القرد وواحدة ونص والهجنجليب

[ابراهيم]

كلو عند العرب رقيص ...

حقيقة مستاءاً في تلك الليلة اشدما استياء .. إثر "شرحبيل" من احدى حسناوات حينا ... وعادي بحصل
اتحمقت اشدما حماقة وغلبني النوم وحردت العشاء ...
ومن بعيد لبعيد سمعت صوت يغني وعلى ما اعتقد كان اليوم خميساً احمراً وعادة في الخمايس تكثر حفلات الزفاف
وبدأت رحلتي حيث منبع الصوت مستخدماً اذني الموسيقية وقرون الاستشعار ...
ومن بعيد لبعيد تاني ... "فجأني الغبار" مع الاعتذار لسيد الكارو .. المهم غبار شديد .. وتحفزت وماش احجز
اصلو نحن ناس حارة والحجز دة حقنا ومشيت معاي كل الخطاوي الممكنة وانا واثق من اني بقدر عليها لكن ما بعرفها ولكن لسوء حظي تفاجأت مرة أخرى لكن ما من الغبار وإنما من شيء اشبه من حرب التتار (هجنجليب شديد) على قول اخونا كمال جبر الله .. لست أدرى ماذا كان في خاطري لحظتها ... غير أنها كانت احاسيس مبعثرة زي اشفاق وما اشفاق وزي حسرة وما حسرة زي حزن وما حزن .. نسيت الشرة التي لقنوني لها في تلك الليلة ..
بعد جهد جهيد وبعد ان استنفرت كل قواي العقلية وخيالي وافقي وبعد نظري ... ثبت وبما لا يدع مجالاً للشك إنو الموضوع كان مناسبة زواج ... لكن ..
العريس دة إن بقيت ابو العريس ما تعرفو والعروس الا تفرزها بالزفاف ...(هجنجليب شديد)

ناس تنطط وناس تجبجب
وناس بترقص في القرد
والقرد طبعاً في عين امو غزال لكن في الليلة داك ديك
لا هان علي انسى واشتت
ولا هان على ارقص وانطط مع الأعتذار لسيد الغنية وشاعرها وملحنها وصاحبي المشوكش وأخير ليكم ولي
وديك يالدهشة والإنشداهة وإنطبق علي المثل بقيت زي الاطرش في الزفة ...
المهم الناس عاملة زي البساتم بتاعة البابور جاز .... وماف زول يسألني كيف عشان انا ما ميكانيكي المهم رقيص شي جبجبة وشي واحدة ونص وشي قسم .. وكل على ليلاه يغني
ناس طالعة وناس نازلة ويمين ناس كبااااااااااااااااااااار ... غايتو الفرح بعمل في الناس عمايل
اللبس يا حليلكم .....
بودي ... body وعلى فكر لبس البودي بي رؤية جديدة بقى شمولي يعني هناية وهناي كلهم في الهوا سوا .....
وسستم
والسستم دة آخر تقليعة ... ودي حاجة ما بتتشرح يا جماعة نحن برضو الواحد من اسرة محافظة وكدة
لكن في ليلة ليلاء زي ديك انت كان ما عملت بنطلونك سستم معناها انت ما من هنا
يا حليل ناس تحرمني منك والشارلستون
ويا حليل الكشف .... الكشف الرقيص وما كشف حساب ولا كشف حال

الله يجازي الكان السبب
هسي البت دي شرتني ليه:confused:

[طلال الصول]

اول حاجة ما عجبتني ليك الشرا يا صاحبي
الله يرحم ايام كنت بتشر وبتعلق
وانت شكلك يا بيبو فاقد ليك رقصة اصلو باقى الواحد لمن يكون في الحفلة
بتفرج من بعيد بس بنخلع وبنقلع وبيصاب بلانزهال وحالات التوجس
وكان على اللبس يازول الحكاية بقت بزرميط الله يرحم علي قولك لبس زمان
لكن اخالفك في الشارلستون وتحرمني منك
ياهو بتاع زمان ياهو بتاع حسي زاتو كلو ضيق ومحزز
وبعدين تعال النقول ليك حاجة والله اللبس في بلدنا اكان اتعدل في ايامنا نحنا اظنو
الناس الزمانك كانو لمن نشوف الصور لبسن يعني ماشاء الله
زي قناة لبنان قصير وضيق في البنات والنسوان
وحاجة كدا تضحك في الرجال
والغريب في الحكاية انو يازول اكتر ناس شانين الحملات في اللبس
الله لايوقع صورن في ايدك
همسة : الشرتك غلطانة وحياتك انت ما من الناس البنشرو .............................

[ابورجاء]

كدي يا برهوتا انا بخلي الكلام الفوق داك كلو
وبسأل معاك البت دي شرتك ليييييييييييييييييييه؟؟؟

بس عايزين نعرف ليه يعني ما بتشبه والا ما بتشبه
اجي يا بنات امي ما الوجاهة ومكملها واللطافة ومخلصها
يعني قصدها شنو بس ورونا يعني نكورك ليكم ما بتجونا
نجيكم تشرونا :D والعتبى لك حتى ترضى .....

تخريمة مع المشاققة :ــ
شرتك وين في بابا اللوق والا في شارع محمد علي;) ...

ودوما في رعاية الله وحفظه...
مع كل الود باقة ورد....

[طلال الصول]

والله اكان الشره دي في شارع محمد علي تكون مصيبة اديل كده

[ابراهيم]

اول حاجة ما عجبتني ليك الشرا يا صاحبي
الله يرحم ايام كنت بتشر وبتعلق
وانت شكلك يا بيبو فاقد ليك رقصة اصلو باقى الواحد لمن يكون في الحفلة
بتفرج من بعيد بس بنخلع وبنقلع وبيصاب بلانزهال وحالات التوجس
وكان على اللبس يازول الحكاية بقت بزرميط الله يرحم علي قولك لبس زمان
لكن اخالفك في الشارلستون وتحرمني منك
ياهو بتاع زمان ياهو بتاع حسي زاتو كلو ضيق ومحزز
وبعدين تعال النقول ليك حاجة والله اللبس في بلدنا اكان اتعدل في ايامنا نحنا اظنو
الناس الزمانك كانو لمن نشوف الصور لبسن يعني ماشاء الله
زي قناة لبنان قصير وضيق في البنات والنسوان
وحاجة كدا تضحك في الرجال
والغريب في الحكاية انو يازول اكتر ناس شانين الحملات في اللبس
الله لايوقع صورن في ايدك
همسة : الشرتك غلطانة وحياتك انت ما من الناس البنشرو .............................

تحرمني منك والشارلستون يا طلال يا اخوي
احسن من السستم النصيحة
المشكلة نحن السودانيين الحاجات دي ما لافقة فينا ...

اما بالنسبة للشرة ...
انت عارف ناس زمااااان وخليك علي كدة

[ابراهيم]

كدي يا برهوتا انا بخلي الكلام الفوق داك كلو
وبسأل معاك البت دي شرتك ليييييييييييييييييييه؟؟؟

بس عايزين نعرف ليه يعني ما بتشبه والا ما بتشبه
اجي يا بنات امي ما الوجاهة ومكملها واللطافة ومخلصها
يعني قصدها شنو بس ورونا يعني نكورك ليكم ما بتجونا
نجيكم تشرونا :D والعتبى لك حتى ترضى .....

تخريمة مع المشاققة :ــ
شرتك وين في بابا اللوق والا في شارع محمد علي;) ...

ودوما في رعاية الله وحفظه...
مع كل الود باقة ورد....


عليك الله يا ابو رجاء ما تذكروني ياخ
انتو تخلو لب الموضوع وتجو لي هامش الموضوع
وكمان باب اللوق وشارع محمد علي
هو في ايه يا جدعان:D
الكلام دة زماااااااااان في التمانينات
الزمان: وقت المسلسل
المكان: جنب الجامع
واكتر من كدة الموضوع بدخل الحيشان
لك تحياتي يا زعيم اتاريك مقدد البلد ....

[Madanawi]

والله ده بس آخر الزمااان زاااتو !!

يا ابراهومة .. جايييييني مشروووور .. وا خسارة تعليمي العلمتو ليك .. وقلت اكيد انك حا تكون احسن خليفة .. للمعتق بن ابي المشرتل .. وكمان ما سمعت بي .. حاجة اسمها استعينو بالكتمان يا جنا .. جايييي مشرووور وقاعد تنشر الغسيل بتاعك كماان .. وهو بعد ما غسلوك وشروك في مكان تاني نشر فيهو الغسيل ؟؟؟؟

على العموم ما تزعل يا ابراهيم .. وزي عهدي بيك دائما ..

ما أعتى ظلمك يا ولد .. واعدل قضيتك واعظما
لازم نجيب تار البلد وريح العوازل نهزمــــــــا
لا ترجع السيف الجفير والدنيا فايرة مصادمة
الشرتك ما قدًرتك ....... لازم نجيبا نجضمـــــا
لازما تقول الروب كمان .. أوبالاشارب نكمكما
وتعتذر في العام كمان .. بعدما الشــــلة نلملما
وبعد ده كلو ان ما رضيت .. شاورمة عديل بشورما


لنا عودة يا ابراهومة .. ونحن حقنا ما بنخليهووووووووووووو!!!

[ريموز]

ابراهيم ما سمعت بى استعينو على قضاء حوائجكم بالكتمان حسى دى نبيشه زول ينبش بيها روحو ما سمعت القالو ليك كان تقطعو فى حشاك ساكت وتسكت الا اهلنا قالو السترة والفيضحة متبرايات دحين انفضحت وشوف عينهم قالو عامل السيستم يا اين الناس ولا انت ما ما من هناك
والله البنت دى ليها حق تشرك وتانى تشرك كمان اذا كان انت مضهب بى البلا دى شره خلتك تجغلب ياربى الشاكوش بسوى فيك شنو ؟؟؟؟؟؟
اسمعنى الناس التفاتيح ما بفضحو روحهم انت باين عليك مستجد وكل الادروس ما نفعت فيك انت عايز تتعلم من تجاربك باين عليك
ومعليش خيرها فى غيرها
واسمع كلام الببكيك خلينى من ناس اضحك معاى

[عمار هبّار]

إبراهيم ..
إنتا عارف أنا بحبك وبحلف بك ولا ماك عارف بي المرة ..
إبراهيم الكاشف .. إنت عارف سميتك الكاشف ليه ؟ لأنك كشفت حالك وحال الناس قبالك .. فيا أخي إذا بليتم بي شرة فإستتروا عشان بنوت المنتدى ما يشمتن فيك .. وخلي الطابق مستور فالناس البنططوا في الحفلة ديل لو شافوا روحهم في الفيديو ما أظنهم حيرقصوا تاني .. فذلك كان سبباً لتوبتي عن الرقص في الحفلات ..

[طلال الصول]

ابراهيم ما سمعت بى استعينو على قضاء حوائجكم بالكتمان حسى دى نبيشه زول ينبش بيها روحو ما سمعت القالو ليك كان تقطعو فى حشاك ساكت وتسكت الا اهلنا قالو السترة والفيضحة متبرايات دحين انفضحت وشوف عينهم قالو عامل السيستم يا اين الناس ولا انت ما ما من هناك
والله البنت دى ليها حق تشرك وتانى تشرك كمان اذا كان انت مضهب بى البلا دى شره خلتك تجغلب ياربى الشاكوش بسوى فيك شنو ؟؟؟؟؟؟
اسمعنى الناس التفاتيح ما بفضحو روحهم انت باين عليك مستجد وكل الادروس ما نفعت فيك انت عايز تتعلم من تجاربك باين عليك
ومعليش خيرها فى غيرها
واسمع كلام الببكيك خلينى من ناس اضحك معاى

هوي يا رموز قالوا الما عارف يقول عدس وانت شكلك ماعارفة ساي
عمك ابراهيم دا احنا ما بنرضا فيو الكلام وبعدين انت بتتكلمي في واحد يعني بشهادة الشهود
اكان مقطها زمان
وبعدين ما شايفاو قال ليك الشرة ساعة المسلسل
الكلام دا من زمن كان الناس بتابع مسلسل الساعة 8 قبل زمن طويل يعني قبل
الرسيفر والديجتال وحتى الفيديو كمان زاتو في الستينات واكان بادية السبعينات
زمن كان البتشرا زاتو ليو شنا ورنا :D
ما زي حسي ميس كول لمن تيجي وكدا وبعدين شوفي عنصر المفاجأة والخطر قال ليك الموعد ورا البيت وساعة المسلسل يعني لو في واحد المسلسل ما عجبو كان قطعوا حتت حتت
وبركة الما جات هي زات شينة النوريك :cool:

[ريموز]

هوي يا رموز قالوا الما عارف يقول عدس وانت شكلك ماعارفة ساي
عمك ابراهيم دا احنا ما بنرضا فيو الكلام وبعدين انت بتتكلمي في واحد يعني بشهادة الشهود
اكان مقطها زمان
وبعدين ما شايفاو قال ليك الشرة ساعة المسلسل
الكلام دا من زمن كان الناس بتابع مسلسل الساعة 8 قبل زمن طويل يعني قبل
الرسيفر والديجتال وحتى الفيديو كمان زاتو في الستينات واكان بادية السبعينات
زمن كان البتشرا زاتو ليو شنا ورنا :D
ما زي حسي ميس كول لمن تيجي وكدا وبعدين شوفي عنصر المفاجأة والخطر قال ليك الموعد ورا البيت وساعة المسلسل يعني لو في واحد المسلسل ما عجبو كان قطعوا حتت حتت
وبركة الما جات هي زات شينة النوريك :cool:
اكان كدى يا ود الصول مرجوعه فى مسماها لكن عمو ابراهيم ده الخلاها يتذكر كلام زمان ده شنو ؟ اكيد عامل خط رجعه لى ورا ونكت الماضى
بعدين عندى سؤال لو ممكن يعنى
الشرتو دى سكينه ولا واحده تانية ؟
اذا كانت سكينه يبقى هو ما اتعلم من الماضى بتاعو
واذا كانت واحده تانية يبقى سكينه ليها حق
ولا رايكم شنو؟:confused:
بعدين انت ياود الصول هى لما شينه هو متعب نفسو فى شنو حسى بس لو فى واحد هفت ليه يخلى المسلسل يعنى عمو برهوته كان راح شمار فى مرقه :eek:

[ابوالنور]

برهتا انشاءالله تكون نشفتا
ولو ما تبقي ما
وكتري لي من تعبتا

[ابراهيم]

مدناوي حبيبنا ... يمين انت ما شفت اخوك متكيف من الشرة دي كيف والحمد لله الما جات اول حاجة الواحد اكتشف ثقافات جديدة ... ودة لب الموضوع انتو الناس دي كلها عينها للفيل تطعن في ضلو ليه .. بس اتشعبطتو في الشرة بتاعتي وما تقول لي كتمان .. انا ذاتو قاصد يشروني اها رايكم شنو والمشرتل بن ابي المعتق دة نظريتو فاشلة .. أخير لي شرحبيل دة يا خوى وانا متكيف كدة.


يالشريتيني وقت المسليسل
انشاءالله ضروسك تتخلخل
وشعرك يتنسل
ومشيك يتعرقل
شايفة كيف في المنتدي حالي اتبهدل

وبعدين يا مدناوي انت ما سمعت الفنان قال شنو:

ما اصلو حال الدنيا تديك شرة في لحظة مسلسل:D

[ابراهيم]

ناس جنها كتمان كتمان ...
يوم بحصل انفجار في المنتدي غايتو الله يسترنا ساي .. انتو بتدسو مالكم بس الواحد ياكل في حنانو وياكل في حنانو ... ودة بسبب كبت وانا متأكد اي زول دخل هنا خلى الفيل وبقي يطعن في ضلو فإنه مشرور مشرور مشرور ...
بعدين انا ما زول سساتم (جمع سستم) حسي عليك الله يا ريموز بيني وبينك كدة انت ما حصل شروك وانا عارف نفسي ما تفتيحة بس وريني ما حصل اتشريت وبعدين نتفاهم
قال يضحكك قال

[ابراهيم]

إبراهيم ..
إنتا عارف أنا بحبك وبحلف بك ولا ماك عارف بي المرة ..
إبراهيم الكاشف .. إنت عارف سميتك الكاشف ليه ؟ لأنك كشفت حالك وحال الناس قبالك .. فيا أخي إذا بليتم بي شرة فإستتروا عشان بنوت المنتدى ما يشمتن فيك .. وخلي الطابق مستور فالناس البنططوا في الحفلة ديل لو شافوا روحهم في الفيديو ما أظنهم حيرقصوا تاني .. فذلك كان سبباً لتوبتي عن الرقص في الحفلات ..


صراحة يا عمار ما عارف اقول ليك شنو ...
انا غايتو الناس القبالي ما بعرفهم لكن البوست دة اثبت لي حقيقة كنت بفتش ليها
(الكتمان) هو قال ليكم الكتمان دة في اي حاجة كتمان كتمان.. بعدين بنات المنتدي ما بشمتن فيني انا اول حاجة شفت الارضية قبل ما اجيب الموضوع دة وديل اخواتي والبينا عامرة (وما تقولو لي كسير تلج) .
قلت "فذلك كان سبباً لتوبتي عن الرقص في الحفلات):D .. اها حسي انت براك جبتو لي نفسك يا عمار .. كدى احكي لينا السبب دة بالتفصيل .. هو قال ليك ساي كدة تجي تسخني وتمشى

[ابراهيم]

اكان كدى يا ود الصول مرجوعه فى مسماها لكن عمو ابراهيم ده الخلاها يتذكر كلام زمان ده شنو ؟ اكيد عامل خط رجعه لى ورا ونكت الماضى
بعدين عندى سؤال لو ممكن يعنى
الشرتو دى سكينه ولا واحده تانية ؟
اذا كانت سكينه يبقى هو ما اتعلم من الماضى بتاعو
واذا كانت واحده تانية يبقى سكينه ليها حق
ولا رايكم شنو؟:confused:
بعدين انت ياود الصول هى لما شينه هو متعب نفسو فى شنو حسى بس لو فى واحد هفت ليه يخلى المسلسل يعنى عمو برهوته كان راح شمار فى مرقه :eek:


يا جماعة يعني في زول ما بتذكر الماضي؟ في زول ما عنده ذكريات؟
الذكريات في كل ليلة
توحي للحبايب اشياء كثيرة
فمن يغني يزكر خليلا ...الخ
بس انا خلوني في الأشياء الكثيرة دي

بعدين عشان ما يختلط عليكم الاختصاص سكينة دي قصة اسطورية وهلامية لشخصية لسا ما جات ومافي زول يسألني كيف؟
يا جماعة احجزو مني ريموز دة

[ابراهيم]

برهتا انشاءالله تكون نشفتا
ولو ما تبقي ما
وكتري لي من تعبتا


ابو النور
انا ما نشفت لكن احطوطبت عديل
وباقي الكلام راح مني

[الشريف الهندي]

ياربهوتخ كدي خليني الناخد صحكتي على مهلتي وتاني باجيك صادي

[ابراهيم]

الشريف كل سنة وانت طيب
دحين الضحكة لسا ما كملت
المهم كمل الضحكة وتعال عشان الكلمة الاولي دي حصل ليها إندماج في الخاطر
وانا ماش اشرب كباية شاي واجيك

[moh_alnour]

إبراهيم يا أخوي عندي سؤالين واحد في المقرر وواحد بره المقرر
السؤال الأول : الشمار كاتلني أعرف إبراهيم المن جزيرة الفيل دا ومقيم في كندا ( على حسب ما شفت في ملفك الشخصي لدى المباحث الفدرالية ) ؟
السؤال الثاني : ليه البت دي شرتك ؟
* ملحوظة : الاسئلة أجبارية ولا يحق لك الأستعانة بصديق ولا توجد درجات على النضافة ( يعني بالبلدي كدا ما تجمع الورقة فاضية ) .

[ابراهيم]

إبراهيم يا أخوي عندي سؤالين واحد في المقرر وواحد بره المقرر

السؤال الأول : الشمار كاتلني أعرف إبراهيم المن جزيرة الفيل دا ومقيم في كندا ( على حسب ما شفت في ملفك الشخصي لدى المباحث الفدرالية ) ؟
السؤال الثاني : ليه البت دي شرتك ؟

* ملحوظة : الاسئلة أجبارية ولا يحق لك الأستعانة بصديق ولا توجد درجات على النضافة ( يعني بالبلدي كدا ما تجمع الورقة فاضية ) .



محمد نور السلام عليكم ورحمة الله وبركاته
كدي تعال وريني الفي المقرر وينو .. والبرة المقرر وينو..؟
عشان ما تشتت لي تركيزي:confused:

[امير عبدالباقي]

ابراهيم اخوي والله دي مشكله هو الشاكوش لسه مؤثر معاك من ديك الله يجازي السبب (اسمع هو الصحافه ظلط ولاالصحافه شرق)

[ابراهيم]

يا امير تخيل اريتو كان وقفت في شرق وزلط
الزول دة خش جبرة والحلل "بكسر الحاء" المجاورة ....!!
هسي في داعي تفضحني في نص الزباين:confused:

[سواااح]

هومة ..

الدنيا دبنقة
مرات منقة
ومرات ....
والبنية شرتك
عشان تشوف زي ده
وعشان تاني ما تشرها
زي ما عملت
في المرة اللي قبلها

[moh_alnour]

محمد نور السلام عليكم ورحمة الله وبركاته



كدي تعال وريني الفي المقرر وينو .. والبرة المقرر وينو..؟


عشان ما تشتت لي تركيزي:confused:


تستاهل يا إبراهيم حاجتين :
1- تستاهل الدرجة الكاملة 11 من 10 والواحد دا عشان جمعت الورقة فاضية .
2- تستاهل الشرا الشروك ليها دي . عشان تاني ما تتشتت أفكارك .

[النيرو]

انت عارف ياابراهيم البت شرتك عشان تمشي تحضر الهجنجليب .:D:D;):D;)

[ابراهيم]

سواح يا اخوي القصة ما في شروني ولا شريت
القصة في الهجنجليب واللبس العجيب
انا ما عارف ليه الناس ماخدة الموضوع من وجهة نظر شرحبيلية:confused:

[ابراهيم]

تستاهل يا إبراهيم حاجتين :

1- تستاهل الدرجة الكاملة 11 من 10 والواحد دا عشان جمعت الورقة فاضية .

2- تستاهل الشرا الشروك ليها دي . عشان تاني ما تتشتت أفكارك .



محمد نور انت استاذ عبدالرحمن فقيري بيبقي ليك شنو؟
انا عندي ردا لى هسع فيو آثار الدقشيم
وكل ما اشوف نظارتك دي يجيني احساس انك استاذ فقيري استاذ فقيري
ما عارف ليه:confused:

[ابراهيم]

انت عارف ياابراهيم البت شرتك عشان تمشي تحضر الهجنجليب .:D:D;):D;)



النيرو سلامات يا عزيزي ..
تعرف انا ما زعلان عشان هي شرتني
لكن زعلان عشان بسببها مشيت للهجنجليب
ولا قدرت ارقص ولا قدرت ما ارقص
وفي الحالتين انا ضايع

[النور محمد يوسف]

إبراهيم أخوي العديل كدااا.....أنا بحييك ...وكمان جاييك بالباب عديل.....البوست فرحني جدا .... نقلني والله للسودان وليالي السودان الحلوة...وأنا بالذات ما اهتميت بالشرة بتاعتك دي ... كل تفكيري كان في اللبس والتغيير الحصل فيهو .... وعجبني جدا لخبطة الناس ودبكتا.... يعني الحكاية فيها كبار وصغار.... وبعدين يا ابراهيم الرقص دا ما تقول بتتوب منه وتخليهو... فتخليهو لمين.... وأصلا تتوب ليه...ماهو مؤصل فينا كلنا وجزء من حياتنا...ويوم ما فرزناهو براهو وأديناهو لفئة عمرية معينة...ظهرت في الناس البراطيم والتلاليش وحلت محل الرقص البوكسات والشلاليت... خلونا زي جميع الشعوب ....الكبير والصغير فيها يعبر عن نفسو في أي مناسبة وبأي طريقة ....الا نحن في السودان ... الوحيدين بين الشعوب نعتبر الرقص عيب لامن الكرعين اتكسرن بالرطوبة ... ويا ريت لو في مراكز تاهيل... أخوي ابراهيم ودينا حفلة تاني...بس نحن بنعاين ليك من بعيد لبعيد....لامن يرضو بينا... بس أعمل حسابك بدون شرة المرة دي

[ابراهيم]

إبراهيم أخوي العديل كدااا.....أنا بحييك ...وكمان جاييك بالباب عديل.....البوست فرحني جدا .... نقلني والله للسودان وليالي السودان الحلوة...وأنا بالذات ما اهتميت بالشرة بتاعتك دي ... كل تفكيري كان في اللبس والتغيير الحصل فيهو .... وعجبني جدا لخبطة الناس ودبكتا.... يعني الحكاية فيها كبار وصغار.... وبعدين يا ابراهيم الرقص دا ما تقول بتتوب منه وتخليهو... فتخليهو لمين.... وأصلا تتوب ليه...ماهو مؤصل فينا كلنا وجزء من حياتنا...ويوم ما فرزناهو براهو وأديناهو لفئة عمرية معينة...ظهرت في الناس البراطيم والتلاليش وحلت محل الرقص البوكسات والشلاليت... خلونا زي جميع الشعوب ....الكبير والصغير فيها يعبر عن نفسو في أي مناسبة وبأي طريقة ....الا نحن في السودان ... الوحيدين بين الشعوب نعتبر الرقص عيب لامن الكرعين اتكسرن بالرطوبة ... ويا ريت لو في مراكز تاهيل... أخوي ابراهيم ودينا حفلة تاني...بس نحن بنعاين ليك من بعيد لبعيد....لامن يرضو بينا... بس أعمل حسابك بدون شرة المرة دي


اخوي النور .. التحيات الطيبات
وانا والله وما طالبني حليفة فرحني كلامك وطلتك اكتر من فرحك للبوست
واكتر شي عجبني انك ما اهتمين بالشرة واخدت عضم الموضوع .. بلا شك صديقي النور ليالي السودان والافراح والرقيص والدبكة والهيصة هذه الاشياء جزء من تشكيلنا وتراث جميل نعتز به كثيراً ونترصد المناسبات والأكثر جمالاً إنك في السودان وفي مدني بصفة خاصة لا تحتاج كرت دعوة حتي تشارك في الافراح والأتراح فالكل اهل وحبايب واي حفلة تمشيها انت سيد البيت سواء كنت معزوم او متضهب وهذا ما يميز مجتمعنا البساطة وطيب المعشر والبساط الاحمدي الممتد بيناتهم سماحة ..
الفرح والطرب في الافراح يذهب بنا بعيداً من دندنة الى رقص وعرض والكل يعبر حسب ما يراه مناسبا ولكن ما يثير الدهشة هو ان اشياؤنا الجميلة في غابر الزمان ليست كما نطالعه اليوم فقد اخذت الافراح اتجاهات معاكسة ونادر ما تجد من يعرض في اغاني السيرة وما يثير الدهشة أكثر هو أن اللبس في الحفلات يجعلك تتواري خجلاً (بنات واولاد) ونظام السستم هذا هو اثارني لكتابة هذا الموضوع فهو لا يشبه شباب السودان ولن يسمح هذا غير اللاتي يلبسن "بدون" دعك من هذا برمته وانظر كيف يرقصون !! كلنا رقصنا وسنرقص وقتما دعى الداعي ولكن في الحد المعقول بلا شذوذ او مبالغة ، أما الاغاني فحدث ولا حرج .. لو رأيت ما رأيته اخي وحبيبي النور لتأسفت كثيراً على الحاضر المشوش وتمنيت أن يرجع بك الزمان يوماً
لك مودتي يا صديق وابقى قريب