المساعد الشخصي الرقمي

مشاهدة النسخة كاملة : كلمات اغانى سيد عبد العزيز



mohamed
23-05-2007, 01:10 AM
حاول يخفي نفسه
الشاعر / سيد عبد العزيز
لحن وغناء / سرور

حاول يخفي نفسه
وهل يخفى القمر في سماه
أبداً لا ... وطبعاً لا ...
شفناه .... شفناه

حاول يخفي نفســــه ******* وغير إتجاه
سطع النور في أفقه ******* وكل إنسان رآه
خلنا البدر أشــــرق ******* كامل في علاه
زخلنا الزهر فتــــح ******* من أنفاس شذاه

جذاب حسنه رايع ******* لادن خلقه مايع
رقص البان مشيه ******* تحب تنظر وشيه
عيونك تختشيــــه ******* من قوة ضياهو
ومن شـــــــدة حياهو
مرة إذا نظرتــــــه ******* ونظرة إليك رناه
قلبك ينشرح لــــه ******* وترتاح لي لقاه
دون تشعر تحبــه ******* وتلهج .. في ثناه
مرة تقول كبــدري ******* ومرة تقول كزهري
مرة تسمي شعري ******* ومرة تعممي سحري
تقلب فيه أسمــــا ******* وبرضو تشوفه أسمى
كل وصــف تــراه ******* أقل من مستواه
مترفع عظيم عالي ******* بعيد مــداه
ملأ العين جمالــه ******* الزاهي رشح نداه
يلألــي والكواكب ******* تتناثر حداه
فيه الحسن أودع ******* ماملكت يداه
مفــــــــــــــــــرح ******* وشوفته تفرح
بتلقاك باسم ******* كالزهر المنسق
في زمن المواســـــم
تشوف في مقلتيه ******* حياه دلال تيه
واللحظ البيجــرح ******* والوجد المبرح
أنا من دون أصـــــرح
لي قلب إصطفــاه ******* وهسه هناك معاه

mohamed
23-05-2007, 01:16 AM
قائد الأسطول
كلمات سيد عبد العزيز
*********************
يا قائد الأسطول تخضع لك الفرسان

ياذو الفخار والطول أرحم بنى الإنسان

مين لسماك يطول ما يطولك اللمسان

معناك شرحه يطول والله يا إنسان

أصدق كفانا مطول ياذو الحسن إحسان

أنا عقلى بيك مختول والناس عقول ولسان

ما بنكر المعقول آمنت بالأيمان

بالطلسم المصقول بدل لخوفى أمان

بالنور سحرت عقول كانت صميمة زمان

يا من تحق القول قتل النفوس حرمان

وما الجندى والمكتول و طالب الغفران

من أيده راح منتول واتوهد النيران

فاقد الصواب مبتول مما رأى حيران

أصبح زهر مشتول وفاح ملا الجيران

يا علة المعلول كم أومى ليك بنان

كم من أٍسير مغلول مالاقى فى لحظة حنان

يرى وعدك المحلول زى حجة الوسنان

والكان سكونه تلول ما ببدلهم بجنان

يا حبيبي كون ممهول وليكون ماكان

الفى غد مجهول والماضى أسمه الكان

نفديك شباب وكهول ونبقى ليك أركان

فى حبك المأهول ونخدم السكان

يالفى سماك مفصول تنشاف عيان وبيان

ما عرفنا ليك وصول وما دنيت أحيان

إنت الخطاك أصول يعلم الديان

مثلت فينا فصول ما بدرسها النسيان

المكاشفى
28-05-2007, 09:20 AM
تسلم حبيبنا على
الدرر والله الواحد كأنو داخل دوحه
واصل وماتقطع روائع الحقيبه