الريده

[ابوالنور]

<HR style="COLOR: #ffffff" SIZE=1> <!-- / icon and title --><!-- message -->

درت اخفي الريدة عنّك


واحضن الآهات برايا


قلت اسوق خطواتي منّك


وامشي والآمال ورايا


كنت قائل اني بقدر


دون اشيل الروح معايا


اقدر ارحل افوت مدارك


ويبقي في الأحلام مزارك


واهدي لغيرك غنايا



بس لقيت ريدك مسطّر


في المشاعر وفي الحنايا


وكل نبضة حنين مؤطر


تحكي عن وجدي وهوايا


وكل دمعة العين تسيبا


وكل رعشة الشوق يجيبا


تنبيء انّك في دمايا


اصلو مكتوب ليّ ريدك


لا بأيدي ولاهو بأيدك


دا القدر خطّط طريقنا


وكل خطوة رسم مسارا


دربي للأحزان يودّي


سكة شائكة بعيد قرارا


ودربك انت طريقو تاني


لا في ارضي ولا سمايا



سرت سايقاني العواطف


شمعة في عزّ العواصف


عائزة تتحدّي الظروف


فراشة في غمرة هواها


دايرة حول النار تطوف


قائلة دنيا الحب سماها


دانية بتساقط قطوف



كم هديتك يافؤادي


قلت ليك الرايدو جافي


متابع الأوهام وسادر


وانت في احلامو مافي


ضنّ بكلمة مودّة


شافا اكبر من مقامك


مرّ فوق مسراك وعدّي


حتي ماعبّر سلامك


وانت تائه في المرافيء


ترسل العبرات قوافي


وفوق زباني الصد منامك



كم نصحتك وكم هديتك


عارفو سيل الريدة جارف


تمشي دربا ماهو دربك


ديمة متوجّس وخائف


ليه بتبكي وجاي راجع


ليه بتنزف وانت عارف


انو دربك من بدايتو


اشواكو دنيا وليلو وارف


العناد حصّلت غايتو


والبعاند دي نهايتو


تردد الأزمان حكايتو


وتروي مأساتو المزارف

[الطويل]

اصلو مكتوب ليّ ريدك

لا بأيدي ولاهو بأيدك

تسلم ايدك ومشكور على الابيات الحلوه دى

[ابوالنور]

اصلو مكتوب ليّ ريدك



لا بأيدي ولاهو بأيدك



تسلم ايدك ومشكور على الابيات الحلوه دى


يديك العافيه ابو رانيه
والجمرة بتحرق واطيها ولا شنو

[صالح شرف]

الريدة...مافي...
هذا ليس قولي
بل اغنية يغنيها الطيب مدثر
الفنان الرائع..
وكفي...


صاااااااااالح

[ابوشوتال]

ابيات جميلة

الريدة في بس نفتح المجال

واصلوا الدنيا زي رحلة ونحن عليها بنسافر

[ابوالنور]

لكن يا ناس الثقافي التوبه يا حبوبه كان تاني اجيب ليكم حاجه ولا واحد ولو كان المشرف
يعبرنا واها تاني كان تشوفو وشي ويعني انا هسي ريدتي دي لو ما حصلتها كان مشت الارشيف
تشكرو كتيييييييييييييييييييير والله

[صالح شرف]

اخونا الغالي ابو النور...
نور الله ايامك
واضاءها بالهداية والتقوى
ما في تجاهل ولا شئ
بس المشغوليات
وابقي خُت لاخوانك العذر

[ابوالنور]

اخونا الغالي ابو النور...


نور الله ايامك
واضاءها بالهداية والتقوى
ما في تجاهل ولا شئ
بس المشغوليات

وابقي خُت لاخوانك العذر


امين يا رب لكن عليك الله اخوي صالح بيني وبينك كده شوف البوست ده ليه كم شهر ولا واحد ساي جه عبرو
من وين اجيب ليك العزر

[مختار بازى]

كم هديتك يافؤادي


قلت ليك الرايدو جافي


متابع الأوهام وسادر


وانت في احلامو مافي




تسلم والله يا غالي وما تنقطع

[MOHAMED OMER]

الاخ الرائع ابو النور قصيده جميله لما تحتويه من معانى مرهفه واسلوب رقيق وياريت تمدنا دائما بالاروع

[جيفارا]

ابو النور يارائـــــــــــــــع

[النبيل]

سكة شائكة بعيد قرارا


ودربك انت طريقو تاني


لا في ارضي ولا سمايا



ارجوا ان لا تتوقف لكى نعرف منك الكثير يا رائع

[الفارس البنفسجي]

وتظل مرافئ الشوق هي الملاذ
لاصحاب القلوب المفعمة بهذه العواطف الأنيقة
وعندما يغلبها تناغم الأشواق
لا يبقى في الحشايا إلا البوح

فبح كما شئت يا ابو النور واشجنا معك

[وداحمرعين]

<hr style="color: #ffffff" size=1> <!-- / icon and title --><!-- message -->

درت اخفي الريدة عنّك


واحضن الآهات برايا


قلت اسوق خطواتي منّك







وامشي والآمال ورايا


كنت قائل اني بقدر


دون اشيل الروح معايا


اقدر ارحل افوت مدارك


ويبقي في الأحلام مزارك


واهدي لغيرك غنايا



بس لقيت ريدك مسطّر


في المشاعر وفي الحنايا


وكل نبضة حنين مؤطر


تحكي عن وجدي وهوايا


وكل دمعة العين تسيبا


وكل رعشة الشوق يجيبا


تنبيء انّك في دمايا


اصلو مكتوب ليّ ريدك


لا بأيدي ولاهو بأيدك


دا القدر خطّط طريقنا


وكل خطوة رسم مسارا


دربي للأحزان يودّي


سكة شائكة بعيد قرارا


ودربك انت طريقو تاني


لا في ارضي ولا سمايا



سرت سايقاني العواطف


شمعة في عزّ العواصف


عائزة تتحدّي الظروف


فراشة في غمرة هواها


دايرة حول النار تطوف


قائلة دنيا الحب سماها


دانية بتساقط قطوف



كم هديتك يافؤادي


قلت ليك الرايدو جافي


متابع الأوهام وسادر


وانت في احلامو مافي


ضنّ بكلمة مودّة


شافا اكبر من مقامك


مرّ فوق مسراك وعدّي


حتي ماعبّر سلامك


وانت تائه في المرافيء


ترسل العبرات قوافي


وفوق زباني الصد منامك



كم نصحتك وكم هديتك


عارفو سيل الريدة جارف


تمشي دربا ماهو دربك


ديمة متوجّس وخائف


ليه بتبكي وجاي راجع


ليه بتنزف وانت عارف


انو دربك من بدايتو


اشواكو دنيا وليلو وارف


العناد حصّلت غايتو


والبعاند دي نهايتو


تردد الأزمان حكايتو


وتروي مأساتو المزارف


أشكر الأخ ابو النور علي عرض قصيدتي(درت أخفي الريدة عنّك) ,وليس الريدة كما أشار , في هذا الموقع العامر علي الرغم من أنه لم يشر الي كاتبها او المصدر الذي تم النقل عنه .
(وداحمرعين)