رحلة طير ..

[مازن الجمّال]

الخير في الطير البلعو الريح

الطار في الليل من غير ترويح

....................................

كايس لي وطنا كونه فسيح

لي موية وخضرة ونسمة ريح

لي شعبا طيب وقلبه جريح

مجروح في مشاعره ودمه يسيح

ماتت احلامه وحظه الراح

معفوصة بجزم اقداره ارواح

والارض الكانت ليه براح

اندفنت بي دم الأشباح

والكل أصبح املاك سفاح

حكم الأرض الكانتلو براح

والطير فارق احلامه وراح

واصبح في عالم مجهول لاح

يتبع ..

[مازن الجمّال]

الطير اتلفّت وين يبدا

والوطن الراح بوراو عدى

وصوت الخوف للصدى رد

................................

الطير اتذكر زمنو الراح

اتذكر اهله وحبه الفاح

اتذكر شلة ونسة فصاح

لمة حبان وبحور افراح

واتذكر امه مع الفجرية

اتوضت صلت ركعة هدية

وجاتو تصحيه بكل حنية

يا طير قوم اتوضا وصلي

واكسب خيرها دي دنيا رثية

وفجاءة اتذكر بطش الظالم

جاهم في ليل منحوس غايم

ضبح اولاد بلده حمايم

وقرض الطاير منو وحايم

وفتّح لعيونه واتلفّت

واوجاعه المرة عليو حفّت

وعيونه عليها دموع جفّت

وانوار الحلم وراو خفّت


وعاودله ضلام الليل وانينه ..

يتبع ..

[مازن الجمّال]

والطير الواجه وش الريح

هلكان وبعافر وجوعه يصيح

...............................

قبّل من دربه قراره صريح

يرجع للغربة بدون ترويح

ودموعه الحارة بدت تنزل

تغسل من قلبه هموم وتريح

وافكار الطير راحت لبعيد

لي وطنا ينزل فيه نزيح

والطير في طريقه لقالو ضريح

والناس حوالينه وكله بصيح

ومعاهم شيخ واقع تسبيح

والطير قرّب عاوز يندل

للصورة الواضحة الليو تكمل

والكل مشغول عنو ومُهمِل

والطير بعيون الدهشة وصل

في الارض إنهار وقليبو وقع

من شاف الجوة ضريحه نزل

الشعب الصابر الموته حصل

واتذكر ارضه وكله أمل ..


يتبع ..

[مازن الجمّال]

الطير لملم أحزانه وطار

والجو حولينه غيوم وامطار

..............................

والرعد الصاخب الضارب الغيم

اتذكر بيو غضب الجبار

الزار الارض الواسعة نضار

دمر اشجارها وسابها دمار

والطير مسكين هلكو المشوار

خارت قواه من الاسفار

غمض لعيونه وغاص في ظلام

يائس في ليله بدون احلام

والريح اتولت امر الطير

كانتلو وسادة خير وسلام

هبطت بيو في أرضاً واسعة

مفرودة سهول وحدودها ضلام

والطير النايم وحلمه جميل

راقد في غيم ابيض نسّام

وأمه الطيبة الحلوة عيونا

بانتلو في توب ابيض قسام

قالتلو يا طير فتّح عينيك

ده دربك ويل ومخاطره جسام

وفجاءة الغيم أصبح نيران

وحرقت جوف طيرنا الحيران

وانتفض الطير من هول احلامه

وفتح لعيونه وكان في أمان

يتبع ..

[مازن الجمّال]

الطير فتّح لعيونه وقام

والدنيا صباح ونسيم وغمام

.............................

بحلق حولينه وكله ذهول

من حسن المنظر كان بسام

والخضرة عجيبة امامه سهول

وزهور الفل زادتا انسام

وجداول موية خريرا عجيب

مناسبة موسيقى من الأنغام

والطير إحتار من المنظر

معقولة يكون لسة بيحلم !!؟؟

أو إمكن مات في الرحلة الشوم

وفتّح لعينيه في جنة سِلِم

والطير إتلفّت حوله وحام

إمكن يلقالو دليل ينضم

والجنة دي واسعة وخيرها وفير

بس خاوية كمان من زول بنضم

والطير منحوس ..

في الجنة يكوس ..!!

كايس لي شر حظه المنحوس

الجنة يا طير جوها الأشرار

قلبوها دمار والدنيا عبوس

شتتو سكانا واطفالا

برجول الشر الكل مديوس

والفاضل من الجنة يا طير

سموه الكل ( وادي المنحوس )

أطلع يا طير من وادي الشر

وامسك لطريقك وللخير كوس .


يتبع ..

[مازن الجمّال]

************** فوق ****************

[مـجــيد]

كساء الظلم السواد الناس
يا مازن
تحياتي اليك ايها الفتي الذهبي

[مازن الجمّال]

مجيد والله مشتاق ليك موت

[عوض صقير]

سلمت يداك

أخى

مازن الجمال



وفى الأنتظار ..

[مازن الجمّال]

سلمت يداك

أخى

مازن الجمال



وفى الأنتظار ..

شكرا اخي عوض على الحضور والمتابعة

مودتي

[معز عبد المنعم]

والله ابداع حقيقي يا مازن تسلم . وطيرك شكلو مغترب سوداني يحن لاهله وصحابه ربنا يجمعه بيهم

[مازن الجمّال]

معز يا جميل

وكل المغتربين طيور مهاجرة على امل العودة الى الوكر المهجور

شكرا للحضور والمتابعة

[صابرحسين]

إبداع حقيقي أيها الفنان مازن الجمّال
نحن في إنتظار المزيد من نهركم المتدفق

[ناصر عمر دبيب]

الاخ الرائع والمميز مازن الجمال

تشكر كتير نريد المذيد من ابدعاتكم

[ابوالنور]

احب حبين حب الهوي وحب لانك اهل لذلك
فما الذي هو حب الهوي فشغلي بزكرك عمن سواك
واما الذي انت اهل له فكشفك للحقيقة حتي اراك
هوي يا زول هو الشوق بحر