المساعد الشخصي الرقمي

مشاهدة النسخة كاملة : معقولــه لكن ياااااااااااااخي ................؟؟؟


اميمه عشريه
10-05-2007, 03:56 PM
قيل عنا الكثير .. وقيل عن شعبي الكثير .. واضحت الصفه التي تلازمنا اننا

كسلالالالالالالالالانين ...
كسلالالالالالالالالالانين
ثم كسولين
ولمن نتعب نكسل شويه ..


معقوله بس وصلت بينا المواصيل اننا شارع ما نقدر نخططو زي الخلق .:D :confused: . معقوله الكسل يكون مرضي كده .. ياخي جيت داخله لقيت كل المهندسين المعاي في حاله هستيريا من الضحك واتاريهم عارضين الصوره دي عشان يضربوا عصفورين بحجر اولا / يفرقوا على روحم ثانيا / يرفعوا كثافتي .... بس كدي وروني النكته الفي عن الكسل ما قالوها ياتا ؟؟؟؟
الكاريكاتير الفي ما رسموه عننا ياتو؟؟:confused: ..
الكوميديا السوداء والبيضاء عننا .. بصراحه انحنا فتنا الصعايده ..
اقتنعوا بالكلام ده سلمونا الرايه دي من زمان والما مصدق بس يشوف الصوره دي ويقول تعليقوا واي نكته تحضرو عن الكسل يختها هنا
وحتلاقي المحصله 8971386247467542 نكته في الشهر ..
هسه القوا نظره كده شوفوا بالله كسلنا في كل شي ظاهر هسه انا شده ما كسلانه ما عارفه زاتو ارفق الصوره دي بتين :eek: :D
طلال الصول
10-05-2007, 04:04 PM
اوعى تكوني بس انت المخطط الشارع دا
هههههههههههههههههههههههههههه
mohd.dafalla
11-05-2007, 06:57 AM
"]دا ما هو شارع دا فن يحكي عن لوحة تشكيلية ياباشمهندس بس المهندس الخطط ممكن يكون شويه ميال للفنون الجميلة[/B]
رهيب
11-05-2007, 08:46 AM
بس بالله معقول للدرجة دي
مختار بازى
11-05-2007, 08:54 AM
Summit laziness and God
ههههههههههههههههههههههههههه
محمد السر احمد
11-05-2007, 12:10 PM
قيل عنا الكثير .. وقيل عن شعبي الكثير .. واضحت الصفه التي تلازمنا اننا

كسلالالالالالالالالانين ...
كسلالالالالالالالالالانين
ثم كسولين
ولمن نتعب نكسل شويه ..


معقوله بس وصلت بينا المواصيل اننا شارع ما نقدر نخططو زي الخلق .:D :confused: . معقوله الكسل يكون مرضي كده .. ياخي جيت داخله لقيت كل المهندسين المعاي في حاله هستيريا من الضحك واتاريهم عارضين الصوره دي عشان يضربوا عفورين بحجر اولا / يفرقوا على روحم ثانيا / يرفعوا كثافتي .... بس كدي وروني النكته الفي عن الكسل ما قالوها ياتا ؟؟؟؟
الكاريكاتير الفي ما رسموه عننا ياتو؟؟:confused: ..
الكوميديا السوداء والبيضاء عننا .. بصراحه انحنا فتنا الصعايده ..
اقتنعوا بالكلام ده سلمونا الرايه دي من زمان والما مصدق بس يشوف الصوره دي ويقول تعليقوا واي نكته تحضرو عن الكسل يختها هنا
وحتلاقي المحصله 8971386247467542 نكته في الشهر ..
هسه القوا نظره كده شوفوا بالله كسلنا في كل شي ظاهر هسه انا شده ما كسلانه ما عارفه زاتو ارفق الصوره دي بتين :eek: :D

الاخت اميمة عشرية الناس ديل ما عندهم موضوع لانو الشارع مستحيل يكون في السودان
لانو شارع نظيف جدا بالنسبة للشوارع السودان
هيثم عبدالعال
11-05-2007, 01:32 PM
أخت أميمه ولا يهمك ، نحن متغربين وأظنك أدركتي أن المسأله لا تخرج عن كونها صراع مصالح وتزاحم على لقمة عيش يستعمل فيها مثل هؤلاء من فاقدي الأهليه والكفاءة أسلوب (الضرب تحت الحزام )الذي لا نجيده نحن فلا زلنا نتمسك بمبدأ التنافس الشريف ومعيار الكفاءه في العمل والإنجاز كأساس للتقييم . ولو حكينا عن الأساليب الملتويه التي يتبعوها لما وسعت صفحات المنتدى ولكن أعدك بفتح هذا الملف قريباً ليعرف كل منهم قدره . لك ودي
اميمه عشريه
11-05-2007, 01:41 PM
اوعى تكوني بس انت المخطط الشارع دا
هههههههههههههههههههههههههههه

لا حولالالالا انا زمان بطلت اقيف في الحرايات والسفايات اللونا اغبر دي كنت زمان كل ما اجي اخطط تجي كتاحه ماسحه لي الخطوط وارجع اعيدا واثبت الخطوط بالطوب اول الشارع ونهايتو لالالا لقيتا عمليه ما جايبه هما خالص ..بقيت احب شغل المكاتب والجنصصه بتاعه راحة المكاتب ... تقول لي انحنا كسلانيييين ..والله بالغت ....؟؟؟:D :D
اميمه عشريه
11-05-2007, 01:58 PM
"]دا ما هو شارع دا فن يحكي عن لوحة تشكيلية ياباشمهندس بس المهندس الخطط ممكن يكون شويه ميال للفنون الجميلة[/B]


يا دفع الله عاجباك اللوحه السيرياليه دي قلت لي اها دفعتها ليك .. ياخي فن شنو ده البشكل ده انحنا لو ما متنا شقينا المقابر ... قال فن معني كده السودان ده صممو ا ناس دافنشي وباخ وسيلفادور دالي قال تشكيل قال..؟؟ ده في الواقع تكسيييييييل ؟؟:D
اميمه عشريه
11-05-2007, 02:06 PM
بس بالله معقول للدرجة دي




لما تعبري في الشوارع شوفي كيف الناس تصارع
ناس تطفر وناس تدفر


ده توقيع اخونا دفع الله
وناس تخطط وناس تنطط وناس تحفر وناس تجرجر ...........
بس ياهو الباقي في الشوارع الغلبانه دي ..بالله الواحد يكون راكب ليهو عربيه يعطف عليها من كل قلبو وما يفضل ليهو الا ينزل يشيلا فوق راسو من العاملاهو الشوارع في العربات ...:D
طلال الصول
11-05-2007, 08:01 PM
:D
لا حولالالالا انا زمان بطلت اقيف في الحرايات والسفايات اللونا اغبر دي كنت زمان كل ما اجي اخطط تجي كتاحه ماسحه لي الخطوط وارجع اعيدا واثبت الخطوط بالطوب اول الشارع ونهايتو لالالا لقيتا عمليه ما جايبه هما خالص ..بقيت احب شغل المكاتب والجنصصه بتاعه راحة المكاتب ... تقول لي انحنا كسلانيييين ..والله بالغت ....؟؟؟:D :D

يازولة انا زمان كنت من المدافعين عن انو احنا ما كسلانين وكدا
لكن طبعا اقتنعت براي انو احنا فعلا ملوك الكسل
امبارح مثلا رحلت لي بيت جديد وانا بنقل حاجاتي بقت لي حاجات شوية
حسبتا يوم الجمعة يعني نوم والا رحيل
طبعا اخترت الركلسة
واجرت لي نفرين بالمناسبة اشتغلو بتاع ربع ساعة كدا
:D :D
عصام الدين عموش
11-05-2007, 08:38 PM
بالعكس يا صاحبة الصون والعفاف
دا دليل على أنو السيارة التي تخطط الشوارع أتوماتيكياً وليس بالفرشة والمسواك
اعترض طريقها غصن شجرة فإنحرفت عنه قليلاً مما أدى لهذا الشكل
يعني نحن قمة التقدم ما دام بنخطط بالآلات وليس بالأيدي
ناس بتمشي سنين طويلة وناس بدون ما تمشي توصل
Madanawi
11-05-2007, 11:22 PM
يا جماعة انتو أنظروا الى الجانب الايجابي في الصورة المرفقة .. ألا وهو اننا أصبحنا نخطط الشوارع ليس فقط في وسطها وانما من الجوانب أيضا .. وهذا في حد ذاته تطور ،

ما تزعلي مننا يا بت عشرية .. والمرة الجاية ليك علي انا أمشي ازح للجماعة الشجرة عشان يخططوا الخط المستقيم.
مدنيّة
11-05-2007, 11:28 PM
الاخت اميمة عشرية الناس ديل ما عندهم موضوع لانو الشارع مستحيل يكون في السودان
لانو شارع نظيف جدا بالنسبة للشوارع السودان


دا الذ تعليق قريته بالجد بالغت فيه ياود السر

بعدين يااميمة وينه الشارع !! اصلي ما لابسة نظاراتي عشان كدا ماشايفة الصورة المرفقة كويسة ياخ ما تجي تناوليني النظارة دي
بورتبيل
12-05-2007, 01:58 AM
اصلو الجميل طبعو الكسل:d

الموضوع وما فيه انو ملعوب في الصورة يا جماعة فمن المستحيل ان يكون في شارع بالطريقة دي

اما انو السودانيين كسلانين .. فهذه الى حد ما .. وليس قاعدة
الطويل
12-05-2007, 04:37 AM
أنا بضم رأى لى أستاذنا / محمد السر أحمد
اميمه عشريه
12-05-2007, 05:02 AM
أنا بضم رأى لى أستاذنا / محمد السر أحمد

ههههههه اها شوفو براكم ابو رانيه من شده كسلو ما قادر يكتب رأيو براهوووو قام ضماهو على رأي ود السر يعني جنس كسسسسسسسسل هههه:D
شبارقاوية
12-05-2007, 05:46 AM
ههههههههههههههههههه والله الشارع ضحكنى
وانتم ضحكتونى اكتر
ومن الضحك تعبت وما قدرت اكتب تعليق
ابراهيم
12-05-2007, 10:33 AM
قالو سوداني مشى للحلاق ... الحلاق سألو: راس ولا دقن
الزول قال ليهو: دقن
الحلاق قال ليهو طيب ارفع راسك
الزول قال ليهو: خلاص راس

أميمة الشارع عامل زي جري الكلب في اللوبة
وإن بقى في السودان معناه في تطور ...
نحن ناس مظاهر .. البكش في المطارات والقصور والفلل الـhigh class
لكن بس حاولي تطلعي من جياد والباقير وانتي ماشة على مدني عينك تشوف النور ..
الشارع عامل زي كلام الطير في الباقير .. :mad:
عوض صقير
12-05-2007, 11:17 AM
صورة خيالية وفيها تجسيد لهذا المعنى

وأظن المسألة أصبحت متداولة بين الجميع

وكل مايتعلق بالكسل أصبح ينسب للسودانيين

رضينا أم أبينا أصبحنا ملوك الكسل

لأن الدعاية كانت أقوى من مقدرتنا فى أثبات العكس

وأصبحنا نحن نسوق لهذه الصفة دون أن نعرف
طلال الصول
12-05-2007, 08:27 PM
يا جماعة انتو أنظروا الى الجانب الايجابي في الصورة المرفقة .. ألا وهو اننا أصبحنا نخطط الشوارع ليس فقط في وسطها وانما من الجوانب أيضا .. وهذا في حد ذاته تطور ،

ما تزعلي مننا يا بت عشرية .. والمرة الجاية ليك علي انا أمشي ازح للجماعة الشجرة عشان يخططوا الخط المستقيم.

موش كدا عليك الله كونو الشارع مخطط دا تطور
يادوب اتزكرت انو ما متزكر شفت لي شارع مخطط في السودان :D
اميمه عشريه
13-05-2007, 04:11 AM
اصلو الجميل طبعو الكسل:d

الموضوع وما فيه انو ملعوب في الصورة يا جماعة فمن المستحيل ان يكون في شارع بالطريقة دي

اما انو السودانيين كسلانين .. فهذه الى حد ما .. وليس قاعدة



اصلو الجميل طبعو الكسل ههههه الكسل الهين ده والله انحنا يا بورتبيل موسوعه كسل بقينا بصراحه فايتين الحد يعني متفوقين وبجداره في المجال ده ..اللهم عافنا واعف عنا ..
الطويل
13-05-2007, 04:30 AM
ههههههه اها شوفو براكم ابو رانيه من شده كسلو ما قادر يكتب رأيو براهوووو قام ضماهو على رأي ود السر يعني جنس كسسسسسسسسل هههه:D


هههههههههههههههههههههه:D :D

بصراحه يا باش مهندسه لمن شفته ردك مته من الضحك

وكمان انا ما كسلان والله لوكسلان ما كان جيت الغربه بى رجولى :D :D
ود المطامير
13-05-2007, 07:29 AM
يا جماعه المهندس لقى الشدره نائمه وما حب يصحيها
صاح يا ( أبورجاء ) ؟
صالح شرف
13-05-2007, 10:11 AM
صراحة لو ما تصميم المنتدي (التقني)ما بسمح انو الواحد يخلي الورقة فاضية ...
كان خليتها
ما كسل...
بس ..
يعني....
ابوالنور
14-05-2007, 02:30 AM
.................................................. ......................................
بدر الدين محمد
14-05-2007, 02:51 AM
ابو النوم .. اكسل مخلوق
هو حيوان كسلان جدا ينوم في مجرى الهوى ساعات طويلة وعندما يجوع يستيغظ ثم يلحس القش الذي اتى به الهواء واصطدم بجسمه ثم ينوم تاني وهكذا
ادمون
14-05-2007, 03:00 PM
اولا السلام مبروك وجهد يشكر عليه انو فى شارع ومخطط والانحرافه بصراحه لذيذه خلاص زى الاغنيه حلو حلا يعنى لو كان زى الشوارع كانت الصوره دى وحقو نشوف راى المهندس يابا ش مهندسه اكيد عنده راى وعموما لا تخلوالتعليقات من الطرافه والظرافه والشئى التانى مساله كسل السودانين والله انها لهم لا عليهم يعنى كل الجنسيات اعطوهم وصف اسمه المستحيلات (المصرى صادق واللبنانى شريف السورى كريم اليمنى نظيف الفلسطينى واضح المغربى واعى كويتى نحيف عمانى حلو هندى سكوت بنغالى ذكى باكستانى ظريف اندنوسى طبيب السودانى نشيط) يعنى تم تشخيص السودانى وشرحوه وبحثو عن عيب واحد ما لقو حاجه الا الكسل وانتو سمعتو عن سودانى واحد فصلوه من عمله او سفرالى بلده علشان كسلان وطبعا الاوصاف السابقه كلها معكوسه وكسلانين ممكن بس اشرف و اشرف وانظف واكرم واصدق الناس وقمة الشرف يا زول وانا الزول السمح والجميع عارفين السودانى جيد ولتاكيد المعرفه وتوثيق معلوماتهم يضيفون فى اخر تعريفهم كسلان هى علامه جوده وماركه مسجله
اميمه عشريه
15-05-2007, 04:09 AM
صراحة لو ما تصميم المنتدي (التقني)ما بسمح انو الواحد يخلي الورقة فاضية ...
كان خليتها
ما كسل...
بس ..
يعني....



طيب اعمل بس

.
.
.
.
:D
بدر الدين محمد
15-05-2007, 04:47 AM
محاولة ترك الورقة فاضية
بدر الدين محمد
15-05-2007, 04:50 AM
الاخت اميمة عشرية في البوست السابق حولت اخلي الورقة (فاضية)
يسرا عشريه
15-05-2007, 04:56 AM
المشله ياباشا ما الشارع المشكله حتى نحن السودانين بضحك على نفسنا ونحن مفروض نبكى على حالنا والشوارع ساهله لكن فى حاجات اخطر من كدا ونحن بنعاين وساكتين قيتو بس ربنا إعين الشوارع يااميمه اكثر حاجه اهتمت بيها الحكومه فى السودان بتلقى عاملين شوارع فى مناطق نائيه مابتتوقعى فيها شوارع بس بعد يعملو شارعين برجعو إصينو الاول للاسف دا الحال فى السودان.
اميمه عشريه
20-05-2007, 12:57 PM
.................................................. ......................................


والله يا ابو النور ده مجهود عظيم منك ههههه
اميمه عشريه
20-05-2007, 12:58 PM
ابو النوم .. اكسل مخلوق
هو حيوان كسلان جدا ينوم في مجرى الهوى ساعات طويلة وعندما يجوع يستيغظ ثم يلحس القش الذي اتى به الهواء واصطدم بجسمه ثم ينوم تاني وهكذا


اها ابو النوم ده برضو جوازو لونو اخضر زينا كده ..؟؟؟
اميمه عشريه
20-05-2007, 01:08 PM
محاولة ترك الورقة فاضية




والله كونك اجهدت نفسك في ايجاد محاوله تثبت فيها انك انضميت للنادي بتاعنا ده ( ناس ابو النوم ) معناها نفي النفي اثبات فللاسف انت زول نشيط


عفوا لم تقبل عضويتك في هذا النادي .. :D


اللي بعدووووووووو ههههههه
طارق محمد الحسن
21-05-2007, 03:12 AM
واللة الصورة دى لو صحيحة حقو انحنا نخجل على نفسنا ونشوف الزول الخطط الشارع دا ونورية انو العملو دا احبطنا ونقول ليهو دا غلط كبير ونحسسو بى غلطو عشان مايكررو
شبرقية
21-05-2007, 03:37 AM
هو مالبركة الخططو
انتو عاينو للجانب الاجابي
دا تعب نفسوا وجاب العدة وخطط


بس النظرية دي ماصاح
بس كان ماتعبانا كان رديت ليك بي صفحة كبييييييييييييييييييييييييييرة
بنت الرفاعي
21-05-2007, 03:43 AM
أها يا جماعة خلااااص جات على الشارع ده اللي متأكدين انو مافي السودان بعدين الكسل ده هو كيف زول بيصحى من الصباح بيطلع على شغله أو دراسته ومابيرجع إلا نص اليوم ولا اخره وشي بعربات وشي بمواصلات وتقولوا لي كسلانين!!!!!!!!:eek:
هم ديل ذاتهم لو جو السودان وعاشو حياة عادية وركبو المواصلات ومن حتة لحتة والله يشوفو روحهم كسلااااااااااااانييييييييييين لما بهناك.
ولا رأيك شنو؟؟
samar_taha
21-05-2007, 05:50 AM
يا جماعة المسألة ما كسل .... المسألة زول خاينو التعبير , يعني غلطان المرحوم
وبعدين طبيعي يخونو التعبير بالصورة دي لانو قعدتو بالمقلوب وقعت كل الافكار في راسو
ولا شنو؟؟؟؟؟؟؟؟؟؟؟؟؟؟؟؟؟؟؟
اميمه عشريه
21-05-2007, 04:19 PM
واللة الصورة دى لو صحيحة حقو انحنا نخجل على نفسنا ونشوف الزول الخطط الشارع دا ونورية انو العملو دا احبطنا ونقول ليهو دا غلط كبير ونحسسو بى غلطو عشان مايكررو

من هسسسسسسسسسه يا طارق بقول ليك اخجل عشان ما تجي في النص وتقول لينا تعبت ....:D :D
اميمه عشريه
21-05-2007, 04:22 PM
هو مالبركة الخططو
انتو عاينو للجانب الاجابي
دا تعب نفسوا وجاب العدة وخطط


بس النظرية دي ماصاح
بس كان ماتعبانا كان رديت ليك بي صفحة كبييييييييييييييييييييييييييرة


شوفي بالله شبرقيه دي نقول ليها تور تقول احلبو .......!!!عليك الله النبي فيك ده منو هسسسسسسسه البقوم يلف ليك بهناااااااااااك عشان يعاين ليك للجانب الاجابي ده والله الا تقومي انت برااااااااك :eek: :D
اميمه عشريه
21-05-2007, 04:25 PM
.................................................. ......................................

عليك الله يا ابو النور حتصلح صورتك دي كويس ولا عايز تختبرنا انحنا بنلف الجهاز ولا لا ؟ اكان كده ارتاح يا ابوي في عليقتك دي زوووووووووولا واحد بقوم بصلحك مافي ...:D :D
اميمه عشريه
21-05-2007, 04:28 PM
أها يا جماعة خلااااص جات على الشارع ده اللي متأكدين انو مافي السودان بعدين الكسل ده هو كيف زول بيصحى من الصباح بيطلع على شغله أو دراسته ومابيرجع إلا نص اليوم ولا اخره وشي بعربات وشي بمواصلات وتقولوا لي كسلانين!!!!!!!!:eek:
هم ديل ذاتهم لو جو السودان وعاشو حياة عادية وركبو المواصلات ومن حتة لحتة والله يشوفو روحهم كسلااااااااااااانييييييييييين لما بهناك.
ولا رأيك شنو؟؟

كلامك صح فعلا كيف نكون كسلانيين واحنا زي ما قلت بنقوم الصباح نركب المواصلات ونشحطط فيها والكماسره تاكل باقينا ونصل الشغل ونقرا الجرايد ونطلع للفطور ولا في مسيره مليونيه عاد انحنا كسلانييييييييييييين بوين والله معاك حق :D ..!!
اميمه عشريه
21-05-2007, 04:31 PM
يا جماعة المسألة ما كسل .... المسألة زول خاينو التعبير , يعني غلطان المرحوم
وبعدين طبيعي يخونو التعبير بالصورة دي لانو قعدتو بالمقلوب وقعت كل الافكار في راسو
ولا شنو؟؟؟؟؟؟؟؟؟؟؟؟؟؟؟؟؟؟؟

والله يا سموره لو ما كسلك ده كنت هسه فتحتي الموضوع من البدايه في الصفحه الاولي بهناك عشان تعرفي انو كاتب الموضوع مش الزول المعلق بالمقلوب ده لالالالا تتخيلي الكاتب ده انا زاااااااااااااتي هههههههههههه اقسم بالله انت فتي الجماعه الفوق ديل كلهم كسل معاها انسطاله ههه:D
magdi
21-05-2007, 09:31 PM
يا أميمه ... بالله عليك أرفعي لي الصورة شويه عشان أشوف الخط ده شكلو كيف !!!
Madanawi
21-05-2007, 09:36 PM
الواحد يدخل حوش أميمة عشرية ده نشيييييييييييييييييييييط .. دقيقتين كده وتلقاه بقى .........

كدي النمشي أخد لي نوومة وأجيكم ،،،،،،،،،،،،،،،،،،،،،،،،
اميمه عشريه
22-05-2007, 05:01 AM
اولا السلام مبروك وجهد يشكر عليه انو فى شارع ومخطط والانحرافه بصراحه لذيذه خلاص زى الاغنيه حلو حلا يعنى لو كان زى الشوارع كانت الصوره دى وحقو نشوف راى المهندس يابا ش مهندسه اكيد عنده راى وعموما لا تخلوالتعليقات من الطرافه والظرافه والشئى التانى مساله كسل السودانين والله انها لهم لا عليهم يعنى كل الجنسيات اعطوهم وصف اسمه المستحيلات (المصرى صادق واللبنانى شريف السورى كريم اليمنى نظيف الفلسطينى واضح المغربى واعى كويتى نحيف عمانى حلو هندى سكوت بنغالى ذكى باكستانى ظريف اندنوسى طبيب السودانى نشيط) يعنى تم تشخيص السودانى وشرحوه وبحثو عن عيب واحد ما لقو حاجه الا الكسل وانتو سمعتو عن سودانى واحد فصلوه من عمله او سفرالى بلده علشان كسلان وطبعا الاوصاف السابقه كلها معكوسه وكسلانين ممكن بس اشرف و اشرف وانظف واكرم واصدق الناس وقمة الشرف يا زول وانا الزول السمح والجميع عارفين السودانى جيد ولتاكيد المعرفه وتوثيق معلوماتهم يضيفون فى اخر تعريفهم كسلان هى علامه جوده وماركه مسجله


يعني يا ادمون قلنا نختار الكسل هو اخف الاضرار مش ؟؟ ليه ياخي ما نكون ناس منتجه ونشيطه ونبطل جرجير الرجلين ديل في كل شي يكلفونا بيهو والهزال والمسكنه وشحتفه الروح في اي شي عايز مجهود بدني او عقلي نقعد نزوغ منو والله الكسل صفه مقيته بالجد ...وعار نوصم بيها احنا ... ولا رأيك شنو:confused: ؟؟
samar_taha
22-05-2007, 05:42 AM
وحياتك يا أميمة انا فتحت الموضوع لقيت الصفحة التانية في وشي وقلب راسي الشخص القاعد بالمقلوب وعامل ليهو نقط نقط نقط نقط محل الموضوع , اها قمت بي كل همة ونشاط علقت , واتاريني طلعت شبكتي طاشة , عشان شبكتي سوداني لكن ده ما كسل ده طششااااان سااااااي
وبمناسبة شبكة سوداني الشبكة دي ذاتا كسلانة لما تتصلي بيها من اي شبكة تانية تنسي الموضوع الضاربا ليهو زاتو حتى يردو عليك ويقولو ليك والله المشترك ده ما قادر يتوفر حاليا (كسلان).كان ما كسلتي حاولي ليهو لاحقا

بالمناسبة وين انتي يا زولة بقيتي تكسلي تسلمي على الناس ولا شنو؟؟؟
iflaton
22-05-2007, 05:58 AM
وبمناسبة شبكة سوداني الشبكة دي ذاتا كسلانة لما تتصلي بيها من اي شبكة تانية تنسي الموضوع الضاربا ليهو زاتو حتى يردو عليك ويقولو ليك والله المشترك ده ما قادر يتوفر حاليا (كسلان).كان ما كسلتي حاولي ليهو لاحقا



تعرفي اكتر حاجة معزباني في شبكة سوداني دي
انو مسجاتي ماقاعد تصل السودان ..!!! يعني الواحد يعمل ليك مسج لازم ترد عليهو بكووول
ده كلام ياخوانا ما اي حاجة بقولوها في حاجات بكتبوها بس ولا كيف؟؟؟؟؟
samar_taha
22-05-2007, 06:18 AM
الاخ افلاطون ( هل يجوز والغربة حارة بالخطاب تبخل عليا )
والله اخير ليك ترسل خطاب عديييل وترسلو بالبوستة كمان ولا ترجى شبكة سوداني ..
iflaton
22-05-2007, 06:32 AM
الاخ افلاطون ( هل يجوز والغربة حارة بالخطاب تبخل عليا )
والله اخير ليك ترسل خطاب عديييل وترسلو بالبوستة كمان ولا ترجى شبكة سوداني ..

على فكرة غيرتها من الخطاب الى المسج عايني توقيعي تاني
انا ماعندي مشكله لكن كدي
امشي البوستة في مدني هناك جنب البلدية
اقصد في شارع النيل عايني بس مقاصد لقدر ظروفك
ايوا طيب ما انتي عارفة ياخوانا والله مشتاق لكل حته ف مدني
نسيتيني الموضوع يامدني......!!!
البوسته ماشغاله فيها راجل عجووووووووز ومرات ماقاعد يجي



ــــــــــــــ
دام الود
صالح شرف
22-05-2007, 07:13 AM
انتو عارفين الكسل لو عارف كدة كان سمي نفسو سوداني(دي ما دعاية لموبيتل ولا اريبا سمح)
سوداني ابو جواز اخضر يا بت عشرية(إنتي الجدول العشري ببيقي ليك شنو)

المهم ورجعنالكم تااااااااااااااااااااااااااااااااااااااني
شيلو شيلتكم انا البقوم افتح الباب وانا الح اعمل(باذن الله اي حاجة)اها ما لقيتكم كسلاننين موت....

اسمع الحكوة دي....
قال لك واحد كسلان كسل ما عادي...
اهلو متوفييين...
ساكن مع عمو...
عمو شايل همو...(سمحه موووش)
قال الا يشوف للود ده شغل...يالله لقي ليهو شغل في مكتبة..بس اشيل الكتب من التربيزة اختها في الرف...
الود نص يوم بس وجاء راج...قال شنو قال تعب...
الصباح عمو جاب ليهو شغله جديدة....
في الاذاعة.... يفتح الرادي الكبير بتاع قاعة الاستماع ويقفلوا بس....
عمك فتحوا وخلاهو لسه شغال قال شنو غالبو يقفلو....
عمو فكر كده...
ومشي لي ناس حُسن الخاتمة عينوهو غفير في المقابر....
الود اشتغل لي الساعة تسعة... وجاء لي عمو قال ليهو الناس الحارسهم ديل مرتاحين اكتر مني ...
يا عم انا ماداير شغل ولا حاجة............



ويجوا عايدين....


بالمناسبة ابقوا افقدونا....
عشان الواحد(يلقي البصبروا ويخت الرحمن في قلبو ويقعد)
اميمه عشريه
22-05-2007, 03:23 PM
يا أميمه ... بالله عليك أرفعي لي الصورة شويه عشان أشوف الخط ده شكلو كيف !!!


كلو كوم يا مجدي والشافع الخاتيهو لينا هنا بتثاءب ده كوم تاني ولابس نضارات سودا لزوم الضؤ ما يزعجو .. والله حرام عليك من هسه الود ده انتهيت منو كوره تاني ما يلعبا يعني مش ,,؟؟:D :confused:
المسافر
22-05-2007, 07:21 PM
يا ناس يا هوووي
الخط ده لناس العجلات !!!!!!
يعني لازم تتعبوني وتخلوني أكتب
ليكم الكلام ده !!!
magdi
22-05-2007, 08:29 PM
إنت عافه يا أميمه الشافع ده أول ما صحي قال عاوز ينوم تاني ... وطلب يطفو ليهو النور والشغلاته فيها رفيع يدين وكده ... قمت قلعت النظاره اللابسه ... ولبستها ليو .. أها أنا قمت نمت ساااااااااااااااي من غير نظارة ... أولاد آخر زمن ....
اميمه عشريه
25-05-2007, 07:30 AM
إنت عافه يا أميمه الشافع ده أول ما صحي قال عاوز ينوم تاني ... وطلب يطفو ليهو النور والشغلاته فيها رفيع يدين وكده ... قمت قلعت النظاره اللابسه ... ولبستها ليو .. أها أنا قمت نمت ساااااااااااااااي من غير نظارة ... أولاد آخر زمن ....

والله يا مجدي قربت اغير اسم البوست عشان خاطر عيون نعسانه ههههه ولا
هل تدري يا نعسان انا طرفي ساهر.... جسمي أضمحل بغرامك وأنت زاهر
يعني الطفل السوداني من قوله تيييييييييييييت لازم يتعلم انو انحنا ناس ده طبعنا لو خرج عن ملتنا دي بنتبرا منو هههه:D
اميمه عشريه
03-06-2007, 03:14 PM
اها يا بت السودان تعالي بجاي عشان تشوفي بأم عينيك اجابات لتساؤلاتك .. هل نحن كسلانييين ,,,

انا قعدت تلاته يوم بدور لي على صوره لجلابيه جناح ام جكو لانو اثبتو بالدليل القاطع انو مخترع الجلابيه ده زول قالو عنو كسلان والدليل عامل ليها جيبين عشان ما يتعب زاتو ويفتش عدلتا من قلبتا زييييييييييييييييييييييطك :eek: :D ويلبسا طوالي ما لقيت والله صوره ليها فالعندو الصوره دي ينزلا هنا ,,
مح السنى مد
04-06-2007, 01:10 AM
ياباش مهندس ايش الاكد ليك انو الشارع ده فى السودان دى صوره معدله بالفتوشوب
samar_taha
04-06-2007, 02:46 AM
عفوا بس عندي سؤال
الجلابية القلتي عليها دي شنو ؟؟؟ لانو بصراحة ما عارفت اقراها خليك من افهما
(بتجيبو الاسامي دي من وين؟)
ترنيمه حزن
04-06-2007, 11:12 AM
والله معااااااك حق فتنا الصعايدا بهناك في موضوع النكت بتاعت الكسل والمشكله السبب شنو مع انو السودانيين ابدا ما كسلانين وماعندهم علاقه بالكسل .... لكن بيني وبينك الصوره دي فعلا معقوله ياااااااااااااااخي ....
تسلمي... والله يكفينا شر الكسل....
طلال الصول
04-06-2007, 12:01 PM
هيا يا اميمة بالغت لكن الجلابية ما قالو عاملنها علشان ما تبلا بي سرعة قلتي للكسل برضو
هي كدي الحاجات الاصلية برا بتكفي وتزيد
لكن تعرفي انا ابتديت اشك في كلام انها معمولة للغرض بتاع الكسل بيني وبينك يعني اقرب
للتصديق
اميمه عشريه
04-06-2007, 03:06 PM
ياباش مهندس ايش الاكد ليك انو الشارع ده فى السودان دى صوره معدله بالفتوشوب


يا ود السني اثبت لي انها مرسومه بالفوتوشوب وانا اديك شهاده دبلوم وخلو طرف من الكسل ..:D .!!
اميمه عشريه
04-06-2007, 03:10 PM
عفوا بس عندي سؤال
الجلابية القلتي عليها دي شنو ؟؟؟ لانو بصراحة ما عارفت اقراها خليك من افهما
(بتجيبو الاسامي دي من وين؟)


لالالالا كلو عرفناهو يا سمر لكن ده جدييييييييييد علينا كلامك ده معناها انت تتحولي من الكورس البهنا ده لمحو اميه الحنكشه .. بهناك ...
جناح ام جكو دي جلابيه الانصار زمان فيها جيبين واحد ورا والتاني قدام ما بتعرفي عدلا من صرفا هههه لك التحايا :D :D
اميمه عشريه
04-06-2007, 03:58 PM
والله معااااااك حق فتنا الصعايدا بهناك في موضوع النكت بتاعت الكسل والمشكله السبب شنو مع انو السودانيين ابدا ما كسلانين وماعندهم علاقه بالكسل .... لكن بيني وبينك الصوره دي فعلا معقوله ياااااااااااااااخي ....
تسلمي... والله يكفينا شر الكسل....

ترنيمه حزن ..
اللهمممممممممممممممممممم امييييييييييييييييييييييييين يا مجيب الدعاء اصلح حالنا وبالنا ..شكرا ترنيمه وجودك تتضح رؤاه الجميله كل حين واخر وكل بوست وبوست دمتي ابدا ..
Bet-alsudan
05-06-2007, 12:00 AM
الشارع ما في السودان اصلا ... المشكلة السوداننين العاجباهم الصفة دي وبضحكو على النكت ولا كانو حاصل شي و ناس بي هنا ميتيييييين غيز وحنفجر قرييب..
سواااح
26-12-2007, 10:23 PM
وحتلاقي المحصله 8971386247467542 نكته في الشهر ..

انتي يا اميمة ..

الرقم ده يقروهو كييييف ؟؟