قصاصات من كلام شبه موزون

[عماد السائح]

إعتذار
افتقدتك
لما نار الدنيا لهبت في حشاي
وافتقدتك ,,,,, لما اظلم خاطر الوهج
المولع في جواي ,,,,,,,,,,,,,,,,
وافتقدتك يوم لقبتك ,,,,,,,
لا إنتي إنتي
ولا انا الزول الزمان.
ضاعت مراكب الريدة تاهت ياحنان ,,,,,,,,,,,
**********
مدني يا عز المدائن
يا فرح طفل الجنائن
كيف اشوفك كيف اجيلك
وكيف يكون بينا اللقاء ...
نفسي ادخل في جواك
ارجع الزمن اللكان ----
نسمة يانيل المدينة
من جناين ود شقدي .
نوبة ياقنديل تهدي
شدة الالم الجواي ,,,
يمه من شاطوط محاية
بكره داخل امتحان
واللا قولك -- بسمة من زولا بحبو
تكفي مليون امتحان....
عركي بالله غني لينا
عن حبيبتي بقلكم ...........
وعن أنين الغربة ينزف
بالإرادة *** بدون إرادة .
يدوزن اللحن الحزييييين
قيثارة الألم البكاء
بلا انيييين .
يا مجد عزة ماضي كان
يامدني يا احلى مكان.
حليل زمان وياحليل مكان .
*****************
القصيده الكان كتبتها ليك زمان
ضاعت....
ذي ماضاع مني الزمان
ذي ما ضاع مني الزمان
ذي ما ضاع مني الزمان

عماد حسين السائح 2006 ابريل



ملهمتي
انتظرتك .
احمل الحلم الجميل
واحتضنتك .
انقل الدفء الحليم
انا وانت ابدا" مستحيل مستحيل
.............
مابين عيونك والخيال
أطفو فوق المستحيل
أغمض العينين أشوفك
ياملاك الرحمة نازل---
من سماك .....
تحقن القلب الموجع ..
بي رضاك
وتحقن الصدر البينزف .
يكتب الجمل الاماني المستحيل.... فيستريح .
في هدووووو
نرسم اللوحات مزخرفة بالعطور
صورة الوطن الحنين
قبلة في الوجهه الجميل
بسمة في ثقر الجنين
داخل الرحم الزمان .
ترجع الأيام معاك
زهرة الود والحنين
مستحيل . مستحيل.....
مابين عيونك والخيال
ياريت نرجع اجترار الذكريات
ياريت نرجع ساعة الزمن الزمان
فيستدير
مابين شفايفك والخيال
ونرجس الزمن البنفسج
قلب مفطر بالبكاء .
مابين شفايفك وابتسامة النفس الموشح بالبخور
قلب يغني بالبكاء ....
غدا نعود . لا لن نعود غدا نعود . لا لن نعود لا لن نعود .....
انتظرتك .
احمل الحلم الجميل
واحتضنتك .
انقل الدفء الحليم
أنا وأنت أبدا" مستحيل مستحيل
عماد السائح 2005 يوليو





يانجمة
أكتبك في لوحة القلب المفرغ من هموم
وأنحتك في لوحة الخاطر جواي
شان أستريح.
يانجمة طلت في الأفق.....
أنا في رجاك بتوسد الطين والتراب
وتلفح الظلمة ألجواي.
وافتح عيون الحزن
تحرق في حشاي
شان المحك.....
يانجمة طلت في الافق
سرت مشوارا السنين
اقطع الزمن الخيال
بتصورك
نرجس ونجمة وبرتقال
بتخيلك..
شان المحك....
أترنح الليل والصباح
كل الزمن بتخيلك
حكيت عيوني المابتشوف
وسكن جفوني المالي ود عيني كسوف
شان المحك....
مديت ضراعي
وكفي واقف
وصدري نازف
في رجاك
مشيت خطاوي الحزن كلو
شان احضن الصدر
البينزف بلسم الود الجميل
لحن المساء......
يسقي ا لقليب الواهن
الراهن حياتو المستحيل...
تسري في جواي
ملامح الشوق الزمان
تفتح وردة العين التفرهد
شان تشوفك
واقفة ذي لحن الحياة
ونفسك يعطر كوكب الدنيا الزمان........
وأنا في الأسى لا قادرا أتصور خيالك
ولا قادر أتحمل ظلمة الليل ألجواي...
يانجمة طلت في الأفق.....
أنا في رجاك بتوسد الطين والتراب
وتلفح الظلمة ألجواي.
وتغطي بالمطر السراب
شان المحك....
عماد السائح 2006 أغسطس




علي جدار الهم

وقفت علي الجدار ادير صمتي
علي ما كانت عليه ولم تزل.
أنشودة الحلم الرقيق مدينتي
تبدلت.
عنبر وعلقم وازورار
تبعثرت
خليط شوق وافتقار
تغيرت
**********
طفل تبسم في الصباح
طلق فرح
نضر مرح
وفي المساء وري الثراء
رفع العزاء
قفل الستار
*********
من قتل حسناء العصور مدينتي ؟
انحن من دس السعا ف بلا عفاف
انحن من زاد الهموم بلا إيلاف
بل نحن من نثر العطور حبيبتي
بين الأزقة والحواري والجسور
نحن من طلق البخور
علي الضفاف علي الحسان علي البدور
نحن من غرس الزهور
لبنا وعسلا وازدراء
******
غدا تعود حبيبتي
لا لن تعود
غدا تعود حبيبتي
صندل وجر تق عطر عود
غدا" تعود
عماد السائح 2007 مايو