الملل

[طلال الصول]

يا اخوانا الحلل للملل شنو
وقت فراغ اصلاً مافي حتى للتفكير
بس احساس رهيب بالرتابة والملل
السبب الغربة يمكن ..........
عدم التجديد يمكن ...............
لكن لمن يكون احساس متواصل حتى في اللحظات الجميلة ؟؟؟؟:( :(

[الفارس البنفسجي]

الرتابة أحد الأسباب الرئيسية
للملل ... وعشان تتخارج منو
لازم تكسر الرتابة دي ... أحسن
حاجة تعملها تاخد أجازة وتمشي
السودان.
اكسر الرتابة .. أن شاء بي شاكوش

وتسلم على هذا التواصل اخ طلال

[ابراهيم]

طلال
عرس يا اخوي

[مختار بازى]

الاحساس بالوحده بالرغم من ان هناك اناس طيبون ولحظات سعيده تعيشها معهم .
الحل الوحيد العوده الي ارض المليون ميل مربع .
وحتشوف الفرق ..........!
اكثر من التسبيح ......

[طلال الصول]

فارسنا بعد التحية اولا مشكور على الكلمات الحلوة دي
لكن المشكلة انو موش الرتابة بتاعة الغربة المسببا الملل
ولا عدم تنوع الحياة دي حكاية ممتدة من ايام قديمة
من زمن شافع يعني في السودان برا السودان
بلعب بضحك ببكي والله كلو واحد

[طلال الصول]

ابراهيم يا أخوي ما في طريقة انت
ما طولت مني ماعارف العلي ساي

[طلال الصول]

مختار تسلم على النصيحة ياغالي

[meshanshow]

الغربه ممله في كل الاحوال صح ياطله لكن الناس مجبورين عليها

[عبدالرحيم سعيد]

طلال0تسأل عن الملل والرتابة, واحسبك مغتربا من الردود ,كمن طلل بين الجدية والجبل اطللت علينا ,ونحن انكسر بنا الدرج في عالم الصحو وبتنا نناجي اياما خلت سراعا, حبلي وقتها بزهر الاقحوان, واسدل عليها سوأة الحاضر، طفل ضاعت خطاه في الزحمة, فما زارك سكن قديما واتخذ من قلوب المغتربين متربعا ,ويشهدهم كتابات الحزن بالنت فمن صمت ألجم, ومن نطق انفض سحابات الحزن ونفث هواجر كردفان بداخله, وبكي شيخا ومات هرما وهو في العشرين, وكأني به يقول حالا ماارتضعت النيل عذبا واتخذت شجيراته وخضره مسندا0ونمتلك الملل معك منذ ارتأينا ملح المياه لاتجري0وبكينا وتباكينا فماوجدنا مخرجا غير مصحف نعتصره في السويداء وركيعات عند السحر تجلوه ومابين غمضة عين وانتباهتها يغير الله من حال لحال0ونتبع 0تحية0

[طلال الصول]

عبدالرحيم اقول بس الله يديك العافية
ويعينا ويعينك وتسلم وتشكر على المرور

[خالد أحمد الصول]

إبني طلال
سعدت كثيرا عندما وجدت أسمك علي هذا البوست و سعدت أكثر لتناولك هذه المواضيع الجادة الهادفة في تدل علي رجاحة عقلك و عميق تفكيرك ... إن الدين الاسلامي أكثر ما كان يحارب كان يحارب الملل و كان الرسول (ص) و الصحابة من بعدة يحاربونه و يعتبرونه العدو الاول ... فقد كان السلف الصالح أخوف ما يخافون علي الجنود المسلمون الذين ضربوا في الارض الي السند و الصين و توقلوا في أراضي التركمان و روسيا فكانوا في جهاد دائم و علي صهوات الجواد .. فكيف العمل عندما فتحت تلك الامصار و حط السلم و رفرف علي الجنود ... كان أن إبتدع الامراء فكرة بناء مدن للجيوش خارج المدن حتي لا تغيير حياة الدعه و الراحة من طبائع الجند و تلهيهم الملذات عن مواصلة الجهاد فقد كان الرسول (ص) يقول دائما ما معناه ... إنتهي الجهاد الاصغر و بقي الجهاد الاكبر ... فالرسول (ص) يعتبر مقالبة النفس أعظم جهادا من الغذو و الموت في سبيل الله ... لذلك كانت طاقة شباب المسلمين تفرغ في عمل الخير و مساعدة الضعيف و العبادة و قد وجهنا رسول البشرية لعلاج عدم زواج الشباب و هو الصوم ... أن العبادة تزيل الملل و الاستغفار يذهبه و التسبيح يقتله ... فإن الملل هو الشيطان يوسوس للنفس لكي تسلك طرق شتي ليس من بينها طريق الله ...
وهاك تجربتي .... فقد عملت في الرياض 3 سنوات أسكن لوحدي و أعمل لوحدي و أمشي لوحدي برغم فراق أبنائي و أسرتي إلا أنني كنت أصوم ال3 و الاربعة أشهر متواصله لا أفطر إلا إذا عزمني صديق فصمت شهورا و شهور و الحمد لله ما برحت الرياض إلا و تحققت كل أمنياتي في تلك الثلاثة سنوات و عدت غانما فعدت الي عملي في السودان و كانني كنت في إجازة سنوية

[جيفارا]

والله كلامك صاح وانـــا فاهم الحاصل اديك النصايح المهمة :-

1/ لا تشوف ولاتستمع لأي نشرة أخبارك . السبب لانها كلها كوارس ومشاكل ز
2/ نوم اكثر كمية تقدر عليها .
3/انسى كل المشاكل واي واحد بجي يحكي ليك مشكلة خليهو يأجلها .
4/متع نفسك بالطبيعة اذا وجدت . وبالعدم جيب ليك شجرة ولا اي حاجة حضراء بس المهم تكون حية تشرب موية .
5/اكتب اي كلام شعرنثر او اي حاجة الكلام بس المهم يكون لنفسك .

بس كفاية لو ما جابت فايدة في حاجات تانية كمان

طبعا دا كلوا بس الصلاة والحمد لله .من المصلين والحمد لله

[طلال الصول]

صولنا ما املك الا ان ادعي ليك المولى عزوجل انو يحفظك لينا
وزيدنا من نصايحك الجميلة وخبرتك الى انشاء الله متبعينها
وشكرا كتير على اهتمامك

[طلال الصول]

جيفارا اول حاجة شكرا على المرور والنصايح الحلوة
وتاني حاجة انت يازول شكلك زيي كدا
وتسلم

[MASS77]

تلاوة القران تذهب بالملل والرتابه
وتحفظ الانسان من دوافع الملل
والمحافظه علي الصلوات تعطيك التفتح الذهني
ونشاط العقل والجسم وتكفيك الملل
والتمعن في السيره المحمديه والانشغال بقصص السيره
سيبعدها عنك والمداومه علي الصلاة علي الرسول صلي الله عليه وسلم تجعلك
في قمة النشاط
والاستماع للموسيقي الهادئه تجعلك تغوص في الجمال

[meshanshow]

تعرف يا طله انو الواحد مننا اذا ماشعال بيكون حاسي بالملل و اذا اشتغل بكون عندو نفس الاحساس و شكلو مافي حل لي الموضوع ده

[طلال الصول]

ماس تسلم على المرور والنصيحة

[طلال الصول]

انت شكلك بتشتغل 2/1 ساعة في اليوم ههههههههههه

[هيثم بابكر]

الحل : انو دائما يكون قدامك هدف برمج نفسك على اساس كل 11 شهر تنزل اجازة شهر تستريح وتتونس مع اهلك واصحابك القدامى ، كون اصدقاء حقيقين تحبهم من صميم قلبك وترتاح اليهم وتلتقيهم باستمرار بعد العمل تستريح معهم . لاتفكر كثيرا في المستقبل وفي المشاريع الخرافية التي عند اصطدامك بواقعها تحسسك بالملل . فكر في اليوم ، وفوق كل هذا اجعل كل لحظة تعيشها تنظر شيئا مريحا على اقل تقدير لك انتظر مواقيت الصلاة لتؤديها في المسجد ، انتظر نهاية الاسبوع لتقضي عطلة جميلة مع احبابك ..... والكثير الكثير الذي يمكن ان يخرج الشخص من دائرة الرتابة والملل .

[طلال الصول]

تسلم يا هيثم على الطرح الجميل
لكن الحكاية زي ما قلت ليكم موش زهج من الشغل
ولا الروتين
حاول تكون في جلسة مع احبابك وضحك وفرفشة
تمل منهم ومنها وتفضل انك تقعد لوحدك .

[meshanshow]

ان شاء الله نشوفك قريب عايزين نفرح بيك

[طلال الصول]

عايزين تفرحو بي عديل كدا عموما ياابو الشاب
قريب انشاء الله كلها كم طاشر سنة كدا وجاييكم

[meshanshow]

(كم طاشر سنة؟؟؟) شكلك ماحتعرس يا طله حتلقي البنات كملو

[الطويل]

تعال فى بوست (رأيكم شنو )

موليدى ..... تتحده الملل :D

[طلال الصول]

تجتوج اي حاجة تكمل الا البنات
وبعدين انا لسه صغير وجاهل

[meshanshow]

صح انته لسه صغير حتستنه لما تكبر بعدين تعرس

[الطويل]

موليدى افلام ..... تتحدى الملل

[Madanawi]

أحسن حاجة تخليك قريب من المنتدي وتجدد التواصل عبر مواضيعك الجميلة .. فتجد التجاوب الايجابي من الناس البتعني ليهم رؤاك أشياء كثيرة ورائعة .. وبالتالي ستجد السلوى في حواراتك ونقاشاتهم وقفشاتهم التي لا تخلو من روح الدعابة والفكاهة ،،

دمت بكل الود ،،

[طلال الصول]

أحسن حاجة تخليك قريب من المنتدي وتجدد التواصل عبر مواضيعك الجميلة .. فتجد التجاوب الايجابي من الناس البتعني ليهم رؤاك أشياء كثيرة ورائعة .. وبالتالي ستجد السلوى في حواراتك ونقاشاتهم وقفشاتهم التي لا تخلو من روح الدعابة والفكاهة ،،

دمت بكل الود ،،

والله يا مدناوي باي انجليش كلام صاح الفترة الفاتت دي وانا حاسس احسن كتير وانا
لمن اكون بتصفح في المنتدي
ورجعت لينا ضحكة بعد ما نسينا طعما :)

[علياء]

الرتابه والملل والغربه ده كل حاصل دى من علامات الساعه كتر قراءة القرآن
وقول الحمد لله على كل حال

[طلال الصول]

الرتابه والملل والغربه ده كل حاصل دى من علامات الساعه كتر قراءة القرآن
وقول الحمد لله على كل حال
الحمد لله على كل حال
تعرفي يا علياء دي نفس النصيحة البنصحني بيها ابوي يوميا

ودمتي في حفظ الله