اى واحد عندو موقف طريف يدخل يسجله!!

[بابكر]

[SIZE="5"]الاخوه والابناء سلام جاكم !!
شوفوا ,,, اى واحد عندو موقف ظريف حصل ليهو او شافو !! يكتبو !!
ارجو من الجميع المشاركه فى هذا البوست (( عشان نفرفش شويه !! ))

أول مشاركه

كنت ماشى انا وبنتى الصغيره فى السوق الشعبى ( الخان القديم ) فى السعوديه ,, البنت شافت العيش بالشوالات مفروش فى الارض قامت صرحت وقالت يابابا شوف اكل العصافير كتير هنا كيف !!
( اى والله هذا ماحصل بالضبط )

[ جينا الاجازه مشينا الجزيره ,, الولد محمد اول مره يشوف الحمار, جاء جارى ,, وقال لامه بالله شوفى الكلب ده كبير كيف ؟؟؟؟؟ ]

[مح السنى مد]

ها ها ها ها والله انت احلى زول دى مشكلة اولاد المغتربين

[بابكر]

يامح السنى , (( الغزالل )) انت مالك توقيعك طويل كده !!

[مح السنى مد]

توقيعى يابابكر ... بحاول احكى فيهو معاناتى فى الغربه وشوقى لى بلدى

[بابكر]

الله يرد غربتك ويرجعك سالم غانم يا رب ويديك المال وبنت الحلال الهديه ورضيه

[مح السنى مد]

اميييييييييييييييييييييييييييييييييييييييييييييييي ييين يارب العالمين

[elmoiz]

مرة كنت ماشي في السوق الشعبي الخرطوم بجانب خالي ... قمت ختيت يدي على كتفه وماشي اتكلم معاهو بدون ما ألتفت أشوف وجهه ... المهم بعد مسافة ألتفت لقيت أنه الزول الانا الخاتي يدي فيه وماشي اتكلم معاهو ده ما خالي ... ألتفت وراي لقيت خالي واقف وبعاين ليه في بص ... المهم براحة سحبت يدي وأعتذرت للزول ... ولحدي حسي ما عارف يكون قال شنو عني

[نزار حسن محمد]

الحبيب الغالى بابكر ..اجازى محنك ..انت بتنكد الحاجات دى من وين.. تعرف ايام الشباب واخوك كان اخر قيافه وفايت الناس مسافه..ماشى فى ازقة الحى الشعبى وجات وحده ذى الهب الاحمر تسوى حى واليل واخوك وراءها وهى تتلفت وتضحك واخوك وراءها بعد شويه لقيت نفسى جوه بلاعه ..اجارك الله من اليوم داك حرمت..

[عمك تنقو]

:D :D :D

بابكر ياراجل والله مشتاقين وكدي خليني النتم ضحكتي دي وبرجع ليك
ولا اقول ليك اضحك ولا ابكي لي حدي ما اجيك راجع !

[ستنا حمودي]

انا موظفة في احدي الوزارات زميلي قال لي انا طالع مشوار اذا جاء قريبي هنا خليه ينتظرني
جاء قريبه مواعيد الفطور بدل من ان اسئله هل فطر ام لا قلت له ان شاء الله تكون فاطر 00
فادركت خطأئي فاحرجت اكثر منه 00فقال لي لي يا بنتي فاطر الحمد لله فتمنيت أن تنشق الأرض وتبلعني000 خصوصا وانا من اكثر المدن كرما00ودمدني000