سفراً سالماً وعوداً محموداً لأخونا الحلمابي

[الفارس البنفسجي]

سيغادر المملكة العربية السعودية
اخونا الغالي / مرتضى يوسف العركي
(الحلامابي)
إلى ارض الوطن في إجازة طارئة
لحضور زواج أخوانه بست المدائن
وذلك صباح الأحد 14/6/2007

سفراً سالماً وعوداً محموداً لاخونا
مرتضى وألف الف مبروك لزواج
اخوانه وبيت مال وعيال إن شاء الله
يارب

[zoolfrda]

بالسلامة إنشاء الله يا الحلامابي وألف مبروك للعرسان

[مرتضى ساتى]

مبروك يا مرتضى وانشاء الله ربنا يجعل ايامكم عسل دائما وابدا
وتمشى وتجى بالسلامه مع تحياتى الى جميع الاهل واجازه سعيده

[نزار حسن محمد]

مبروك مقدما ياسعادة المستشار ..بس ماتمشى وتجى تغنى لنا رجل المره ده حلوه حلا...اتمنى ان نلتقى..لك الود ايها الراقى دوما

[مدنيّة]

مبروك مقدما ياسعادة المستشار ..بس ماتمشى وتجى تغنى لنا رجل المره ده حلوه حلا...اتمنى ان نلتقى..لك الود ايها الراقى دوما

يعني هو يغني كيف راجل المرا يانزار ؟؟:mad:
قول يغنوا ليييييييييييييييييييييه:D

منتظرنك يامرتضي بالسخانة والكهربا القاتعة :p
وربنا يوصلكم بالف سلامة
ومبارك للعرسان

[هيثم عبدالعال]

ألف مبروك ، وإن شاء الله نحضر ولا مامعزومين ؟

[همسة شوق]

نتمنى ليك إجازة سعيدة
ونقول للعرسان ...........
زفاف عاشقين بعد فرقة وسط باغات دعاء الطيبين

[مرتضى يوسف العركي]

الاعزاء اعضاء المنتدى
تحيات طيبات زاكيات
الرئعون البنفسجي وzool frda مرتضى ساتي ود حسن مدنية هيثم عبد العال وبقية العقد الفريد لهذا المنتدى الذي يتزاحم فينا انتماء جميلا جزاكم الله عنا خير الجزاء وعبركم
زواج اشقائي
شوقي يوسف العركي
معتز يوسف العركي
حسب الاقدمية يوم 14/6 بنادي ضباط الشرطة بمدني الدعوة للجميع لمشاركتنا الافراح خاصة الاعضاء المتواجدون بمدني.
مشاققات :

ود حسن ماقلت بجي الزول مالو ما جاء اتوقعكم بام المدائن الكشف براجل المراة ولا الكشف الكشف الراجيكم
راجل المرأة دي قبل ان يكون تخوفات من الست السيد على وزن سي السيد سابقا فلا مجال مع العصابة الذين هم بفهم الحريم لازم يكونوا لحالهم وبعيدا عن الرجال علما بان اعمارهما خمس سنوات وثلاث سنوات لكن لا مانع ان نرقص سرا لستر الشترة قبل السترة فاطمئني ايتها المدنية وياود حسن .
اولاد الخال عبد العال مرتضى وهيثم ده كلام ... مستشار قدر الدنيا في وقائع اولاد خالتك زواجهم خاصة ابو الشوق فردتك ودفعتك وزميلك كمان تعزم الناس ليهم داير عزومة انت اعتراض على الدفع شكلا وموضوعا مع تحفظنا على الرجوع لكم باي تعويض مستقبلا ... ولو تدخل الخال على فكرة عجبتني كمان دي لي فترة ما استعملتها والله حلوة زي الكمان .
لكم الود وفي انتظاركم

[مرتضى يوسف العركي]

نتمنى ليك إجازة سعيدة
ونقول للعرسان ...........
زفاف عاشقين بعد فرقة وسط باغات دعاء الطيبين

اخي الكريم همس شوق
فيما يبدو ان تداخلكم في البوست زامن تداخلنا مع الاخوة لذا خلا اسمكم وشخصكم الكريم من الشكر لاعليك اشكر لكم مشاعركم الطيبة والدعوة لكم اخي بتشريفنا مع الشكر

[hassansaif]

اخي الكريم همس شوق
فيما يبدو ان تداخلكم في البوست زامن تداخلنا مع الاخوة لذا خلا اسمكم وشخصكم الكريم من الشكر لاعليك اشكر لكم مشاعركم الطيبة والدعوة لكم اخي بتشريفنا مع الشكر
الاخ سعادة المستشار مرتضي الحلمابي .
الاخ الفارس البنفسجي .
خالص التحايا اولا شكرا للاخ للبنفسجي الذي شنف اذاننا بهذا الخبر المفرح لزوم الميته وكده لي زمن ماحضرت لي حفلة في مدني غايتو ياسعادة المستشار انا حااتجنصص جنصصه جد حااجي راكب حصان وبعيد بعيد من ؟بس عندي وصية صغيرونه كدي (قعدني مع العجائز وابعدني من الكشف )حتكون ريحتني راحه ان شالله بس الفنان يكون ياسر بدر او انتصار بحري دا انا حااقلب قلب .مقدما نهنئكم بزواج اخوتنا ونسال الله ان يجعل كل ايامكم افراحا والف الف مبروك ليهم ياحلمابي وتهانينا مقدما وانا قدام اتصل علي حدد لي العنوان وحتلقاني معاك ان شالله .والف مبروك لهما مقدما .
hassansaif

[بدر الدين محمد]

ربنا يجيبوا لينا في السودان ويرجعو ليكم بالسلامة .. وكان اديتنا الوصف بنجي العرس وعقبال اولادكم

[الطويل]

تمشى وتجى راجع بالسلامه أنشاء الله الاخ الحلامابي


وألف مبرووووووك لأخوانك والعقبال عندك وعندنا أنشاء الله

[مرتضى يوسف العركي]

الاخوة حسن سيف
وبدر الدين
وابو رانيا
جميعكم بالعربي
تحياتي
الزواج بمشيئة الله يوم 14/6 الجاري بنادي ضباط الشرطة بمدني وحاتأكد من الوصف الدقيق واديكم خبر ولو تكرم علينا احد العارفين به بمدني واعطانا جميعا وصفا دقيقا نكون من الشاكرين باعتباري طولت الغياب وهذا الانجاز تم بعد مغادرتنا
الشكر لكم مجددا

[مختار بازى]

تصحبك السلامة ان شاء الله

والف مبروك للعرسان

وان شاءالله بيت مال وعيال

[nasir]

الاخ المستشار مرتضي لك ولك الاسرة احلي التبريكات
بزواج العريسين ( اخي شوقي-- وصديق اخي الريو)
وربنا يسعدهم ويسعدكم بسعدهم ويديم عليكم السعادة
ويحفظكم للوالدين
عبرك نوصل التهاني وعبرك يكون التواصل

[مرتضى يوسف العركي]

تمشى وتجى راجع بالسلامه أنشاء الله الاخ الحلامابي


وألف مبرووووووك لأخوانك والعقبال عندك وعندنا أنشاء الله

abo-rania الرائع بتاع المشاكل
يا راجل الكلام ده رسلو في رسالة خاصة عايز تودينا في داهية اوكد للجميع انو ما عندي اي علاقة باي زواج جديد ماشاء الله على ام يوسف انشاء الله تقرأ الكلام ده واجدد ثقتي في انو ام رانيا فيها الخير والبركة ودي هترشات لمذبوح ليس الا ... والكلام لا يقود الى اي افعال ...
لقيتني كيف يا فردة
اتوقع تلفون لكلام مغاير

[مرتضى يوسف العركي]

تصحبك السلامة ان شاء الله

والف مبروك للعرسان

وان شاءالله بيت مال وعيال

استاذنا مختار بازي
جزاكم الله عنا خير الجزاء وانشاء الله اياكم كلها افراح والدعوة لكم بالمشاركة

[مرتضى يوسف العركي]

ربنا يجيبوا لينا في السودان ويرجعو ليكم بالسلامة .. وكان اديتنا الوصف بنجي العرس وعقبال اولادكم

استاذي بدر الدين والاسرة الكريمة
انشاء الله دائما تامين وسالمين الدعوة لكم بالمشاركة والهاتف معي ساتصل بكم حال وصولي باذن الله مع التحية

[مرتضى يوسف العركي]

الاخ المستشار مرتضي لك ولك الاسرة احلي التبريكات
بزواج العريسين ( اخي شوقي-- وصديق اخي الريو)
وربنا يسعدهم ويسعدكم بسعدهم ويديم عليكم السعادة
ويحفظكم للوالدين
عبرك نوصل التهاني وعبرك يكون التواصل

اخوي الناصر لدين الله ودعمنا ابراهيم
ازيك
يعني ابوالشوق والريو الاثنين ديل يفوتوك يا فردة وقيدومات الفريق التانية تعيش وتاكل غيرها التحية لكم وللاسرة الكريمة مع المودة

[nasir]

والله يامرتضي نبكي بس( عين دمعة وعين مس )
وطبعا ايضا عامر اخوي زواجه يوم 5يوليو وطبعا انت وكيل العريس
ولك الود

[حاتم مرزوق]

اخي مرتضي:-

ربنا يوصلك بالسلامة والف مبروك الزواج وربنا يعيدكم لينا بالسلامة.

[sambaaa]

بالسلامة إنشاء الله يا الحلامابي وألف مبروك للعرسان

[معتز حمدتو]

العزيز مرتضي
تحيه طيبه
الاف التحايا والتباريك للعزيزين ( منذ ايام مراتع الصبا ) ابو الشوق والريو وعقبال الذرية الصالحه وتهانينا واصاله للوالده علها تكون من اسعد الناس وكل التهاني لآل العركي وآل ابو رزه .

[مرتضى يوسف العركي]

الاجلاء
ناصر
sambaaa
معتز حمدتو
اشكركم كثيرا على مداخلاتكم الانيقة ورد الله جمعينا غربتنا انه سميع مجيب والدعوة لكم ان كان بالامكان مشاركتنا وعلى فكرة ياسامبا ما شاء الله منتهي الاناقة مثل كلمتكم الانيقة دوما ويا ود الخالة معتز حيفوتك مولد كم كنت اود ان تكون حاضرا يويعني ياناصر الهجة هجتين باذن الله وحاضرين في بيتكم وبيتنا ان شاء الله .

[hassansaif]

اخي الرائع الحلمابي
عاطر التحاياء احر التبريكات للاخوة .عندي طلب ارفقتو في مداخلاتي شايفك عرجت منو ولا هببت لي شنو يامرتضي مامن عوايدك واعتذارك ودبلوماسيتك سابقات ومعروفات قبل كل شي اطمع ان تفيدونا بالنسبة للكشف ومصاحبة العجايز عند الضلع وان لاتكن قسمة ضيزي زي مشاكوس والاجر علي الله نتمني ان نري استجابتكم وبعدين انا مازول نوادي بتاعت ضباط نحنا ناس حفلات دكاكينية بتاعت حلال ساكت (حسن الفي الخلاء والعمة محدرة هيييع)زي كده ماناس برتكولات الخ .انا اطمع في وصف الادارة العامة محل السمينة ممكن اتمني ذلك ؟
تحياتي وود لايحد .
hassansaif

[فدوى الحسن]

بالسلامة إنشاء الله يا الحلامابي وألف مبروك للعرسان وبيت مال وعيال يارب

[مرتضى يوسف العركي]

اخي مرتضي:-

ربنا يوصلك بالسلامة والف مبروك الزواج وربنا يعيدكم لينا بالسلامة.

استاذنا وزير مالية جمعية مدني الخيرية حاتم فتحي مرزوق :
التحيات لشخصكم والاسرة الكريمة واتساءل كالجنود الروس هذه المرة ولا التاخير في حسابات وكشف يساعد الزول يعرس تاني لكن اولوياتكم اعلمها واحترمها عبركم التحية لكم وللجمعية وعملها الخير الذي تتولونه بصبر واناءة وفقكم الله دوما لما يحب ويرضى وكم كنت اتمنى ان تكونوا معنا بالقرب كما انتم دوما .

[مرتضى يوسف العركي]

اخي الرائع الحلمابي
عاطر التحاياء احر التبريكات للاخوة .عندي طلب ارفقتو في مداخلاتي شايفك عرجت منو ولا هببت لي شنو يامرتضي مامن عوايدك واعتذارك ودبلوماسيتك سابقات ومعروفات قبل كل شي اطمع ان تفيدونا بالنسبة للكشف ومصاحبة العجايز عند الضلع وان لاتكن قسمة ضيزي زي مشاكوس والاجر علي الله نتمني ان نري استجابتكم وبعدين انا مازول نوادي بتاعت ضباط نحنا ناس حفلات دكاكينية بتاعت حلال ساكت (حسن الفي الخلاء والعمة محدرة هيييع)زي كده ماناس برتكولات الخ .انا اطمع في وصف الادارة العامة محل السمينة ممكن اتمني ذلك ؟
تحياتي وود لايحد .
hassansaif
حبيبنا Hassan Saif
تحياتي التعهد لن يكفيك طالما لم يكن محررا وبدون شهود وقسمة ضيزي ممكن نكتب اقل من منصور خالد فيها في وقائعكم وحنشوف ليك ريحة حمير تطيرك فورا من الحت الناوي عليه وموافقين على مرافقة العجائز لا الجكس في الضلع والمغادرة بعد انتهائه كما درج هولاء العجائز دائما وطبعا ده بناء على طلبك والمتعارف عليه وعلى كدة اتفقنا ان كان لكم طلب لاحق ممكن نناقشو بعد العشاء واخذ التعهدات اللازمة مكتوبة وشكلك حتتعب معاي خالص .
لك الود والتوقع والحضور وصعبة نادي ضباط الشرطة في مدني خلاص وصف لي البيت عشان اجيكم واخدكم معاي .

[مرتضى يوسف العركي]

بالسلامة إنشاء الله يا الحلامابي وألف مبروك للعرسان وبيت مال وعيال يارب
الرزينة اختنا فدوى الحسن :
اشكركم على المداخلة الانيقة كالعهد بكم واتوقع تشريفكم والاسرة الكريمة بالحضور

[الطويل]

abo-rania الرائع بتاع المشاكل
يا راجل الكلام ده رسلو في رسالة خاصة عايز تودينا في داهية اوكد للجميع انو ما عندي اي علاقة باي زواج جديد ماشاء الله على ام يوسف انشاء الله تقرأ الكلام ده واجدد ثقتي في انو ام رانيا فيها الخير والبركة ودي هترشات لمذبوح ليس الا ... والكلام لا يقود الى اي افعال ...
لقيتني كيف يا فردة
اتوقع تلفون لكلام مغاير


ههههههههههههههههههههههههه

تصدق ياالحلامابى انا مفتكرك شباب زى انا كدى يعنى عمرك 19 / 20 سنه :D :D

وياسيدى ربنا أخلى ليك أم يوسف ويوسف

تعيش وتأخد غيرها :D ;) :p

قصة التلفون دى خليها ساكت بس أخدته فيها بمبه عجيبه :D

[hassansaif]

حبيبنا Hassan Saif
تحياتي التعهد لن يكفيك طالما لم يكن محررا وبدون شهود وقسمة ضيزي ممكن نكتب اقل من منصور خالد فيها في وقائعكم وحنشوف ليك ريحة حمير تطيرك فورا من الحت الناوي عليه وموافقين على مرافقة العجائز لا الجكس في الضلع والمغادرة بعد انتهائه كما درج هولاء العجائز دائما وطبعا ده بناء على طلبك والمتعارف عليه وعلى كدة اتفقنا ان كان لكم طلب لاحق ممكن نناقشو بعد العشاء واخذ التعهدات اللازمة مكتوبة وشكلك حتتعب معاي خالص .
لك الود والتوقع والحضور وصعبة نادي ضباط الشرطة في مدني خلاص وصف لي البيت عشان اجيكم واخدكم معاي .
اخي وحبيبنا مرتضي يوسف العركي
او سعادة المستشار الحلمابي .
لك مني الود مابقيت ارواحنا علي اجسادنا .
يمكنني ان اغادر بعد ان نكحل عيننا بكم يارجل يامحترم والباقي مامهم جلها محض مداعبات لااكثر ولا اقل .
تحياتي وود لايحد
hassansaif

[bakry kassala]

تحياتي للاستاذ/ مرتضى
تمشي وتجي بالسلامة يا الحلمابي
وامنياتي لك أن تقضي اجازة ممتعة, والف مبروك للعرسان ...

[خالد أحمد الصول]

أخي الحليمابي
مبروك علي الاخوان و إنشاء الله ربنا يتمو بالعافية و السلامة و بيت مال و عيال
و إنشاء الله إجازة ممتعة تقضيها وسط الاهل و الاحباب في مدني
..........
أهمس لكم أننا نلتقي دائما بالعائدين في مكتبي بالطابق الثالث بكلية الطب _ قسم الدراسات العليا
مرحبا بك و تجد هناك ما يعجبك
ننتظر رفم تلفونك لزيادة التواصل و هاك: صول:0912641176 سلامي: 0923521134 سواح:0918321844 مكاشفيك 09185350190 نبيل حمدتو: 0922314234

[صلاح ودالطاهر]

بالسلامة إنشاء الله يا الحلامابي وألف مبروك للعرسان وبيت مال وعيال يارب

[الشريف الهندي]

بالسلامة إنشاء الله يا الحلامابي وألف مبروك للعرسان