لغز أتحدى أي زول يحلو....

[hibbo]

ده لغز ساهل ولذيذ لكن اتحداكم تحلوهو....
بسم الله ابتدينا
انا حبو شغال في محل مسجلات قام جوني 3 شباب ((علي ومحمد وياسر)) فرضا.
قالو لي عايزين مسجل قمت قلت ليهم بي 30 جنيه قامو عملو شيرنق((يعني اتقاسموها بيناتهم)) كل واحد دفع 10جنيه
قامو أدوني ال 30جنيه وشالو المسجل ومشو..
قام جا صاحب المحل قال لي بعته حاجه الليله؟
قلت ليو آي بعته مسجل بي 30جنيه
قال لي حرام عليك تغش الناس المسجل بي 25جنيه ما بي 30 جنيه
قام أداني 5 جنيه قال لي هاك رجعها ليهم
قمت أنا شلته الخمسه جنيه عشان امشي ارجعها ليهم قمته سرقته جنيهين(2جنيه) وختيتهم في جيبي ورجعتا ليهم 3 جنيه
قامو شالو ال3جنيه وأتقاسموها بيناتهم((علي شال جنيه ومحمد شال جنيه وياسر شال جنيه))
كده كل واحد حيكون دفع كم في المسجل؟؟ ((9 جنيه)) صح؟؟
طيب 9*3=27 ((9 جنيه مضروبه في تلاته اشخاص حتساوي 27))
27 والاتنين جنيه السرقتهم حيساوو 29 ((27+2=29))
السؤال الجنيه الناقص ده مشى ويييييييييييين؟؟

[شبارقاوية]

يا زول هى انت دقستنا وجريت بينا وخليتنا نصدقك
مادام صاحب المحل رجع ليك 5 جنيه معناها المسجل بقى ب 25وفى زول دافع اكتر من الباقيين ولما ترجع لاى زول جنيه معناها كدة ب 28 وانت عندك 2 تمت 30
صاح ولا ما غلط

[عمار هبّار]

كان ما صاح .. صاح يا شبارقاوية الزول عايز يسطح بينا وبرانا مسطحين ..

[مدنيّة]

هي يا حبو لكن ما حرام عليك تدس الاتنين جنية
كدي خليني من حل اللغز وقول لي لية ترضي علي نفسك المال الحرام :mad:

همسة : عايز تتوهنا اها توهتك انا :D

[شبارقاوية]

وين مشيت ما حلينا اللغز
ورينا صاح ولا ما صاح

[mohd.dafalla]

الجنيه اسال منو شبارقيه عارفاهو راح وين ولا اقولك المحل بتاعتكم دا فيهو حراميه مفتحين

[المكاشفى]

ياهو كلام شبارقاويه
موش صح

[النزير محمد شريف]

سلامات

ذي ماقالت شبارقاويه

مشيت وين ؟؟؟


انا مع حلها واكيد صاح



مع مودتي

[جيفارا]

لمن ترجع ليهم 3 جنيه يبقو كل واحد دافع 9 جنية 33 قرق باقي قرش

[مختار بازى]

الظاهر جينا متاخرين شوية
شبارقاوية حلة الموضوع
وخسرة التحدي يا حبو:)

[الشريف الهندي]

ياجماعه كدي روقو المنقه النيه ده موش ممكن يكون راح .......... ( دمغة حريج ... ولا دعم ولاية) ...( معليش اسه بقت دمغة السلام يعني الجنيه رايح رايح )

[الشريف الهندي]

ياجماعه لو قلنا ان الناس ديل اي واحد فيهم دفع عشره جنيه ورجع ليهو جنيه يبقى الواحد فيهم دفع تسعه جنيه بس اذن المجموع 27 جنيه مدفوعه لشراء المسجل ولما جانا سيد المحل راجع وقال ب 25 بس اذن اصبحت في 2 جنيه فقط مفقوده وهي النام بيها أخونا حبو وعفيناها ليهو انشاء الله تنفعه ... اها كده كيف ..... اكان الحل ده غلط بس تكون دمغة جريح ولا دعم ولايه ....

[الشريف الهندي]

حبو مالك ياخي داير تجننا ياخي مالك علينا ... ههههههههههههههه
اول حاجه العلاقه شنو بين الاتنين الجنيه الانت سرقتهم للسبعه وعشرين علشان تضيفا تاني
المفروض تخصمها من السبع وعشرين زي ما خصمت ال3 جنيه علشان يكون معاك المجموع 5 جنيه مخصومه من ال30 جنيه والباقي 25 سعر المسجل ودي القروش الدفعوها الشباب المجانين الجو اشترو منك المسجل ده اريتن اكان وقعو وكسرو رقبتهم وريحونا

[hibbo]

يا زول هى انت دقستنا وجريت بينا وخليتنا نصدقك
مادام صاحب المحل رجع ليك 5 جنيه معناها المسجل بقى ب 25وفى زول دافع اكتر من الباقيين ولما ترجع لاى زول جنيه معناها كدة ب 28 وانت عندك 2 تمت 30
صاح ولا ما غلط


والله كلامك ماغلط وصح وليك جايزه مقدمه من سوداني وخليك سوداني ((-10الف تدفعا لينا مع اول كرت شحن تشتريو)):) لكن ما مشكله الالغاز كتيره وراقده أنزل تحت شويه حتلقا اللغز التاني وابقا حلو

[hibbo]

حبو مالك ياخي داير تجننا ياخي مالك علينا ... ههههههههههههههه
اول حاجه العلاقه شنو بين الاتنين الجنيه الانت سرقتهم للسبعه وعشرين علشان تضيفا تاني
المفروض تخصمها من السبع وعشرين زي ما خصمت ال3 جنيه علشان يكون معاك المجموع 5 جنيه مخصومه من ال30 جنيه والباقي 25 سعر المسجل ودي القروش الدفعوها الشباب المجانين الجو اشترو منك المسجل ده اريتن اكان وقعو وكسرو رقبتهم وريحونا


والله انت المعلم فيهم كلامك ده هو باقي حل أختي شبرقاويه وانت برضو ليك جائزه من موباتيل (( -10 الف تدفعها لينا من اول كرت شحن تشحنو)):)
وهاك اللغز التاني أبقا حلو انت واختي شبرقاويه

[hibbo]

بسم الله ابتدينا
عندكم 8 تفاحات متشابهات في الشكل وفي اي شي الا حاجه واحده
((في سبعه تفاحات عندهم نفس الوزن وواحده أخف منهم))
وعندك ميزان أبوكفتين(زي الفي البقالات)

السؤال:كيف تعرف التفاحه الخفيفه بأستخدام الميزان؟؟؟؟
بشرط أنك تستخدم الميزان مرتين فقط لاغير وما تستخدم أي شي غيرو

[hibbo]

هي يا حبو لكن ما حرام عليك تدس الاتنين جنية
كدي خليني من حل اللغز وقول لي لية ترضي علي نفسك المال الحرام :mad:

همسة : عايز تتوهنا اها توهتك انا :D


مالك مدخلانا في حتات ضيقه اها ابقي شفته وحلي اللغز التاني

[الشريف الهندي]

حبو ازيك ...... ونحنا كل يوم مع برنامج الفوازير جاهزين في البدايه خليني آخد لي ضحكه قويه شدييييد للاحساس بالنصر وليك التحيه ياغالي .........
هههههههههههههههههههههههههههههههههههههههههههههههههه ه

بالنسبه للغز الحالي
التفاحات 8 وعندنا الميزان المفروض نستخدمه مرتين بس
طيب المره الاولي نوزن 3 تفاحات في كل من الكنتين بعني عندنا 6 نفاحات في الميزان الان
ونتابع في حاله وجود ( كفه تقيله ) يعني ( الكفه الخفيفه ) فيها ( التفاحه الخفيفه ) وفي الحاله دي في حل وهو ان تمسك ال3 تغاحات في الكفة الخفيفة وتستبعد كل الباقيات تماما وتقوم بمقاره اخرى بالميزان بين الثلاث تفاحات الكانت موجوده في الكفة الخفيفة بالمقارنه بين اتنين فلو رجحت واحده اذن التانيه هي الخفيفه وبالتالي اكتشفناها واذا كانتا متساوسات في الوزن اذن الثالثه الاخيره هي الخفيفه ....... ودي طريفه رقم واحد او احتمال واحد
والاحتمال القاني اذا كانن قبيل في المقارنه الاولى بالميزان كان كلا الكفتين متساويات اذن الخفيفه موجوده بين الاتنين الباقيات وسنقوم بالمقارنه بالميزان للمره التانيه بينهم لاكتشاف الخفيفه فيهم وهي المطلوبه ................... ولك عاطر ودي ومستني حضورك

[نور عبدالله]

بسم الله ابتدينا
عندكم 8 تفاحات متشابهات في الشكل وفي اي شي الا حاجه واحده
((في سبعه تفاحات عندهم نفس الوزن وواحده أخف منهم))
وعندك ميزان أبوكفتين(زي الفي البقالات)

السؤال:كيف تعرف التفاحه الخفيفه بأستخدام الميزان؟؟؟؟
بشرط أنك تستخدم الميزان مرتين فقط لاغير وما تستخدم أي شي غيرو الميزان ده ماتخليهو الكتروني ( رقمي ) عشان العمليه تبقى سهلة ومن مره واحدة بس ...........

[ابراهيم]

غايتو يا حبو حبيبنا الشريف الهندي لو ما اديتو جايزة تكون اتلومت
انت يا الشريف اخوى فاتح سوبر ماركت صح انا متأكد من الكلام دة
يا أما تكون استاذ جغرافية اقصد رياضيات
والله مشتاقين كيتر
تحياتي

[hibbo]

حبو ازيك ...... ونحنا كل يوم مع برنامج الفوازير جاهزين في البدايه خليني آخد لي ضحكه قويه شدييييد للاحساس بالنصر وليك التحيه ياغالي .........
هههههههههههههههههههههههههههههههههههههههههههههههههه ه

بالنسبه للغز الحالي
التفاحات 8 وعندنا الميزان المفروض نستخدمه مرتين بس
طيب المره الاولي نوزن 3 تفاحات في كل من الكنتين بعني عندنا 6 نفاحات في الميزان الان
ونتابع في حاله وجود ( كفه تقيله ) يعني ( الكفه الخفيفه ) فيها ( التفاحه الخفيفه ) وفي الحاله دي في حل وهو ان تمسك ال3 تغاحات في الكفة الخفيفة وتستبعد كل الباقيات تماما وتقوم بمقاره اخرى بالميزان بين الثلاث تفاحات الكانت موجوده في الكفة الخفيفة بالمقارنه بين اتنين فلو رجحت واحده اذن التانيه هي الخفيفه وبالتالي اكتشفناها واذا كانتا متساوسات في الوزن اذن الثالثه الاخيره هي الخفيفه ....... ودي طريفه رقم واحد او احتمال واحد
والاحتمال القاني اذا كانن قبيل في المقارنه الاولى بالميزان كان كلا الكفتين متساويات اذن الخفيفه موجوده بين الاتنين الباقيات وسنقوم بالمقارنه بالميزان للمره التانيه بينهم لاكتشاف الخفيفه فيهم وهي المطلوبه ................... ولك عاطر ودي ومستني حضورك



والله حددتها معاي امشي وين انا اقبل وين
ما مشكله ليك هديه مقدمه من سوق الاتنين كيلو طماطم عشان مافي تفاح في سوق الاتنين
ولسه في لغز تاني ونشوف حتجاوب عليو واله لا
انزل تحت وحلو

[hibbo]

بسم الله ابتدينا
أنا شغال في فندق بتاع استقبال
قام جاني زبون قال لي اليوم عندكم بي كم؟؟
قلت ليهو بي 100جنيه
قال لي أنا عايز لي اسبوع وما عندي قروش لكن عندي سبيكه دهب(قطعه وحده) وزنها 7 كيلو جرام
قلت ليو مكسب يا حبيبنا أنا موافق بس بشرط انك كل يوم تديني كيلوجرام واحد بس ((كل ما تصح الصباح تديني حق يومك بس يعني ما تديني مقدم)) وعندك فرصه انك تقطع السبيكه قطعتين بس
أها المعلم ده حعمل شنو حيقطع السبيكه كيف وحيديني حقي كيف

[hibbo]

غايتو يا حبو حبيبنا الشريف الهندي لو ما اديتو جايزة تكون اتلومت
انت يا الشريف اخوى فاتح سوبر ماركت صح انا متأكد من الكلام دة
يا أما تكون استاذ جغرافية اقصد رياضيات
والله مشتاقين كيتر
تحياتي

والله هو حددها معاي لكن اديناو حقو ( طماطم قالو زي التفاح)

[hibbo]

ما شفنا جواب برضو راجنكم

[Madanawi]

اللغزين ظريفين جداً .. خصوصا وانهم فيهم معادلات رياضية .. بتشغل المخ بعد ما اصبح الموبايل والكمبيوتر والآلة الحاسبة تقوم مقام كثير من المهام الحسابية للعقل البشري ،،

التحية لك .. والتحية عبرك للشباب الذين قدموا حلولا مقنعة ومنطقية ،

[النور ابوكدوك]

والله الالغاز دي ساهله لاكن مافي اي اجابه ليها
شكرا النور ابوكدوك:confused:

[الشريف الهندي]

غايتو يا حبو حبيبنا الشريف الهندي لو ما اديتو جايزة تكون اتلومت


انت يا الشريف اخوى فاتح سوبر ماركت صح انا متأكد من الكلام دة
يا أما تكون استاذ جغرافية اقصد رياضيات
والله مشتاقين كيتر

تحياتي

حبيبي ابراهيم والله العجب انا كمان بيجاي مشتاق ليك شوق زول واقف في ناصيه الشارع ومشرور وقلبو مقطوع وماسك ليهو في ورده ويقول ... بتجي .. لا لا ما بتجي ... بتحي ... لا لا ما بتجي
انشاء الله يا ابراهيم تلقى العافيه وتشتاق لينا ونحنا نشتاق ليك وربنا يديم الود يا رائع

[الشريف الهندي]

صديقي الجميل ... حبو ليك يارائع كل الشوق ... واطنان من الريد
وشكرا لكيلو الطماطم .... انت عارف عملتو سلطه طماطم بالدكوه وطلعت حكايه ما بتخلص
ما قلت ليك كيلو طماطم منك يارائع احلى من طن تفاح امريكي انشاء الله تسلم يا ابوي وجاييك على التقيل

[الشريف الهندي]

يلا انا معاك في الخط طوااااااااااااالي
في البدايه : نقسم السبيكه الى ثلاث اجزاء
الجزء الاول 1 كيلو
الجزء التاني 2 كيلو
الجزء الثالث 4 كيلو
وبالتالي نحنا استخدمنا الشكين مرتين .
في اليوم الاول نديهو كيلو دهب .... لاحوله عليك الله اليوم بكيلو دهب اصلو ده فندق شنو ؟
في اليوم التاني باديهو الاتنين كيلو واشيل منو الكيلو
في اليوم الثالث بارجع ليهو الكيلو . لحد كده الزول ده شايل ثلاث كيلو ونحنا مقضيين ثلاث ايام
في اليوم الرايع نشيل منو الثلاث كيلو ونديهو الاربع كيلو قطعه واحده
في اليوم الخامس نضيف ليهو الكيلو الواحد وبالتالي عندو خمس كيلو
في اليوم السادس نشيل منو الكيلو الواحد ونديهو اتنين كيلو وبالتالي يكون عنده سته كيلو
وفي اليوم الاخير نرجع ليهو الكيلو الباقي عندنا
وعلى كده يكون شال مننا السبعه كيلو كلها ومافي يوم شال فيهو مقدم ..
وانشاء الله ينفعنو السبعه كيلو دهب ..... اريتني صاحب الفندق .....
ياسلاااااام عليك يا حبو وانت كل يوم لابس لينا توب جديد من حلقات الفوازير فعليك الله واصل وماتنقطع ابدا ....ز وليك خالص الحب والود والزهور ,,,,, تحياتي

[الشريف الهندي]

حبو وين انت آبوي أنا راجيك بكيلو الطماطم التاني

[hibbo]

اللغزين ظريفين جداً .. خصوصا وانهم فيهم معادلات رياضية .. بتشغل المخ بعد ما اصبح الموبايل والكمبيوتر والآلة الحاسبة تقوم مقام كثير من المهام الحسابية للعقل البشري ،،

التحية لك .. والتحية عبرك للشباب الذين قدموا حلولا مقنعة ومنطقية ،

تسلم يا حبيب فعلا التكنلوجيا دي لغت لينا حاجات كتيره مهمه
((لكن برضو ما بننكر أيجابيتها))
لكن ما حليت لينا اللغز التالت :)

[hibbo]

يلا انا معاك في الخط طوااااااااااااالي
في البدايه : نقسم السبيكه الى ثلاث اجزاء
الجزء الاول 1 كيلو
الجزء التاني 2 كيلو
الجزء الثالث 4 كيلو
وبالتالي نحنا استخدمنا الشكين مرتين .
في اليوم الاول نديهو كيلو دهب .... لاحوله عليك الله اليوم بكيلو دهب اصلو ده فندق شنو ؟
في اليوم التاني باديهو الاتنين كيلو واشيل منو الكيلو
في اليوم الثالث بارجع ليهو الكيلو . لحد كده الزول ده شايل ثلاث كيلو ونحنا مقضيين ثلاث ايام
في اليوم الرايع نشيل منو الثلاث كيلو ونديهو الاربع كيلو قطعه واحده
في اليوم الخامس نضيف ليهو الكيلو الواحد وبالتالي عندو خمس كيلو
في اليوم السادس نشيل منو الكيلو الواحد ونديهو اتنين كيلو وبالتالي يكون عنده سته كيلو
وفي اليوم الاخير نرجع ليهو الكيلو الباقي عندنا
وعلى كده يكون شال مننا السبعه كيلو كلها ومافي يوم شال فيهو مقدم ..
وانشاء الله ينفعنو السبعه كيلو دهب ..... اريتني صاحب الفندق .....
ياسلاااااام عليك يا حبو وانت كل يوم لابس لينا توب جديد من حلقات الفوازير فعليك الله واصل وماتنقطع ابدا ....ز وليك خالص الحب والود والزهور ,,,,, تحياتي

والله العظيم حددتها معاي انت قال ليك انا بدفع فاتورت النت دي من وين ما من ((كروت الشحن البي الماينص دي)) و ((الجنيهين البسرقهم من حق المسجل)) و ((وزن التفاح الغلط)) و((كيلو الدهب البشيلو كل يوم ده))
حددتها معاي لكن اقول ليك هاك القمبله دي وهاك اللغز ده اها ده انا بتحداك تحلو وبتحدا المنتدى كلو يحلو

[hibbo]

نسيت اديك الجايزه كيلو دهب ((قصدي كيلو سمك)) تستلمو مني قصاد خور اب عنجه

[hibbo]

بسم الله ابتدينا
شوفو يا حبايبنا
عندكم كل العمليات الحسابيه الاتعلمتوها من الروضه ومرحله الاساس والمتوسط والجامعه وفي الماجستير والكتوراه
حاولو أثبتو لي أنو (( الصفر بساوي الواحد))0=1
وانا مستني الحل

[hibbo]

والله الالغاز دي ساهله لاكن مافي اي اجابه ليها
شكرا النور ابوكدوك:confused:

والله الف شكر ليك اخونا النور ابو كدوك
والعافيه درجات
كدي خليك من الساهل وأثبت لي انو الصفر بساوي الواحد:):):)

[جيفارا]

جميـــــــــــــل جدا جدا ومنتظرين الجديد

[مكتول مدنى]

يا حبو الصفر دا رقم من خانة واحدة يعنى رقم واحد وبالطريقة دى ى رقم من خانة واحدة يبقى واحد صاح
كدى النفكر واحسب واجيك انا صحيت هسى

[الشريف الهندي]

ياخي اكنا كويسين مالك علينا ياحبو داير تجننا
لكن اصبر على دقايق

[hibbo]

جميـــــــــــــل جدا جدا ومنتظرين الجديد


الجديد شديد ونزلناو بس راجين الحل اطلعي فوق كلامك الكتبتو ده بتلقا الجديد
:):):)

[hibbo]

يا حبو الصفر دا رقم من خانة واحدة يعنى رقم واحد وبالطريقة دى ى رقم من خانة واحدة يبقى واحد صاح
كدى النفكر واحسب واجيك انا صحيت هسى


هههههههههههههههههههههه
ياخوي شكلك لسه في الحلمه السابعه
غسل وشك وصلي وتعال ورينا رايك واديني حلك والفي جيبك هاتو
وحاول اثبتها لي ((شكلك أرخميدس))

[hibbo]

ياخي اكنا كويسين مالك علينا ياحبو داير تجننا
لكن اصبر على دقايق




هههههههههههههههههههههه
والله دي عجبتني شديد
لكن بعد ده ملاوز منك تقوم تحلها
غايتو كان حليتها انا بعتزل الفوازير
:):):):):):):)

[hibbo]

وين ياخوانا دي لقيتوها صعبه
الشريف الهندي شنو ليك
:):):)

[الشريف الهندي]

والله ياحبو لا صعب ولا حاجه والحل حايم في الراس
زمان اثبتنا الواحد بيساوي اتنين عديل كده اها شنو ليك
اسه يغلبنا الواحد يساوي الصفر
بس انت شيل الصبر النحك الراس واكان مستعجل يازول
حلو وشيل كيلو الدهب عفيتو ليك
هههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههههههه

[hibbo]

هههههههههههههههههههههههههههههههههههههههههههههه
لا بس عشان نديكم الجديد

[abu_ola]

بسم الله ابتدينا
شوفو يا حبايبنا
عندكم كل العمليات الحسابيه الاتعلمتوها من الروضه ومرحله الاساس والمتوسط والجامعه وفي الماجستير والكتوراه
حاولو أثبتو لي أنو (( الصفر بساوي الواحد))0=1
وانا مستني الحل

الغالي حبو

انا اثبت ليك المليون زاتو بساوي صفر اها رأيك شنو ؟؟؟؟

الموضوع سهل على ما اعتقد

صفر = 1

بقسمة الطرفين على صفر

صفر ÷ صفر = صفر

1÷ صفر = صفر

صفر = صفر

اذاً 1 = صفر

[hibbo]

الغالي حبو

انا اثبت ليك المليون زاتو بساوي صفر اها رأيك شنو ؟؟؟؟

الموضوع سهل على ما اعتقد

صفر = 1

بقسمة الطرفين على صفر

صفر ÷ صفر = صفر

1÷ صفر = صفر

صفر = صفر

اذاً 1 = صفر


هههههههههههههههههههههه
والله دي قلبته فيها الهوبه
لكن هل يعتبر الصفر عدد في البدايه عشان تقسم عليو في العمليات الرياضيه
خلي لي الصفر عندو قيمه في البدايه بعدين أثبت لي انو بساوي الواحد