جاي ليه ؟ [الأرشيف] - منتديات ودمدني

مشاهدة النسخة كاملة : جاي ليه ؟

البصري

13-05-2007, 07:25 AM

جاي ليه ؟ وليه قصيتو دربي ..
ما خلاص مات الهوى ومن زمن دفنت قلبي
ليه جاي تسأل عن طريق ضاعت معالمه وغطت الأشواك حوافه
وفي الوسط قامت حرازة وأعلنت حرب المطر
وقالت أبدا ما بتصالح وقفت درب السفر
وقالت العايز يسافر يمشي بي دربا كُتر
أصلي ما بسمح وحاتكم لى زويلا باع دواخلو حتى بالأطراف يمر
والزويل الباع سنينو ليه تاني يسأل عن حنينو
ما زمان جف الحنين وشقق الحرمان غصونو
والولف من دارو وَلى وبثت النسمات شجونو
والطوير الكان بغرد أعلن العصيان وسافر
لفريع نديان ووارف غطت الأزهار غصينو
وانت جاي بى غرورك فارش الأعذار وندمك
طالب الغفران نسامحك ... ليه نسامحك ؟؟؟
عشان تغتر تاني وتنسى ترحل ؟؟؟...
أحسن أرحل بى طريقك الطريق العارفو قفل
والدريب الكان بجيبك ما بوصل
الدروب الغيرو واسعة ايه اجيبك بى طريقا رملو برحل
ياخي أنسى ومرة أرحم وسيبنا أرحــــــــــــــــــــــــــــــل

صالح شرف

13-05-2007, 08:15 AM

تماااااااااااااااااااااااااااااااااااام

وللامام...
يا ود................ النصري.......
نصر الله بك الادب...
وزادك في الحب نصيبا وافر لك وحدك..
يا سامي الجناب

البصري

13-05-2007, 11:06 AM

طالما عندك ملكة التذوق ومقدرة التقييم صدقني ماك زول ساي ...... عموما الشكر تعجز عن حمله حروفها ........ لكن أقول ليك شئ أنا البصري ما النصري يا أخوي .... والنقطة دي كيفن جبتها بى فوق؟؟؟؟؟؟؟!!!!!!!

صالح شرف

13-05-2007, 11:43 AM

النقطة جات سااااي
وانا تاني بقولها زول الله ساااااااااي

البصري

14-05-2007, 10:55 AM

طيب الجماعة ديل كاتبين عليك زول مجتهد دي برضها جات ساااااااااي ولا........

معذة احمد علي

19-05-2007, 12:40 AM

اظنو جاي يشمر

البصري

19-05-2007, 11:09 AM

مرورك يا معزة نسمة نادية تروي كل الحروف رقة ومعاني فلا تحرمينا منه ......

لك كل التقدير ..,,..,.,