اول موقف طريف مر بى فى بداية عملى

[شبارقاوية]

دخل على المريض واضعا يده على خده من شدة الالم من احد اضراسه كان يبدو عليه علامات الالم ويحمل عصاة ليس لكبر سنه ولكن لان احد رجليه مكسورة فرق قلبى له وقلت ليهو اقعد مشكلتك شنو؟
قال لى :والله تلاته يوم ما نمت من الوجع
قلت ليهو خلاص حنريحك هسى من الوجع واعطيته الحقنة الاولى لتخديره وما حصل اى تاثير
واعطيته الثانية ولم يحدث اى تاثير فاستغربت لذلك واعطيت الثالثة والاخيرة ولكن لا حياه لمن تنادى
فشكيت فى الموضوع فكان لابد ان اعرف السبب وحتى لا يحرج بدات تدريجيا فى السؤال:
انت يا زول بتشرب شاى كتير
قال لى لا ما بشرب شاى
قلت ليهو قهوة معناها
قال لى لا والله قهوة خالص ما بشرب
قلت ليهو معناها بدخن كتير
قال لى سيجارة واحدة فى اليوم
وجاء السؤال المحرج
طيب بتشرب ؟؟؟؟؟؟؟؟؟؟؟؟؟؟
فهب معتدلا فى قعدته وكانى قد قلت ما لا يريد قائلا
لا والله يا دكتورة
بنقو بس

[elmoiz]

والله بالجد موقف طريف ... المشكلة البنج الأخده ده يخدر فيل .

* هل تعلمون بأن من يشرب البنقو يسمى : راكب الفيل

[المسافر]

ههههههههههههههههههههههههههه
والله أنا كنت خايف عليك من العكاز
الشايلو في إيدو لو كان زوتي الأسئلة
أكتر من كده .

ولكِ كل الوداد

[رضا حسن محمد]

وحاتك يا الله عندى فوبيا من دكاترة الاسنان مما شفت واحد شايليهو كماشة ولا كلابة فى مشتشفى مدنى للليلة بخاف منهم موت ولمن امشى ليهم بقرا اية الكرسى 100 مرة
موضوع لذيذ تسلمى

[بورتبيل]

غايتو انني ... ما خوفتي ناس كتار بموضوعك دا
في ناس .. قالو من يوم الليلة دا حا يبطلوا شراب ال؟؟؟؟؟؟؟؟؟؟؟؟؟

وشايف المسافر خاتي يدو فوق راسو وممحن .. من الحاصل دا
والعجب .. ود المطامير .. مما قرا الموضوع .. قفل الصفحة وزاق
وناس كتار .. غيرهم .. رجفوا جنس رجفي .. وقالو من اليوم .. تب ما في شراب

[عماد عبدالشكور]

بس بيشرب بنقو ؟

[صلاح ودالطاهر]

شكيت محنك باشبارقاويه الزول ده راكب الفيله كان ضربك بالعكاز بس الله ستر

[الطويل]

أنا عندى ضرس واجعنى ليه خمسه سنه مشكلتى حلبى خوااااف

شغال احشى فيه قرنفل وتمبااااااك بس

ورينى عيادتك وين عشان أجيك بس من غير فلوس

وكمان عشان اريحك مابسطل

[شبارقاوية]

ههههههههههههههههههههههههههه
والله أنا كنت خايف عليك من العكاز
الشايلو في إيدو لو كان زوتي الأسئلة
أكتر من كده .

ولكِ كل الوداد

والله ياالمسافر ما اظن فى اسئلة اكتر من كدة
انا مشيت معاه حبة حبة لغاية عشان اوصل للشراب وما عارفة فيها بنقو
وشكرا على المرور

[شبارقاوية]

وحاتك يا الله عندى فوبيا من دكاترة الاسنان مما شفت واحد شايليهو كماشة ولا كلابة فى مشتشفى مدنى للليلة بخاف منهم موت ولمن امشى ليهم بقرا اية الكرسى 100 مرة
موضوع لذيذ تسلمى

هههههههههههههه
بينى بينك نحن بنخوف
وشكرا ليك
دمت

[شبارقاوية]

غايتو انني ... ما خوفتي ناس كتار بموضوعك دا
في ناس .. قالو من يوم الليلة دا حا يبطلوا شراب ال؟؟؟؟؟؟؟؟؟؟؟؟؟

وشايف المسافر خاتي يدو فوق راسو وممحن .. من الحاصل دا
والعجب .. ود المطامير .. مما قرا الموضوع .. قفل الصفحة وزاق
وناس كتار .. غيرهم .. رجفوا جنس رجفي .. وقالو من اليوم .. تب ما في شراب

والله يا اخى انا زااااتى بخاف
اول ما اقعد فى الكرسى دا بقعد اتراجف
ويالمسافر وود المطامير ما بحميكم منه لكن قبل ما تجونى اقيفوا منه يومين تلاتة وبعد ما نقلع ارجعوا تانى

[شبارقاوية]

بس بيشرب بنقو ؟

سجمى
هو فى اكتر منه
برى ما بعرف

[شبارقاوية]

شكيت محنك باشبارقاويه الزول ده راكب الفيله كان ضربك بالعكاز بس الله ستر

تصدق خفت منه هسى بعد ما قلتو لى كدة
المشكلة اديتو موعد بعد الامتناع عنه ايام
بركة الما جاء
وتسلم
تحياتنا للزوجة الغالية

[شبارقاوية]

أنا عندى ضرس واجعنى ليه خمسه سنه مشكلتى حلبى خوااااف

شغال احشى فيه قرنفل وتمبااااااك بس

ورينى عيادتك وين عشان أجيك بس من غير فلوس

وكمان عشان اريحك مابسطل

خمسة سنين بالله والله حلبى خواف
مرحب بيك ما عندك مشكلة
ما دام ما بتسطل تعال طوالى
انا يدى خفيفة .ما قصدى حاجة بخفيفة دى
قصدى ما بوجع

[شبارقاوية]

والله بالجد موقف طريف ... المشكلة البنج الأخده ده يخدر فيل .

* هل تعلمون بأن من يشرب البنقو يسمى : راكب الفيل

والله برضو اديتونا معلومات عن البنقو
راكب الفيل دى من وين جاية
تسلم على المرور

[سواااح]

يعني عمك طلع
بتاااااااااع مزااااااج

[صالح شرف]

انا غايتو
صديق وفي لاطباء الاسنان
بحكم مشاكل اسناني
الزيارة الاخيرة لطبيب(من ديل)
كانت في عملية معالجة للاسنان الامامية
بحكم الشغل وكدة
لازم الواحد طلتو علي المشاهد تكون تمام
تحياتي
لبنية بلدتي
للعزيزة شبارقاوية


و..شايفك ابتي تورينا عيادتك وين..
كنت ناوي اسجل لك زيارة
(أصلا لاعندي عمارة ولا عربات اسجلها ليك)زيارة بس...
ويسلموا المعاك...
انتي اساسا لابد تسلمي بالاساس

[الفارس البنفسجي]

طبعاً الأخوة العاملين في المجال
الطبي بتقابل نماذج كتيرة جداً ومواقف
طريفة جداً.

وهذه الطرفة جميلة جداً ونأمل
أن كان في ذاكرتك المزيد من
الطرف أن تزويدنا بها.

وشكراً كتير على هذا التواصل

[شبارقاوية]

:o
يعني عمك طلع
بتاااااااااع مزااااااج

مزاج وبس انا كنت قايلة المزاج ممكن لغاية السيجارة لكن
سبحان الله طلعت فى مزاجات كتيرة

[مرتضى يوسف العركي]

العزيزة د. شبرقاوية
على فكرة عيادتك وين التامين عندنا ما بغطي الاسنان ...وانتو على فكرة غاليين جدا والواحد حيستحمل اي كشف بشقية كشف الاسنان وكشف الحال بس الملح مهم جدا بالرغم من انني بشرب شاي بلبن بالنهار بس .مع التحية والمعزة

[شبارقاوية]

انا غايتو
صديق وفي لاطباء الاسنان
بحكم مشاكل اسناني
الزيارة الاخيرة لطبيب(من ديل)
كانت في عملية معالجة للاسنان الامامية
بحكم الشغل وكدة
لازم الواحد طلتو علي المشاهد تكون تمام
تحياتي
لبنية بلدتي
للعزيزة شبارقاوية


و..شايفك ابتي تورينا عيادتك وين..
كنت ناوي اسجل لك زيارة
(أصلا لاعندي عمارة ولا عربات اسجلها ليك)زيارة بس...
ويسلموا المعاك...
انتي اساسا لابد تسلمي بالاساس

انا عيادتى فى الرياض السعودية
والفى الرياض يقول عشان اوصف ليهو
بس تسجل زيارة معناها معاها عمارة وتسلم على المرور

[Madanawi]

للقصة بقية .. يا شبارقاوية ..

ما وريتينا الحصل شنو؟

أديتيهو الفتيل حق البنج كلو ؟ ولا قلت ليهو عندي مشوار بمشي وبجيك؟

[هيثم عبدالعال]

الحمد لله يا دكتوره جات سليمه ، بس موقفك ده ذكرني زميلاً ليكم درس في إنجلترا ولما إشتغل في السودان جاتو واحده حامل والأخ بدون تدرج سألها الأخت متزوجه أم لا ؟ على ما سمعت أخد علقه مظبوطه من بعلها المنتظر بره.

[شبارقاوية]

طبعاً الأخوة العاملين في المجال
الطبي بتقابل نماذج كتيرة جداً ومواقف
طريفة جداً.

وهذه الطرفة جميلة جداً ونأمل
أن كان في ذاكرتك المزيد من
الطرف أن تزويدنا بها.

وشكراً كتير على هذا التواصل
شكرا على مرورك ايها البنفسجى وان شاء الله اذا وجدت المزيد ساكتبه لكم بس ان شاء الله ما يكون فيها عكاكيز

[شبارقاوية]

للقصة بقية .. يا شبارقاوية ..

ما وريتينا الحصل شنو؟

أديتيهو الفتيل حق البنج كلو ؟ ولا قلت ليهو عندي مشوار بمشي وبجيك؟

انا عارفة يا مدناوى بالانجليزى قصدك شنو؟عايزو يدينى عكاز
هسى الاديتو ليهو دا ما فتيل بنج

[شبارقاوية]

الحمد لله يا دكتوره جات سليمه ، بس موقفك ده ذكرني زميلاً ليكم درس في إنجلترا ولما إشتغل في السودان جاتو واحده حامل والأخ بدون تدرج سألها الأخت متزوجه أم لا ؟ على ما سمعت أخد علقه مظبوطه من بعلها المنتظر بره.

ههههههههههههههه
يستاهل بتكبكب مالو هو
وشكرا على المرور

[شبارقاوية]

الشكر لجميع المرور وانا حافتح ليكم عيادة على الهواء اى زول عنده ضرس بيوجعوابيحشيهو تمباك ولا شباك مفتوح بيدخل هواء يدفع قصدى يسال ونحن تحت الخدمة