المساعد الشخصي الرقمي

مشاهدة النسخة كاملة : سر مخاوفي وسر سكاتك


ابراهيم
27-04-2007, 10:06 AM
قبلك زمان ...
ما كنت بعرف
يعني إيه معني الشجن


كنت بجهل ...
اضطرابات قلب ظاميء من زمن
كنت قبلك ...
زول مشتتة امنياته
إلا كان في خاطري رقراق من شعاعك
كان بحس فيهو الأمان
كان مكانك في قليبي
وكنت حاسس بي بوجودك
إلا بس ...
انا كنت خايف من متاهات المشاعر
وإحتمالات الوصول ليك
رغم إني ..
بي هواك انا كنت شاعر
كنتي ساكنة وساكتة ساكت
والغرام جواك مثابر
برضى ماحاولت أسأل ...!
خوفي يبقى نسيم وعابر


هسى بس
ياداب عرفت
سر مخاوفي وانتظاري
سر سكاتك وابتعادك
وانتي كوب في مداري


كنت خايف الزحمة مني تتوهك
وفي سكاتك ... كنتي ساخرة
وابتعادك ..!!
كان لزوم لي شوق كتير
بمشيو عليك
متوهجك
زي كأنك كان بتصحكي في خطاي
عارفة الزمن حاينصفك
زي كأنك كنتي عارفة
إني ليك
وانتي لي
والزمن بيجيبني ليكي ويجمعك
وانا كنت شايف من بعيد
جواي عشم مترقبك
وحياة عيونك كان رزين
خوفي .. وسكاتنا .. وحكمتك
اميمه عشريه
27-04-2007, 02:56 PM
هسه بس وهسه بس
عرفنا سر الغياب ...
وسر كلام دقااااااق
في الريد والحب السراب
لما طل شاعرنا المحارب
من الوقت اليباب
فرحنا بجيتو وكلامو المستطاب

وين انت يا برهوته ..افتقدنا جميل كلامك هكذا عودتنا تأتي كبرق تخطف الابصار وتنزوي سريعا دون حتي ان نتمكن من استرجاع انفاسنا المخطوفه ...


كدي اقعد حبه وفهمنا انت وين بالضبط كده ؟؟
salwa
28-04-2007, 11:20 PM
ابراهيم

تعرف والله العظيم بالجد كده الواحد عاشها كلمة وكلمة

وحروفها قد تكون رسمت في دواخلنا شيء من الصدق والاحساس المفعم بكل معاني الرومانسية

يسلمووووووووووا

وزي ما قالت اميمة

تغيب وتجي بالشيء البيلخبط الاشياء ويجعلها كلها حلووووووووة

سلمت كثيرا
عبدالمجيد عشريه
30-04-2007, 04:08 PM
والزمن بيجيبني ليكي ويجمعك
وانا كنت شايف من بعيد
جواي عشم مترقبك
وحياة عيونك كان رزين
خوفي .. وسكاتنا .. وحكمتك


يا سلاااااااااااااااااااااااااااااااااااااااااااام ياخي وينك يا ابو سكينه والله فقدنا وجودك واتلعثمنا فيك وانت موجود ياخي كتر من دنك حته وخليك بالجد معانا
مقاطعك خرافيه ولسه فيك ملعثمين رائع انت بالجد ..واااااااصل ياخي وااااصل ..
سواااح
30-04-2007, 08:46 PM
كنت خايف الزحمة مني تتوهك
وفي سكاتك ... كنتي ساخرة
وابتعادك ..!!
كان لزوم لي شوق كتير
بمشيو عليك
متوهجك
زي كأنك كان بتصحكي في خطاي
عارفة الزمن حاينصفك
زي كأنك كنتي عارفة
إني ليك
وانتي لي
والزمن بيجيبني ليكي ويجمعك
وانا كنت شايف من بعيد
جواي عشم مترقبك
وحياة عيونك كان رزين
خوفي .. وسكاتنا .. وحكمتك


حبيبو ابراهيم ..

ابجدية التصنع للصدود
دوما تكون سريعة النهاية
كما ذلك تصنع الغضب
لكن الحكم اخيرا
يكون للقلب وما يهوي ..

دمــــــــــــــــت ،،
ابراهيم
10-05-2007, 01:21 AM
العزيزة اميمة سلامات كتيرات ...
ولتعلمي كل مرة أدخل في متاهة البحث عن مفرة عندما أجدك توقيعك
وعذب الحديث .. رغم بساطة ما اكتبه إلا أنني أستشعر قيمته بوجودكم الذي يملاء الأمكنة عطراً وأناقة.

لكي مودتي دوماً وتقديري بلا حدود
ابراهيم
10-05-2007, 02:49 AM
لك التحية العزيزة أم احمد يا ذوق
تعودت من مداخلاتك ان اتزود واحرص على الحضور
فقط لأنكم هنا
جمال وفرح وسماحة
شكري اختي سلوى على هذه الكلمات الرقيقة
مودتي وتقديري
ابراهيم
10-05-2007, 03:07 AM
الصديق الفنان مجيد ياخ نحن بنفتش للبلود الفيها ريحتك
الروعة في جيتك يا فنان يا راقي مشتاقين والله
وين الحاجات الزاهية والهادية تعال شكل لينا الملامح السمحة
مودتي يا غالي
ابراهيم
10-05-2007, 03:20 AM
الغالي والعزيز سواح
سرني غوصك الجميل في هذه المملكة
فقد كانا قلبين يعشقان بعنف ويعانيان الكثير من التضاريس
وفرهدت جنتهم أخيراً أزهارا وأنوار
ولتدوم المحبة
ولك تقديري يا صديق
صالح شرف
10-05-2007, 08:06 AM
فكرت اكتفي بالمشاهدة..
وامرق من سُكات...
بس التبشة بالرجال فلاح(الرجال)اميمة ما تزعل....
ولانكم عظماء جدا..حبيت افج بيناتكم لي الود الاسمو صالح ده حته
والن اكثر من بديع...
ولي رجعة للسمجين.. الفاضلين.. ودام الفضل بيننا ...
ودمتم..
طلال الصول
10-05-2007, 04:54 PM
الله الله الله يا بيبو
مافي حاجة اقدر اقولا اكتر من كدا
ابراهيم
11-05-2007, 07:43 AM
تسلم لينا عيونك بالمشاهدة يا جميل ...
أكيد اثر البريق من مطالعتك بكون نقش الحروف وجوهرها
وتتجلى العظمة في وجودك هنا اخي صالح ولك المودة يا عزيز
ابراهيم
11-05-2007, 07:47 AM
حبيبو طلال ..
تحياتي يا صديق ...
في قول اكتر من جيتك السمحة دي ..
يكفى انو الواحد بشوف صورتك وبتذكر الايام الجميلة هناك
والله ايام يا زمان