المساعد الشخصي الرقمي

مشاهدة النسخة كاملة : شجـــــــــــــن



البصري
24-05-2007, 03:05 AM
دنياك ألم ممزوج شجن
كاسات حُزن مليانة من خمرا معتق
معصورة من ظُلم الزمان
صدرك يضيق همك تِقِل
ضهر إنحنى وصابك وهن
جفاك حبيب نقض العهود
اختار بلاك وقفاك طعن
آآه يا زمن ................
لو مرة ترجع بى قفاك وترجِع الفاتن خلَن
تلقاني متربع هناك جُوه في قليب البِنية
ما هماني من سيد الشِيَاه ولا العبأ جيبُه والخِزن
لكني ما ندمان عليك ولا بحن
أجيك وأترجاك أبدا ما تظن
بكرة راح ترجع ذليل تبكي تتوسل إلى
وصدقني ما راح أرضى ليك
أو أعطف أتصدق عليك بى ذرة من بحر الحنان
بالعكس أتكبر عليك وأنساك زي نَسى الزمان
كأني ما عرفتك أبد ولا في قلبي كان ليك المكان
ويلا أنساهُ اللكــــــــــــــــــــــــان ................

شبندر
25-05-2007, 10:31 PM
الأخ البصري
لي متين يلازمك في هواك مر الشجن ؟؟؟؟؟؟؟؟؟

.................. ننسى الحصل وتعود مراكب ريدنا لي بر الآمان

البصري
26-05-2007, 10:01 AM
ما قلنا ليه يلا أنساه اللكان ......... ما بتستحق مش كدة ؟؟؟؟؟؟؟

شكرا علي المرور يا شبندر لكن بيني وبينك لو قلنا ننسى بنسانا الشجن ويسيبنا في حالنا يا تُرى؟؟؟؟؟؟؟

شبندر
27-05-2007, 05:41 AM
وتواجدي في قلب مملكة التوله ........... في سراديب العاشقين الحالمين
أبدو اسراً للتوجع والأنين