مدنية العايزه تغترب :D
كتيييييييييييييييييييييييييييييييييير رجعوا وكتييييييييييييييييييير
راجعين وانا اولهم بس بعد ما ادفع الدين العلي :rolleyes: ..
والله يا عمتي مافي واحد راضي بالغربة ابدا لكن زي
ما قلنا من الاول في اشياء كتيرة بتخلي الواحد يرفض يرجع
اهمها انو يرجع ايد قدام وايد وراء وغالب هو السبب الاساسي.

تخريمة مع المشاققة والهمسة :ــ
طرفة مغترب رجع البلد :ـــ
واحد اخونا بعد غربة 10 سنوات متواصلة رجع البلد
ايد وراء وايد قدام لكن فيهو حسنه رجع سمين ومبقبق
بعد ما كان دعاية الجوع المهم بعد اخد راحتو تب ابوهو
يعاين ليهو تحت فوق ومستغرب لا شنطه ولا يحزنون يا ربي
يكون عفشوا اتاخر وراهو والا الحاصل شنو (تبعا ده الابو )
كدي اسالوا واتاكد يا ولد شنو وين العفش عشان اخوانك يدخلوهو
قال ليهو يا ابو مافي عفش جيتكم برقبتي بس .. الوالد مستغرب
كيف يا ولد جيت بي رقبتك بس والغربة دي كلها كنت بتسوي شنو
واستفدته شنو ؟؟؟؟؟ الولد يرفع كم الجلابيه لي فوق ويقول
هاك يا ابو كان تقدر تلوي دي :D :p ....

ودوما في رعاية الله وحفظه....
مع كل الود باقة ورد....

هههههههههههه
اها هسي دي ما حسنة زااااااتها
راجع سمين وامين
لو كان قاعد هنا كان الناس بتعرفه لما يتكلم بس ( من الصوت ):p

يسرا عشريه

28-04-2007, 11:29 PM

لقيت الحقد طالع من عيونك يامدنيه.وماتعمليها ظاهره كدا

مدنيّة

28-04-2007, 11:30 PM

مدنية انا عندي تاشيرة
رايك شنو
واحدة للعريس( راجلك ) خطيبك
بعدين خلي ارسل ليك ملحق
بس بعدين مايدعيني انت ماعندك مشكلة بتنومي من الصباح لغاية الساعة 3 عصر
والسهر بالليل حدو الصباح والرمود رفيقيك ليل ونهار

انت بين اربعة حيطان
والراجل في الدوام تعبان
مرقة دقش الرحمن
اجيك اخر اليوم منهك وتعباب
اكان سالتية وين اقول ليك ياخي مافي الدوام
قايتو كلمة كلمتين ويلا نام
وانت السهر ونوم الكيعان
ونيسك الرمود ومكيف تمام تمام
اهههه احسن هنا ولا السودان .

وهسي احنا في السودان مرقة من دقش الرحمن وللمغرب واحيانا بعد المغرب:(

غايتو النوم دا براه حسنة عشان المكيفات والكهرباء الشغالة 25 ساعة × اليوم:cool:

مدنيّة

28-04-2007, 11:37 PM

ابو رجاء انشاء الله انت طيب آخوي ومشتاقين.... الزول ده قالو كان في ( ليبيا ) ضارب الجداد الرخيص ده مامدعوم من القذافي وشارب اللبن قالو جــــا راجع شبعاااااااااااااان عضلات وقال لأبوهو وريني اكان تقدر تلوي يدي دي .
هع هع هع هع هع هع هع هع هع هع

والله نجيض بالحيل ... جدع ... اها دا بقا الا يشتغل عتالي ...
ماقلنالك يامدنية ده المجنن الجماعه ديل ...

والله يالشريف من ناحية الجن كلنا جنينا :cool:

مدنيّة

28-04-2007, 11:38 PM

اكتر حاجة بتغيظني في المغتربين ديل لما تجي تتكلم معاهم وتقول ليهم شوفوا لي شغل معاكم يرد يقولوا ليك والله انت قاعد في نعمة

مافي كلام

تبعا انت في صفي يا ابوالنور وحاقد زي عشان قاعد في السودان برضو:D

مدنيّة

28-04-2007, 11:42 PM

شنو يامدون حقد طبقي مستدفن
اسمع ياحبوبة برسل ليك زيارة انت والبنيات وابوهن
كان مارجعتي تاني يوم ياخي البلد مملة وزهج وماف موضوع
الا عندنا مكيفات والاكل دلفري تنتكي في سريرك واتحشي
وكان شفتي التياب جمبنا واحد اسمو زريق هندي ببيع تياب
اليوم ديك كان في سوق الاكل امي قالت تعبت قالت انتي جيبي باقي الحاجات
اها مشت قعدت في كنتاكي سمعتي بيهو دا
المهم ونحن راجعين البيت والحاجة مصدعة شديد جينا بالاسمو زريق
والله ردا فيها الروح وقالت لابوي الا ننزل

وكان شفتي البيتزا الكبيرة ديك اله عليها

بس تعرفي انتو عايسين في نعمه اوعك تتغربي
الرد الشديد ماكويس والاكل المتير بسوي تخمة وهسه نكوس للرجيم
والروقة ماسمحة خليكم في حالكم

اها ارسل ليك والا خليتيها

والله يامدون هضربتي بي ماعارفة قلت الشنو ?
الزيارة قلتي مادايراها مش

رسلي طوالي علي الاقل الواحد يقول جرب بلاد الغربة دي
دايراااااااااااااها اها بديك اسبوع عشان تصلني زيارتك دي
ومع الزيارة دي كان رسلتي توبين تلاتة من زريق الهندي دا تكوني ما قصرتي عشان لما اجي اشرفكم قدام معارفكم واصحابكم ;)

همسة : بالله لقيتني كيف ؟؟ ما مبالغة في الحقد الطبقي :D

مدنيّة

28-04-2007, 11:45 PM

اجد اجابة الاستاذة 0مدنية0في قول تلك القروية التي احضرت للقصر الملكي زوجةوامضت ترفا فيه السنين فردت مجيبة( واكل كسيرة في قعر بيتي احب الي من اكل الرغيف وتحرك خلخالي احب الي من صوت الدفوف) تجد صنوف الطعام والحلوي امامك والصدق عندي لاتسوي كوم نبق اوتسالي في شارع اتجاه واحد بمدني وكلمات اهلك الغبش تتجاذبك والطرفه سجية تتخللها وهمك ينتهي بقيلولة في ضليل بعيدا عن ازيز المكيفات وغامل المدن والمشاريع التي لا تطوي عندها يصدر البكاء علي مافقد0واراني ممن كنت يومها اسأل ماسألته استاذتنا مدنية والاجابة خير برهان في قلبي علي الورق فكل اناء بما فيه ينضح0اما قال اجدادنا قديما (تمرق من بيتك حزين تلقي الفرح من وين)ولكن مقدورنا مانحن فيه مانفك يبارحنا 0والمكضب يجرب0

طب ياعبدالرحيم المقعدك شنو ؟؟ ماتجي لشارع اتجاه واحد دا:confused:

مدنيّة

28-04-2007, 11:47 PM

لكن لقيتك يا مدنيه حقدك دفين وطبقي لدرجه فظيعه اها مشيت امبارح مخصو ص البحيره الجنبنا فيها بط كده مبالغه طبعا ده ما بياكلوهو يا مدنيه بس للمنظر:p قلت عشان الحقد الطبقي الفيكي يبقي صيينه عديل هههههه وانا بصور في الصور دي ومنتظر الغروب قلت بالله يعني مدنيه دي لو كانت هنا استمتاعها حيكون مختلف عنا استمتاعي بيهو انا القاعد اشوفو كلو يوم؟؟ لقيت الحكايه هي قناعه وبس غايتو اخليكي مع الصور عشان لو ما متي تكوني علي الاقل شقيتي المقابر هههههههههههه

تعرف ياود عشرية علي العلينا الليلة بالله الكتاحة قايمة ليك فينا من صباح الرحمن:o
والله ما بتشوف خمسة امتار قدامك
وهسي جيت عملت لي نفسيات علي العلي بصورك دي:(
غايتو الله يصلح الحال

مدنيّة

28-04-2007, 11:50 PM

طبعا يا اخوانا الحته دي كان بيجي القيصر الالماني ويلهم الثاني° يقضي فيها بس الصيف حتي جميله جدا ومننا كده حوالي ربع ساعه لمن ازهج بمشي ارسم هناك :D لانو مافيها كتاحه والناس نضااااااااف بصوره فظيعه وبالجد ما بتتوصف لاتقول لي مدني لا حي العمده ههههههههه اها يا مدنيه بسوق بنيتي واخليها تتفرج في البط وتصرفاتو ولو ماجاء الغروب ما برجعها داير اطلعها شاعريه ههههه ... الصور التانيه دي وانا راجع البيت بمر بكنيسه كده بسمع صوت الاجراس بتغني في معبد الحب يا سلااااااااااااام علي الخواجات ياخي بردد وراها دقت الاجراس في معبد الحب ونادت ههههههههههه نادت الافراح ..طبعا لانو الجو بيكون خرافي ما بركب العربيه البي ام دبليو 745 بتاعتي عشان احافظ علي البيئه واخفض من ناس ثاني اكسيد الكربون
واخواتو ...يا سلااااااااااام ياخي طبعا نسيت اقول ليكي برضو انو دوسلدورف دي مدينه من اغلي مدن المانيه معروفه بيجو فيها الشيوخ والامراء السعوديين بيشترو من سوق كده اسمو شارع الملوك Königs alle str اسمو بالالماني ° طبعا البنطلون فيهو ب 600 دولار هههههههههه لمن تهف لي بمشي اشرب قهوه واتفرج في الناس القيافه القهوه ب 8 يورو فنجان صغير بس بيكيف شديد ...هههههههههههههههههه اخليك مع الصور بتعبر ليك عن لسان حاله الليله غايتو الحقد المدني ده لو ما بقي ملكي ما اكون ود عشريه ....متابع معاك ههههه.

عليك الله بس قول لي سبب واحد يخلي بتك دي ما تطلع شاعرة ( بغض النظر عن المقولة البت عمة :D ) بس عليك الله شوف الجو اللي هي عايشة فيه دي لو ما طلعت زولة فنانة تستاهل ليها دقة بخرطوش
حليلكم ياامنية واية بناتي شغالات خمج في الطين ساااااااااااااااااااااي :(

مدنيّة

28-04-2007, 11:53 PM

والله يا ود امي بالغت مدنيه تاني لو دخلت هنا ... ادي دقني هههههههههههههههههههههههههههههههههههه

ياختي مالي ما بدخل ؟؟:eek:
يعني لا نمشي لا نشوف لا نسمع:o
والله ادخل وادخل وكان ما الملامة كان هسي قلت ليك عادي المناظر دي بالنسبة لي ;)

مدنيّة

28-04-2007, 11:59 PM

اها يامدنيه اخير ليك كده براكي جبتيهو لرقبتك والله نحنا زاتنا جاتنا نفسيات خليكي انتي في السودان
هههههههههههههههههههههههههههه
اسمعيني انا والله زي الغيرت رايي هههههههههه
ياعبدالمجيد لكن مابالغت ياخي للدرجه دي ياخي اها الزوله دي اخير نغير راينا معاها

لالا يالشريف ياخوي
علي الاقل لو ما متنا ياقول عبدالمجيد نكون شقينا المقابر;)
بس تغير رايك دا جاء معاي تماااااااام
:D

نزار حسن محمد

29-04-2007, 12:04 AM

بت امى الغاليه مدنيه ..حشا والف كلا انتى من الحقد ..عليكم الله ياناس شفته سمحة الاخلاق دى كيف مدنيه بلاك خربانه ام بناية قش ...ورفعتا ايدى لى رب العباد تتهنى يايمه وتنعمى براحة الضمير انتى يالطيبه يا ست المشاعر وما بصيبك الا خير ونحن مشتاقين وحاتك نحن مشتاقين كتير نقعد معاك فى الكتاحه ونشرب شاى البن ونضحك من جوه قلوبنا ...
وبعد كده هلا هلا على الجد والجد هلا هلا عليه اخوك اتحزم وتلزم انتى ماعليك الا تأمرى زياره لكل الاسره ماعندى مانع اقامه ماعندى مانع ..حاجات نور العيون ماعندى مانع دول الخليج ماعندى مانع دول اروبيه ماعندى مانع اسيويه مافى مشكله ..داخل السودان مافى مانع عمره الادمن جاهز بس انت ادللى .. واخوك جاهز ..

مدنيّة

29-04-2007, 12:05 AM

انتي يامدنية قولي ساكت السخانة مضايقاك عارفكم يالبنات قروشكم كلها رايحه في الكريمات وتجي الشمس تخرب كل حاجة ،،،،،،، يااختي تعالي جاي النحسدكم انتو ياناس الداخل مالكم مرتاحين ومروقين تنومو في الحيشان هوا بارد نقي ، تشربو من الحنفيات مياه النيل النقية موية مجانية ، لو ساكت هفت ليك من الصباح ماتمشي الشغل تقعد مع الحاجة تتونس وتفطر وتشرب القهوة بالك مروق مافي خوف ، ولو ساكت عندكم عرس في بورتسودان انشاء الله اجازة محلية اسبوع بدون خصم راحة صاح ، والزمن دا كمان البيوت والفرش وموضة السيراميك في كل مكان ومكائن الشاورما في المناسبات الصغيرة داخل البيوت لعشاء الضيوف مكيفات ثابتة مكيفات متحركة ، ،،،،،،ن

وحاة الله من ناحية السخانة مضايقانا لما كملتنا وما فضلت فينا اي حاجة وقد تكون دي وحدة من اسباب البوست دا معاها قطعة الكهرباء البقينا اصلا ما بنشوفها الا دقائق معدودات يعني بجيبوها لينا عشان ما ننسي شكلها

القال ليك منو عندنا موية في المواسير ؟؟ لا كهرباء لا موية انا بناتي لما الكهرباء تجي بغنوا اغنية زمن نميري - اتخيل الكبيرة عمرها 4 والصغيرة 2 سنوات - الكهرباء جات املوا الباغات هسي بتقطع
تقول لي موية في المواسير قال

وحتة مشي الشغل دي مافي طريقة الا انك تمشي علي الاقل بضربك الهواء البااااارد في المكتب اللي ما بتلقاه في البيت

مدنيّة

29-04-2007, 12:10 AM

بت امى الغاليه مدنيه ..حشا والف كلا انتى من الحقد ..عليكم الله ياناس شفته سمحة الاخلاق دى كيف مدنيه بلاك خربانه ام بناية قش ...ورفعتا ايدى لى رب العباد تتهنى يايمه وتنعمى براحة الضمير انتى يالطيبه يا ست المشاعر وما بصيبك الا خير ونحن مشتاقين وحاتك نحن مشتاقين كتير نقعد معاك فى الكتاحه ونشرب شاى البن ونضحك من جوه قلوبنا ...
وبعد كده هلا هلا على الجد والجد هلا هلا عليه اخوك اتحزم وتلزم انتى ماعليك الا تأمرى زياره لكل الاسره ماعندى مانع اقامه ماعندى مانع ..حاجات نور العيون ماعندى مانع دول الخليج ماعندى مانع دول اروبيه ماعندى مانع اسيويه مافى مشكله ..داخل السودان مافى مانع عمره الادمن جاهز بس انت ادللى .. واخوك جاهز ..

ههههههههههههههه
والله يانزار ياخوي كلامك بالجد بضكني من جوة قلبي والله في زمن احوج ما نكون فيه للضحكة

اها هسي دي ارسل ليك شهادتي يانزار وخلينا في القريبة دي الامارات - دول اوربا ما بنقدر عليها وزي ما قال الشريف الهندي الشافع ليه شهرين في الغربة رفع السماعة يشتكي ابوه - بس شغل يكون سمح يانزار ما شغل اي كلام وراتب تمام
ماتفتكر اني قلت كدا عشان عايزة اطلع برة البلد لالالالالالالالا بس عشان اشوف كلامكم دا صحي ولا كلام جرايد سااااااااااي واشوف لو كنت في مكانكم بعمل زيكم ولا تصرفاتي بتختلف يعني بس عايزة اعمل تجربة عملية مش عايزة اغترب وكدا:p

همسة : والله يانزار انا بتذكر ليك كلام في المنتدي دا قبل فترة قلت خلا راجع تب انا قلت الزول دا اليوم التاني نمشي نستقبله في المتار اها باين عليك كدا غيرت رايك وكلام الليل يمحوه النهار ;)

مدنيّة

29-04-2007, 12:12 AM

لقيت الحقد طالع من عيونك يامدنيه.وماتعمليها ظاهره كدا

ما بقدر ادسها يايسرا اصلي اللي علي قلبي علي لساني علي طوووووول ;)

همسة : مرحب بيك معانا ومنورة المنتدي

نزار حسن محمد

29-04-2007, 12:21 AM

همسة : والله يانزار انا بتذكر ليك كلام في المنتدي دا قبل فترة قلت خلا راجع تب انا قلت الزول دا اليوم التاني نمشي نستقبله في المتار اها باين عليك كدا غيرت رايك وكلام الليل يمحوه النهار ;)

[/COLOR][/SIZE][/FONT][/CENTER][/QUOTE]

يامدنيه ..واذيك من الشعر بيت من ماكتبت البوست ..داك انا جئت كم مره السودان فوق الخمسه مرات والحمدالله رتبت كل حاجه وجاهز مويه ونور ..لكن البقنع وزارة الداخليه شنوا ...يازوله والله الكذب الحرام والله هى دايره الرجعه اكتر منى لكن لما تقراء كلامك ده النوم بطير ليها من عيونه ..غايتو انا جاى جاى وتشوف عينك .

مدنيّة

29-04-2007, 12:27 AM

همسة : والله يانزار انا بتذكر ليك كلام في المنتدي دا قبل فترة قلت خلا راجع تب انا قلت الزول دا اليوم التاني نمشي نستقبله في المتار اها باين عليك كدا غيرت رايك وكلام الليل يمحوه النهار ;)

[/COLOR][/SIZE][/FONT][/CENTER]

يامدنيه ..واذيك من الشعر بيت من ماكتبت البوست ..داك انا جئت كم مره السودان فوق الخمسه مرات والحمدالله رتبت كل حاجه وجاهز مويه ونور ..لكن البقنع وزارة الداخليه شنوا ...يازوله والله الكذب الحرام والله هى دايره الرجعه اكتر منى لكن لما تقراء كلامك ده النوم بطير ليها من عيونه ..غايتو انا جاى جاى وتشوف عينك .[/QUOTE]

يعني هسي رديت لي في موضوع جيتك وعملت رايح من شهاداتي:confused:

نزار حسن محمد

29-04-2007, 12:35 AM

يعني هسي رديت لي في موضوع جيتك وعملت رايح من شهاداتي:confused:

[/QUOTE]
هذا رقم الفاكس 0097142125664 وانا اخوك انتى

مدنيّة

29-04-2007, 12:43 AM

يعني هسي رديت لي في موضوع جيتك وعملت رايح من شهاداتي:confused:

هذا رقم الفاكس 0097142125664 وانا اخوك انتى[/QUOTE]

خلا يانزار اها ياها دي شهاداتي ماشة ارسلهم ليك

همسة : اها يااخوانا الحمد لله الواحد ح يطلع ليه بفائدة من البوست دا وح يكون حقق اهدافه ولله الحمد :D

رضا حسن محمد

29-04-2007, 12:49 AM

بختك يا مدنية بختك
بختك يا مدنية بختك
ما فى مناسبة فى السودان ما كتلتيها
الاعراس والاتراح
محمود عبد العزيز تحضريهو بمزااااااااااااااااااااااااااااااااااااااااااااج
حتى كور الهلال والمريخ تدخليها

بختك يا مدنية بختك
تضحكى من جوة قلبك
لا كفيل لا رطوبة لا ضغوط نفسية لا استرس لا تشوفى الناس الكريهين البنشوفم ديل
تضحكى من جوة قلبك
تحضرى حميد ومحجوب شريف ومحمد المكى ابراهيم
وابوعركى وعقد الجلاد وساورا ويحضرى رقيص العروس (راجل المرة حلو حلا )
بختك يا منية بختك
مستمتعة باكل السودان الطاعم داك ( سندوتشات الهابرغر والفول )
اخ انا انشاءالله اموتوانشاءالله شبارقة ياكل السم
بناتك السمحات فى المدرسة ( ما شاء الله عليهن وابو بناتك يقرا فى الجريدة يقراها ويعيدة حى انا
بختك يا مدنية بختك

مدنيّة

29-04-2007, 01:02 AM

بختك يا مدنية بختك
بختك يا مدنية بختك
ما فى مناسبة فى السودان ما كتلتيها
الاعراس والاتراح
محمود عبد العزيز تحضريهو بمزااااااااااااااااااااااااااااااااااااااااااااج
حتى كور الهلال والمريخ تدخليها

بختك يا مدنية بختك
تضحكى من جوة قلبك
لا كفيل لا رطوبة لا ضغوط نفسية لا استرس لا تشوفى الناس الكريهين البنشوفم ديل
تضحكى من جوة قلبك
تحضرى حميد ومحجوب شريف ومحمد المكى ابراهيم
وابوعركى وعقد الجلاد وساورا ويحضرى رقيص العروس (راجل المرة حلو حلا )
بختك يا منية بختك
مستمتعة باكل السودان الطاعم داك ( سندوتشات الهابرغر والفول )
اخ انا انشاءالله اموتوانشاءالله شبارقة ياكل السم
بناتك السمحات فى المدرسة ( ما شاء الله عليهن وابو بناتك يقرا فى الجريدة يقراها ويعيدة حى انا
بختك يا مدنية بختك

رضا ياخوي خلا دا شبعنا منه قلنا نشوف العندكم ونقارن عشان المقارنة تبقي منطقية :D

والحمد لله اهو نزار اخوي ما قصر تب ما يقصرن ايامه وهسي الشهادات وصلن وهو وعدني خير:cool:

خطاب العبيد

29-04-2007, 04:32 AM

اناوالله غلبنى ارد اقول ليك شنو لانو الضحك ماكمل عندى لسة
وبعدين دى حقيقة البطول فى الغربة مابقدر يتأقلم مع جوالسودان تانى بشوف الاندماج مع الناس والجو هناك صعب شديدويصاب بيأس عشان كده بحاول يرجع للغربة تانى .
المهم نتمنى ربنا يعيدغربة كل السودانين .

(الجدادة ) الكل خمسة شهورويتلموفيهاكل ناس الحلة (دى جدعه مية المية منك)

الطويل

29-04-2007, 05:19 AM

ماعارف ارد اقوليك شنو

لكن كلامك حارقنى شديد:mad:

التوقيع

( مغترب )

ابوشوتال

29-04-2007, 05:40 AM

قايتو لقيتيها وطلعت في الكفر
دي سخانة ولا اقوم جاري
وكتاحة حلوة
وانشاء الله بي موية
وكداري
وادين حق المواصلات
حلوة علي قلبي بس اكون في بلدي
ماتقول لي المقعداك شنو
جيت ؛ وجيت ؛ خمسة سنة ولسة مابديت
بعد نبدا بديك خبر

مهيرة

29-04-2007, 06:20 AM

والله يامدنية المرق لينا ابراهيم ده من وين وخلاهو يضحك وكمان جاييك راجع قال :) فعلا بوست يخلي الزول يصلح النظارة وهو يقراهو مع ابتسامة عريضة معاها تريقة وعلامات استفهام كبيرة ؟
بوست رائع رائع وروعته تزداد بذكريات اجازات السودان والموية القاطعو ومليت الجرادل وصوت الموتور وملارية ودمدني البتخليك ينادوليك ود الجيران عشان الحقنة بس تصدقي الحاجات دي حلوة
مقارنة بمتعة لا طعم ولا رائحة فيها ، ومهما كانت الغربة وعائدها في النهاية نعم تحققي بعض الاحلام والمساعدات ولكنك محرومة محرومة محرومة يابتي من حاجات كتيرة فاتتك في السودان !
واسه السودان الناقصو شنو ؟ كل حاجة فيهو للغسيل الجاف وانواع المبيضات والمعجونات والمكسرات
انت قايلانها نحن مابنشوف دعايات الفضائية السودانية والبلو نايل !
وكمان سماحة فايته الحد في السرتية ميه الميه :)
وده كلو مابحلك يامدنية انا في لنتظار ترسلي لي : الفسيخ والجبنة المضفرة والسجق البلدي وعليك الله تلجي لي ( اللحمة العجالي المفرومة وسمك البياض ) :D

النعناع نشفي ساكت ورسلي وما بجيك راجعة تاني زي ابراهيم :)

ود المطامير

29-04-2007, 07:45 AM

خدمة تحويل الرصيد من موبايل لموبايل
طبقوها هنا عندنا من فتره وجيزه وفى السودان من زمان موجوده
هنا وين ما تعاينى تلقى الصحراء والسفايه
وهناك وين ما تعاينى تلقى الخضره وتلقى ما يسر الناظر والعيون
هناك لو فى فلس هنا فى شوية دراهم حرّم التقول ممحوقه تمسكيها
بهنى وشويتين تلاته تطير من يديك ذى أبو الرقيعات ( ما تقولى لى أبو الرقيعات شنو ؟ )
هنا ( الفضائح ) بالكوم .. داك فنشوهوا وسافر والمره حلفت ما ترجع وقعدت مع الوليدات
بدون أبو الوليدات .. هنا ... لندن

ود المطامير

29-04-2007, 07:53 AM

ياود المتامير عايز تزعلني زيادة بمقارنتك دي ، سح ؟؟ :mad:

همسة : أبو الضبضوب دا منوووو :confused:

أبو الضبضوب دا هو اللى بيعيش فى ( الكراد )
والله يا مدنيه المغتربين ما يلحقوك فى الأميه بتاعتك دى
هع هع هع هع

سواااح

29-04-2007, 08:45 AM

يا جماعة مدنية دي ما تشوفو ليها حل وتسكتوها

لو قفلت معاكم خالص انشاء الله عمرة !!!!!!!!!!!!!!!!

سواااح

29-04-2007, 08:50 AM

وازيدها ليكم ليها مغص

البيك

بيتزا هت

ديمنوز بيتزا

ماكدونلد

ومعجون الاسنان

كرست

كلوس اب

وباقي الحاجات مافي داعي اقولها

HaSsOoN

29-04-2007, 01:10 PM

والله انا غالبني اكتب شنو الضحك شارطني لحدي ماوقعتا يا خالتو اقصد يااختي مدنيه الحاصل عليك شنو ...يعني الليله شانا هجوم عنيف على المغتربين كلهم ماخليتي لا صغير لاكبير....كدي روقي المنجا حبه حبه ...ولا دا كلو من تاثير الكتاحات ...... ربنا يعينك ساااي

وجايك راجع

Madanawi

29-04-2007, 10:57 PM

أنا أمس سمعت في نشرة الأخبار في الفضائية السودانية .. إنه الجو حاااااااااار .. جدا في السودان ، وبعدين في سحائي حايم .. حمانا الله وإياكم .. "ياهو أبو فرار زاتو" .. وبعدين لاحول ولا قوة إلا بالله .. ربنا يحفظ الجميع .. قالوا في إصابات .. أها بعد ده كله يا مدنية .. دايراني أرد على كلامك؟؟؟

نزار حسن محمد

29-04-2007, 11:05 PM

يامدناوى .. تغير الطقس وهطل المطر وبرد الجو ...وهذه هو السودان ..اخبار وصلت الان وجديده لنج

محمد حسين (المميز)

30-04-2007, 12:46 AM

اقول فيك شنوو بعد ده

بغرانـــــه

ولاّ

حاسدانــــه

ولاّ

غيرانـــــه

ولاّ

مادايرانــــه

بركه في اخواني الردو ليك

مغترب ومغترب ومغترب

*-*-*-*-*-*-*-*-*-*-*-*-*

نزار حسن محمد

30-04-2007, 12:51 AM

اقول فيك شنوو بعد ده

بغرانـــــه

ولاّ

حاسدانــــه

ولاّ

غيرانـــــه

ولاّ

مادايرانــــه

بركه في اخواني الردو ليك

مغترب ومغترب ومغترب

*-*-*-*-*-*-*-*-*-*-*-*-*

هيا ..المميز ..وينك انت وبركه الجيت ..بركه الجيت ..عليك الله يالمميز احكى للناس ديل كلهم موضوع الشاى بالبن نص النهار..فى مكتب مدنيه ؟؟؟

محمد حسين (المميز)

30-04-2007, 01:00 AM

حولاااااااااااااااااااااا

لكن يانـــــــزار بالغت

انت لســّه فاكر
مدنيـّه قالت ننسى الموضوع
وتاني البيجيها بتقدم ليهو لبـــن ساااااااااااااااااااي بدون شاي

هههههههههههههههههههه

*-*-*-*-*-*-*-*-*-*-*

مدنيّة

30-04-2007, 01:47 AM

اناوالله غلبنى ارد اقول ليك شنو لانو الضحك ماكمل عندى لسة
وبعدين دى حقيقة البطول فى الغربة مابقدر يتأقلم مع جوالسودان تانى بشوف الاندماج مع الناس والجو هناك صعب شديدويصاب بيأس عشان كده بحاول يرجع للغربة تانى .
المهم نتمنى ربنا يعيدغربة كل السودانين .

(الجدادة ) الكل خمسة شهورويتلموفيهاكل ناس الحلة (دى جدعه مية المية منك)

بتضحك ياخطاب عشان مرتاااااااااااح في بلاد العز القاعد فيها :mad:

والمشكلة ياخطاب انهم يقولوا ليك راجعين تحسب ليهم 15 سنة من كلامهم دا وهم لسة يقولوا ليك راجعين ياخ ديل فاتوا عمرو دياب في اغنية راجعين :D

همسة : صدقني دا حال الجداد هنا يلا رسل لينا شوية فراخ من عندكم - شوف المفارقة زاتها عليك الله !! العندنا جدادة والعندكم فراخ :( -

مدنيّة

30-04-2007, 01:51 AM

ماعارف ارد اقوليك شنو

لكن كلامك حارقنى شديد:mad:

التوقيع

( مغترب )

هو صح ولا غلط كلامي دا يامغترب:confused:

بس اعتقد بما انه حرقك يبقي صح :D

مدنيّة

30-04-2007, 01:52 AM

قايتو لقيتيها وطلعت في الكفر
دي سخانة ولا اقوم جاري
وكتاحة حلوة
وانشاء الله بي موية
وكداري
وادين حق المواصلات
حلوة علي قلبي بس اكون في بلدي
ماتقول لي المقعداك شنو
جيت ؛ وجيت ؛ خمسة سنة ولسة مابديت
بعد نبدا بديك خبر

تعرف ياابوشوتال لو حسبت ليك من هنا لعشرة سنوات لقدام ح تقول لي لسة ما بديت
والله غالب

مدنيّة

30-04-2007, 01:55 AM

والله يامدنية المرق لينا ابراهيم ده من وين وخلاهو يضحك وكمان جاييك راجع قال :) فعلا بوست يخلي الزول يصلح النظارة وهو يقراهو مع ابتسامة عريضة معاها تريقة وعلامات استفهام كبيرة ؟
بوست رائع رائع وروعته تزداد بذكريات اجازات السودان والموية القاطعو ومليت الجرادل وصوت الموتور وملارية ودمدني البتخليك ينادوليك ود الجيران عشان الحقنة بس تصدقي الحاجات دي حلوة
مقارنة بمتعة لا طعم ولا رائحة فيها ، ومهما كانت الغربة وعائدها في النهاية نعم تحققي بعض الاحلام والمساعدات ولكنك محرومة محرومة محرومة يابتي من حاجات كتيرة فاتتك في السودان !
واسه السودان الناقصو شنو ؟ كل حاجة فيهو للغسيل الجاف وانواع المبيضات والمعجونات والمكسرات
انت قايلانها نحن مابنشوف دعايات الفضائية السودانية والبلو نايل !
وكمان سماحة فايته الحد في السرتية ميه الميه :)
وده كلو مابحلك يامدنية انا في لنتظار ترسلي لي : الفسيخ والجبنة المضفرة والسجق البلدي وعليك الله تلجي لي ( اللحمة العجالي المفرومة وسمك البياض ) :D

النعناع نشفي ساكت ورسلي وما بجيك راجعة تاني زي ابراهيم :)

اسمعي يامهيرة ما تجي نتبدل انا وانتي تقعدي انتي تشبعي في الكلام القلتيه دا خمسة سنوات وانا اكون كونت نفسي والاتنين نكون استفدنا من تبادل التجربة ;)

اها رايك شنوووووووووو :o

مدنيّة

30-04-2007, 01:59 AM

خدمة تحويل الرصيد من موبايل لموبايل
طبقوها هنا عندنا من فتره وجيزه وفى السودان من زمان موجوده
هنا وين ما تعاينى تلقى الصحراء والسفايه
وهناك وين ما تعاينى تلقى الخضره وتلقى ما يسر الناظر والعيون
هناك لو فى فلس هنا فى شوية دراهم حرّم التقول ممحوقه تمسكيها
بهنى وشويتين تلاته تطير من يديك ذى أبو الرقيعات ( ما تقولى لى أبو الرقيعات شنو ؟ )
هنا ( الفضائح ) بالكوم .. داك فنشوهوا وسافر والمره حلفت ما ترجع وقعدت مع الوليدات
بدون أبو الوليدات .. هنا ... لندن

ها ياود المتامير وانت قايل خدمة تحويل الرصيد دي عملوها لينا لشنو يعني ؟؟
ماعشان الواحد ما بيكون عنده اللي بيشحن بيه الموبايل
وحاة الله تلقي الواحد شايل اخر موديل ويعمل ليك مس كول لانه ماعنده رصيد اها موباتل كتر خيرها عملت الخدمة دي زي ما الدكانين عملت قدر ظروفك

اها ما سالتني هو زاتووووووو شايل اخر موديل في الموبايلات من وين ؟؟ ارد واقوليك رسله ليه اخوه المغترب :D

والله السفاية دي لو كنت امبارح قاعد في السودان كان فهمت حاجة ، وبعدين الخضرة دي وينها :eek: الا لو قصدك ملاح الخضرة :cool:

وبعدين انت ما كلموك انه قروشنا زااااتها اتمحقت ؟؟

عليك الله لما تقول لي كلام خت الترجمة علي الشريط :D ( ابوالرقيعات )

مدنيّة

30-04-2007, 02:09 AM

أبو الضبضوب دا هو اللى بيعيش فى ( الكراد )
والله يا مدنيه المغتربين ما يلحقوك فى الأميه بتاعتك دى
هع هع هع هع

هي لكن انت بتسترجع في الكلمات النسيتها دي معاي انا :mad:
واريد بعد دا لو بتوريني معني الكلمات دي لكن بس تحرق لي بيها روحي وتقعد :D

مدنيّة

30-04-2007, 02:11 AM

يا جماعة مدنية دي ما تشوفو ليها حل وتسكتوها

لو قفلت معاكم خالص انشاء الله عمرة !!!!!!!!!!!!!!!!

لالا خلا ياسواااح
نزار فهم ورسلت ليه الشهادات
بس تحوطا كدا جهز لي العمرة انت :cool:

مدنيّة

30-04-2007, 02:13 AM

وازيدها ليكم ليها مغص

البيك

بيتزا هت

ديمنوز بيتزا

ماكدونلد

ومعجون الاسنان

كرست

كلوس اب

وباقي الحاجات مافي داعي اقولها

اي مافي داعي تقولها عشان جيتك خلا قربت وبعدين بتندم علي القوالة دي لما ما تلقاها هنا :rolleyes:

مدنيّة

30-04-2007, 02:18 AM

والله انا غالبني اكتب شنو الضحك شارطني لحدي ماوقعتا يا خالتو اقصد يااختي مدنيه الحاصل عليك شنو ...يعني الليله شانا هجوم عنيف على المغتربين كلهم ماخليتي لا صغير لاكبير....كدي روقي المنجا حبه حبه ...ولا دا كلو من تاثير الكتاحات ...... ربنا يعينك ساااي

وجايك راجع

والله ياحسون لو قعدت في السخانة دي والكهرباء القاطعة كان الضحك دا طار ليك من راسك

منتظرة الرجعة :D

منير محجوب

30-04-2007, 02:26 AM

أكون في السودان وعدمان بين أهلي وناسي ومرتاح نفسياً،،، ولا في الغربة الكلها ضغوط نفسية ، وعدم شعور بالأمان ، ووقتك ونفسك ملك غيرك، وبرمجة وروتين قاتل جداً ،، عشان كدة أعز مكان بلدي السودان، بلادي وإن جارت علي عزيزة وأهلي وإن ضنوا علي كرام،،،

صلاح ودالطاهر

30-04-2007, 03:22 AM

يا مدنية اختي كدي ختي الرحمن في قلبك وقول بسم الله واكل الاكل ده واشرب البارد ده
مشاققه الجداد دي عمل منها عشره اصناف بعد متسلقيه تجيبي جباده ذي بتاعت السمك مره تدخليها حلة الخضره شويه وتنشليها ومره حلة الباميه وهاكذا الرجله ..البطاطس.. البامبي .. الاسود... حتي تصلي مرحلة التحمير برجع ليك

ود المطامير

30-04-2007, 11:04 AM

يا مدنيه أنا لى من السودان عشره سنوات وما نزلت إجازه والله جد
عليك الله شوفى لى فكى يفك لى العارض دا وليك على أرسل ليك
صور جميله لمدينة أبوظبى تغمضى عيونك وتحلمى إنك مغتربه فيها .

نيليه

30-04-2007, 10:11 PM

ههههههههههههههههه
عاد يا مدنية اختي ما عارفة اقول ليك شنو موضوعك خطير جد
انتي ما سمعتي بي حكاية القرد الانتحر ؟؟؟؟
هاك القصة :
قالو في مسابقة في دولة من دول الخليج المسابقة في( قرد) رجل اعمال خليجي صاحب القرد
قال البقدر يضحك لي القرد دا حياخد مليون ،والببكيه برضو ياخد مليون ،والبقدر يكره القرد لدرجة انو ينتحر ياخد المليون التالت , اها المتسابقين كلهم فشلو
في سوداني مشترك وجا دوره ،قال لي القرد كلمة في أضانو القرد وقع علي قفاه ومات من الضحك
صاحبنا أخد المليون .
تاني صاحبنا اتكلم مع القرد والقرد هاك يا بكاء شديد لمن أدوه مناديل الورق .
وشال المليون التاني .
تاني اخينا همس لي القرد في أضانو القرد قفز في سطوح العمارة وجا واقع في رقبته ...مات طبعا
ونال المليون التالت . تصفيق من الحضور والقنوات عملت معاه لقاءات وحوارات وكده .
اها سألو السوداني عن الحصل
قال ليهم : في الحقيقة انا زاتي ما عارف القرد دا مالو . قلت ليه في المرة الاولي انا من السودان
اتفقع ضحك , والمرة التانيه قلت ليه الكفيل نهئ خدمتي هنا وحارجع السودان , بكاء شديد
والمرة التالته قلت ليه حاسوقك معاي السودان ........... القرد أنتحر ؟؟؟؟
اها يختي رايك شنو ،،،،،

مدنيّة

02-05-2007, 02:38 AM

أكون في السودان وعدمان بين أهلي وناسي ومرتاح نفسياً،،، ولا في الغربة الكلها ضغوط نفسية ، وعدم شعور بالأمان ، ووقتك ونفسك ملك غيرك، وبرمجة وروتين قاتل جداً ،، عشان كدة أعز مكان بلدي السودان، بلادي وإن جارت علي عزيزة وأهلي وإن ضنوا علي كرام،،،

طب يامنير ما تجي راجع المقعدك شنووووووو

مدنيّة

02-05-2007, 02:39 AM

يا مدنية اختي كدي ختي الرحمن في قلبك وقول بسم الله واكل الاكل ده واشرب البارد ده
مشاققه الجداد دي عمل منها عشره اصناف بعد متسلقيه تجيبي جباده ذي بتاعت السمك مره تدخليها حلة الخضره شويه وتنشليها ومره حلة الباميه وهاكذا الرجله ..البطاطس.. البامبي .. الاسود... حتي تصلي مرحلة التحمير برجع ليك

الحاجات دي لو اناولتها انا ياصلاح طبعي بخرب اها تاني القاها وين عاد :o

مدنيّة

02-05-2007, 02:46 AM

يا مدنيه أنا لى من السودان عشره سنوات وما نزلت إجازه والله جد
عليك الله شوفى لى فكى يفك لى العارض دا وليك على أرسل ليك
صور جميله لمدينة أبوظبى تغمضى عيونك وتحلمى إنك مغتربه فيها .

هي صور ابوظبي اعمل بيها شنووووووووووو ياودالمتامير:mad:

ياخ ما تخليها زيارة :D

مدنيّة

02-05-2007, 02:50 AM

ههههههههههههههههه
عاد يا مدنية اختي ما عارفة اقول ليك شنو موضوعك خطير جد
انتي ما سمعتي بي حكاية القرد الانتحر ؟؟؟؟
هاك القصة :
قالو في مسابقة في دولة من دول الخليج المسابقة في( قرد) رجل اعمال خليجي صاحب القرد
قال البقدر يضحك لي القرد دا حياخد مليون ،والببكيه برضو ياخد مليون ،والبقدر يكره القرد لدرجة انو ينتحر ياخد المليون التالت , اها المتسابقين كلهم فشلو
في سوداني مشترك وجا دوره ،قال لي القرد كلمة في أضانو القرد وقع علي قفاه ومات من الضحك
صاحبنا أخد المليون .
تاني صاحبنا اتكلم مع القرد والقرد هاك يا بكاء شديد لمن أدوه مناديل الورق .
وشال المليون التاني .
تاني اخينا همس لي القرد في أضانو القرد قفز في سطوح العمارة وجا واقع في رقبته ...مات طبعا
ونال المليون التالت . تصفيق من الحضور والقنوات عملت معاه لقاءات وحوارات وكده .
اها سألو السوداني عن الحصل
قال ليهم : في الحقيقة انا زاتي ما عارف القرد دا مالو . قلت ليه في المرة الاولي انا من السودان
اتفقع ضحك , والمرة التانيه قلت ليه الكفيل نهئ خدمتي هنا وحارجع السودان , بكاء شديد
والمرة التالته قلت ليه حاسوقك معاي السودان ........... القرد أنتحر ؟؟؟؟
اها يختي رايك شنو ،،،،،

والله يا نيلية بالغتي فيها دي:D

نور العيون

02-05-2007, 03:10 AM

و الله يا مدنية قطعتي مصاريني من الضحك
كدي امشي اكمل ضحكي و اجي ارد عليكي

مدنيّة

02-05-2007, 03:12 AM

و الله يا مدنية قطعتي مصاريني من الضحك
كدي امشي اكمل ضحكي و اجي ارد عليكي

كلكم تضحكوا اي اضحكوا سمح عشان ما عايشين معانا :mad:

منتظرة جيتك بفارغ الصبر ياغالية ;)

احمدمحمدعلي

02-05-2007, 12:25 PM

سلام مدنيه
علي فكرة كلامك كله في محله
ابسط شي شوفي ليك بنت ولا ولد من الناس الولدوهم
ان كان في السعوديه او ابوظبي الخ...........................
خيهم امشوا معاك ساي بالمواصلات تلقا الواحد او الواحه
خلاص تعبانيين زي مرضان السنين ولو لي مائه متر(مش جري بس
يمشون الهويني)
يوم قبلت لي واحده من اخواتنا في الميل قمت رسلت ليها
اغنيه البلابل تخيلي قالت لي شنو (طبعا قبل ما تفتحها)
ان شاء الله تكون عربيه لانو انا ما بحب الاغاني السودانيه
ولا بعرف الفنانيين السودانيين ولا بفهم كلامهم
بس لو حبيت رسل لي اغني لي هاني؟
عاوز اسألك انتي في فنان سوداني جديد اسمه هاني؟

عبدالمجيد عشريه

03-05-2007, 01:54 PM

بالجد يا مدنيه حننتيني بعد شفته الصور دي يا ربيييييييييييييييييي انتي صابره كيف:confused:

طارق سنهوري

04-05-2007, 04:47 AM

يامدنية السلام
وتانى يامدنية كلامك صاح مية فى المية وانا ماعندى اى مانع ابدلك
وبعدين كان قلتى الروب والله مابرجعك تمام .

اخوك مخنوق!!!!

شبرقية

04-05-2007, 05:02 AM

مدون انت لسه قاعدة في الكتاحة دي
الله يصبرك وقدرك عليها
لكن ياختي احسن ليك
حاكم الغربة صعبة
وكلنا ان شاء الله راجعين
طبعا بعد 20 اقل سي
اها ياحبوبة لما اجي اجيب ليك حاجة

شبرقية

04-05-2007, 05:38 AM

خالتو هاكي دي هدية مازي هادية استاذنا ود عشرية بس اقبليها مننا

مسافر

04-05-2007, 06:40 AM

والله دي مبالغ فيها اصلو ماشي السودان ولا اسرايئل وبعدين الله ما شق حنك ضيعو مش تقول لي الكفيل و هم يضحك و هم يبكي و هم يموت

مدنيّة

06-05-2007, 01:55 AM

سلام مدنيه
علي فكرة كلامك كله في محله
ابسط شي شوفي ليك بنت ولا ولد من الناس الولدوهم
ان كان في السعوديه او ابوظبي الخ...........................
خيهم امشوا معاك ساي بالمواصلات تلقا الواحد او الواحه
خلاص تعبانيين زي مرضان السنين ولو لي مائه متر(مش جري بس
يمشون الهويني)
يوم قبلت لي واحده من اخواتنا في الميل قمت رسلت ليها
اغنيه البلابل تخيلي قالت لي شنو (طبعا قبل ما تفتحها)
ان شاء الله تكون عربيه لانو انا ما بحب الاغاني السودانيه
ولا بعرف الفنانيين السودانيين ولا بفهم كلامهم
بس لو حبيت رسل لي اغني لي هاني؟
عاوز اسألك انتي في فنان سوداني جديد اسمه هاني؟

لالالالا دي لو جينا ليها ما ح نخلص عشان كدا خليها

اي هاني السوداني ما سمعت بيه ؟؟:eek: بالغت لكن:cool:

مدنيّة

06-05-2007, 01:58 AM

بالجد يا مدنيه حننتيني بعد شفته الصور دي يا ربيييييييييييييييييي انتي صابره كيف:confused:

غايتو يا عبدالمجيد شكيتك
يعني بقيت شغال قصادنا بس ؟؟ العصرية العصرية تشيل كامرتك وتطلع تصور لينا ؟؟:mad:

همسة : الشئ الواراء دا كتاحة ياعشرية ؟؟:confused:
امانة الكتاحة مافيك يا المانيا :cool:

مدنيّة

06-05-2007, 02:00 AM

يامدنية السلام
وتانى يامدنية كلامك صاح مية فى المية وانا ماعندى اى مانع ابدلك
وبعدين كان قلتى الروب والله مابرجعك تمام .

اخوك مخنوق!!!!

طب ياطارق الخانقك شنو ؟ ما تجي راجع

مدنيّة

06-05-2007, 02:05 AM

مدون انت لسه قاعدة في الكتاحة دي
الله يصبرك وقدرك عليها
لكن ياختي احسن ليك
حاكم الغربة صعبة
وكلنا ان شاء الله راجعين
طبعا بعد 20 اقل سي
اها ياحبوبة لما اجي اجيب ليك حاجة

والله يا شبرقية الكتاحة الجاتنا عمرك كلووو ماشفتي زيها

ياختي قلت ليك جيبي لي اقااااااااااامة

مدنيّة

06-05-2007, 02:06 AM

خالتو هاكي دي هدية مازي هادية استاذنا ود عشرية بس اقبليها مننا

انتي اي حاجة مقبولة منك ياعثل

حتي لو كانت اقامة;)

مدنيّة

06-05-2007, 02:08 AM

والله دي مبالغ فيها اصلو ماشي السودان ولا اسرايئل وبعدين الله ما شق حنك ضيعو مش تقول لي الكفيل و هم يضحك و هم يبكي و هم يموت

مسافر ياختي القرد دا الوحيد الحاسي بحالتنا:(

mohd.dafalla

06-05-2007, 10:12 AM

يابت الناس الغربة ما هي جداد كنتاكي ولا معجون بنكهة اللوز الغربه ستره هروب احيانا وعدم الرجوع معناه زول غرقان ماقدر الي ينقذه والله والله لو تبدلني ابدلك بس بشرط تتحملي عذاب الايام الراحت واهم شئ شماتت الناس البجيهم راجع وانا لا احمل من اتلغربة الا صلعه كبييره وممكن ضغط ولا سكري هههههه دا حال الاغلبيه وانا حالي الحمد لله تمام يعني ما حيكون للشمات اي كلام ولك التقدير والاحترام اخت مدنيه

Madanawi

07-05-2007, 03:19 AM

سبحان الله يا التومة ،،

ريح .. و صرصر .. وعاتية

دي من الحسد يا مدنية ،،،،

المرة الجاية .. أعملي حسابك من الطوفان ..

لانو الحسد طلّع ابليس من الجنة

وأغرق فرعون في البحر

وما تنسي قصة هاروت وأخوه وبداية القتل على ظهر الارض كأول جريمة قتل لإنسان ،

شبارقة

07-05-2007, 06:06 AM

اكتر حاجة بتغيظني في المغتربين ديل لما تجي تتكلم معاهم وتقول ليهم شوفوا لي شغل معاكم يرد يقولوا ليك والله انت قاعد في نعمة ما عارفها ساااااااااي قاعد في بلدك وسط اهلك وتعمل العايزه وما في أي زول بيسالك ( نحن ولاد بلد نقعد نقيف علي كيفنا ) اها تقوم تقتنع بكلامه دا وتقول ليه طب ياخ ما ترجع لبلدك دي المانعك شنو من الرجوع ؟؟
يقول ليك لالا ما بقدر بعد كدا اعيش في السودان انا خلا كيفت وضعي علي العيشة برة البلد !!!!!
اها يالمغتربين مالكم وحالكم حال الزينين وعدوا معاي لا عندكم سخانة جو لا كهرباء قبل ما تجي زي الناس تقطع تاني لا اولادكم بيمرضوا – مافي زول يجي بكرة يقول مدنية سحرت ليي اولادي :D – مبسوووووووووووطين اربعة وعشرين قيراط بياكلوا الشكولاتات بالانواع والاشكال ويشربوا الالبان والعصائر بالعلب احنا شفعنا يالله الله تلقي ليهم وقية لبن في الاسبوع يشربوها وتغسلوا هدومكم باريل وكمان معاه لمسة داوني احنا كان غسلنا هدومنا ياهو صابونه الغسيل دي بالله الصابونة الواحدة تغسل بيها خمسة دست وكان علي الاكل شبعااااااااااااااااااااااانين شبع السنين والجكن دا ما مخلين فيه شئ ، اها شئ بروست وشئ رضوي وشئ كنتاكي وشئ ما بعرف شنو احنا من الاسم بس تقوم جاري (جدادة ) ومرة كل خمسة شهور تتلما فيها الحلة كلها
وكله كوم ومعاجين الاسنان بتاعتكم كوووم براه شئ ضد التسوس وشئ بنكهة شنو ما بعرف وشئ للاسنان الحساسة وشئ للاسنان اللي ممكن تكون حساسة وشئ للاسنان الحساسة واللي ما نفع معاها بتاع الاسنان الحساسة واحنا لينا الله وعيشة السوق ياهو ابو وردة دا اذا وجد يعني ولو ما وجد الواحد يكشح وشه بحبة موية ويجي طالع
هووووووووي اسمعوا مافي زول يقول مدنية عندها حقد طبقي دفين وطهر من خلال البوست دا لكن بالجد والله بستغرب انكم عائشين عيشة هنية وما راضين ليها نجي نقول ليكم بدلونا تقولوا لا اها نفهم شنو بس احنا !!! :confused:

لاااااااااااااااااااااااااااااا إله الا الله محمد رسول الله
صلى الله عليه وسلم ...

عندي النيه يا مدنيه
أرسل ليك كفيلة قوية
تنغص عيشتك الصبحية
تقابلك في الصباح وعشية
*****
يا مدون ، ياعمتي الطيبة ..
كل حاجة وعندها رسوم ..
نحن ـ عفواً ـ هم ، والضمير يرجع الى المحترقين ، عفواً تاني ـ المغتربين ، دافعين تمن غالي جداً جداً .. أحمدي الله ، وخليك مع ملاح الورق والكسرة البايتة وابوصفقه ،،،

نصيحة من أخوك أسمعي كلامي!

مدنيّة

08-05-2007, 12:12 AM

يابت الناس الغربة ما هي جداد كنتاكي ولا معجون بنكهة اللوز الغربه ستره هروب احيانا وعدم الرجوع معناه زول غرقان ماقدر الي ينقذه والله والله لو تبدلني ابدلك بس بشرط تتحملي عذاب الايام الراحت واهم شئ شماتت الناس البجيهم راجع وانا لا احمل من اتلغربة الا صلعه كبييره وممكن ضغط ولا سكري هههههه دا حال الاغلبيه وانا حالي الحمد لله تمام يعني ما حيكون للشمات اي كلام ولك التقدير والاحترام اخت مدنيه

اكيد الاغتراب ما هي جداد كنتاكي ولا معجون بنكهة اللوز بس وحدة من محاسنها :D
بعدين مالك ومال الناس انت بس تعال اقعد معانا في السخانة دي والكهربا القاطعة ومن اشتغل بالناس مات هما

لقيتني حاقدة سح ؟ :cool:

مدنيّة

08-05-2007, 12:14 AM

سبحان الله يا التومة ،،

ريح .. و صرصر .. وعاتية

دي من الحسد يا مدنية ،،،،

المرة الجاية .. أعملي حسابك من الطوفان ..

لانو الحسد طلّع ابليس من الجنة

وأغرق فرعون في البحر

وما تنسي قصة هاروت وأخوه وبداية القتل على ظهر الارض كأول جريمة قتل لإنسان ،

سجمي يا التوم دا كله

مدنيّة

08-05-2007, 12:15 AM

لاااااااااااااااااااااااااااااا إله الا الله محمد رسول الله
صلى الله عليه وسلم ...

عندي النيه يا مدنيه
أرسل ليك كفيلة قوية
تنغص عيشتك الصبحية
تقابلك في الصباح وعشية
*****
يا مدون ، ياعمتي الطيبة ..
كل حاجة وعندها رسوم ..
نحن ـ عفواً ـ هم ، والضمير يرجع الى المحترقين ، عفواً تاني ـ المغتربين ، دافعين تمن غالي جداً جداً .. أحمدي الله ، وخليك مع ملاح الورق والكسرة البايتة وابوصفقه ،،،

نصيحة من أخوك أسمعي كلامي!

وانت المقعدك هناك شنو ؟؟ ما تجي ليه ابو صفقة دا:mad:

شبارقة

08-05-2007, 12:57 AM

خلاص ،، رسلي لي فيزا

ههههههههههههههههههههههههههه

حسن سادة

08-05-2007, 03:32 AM

العزيزة مدنية
راحة شنو ورفاهية شنو اللي قاعدة تكلمينا عنها؟
عاد الراحة والبهجة والأبهة ما عندكم
عليك الله أغشي المنشية وأدي طلة للدوحة والطائف
وزوري العمارات بالصلاة على النبي
وشوفي العز والترف اللي ما شافها أجدع مغترب
الحاجات اللي إنت ذكرتيها من فاست فوود وجريل
وبيتزا والبيرجرات كلها بتلقيها بالكوم والبهجة الما خمج
لكين سوررري ما في الكلاكلات والأمبدات وما في الضواحي
طرف المدائن لكين بتلقيها عند ناس فلان وعلان ناس الشرف الباذخ
الأكلو حقوقنا وبس دايرين دماءنا تسيل
اللي بتعرفيهم كويس

وفي فمي ماء ولا ينطق من فيه ماء

وشكراً على البوست الظريف يا أختاه

mohd.dafalla

08-05-2007, 05:39 AM

والله موضوع جد حلو وجميل لو اخد بجانب المزح نوع من الجدية من الاتجاهات الاربع وكمان البعد الخامس ولك كل التحية والتقدير اخت مدنيه وللجميع

مدنيّة

23-05-2007, 01:52 AM

خلاص ،، رسلي لي فيزا

ههههههههههههههههههههههههههه

تبعا اتارخت في الرد عشان كنت بعمل في اجراءات الفيزا:cool:

همسة : هي الفيزا دي شنو ؟؟ تصغير لفيزياء ولا شئ تاني ، معليش اختك ثقافتها مهدودة:(

مدنيّة

23-05-2007, 01:57 AM

العزيزة مدنية
راحة شنو ورفاهية شنو اللي قاعدة تكلمينا عنها؟
عاد الراحة والبهجة والأبهة ما عندكم
عليك الله أغشي المنشية وأدي طلة للدوحة والطائف
وزوري العمارات بالصلاة على النبي
وشوفي العز والترف اللي ما شافها أجدع مغترب
الحاجات اللي إنت ذكرتيها من فاست فوود وجريل
وبيتزا والبيرجرات كلها بتلقيها بالكوم والبهجة الما خمج
لكين سوررري ما في الكلاكلات والأمبدات وما في الضواحي
طرف المدائن لكين بتلقيها عند ناس فلان وعلان ناس الشرف الباذخ
الأكلو حقوقنا وبس دايرين دماءنا تسيل
اللي بتعرفيهم كويس

وفي فمي ماء ولا ينطق من فيه ماء

وشكراً على البوست الظريف يا أختاه

هي ياحسن يا اخوي الكلام ما علي العمارات اللي ساكنين فيها دي
لانه برضو كهربتكم بتقطع - وان كان عندهم مولدات - والكتاحة بتجيهم زي ما بتجينا - وان كانوا بدسوا وراء قزاهم الملون السمح - ومويتهم بتقطع - وان كان عندهم صهاريج -
يعني يا حسن ياخوي انا بتكلم عن البيئة العامة ما عن ناس مخسوسين
لكن انتو هناك لا عندكم موية بتقطع لا كهربا بتقطع لا كتاحة ودي اهم شئ :D

مدنيّة

23-05-2007, 02:00 AM

والله موضوع جد حلو وجميل لو اخد بجانب المزح نوع من الجدية من الاتجاهات الاربع وكمان البعد الخامس ولك كل التحية والتقدير اخت مدنيه وللجميع

تعرف يا mohd.dafalla كمان اكتر حاجة المغتربين ديل بيعملوها ظاهرة شنو ؟؟
ينكروا ليك الواحد حطب بالله التقول ما شافوه قبال كدا مع انهم 25 ساعة × اليوم بيكونوا مع بعض بس الواحد يصل بلاد برة وعينك ما تشوف الا النور:(

البصري

23-05-2007, 10:39 AM

شوفوا ......‏
كلام مدنية ما زعلني بقدر ما زعلني وجود غلطات إملائية كثيرة وفي كلمات بسيطة مستحيل البفك الخط يغلط ‏فيها ....... صدقوني جد زعلت ليكم وما قصدي غير الناس تراجع لغتها شوية ...... والله من وراء القصد ‏‏......شوية من الاهتمام وكل شئ يتصلح ...... أرجو لكم جميعا الصلاح والهداية ...آآآآآآآآمين0‏

مدنيّة

24-05-2007, 12:10 AM

شوفوا ......‏
كلام مدنية ما زعلني بقدر ما زعلني وجود غلطات إملائية كثيرة وفي كلمات بسيطة مستحيل البفك الخط يغلط ‏فيها ....... صدقوني جد زعلت ليكم وما قصدي غير الناس تراجع لغتها شوية ...... والله من وراء القصد ‏‏......شوية من الاهتمام وكل شئ يتصلح ...... أرجو لكم جميعا الصلاح والهداية ...آآآآآآآآمين0‏

مرحب بيك يا البصري عضو معانا في منتداك ونتمني نشوف ابداعاتك

بالنسبة للاخطاء اكيد ما مقصودة من اي عضو وبتجي سهوا وجل من لا يسهو والاهتمام اكيد موجود من الكل
اللهم امين ومشكور علي دعوتك الجميلة دي

بنت الرفاعي

24-05-2007, 12:55 AM

والله يامدنية أختي لقيتك ماناقشة حنانك:eek: :D
المهم الفايدة شنو من الإغتراب والراحة وانت زي ماقالوا حياتك ماعندها معنى والحياة ,اصلا اكل وشرب ونوم وبس؟؟لأ طبعا.
عارفة الواحد مابيحس بالحياة ومعنى عيشتو إلا لما يشقى ويتعب (ماطوالي يعني) أصلا سموهم مغتربين لييييه؟ لأنهم بيكونوا عايشين براهم وغريبين عن المحيط اللي هم فيهو والعجب أكان كانوا ناس علاقتهم محدودة بالناس شوفي الملل والكآآآآبة دي كيف.
هنا في السودان أكان ماعندك بتاكل وأكان ماعندك بتلبس المهم عايش وسط أهلك وناسك وغير كدة الونسة والضحك والمناسبات ده كلو بره مفقود بمعنى انو بره بس مناسبات محدودة وكلو شي محدود أي نعم بيطلعوا الحدائق وبيتفسحوا لكن برضو الراحة النفسية دي أهم شي.
وبرضو برة أي شي محسوب عليك البلد مابلدك عايز تعمل فيها شنو غير تشتغل؟ غايتو ربك يعين.

طلال الصول

24-05-2007, 03:16 PM

شفتي يا مدنية الجماعةبتكلمو ليك عن السودان كانو منتجع سياحي
والطبيعة والجمال والاهل وما بعرف شنو
كان مية المية معاهم المسفرن شنو
الظروف كان هنا كان هناك بتتصلح

قلبة : البتغزل في البلد يرجع وما يقدونا

ملحوظة : الرجعة صعبة خلاص

wdglas

25-05-2007, 07:28 AM

لانكم عايشين في نعيم واحنا عايشين في حجيم وكله كوم والسخانة الحاسلة علينا دي كوووووووم براه وبعد دا كله انتو ما عاجبنكم عيشتكم دي

مدنيه يابت ود مدنى حياك الله والله عجبنى الموضوع بالجد لكن برضو اكرر انت تأقلمت على السودان ونحن فقدنا اهم حاجه طباع الناس السمحه لكن لو عايزه الاغتراب انا جاى شهر 6جهزى حالك ونحن حاضرين

المكاشفى

25-05-2007, 03:37 PM

النسيهة دى ماهاااااااااااره
لاكن بالجد ياعمتو مدنيه كلامك صااااااااااااح
وفى محلو شفت الناس المعانا فى المنتدى ديل مرطبين
وضاربن الصقط وشغالين شغل ترتيبه وهاجه عجيبه
وماتسمئى الشآرات دي الحال واقف وناس السودان فى نأيم
لكن برضو فى اهلى اهل العوض الضاربين الجبال زيتم طالع
تلقى القاعدين ميه والشغال واحد ومابقتنعو الواحد يتدين عشان
يجدد الاقامه ويجى فى اجازته يشتغل يوميه والله العظيم
وكان ماعارفين يا المغتربين البلد بقت آمين وكان شفتو جنس
اجانب شى هنود وشى بنقالا وشىمصريين وسوريين والصينين
ديل خليهم ساى قرع ود العباس كلهم مغتربين فى السودان بلد
الكتاحه دا والواحد اسى بالميت كافل ليه اثنين ثلاته مغتربين
واحسن ياعمتو مدنيه مايجوا راجعين لو جو مابلقو ليهم زول
يكفلهم انا غايتو بكفل اصحابى بورتبيل وودالمطامير وجيفارا
والمسافر وود السر حرا طليق .
ولكم كل الحب..........

مدنيّة

26-05-2007, 02:20 AM

والله يامدنية أختي لقيتك ماناقشة حنانك:eek: :D
المهم الفايدة شنو من الإغتراب والراحة وانت زي ماقالوا حياتك ماعندها معنى والحياة ,اصلا اكل وشرب ونوم وبس؟؟لأ طبعا.
عارفة الواحد مابيحس بالحياة ومعنى عيشتو إلا لما يشقى ويتعب (ماطوالي يعني) أصلا سموهم مغتربين لييييه؟ لأنهم بيكونوا عايشين براهم وغريبين عن المحيط اللي هم فيهو والعجب أكان كانوا ناس علاقتهم محدودة بالناس شوفي الملل والكآآآآبة دي كيف.
هنا في السودان أكان ماعندك بتاكل وأكان ماعندك بتلبس المهم عايش وسط أهلك وناسك وغير كدة الونسة والضحك والمناسبات ده كلو بره مفقود بمعنى انو بره بس مناسبات محدودة وكلو شي محدود أي نعم بيطلعوا الحدائق وبيتفسحوا لكن برضو الراحة النفسية دي أهم شي.
وبرضو برة أي شي محسوب عليك البلد مابلدك عايز تعمل فيها شنو غير تشتغل؟ غايتو ربك يعين.

اتاريك يامرام بالانجليزي انتي الطلعتي ما ناقشة هنانك
يابتي انتي من زمن الناس اللي في السودان بتاكل كان ماعندها !! :(
ويابتي الضحكة زااااتها بقت في مشكلة ومابتطلع من جوة الواحد ويمكن يكون اكترها زيف وخداع وخلي الطابق مستووووووووووووور

مدنيّة

26-05-2007, 02:27 AM

شفتي يا مدنية الجماعةبتكلمو ليك عن السودان كانو منتجع سياحي
والطبيعة والجمال والاهل وما بعرف شنو
كان مية المية معاهم المسفرن شنو
الظروف كان هنا كان هناك بتتصلح

قلبة : البتغزل في البلد يرجع وما يقدونا

ملحوظة : الرجعة صعبة خلاص

غايتو يا طلال مرة تشرق ومرة تغرب وتبعا السبب معروف :p

مدنيّة

26-05-2007, 02:29 AM

لانكم عايشين في نعيم واحنا عايشين في حجيم وكله كوم والسخانة الحاسلة علينا دي كوووووووم براه وبعد دا كله انتو ما عاجبنكم عيشتكم دي

مدنيه يابت ود مدنى حياك الله والله عجبنى الموضوع بالجد لكن برضو اكرر انت تأقلمت على السودان ونحن فقدنا اهم حاجه طباع الناس السمحه لكن لو عايزه الاغتراب انا جاى شهر 6جهزى حالك ونحن حاضرين

وحاة الله كله كووووووووووووووووووم والسخاااااانة كوووووووووووووم :o

قلت لي جاي شهر ستة يوم كم والساعة كم وبياتو خطوط ؟؟:confused:
بالله كل المعلومات عشان الواحد يكون جاهزة مية مية :D

مدنيّة

26-05-2007, 02:32 AM

النسيهة دى ماهاااااااااااره
لاكن بالجد ياعمتو مدنيه كلامك صااااااااااااح
وفى محلو شفت الناس المعانا فى المنتدى ديل مرطبين
وضاربن الصقط وشغالين شغل ترتيبه وهاجه عجيبه
وماتسمئى الشآرات دي الحال واقف وناس السودان فى نأيم
لكن برضو فى اهلى اهل العوض الضاربين الجبال زيتم طالع
تلقى القاعدين ميه والشغال واحد ومابقتنعو الواحد يتدين عشان
يجدد الاقامه ويجى فى اجازته يشتغل يوميه والله العظيم
وكان ماعارفين يا المغتربين البلد بقت آمين وكان شفتو جنس
اجانب شى هنود وشى بنقالا وشىمصريين وسوريين والصينين
ديل خليهم ساى قرع ود العباس كلهم مغتربين فى السودان بلد
الكتاحه دا والواحد اسى بالميت كافل ليه اثنين ثلاته مغتربين
واحسن ياعمتو مدنيه مايجوا راجعين لو جو مابلقو ليهم زول
يكفلهم انا غايتو بكفل اصحابى بورتبيل وودالمطامير وجيفارا
والمسافر وود السر حرا طليق .
ولكم كل الحب..........

تبعا يا المكاشفي طريقة كلامك ضحكتني جدا
الله يديك العافية
بس عايزة اقوليك حاجة
انت زاتك محسوب تبع المغتربين لانه مكان شغلك ماشاء الله تبارك الله عليه وعيني باردة عشان ما تترفد وتجي تقول مدنية ادتني عين :cool:
واعتقد انك كافل ليك كم من المغتربين دا بدل علي كلامي :D

همسة شوق

26-05-2007, 06:58 AM

الغالية جدا والراقية جدا جدا مدنية ليك الف تحية
والله كلامك دة كلو صاح مية فى المية
لكن والله نحن بالجد بنفتش فى طريقة الرجعة
نحن بندفع ضريبة الراحة بى إننا متغربين عن بلدنا
وعن اهلنا وعن حبايبنا وزوجاتنا واولادنا
وبنشتغل مع كفلاء يعنى زى العبيد
وإنتوا متمتعين بالزكرتو دة كللللللللللللللللللو
الله يرد غربة كل السودانيين ويجمعنا كلنا فى اغلى مدينة
مدنـــــــــــــــــــــــــــــــــــــــــــــــ ــــــــــــــــــــــــــــــــــى

طلال الصول

26-05-2007, 08:42 AM

غايتو يا طلال مرة تشرق ومرة تغرب وتبعا السبب معروف :p

والله تقولي شنو يامدنية يا اختي اخوك خلاص راحت ليو
وفقد المنطق تب

ابن الجزيره

26-05-2007, 10:13 AM

حبوبه مدنية ... ياولد خفض التكييف دي وامشي ألعب مع أخوانك بلي إستيشن... معليش كنت بتكلم مع ولدي نرجع لموضوعنا الغربه وما أدراك ما الغربه .. إمكن أصعب قرار بيواجه المغترب هو قرار العوده وأأكد ليك لو ما الواحد وراهو عيال كان رجع . لكن الأحلام بتطور مع الإنسان .. جينا كان الحلم الزواج وإتزوجنا والحمد لله بعد شويه جوالعيال وكبروا وجات المراحل الدراسيه ... وطموح كل أب ان يري ابنه حامل لشهاده .. وهكذا .. والحمد لله علي كل حال.

سامي ود العود

26-05-2007, 10:40 AM

حياك الله مدنية ايش الاخبار والله الدنيا هنا حلوة والحياة ساهلة والمجتمع مثالي عليك الله يامدنية في حياتك حصل اكلتي شوب استيك انا مابقصد اكلتي بقصد سمعتي بيهو ولا تكوني قايلاهو بتمسحو بيهو وبرياني دجاج وقبولي دجاج والعجب اكان دخلتي كنتاكي ده شئ براهو. الغربة دي اجمل شئ لاحر لاسخانة لازحمة مواصلات لاكتاحه ولا المطرة صبت دخلو السراير والمطرة وقفت طلعوا السراير والكهرباء الليلة القطع علي منو عاد عليك الله نجي لجنس المغسة دي نحنا مرتاحين والقال غير كده كضااااااااااااااااااااااااااااااب بس المشكلة مابنقدر نجي السودان لانو الجماعة بشيلو حالنا وبتشبكوا فينا وببقوا لينا في رقبتنا عاوزين يغتربوا . طبعا دي كلها هضربة غربة

اميمه عشريه

26-05-2007, 04:12 PM

اها يا بت امي مدون ويا اولاد امي الاعضاء كلهم .....

انا الاسبوع ده قمت ليكم كده ودقيت صدري وعملت للحجه الوالده مفأجاه كااااااااااربه من نوع ابو كديس ...
لقتني داخله بالشنط وشايله لي تذكره ..!!
يا اميمه ديل شنو ؟؟
دي تذكره يا حجوجه ليك انت ... تسافري السودان ...
وووووووب علي في شنو المات منو ما تدسي علي النبي فيك الحصل شنو
لا يا امي بس عايزاك تمشي تشوفي الاهل انت ليك عشره سنوات ما شفت السودان ده بوين هسه لو غيروا حتتو ما حتلمي فيهو يعني :eek: ...امشي اقعدي ليك شويه هناك واول ما تزهجي اقلبي طوالي علي بجاي ..
اها ستفنا العفش نصو ادويه انسولين واسبرين ومرفعين وكلو... وكميه هدايا 19 قميص و28 ساعه يد و76768 فتيل ريحه ( بموتو في العطور) كلو من تركيب العطور الانتشر وعقد البشر ..:D
اها يا اولاد امي ...........امي قامت بجاي ووصلت بهناك طوالي لسه الطياره ما ركت كويس اتصلت بيها .. طبعا الشمار ما بخليهو يبرد لازم اغربلو يدويا براي..
اها يا حجوجه الف حمد لله على سلامتك وصلتي كيف ؟
والله تمام يا اميمه..( بصوت متهدج ومنقطع التردد ومنحبس الاثير:D )
اها الناس لقيتيهم كيف ؟( سؤال برئ جدا لا يحمل اي ابعاد زي لما تسال كيف الحال )
عاد اقول ليك شنو يا اميمه الناس هنا بقو بشبهو افلام الكرتون والله .؟؟؟؟؟؟؟؟
ماعرفت اقول ليها شنو ( امي تبعا بتابع اسبيس تون طوالي وبتعرف ناس همتارو وفي في والزهرات والمحقق كونان ) فكلاما ده اصلو ما طمني قلت خليني اصبح الدنيا وتاني اتصل افهم منها افلام الكرتون دي شنو بالضبط كده ..؟؟
اها يا حجه صباح الخير اها قوام احكي لي شماراتك ورأيك بعد مرور عشره سنوات من عمر الزهور ..
يا زوله الناس هنا زي المضروبين جير كوبيا عديل ......!!
اهااااااااااا امي دي مالا بالضبط امبارح افلام الكرتون ما فهمناها الليله ده شنو كمان القامت بيهو جديد ده
اتاريها الجماعه لاصقين فيها 6 حبوبات و12 بت خاله و45 ولد من الجداد قاموا وما شافتم و122 من الجيران وفي العنقريب معاها 9807 نفر عاد تتكلم بوين وتوريني الحاصل كيفن مع المليشيات ديل ههههههه

يتبع ....
لانواكيد الناس ديل بعد ما علب الحلاوه تخلص وباقي خرفان الكرامه تتلاشي وتظهر الفتات الكااااااااربه في الافق ... برجعو بيتوم مش ؟؟ولا انا يا ربي بتوهم سااااااي !!:D واكيد حأعرف منها الحاصل وبجيكم جري بقول ليكم الشمار ..عن السودان وعن زوله ليها اكتر من عشره سنوات ما شافت الحاصل شنو هناك ..مع تثبيت الثوابت التي لا تتغير بعوامل الزمن ( كتاحه _ كهرباء تب مافي _ سخانه اسخن من السخينه ) بعد كده الباقي ده كلو مستجدات ومحدثات الامور :rolleyes: :D ..

مدنيّة

26-05-2007, 11:59 PM

الغالية جدا والراقية جدا جدا مدنية ليك الف تحية
والله كلامك دة كلو صاح مية فى المية
لكن والله نحن بالجد بنفتش فى طريقة الرجعة
نحن بندفع ضريبة الراحة بى إننا متغربين عن بلدنا
وعن اهلنا وعن حبايبنا وزوجاتنا واولادنا
وبنشتغل مع كفلاء يعنى زى العبيد
وإنتوا متمتعين بالزكرتو دة كللللللللللللللللللو
الله يرد غربة كل السودانيين ويجمعنا كلنا فى اغلى مدينة
مدنـــــــــــــــــــــــــــــــــــــــــــــــ ــــــــــــــــــــــــــــــــــى

ياهمسة شوق المصرين بيقولوا لو دخل الفقر من الباب نط الهب من الشباك :D
يعني انت قاعد بعيد منهم وموفر ليهم حياة كريمة بس احنا القاعدين معاهم ديل مافي حياة من اصلوووو عشان تبقي كريمة :(

بس انا عايزة اعرف سبب وااااااااحد مانعكم من الجية عشان تجوا تتمتعوا باللي ذكرته دا :cool:

مدنيّة

27-05-2007, 12:05 AM

حبوبه مدنية ... ياولد خفض التكييف دي وامشي ألعب مع أخوانك بلي إستيشن... معليش كنت بتكلم مع ولدي نرجع لموضوعنا الغربه وما أدراك ما الغربه .. إمكن أصعب قرار بيواجه المغترب هو قرار العوده وأأكد ليك لو ما الواحد وراهو عيال كان رجع . لكن الأحلام بتطور مع الإنسان .. جينا كان الحلم الزواج وإتزوجنا والحمد لله بعد شويه جوالعيال وكبروا وجات المراحل الدراسيه ... وطموح كل أب ان يري ابنه حامل لشهاده .. وهكذا .. والحمد لله علي كل حال.

مرحب بيك ياابن الجزيرة في دارك

وكلامك مع ولدك وحاة الله سمح بالحيل خسوسا حتة التكيف دي وياخ مالك عايزه يخفضه ياخ حرام عليك وححاة الله لو شفت سخانتنا الا تقول ليه شغله باقصي درجة :(

اي حاجة عندها سلبياتها وايجابياتها ولازم تتحمل السلبيات عشان تعيش الايجابيات مع اولادك وربنا يحفظهم ويخليهم ليك

همسة : خلي الولد دا يشغل لينا الاسبلت تاني يا ابن الجزيرة ياخ

مدنيّة

27-05-2007, 12:12 AM

حياك الله مدنية ايش الاخبار والله الدنيا هنا حلوة والحياة ساهلة والمجتمع مثالي عليك الله يامدنية في حياتك حصل اكلتي شوب استيك انا مابقصد اكلتي بقصد سمعتي بيهو ولا تكوني قايلاهو بتمسحو بيهو وبرياني دجاج وقبولي دجاج والعجب اكان دخلتي كنتاكي ده شئ براهو. الغربة دي اجمل شئ لاحر لاسخانة لازحمة مواصلات لاكتاحه ولا المطرة صبت دخلو السراير والمطرة وقفت طلعوا السراير والكهرباء الليلة القطع علي منو عاد عليك الله نجي لجنس المغسة دي نحنا مرتاحين والقال غير كده كضااااااااااااااااااااااااااااااب بس المشكلة مابنقدر نجي السودان لانو الجماعة بشيلو حالنا وبتشبكوا فينا وببقوا لينا في رقبتنا عاوزين يغتربوا . طبعا دي كلها هضربة غربة

بنرحب بيك يا سامي في دارك مع انه الجو سخن والكهربا قاتعة علا برتو بنرحب بيك

يعني يا سامي انت لية مابتراعي لحالتنا النفسية وجاي تتكلم لي بالانجليزي ؟؟ انا يالله الله العربي بفهمه تجي تقول لي منو ومنو ديل :mad:
يعني انت ممكن تسالني من الطعمية من حبيب الشعب الفووووووووووول من الجبنة ديل شفت اصحابنا وحبايبنا والكل يوم معانا وماقادرين نقوليك وخسوسا حبيب الشعب علا ناسك ديل يطرش التوم ويعمي الفارس كان سمعت بيهم

وبعدين حكاية كضب المغتربين دي انا واااااااثقة منها وعارفاها ودا هو الهاري لي فشفاشي من جوة لانهم عايشين عيشة سمحة بالحيل وهنا يجوا يقولوا ليك الغربة وما ادراك ما الغربة

تعرف عندنا جيرانا مغتربين بجوا السودان اسبوعين بس في السنة اها جابوا ولدهم مي شان يدرس في الجامعة الولد الاسبوع ما تماه قال ليهم مابقدر اقعد في السودان اها اهله الله يحفظهم رجعوه معاهم عشان يدرس الجامعة في بلده اللي اتربي فيه :(

مدنيّة

27-05-2007, 12:14 AM

اها يا بت امي مدون ويا اولاد امي الاعضاء كلهم .....

انا الاسبوع ده قمت ليكم كده ودقيت صدري وعملت للحجه الوالده مفأجاه كااااااااااربه من نوع ابو كديس ...
لقتني داخله بالشنط وشايله لي تذكره ..!!
يا اميمه ديل شنو ؟؟
دي تذكره يا حجوجه ليك انت ... تسافري السودان ...
وووووووب علي في شنو المات منو ما تدسي علي النبي فيك الحصل شنو
لا يا امي بس عايزاك تمشي تشوفي الاهل انت ليك عشره سنوات ما شفت السودان ده بوين هسه لو غيروا حتتو ما حتلمي فيهو يعني :eek: ...امشي اقعدي ليك شويه هناك واول ما تزهجي اقلبي طوالي علي بجاي ..
اها ستفنا العفش نصو ادويه انسولين واسبرين ومرفعين وكلو... وكميه هدايا 19 قميص و28 ساعه يد و76768 فتيل ريحه ( بموتو في العطور) كلو من تركيب العطور الانتشر وعقد البشر ..:D
اها يا اولاد امي ...........امي قامت بجاي ووصلت بهناك طوالي لسه الطياره ما ركت كويس اتصلت بيها .. طبعا الشمار ما بخليهو يبرد لازم اغربلو يدويا براي..
اها يا حجوجه الف حمد لله على سلامتك وصلتي كيف ؟
والله تمام يا اميمه..( بصوت متهدج ومنقطع التردد ومنحبس الاثير:D )
اها الناس لقيتيهم كيف ؟( سؤال برئ جدا لا يحمل اي ابعاد زي لما تسال كيف الحال )
عاد اقول ليك شنو يا اميمه الناس هنا بقو بشبهو افلام الكرتون والله .؟؟؟؟؟؟؟؟
ماعرفت اقول ليها شنو ( امي تبعا بتابع اسبيس تون طوالي وبتعرف ناس همتارو وفي في والزهرات والمحقق كونان ) فكلاما ده اصلو ما طمني قلت خليني اصبح الدنيا وتاني اتصل افهم منها افلام الكرتون دي شنو بالضبط كده ..؟؟
اها يا حجه صباح الخير اها قوام احكي لي شماراتك ورأيك بعد مرور عشره سنوات من عمر الزهور ..
يا زوله الناس هنا زي المضروبين جير كوبيا عديل ......!!
اهااااااااااا امي دي مالا بالضبط امبارح افلام الكرتون ما فهمناها الليله ده شنو كمان القامت بيهو جديد ده
اتاريها الجماعه لاصقين فيها 6 حبوبات و12 بت خاله و45 ولد من الجداد قاموا وما شافتم و122 من الجيران وفي العنقريب معاها 9807 نفر عاد تتكلم بوين وتوريني الحاصل كيفن مع المليشيات ديل ههههههه

يتبع ....
لانواكيد الناس ديل بعد ما علب الحلاوه تخلص وباقي خرفان الكرامه تتلاشي وتظهر الفتات الكااااااااربه في الافق ... برجعو بيتوم مش ؟؟ولا انا يا ربي بتوهم سااااااي !!:D واكيد حأعرف منها الحاصل وبجيكم جري بقول ليكم الشمار ..عن السودان وعن زوله ليها اكتر من عشره سنوات ما شافت الحاصل شنو هناك ..مع تثبيت الثوابت التي لا تتغير بعوامل الزمن ( كتاحه _ كهرباء تب مافي _ سخانه اسخن من السخينه ) بعد كده الباقي ده كلو مستجدات ومحدثات الامور :rolleyes: :D ..

لا تعليـــــــــــــــــــــــــق

همسة : منتظراك تتمي يااميمة رحلة الحجة دي عشان الناس دي تامن :D

نزار حسن محمد

28-05-2007, 11:22 PM

عوووووك يابت عشريه ..ماشحتفتينا .... حكومتى منتظر باقى الشمارات والاخبار ..انا ناوى الحقا مدنيه تقعد معها هناك هديه ورضيه جيتى كوجنتى لى الرتبتو من شهر ومدنيه تمت الناقصه ... كدى عليك الله شوفى اخر الاخبار شنووووا ..وانا منتظر ومجبور خدم الفكى على الصلاه.

عثمان إدريس

29-05-2007, 01:24 AM

هوووي ماداير نقة كتيرة ...!

تبادلي ...!!

..!

:D

طارق محمد الحسن

29-05-2007, 02:33 AM

الاخت مدنية واللة انا مشيت مرة عمرة وشفت ليك المغتربين ديل عايشين كيف واللة ديل كل عشرين عايشين فى اوضة والعشرين يكونو شغالين فيهم اتنين وشايلين الباقين ومامحترمنهم اسياد البلد وعايشين فى رعب نفسى كبير وتلقى الواحد شغال اى حاجة واللة بلدنا جميلة وفيها الشغل راقد وزى ماشايفة النلس بقت تجى تشتغل عندنا لكن العاملين فيها مغتربين ديل راحت ليهم فى الموية واقول ليهم بلادك حلوة ارجع ليها دار الغربة مابترحم تعود لى اهلك الطيبين ودمتم

Madanawi

29-05-2007, 04:39 AM

أهلنا قالوا .. عين الحسود فيها عوووووووود !!!!!

ابراهيم

29-05-2007, 07:00 AM

أهلنا قالوا .. عين الحسود فيها عوووووووود !!!!!

والله يا مدناوي كدى اعرب لينا الجملة دي
اصلو الموضوع دة الواحد استفاد منو كتير عشان ما عايزين اي حاجة تفوت علينا
الحسود هنا مدنية ولا احصاب الآراء المعاكسة
عشان الواحد يحدد احسن هنا ولا هناك:D :confused:
اصلو اليومين دي الحنين كاتلنا لي هناك ودايرين سبب

المكاشفى

29-05-2007, 07:29 AM

تبعا يا المكاشفي طريقة كلامك ضحكتني جدا
الله يديك العافية
بس عايزة اقوليك حاجة
انت زاتك محسوب تبع المغتربين لانه مكان شغلك ماشاء الله تبارك الله عليه وعيني باردة عشان ما تترفد وتجي تقول مدنية ادتني عين :cool:
واعتقد انك كافل ليك كم من المغتربين دا بدل علي كلامي :D

موش كدى عليك الله يامدنيه
انا طوالى بطبق فضل الظهر
وحاافتح مكتب لأستقدام المغتربين
المركلسين ساى واهلهم بى هنا منتظرنهم
والله يامدنيه فتح شغل فى البلد اسمو الاسكان
الشعبى بنيان من الشنقيطى قربو يصلو دنقلا
الفرص محدوده والمابحبو الاشغال الشاقه
اللجوا يرشو البيم وله كيف......

اميمه عشريه

29-05-2007, 03:30 PM

اها يا جماعه جيت اكمل ليكم الناقصه ...
اتصلت بيها الحجه قلت ليها بأي صوره تتحركي تمشي بورا هناك انشاء الله قريب لبيت الحمام عشان اقدر اتكلم معاك لانو دي قضيه كده تبقي خسرانه ...يعني ما حأفهم منك اي شي انا ولا القصه دي كيفن يعني ...؟؟
قالت لي هوي ها يا ميمه انا هسه داخله من الطوارئ..!!
في شنو مالك ياخي هجمتني ..!!!! بسم الله الرحمن الرحيم في شنو؟؟
قالت لي السكري بتاعي ده داقي ال500 اتاريني باخد في الانسولين وهو نافد كلو
لانو التلاجه هنا قلبوها صندوق ساي ما مأديا غرضا الاساسي الادويه كلها خربت ..!!! ( غايتو اقول شنو البتجي من السما تحملا الواطه ) المهم انت صحتك هسه كيف .
والله تمام هسه احسن كتير ...
اها طيب الشمارات الباقيه شنو .. الهدايا عجبت الجماعه ... زول واحد قال لي كتر خيرك مافي والقميص ده يا ام صلاح رهيب مافي ...ما عبروني ليه يا امي الناس ديل ..؟؟
والله يا اميمه كلهم قالو ديل شنو الحاجات (الاولد فاشون دي ..!!)
اها بالله ......؟؟ اولد فاشون ...وفقعتها بكيه ....كدي النقش الدموع دي ونرجع ليكم ههههه
اها الجماعه طلع كل زول عندو رأي في الحاجات شايفين اني مفروض اقل شي ارسل عربيه انفنيتي ( انا ما مغتربه عاد ) !! لو خلاص زنقت موترسوزوكي لو انعدمت السيوله مفروض موبايل نوكيا (اي ميد )ما فاهمين والله الناس ديل ما فاهمين انحنا بنلقط كيفن اقسم بالله نمله شفتو النمله الواااااااااااااحده دي ما زينا ههههههههههه..
اها نرجع للحجوجه .. الحجوجه قالت تصحي من الدغش على الجواعير والكواريك الكهربا هووووويي الحقوووووووووو
ولعت النور الاحمر اجرو جيبو لينا اسكراتش ليها الحجه دي ادويتا بطرشق هسه زي القنابل .... يا جماعه الليله ناس الحاج يوسف متغدييين معاكم
الحقووووووووووو
الخضار يا ولد قوم اصحي شوف الجزر قبال الحاجات تخلص ...هوييييييي يا امي الغاز ده ببقبق مالو
هوييييييييييييييييي الحقو
الغاز شكلو حيعملا ما الليله الجمعه وحيقوم يقطع لينا ....
هووووووووووووي الحقو
يا امي يعني نشرب الشاي حااااااااااااف كده ... هوي الحقو طيب بدريه قبال اللقيمات يخلص هناك في الكورنر الناس ملمومه
هووووووووووي الحقو ...
بس هكذا دواليك ...لا لا ما دواليك لسه ما كملت ... الهدوم مشوروه
هوووووووووووووي الحقو
يا يمه التياب البيضا بتاعه المغتربين ديل الكتاحه جابت خبرا
هويييييييييييي الحقو نزلوها
... وجاء المغرب والناس كسرررررت
هوووووووي الحقو
طلعو السراير دي خلو المراتب دي تبرد شويه اقسم بالله بس عندها ملاريا ... رشيتو الواطه لالالالا خلوها والله تطلع ليكم بووووووووخ لمن تاااامنو ...!! والحجه قااااعده لابسه النضارات وخاته السيرمس بتاع التلج جنبها فيهو القنابل بتاعتا .. وتعاين لده وتعاين لداك والكواريك كانها مباراه .. في اللحظات ديك اقوم اتصل انا تقول لي عليك الله انت بقدر عليك اقفلي الخط ده انا راسي بقي ما بتحمل زاتو ولا كلمه زياده ههههههههههههه

ويا مدون يا اختي لو ما خليت ليك الجماعه ديل يلبوا نداك
وااااامدنيااااااااااااااااااااااااه استلمي الفيزاااااااا اقامه 99 سنه ومن غير كفيل كمان .. ( ما اكون اميمه) هههه:D

المكاشفى

29-05-2007, 04:16 PM

[Bويا مدون يا اختي لو ما خليت ليك الجماعه ديل يلبوا نداك
وااااامدنيااااااااااااااااااااااااه استلمي الفيزاااااااا اقامه 99 سنه ومن غير كفيل كمان .. ( ما اكون اميمه) هههه:D

ام ايه وامنيه اوعى تدقسى
فيزا شنو واقامه شنو
هو عليك الله فى اقامه من غير كفيل
انسى الفكره وبنجاسف ليك شغل معانا

samah

29-05-2007, 07:44 PM

مدنيه مايغشوك والله روقه لمن غلط
تشبعي kfc وماكدونلز وبيتزا
ونوم واللون يبقي نضيف والدم رايق
وســـــــــــلام يابـــــــلد
لمن تكوني جايه (وين ماعارفه) المهم جيبي لي كسره بملاح خدر فرك........ونملتين من السودان

مدنيّة

29-05-2007, 10:47 PM

عوووووك يابت عشريه ..ماشحتفتينا .... حكومتى منتظر باقى الشمارات والاخبار ..انا ناوى الحقا مدنيه تقعد معها هناك هديه ورضيه جيتى كوجنتى لى الرتبتو من شهر ومدنيه تمت الناقصه ... كدى عليك الله شوفى اخر الاخبار شنووووا ..وانا منتظر ومجبور خدم الفكى على الصلاه.

حكومتك دي ياود حسن انا وراها والزمن توووووووووووووووويل
سبب وااااحد يرجعها للكتاحة بعد السماحة مافي :p

مدنيّة

29-05-2007, 10:49 PM

هوووي ماداير نقة كتيرة ...!

تبادلي ...!!

..!

:D

هووووي ياعثمان ادريس كتاااااااااااار القالوا كدا وزول واحد جاء فيهم عشان يبدل مافي :(

لكن تحوطا عشان ما تقول لي انا ما زي غيري بقوليك اي ببدل يلا اها جاي متين ؟ :D

مدنيّة

29-05-2007, 10:50 PM

الاخت مدنية واللة انا مشيت مرة عمرة وشفت ليك المغتربين ديل عايشين كيف واللة ديل كل عشرين عايشين فى اوضة والعشرين يكونو شغالين فيهم اتنين وشايلين الباقين ومامحترمنهم اسياد البلد وعايشين فى رعب نفسى كبير وتلقى الواحد شغال اى حاجة واللة بلدنا جميلة وفيها الشغل راقد وزى ماشايفة النلس بقت تجى تشتغل عندنا لكن العاملين فيها مغتربين ديل راحت ليهم فى الموية واقول ليهم بلادك حلوة ارجع ليها دار الغربة مابترحم تعود لى اهلك الطيبين ودمتم

ياطارق كلامي ماعن ديل كلامي عن السواد الاعظم الشغالين ومرطبين وبجوا يقولوا الغربة سعبة :D

مدنيّة

29-05-2007, 10:52 PM

أهلنا قالوا .. عين الحسود فيها عوووووووود !!!!!

المعني شنوووووووووووووو يالتوم :mad:

مدنيّة

29-05-2007, 10:53 PM

والله يا مدناوي كدى اعرب لينا الجملة دي
اصلو الموضوع دة الواحد استفاد منو كتير عشان ما عايزين اي حاجة تفوت علينا
الحسود هنا مدنية ولا احصاب الآراء المعاكسة
عشان الواحد يحدد احسن هنا ولا هناك:D :confused:
اصلو اليومين دي الحنين كاتلنا لي هناك ودايرين سبب

بعد ما تعرف الحسود دا ياابراهيم كلمني بالله

همسة : اخير ليك اعمل رايح من الحنين دا واقعد مكانك :D

مدنيّة

29-05-2007, 11:03 PM

موش كدى عليك الله يامدنيه
انا طوالى بطبق فضل الظهر
وحاافتح مكتب لأستقدام المغتربين
المركلسين ساى واهلهم بى هنا منتظرنهم
والله يامدنيه فتح شغل فى البلد اسمو الاسكان
الشعبى بنيان من الشنقيطى قربو يصلو دنقلا
الفرص محدوده والمابحبو الاشغال الشاقه
اللجوا يرشو البيم وله كيف......

اسكت يا المكاشفي
ياخ نقوليك مغتربين تقول لي سكن شعبي :mad:
همسة : هو زاتوووووووو انتهي مافضل الا الاستثماري لو عندك طريقة قدم لي فيه :D

مدنيّة

29-05-2007, 11:05 PM

اها يا جماعه جيت اكمل ليكم الناقصه ...
اتصلت بيها الحجه قلت ليها بأي صوره تتحركي تمشي بورا هناك انشاء الله قريب لبيت الحمام عشان اقدر اتكلم معاك لانو دي قضيه كده تبقي خسرانه ...يعني ما حأفهم منك اي شي انا ولا القصه دي كيفن يعني ...؟؟
قالت لي هوي ها يا ميمه انا هسه داخله من الطوارئ..!!
في شنو مالك ياخي هجمتني ..!!!! بسم الله الرحمن الرحيم في شنو؟؟
قالت لي السكري بتاعي ده داقي ال500 اتاريني باخد في الانسولين وهو نافد كلو
لانو التلاجه هنا قلبوها صندوق ساي ما مأديا غرضا الاساسي الادويه كلها خربت ..!!! ( غايتو اقول شنو البتجي من السما تحملا الواطه ) المهم انت صحتك هسه كيف .
والله تمام هسه احسن كتير ...
اها طيب الشمارات الباقيه شنو .. الهدايا عجبت الجماعه ... زول واحد قال لي كتر خيرك مافي والقميص ده يا ام صلاح رهيب مافي ...ما عبروني ليه يا امي الناس ديل ..؟؟
والله يا اميمه كلهم قالو ديل شنو الحاجات (الاولد فاشون دي ..!!)
اها بالله ......؟؟ اولد فاشون ...وفقعتها بكيه ....كدي النقش الدموع دي ونرجع ليكم ههههه
اها الجماعه طلع كل زول عندو رأي في الحاجات شايفين اني مفروض اقل شي ارسل عربيه انفنيتي ( انا ما مغتربه عاد ) !! لو خلاص زنقت موترسوزوكي لو انعدمت السيوله مفروض موبايل نوكيا (اي ميد )ما فاهمين والله الناس ديل ما فاهمين انحنا بنلقط كيفن اقسم بالله نمله شفتو النمله الواااااااااااااحده دي ما زينا ههههههههههه..
اها نرجع للحجوجه .. الحجوجه قالت تصحي من الدغش على الجواعير والكواريك الكهربا هووووويي الحقوووووووووو
ولعت النور الاحمر اجرو جيبو لينا اسكراتش ليها الحجه دي ادويتا بطرشق هسه زي القنابل .... يا جماعه الليله ناس الحاج يوسف متغدييين معاكم
الحقووووووووووو
الخضار يا ولد قوم اصحي شوف الجزر قبال الحاجات تخلص ...هوييييييي يا امي الغاز ده ببقبق مالو
هوييييييييييييييييي الحقو
الغاز شكلو حيعملا ما الليله الجمعه وحيقوم يقطع لينا ....
هووووووووووووي الحقو
يا امي يعني نشرب الشاي حااااااااااااف كده ... هوي الحقو طيب بدريه قبال اللقيمات يخلص هناك في الكورنر الناس ملمومه
هووووووووووي الحقو ...
بس هكذا دواليك ...لا لا ما دواليك لسه ما كملت ... الهدوم مشوروه
هوووووووووووووي الحقو
يا يمه التياب البيضا بتاعه المغتربين ديل الكتاحه جابت خبرا
هويييييييييييي الحقو نزلوها
... وجاء المغرب والناس كسرررررت
هوووووووي الحقو
طلعو السراير دي خلو المراتب دي تبرد شويه اقسم بالله بس عندها ملاريا ... رشيتو الواطه لالالالا خلوها والله تطلع ليكم بووووووووخ لمن تاااامنو ...!! والحجه قااااعده لابسه النضارات وخاته السيرمس بتاع التلج جنبها فيهو القنابل بتاعتا .. وتعاين لده وتعاين لداك والكواريك كانها مباراه .. في اللحظات ديك اقوم اتصل انا تقول لي عليك الله انت بقدر عليك اقفلي الخط ده انا راسي بقي ما بتحمل زاتو ولا كلمه زياده ههههههههههههه

ويا مدون يا اختي لو ما خليت ليك الجماعه ديل يلبوا نداك
وااااامدنيااااااااااااااااااااااااه استلمي الفيزاااااااا اقامه 99 سنه ومن غير كفيل كمان .. ( ما اكون اميمه) هههه:D

تبعا يا اميمة انتي كلامك بقع لي في جرح كيف :D

اها قلتي لي الفيزا ح ترسيلها متين :D

مدنيّة

29-05-2007, 11:07 PM

ام ايه وامنيه اوعى تدقسى
فيزا شنو واقامه شنو
هو عليك الله فى اقامه من غير كفيل
انسى الفكره وبنجاسف ليك شغل معانا

علي قولك يالمكاشفي وبترول بلدنا ولا تكيف الخليج :rolleyes:

بس الخلاء ما بقدر عليه شوف لي حاجة قريبة من الخرتوم واهم حاجة عشان عقدة السخانة التكيف يا المكاشفي بالله :D

مدنيّة

29-05-2007, 11:10 PM

مدنيه مايغشوك والله روقه لمن غلط
تشبعي kfc وماكدونلز وبيتزا
ونوم واللون يبقي نضيف والدم رايق
وســـــــــــلام يابـــــــلد
لمن تكوني جايه (وين ماعارفه) المهم جيبي لي كسره بملاح خدر فرك........ونملتين من السودان

انا عارفة ياسموحة انه المغتربين ديل كضابين كيف عشان كدا اصلي مابصدقهم

همسة : الخدرة والكسرة ديل عرفتهم عِلا الادوية القلتي عليها دي kfc وماكدونلز وبيتزا سالت في الصيدلية قالوا ما سمعوا بيها :( مي شان كدا رسلي لينا منها بالله ، لكن المشكلة انها تنفد زي ادوية السكري بتاعت ام اميمة :o مي شان كدا رسلي لي صورة صندوق الدواء بس :D

ابراهيم

30-05-2007, 04:22 AM

مدنيه مايغشوك والله روقه لمن غلط
تشبعي kfc وماكدونلز وبيتزا
ونوم واللون يبقي نضيف والدم رايق
وســـــــــــلام يابـــــــلد
لمن تكوني جايه (وين ماعارفه) المهم جيبي لي كسره بملاح خدر فرك........ونملتين من السودان

هههههههههههههههههههههههههه
وكل على ليلاه يغني
هنا ووب وهناك عشرة ووبات
والله حننتيني يا سماح
النملتين عايزاهن ام ريش ولا نمل سكر:confused:

عثمان إدريس

31-05-2007, 01:35 AM

هووووي ياعثمان ادريس كتاااااااااااار القالوا كدا وزول واحد جاء فيهم عشان يبدل مافي :(

لكن تحوطا عشان ما تقول لي انا ما زي غيري بقوليك اي ببدل يلا اها جاي متين ؟ :D

أها أنا بجي يوم 23 يوليو 2007م وخليك جاهزة أهم شي الجواز يكون اصدار قديم عشان

يقبلوهو في الصفارة .. صفارة السجم الرماد الكضبن والصهينة ..! :D

مدنيّة

31-05-2007, 01:39 AM

هههههههههههههههههههههههههه
وكل على ليلاه يغني
هنا ووب وهناك عشرة ووبات
والله حننتيني يا سماح
النملتين عايزاهن ام ريش ولا نمل سكر:confused:

شفت كيف يا ابراهيم
سماح قاعد ليها في بلد النملة مافيها :(
بالله يامدنية تقولي لي كتاحة ؟ فضحتينا مع المغتربين ياخ:mad:

مدنيّة

31-05-2007, 01:41 AM

أها أنا بجي يوم 23 يوليو 2007م وخليك جاهزة أهم شي الجواز يكون اصدار قديم عشان

يقبلوهو في الصفارة .. صفارة السجم الرماد الكضبن والصهينة ..! :D

الليلة والليلة
ياخوي انت شكلك كدا عامل ليك كفاوي في البلد ديك
عشان كدا غيرت راي وح اخلي البدل دا لزول يكون عنده شهادة حسن سير وسلوك:D

محمد أحمد الشيخ

31-05-2007, 10:14 AM

والله يا مدنيه انا تابعت الموضوع من البدايه الي النهايه وحلفت ما أقوم الا أكملو (وتبعا) زي ما بتقولي أنت ، الموضوع جميل وشداني جدا لما فيه من مداخلات جميلة وخاصه ردودك الظريفه .
ومن غير هزل ليك علي أرسل ليك فيزا لأبوظبي انت ومعاك آيه وأمنيه كمان بس رسلي صور جوازاتكم وشوفي البنط منو .

لك كل ودي
أخوك / محمد باسطة

غيداء نورالدين

01-06-2007, 03:20 AM

والله أنا مت من الضحك

مدنيّة

02-06-2007, 01:05 AM

والله يا مدنيه انا تابعت الموضوع من البدايه الي النهايه وحلفت ما أقوم الا أكملو (وتبعا) زي ما بتقولي أنت ، الموضوع جميل وشداني جدا لما فيه من مداخلات جميلة وخاصه ردودك الظريفه .
ومن غير هزل ليك علي أرسل ليك فيزا لأبوظبي انت ومعاك آيه وأمنيه كمان بس رسلي صور جوازاتكم وشوفي البنط منو .

لك كل ودي
أخوك / محمد باسطة

يديك العافية يامحمد أحمد الشيخ ما بتقصر وقدر كلامك

همسة : اها ما قلت لي العنوان مي شان نرسل صور الجوازات:D

مدنيّة

02-06-2007, 01:07 AM

والله أنا مت من الضحك

يسلمووووو ياغيداء
ووجودك اجمل ضحكة اترسمت علي وجهي

محمد أحمد الشيخ

02-06-2007, 01:56 AM

يا مدنيه العنوان كالتالي :-

elwsim@hotmail.com

همسه : لو عايزه تعرفي بالجد أنو المغتربيين ديل كضابيييييييين ومفلسييييييييين سجلي زياره لي جهاز المغتربيين وشوفي الجرسه دي كيف في الدفع .

همسه تاني : هي أنا ما منهم ، ورسلي الصور .

أخوك / محمد باسطة

ترنيمه حزن

02-06-2007, 02:42 AM

اولا يا مدنيه يا اختي ياعزيزتي مادايره اقوليك دا حقد دفين ناتج عن طفوله مشرده لانو احتمال المغتربين هم اللي كونو حاقدين في حاجات كتيره .... لكن دايراك تسمعي المثل دا اللي بيقول (اللي مايعرف الصقر يشويه) يعني انت ماتحكمي على زول انت ماعارفه اي حاجه عنهم عايشين كيف ماكلين شاربين نايمين ......... ........ وفي مثلتاني بقول (مايحس بالجمر الا واطيييييييييييه) يعني يا عزيزتي المغترب دا زيوا زي اي انسان تاني بيشقى ويتعب عشان يلقى دخل يقدر يمشي بيهو امورو يعني ما كل يوم وكل صباح في زول بدق ليهو الباب وبيديهو شوال قروش وهو خاتي رجل على رجل .... لالالا والله يا اختي ديل ناس تعبانييييييييييين تعب ماليهو حد يعني مغترب بعيد عن اهلك ماعارف عنهم حاجه يالله يالله تلفون يطمنك عليهم وهم قايلنك مرتاح وفي خشمك شوكه من دهب واكيد انت ماعارفه عن معانتم وهم في بلد مابلدم كلو يوم ذله ومهانه وكلام بتسمعيهو ماعاجبك عايزه تردي لكن ردك دا بتحتم عليهم حاجات كتيره ... حاجه تانيه وانت ماعارفها انت في بلدك يعني لو كنتي شغاله وفي اي لحظه (اتفنشتي ) من شغلك اكيد حاتزعلي لكن عارفه انك حاترجعي بيتك وتفتشي على شغل تاني يهداوه لكن عايني للمغترب اتفنش من شغلو المسكيت يعني اقامه (اتكنسلت) يعني ما مسموح ليهو يقعد ولا ثانيه وحده في البلديعني اتشرد ... طيب موضوع الكماليات الاكل والشرب واللبس طبعل ما حااطرق لي موضوع الاكل والشراب لانو مامهم في النهايه الوزير والبواب بياكلو كيس عيش بي الف جنيه... لكن اللبس وال.... وال.... دي حاجات مامهمه المهم الواحد يكون لابس حاجه تغطيهوا وتسترو ... يا مدنيه صدقيني انا وحده من المغتربين ديل الناس كلهم شايفنهم في التوب قالو ليك فلانه مغتربه قالو مرتاحه لكن زي ماقلتليك اللي مايعرف الصقر يشويها ... والنغتربين عايشين غربه في الحالتين في بلدم وبره بلدم ... اكيد في بالك سوال عايزاه تساليني ليهو ... طيب معاك حق مدام هم تعبانين قدر دا مايرجعوا لييييييييييه قاعدين ...
وانا بقوليك عصفور باليد خير من 10 على الشجره .. صح انت براك شايفه البلد عاملا كيف وشايفه كميه العطاله والشباب القاعد ساااااااااااي و.....,و..... دي كلها اسباب بتخلي المغترب يضغط على روحو ويقعد معذب كدا مافي النهايه لاقي دخل ما اقوليك مكفيهو لانو ما مكفيهو لكن اقوليك سااااااااااااتر عليهو وعلى اسرتو ... والله والله الله ومن حلف بالله ما خلا شي زي مابقولو ا... انتو في نعيييييييييم فاحمدي الله وادعو لي المغتربين ربنا يسهل عليهم بل ما تقولوا بري منهم... وعلى العموم يا عزيزتي الدنيا ارزاق دي مغترب بمعنى المغترب وواحد قاعد في بلدو لكن احسن من مغترب 30 سنه ومغترب بشحد و........و..... ؟؟؟ والدنيا ماشا كدا يا عزيزتي ..... واتذكري دايما ماتحكمي على شي انتي ماشفتيه وما جربتيه !!! ما تحكمي عليهم من كلام الناس لانو الناس في النهايه لاااااااااااااااازم يبهروا ويغلفوا المواضيع ......ز تقبلي مني

مدنيّة

03-06-2007, 01:45 AM

يا مدنيه العنوان كالتالي :-

elwsim@hotmail.com

همسه : لو عايزه تعرفي بالجد أنو المغتربيين ديل كضابيييييييين ومفلسييييييييين سجلي زياره لي جهاز المغتربيين وشوفي الجرسه دي كيف في الدفع .

همسه تاني : هي أنا ما منهم ، ورسلي الصور .

أخوك / محمد باسطة

يديك العافية يا محمد

مدنيّة

03-06-2007, 02:15 AM

اولا يا مدنيه يا اختي ياعزيزتي مادايره اقوليك دا حقد دفين ناتج عن طفوله مشرده لانو احتمال المغتربين هم اللي كونو حاقدين في حاجات كتيره .... لكن دايراك تسمعي المثل دا اللي بيقول (اللي مايعرف الصقر يشويه) يعني انت ماتحكمي على زول انت ماعارفه اي حاجه عنهم عايشين كيف ماكلين شاربين نايمين ......... ........ وفي مثلتاني بقول (مايحس بالجمر الا واطيييييييييييه) يعني يا عزيزتي المغترب دا زيوا زي اي انسان تاني بيشقى ويتعب عشان يلقى دخل يقدر يمشي بيهو امورو يعني ما كل يوم وكل صباح في زول بدق ليهو الباب وبيديهو شوال قروش وهو خاتي رجل على رجل .... لالالا والله يا اختي ديل ناس تعبانييييييييييين تعب ماليهو حد يعني مغترب بعيد عن اهلك ماعارف عنهم حاجه يالله يالله تلفون يطمنك عليهم وهم قايلنك مرتاح وفي خشمك شوكه من دهب واكيد انت ماعارفه عن معانتم وهم في بلد مابلدم كلو يوم ذله ومهانه وكلام بتسمعيهو ماعاجبك عايزه تردي لكن ردك دا بتحتم عليهم حاجات كتيره ... حاجه تانيه وانت ماعارفها انت في بلدك يعني لو كنتي شغاله وفي اي لحظه (اتفنشتي ) من شغلك اكيد حاتزعلي لكن عارفه انك حاترجعي بيتك وتفتشي على شغل تاني يهداوه لكن عايني للمغترب اتفنش من شغلو المسكيت يعني اقامه (اتكنسلت) يعني ما مسموح ليهو يقعد ولا ثانيه وحده في البلديعني اتشرد ... طيب موضوع الكماليات الاكل والشرب واللبس طبعل ما حااطرق لي موضوع الاكل والشراب لانو مامهم في النهايه الوزير والبواب بياكلو كيس عيش بي الف جنيه... لكن اللبس وال.... وال.... دي حاجات مامهمه المهم الواحد يكون لابس حاجه تغطيهوا وتسترو ... يا مدنيه صدقيني انا وحده من المغتربين ديل الناس كلهم شايفنهم في التوب قالو ليك فلانه مغتربه قالو مرتاحه لكن زي ماقلتليك اللي مايعرف الصقر يشويها ... والنغتربين عايشين غربه في الحالتين في بلدم وبره بلدم ... اكيد في بالك سوال عايزاه تساليني ليهو ... طيب معاك حق مدام هم تعبانين قدر دا مايرجعوا لييييييييييه قاعدين ...
وانا بقوليك عصفور باليد خير من 10 على الشجره .. صح انت براك شايفه البلد عاملا كيف وشايفه كميه العطاله والشباب القاعد ساااااااااااي و.....,و..... دي كلها اسباب بتخلي المغترب يضغط على روحو ويقعد معذب كدا مافي النهايه لاقي دخل ما اقوليك مكفيهو لانو ما مكفيهو لكن اقوليك سااااااااااااتر عليهو وعلى اسرتو ... والله والله الله ومن حلف بالله ما خلا شي زي مابقولو ا... انتو في نعيييييييييم فاحمدي الله وادعو لي المغتربين ربنا يسهل عليهم بل ما تقولوا بري منهم... وعلى العموم يا عزيزتي الدنيا ارزاق دي مغترب بمعنى المغترب وواحد قاعد في بلدو لكن احسن من مغترب 30 سنه ومغترب بشحد و........و..... ؟؟؟ والدنيا ماشا كدا يا عزيزتي ..... واتذكري دايما ماتحكمي على شي انتي ماشفتيه وما جربتيه !!! ما تحكمي عليهم من كلام الناس لانو الناس في النهايه لاااااااااااااااازم يبهروا ويغلفوا المواضيع ......ز تقبلي مني

في الاول ياترنيمة بنرحب بيكي معانا وسعيدة بانضمامك للمنتدي ويارب تستفيدي وتفيدي

اها النجي للكلام الجد يابتي
هسي انتي مش براااااك قلتي العطالة ماليها حد في البلد والشباب القاعد الساي !!
وبالجد مشكلة العطالة دي مشكلة كبيرة جدا ومااظن عندها حل ، يعني ممكن انتو الواحد فيكم يتفنش واحتمال يلقي ليه شغل تاني وارد بس عندنا صعب جدا ولو لقي ما بكفيه حق الكهربا القاطعة اليوم كله

وبعدين ياترنيمة والله المغتربين ديل نضافة ساااااااااااي احسن مننا :D
يعني المغترب لو جيتي قارنتيه باخوه القاعد × السودان اكيد المقارنة ما لصالح القاعد × السودان نهااااائي

وممكن اتفق معك انه راتبه اللي بيحصله من بلد الغربة ما بكفيه بس هو بكون عائش عيشة كريمة وتعالي قارني بواحد قاعد × السودان مافي عيشة من اصلووووووو مي شان تكون كريمة او لا :( ( لا موية لا نور لا اي شئ مجان كله بالكاش الماعايز نقاش ;) )

همسة : هسي ياترنيمة بمناسبة جيتك السعيدة لينا دي مافيها فيزا :p

ترنيمه حزن

03-06-2007, 02:33 AM

اولا تسلمي يا عسل على الترحيب ....
ثانيا في النهايه لكل مجتهد نصيب يعني العايز الصلاه مابتفوتوة الداير يكون فوق بلقى طريقه والعايز يكون تحت بعش حياتو كلها تحت ... وبعدين شفتي مشكله الشعب السوداني شنو الكلام في الفاضي والمقارنات الماليها داعي يا عسلنا .... والكلام في الموضوع دا كتييييييييييير لكن احنا السودانين بنحب نقول فلان وعلان وننسى كيف نبقى احسن من فلان وعلان دييييييييييييل...
ولا شنووووووووووووووو؟؟؟؟؟؟؟؟
وانت بدل تقولي المغتربين والمغتربين ....
عيشي واقعك وحاولي كوني احسن من المغتربين وموضوع النضافه دا ما موضوع وانت عااااااااااارفه ممكن تجيبيها كيف ....
همستك جمييييييييييله انت قولي واحنا حاااااااااضرين... مايصير خاطرج الا طيب....

مدنيّة

03-06-2007, 02:43 AM

اولا تسلمي يا عسل على الترحيب ....
ثانيا في النهايه لكل مجتهد نصيب يعني العايز الصلاه مابتفوتوة الداير يكون فوق بلقى طريقه والعايز يكون تحت بعش حياتو كلها تحت ... وبعدين شفتي مشكله الشعب السوداني شنو الكلام في الفاضي والمقارنات الماليها داعي يا عسلنا .... والكلام في الموضوع دا كتييييييييييير لكن احنا السودانين بنحب نقول فلان وعلان وننسى كيف نبقى احسن من فلان وعلان دييييييييييييل...
ولا شنووووووووووووووو؟؟؟؟؟؟؟؟
وانت بدل تقولي المغتربين والمغتربين ....
عيشي واقعك وحاولي كوني احسن من المغتربين وموضوع النضافه دا ما موضوع وانت عااااااااااارفه ممكن تجيبيها كيف ....
همستك جمييييييييييله انت قولي واحنا حاااااااااضرين... مايصير خاطرج الا طيب....

الترحيب دا واجب علينا ما دام طليتي علينا بحضرتك البهية
وموضوع المقارنة ياترنيمة دا هو اصل البوست
واكيد ما حتة بتاعت عدم تعايش مع الواقع والكلام ما عن نفسي الكلام بصورة عامة
والنضافة اللي بتجي بالحاجات اللي انا عااااااااارفة انها ممكن تجي بيها عندنا × السودان بس كلامي عن النضافة الطبيعية بتاعت المغتربين
وكلامي كله مزاح × مزاح ياترنيمة ما تاخديه بصورة جادة

ويسلموووو علي مرورك الطيب :D

محمد السر احمد

03-06-2007, 03:01 AM

الترحيب دا واجب علينا ما دام طليتي علينا بحضرتك البهية
وموضوع المقارنة ياترنيمة دا هو اصل البوست
واكيد ما حتة بتاعت عدم تعايش مع الواقع والكلام ما عن نفسي الكلام بصورة عامة
والنضافة اللي بتجي بالحاجات اللي انا عااااااااارفة انها ممكن تجي بيها عندنا × السودان بس كلامي عن النضافة الطبيعية بتاعت المغتربين
وكلامي كله مزاح × مزاح ياترنيمة ما تاخديه بصورة جادة

ويسلموووو علي مرورك الطيب :D

اختي مدنية والله كلامك صح المغتربين ديل برا مجتدعين كل يوم في البحر
وكل يوم في السوق ونسوانهم في محلات الدهب وفي المولات
اولادهم هنا بتكلمو انجليزي
ههههههههههههههههههههههههههههههه
ما خلين شئ عشان كدا ما تصديقهم وكان لقيتي طريقة ابقي مارقة سااااااااااااي

مدنيّة

03-06-2007, 03:10 AM

اختي مدنية والله كلامك صح المغتربين ديل برا مجتدعين كل يوم في البحر
وكل يوم في السوق ونسوانهم في محلات الدهب وفي المولات
اولادهم هنا بتكلمو انجليزي
ههههههههههههههههههههههههههههههه
ما خلين شئ عشان كدا ما تصديقهم وكان لقيتي طريقة ابقي مارقة سااااااااااااي

انا عاااااااااااارفة وواثقة يا ود السر وعارفة كلامهم دا كلام جرائد سااااااااااااااااااي:D

همسة : اها هسي انت ماعندك تريقة ترسل لي فيزا:p

محمد السر احمد

03-06-2007, 03:16 AM

انا عاااااااااااارفة وواثقة يا ود السر وعارفة كلامهم دا كلام جرائد سااااااااااااااااااي:D

همسة : اها هسي انت ماعندك تريقة ترسل لي فيزا:p

اه
............. ما سمعته ............ قلتي شنو
ههههههههههههههههههههههههههههه
حبابك عشرة والله نحنا لاقين لو ما شالك الراس تشيلك العين

مدنيّة

03-06-2007, 03:37 AM

اه
............. ما سمعته ............ قلتي شنو
ههههههههههههههههههههههههههههه
حبابك عشرة والله نحنا لاقين لو ما شالك الراس تشيلك العين

يسلمووووو ياود السر ما بتقصر

همسة : كلامك دا مي شان انت لسة مغترب حديثا اصبر شوية كلامك دا بعدين تنكره كيف :D

ترنيمه حزن

03-06-2007, 03:48 AM

والله انا ماقصدا في كلامي شي والموضوع حتى لو انتي معتبراهو هزاااااااار غيرك لا ... على العموم يديك العافيه..
همسه ... الفيزا جااااااااااااهزه انتي بس قولي عووووووووووك

محمد السر احمد

03-06-2007, 03:48 AM

يسلمووووو ياود السر ما بتقصر

همسة : كلامك دا مي شان انت لسة مغترب حديثا اصبر شوية كلامك دا بعدين تنكره كيف :D

ابدا والله بعد الشوفتو هنا تاني برجع السودان اشيل رضي الزالدين بس
والله هنا الزول بشعر بانسانيتو والحياة ما فيها صعوبه
كل شئ ساهل انا قلته ليك الكسرة هنا جاهزة والخدرة والله هنا معززة تجيك جاهزة

مدنيّة

03-06-2007, 03:50 AM

والله انا ماقصدا في كلامي شي والموضوع حتى لو انتي معتبراهو هزاااااااار غيرك لا ... على العموم يديك العافيه..
همسه ... الفيزا جااااااااااااهزه انتي بس قولي عووووووووووك

انا وحاتك ياعثل معتبراه هزار ولو غيري ما اعتبره هزار بقدم ليه اسفي واعتذري وياريت لو يتقبل البوست ÷ اساس انه مزاح × مزاح ليس الا

همسة : عووووووووووووووووووووووووووووووووووووكات كتيييييييييييييييييرات يا ترنيمااااااااااااااااات :D

ابورجاء

03-06-2007, 04:28 AM

انا وحاتك ياعثل معتبراه هزار ولو غيري ما اعتبره هزار بقدم ليه اسفي واعتذري وياريت لو يتقبل البوست ÷ اساس انه مزاح × مزاح ليس الا

همسة : عووووووووووووووووووووووووووووووووووووكات كتيييييييييييييييييرات يا ترنيمااااااااااااااااات :D

ههههههههههههههههههههههههههههههههههه
ما قلتو ............................ تنطوا :D :p
اسه يرسلوا ليك الفيزا تقعدي تنططي وتقولي والله
ما بخلي بنياتي وما بخلي شغلي والفرده ده اخليهو لي
منو والا بتجيبيهو معاك مرافق;) يا عمتي رسلي لي فيزا
من عندكم بس تكون ما مضروبة :D ......

همسة مع الترنيمة :ــــ
ماركة عربيتك شنو يا عمتي وموديل كم :confused: :D ;) ...

ودوما في رعاية الله وحفظه...
مع كل الود باقة ورد....

Madanawi

03-06-2007, 04:54 AM

ههههههههههههههههههههههههههههههههههههه

عووووووووووووووووووكات دي انا سمعتها في أضاني .. ده منو البصررررررخخخخخخخ ده

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

محمد أحمد الشيخ

03-06-2007, 05:16 AM

يديك العافية يا محمد

مدنيه

نطيتي ولا شنو

نور عبدالله

03-06-2007, 06:13 AM

هههههههههههههه والله يامدنية بالغتي في عوكاااااااااااااااااات دي . لكن عليك الله بعد البوست الطوييييييييييييييييييييل دة و ( انشاالله ) ( نحنا جاهزين ) ( ونحنا حاضرين) مافي فيزا وصلتك ؟؟ عشان تشوفي المغتربين ديل حشاش بي دقنو ساااااااكت

نزار حسن محمد

03-06-2007, 06:39 PM

والله يامدنيه ...لقيتك ..هراشه بشكل بالله ..ترنيمه كلمه والتانيه وانتى تقولى ليها انا بهزر ساكت وكلامى هزار ×هزار ..دى شنوا يامدنيه ...ترنيم منطق خطيررررر وانتى يامدنيه كوركى وتانى كوركى واحلك.. الحلا.. بله ... ترنيمه ذى رونالدو..

المعلم

03-06-2007, 10:23 PM

والله الماعجهو السخانه دي يقـــــــــــــــــــــــــــــــــــــد طوالي من البلد لانو السخانه دي حتزيد في السنين الجايه شديـــــــــــــــــــــــــــــــــــــــــــــــ ــــــد
والكهرباء غشونا قالوا سد مروي .............................اسي السد ذاتو في تولا مع المناصير ديل.........
غايتو بلد عجيبه....

نزار حسن محمد

03-06-2007, 10:56 PM

والله الماعجهو السخانه دي يقـــــــــــــــــــــــــــــــــــــد طوالي من البلد لانو السخانه دي حتزيد في السنين الجايه شديـــــــــــــــــــــــــــــــــــــــــــــــ ــــــد
والكهرباء غشونا قالوا سد مروي .............................اسي السد ذاتو في تولا مع المناصير ديل.........
غايتو بلد عجيبه....

اولا مرحبا بك ايها المعلم بيننا ..بعدين يابوى انت عشان ساكن المنشيه ...تقول الماعجبهو يقد طوالى والله كلام يعنى نقد نمشى وين:cool: .. انت ساكن فى المنشيه ومتجرس يعنى مدنيه دى ساكنه فى امبده شارع الصحراء بالردميه..كان كدى ليها الف حق لكن مش لو السخانه حتزيد لو تبقى محرقه يانا راجعين للدائمه وتمرنا ولا تفاح جنائن مدنيه:( ... مره اخرى مرحبا بك اخوانا المعلم وشرفت كتير

Madanawi

03-06-2007, 11:26 PM

كدي يا مدنية أبدي من الأول .. وأنا بدوري حا أضم صوتي للأستاذ بابكر صديق وهو برضو مننا وفينا ومن مدني .. وحا أقول ليهو يعمل ليك نداء في نجووووم الغد عشان ناس كتااااااااار بيتابعوهو وبكده صوتك حا يوصل للفضاء الاسفيري بسرعة !!

انشاء الله ما أكون قصرت ؟؟؟؟؟؟

عثمان إدريس

03-06-2007, 11:41 PM

الليلة والليلة
ياخوي انت شكلك كدا عامل ليك كفاوي في البلد ديك
عشان كدا غيرت راي وح اخلي البدل دا لزول يكون عنده شهادة حسن سير وسلوك:D

ما قلت نوووووبة ... أنا الكيك الكمل بلادو فريك :D

هنا تغيري رأئك ..! وهناك تقولي ليها أنا بمزح ..! :p

ترنيمه حزن

04-06-2007, 12:56 AM

والله يامدنيه ...لقيتك ..هراشه بشكل بالله ..ترنيمه كلمه والتانيه وانتى تقولى ليها انا بهزر ساكت وكلامى هزار ×هزار ..دى شنوا يامدنيه ...ترنيم منطق خطيررررر وانتى يامدنيه كوركى وتانى كوركى واحلك.. الحلا.. بله ... ترنيمه ذى رونالدو..

الموضوع كلو في النهاااااااايه منطق وعووووووووكات بتاعه مدنيه دي سمعنااااااااااااااااااها لمن قدت الاذن الوسطى لكن برجع واقوليييييها من العين دي قبل العين التانيه.... حاضرين ومايصير خاطرج الا طيب...... لكن بكره حاتكوني من المغتربين ( البري منهم ) حتقولي شنو ...؟؟؟ هااااااااااااااااااااااااااااا شفتي ماكان في داعي لي دا من اصلووووووووووو...

مدنيّة

04-06-2007, 03:35 AM

ههههههههههههههههههههههههههههههههههه
ما قلتو ............................ تنطوا :D :p
اسه يرسلوا ليك الفيزا تقعدي تنططي وتقولي والله
ما بخلي بنياتي وما بخلي شغلي والفرده ده اخليهو لي
منو والا بتجيبيهو معاك مرافق;) يا عمتي رسلي لي فيزا
من عندكم بس تكون ما مضروبة :D ......

همسة مع الترنيمة :ــــ
ماركة عربيتك شنو يا عمتي وموديل كم :confused: :D ;) ...

ودوما في رعاية الله وحفظه...
مع كل الود باقة ورد....

عاد ديل العيشة بلاهم بتبقي :eek:

اها عربيتي خ11 بتعرفها !! مااظن بتعرفها عشان الموديل دا ما متوفر عندكم × بلاد الراحة :D

مدنيّة

04-06-2007, 03:37 AM

ههههههههههههههههههههههههههههههههههههه

عووووووووووووووووووكات دي انا سمعتها في أضاني .. ده منو البصررررررخخخخخخخ ده

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دي الحالة انت التوم
يعني الباقين ليهم حق × الطنيش

مدنيّة

04-06-2007, 03:38 AM

مدنيه

نطيتي ولا شنو

اخير انط انا من تنط انت ياود الشيخ وبعدين اتحسر واندم بعد مااعشم روحي:D

مدنيّة

04-06-2007, 03:48 AM

هههههههههههههه والله يامدنية بالغتي في عوكاااااااااااااااااات دي . لكن عليك الله بعد البوست الطوييييييييييييييييييييل دة و ( انشاالله ) ( نحنا جاهزين ) ( ونحنا حاضرين) مافي فيزا وصلتك ؟؟ عشان تشوفي المغتربين ديل حشاش بي دقنو ساااااااكت

اصلي عارفاهم يانور بس كنت بعشم في رقبتي :(

ياربي انتي زيهم ولا من شواذ القاعدة:D

ابورجاء

04-06-2007, 03:51 AM

عاد ديل العيشة بلاهم بتبقي :eek:

اها عربيتي خ11 بتعرفها !! مااظن بتعرفها عشان الموديل دا ما متوفر عندكم × بلاد الراحة :D

ههههههههههههههههههههههه
انا شخشيا الموديل ده متوفر عندي بكثرة لمن غلط
قف تامل بس لاني اطرش في الموديلات التانية حتى
زاتهن ما بعرف افرق بيناتهن :D والله يا عمتي الغاشيك
ده عايز يمقلبك بس اوعك وعوكاتك وصلت الداني والبعيد :D
عليك الله رسلينا فيزا معاك قالو عندكم كفلاء طيبين :p .....

ودوما في رعاية الله وحفظه....
مع كل الود باقة ورد...

مدنيّة

04-06-2007, 03:58 AM

والله يامدنيه ...لقيتك ..هراشه بشكل بالله ..ترنيمه كلمه والتانيه وانتى تقولى ليها انا بهزر ساكت وكلامى هزار ×هزار ..دى شنوا يامدنيه ...ترنيم منطق خطيررررر وانتى يامدنيه كوركى وتانى كوركى واحلك.. الحلا.. بله ... ترنيمه ذى رونالدو..

شايفة × ثقافة كروية بدت تظهر اليومين ديل يانزار ياخوي :p

ترنيمة اخدت الموضوع بحساسية وقالت لو انا بعتبر البوست مزاح في غيري ما بيعتبره كدا حبيت اوصل ليها انه بوست لا فيه حقد لا حسد علي المغتربين وانا عايشة معاهم اكتر من ماعايشة مع الباقين لانه اعضاء المنتدي 90 % منه مغتربين وسعيدة جدا انا بمعرفتهم دي

مدنيّة

04-06-2007, 04:01 AM

والله الماعجهو السخانه دي يقـــــــــــــــــــــــــــــــــــــد طوالي من البلد لانو السخانه دي حتزيد في السنين الجايه شديـــــــــــــــــــــــــــــــــــــــــــــــ ــــــد
والكهرباء غشونا قالوا سد مروي .............................اسي السد ذاتو في تولا مع المناصير ديل.........
غايتو بلد عجيبه....

يعني نطلع نطلع مافي حل:(

اها يانزار ياخوي سمعت الكلام دا يلا شد حيلك شوية بالله:D

مدنيّة

04-06-2007, 04:03 AM

كدي يا مدنية أبدي من الأول .. وأنا بدوري حا أضم صوتي للأستاذ بابكر صديق وهو برضو مننا وفينا ومن مدني .. وحا أقول ليهو يعمل ليك نداء في نجووووم الغد عشان ناس كتااااااااار بيتابعوهو وبكده صوتك حا يوصل للفضاء الاسفيري بسرعة !!

انشاء الله ما أكون قصرت ؟؟؟؟؟؟

بس بسرعة ياالتوم لانه قالوا السخانة ح تزيد × السنين الجاية:D

مدنيّة

04-06-2007, 04:05 AM

ما قلت نوووووبة ... أنا الكيك الكمل بلادو فريك :D

هنا تغيري رأئك ..! وهناك تقولي ليها أنا بمزح ..! :p

الصراحة ياعثمان ياخوي انت شككتني في انك عامل ليك مصيبة مع كفيلك وعايز تلبسها لي انا:D

مدنيّة

04-06-2007, 04:09 AM

ههههههههههههههههههههههه
انا شخشيا الموديل ده متوفر عندي بكثرة لمن غلط
قف تامل بس لاني اطرش في الموديلات التانية حتى
زاتهن ما بعرف افرق بيناتهن :D والله يا عمتي الغاشيك
ده عايز يمقلبك بس اوعك وعوكاتك وصلت الداني والبعيد :D
عليك الله رسلينا فيزا معاك قالو عندكم كفلاء طيبين :p .....

ودوما في رعاية الله وحفظه....
مع كل الود باقة ورد...

انت قصدك الكفلاء الزي المكاشفي :D
والله ديل يلحقونا وينجدونا ولو ليقنا الزيهم ماعايزين نطلع من بلدنا دي زاتووووووووووو

همسة : شوف ليك زول يكلمه لينا الاتنين بالله :cool:

ود المطامير

04-06-2007, 04:47 AM

اولا تسلمي يا عسل على الترحيب ....
ثانيا في النهايه لكل مجتهد نصيب يعني العايز الصلاه مابتفوتوة الداير يكون فوق بلقى طريقه والعايز يكون تحت بعش حياتو كلها تحت ... وبعدين شفتي مشكله الشعب السوداني شنو الكلام في الفاضي والمقارنات الماليها داعي يا عسلنا .... والكلام في الموضوع دا كتييييييييييير لكن احنا السودانين بنحب نقول فلان وعلان وننسى كيف نبقى احسن من فلان وعلان دييييييييييييل...
ولا شنووووووووووووووو؟؟؟؟؟؟؟؟
وانت بدل تقولي المغتربين والمغتربين ....
عيشي واقعك وحاولي كوني احسن من المغتربين وموضوع النضافه دا ما موضوع وانت عااااااااااارفه ممكن تجيبيها كيف ....
همستك جمييييييييييله انت قولي واحنا حاااااااااضرين... مايصير خاطرج الا طيب....
الأخت العزيزه .. ترنيمه ...
مرحب بيك بيننا ومنوره والله
والله كلامك صاح ميه الميه نحنا السودانيين جننا نقه والله ننق فى أى شئ
وخالى الله يرحمه لما كانوا دايرين ينزلوهوا فى القبر الناس تنق
_ دقيقه ياخى أقيف شيل دا
_ لا ياخى صبر ختو بهنى
_ يا جماعه أرفعوالهناى داك
وخالى قرب يقول ليهم ياناس أرمونى ساى وأدفنونى
أى والله جننا نقه بدليل نقتك إنتى دى فى بوست جميل زرع البسمه على الشفاه
وأضحكنا فى الزمن الصعب ودا هو الهدف الأول ولأخير اللى قصدته أختنا الغاليه
( مدنيه ) وهو الضحكه والبسمه وجيتى إنتى نقيتى فيهو بعيشى واقعك وحاولى والصلاه
وأختنا ( مدنيه ) طرحت الموضع بشكل هزلى والناس اللى شايفين غير كدا ( لاهاى موجوده )

ترنيمه حزن

04-06-2007, 04:52 AM

شايفة × ثقافة كروية بدت تظهر اليومين ديل يانزار ياخوي :p

ترنيمة اخدت الموضوع بحساسية وقالت لو انا بعتبر البوست مزاح في غيري ما بيعتبره كدا حبيت اوصل ليها انه بوست لا فيه حقد لا حسد علي المغتربين وانا عايشة معاهم اكتر من ماعايشة مع الباقين لانه اعضاء المنتدي 90 % منه مغتربين وسعيدة جدا انا بمعرفتهم دي

يامدنيه يا حبييتي انا ابدا ماخدت الموضوع بحساسيه انتي لي مصره على الكلمه دي مع اني وريتك يعني...
انا قلت وجهه نظري في اللموضوع وبس ....

ترنيمه حزن

04-06-2007, 04:58 AM

الأخت العزيزه .. ترنيمه ...
مرحب بيك بيننا ومنوره والله
والله كلامك صاح ميه الميه نحنا السودانيين جننا نقه والله ننق فى أى شئ
وخالى الله يرحمه لما كانوا دايرين ينزلوهوا فى القبر الناس تنق
_ دقيقه ياخى أقيف شيل دا
_ لا ياخى صبر ختو بهنى
_ يا جماعه أرفعوالهناى داك
وخالى قرب يقول ليهم ياناس أرمونى ساى وأدفنونى
أى والله جننا نقه بدليل نقتك إنتى دى فى بوست جميل زرع البسمه على الشفاه
وأضحكنا فى الزمن الصعب ودا هو الهدف الأول ولأخير اللى قصدته أختنا الغاليه
( مدنيه ) وهو الضحكه والبسمه وجيتى إنتى نقيتى فيهو بعيشى واقعك وحاولى والصلاه
وأختنا ( مدنيه ) طرحت الموضع بشكل هزلى والناس اللى شايفين غير كدا ( لاهاى موجوده )

والله ياخوي يديك العافيه وتسلم على الترحيب دا لكن ارجع واقول انا عارفه انو هزار لكن حبيت اوصل وجهه نظري عشان المامعتبرو هزار بفهم حاجه .... وفي النهايه يا اخوي مغترب ولا محلي ولا تصدير احنا في النهايه شنو.....؟؟؟ ااااااااي بس جبتها سودانيين .... وماحايغيرنا اغتراب ولا سجم رماد صحييح .... تسلممم مره تلنيه على الترحيب

بهادر عز الدين

04-06-2007, 10:15 AM

الأخت العزيزة مدنية
لك التحية وأنت تناضلي من اجل نيل الغربة ولكن قبل ذلك أرجو أن تتمعني في هذه القصيدة التي كتبها (واحد واصلة معاه الحد) لا اذكر اسم الكاتب ولكن تمعنيها مليا .

ثمن الغربة

سكري ومرض القلب ووجع الكلي مرض الضغط
مصران وقرحة واكتئاب ونفوسنا ما متحملة
وبقينا فيك كيمان لحم تحت الهدوم متندلة
وأكيد حيكون أكل المعلب واكل المجمد عاملة
عدم الرياضة والكندشة لا بد يكون ليهم صلة
وكمان تعال لي معادلة ما قدرنا اصلو نعدله
سجن العيال جوه الشقق ولا فراق العائلة
جيب العيال بي جيبنا مال وجيوبنا غيرو مميلة
وصغارنا صبحت بالذهج متوحشة ومتجفلة
لا قادرة تدرس بي نفس من الدروس المذهلة
تلقي الولد غالبو الكلام والبت كبيرة مريلة
كل الضغوط جاتم سواء ما قدرنا حتي نقلله
في كل طرف تلقي القرف تلقي الخيوط متداخلة
أما الفراق أصل الوجع مشاكله بايته مقيلة
يا غربة اديناك كثير أدينا خاطرك الله يسهلها
خلينا نرجع بالفضل نلحق حياتنا نعدله
أمالنا فيك بدري انتهت إلا الرجولة متوحلة
وبقينا زى أهل القبور لا البرة عارف يدخله
ولا الجوة يرجع لي وراء يحكي الحقيقة يوصله
لكن خلاص هان الخلاص وعدك نزل مهما علة
وإنشاء الله نحيا نودع وتكوني ذكري نغاذلة
يا غربة يا بكايه يا غشاشة يا مستهبلة

المكاشفى

04-06-2007, 10:26 AM

علي قولك يالمكاشفي وبترول بلدنا ولا تكيف الخليج :rolleyes:

بس الخلاء ما بقدر عليه شوف لي حاجة قريبة من الخرتوم واهم حاجة عشان عقدة السخانة التكيف يا المكاشفي بالله :D

فى الخرتوم محل الطياره بتقوم والرئيس بتنوم
وكندشه الا تجى المكتب بى سيوتر وجنس شئ قادر الله

المكاشفى

04-06-2007, 10:31 AM

انت قصدك الكفلاء الزي المكاشفي :D
والله ديل يلحقونا وينجدونا ولو ليقنا الزيهم ماعايزين نطلع من بلدنا دي زاتووووووووووو

همسة : شوف ليك زول يكلمه لينا الاتنين بالله :cool:

هيع هيع انا اخوك انت
انا جاهز اي خدمه بس اشغال شاقه الاسكان
شغل بنيان ورواتب مغريه
مع تحيات كشه الدولى - للاستقدام الخارجى

طلال الصول

04-06-2007, 11:12 AM

مدنية يا اختى كوسي لي شغل بي غادي آآآآآآآآي هناك يعني
دايرين نمرق منها
لفتة : حاولي يعني كدا يكون مكتب مكيف وفيو مولد كهرباء اتومتك اكان قطعت الكهرباء
ولو بدو راتب واحد وجمبو اصفار كتيرة تكوني ما قصرتي تب

ودوما في رعاية وحفظ الله

مختار بازى

04-06-2007, 11:21 PM

والله يا عمتنا (مـــــــــــــــــــــــــــــدنية)
ياريت لو كل الناس بتاخد المواضيع بي روحك المرحة دي اقول ليك ما حصل يوم عدي علي وانا ما دخلتة المنتدي صباح ومساء وما حصل دخلتة وما اطلعتة علي البوست بتاعك دا لية ؟
عشان الروح العفويةالشايفها في كل من ترك توقيعو فيهو والله صراحة ما ظنيت انو في زول شايل في نفسو حاجة من الموضوع حقد دفين ولا حقد منحوت من المقابر والواحد حقو يشوف الموضوع كويس من الاول اول حاجة موضوع ما مثبت وثابت اكتر من المثبت دي دلالة علي انو الناس متفاعلة مع الموضوع بي ايجابية بحححححححححححححححتة
ودمتي

معتز الريح

04-06-2007, 11:32 PM

والله يا مدنيه فى مغتربين مالاقين حق التمباك !! وخجلانين من رجعة الشماته !! (( ايد وراء وايد قدام ))

الأخت مدنية ..
موضوع مهم .. وعلى كده قيسي ..
يعني ناس السودان نفسهم يجو الخليج ..
وناس الخليج نفسهم يمشو أروبا ..
وناس أروبا نفسهم يرجعو السودان ..
دي دورة كاملة ..
معاك حق في كتير مما قليته ..
ماكلين شاربين لابسين سايقين تمام التمام ..
لكن منو البعوضنا عن السنين القضيناها بعيد عن أهلنا
ووالدينا .. وأخوانا وأخواتنا ..
منو البعوضنا حبايبنا الفقدناهم ونحنا بعيدين منهم ..
اللهم لك الحمد ..
هل القروش بتعوضنا؟ إن شاء الله ساعه ترجع نقضيها مع الوالد والوالده والأخوان .. ما اظن ..

كلام الأخ الحبيب بابكر يمثل كتير من المغتربين
لك الشكر على الموضوع

معتز الريح

04-06-2007, 11:35 PM

تأكيد لكلام الأخ بابكر .. وتأكيد لكلامك ..
اسمعي دي ..
أحد الأخوان المغتربين نزل السودان سمين يحمد ربو ولكن يد ورا ويد قدام
فأحد الشامتين سألو يا راجل انت ليك عشرة سنين بره وجاي منفض .. عملت شنو هنا ..
أخونا المغترب مد يده للشامت وقال ليهو هاك كدي نزل دي ..

ايمن جعفر

04-06-2007, 11:47 PM

خالتي مدينة أنا متبرع ليك بي زيارة لكن المشكلة أنتي ما عندك جواز حا تقولي لي رسل لي حق الجواز وانا ما لاقي آكل يعني بالعربي مافي طريقة وكان طلعتي الجواز جيبي ليك معاك الصابون البغسل خمسة دست دا ما استثمار عديل وما محتاج دراسة جدوى ستة شهور ونرجع سوا ولا رايك شنو .

نزار حسن محمد

04-06-2007, 11:47 PM

-مدنيه ..يامدنيه ..هووووى مدنــــــــــيه ..بالله انا مامتعود على الكتاحه والسخانه انتظرنى بسيارتك لليلى علوى بالمطار ..ولو مشغوله رسلى لى السواق بتاعك باسيارتك التانيه الهمر موديل سنة 0006 وجاتنى شمارات قالووو حجزت النادى النوبى لعريسنا سواااح ..عفت منك يامدنيه الوالى ..صلاح ادريس،،

Bet-alsudan

04-06-2007, 11:50 PM

يا مدنية والله انا شايفة ان هسي الوضع اختلف تماما انت كلامك ده كان ممكن تقوليه زمان لكن هسي الوضع اختلف انا شايفاا سودانا اتغير شديد كان على الهوة البارد انت زاتكم بقى عندكم مكيفات على كيييف كيفم كان على السخانة هنا برضو سخانة وقرف وحاله ... في كده وفي كده ... الصابون والمعجون ده هنا وهناك على ما اظن ... الكلام ده كان من زماااان يا مدنية وين كنا نحن و وين بقينا( قولي الحمد الله بس ) كفاية انك تقومي الصباح تشم هوا بلدك وتحس انك ما غريبة ( بين اهلك وناسك )الكل بعرف بعض كفاية شوفة الناس ولمتم وقعدتم في زمتك في احلى من كده ؟!؟! ( تقوليلي اكل وشرب ومكيفات و معجون اسنان ده كلااام ؟!؟! ).. اذا في راايك ان المغتربين مرتاحين فهم من جهة تانية بعدو الساعات والايام والشهور متييين تجي الفرصة عشان نرجع بلدنا ده براهوو هم تااني ..

ايمن جعفر

05-06-2007, 12:15 AM

خالتي مدنية أن متبرع ليك بي زيارة ستة شهور لكن المشكلة انتي ما عندك جواز وحا تقولي لي رسل لي حق الجواز وانا ما لا قي آكل وكان طلعتي الجواز جيبي لي معاك الصابون البغسل ستة دست دا ودا استثمار عديل وما محتاج دراسة جدوى ستة شهور ونرجع سوا ولا رايك شنو .

مدنيّة

05-06-2007, 01:18 AM

الأخت العزيزة مدنية
لك التحية وأنت تناضلي من اجل نيل الغربة ولكن قبل ذلك أرجو أن تتمعني في هذه القصيدة التي كتبها (واحد واصلة معاه الحد) لا اذكر اسم الكاتب ولكن تمعنيها مليا .

ثمن الغربة

سكري ومرض القلب ووجع الكلي مرض الضغط
مصران وقرحة واكتئاب ونفوسنا ما متحملة
وبقينا فيك كيمان لحم تحت الهدوم متندلة
وأكيد حيكون أكل المعلب واكل المجمد عاملة
عدم الرياضة والكندشة لا بد يكون ليهم صلة
وكمان تعال لي معادلة ما قدرنا اصلو نعدله
سجن العيال جوه الشقق ولا فراق العائلة
جيب العيال بي جيبنا مال وجيوبنا غيرو مميلة
وصغارنا صبحت بالذهج متوحشة ومتجفلة
لا قادرة تدرس بي نفس من الدروس المذهلة
تلقي الولد غالبو الكلام والبت كبيرة مريلة
كل الضغوط جاتم سواء ما قدرنا حتي نقلله
في كل طرف تلقي القرف تلقي الخيوط متداخلة
أما الفراق أصل الوجع مشاكله بايته مقيلة
يا غربة اديناك كثير أدينا خاطرك الله يسهلها
خلينا نرجع بالفضل نلحق حياتنا نعدله
أمالنا فيك بدري انتهت إلا الرجولة متوحلة
وبقينا زى أهل القبور لا البرة عارف يدخله
ولا الجوة يرجع لي وراء يحكي الحقيقة يوصله
لكن خلاص هان الخلاص وعدك نزل مهما علة
وإنشاء الله نحيا نودع وتكوني ذكري نغاذلة
يا غربة يا بكايه يا غشاشة يا مستهبلة

مرحب بيك يابهادر في ديار مدني ومنتظرين كل جديدك

انت يابهادر ياخوي يعني مسعول من الخير وقت دا ثمن الغربة ماله مارجع لبلده !!:confused:

همسة : ماقلت لينا انت معانا ولا مع الاعداء - المغتربين:D -

مدنيّة

05-06-2007, 01:21 AM

فى الخرتوم محل الطياره بتقوم والرئيس بتنوم
وكندشه الا تجى المكتب بى سيوتر وجنس شئ قادر الله

خلا بكلم المغتربين ديل يرسلوا لينا السيوترات من برة مي شان هنا غالية:D

مدنيّة

05-06-2007, 01:23 AM

هيع هيع انا اخوك انت
انا جاهز اي خدمه بس اشغال شاقه الاسكان
شغل بنيان ورواتب مغريه
مع تحيات كشه الدولى - للاستقدام الخارجى

خلا يامكاشفي نفتح لينا مكتب للاستقدام الخارجي
واهو البشاير شغالة
ابورجاء وطلال وكثر غيرهم
والله شكلنا كدا ح نبقي اغني من المغتربين:D

مدنيّة

05-06-2007, 01:33 AM

مدنية يا اختى كوسي لي شغل بي غادي آآآآآآآآي هناك يعني
دايرين نمرق منها
لفتة : حاولي يعني كدا يكون مكتب مكيف وفيو مولد كهرباء اتومتك اكان قطعت الكهرباء
ولو بدو راتب واحد وجمبو اصفار كتيرة تكوني ما قصرتي تب

ودوما في رعاية وحفظ الله

يعني لفتك دي ياطلال لو كانت متوفرة سبب وااااااااااااحد يخليني اكتب البوست دا مافي:mad:

اها انت ما بتلقها لي اللفتة دي × بلد الاغتراب !! :D

مدنيّة

05-06-2007, 01:35 AM

والله يا عمتنا (مـــــــــــــــــــــــــــــدنية)
ياريت لو كل الناس بتاخد المواضيع بي روحك المرحة دي اقول ليك ما حصل يوم عدي علي وانا ما دخلتة المنتدي صباح ومساء وما حصل دخلتة وما اطلعتة علي البوست بتاعك دا لية ؟
عشان الروح العفويةالشايفها في كل من ترك توقيعو فيهو والله صراحة ما ظنيت انو في زول شايل في نفسو حاجة من الموضوع حقد دفين ولا حقد منحوت من المقابر والواحد حقو يشوف الموضوع كويس من الاول اول حاجة موضوع ما مثبت وثابت اكتر من المثبت دي دلالة علي انو الناس متفاعلة مع الموضوع بي ايجابية بحححححححححححححححتة
ودمتي

بشكرك جدا علي كلماتك الطيبة دي
ويكفي انه في الزيك بدخل ويشوف البوست كل يوم
ودا مقصدي انه ننفس عن روحنا شوية
ولو لاحظت للبوست انه كل المغتربين بيجوا يطلعوا فيه هموهم ودي اكبر فائدة لي لما اخلي اخواني يطلعوا همومهم وانا استقبلها ليهم بطرفة او مزحة انسيهم بيها هم الغربة والبعد عن الوطن

همسة : مافيها فيزا ولا زيارة ولا عمرة ولا اي حاجة يامختار ياخوي ؟:D

مدنيّة

05-06-2007, 01:41 AM

الأخت مدنية ..
موضوع مهم .. وعلى كده قيسي ..
يعني ناس السودان نفسهم يجو الخليج ..
وناس الخليج نفسهم يمشو أروبا ..
وناس أروبا نفسهم يرجعو السودان ..
دي دورة كاملة ..
معاك حق في كتير مما قليته ..
ماكلين شاربين لابسين سايقين تمام التمام ..
لكن منو البعوضنا عن السنين القضيناها بعيد عن أهلنا
ووالدينا .. وأخوانا وأخواتنا ..
منو البعوضنا حبايبنا الفقدناهم ونحنا بعيدين منهم ..
اللهم لك الحمد ..
هل القروش بتعوضنا؟ إن شاء الله ساعه ترجع نقضيها مع الوالد والوالده والأخوان .. ما اظن ..

كلام الأخ الحبيب بابكر يمثل كتير من المغتربين
لك الشكر على الموضوع

بنرحب بيك × ديار مدني ومنتظرين نشوف كل جديدك وابداعاتك × المنتدي

دا يامعتز طبع الانسان وزي ما بيقولوا العين ما بملاءها الا التراب - بس مشية اوربا دي الصراحة سمحة شديد الله يدينا ليها ان شاء الله بس سنتين تلاتة ونرجع:cool: -

لكل سلبياته وايجابياته - الاغتراب او البقاء × ارض الوطن -

وانا المحيرني × المغتربين ديل انه بعد كلامهم السعب عن الغربة تلقاها لسة سابرين ، ياربي لية :D

مدنيّة

05-06-2007, 01:43 AM

تأكيد لكلام الأخ بابكر .. وتأكيد لكلامك ..
اسمعي دي ..
أحد الأخوان المغتربين نزل السودان سمين يحمد ربو ولكن يد ورا ويد قدام
فأحد الشامتين سألو يا راجل انت ليك عشرة سنين بره وجاي منفض .. عملت شنو هنا ..
أخونا المغترب مد يده للشامت وقال ليهو هاك كدي نزل دي ..

برضو فايدة
لانه لو كان قاعد × السودان كان الناس بتعرفه من صوته بس لما يتكلم :D

مدنيّة

05-06-2007, 01:51 AM

خالتي مدينة أنا متبرع ليك بي زيارة لكن المشكلة أنتي ما عندك جواز حا تقولي لي رسل لي حق الجواز وانا ما لاقي آكل يعني بالعربي مافي طريقة وكان طلعتي الجواز جيبي ليك معاك الصابون البغسل خمسة دست دا ما استثمار عديل وما محتاج دراسة جدوى ستة شهور ونرجع سوا ولا رايك شنو .

مرحب بيك ياايمن × ديار مدني

اها النطمنك الجواز جااااااااهز ومجدد ومافيه اي مشكلة بس انت كيف ترسل الزيارة:D

وبعدين انت قايل شنو في حكاية الصابون دي !! ماهو حاني عليها وعارف انه نهي مصاري واحسن يجيبها من قصيرها ويساعدنا × متاعب الحياة دي ;)

بخسوس الرجعة بعد الستة شهور دي خلا ح اكتب اسمك في مكتب الاستقدام الخارجي بتاع المكاشفي :cool:

hibbo

05-06-2007, 01:54 AM

الاخت مدنيه انا بوستك ده آخر من يقراو لكن شكلو بوستك ده نزلتيو في سنه 91 او ما يعادلها لأنو هسع الفي السودان ما بتلقي بره السودان كل حاجه متوفره في السودان
وضيف عليهم راحت البال وحنيه البلد وقرب الاهل ووو..............الخ
والكلام ده بحسو بيهو الناس البره الجوه عايشين في نعيم وما دريانين
وف الاخير البني آدم زي الانسان ما بملى عينو الا التراب

مدنيّة

05-06-2007, 01:54 AM

-مدنيه ..يامدنيه ..هووووى مدنــــــــــيه ..بالله انا مامتعود على الكتاحه والسخانه انتظرنى بسيارتك لليلى علوى بالمطار ..ولو مشغوله رسلى لى السواق بتاعك باسيارتك التانيه الهمر موديل سنة 0006 وجاتنى شمارات قالووو حجزت النادى النوبى لعريسنا سواااح ..عفت منك يامدنيه الوالى ..صلاح ادريس،،

العربية واقفة من ستة سباحا × المتار يانزار ياخوي ومعاها آية بس انت ابقي قدرها :D

وبخسوس سوااح لازم اعمل كدا مي شان هو اول مرة يعرس :cool:

مدنيّة

05-06-2007, 02:00 AM

يا مدنية والله انا شايفة ان هسي الوضع اختلف تماما انت كلامك ده كان ممكن تقوليه زمان لكن هسي الوضع اختلف انا شايفاا سودانا اتغير شديد كان على الهوة البارد انت زاتكم بقى عندكم مكيفات على كيييف كيفم كان على السخانة هنا برضو سخانة وقرف وحاله ... في كده وفي كده ... الصابون والمعجون ده هنا وهناك على ما اظن ... الكلام ده كان من زماااان يا مدنية وين كنا نحن و وين بقينا( قولي الحمد الله بس ) كفاية انك تقومي الصباح تشم هوا بلدك وتحس انك ما غريبة ( بين اهلك وناسك )الكل بعرف بعض كفاية شوفة الناس ولمتم وقعدتم في زمتك في احلى من كده ؟!؟! ( تقوليلي اكل وشرب ومكيفات و معجون اسنان ده كلااام ؟!؟! ).. اذا في راايك ان المغتربين مرتاحين فهم من جهة تانية بعدو الساعات والايام والشهور متييين تجي الفرصة عشان نرجع بلدنا ده براهوو هم تااني ..

ياختي المكيفات هي قااااااااعدة مافي زول قال انها مافي لكن يابنوتة كدي النسعلك المكيفات دي بتشتغل بشنوووووو ؟؟ ياختي ماعندنا كهرباء وشوفي كلام اميمة مي شان ما تقولوا انا مفترية امها دواءها فسد بسبب الكهربا المافي :(

اها يابنوتة مامليتي شوية من الغربة وتبدليني امشي اتغرب شوية واجي :D

مدنيّة

05-06-2007, 02:09 AM

الاخت مدنيه انا بوستك ده آخر من يقراو لكن شكلو بوستك ده نزلتيو في سنه 91 او ما يعادلها لأنو هسع الفي السودان ما بتلقي بره السودان كل حاجه متوفره في السودان
وضيف عليهم راحت البال وحنيه البلد وقرب الاهل ووو..............الخ
والكلام ده بحسو بيهو الناس البره الجوه عايشين في نعيم وما دريانين
وف الاخير البني آدم زي الانسان ما بملى عينو الا التراب

تتخيل ياحبو اني كاتبه البوست دا من يوم 24 ابرايل 2007 بالغت مش :(

هسي ياحبو المانعك شنوووووووووووو ترجع لراحة البال وحنية البلد وقرب الاهل :D

اكيييييييييييد البني ادم ما بيملا عينه الا التراب

Bet-alsudan

05-06-2007, 03:13 AM

ياختي المكيفات هي قااااااااعدة مافي زول قال انها مافي لكن يابنوتة كدي النسعلك المكيفات دي بتشتغل بشنوووووو ؟؟ ياختي ماعندنا كهرباء وشوفي كلام اميمة مي شان ما تقولوا انا مفترية امها دواءها فسد بسبب الكهربا المافي :(

اها يابنوتة مامليتي شوية من الغربة وتبدليني امشي اتغرب شوية واجي :D

ولا يهمك يا مدنية ببدلك:D .. مش التبديل ده من عيووووووني الاتينين .. اها دايرة شنو كماان ؟؟!؟

مدنيّة

05-06-2007, 03:16 AM

ولا يهمك يا مدنية ببدلك:D .. مش التبديل ده من عيووووووني الاتينين .. اها دايرة شنو كماان ؟؟!؟

وحاة الله يابنوتة عيونك غاليات علي جدا

وانا ما طماعة بخليهن ليك مي شان تشوفي بيهم لما نتبدل السخانة والكتاحة :D

اها قلتي لي ح ترسلي الفيزا للبدل متين ؟؟ جوازي جااااااهز :p

Bet-alsudan

05-06-2007, 03:21 AM

وحاة الله يابنوتة عيونك غاليات علي جدا

وانا ما طماعة بخليهن ليك مي شان تشوفي بيهم لما نتبدل السخانة والكتاحة :D

اها قلتي لي ح ترسلي الفيزا للبدل متين ؟؟ جوازي جااااااهز :p

مافي داعي انا شايفاه قبل كده .. الموضوع ما جديد علي .. هههههه .. خلاص يا زولة الجواز جاهز وانتي جاهزة قريبا ان شاء الله حتوصلك خخخ بس اذا اشتقتي لي ناسك وبلدك مافي ليك طرييقة خلاص ادبستي ... ;)

مدنيّة

05-06-2007, 03:30 AM

مافي داعي انا شايفاه قبل كده .. الموضوع ما جديد علي .. هههههه .. خلاص يا زولة الجواز جاهز وانتي جاهزة قريبا ان شاء الله حتوصلك خخخ بس اذا اشتقتي لي ناسك وبلدك مافي ليك طرييقة خلاص ادبستي ... ;)

ياختي قريب دي ما بتخليني عايمة ساااااااااااااي حددي لي مواعيد ياخ وانا زي ما قلت ليك الجواز بس منتظر الاقامة :D

مختار بازى

05-06-2007, 03:54 AM

بشكرك جدا علي كلماتك الطيبة دي
ويكفي انه في الزيك بدخل ويشوف البوست كل يوم
ودا مقصدي انه ننفس عن روحنا شوية
ولو لاحظت للبوست انه كل المغتربين بيجوا يطلعوا فيه هموهم ودي اكبر فائدة لي لما اخلي اخواني يطلعوا همومهم وانا استقبلها ليهم بطرفة او مزحة انسيهم بيها هم الغربة والبعد عن الوطن

همسة : مافيها فيزا ولا زيارة ولا عمرة ولا اي حاجة يامختار ياخوي ؟:D

والله اقول ليك شيء انا بكون قاعد براي ما معاي اي زول والله تشوفيني بضحك بتقولي الزول دا مجنون وبضحك في شنو في قفشاتكم ونكاتكم الفريدة في اسلوبة والمعبرة في نفس الوقت
ونرجوا منكم التواصل الي آخر نفس ونحنا معاك يا عمتنا للنهاية

همسة:
انا ما قلتة ليك تتمرني علي الرطوبة

محمد السر احمد

05-06-2007, 05:06 AM

اختنا مدنية شفتي العلم كيف
انا اسه في المطار متجه علي ابوظبي
والنت في المطار مجاني
في طالة فاتحة لاي زول
ودي ليقولو ليك الاغتراب كعب
ديل ما دايرين مصلحتك صديقني
ههههههههههههههههههههههههههه

شبارقة

05-06-2007, 09:09 AM

http://www.wadmadani.com/vb/showthread.php?p=185527#post185527

ود المطامير

05-06-2007, 09:48 AM

http://www.wadmadani.com/vb/showthread.php?p=185527#post185527
والله شكيت محنك
ما قادر تصبر ؟ لما هى تمشى هناك .

المكاشفى

05-06-2007, 10:56 AM

خلا يامكاشفي نفتح لينا مكتب للاستقدام الخارجي
واهو البشاير شغالة
ابورجاء وطلال وكثر غيرهم
والله شكلنا كدا ح نبقي اغني من المغتربين:D

عمتو مدنيه انا جاهز ونباشر العمل
ومواصله للبوست بتاعك ده اى زول
عاوز وظيفه فى السودان الينزل مؤهلاته C.V
فى البوست والوظائف حسب الاقدميه
واوعى من الواسطات يا مدنيه الكل حسب
كفائته.

طلال الصول

14-06-2007, 01:22 PM

دا كلو هين و لا شفت لينا الشغل ولا جيتي انتي هنا اها دي احلوا كيف
وبعدين تعالي هنا انتي صدقتي والا شنو بلد شنو ورجعت شنو
خلينا هنا مرتاحين نضرب في المكيفات دي من المكتب لي العربية الواحد يقوليك سخانة شديدة
خلاص

محمد أحمد الشيخ

15-06-2007, 07:10 AM

الجماعه شوقونا لي شوفت مدنيه لما سمعنا عنها من دماسة خلق وحميد صفات . علي عهدة الراوي ود حسن .
أتمني من الله أن يجمعنا قريبا .

رضاك ياصفيه

15-06-2007, 08:42 AM

هههههههههههههههههههههههههههههههههههههههههههههههههه ههههههههههههههههه
تعالي شوفي الاغتراب عشان تعرفي براك غربه كلام فاضي وضياع زمن
رضاك يا صفيه

محمد أحمد الشيخ

16-06-2007, 07:13 AM

يا مدنيه سمعتي بالفنان البغني
دبي دولار مزيف وفي جده ناس كذابه

مدنيّة

17-06-2007, 02:17 AM

والله اقول ليك شيء انا بكون قاعد براي ما معاي اي زول والله تشوفيني بضحك بتقولي الزول دا مجنون وبضحك في شنو في قفشاتكم ونكاتكم الفريدة في اسلوبة والمعبرة في نفس الوقت
ونرجوا منكم التواصل الي آخر نفس ونحنا معاك يا عمتنا للنهاية

همسة:
انا ما قلتة ليك تتمرني علي الرطوبة

اضحك الله سنك

الرتوبة خلا اتمرنت عليها باقي لي الفيزا بس:D

مدنيّة

17-06-2007, 02:20 AM

اختنا مدنية شفتي العلم كيف
انا اسه في المطار متجه علي ابوظبي
والنت في المطار مجاني
في طالة فاتحة لاي زول
ودي ليقولو ليك الاغتراب كعب
ديل ما دايرين مصلحتك صديقني
ههههههههههههههههههههههههههه

اي ياود السر انا عارفة بس هم مصرين انه الاغتراب والغربة الصعبة والكلام دا

وهم بهناك للنت عندهم مجانا !!! احنا لهسي عندنا ناس مابتعرف يعني شنو نت:(

همسة : اها الدوحة دي مافيها فيز ترسلها لي ياود السر !!

مدنيّة

17-06-2007, 02:21 AM

http://www.wadmadani.com/vb/showthread.php?p=185527#post185527

شبارقة دا رايح ولا مالو :eek: