المساعد الشخصي الرقمي

مشاهدة النسخة كاملة : طلي تانى



ياسرالشيخ
17-05-2007, 11:56 AM
طلي تانى يا فرحة الارض الموسدة بالشقا..
يا حرقة النار البتوقد ..
فى حشا الليل البهاتى باللقا..
ويا نغمية من مزاميرنا البتعزف مقطوعة الأمل البقى.
طلي تانى .. زى امانى..
انتى يا كل المواسم ..
والمراسم..
والمواني..
لمل تتمدد بحار ترهق كفاح خيل الثواني ..
و تفضح الزاد البقى
ويا مواعيدك لما تزهر ..
تبقى اكبر من عيوننا..
ومن مدارات الاغانى ..
ومن حنين ليل الصبا..
ويا ما بيني وبين عيونك سكة طالت..
ادهشت كل القوافى ..
حيرت عمق الصحارى ..
حركت صمت المنافى ..
سكة اطعم من عوافى ..
لما تطلع زى قصيدة من قليب مليان محنة ..
وياما بيني وبين عيونك ألف جنة ..
وحلم أعمق من مدائن ريد خرافي ..
طلي تانى ..
وشدي أوتارك وغنى ..
للمواعيد اللي بيننا ..
للمحكر في قلوبنا ..
وقولي أنى ..
طالعة منك..
لونى لونك ..
ماخدة منك ..
نور جبينك ..
سر عيونك ..
ويانى انك ..
تحيا تانى.
وطلي
تانى

ابوشوتال
19-05-2007, 06:14 AM
لما تطلع زي قصيدة وزي قليب مليان محنة

جميلة بالجد
اديك العافية

درويش
20-05-2007, 09:32 AM
من اين ياتي جمال الضوء ؟؟؟
اكاد اجزم انه منك
عزرا أخي ياسر جئتك
مودعا
لاني نويت الرحيل عن المنتدي
شكرا كل جميل تقاسمناه
شكرا علي كل جميل اعطيته لنا
شكرا
والسلام
اخوك
ذوالنون احمد نائل
أو
الدرويش

المسافر
20-05-2007, 09:49 AM
الود على هذه الكلمات الجميلة
في حق هذا الإحساس الرائع
وهذا الوصف الخلاب . . .


وسلمت ياسر ولا هنت أبداً

اميمه عشريه
21-05-2007, 03:02 PM
بس معاها لحن يصاحب هذه الموسيقي الشعريه ونعلن حينها عن ميلاد اغنيه جميله وطروبه جدا ..شكرا جدا وتحياتي لا تحد وابقي طل ..

المكاشفى
25-05-2007, 04:51 PM
والله تسلم ياياسر وعارفك كتاب
والله قرات الابيات كأننى اقرأ شعر
للمره الاولى فى حياتى
لك كل الود ياود العزازه

عمار هبّار
26-05-2007, 12:32 AM
أترجها أن تطل عليك مرة ثانية لكي تستمد منها وتلهمك هذا الإبداع ..

ياسرالشيخ
26-05-2007, 10:38 PM
التحية ليكم اخوتى ابو شوتال , والدرويش, والمسافر, والرائعة اميمة , وصديقى المكاشفى
واخى عمار.
وشكرا لكم وانتم دائما عضدا لى انشاء الله . وكان الاجدى ان ارد على كل واحد منكم على حده
لكنها والله المشاغل .. فعذرا ايها الرائعون ,,,,, واكيد ان (الجايات اكتر من الرايحات)

صالح شرف
12-06-2007, 06:43 AM
للبيرحل في عيونا ومنها...
وين يا زمان ... كيفينها...
ديك الصباحات الزمان...
لمن صغار نلعب زمان..شايفنها...
يا سكة الما أظنو يوم...
راجع كمان...
لي حِنها....
أوعاك ترحل من عيونها ومنها ....