دعوه ...الخميس يوم تجمع اسرة المنتدى بالشارقه

[نزار حسن محمد]

الاحباب ..اعضاء منتدى ودمــدنى ...بدولة الامارات العربيه المتحده

تحيه طيبه واحترام

تقرر ان يكون مساء الخميس 17/5/2007 تجمع ابناء منتدى ودمدنى بدولة الامارات العربيه
المكــــان : الشارقه قناة القصباء قاعه رقم 3 بعد صلاة المغرب
وهذه بمثابة دعــــــــــــــــــــــــــــــــــــوه للجميـــــــــــــــــــــــــــــــع ،،،،
وبوجدكم تكتمل الفرحــــــــه،،،

[ابوشوتال]

تسلم اخي نذار
بس كترو من الصور عشان نعرف الحاصل شنو

ونحن معاكم قلبا وغالبا وربنا يوفقكم ويسدد خطاكم

ودمتم

[المسافر]

تسلم أخي العزيز نزار على المجهودات الجبارة
التي تقوم بها من أجل تعزيز روح التواصل
بين أعضاء المنتدى . . .
وجعلها الله في ميزان حسناتك

ونأمل من الجميع التفاعل والحضور

[الفارس البنفسجي]

أنتو ود حسن دا ما عارفنو
سااااااااااااااااااااااااكت
دي زولاً مليان بركة سااااااي

إن شاء الله تكونوا ضابحين؟

أها ما قلت لينا يا ودحسن
بتجي لابس الجلابية ولا بالبدلة
دي عشان الناس ما تتجهجه

[نزار حسن محمد]

أنتو ود حسن دا ما عارفنو
سااااااااااااااااااااااااكت
دي زولاً مليان بركة سااااااي

إن شاء الله تكونوا ضابحين؟

أها ما قلت لينا يا ودحسن
بتجي لابس الجلابية ولا بالبدلة
دي عشان الناس ما تتجهجه

والله ياخوووى الجلابيه شالوها ناس الرياض والان معروضه فى دولاب اخوانا ودالطاهر
والبداله حجزه ود المطامير ..باقى لى العراقى والسروال والسيف
ودالمطامير اشترى خمس خرفان وكومك محجوز ماتشيل هم بس الخوف من عمدان الكهرباء
على الخرفان ..انشاء الله اصلو سالمين...قول امين

[ود المطامير]

والله ياخوووى الجلابيه شالوها ناس الرياض والان معروضه فى دولاب اخوانا ودالطاهر
والبداله حجزه ود المطامير ..باقى لى العراقى والسروال والسيف
ودالمطامير اشترى خمس خرفان وكومك محجوز ماتشيل هم بس الخوف من عمدان الكهرباء
على الخرفان ..انشاء الله اصلو سالمين...قول امين
ههههههههههههههههه
أكان كدا أعملوا إحتياطى مركزى إنشاء الله قدرة فول
علشان الجزيره اليومين دول كلها خواجات والخير كتير
غايتو عمدان الكهرباء عندى خبره معاها أكان كاوتنى ولا بشتغل بيها
بس ما بضمن ليك واحد يسبقنى أكان سبقنى أى واحد لا أنا ولا هو ح نصل .

[عماد عبدالشكور]

اها يا ودحسن انشاء الله اللقاء يكون موثق بالصور
وكان على النقة والكلام الدقاق الناعم الحلو ما عندكم مشكلة ممكن نعمل ليكم اعارة للمبدع سوباوي بس حا تدفعوا لينا كم .

[مرتضى يوسف العركي]

ود حسن اللذيذ
انشاء الله دائما تامين معكم بقلوبنا وامالنا لكم بالتوفيق ان شاء الله

[Madanawi]

أتمني أن تتواصل اللقاءات والاحتفالات بين أبناء مدني ومنتدى مدني في كل البقاع ،،

أهم حاجة يا ود حسن التوثيق .. وزي ما شفت ده أصبح مطلب شعبي .. ودايرك تركز لينا على شيب ودالمطامير .. وصلعة المسافر .........

تمنياتي لكم بالتوفيق .. ودوام التواصل والابداع ,,,,,,,,,

[بورتبيل]

يا ود حسن .. ما تكلم زول .. (صورة الجوزات وصلت) اسرع يا ابوي خلينا نصل الشارقة قبل يوم الحفلة .. ونفاجي ليك المسافر .. وود المطامير ..

خلونا نتخيل انو نحنا معاكم يا ود حسن .. نتخيل بس .. وما تنسو الصور اهم حاجة.. والا بنعتبر انو مافي حفلة اصلاً
وسلام لصديق متولي

[نزار حسن محمد]

الاحباب الغالين ..الوجيــــه عماد
مستشارنا الرزين مرتضى الحلمابى
زين الشباب معتز طــــــــه الذيذ
والله ياشباب ح نفقدكم بشده ..لكن حتكونه معنا داخل الحنايا والقلوب ..وارقده قفه التوثيق حيجيكم هواء ..ومعلقنا على الاحتفال ..سوباوينا ..البجيبنا واطــــينا ..حبيبنا ود المطامير،،،

[خالد أحمد الصول]

بسم الله بدأ و منتهي و الحمد لله و كفي و الصلاه و السلام علي المصطفي و بعد
أحبائي قبيلة ودمدني بدولة الامارات و ما جاورها و ما حاورها
يطيب لي و أنا أستنشق عبير مقدمكم الميمون ، أتيتم من كل صوب و حدب تحملون معكم أحلامكم الصبية و روعة أهل هذه المدينة الانثي المتدثرة بلازرق القرقراق .. أكاد أن أسمع ضحكاتكم تجلجل المكان و أري تزاحمكم يستحي منه العيون فأنتم شمس هذا المكان و قمره بكم يسموا هذا البلد الحبيب و بكم تحيا تلك المدينة الواعدة ... و ما غربتكم إلا من أجل أمكم برا بها و عملا علي نهضتها ... فإن مدينتكم أحبائي تبادلكم حبا بحب و شوقا بشوق و تبركم و تضعكم في سويدأ القلب فأنتم بلثم شفاؤها و أنتم هواها التي تتنفسة ... فمدينة ودمدني تحبكم حبا و تودكم ودا لا يضاهيه ود و تتمني عودتكم سالمين غانمين منصورين موفوري الصحة و العافية للتجولوا في أرجائها و تتجولون في شوارعها و حواريها و أزقتها ... تستنشقون أريجها عطرا تعرفون رائحته جيدا و تحضنكم حضنا تحسون فيه بحنانها و لهفتها عليكم...
أيها الجمع الحبيب
هي ساعة صفاء نستقطعها من الزمان ليعم بيننا الاخاء و الحب و التسامح و الالفة ... هي ساعة نسترجع فيها حبنا لهذه المدينة التي تربينا فيها و زقنا طعمها و عرفت صبانا و شبابنا و أحلامنا وآمالنا ... نعانقها و نبرها و نحترمها ...
أحبتي
كل ما أتمناه أن ننقل هذا الود الصافي و هذا الحب المتبادل بيننا أن ننقله الي أبنائنا حتي يشبوا علي حب بعضهم البعض و حب هذه المدينة الرائعة.
و ختاما لكم حبي و شوقي و راجينكم في ودمدني
خالد الصول _ كلية الطب جامعة الجزيرة

رجائي أخي نزار أن تحمل كلمتي هذي الي جمعكم الكريم

[جيفارا]

ههههههههههههههههه
أكان كدا أعملوا إحتياطى مركزى إنشاء الله قدرة فول
علشان الجزيره اليومين دول كلها خواجات والخير كتير
غايتو عمدان الكهرباء عندى خبره معاها أكان كاوتنى ولا بشتغل بيها
بس ما بضمن ليك واحد يسبقنى أكان سبقنى أى واحد لا أنا ولا هو ح نصل .

نشوف البهجة

الأعذار غير مقبولة ياود المطامير من الان

[صلاح الدين]

الأخوة الأعزاء السلام للجميع ، ويا أخونا نذار التحية خاصه ليك وربنا اديك العافية ما انت راجل أصول والملاحظ انك مواصل في كل البوستات . من جدة بنرسل سلام لأخوانا الكرام في الشارقة وبالتوفيق وقلوبنا معاكم . ياريت تبلغ تحياتي الحارة للجميع وخصوصا أخونا صديق متولي والرشيد كسلا .

[Jamal Elmahi]

الاحباب ناس الشارقه ..أبوظبي ..دبي ياالله لي ..أم دغينه ..فداسي ..أربجي ..
قلوبنا وأرواحنا معاكم ...أنا مشكلتي حمارتي الحماميه أربطا وين!!! وياكافي البلا أعمدة كهربا ما عندكم ..شاي المغربيّه أخير من ميّه ...إن شاء الله ملمومين في الحرم بركة الله ورسول الله ...
مشاققه...
الناس البرّه الشارقه يشرقوا بالشوق بس ...وعلي مستمعين في الاقاليم مراعاة فروق الوقت وفرق العمله ...

ود الماحي

[معتز حمدتو]

اسعدني اتصالك الحبيب ابو النيز ....
واستعدتني فكرة المه الحلوه بوجود الجميع باذن الله ...
لكني وقفت متاملا هذا الشاب الانيق الذي بث صورته قبل التجمع فبدات التسأل في قرارة نفسي ياربي اكون مخطط للثانية ؟؟؟
ولا ده نزار الاصل المغترب مليون %100 مابجلابيه ابو البنات ...
المهم في النهاية عزمة على الحضور أنا وعصابتي على ان يشاهد العريس ابو العروس على الطبيعة ..
ودمتم سالمين وقيلوا عافيه ....

[رضا حسن محمد]

صديق متولى والرشيد كسلا
لا حولا ولا قة الا بالله
اها يا نزار كدة طالب غنيتين مخصمك بالحبيب المحبوب
اولا من صديق متولى تاحنين البى ليه ما قدروا
ومن الرشيد كسلا مسافر وين تخلينى بعد ولفت قلبى عليك
ورسلةهم لى عبر الاثير

[نزار حسن محمد]

ياخوانا ..انتوا كانت روقتو..انا بوصف السمعتو وشفتو...بس شويه صبر والصور خير برهان

الاحباب .. البعدين عن العين قريبين عن القلب
جمال الماحى ...من امريكا ..تحدث مع جميع الحضور قرابة الساعتين
الغاليه ..مدنيه .. من الخرطوم ...ابلغت السلام للجميع
ود مى ..عبد الرضى ..رضا..من السعوديه ابلغ الجميع التحايا
الحبيب ..ود المطامير واسرته..لظروف العمل القاهره كان معنا على الهاتف وهو يتحسر
شاعرنا الغالى ..صالح فرح ... وهو والعيال على خروج ..ولكن حضور الضيوف فى الحظات الاخيره منعه من الحضور وكان معنا عبر الهاتف..
معتز حمدتو ..والعم المهندس عصام حمدتو ..اداء الواجب بزيارة المستشفى كان المانع من الحضور ...لكم كل الحب ..وانتظروا التفاصيل الدقيقه مع سوباوينا ..خالد المسافر

[نور العيون]

و الله كان خالد المسافر هو حيقول التفاصيل
غايتوا الله يكون في العون
لكنه كان لقاء من احلى القاءات و كان الحضور لا باس به
لكن الفرحة لن تكتمل الا بحضور جميع
الاعضاء بدون فرز
و التفاصيل الجاية من الصور خير برهان كما قال العم نزار

[شوق العيون]

إحم إحم
طبعا جايه داخله طوالي واعلق مع انو مفروض انتظر ينكتب البوست بتاع اللقاء بعداك اتكلم مش؟؟
المهم والله عايزه اقول ليكم انو بالجد اللقاء ده كان ناقص باقي الاعضاء عشان نتعرف عليهم
وبالجد انا واحده من الناس اللي استمتعت باللقاء وبإني اتعرفت على مجموعه ابدا ماهينه وليهم وضعهم في المنتدى كلهم بدون فرز
وطبعا ناس ماشاء الله ربنا مايحرمنا منهم
وكنت بتمنى باقي الاعضاء الموجودين في الامارات وخارج الامارات مشاركتنا برضو
لكن انشاء الله الجايات اكتر من الرايحات
وواحد من الاسباب اللي خلتني ارجع تاني المنتدى بالجد انو لقيت الاخوان اللي فيه من المفروض انو نحنا نتواصل معاهم على طول
وادعو لينا انو الشيطان الفي راسنا ده مايزن لي وأطول من المنتدى تاني
تحياتي ليكم ومنتظرين التفاصيل

[جيفارا]

في انتظار البوست الجديد

[بورتبيل]

ياخوانا ..انتوا كانت روقتو..انا بوصف السمعتو وشفتو...بس شويه صبر والصور خير برهان

الاحباب .. البعدين عن العين قريبين عن القلب
جمال الماحى ...من امريكا ..تحدث مع جميع الحضور قرابة الساعتين
الغاليه ..مدنيه .. من الخرطوم ...ابلغت السلام للجميع
ود مى ..عبد الرضى ..رضا..من السعوديه ابلغ الجميع التحايا
الحبيب ..ود المطامير واسرته..لظروف العمل القاهره كان معنا على الهاتف وهو يتحسر
شاعرنا الغالى ..صالح فرح ... وهو والعيال على خروج ..ولكن حضور الضيوف فى الحظات الاخيره منعه من الحضور وكان معنا عبر الهاتف..
معتز حمدتو ..والعم المهندس عصام حمدتو ..اداء الواجب بزيارة المستشفى كان المانع من الحضور ...لكم كل الحب ..وانتظروا التفاصيل الدقيقه مع سوباوينا ..خالد المسافر

ولله اتصلنا .. ولله العظيم اتصلنا .. والكلام الجانا ما كدي ولا كدي
بس قولو حاجة تانية ... ومنتظرين ابو الدقيق ( المسافر ) يجي ويقول .. والعكاكيز ما تشيلوهن ساكت دا ما كلامي انا دا كلام ود المطامير
شادي حمارو وراكب من عصرا كبير .. وقبل ما يوصل قالو الحفلة انتهت انتهت كيف يا اخوانا بسم الله هي بتين بدت.. قالوا انتهت

وداير تقول شنو يا ابو الدقيق .. والصور الصور يا نزار عشان نصدق .. ولا بنعتبر الموضوع كلو فبركة في فبركة...
والجايات اكتر من الرايحات وان شاء الله المرة الجاية انا و(الارباب اخوي) بنكون معاكم:D

[Madanawi]

مشكور ود المطامير على نقل الأحداث عبر المحادثة الهاتفية .. باقي التوثيقات وكده يا مان!!

أبو الدقيق .. كل ما تتأخر نتوقع فبركة ومونتاج في صور الحفل .. وبعض الميك أب .. عشان كده أسرع وأنقل لينا الأحداث عبر شوالات من الدقيق الخالص والصافي من أي ميكاب أو ويكاب .. كان ما عرفت الويكاب أسأل منو جنا المطامير ،،

نرحب بعودة الأخت شوق العيون .. ودي واحدة من مميزات اللقاءات لابناء ودمدني في كل البقاع .. وبنقول ليها .. يا فردة أخزي شيطانك وخليك مع العقد الفريد في منتدي ودمدني !!

[خالد النور]

وين الصور يا نزار

[معتز حمدتو]

رغم بعدي برسل سلامي يحوى شوقي وكل احترامي
السلام امان لكل الاحباب الجتمعوا والما كان ليهم حظ مع الظروف بالمه الجميله
بس يانزار ان شاء الله تكون الجلسه بادرة امل لجمع اكبر في القريب العاجل .
وبعتزر مره اخري لعدم تمكني من الحضور رغم عزمي الاكيد على ذلك .

[المسافر]

لقاء أكثر من رائع لأعضاء منتديات ود مدني بدولة الإمارات

كانت أمسية الخميس 17/05/2007 ، وكانت ساعة صفا بين خرير المياه في قناة القصياء الرائعة بالشارقة … حيث تجمع الأعضاء في لقاء مودة ومحبة وتجمعت قلوبهم على الخير والألفة…

كل شخص رسم للأخر صورة رائعة في خياله … وكان اللقاء ليضع الحقيقة في مكان الخيال … فكان الجميع أروع بكثير عن ما في الخيال !

كان في مقدمة المستقبلين بل هو من أعد هذا اللقاء ، إنه الرائع والشهم ( نزار حسن ) مع ذات الطلّة البهية ( أبنوسة ) التي أشاعت الفرح بين الحضور . . .

ولم يخف مقدار الفرحة التي تلألأت على قسمات الرائع ( زول فردة ) ، ( المسافر ) ،( نور العيون ) ، ( أبو عبيدة ) ولا ذلك الهدوء الذي يحتوي بركان للطيبة والمحبة الذي بين جنبات ( خالد النور ) ، ( نفحات الصباح ) ، ( نور عبد الله ) ، ( جيفارا ) ، ولا تلك الابتسامة اللطيفة ل( ريم ) و( شوق العيون ) .

بدأ الحفل بتعارف بين أعضاء المنتدى . . . ومن ثم تمت قراءة الكلمة الرقيقة التي أرسلها صاحب الأنامل البديعة ( صول سودان ) والتي طربت له حنايا الروح وارتاحت على صداها أشواق القلب . وبعد ذلك تم توزيع شهادات لتوثق تلك المحبة ، ومن ثم جلسنا وتبادلنا الأفكار والآراء وتناقشنا في بعض المقالات والتعليقات … ورغم اختلاف وجهات نظرنا إلا أننا كنا سعداء جداً بلقائنا … شعرنا وكأننا نعرف بعضنا منذ الأزل …

وزاد اللقاء ألق وجود الفنان الرائع / صديق متولي … الذي أشجى الجميع لحظات أخذ الصورة الجماعية بأغنية ( في مدني يا أخواني لي محبوب جافاني ) … وبعد ذلك تفارقنا وعلى أمل قريب بلقاء يشمل الجميع .

جميلة هي اللحظات التي تجمعنا بمن نحب .. وكم نود لو تدوم تلك اللحظات الجميلة … لكنها تنتهي بسرعة كالحلم الجميل … ويبقى أثرها الطيب في النفس … ذكريات حلوة … نظل نتنسم طيبها وعبيرها …

على جانب اللقاء :-
أعتذر الأخ ( معتز حمتو ) عن الحضور لظروف طارئة .
إستبشرنا خيراً بعودة الأخت ( شوق العيون )
أسعدنا كثيراً إنضمام الأخ خالد كعضو جديد .

[ود المطامير]

يا أحبتى أعضاء منتدانا الحبيب
والله أكان منتظرين وصف للقاء الشارقه ولأ الصور ما عارف
هو أنا ووليداتى يا دوب لما وصلنا ربع الطريق الناس جوا راجعين
غايتو .. يا ناس السعوديه برافووووووووو عليكم .. تنظيم وتنسيق
ويا ناس الإمارات وخاصه ناس دبى والشارقه ما سمعتوا ( بالجوده الشامله )
والله اللقاء كان ونسه سااااااااااااااى وحتى الفنان القدير والأخ العزيز ( صديق متولى )
بس أكان رمى ليهو رميه واحده بس يعنى معظم سيور المندلين حقو ما إشتغلن
غايتو .. قادر الله أكان ( المسافر ) هو السوباوى حقنا !!!
أنا عارف نفسى فضيحه لكن فى الإمارات قياده علياء للمنتدى وحكومه رفيعة المستوى
ولكن اللقاء كان ينقصه التنظيم والترتيب الجيد فى الزمان والمكان .. كدى زحوا لى النقوم جارى قبال عمى نزار ما يجى يدينى عكاز .

[zoolfrda]

http://www.y1y1.com/u/uploads3/461fbc552e.jpg (http://www.y1y1.com/u)

http://www.y1y1.com/u/uploads3/875c9dc3dd.jpg (http://www.y1y1.com/u)

http://www.y1y1.com/u/uploads3/a9b89c44a0.jpg (http://www.y1y1.com/u)

http://www.y1y1.com/u/uploads3/ae95e74059.jpg (http://www.y1y1.com/u)

http://www.y1y1.com/u/uploads3/3044aa4113.jpg (http://www.y1y1.com/u)

http://www.y1y1.com/u/uploads3/fdb3d87abf.jpg (http://www.y1y1.com/u)

http://www.y1y1.com/u/uploads3/61f7596690.jpg (http://www.y1y1.com/u)

http://www.y1y1.com/u/uploads3/8446dec508.jpg (http://www.y1y1.com/u)

http://www.y1y1.com/u/uploads3/90a000d99a.jpg (http://www.y1y1.com/u)

http://www.y1y1.com/u/uploads3/f4c5d98baa.jpg (http://www.y1y1.com/u)

[zoolfrda]

http://www.y1y1.com/u/uploads3/39a16ce72a.jpg (http://www.y1y1.com/u)

http://www.y1y1.com/u/uploads3/102116d615.jpg (http://www.y1y1.com/u)

http://www.y1y1.com/u/uploads3/1f275fdbb7.jpg (http://www.y1y1.com/u)

http://www.y1y1.com/u/uploads3/5e27eb2c6a.jpg (http://www.y1y1.com/u)

http://www.y1y1.com/u/uploads3/39e2cdfd36.jpg (http://www.y1y1.com/u)

http://www.y1y1.com/u/uploads3/6dcad83e2a.jpg (http://www.y1y1.com/u)

http://www.y1y1.com/u/uploads3/577c87deae.jpg (http://www.y1y1.com/u)

http://www.y1y1.com/u/uploads3/87c9066a03.jpg (http://www.y1y1.com/u)

[ود المطامير]

هع هع هع هع هع
شفتوا لو ما ود المطامير حرك عش الدبابير
ما كنتوا شفتوا الصور صح ؟
أها ... عليكم الله .. قصرت معاكم ؟

[نزار حسن محمد]

هكذا كان حفلنا الحافل الحفيل بهؤلا الاخوان والاخوات
فرحنا بهذا اللقاء الذى تجمعنا فيه بقناة القصباء بأمارة الشارقه
حيث تسترق أمواج القناه السمع لاانفاس الاحباب
خالد المسافر صاحب الضحكه التى تنبع من داخله تشيع الفرح لى الكل
وهذا الانسان الرائع دوما يعمل فى صمت يبدع ويتامل حبيبنا عبد المنعيم
زول فرده قال لى فى همس مأيسعدنى فى هذا اللقاء هذا الدف والترابط
وتحديدا هؤلا الاخوه الذين لم ينضوا بعد للمنتدى اصرارهم فى الانضمام

[سوباوي]

الجميلين .. أسرة منتديات ود مدني .. بالإمارات ...

عذراً .. لهذا التأخير .. وأن فاتني الكثير .. ولكن تبقى بملامحكم ظلال ذاك اللقاء ...

إليكم جميعاً .. شوقاً هميماً .. وعليكم تماماً .. أهش الحمام .. وأهدي الهديل ولديكم

لماماً أودع محبة تضاهي الحضور وألق المحيا منكم يطل .. نقاء الأخوة عليكم يهل ..

سلاماً عميماً يحث الأكف للتصافح .. يهفهف صفاء القلوب وتدغم مشاعر تؤسس في

النفوس بهاء مجيد وعالي انتماء .. عليكم وإليكم أزف التهاني بهذا اللقاء .. أنثر قوافي

تعانق سماكم تحاذي بهاكم و جمالاً أنيقاً ومؤكد أصالة ترن المعادن تؤكد عميق المودة ..

وعبق التسامي منكم يفوح .. تلوح القلوب نحو القلوب ويبقى المقام لأنكم أمام .. ولأن

المدينة منكم تستمد البريق والجلال المهيب .. وألق الضفاف عليكم دعاش الخريف

وريحة جروف تمني النفوس بأن يعود الزمان للقاء الأحبة .. فهل من مكان بينكم كي

أقول ما أريد .. فقط أقول : "أني أحبكم"

معتق تحياتي .. وكونوا الأنضر دوماً ..

[نزار حسن محمد]

احبيتى
كان فى مقدمة الحضور الاخوات نور العيون وهمس الشوق وريم وشقيقهم مصعب
ثم الصحفيه ابنوس وبعدها الاخوان خالد النور والاخ اكرم ..ثم شخصى وبناتى بعد ذلك
وصل الاخوان زول فرده وخالد المسافر والطيب جيفاره والفنان صديق متولى ..ثم الاخ خالد وزوجته
نفحات الصباح ..ثم الاخت نور عبدالله وخطيبها الاخ الواثق ، ونواصل

[نزار حسن محمد]

الحبيب الراقى ..ودالماحى ..عبر الاثير ..من بلاد العام سام ..
تحدث مع الجميع ..اكرر الجميع ..وهكذا هو جمال الماحى
الرجل الانسان ..فقد كان من البعد بيننا ..ينثر الضحكه
ويقوى اواصر المحبه والاخوه الصادقه ...
شاعرنا ..صالح فرح ..لم يهداء له بال وهو يتابع عبر الهاتف
كل التفاصيل الدقيقه ..ود المطامير وزوجته ..حاولا بكل ما يمكن
الوصول لمكان الاحتفال ..وكان حلقة الربط بيننا وبين كل المتصلين
لى انشغال هواتفنا.. وبنقول ليه الجايات اكتر من الريحات
معتز حمدتو ..برغم حضور زوجته فى نفس يوم الاحتفال بمطار
ابوظبى ولكنه ..قرر الحضور من المطار مباشرة لمكان الاحتفال
ولكن ..فى الحظات الاخيره ..اتصل ..عليه عمه مشرفنا الفخرى
المهندس عصام الدين حمدتو ..وتغيرة وجهتهم لى اداء الواجب
بزيارة قريبتهم التى نتمى لهاا عاجل الشفاء وهى الان بمستشفى
المفرق بابوظبى ..لكم الحب والود .. ونواصــــــــــل

[محمد السر احمد]

لمة انشاء الله في الحرم
وبعد داك تاني انشاء الله تلمو في مدني في شارع النيل في مدني وربنا يديم المناسبات الجميل
الواحد كان بتمني يكون معاكم
و دمتم

[نزار حسن محمد]

وانا فى طريقى لقناة القصباء اتصل على الاخ الفنان صديق متولى وطلب منى ان امر فى طريقى على منزل المخرج الكبير محمد الحسن السيد هذا الانسان النبيل وان احضر له معى cd به احدث اغانى صديق لكى يقوم الاخ زول فرده بتنزيلها على المنتدى ..وفعلا قابلت الاستاذ محمد الحسن السيد وكان راجع من الدوام ..واصر بان يحضر معنا هذا اللقاء وكانت تبداء علامات الارهاق واضحه عليه.. ووجه الوم لى صديق متولى بانه لم يخبره من وقت.. وذكربالحرف الواحد بان جميع مراحل تعليمه كانت بمدارس مدنى وجزاء كبير من حياته قضاه بمدينة ودمدنى ..مع العلم بان الاستاذ محمد الحسن كان فى فتره سابقه قام باخراج الحلقه التى تم تسجيلها مع اعضاء المنتدى ..وقد اتفق معى بان وزيرالاسكان سوف ياتى الى دولة الامارات فى القريب وطلب منى ان تكون هناك جلسه بين اعضاء المنتدى مع الوزير وسيقوم بتسجيلها وبثها بتلفزيون السودان ... ونواصل

[mohammed ahmed]

السلام عليكم ورحمة الله تعالي وبركاته
يا أخوانا أصبروا شوية إمكن الكهرباء قاطعة الزول وعدكم بالصص وور ..
تحياتنا
محمد

[عوض صقير]

شباب الأمارات الحلوين

سعدنا كثيرا بهذا اللقاء الأخوى
الذى يجسد معنى الأخوة والألفة التى تربط بين أعضاء المنتديات

نتمنى دائما أن نرى المزيد والمزيد من اللقاء ات

[الشريف الهندي]

جميل جدا جدا تواجدكم مع البعض وجميل هذا اللقاء .....
كم أتمنى ان تستمر اللقاءات الرائعة تلك لتخلق من اوصار المحبة والموده
رائعون انتم حقا اينما وجدتم واينما حللتم ... ورغم البعد عنكم الا ان الروح
كانت معكم ونقلت كل الاخبار عنكم وكان اللقاء جميل بس كان ودنا ود المطامير
يحصلكم اصلو الزول ده اللمه بيهو بالحييييييل حلوه وتسر البال ...
لكم خالص الود والتحايا
والشكر كل الشكر لصانع اللقاء الرائع أبو الاموره الصغيره ايلاف .... نزار حسن


لكم خالص الود

[عماد عبدالشكور]

احبائنا واخواننا بالامارات
كم سعدنا بهذا اللقاء الاكثر من رائع ونتمنى ان تستمر مثل هذه اللقاءات في كل مكان يتواجد به اعضاء المنتدى

[Madanawi]

هذا هو حال ناس مدني في كل الامكنة .. وشتى البقاع !!

لقاء ... وود ... وتفاعل ... وتفاؤل

جميل أن نلتقي على قلب منتجع واحد .. والأجمل أن يكون اللقاء في شارقة الامارات

كم أسعدني .. وجود هؤلاء الأخوة وهم يحملون شوق اللقاء ويكنون الود والحب لبعضهم

تمنياتي لكل اللقاءات أن تكلل بذات المستوى من النجاح بل ومزيدا من التوفيق والتوثيق ،،

التحية لكل الشباب الذين تكبلوا مشقة التغلب على زحمة الاشياء وزخم الحياة ليتواجدوا مع اخوتهم في تلك الليلة البهية .. واتمنى أن يكرمنا الله بحضور لقاءات الامارات القادمة فلهذا البلد ذكريات جميلة لا تبارح مخيلتي وتدفعني دفعا لتكرار الزيارة .. مرة ومرااااااات !!

[admin]

برافو شباب شغل جميل ولمة حلوة والله .. وان شاءالله المرة الجاية معاكم .. والصورة حلوة وجميلة .. والصراحة بس ناقصكم سوباوي .. انتو كان مفروض قبل ما تحجزو القاعة تشوفي طريقة تجيبو سوباوي دا معاكم هههههههه ..

سعدت جدا ان اشاهد بينكم الاخ والمدرب والسباح المشهور/ خالد خليفة .. زوج الاخت نفحات الصباح .. فهو صديق عزيز ورجل احترمه واجله .. وسعادته بلقياكم الظاهرة في ابتسامته الودوده اعادت الى ذاكرتي زكريات زمن جميل بنادي الجزيرة .. فارجو ان تبلغوه عني التحايا والتقدير.

[Jamal Elmahi]

الشارقه ...وما أدراك ما الشارقه..
الشارقه أشرقت بها درر المنتدي فدارت حول فلك الاخوّه والمحبّه والود الأسري الرائع...حاجه سوباويه من طرف الشمّاعه ...
تميّز لقاء الشارقه بأنه أسري وهذا نموزح يحتذي لتواصل الاجيال ...والله فوق مدني ياشباب مدني ...
أسعدني لقاء الكوكبه أثيرياّ وروحياّ فتعانقنا ...والحي مصيرو يلاقي ...

مشاققه ...
الفنان المبدع صديق متولي سمّعني نمّه في التلفون خلاّني أفتّش لي خرم في السمّاعه وأدخّل فيهو راسي وأزوغ عبر الاسلاك أو لاسلكياّ وأقلّع في قاعة القصيباء لكن لقيت الاسهل إنو أخنق رقبتي بسلك السماعه وأنتقل للرفيق الاعلي إمكن روحي تمر بالشارقه وأقول ليهم الرسول عليكم دقيقه بس لكن للاسف حتي السمّاعه سلك مافيها ...حكمتو بالغه ...

ود الماحي

[الفارس البنفسجي]

حينما تتجلى روعة المشهد في واقع معاش نحس برعشة في الأطراف ، فندرك أن المشهد تجاوز مرحلة التصور .. فنصاب بإندهاشة جميلة تتراقص وسط الحضور في هذا المشهد اللذيذ.

ما أجمل أن تقابل ودحسن وجهاً لوجه ... وما أروع أن يواجهك زول فردا بطلته المريحة لتحس بأنك أمام شخص آتاك في الوقت المناسب ... ويستقبلك المسافر بإبتسامة تريح النفس والخاطر .... وجيفارا ذلك الرجل الذي تتحسس وده وتقديره للناس حتى قبل أن تراه ... وأختنا خفيفة الظل نفحات الصباحات التي لا يمل المرء من حواراتها ومداخلاتها وهي بالجد اخت اخوان... ولا ننسى نور العيون ... تلك الأخت التي تود أن تتعرف إليها أكثر وأكثر ... وأبنوسة مرهفة الإحساس .. شاعرية الكلمات تضفى بساطة على هذا اللقاء وتحياتي أيضاً موصلة للأخوات نور عبد الله وشوق العيون وريم والأخ خالد النور والأخ ابوعبيدة ... وصاحب القدح المعلى في حب الناس له برغم عدم حضوره المشاكس... صاحب البساط الأحمدي ... حبيب الكل أخونا ود المطامير وهو خير من يكون مسكاً لختام هذه الحروف التي بيني وبينكم.

لكم حبي وإعزازي ... ولكم ملء الجفون وعداً باللقاء


حاسدنكم عديل كدا

[نور عبدالله]

الشكر كل الشكر للاخ نزار حسن والاخ زول فردة والاخت نور العيون وكل من شاركنا ذلك اليوم الرائع بروعة الحضور ..... الصديقة العزيزة (ابنوس) كانت فراشة الملتقى ... الاخت( نور العيون) تلك الانسانة الرائعة والدينمو الذي لايهدا واخواتها (شوق العيون وريم) .. الاخت ( نفحات الصباح ) والتي لم تبخل علينا بابتسامتها الساحرة وطرافتها .. الاخ الاريحي ( المسافر) .. الراقيين (جيفارا) ( خالدالنور ) (ابوعبيدة) .... الانسان الفنان ( صديق متولي ).. انا شخصيا كنت ادري اني ساجد كل تلك الروعة بل اكثر واتمنى ان يمتد ذلك الود والتلاقي ليعم كل ابناء المنتدى بكل مكان .

[شوق العيون]

طبعا بالجد بالجد بعد الكلام الكتبوهو الاخوة كلهم بالجد ماخلو لي كلمه اقولها
وبالجد ماحقدر اخالفهم الرأي في كل كلمه وصفو بيها اي عضو من الاعضاء الكانو متواجدين
وبصراحه الانطباع اللي اخدتو انا شخصيا عن اي عضو خلاني افتخر انو جميع الاعضاء اخوة بالدرجه الاولى بالنسبه لي واتمنى انو التواصل يدوم بيينا كلنا
اهدي لكم جميعا كل التحايا من على البعد
واتمنى انو المره الجايه يكون التواجد مع الاعضاء جميعا
ودمتو بود وحب
وبشكر مره تانيه انا جميع الاخوة الكانو متواجدين معانا واللي اتاحو لي المجال مره تانيه بالتواجد وسطهم
وده فخر بالنسبه لي انو اكون وسط اخوانا من مدني وخارج مدني في منتدى ود مدني
ولكم التحيه

[ود المطامير]

لقاء الشارقه ما أجمل لمة الطيبين فى لحظة صفاء
وما أروع اللحظات حينما يجتمع الشمل على نواصى الإخاء
كان نفسى لو أكون بينكم ولكن الله ما أراد والحمد لله على كل حال
وعليكم الله أعملوا لينا لقاء تانى فى القريب العاجل .

[نور العيون]

بعد السلام و التحية و الكلام العطر الجميل الذي كتبه او قاله اي عضو سواء حضر او راى المنظر الجميل للقيا التي كانت قد عطرت اجواء قناة القصباء و التي لم تبخل علينا بجو الرومانسية و الهدوء الذي عم على المكان لتنطلق اصوات و ضحكات اعضاء المنتدى و الذي كان ينم على انهم اسرة واحدة بغض النظر عن انه كان اللقاء الاول لهم
بل عم جو الاريحية هذا بالاضافة الى هواتف الاعضاء الذين شاركونا وجدانيا بارواحهم و التي كانت الظروف حائرة بين وصولهم
و اتمنى من الله العلي القدير ان يتم علينا نعمت التواصل من غير انقطاع
و بالجد تبين لي ان ابناء ود مدني الله يحفظهم من العين يا رب العالمين

[عوض صقير]

سررنا جدا بهذا اللقاء
وسررنا أكثر برؤيتكم وأنتم تنعمون بسعادة هذا اللقاء الأخوى

وزاد سرورنا رؤية صور الأعضاء


متمنيا مزيد من التواصل لمزيد من المناطق الأخرى

ليتسنى لنا رؤية جميع أعضاء المنتدى

[saleh farah]

التحية كل التحية للاخوان الذين تجمعوا فى بقعة من بقاع الامارات الساحره وسحروها بسحر ودمدنى واحالوها الى احدى احياء المدينة التى تتشرف ويتشرفون بها .
كم كان البعاد عنهم قاسياً وكم كانت الظروف اقسى ولكن هذه احدى آداب ودمدنى التى رضعناها من امنا الحنونه ودمدنى ، رغم التحضر والمدنية المدعاة فى هذا الزمن يعود الانسان الى طبيعته عندما يوضع فى ميزان آداب الزيارة والاستئذان وهذا ما ادى الى عدم حضورى لملاقاة احبتى الذين كنت احلم بلقائهم واقاتل الساعات والدقائق لتتحول الى ثوانى واتمكن من لقائهم ولكن ليس كل مايتمناه المرء يدركه .
اعذرونى لقد كان الظرف اكبر من ان اتخطاه فلقد من الله علي بتقبل العذر من ابنائى الذين تفهموا موقفي ( مما ادى الى تغريمى بعشاء تعويض لهم ) وكم كانت فرحتى ان نطقت ابنتى بالقول مامشكله لانك لو كان مشيت وخليت الناس ديل كان قالوا ناس مدنى كعبين مابحبوا الضيوف . لقد اعادتنى هذه الكلمة الى طفولتي ياله من موقف يسترعي الانتباه فهاهى السنين تعود وتضعنى فى نفس الموقف الذى مر عليا فى طفولتى وانا استعجل للخروج مع الاسرة رغم وجود الضيوف ولكن الفرق يكمن فى ماقالته ابنتى وماقلته لاسرتى انذاك فقد انتصرت هي واثبتت بانه لايوجد اطفال اليوم بل جيل بدا من حيث وقفنا نحن
الشكر كل الشكر للذين حضروا الملتقى واجزل الشكر للذين نووا ولم يتمكنوا من الحضور والشكر كل الشكر للذين تواجدوا عبر الاسير خصوصا الاخ الحبيب الذى طالما اخجلنا بادبياته الراقية انه نيزك اميركا هل عرفتموه ؟ انه الاخ المبدع جمال الماحى له منا كل الشكر والتقدير والاحترام .
ولنا عودة باذن الله

[راشد خضر]

جمعكم الله في الفردوس الأعلى
بس الصور تخلينا نعيش جزء من الواقع معكم

وأدام الله الود بينكم

[نزار حسن محمد]

جمعكم الله في الفردوس الأعلى
بس الصور تخلينا نعيش جزء من الواقع معكم

وأدام الله الود بينكم

العريس ..النفض الكيس ..هووووووى ياربطابى..تجمعنا فى الفردوس ... مره واحده. ..امين يارب العالمين

[هيثم بابكر]

الاخ نزار حسن محمد وكل الاخوان اعضاء منتدى ودمدني بدولة الامارات وخاصه ناس الشارقة ، يعني معقول حظي يكون كعب للدرجة دي سنين قاعد في السعودية ماكان في لقاءات ولمن جيت الامارات بدأت اللقاءات في السعودية ، ولمن سافرت يوم 15/5 للسعودية لتجديد التاشيرة كان اللقاء في الشارقة ، كان نفسي احضر والله والاقي كل الشباب الحلوين والرايعين ديل ، بس اكيد الجايات اكثر من الرايحات وربنا يدوم اللقاءات في حضرة الرائعة مدني ام الكل .

[نور العيون]

و الله زي ما بقولوا ما الرجل كعبة لكن الجايات اكتر من الرايحات

[صلاح ودالطاهر]

الاحباب في دولة الامارات اسف جدا علي التاخير ولكم العتبي حتي ترضو لكن اقول شنو بس ربنا يحفظكم ويسدد خطاكم وكم تمني الواحد ان يلتقي بيكم

[نزار حسن محمد]

الاحباب ..لكم الحب

فى اللقاء القادم سيكون سوباوى ...بيننا ..وبنسجله فى فريق الامارات ... وياناس السعوديه بندفع لكم بالدولار ...ياود الطاهر..طائر خاصه لك ولى سوباوى.. غدا فى انتظار الصور الجديده
مع خالص الود لكل الاحباب

[صالح ابوشوارب]

والله روعة يا ناس الامارات كانت فعلا ليلة جميلة وخاصة كانت عائلية وتمنيت لو جيت وخطبت لى الله جابو من الامارات . وخاصة معاكم اخونا الصغير صديق متولى .
خارج النص
طبعا مرة كنت في اجازة في مدنى وكان عيد الضحية وكنا عايزين نصلى صلاة العيد في ميدان بانت لكن الميكرفون بتاع الصلاة كان بايظ . لكن انقذنا اخونا صديق متولى جاب لينا الساوند وكانت صلاتنا روعة

ابو الله جابــــــــــوا

[مدناوية]

*** هذه هي ودمدني ***


روعة يارائعة بروعة أهلك وناسك ،،، أصيلة ياغالية علينا ،،،
يامتربعة في وجدانا ،،،
مستلمة كل كلامنا وغُنانا ،،،
مدني يا حبيبة ،،، مدني يا طبيبة ،،،
مدني يا أمي ،،،
مدني يا ريدة ،،، مدني يا محنة ،،،

أنتي جميلة وأهلك أجمل ،،،


وهكذا كان اللقاء ،،، ود ،،، محبة ،،،، ترابط ،،،


وما أروع من ذلك ،،، عندما وصلت برفقة زوجي وقامت نور العيون وعمي نزار حسن بإستقبالنا ،،، وكانت فرحة اللقاء مرسومة في عيون الجميع ،،،

وبعدها سعدنا بمعرفة بقية الأعضاء ،،، وكانت تلك هي ثمرة اللقيا ،،،


ولن أنسى ،،، وكيف لي أن أنسى تواصل عمي الغالي جمال الماحي معنا عبر الهاتف ،،، سلمت ودمت لنا دوما ،،،

((ياخي حكاية وماليها نهاية))


هاؤلاء هم أبناءك يا مدني ،،، كما علمتينا دوماً معنى الترابط والتكاتف ،،،