عذراً فقد نويت عدم الكتابة... ولكنها دعوة لزيارة منتديات إذاعة ودمدني

[صالح شرف]

بتذكّرك ..
مهما الغيوم حجبت سماك ...
مهما الزمان ضيع دروب الرجعة ليك ...



أجيك مشتاق...
اسالم فيكي...حس فكرة غنا الجنيات...
بهللو ... بي جديد يابا...
هدية ...زول مسافر ....
طال عذابو زمن...
موّدر ..
ما سكن جواك...
بفتش...
فيك من يوم...
ودوروا السكة...
جماعات...
جاية...
جوه الزول...
شبح صلابهم الجمعة ...
وخطب...
ود الزمان الفات

عفواً...
أذا ضل الدرب عن خطوي...
وتاه الشوق...
مقتولاً علي بابي ...
بأمر الحاكم العادل...
ضحية فجرا المأمولِ...
كنت...
وصرت الان...أنا القاتل...
أعدل...فاق ...عدل...
معذبي...
الارحم...
وهل يعقل...
وهل يُفهم..
هنالك في مدي المجهول...
نجاتي...
والرجاء الاجمل...

بعيد منك...
قريب والله..
بعيد...
والفرقة...
حد الشوق...
شلاتيت...
من غنا الجنيات...
وحس تبروقة...
سامعة الصوت...
تسابيح...
فجرت باكر...
سلامات...
يا جميل ... الشوق...
مفارقك...
والله دون خاطر...
وجاييك... في الرضي الجاييك...
مسِكّين...
غلا جد حابييك...
وفكرة... إنو زول فاكر..
وصاين...همسك القلتو..
وحافظ كل حكاوييك ديك....








كانت هذه مجرد فاتحة شهية.............
الطلب الاساسي ...أرجو من كل من يتحفنا بالمرور ... (بكون جابو الدرب)
أن يتكرم(مثلما تكرم علينا) بزيارة منتديات اذاعة ودمدني...
القادم الاحدث في براح المنتديات....


ولكم مني الود....

[أبوبكرحامد]

سمعاً وطاعة ياصانع الفرح ، فقط أحزننى العنوان ، فلن نطيق وداعاً أيها الرجل ، فكن هنا وهناك وحيثما وجدت الروعة والحب.

[مختار بازى]

الغالي ... الرائع ... الاستاذ
صالح شرف
لك التحية
وانا من المعجبين جدا بكتاباتك ومتابعك والله اول باول وعشان تصدقني موضوعك
طرق علي باب من ليس باب كدا صاح ولا .لا . كان من الممكن ارجع للوضوع واشوف
العنوان لكن عشان اثبت ليك انا متذكرك وما ناسيك ومن اليوم داك وانا معاك
وبصراحة والحق يقال مواضيعك بالرغم من حلاوتها الا انها بتخوف الواحد من الرد عليها
لانو ماممكن الرد يكون في وادي والموضوع في وادي آخر ..!ودي ما دعوة لانك تبطل من الكتابة في المواضيع دي واصل وان شاء الله معاك للآخر.

[صالح شرف]

نعم لله درك...فأنت اخي...
وسأظل معك في المنتدي فقط لاتعلم منكم...
وانا صدقني برغم كل شئ ما ذلت تلميذا صغيراً...
واحتاج التعلم...

لك ودي..
شكرا...اخي

صاااااالح

[صالح شرف]

اتيت بالخيرات كلها ...هذا قصدي...
وانا صديقي...
احترمك جدا...
واقدر لك صنيعك...
فقط عندي طلب...أخوي جدا...
لا تحرمني من مرورك الرائع وحديثك الدر النثور....

زين الكلام ...

صااااالح

[ياسرالشيخ]

ياخوى مالك .. نحن ماصدقنا لقيناك.. وما صدقنا انو فى زول جميل زيك معانا .
انا لا افهم ذلك ولا اريد , ساكون دائما معك .. وانت بالطبع لن تغادر ..
لن تغادر
لن تغادر

[اميمه عشريه]

الاخ صالح.. لن نجاري كلماتك لاننا سنغدو حينها اقزاما ترفض الخنوع لفكره انها لن تتجاسر وتجابه الهرم ... لن نقول انك رائع لاننا حينها سنبدو كمن اخترع شيئا هو اصلا مسجل براءه اختراعه منذ الزمن الاول ..لذا فقط اكتب ودعنا نقرأ ونكحل الاعين بأحرف زاهيه ..شكرا لوجودك في مساحه انت سيد الكلمه فيها ..