البصري
22-05-2007, 09:57 AM
يا زول أقيف قبال تمش نديك وصف
قبل العصر عند الرصيف
موقف سمج لكن طريف
ما منتبه فجأة اكتمل وكأنو طيف
صوت احتكاك وكمان حفيف
وكلام زعل ... ما تنتبه داخل ترِف ؟؟؟
قايل براك في السكة دي ما عاز تقيف ؟
عاين الطريق قبال تقص ياخي شوف
تُلُب تخش عامل حريف
عندك عُمُر ربك لطف ...,
مشهد مثير وأتخيل براك الحالة كيف ؟؟
كل المضي جاب الخيال في لحظة طاف
الماضي أتجسد عديل و أتبهدل القلب الرهيف
زاد الهرِج وما سمعت شئ عقلي وقف
ونسيت العلى جاوبت بى ردا ظريف
خير الحصل مافي شئ ..... خرشا طفيف
شنو الطفيف ؟؟ .. ما الدم من جرحك نزف ..!!!..
كل الجراح ياريتها كانت نوعه ده مهما نزف
ولو كلهن كانت نزيف يمكن أخف
ما الجرح أعمق من كده ونزفو أبدا مابيجف
شايلو من شبهك تمام نفس القوام ولحظ الطِريف
مافيش فَرِق حتى الكلام ونُطق الحرف
وكنت متوهم نسيتو كمان بكابر بى صلف
والكبر أتحول شجن وعندك وقف
وكل المضي في عينيك رجع كأنو لا مات لا أختفي
قبل العصر عند الرصيف
موقف سمج لكن طريف
ما منتبه فجأة اكتمل وكأنو طيف
صوت احتكاك وكمان حفيف
وكلام زعل ... ما تنتبه داخل ترِف ؟؟؟
قايل براك في السكة دي ما عاز تقيف ؟
عاين الطريق قبال تقص ياخي شوف
تُلُب تخش عامل حريف
عندك عُمُر ربك لطف ...,
مشهد مثير وأتخيل براك الحالة كيف ؟؟
كل المضي جاب الخيال في لحظة طاف
الماضي أتجسد عديل و أتبهدل القلب الرهيف
زاد الهرِج وما سمعت شئ عقلي وقف
ونسيت العلى جاوبت بى ردا ظريف
خير الحصل مافي شئ ..... خرشا طفيف
شنو الطفيف ؟؟ .. ما الدم من جرحك نزف ..!!!..
كل الجراح ياريتها كانت نوعه ده مهما نزف
ولو كلهن كانت نزيف يمكن أخف
ما الجرح أعمق من كده ونزفو أبدا مابيجف
شايلو من شبهك تمام نفس القوام ولحظ الطِريف
مافيش فَرِق حتى الكلام ونُطق الحرف
وكنت متوهم نسيتو كمان بكابر بى صلف
والكبر أتحول شجن وعندك وقف
وكل المضي في عينيك رجع كأنو لا مات لا أختفي