أدوني إجابة مقنعة

[عصام الدين عموش]

قال الشاعر:

لي في محبتكم شهوداً أربعـــــــا وشهــــــود كل قضية اثنــــان
خفقان قلبي واضطراب جوانحي ونحول جسمي وانعقاد لساني

فما هي الشهود الثمانية التي يقصدها الشاعر في بيت الشعر أعلاه ؟

[اميمه عشريه]

عمووووووووووووش هسه عليك الله ثمانيه دي مذكوره وين ...هوي يا عموش اوعك تكون اسم على مسمي..:D :D :confused:


لي في محبتكم شهوداً أربعـــــــا وشهــــــود كل قضية اثنــــان
خفقان قلبي واضطراب جوانحي ونحول جسمي وانعقاد لساني

[عصام الدين عموش]

بسم الله عليك يا مشرفتنا
لي في محبتكم شهودا أربعا ..( يعني في أربعة أشياء تشهد له بمحبة الجماعة )
وكل شاهد من هذه الشواهد الأربعة له شاهدان آخريان
يعني أصبحت الشواهد ثمانية ( في عين العدو للما بصلي على النبي)
الشاهد الأول خفقان قلبي :
( وشواهداه هما 1/ سرعة نبضات القلب 2/وسرعة جريان الدم في العروق )
الباقي تمي إنتي

[اميمه عشريه]

لالالالالالالالالالالا ما كده ابدا .. ما كده
زي ما قلت ليك هو ذكر شهودو الاربعه .. لانو كل قضيه بشكل عام في اي قضيه بكون عندها شاهدين عدل بس في حالتو دي و محبتو لزولتو دي عندو اربعه ..خفقان قلبي واضطراب جوانحي ونحول جسمي وانعقاد لساني.. بس ياها كده ...يعني محبتو ما هينه لدرجه انو شهودو ما زي المعتاد اتنين بل اربعه والله اعلم ...

[عصام الدين عموش]

والله يا أميمة أول مرة أنتبه للحكاية دي
يعني هو بيقصد أنو في كل قضية لابد من شاهدين عدلين فقط
لكن في حالتو دي شهود المحبة حقتو بدل اثنين صارو أربعة
ألف معذرة لك غاليتنا أميمة وليكي الحق تكوني مشرفتنا الثقافية ومشرفة كل المنتديات في النت

شكراً على توضيحك للأمر ونحن يظهر بنتطاول علي قاماتنا السامقة

[الشريف الهندي]

الرائع عصام الدين
كم انت جميل وكم هو جميل حديثك يارجل ... اليك تحياتي بعرض البحار
اعجبني كثيرا بيت الشعر ... وكدت اتسرع في الاجابة الناقصة لكن اسعفتنا اميمه عشريه بالحل الصحيح ولها التحية كثيرا .. وكونو بخير

[اميمه عشريه]

والله يا أميمة أول مرة أنتبه للحكاية دي
يعني هو بيقصد أنو في كل قضية لابد من شاهدين عدلين فقط
لكن في حالتو دي شهود المحبة حقتو بدل اثنين صارو أربعة
ألف معذرة لك غاليتنا أميمة وليكي الحق تكوني مشرفتنا الثقافية ومشرفة كل المنتديات في النت

شكراً على توضيحك للأمر ونحن يظهر بنتطاول علي قاماتنا السامقة


والله يا عموش وجودك في الثقافي اسعدني بالله كانو بيتنا ضربناهو جير جديد كذلك جدران الثقافي تسالني هسه العلاقه شنو بين الحاجتين ديل اقول ليك ما عارفه ههههههههه:D

[magdi]

قال الشاعر ::::

لها الثلثان من قلبي وثلثا ثلثه الباقــــــــي
وثلثا ثلث ما يبقـــى وثلث الثلث للساقي
فتبقى اسهم ســت تقسم بين عشاقـي

وانا بسال ياأستاذ عصام - واستاذه أميميه
كم سهم في قلب هذا العاشق
ودمتم

[اميمه عشريه]

تقريبا 81 سهم او ما 80 حاجه زي كده لو اخدنا 81 ده الاقرب للصحيح بتكون تفاصيل الاسهم كده :

فالثلث من المجموع الكلي للاسهم = 27
لها الثلثان من قلبي يعني المتبقي = 54
وثلثا ثلثه الباقي
الثلث الباقي 27 ثلثاه 18
بيبقى من الثلث 9
نقوم ندي للساقي الثلث 3
فتبقى اسهم 6 تقسم بين عشاقي ,,,,,,,,,,


وسلمكم الله يا ناس الالغاز.. في السخانه دي هسه الواحد يشغل مخو ده كيف بالله عليكم ..
لو ما طلع صح حأكون اكبر كيشه في الرياضيات ..:D

. تحياتي لا تحد ..

[عماد السائح]

مجدي والله المسألة صعبة جدا" ولكن يخيل لي 84

[مرتضى ساتى]

عمووووووووووووش هسه عليك الله ثمانيه دي مذكوره وين ...هوي يا عموش اوعك تكون اسم على مسمي..:D :D :confused:


لي في محبتكم شهوداً أربعـــــــا وشهــــــود كل قضية اثنــــان
خفقان قلبي واضطراب جوانحي ونحول جسمي وانعقاد لساني
والله يااستاذه اميمه عصام ده ما عموش بس من جمال العيون وللعلم ده كان اخطر مهاجم فى كرة القدم وفى قد الابره بجيب القون
صراحه سعدت بدخول هذا البوست فلكم جميعا التحيه والى الامام

[salwa]

والله يا جماعة انا خشيت وواقفة بعيد

لانه شكلها الجكاية لامه ادباء ومفكرين وناس كده كبااااااار

بس والله ثقفتونا شوية

جزاكم الله خير بالذات اميمة ......تحياتي الخاصة والشوووووق

[بدر الدين محمد]

احسبوا معاي

http://www.y1y1.com/u/uploads3/d8abcd25ac.jpg (http://www.y1y1.com/u)

[magdi]

الأخت / أميمة عشريه ..

والله طلعت عالمه في الرياضيات عديل كده .. الإجابه صحيحه وكامله كمان

بإعتبار لو كانوا 81 سهم
فالثلث أكيد حايكون 27 سهم ، والثلثان بيطلعو كم 54 سهم والثلث الباقي 27 سهم الهو ثلث الـ 18 سهم بيبقى عندنا من ثلث ما يبقى من الثلث كم 9 أسهم .
ولما نقوم ندى الساقي الثلث بيكون كم 3 أسهم وتتبقى الأسهم الـ 6 نقسمها بين عشاقي

التحيه لك
ومعليش لو كنت عارف السخانه عندكم كدى كنت جيبت ليكم شوية كهرباء في كيس ،،
لأنو أكيد الحسابات دى سخنت بيك زيادة ...

تحياتي المسخنة ذي سخانتكم ،،،

[magdi]

أخونا عماد السائح .....

مرحب بيك عضو جديد بينا ونتمنى منك المزيد والمفيد ...

وأشكرك كتير على المشاركة يا أخوي

المسأله فعلاً صعبة ... بس قربت شديد
تشكر على المحاولة

وتحياتي الحارة

[magdi]

الأخت Salwa

اشكرك على المرور ....

[magdi]

أستاذنا بدر الدين ....

تحياتي ...

بيان بالعمل ... شغل مظبوط ... أشكرك كتير على المحاوله ....

بس 71 دي ضيعتك شويه ....

لك التحايا أخي

[بدر الدين محمد]

معليش يا مجدي حاعيد الحسابات

[اميمه عشريه]

الأخت / أميمة عشريه ..

والله طلعت عالمه في الرياضيات عديل كده .. الإجابه صحيحه وكامله كمان

بإعتبار لو كانوا 81 سهم
فالثلث أكيد حايكون 27 سهم ، والثلثان بيطلعو كم 54 سهم والثلث الباقي 27 سهم الهو ثلث الـ 18 سهم بيبقى عندنا من ثلث ما يبقى من الثلث كم 9 أسهم .
ولما نقوم ندى الساقي الثلث بيكون كم 3 أسهم وتتبقى الأسهم الـ 6 نقسمها بين عشاقي

التحيه لك
ومعليش لو كنت عارف السخانه عندكم كدى كنت جيبت ليكم شوية كهرباء في كيس ،،
لأنو أكيد الحسابات دى سخنت بيك زيادة ...

تحياتي المسخنة ذي سخانتكم ،،،



ياخي دي عشان تظبط معاي قعدت فيها ساعتين بحاول فيها بجاي وبهناك ... عليك الله غير هواياتك دي شوف لينا شي باااارد كده في الحر ده ههههههه شكرا اجبرتنا نشغل العقول بعد قربت تصدي والله ..


ملحوظه /
يا بدر الدين فرقت معاك بعشره سقطت منك سهوا غالبا راجعا بتلقي روحك اتوصلت للاجابه بس جلت شويه ..حاول مره اخري :D