خسارة كبيره لمدنى [الأرشيف]

مرتضى ساتى

28-05-2007, 11:27 PM

مرتضى ساتى

18-06-2007, 06:57 AM

اخوانى اعضاء المنتدي الرياضى وصلتنى رسائل كثيره وتسال لماذا
تم اغلاق موضوع خساره كبيره لمدنى الاسباب كثيره اولا حتى نضع الاعضاء فى شوق لمعرفة
الشخص المعنى وثانيا حتى يتاكد الخبر وفعلا قد تاكد والف مبروك للعزيز الغالى وبنرجع نقول خساره لمدنى
ومكسب لينا نحن ناس الدوحه والسبب الاخير هو الشخص نفسه المقصود يريد ذلك والى تاريخ قريب لنا موعد
مع معرفة الخبر وياخبر بفلوس بكره مجان ومن هنا بوجه رساله للغالى اخونا 000000 وبقول ليه يا يوم بكره ماتسرع

مرتضى ساتى

02-07-2007, 12:47 AM

الاخوه الاعضاء نزول لرغبة لاعضاء لفتح البوست والذى قفل لاسباب ذكرت سابقا
نفتح البوست ونتاسف للاعضاء ولكم منى العتبى حتى ترضوا

مدنيّة

02-07-2007, 12:51 AM

حمدا لله علي سلامة فتح البوست :D

طب فتحته اها ورينا هو منوووووو:confused:

مرتضى ساتى

02-07-2007, 01:01 AM

هاهاهاها حلوه منك يا مدنيه
وين انتى جالسه جنب البوست
نحن فتحنا البوست للتخمين والبعرف عندو جائزه منى

محمد أحمد الشيخ

02-07-2007, 04:28 AM

ما سليت روحنا يا مرتضي يا ورينا ليهو منو يا أقفلو تاني

هيثم عبدالعال

02-07-2007, 05:16 AM

يا مدنيه يعني ناطه وبتسألي كده عشان تحسديهو وتدخليهو في اللسته بتاعت المغتربين المتبريه منهم ، يا مرتضى أصلو ما توريها خليها الشمار كاتلها . باسطه أنا بوريك بالتلفون بس ما تكلم مدنيه

مرتضى ساتى

02-07-2007, 06:15 AM

دى مدنيه طلعت داهيه واول من عرفت قبل شهرين بس فى وعد بينا نقفل على الموضوع ونترك الموضوع للبقيه واتمنى مشاركة الكل

مرتضى ساتى

02-07-2007, 06:19 AM

محمد أحمد الشيخ

02-07-2007, 08:06 AM

يا مرتضي

الا أبقي حاوي ، عشان أعرفو

mohamed

02-07-2007, 08:28 AM

الاخ مرتضي/ هذا العزيز اعتبره احد الافذاذ الذين انجبتهم مدني, اتمني له التوفيق في كل خطوه.

مرتضى ساتى

02-07-2007, 08:52 AM

والله دى حقيقه يامحمد وطبعا مدنى انجبت الكثير من الافذاذ ولكن هذا الفذ هو
واحد من الذين شقوا طريقهم لوحدهم يعنى من غير تسجيل ولا فك تسجيل
على طول لعب محترف فى الخرطوم بلد مشرف المنتدي العام محل الرئيس بنوم
وهو الان بين مدنى والخرطوم وتذكرة قدومه الى دوحة العرب

مرتضى ساتى

02-07-2007, 08:54 AM

طيب ياجماعة الخير اديكم خيارات ولا نستعين بصديق احسن
انا فى راي نسمع الخبر من صاحبوا احسن
يا حبيب نائم فى الخط انت اظهر وبان عليك الامان

مرتضى ساتى

02-07-2007, 09:00 AM

مدنيه
هيثم
الجندي المجهول
يمكن يكون اخونا باسطه
تاج الاصفياء
عيدروس
يمكن يكون ناصر حيخلى السعوديه ويجى الدوحه
المشرف امير عبد الباقى
سانتو-سمير صالح- معتصم عربى (ابنه)- على بوكو-عثمان بابكر-الحبيب مين الحبيب ده
يظهر انا سرحت شويه

مرتضى ساتى

02-07-2007, 09:04 AM

انا شايف مدنيه ما بتحب الغربه يعنى نستبعد مدنيه
هيثم موجود فى الدوحه نستبعد هيثم
الجندى المجهول فى السعوديه ومبسوط
اخونا باسطه فى الامارات وما اظن عندو فكرة الدوحه
تاج الاصفياء وعيدروس كانوا فى الدوحه ورجعوا ما عارف يكون عندهم فكرة يجوا راجعين
صراحه تعبت من التفكير

مدنيّة

02-07-2007, 09:59 PM

ممكن يا باسطه اقرب ليك المسافه هو من مدنى ومعروف عنه حبه لمدنى وغيرتوا الشديده على مدنى ومقاتل درجه اولى عن مدنى والان يسكن 00000 وشغال0000
وكان فى 00000 قبل الان ومن هنا نقول ليه مشتاقين ياحبيب حاول تسرع وتجى علشان نحن مشتاقين ليك

غايتو يامرتضي لو مليت النقاط دي ممكن اعرفه :cool:

همسة : منو القاليك ما بحب الغربة ؟؟ هسي انا مش في غربة :confused:

وانت ياهيثم ما قلنا ليكم خلونا معاكم مي شان ما نحسدكم :D

عوض صقير

03-07-2007, 12:01 AM

مرتضى ساتى

ماقلته ينطبق على الأخوان

معتصم عيدروس
أو
تاج الأصفياء

كلامى صاح ولاغلط ؟

مرتضى ساتى

03-07-2007, 12:45 AM

الاخ المحامى عوض طبعا استعملت معى اسلوبكم الخاص بس ما حاقدر اقول ليك صاح لانه هو واحد وانت ذكرت اثنين وما حاقدر اقول ليك غلط بصفتك مشرف المنتدى الاسلامى تقوم تطلع لى فتوى اضيع فيها انا المهم يا استاذ الراجل استلم تاشيره ومنتظر شويه قال عندوا شوق لمدنى عايز يكملوا ويسافر

مرتضى ساتى

03-07-2007, 12:47 AM

يامدنيه خلى السر فى بير زى ما اتفقنا
وبينى وبينك انا بطنى ما غريقه اقرب اكتب اسموا واقول اصبر

مرتضى ساتى

03-07-2007, 12:50 AM

يمكن ياسر حداثه ويمكن عوض صقير ويمكن فتوح ود الشيخ ويمكن

محمد أحمد الشيخ

03-07-2007, 03:03 AM

ما ضللنا يا مرتضي عوض صقير قرب للإجابة الصحيحه وقال يا عيدروس يا ود الأصفياء وانا بقول الإجابة الثانيه وكان ما طلعت صاح ما تديني يداك .

Madanawi

03-07-2007, 04:43 AM

مع انو انا ما بريد أخش في جنس الجهجهة دي

لكن بقوا انو الشخص المعني إما أخونا الحبيب معتصم عيدروس
أو أخونا العزيز تاج الأصفياء.

والبمشي مع الافوكاتو المخضرم أستاذنا عوض صقير ما بخسر!!

مرتضى ساتى

03-07-2007, 06:42 AM

طبعا ياباسطه انا بديك يدي وبقول ليك هاردلك واجابتك ما صحيحه
ويظهر المشرفين على المنتدى العام تواصلوا بالرسائل الخاصه ولكن برضوا بنقول معليش رغم الاستعانه بصديق برضوا الاجابه ما صاح
ونقول للافوكاتو انت جهجته الشباب

محمد أحمد الشيخ

03-07-2007, 07:47 AM

طيب أغير الأجابه وأقول معتصم عيدروس
( وهذا من مصدر موثوق به )

معتصم عيدروس

03-07-2007, 10:33 AM

اوعدنا يا رررررررررررب
بس يا ربي لو الواحد فعلاً جاتو السفرية دي حا يقدر يعيش وهو بعيد عن مدني

====
يا مرتضى 21 يوم براك شفتها عملت فيني شنو
عموماً سعيد الحظ مبرووووووووووووك ليه

مرتضى ساتى

03-07-2007, 07:32 PM

باسطه جاك الخبر من سيدو والكلام حلو من خشم سيدو
ده مصدرك طلع تعبان ومعتصم وتاج الاصفياء وعثمان بابكر
كانوا معانا فى الدوحه وكانوا بحسبوا فى الايام علشان يرجعوا
لمدنى عشقهم الاول علشان كده راجع مصدرك

مرتضى ساتى

03-07-2007, 07:34 PM

والله يا معتصم مافى سعيد حظ انت كنت معانا وشفت الغربه زى ما قالت مدنيه
دى الغربه صعبه شديد ونار فى نار بس ما رشحت حد ؟

عوض صقير

03-07-2007, 07:58 PM

معتصم عيدروس
كده فشلت توقعاتنا
ولو الزول ده ما أنت
وأيضا أنت لو ماعارف الزول ده منو
بنكون رجعنا للمربع الأول

وبالتالى بنطلب من أخونا مرتضى ساتى
مدنا بخيارات أخرى

مدنيّة

03-07-2007, 10:28 PM

يامرتضي انا عندي لكم اقتراح
عشان ما تجهجه الناس دي سااااااااااااي:cool:

وقت ما لاقين ليكم زول للفيزا دي ادوني ليها انا علي الاقل الواحد يجرب الغربة السعبة دي:cool:

اها قلتوا شنوووووو

معتصم عيدروس

04-07-2007, 12:06 AM

يا مدينة الخرطوم والدوحة واحد بالنسبة لي ناس مدني
كله غربة في غربة

معتصم عيدروس

04-07-2007, 12:07 AM

يا مدينة الخرطوم والدوحة واحد بالنسبة لي ناس مدني
كله غربة في غربة
بس الثانية مشكلتها ما بتقدري تنطي كل مرة ببصات عزوز ولا الركبي ولا الجزيرة

admin

04-07-2007, 12:15 AM

..لافتة ذكية مضحكة تقابلك في أحد أسواق القاهرة مكتوب عليها ( محلات أبو مرسي للكشري – خدمة 25 ساعة ) .. إنها بالطبع واحدة من مبالغات الشعب المصري وقفشاته الحلوة .. التي لا تعجب الأهلة هذه الأيام ولكن فليسمح لي الأهلة .. وليسمح لي صاحب هذه العبارة الذكية أن أستعيرها لغرض آخر في مقالي هذا .. فمثلما أن (مرسي ) يعمل على بيع الكشري ل 25 ساعة في اليوم فإن صديقي العزيز والحبيب عيدروس .. يعمل في خدمة الصحافة والاعلام السوداني لمدة 25 ساعة يومياً .. ومنذ فترة فاقت العشرة اعوام

نعم عيدروس بالفعل يعمل 25 ساعة في اليوم لا يكل ولا يمل عشقاً وحباً لهذه المهنة المضنية جدا جدا .. فبالإضافة الى عمله في القسم الفني فإن عيدروس معتصم لم ينسى أبداً ان يشارك وبإسهام كبير وفاعل جداً في اثراء الساحة الرياضية بعموده الفريد الوحيد ( من قلب الجزيرة ) .. والذي ظل صامدا ولمدة قاربت الثماني سنوات أو فاقتها دون إنقطاع إلا ( للشديد القوي ) فكان هو صوت الجزيرة النابض وقلمها الشفيف القاطع .. لاقى ما لاقى من تهديد ووعيد ممن مسهم قلمه بالحق الى درجة وصلت الى تهديده ( تجي مدني .. ح يكون آخر يوم في عمرك ).. ومن الطرائف ان عيدروس ذهب بالفعل الى مدني .. ولم يصبه غير نسيمها الحاني النظيف ...

كافح ونافح من أجل جمهور مدني .. يشد على أذر القابضين على جمر القضية .. ويحاول دون كلل أو ملل هداية من جرفتهم موجة تشجيع هلاريخ في مدني .. حاولنا نحن معه كثيراً .. أصابنا الملل واليأس من تقويم هذا الإعوجاج .. وهذا المرض العضال .. ولكن توقفنا عندما شعرنا أننا نحرث في بحر.. ولكن ( معتصم ) كان معتصما بقناعاته .. لم يقنط .. ولم يتوقف أبدا عن الكتابة لمدني وأبناء مدني صوتاً جهوراً لم يكن صداه على صفحات الصحف فقط ولكنه اقتحم الفضاء السايبري ليصل الى أقاصي الدنيا .. وما عليك عزيزي إلا ان تكتب كلمة ( مدني ) في اي محرك بحث على الإنترنت وسوف تتفاجأ بمئات المشاركات لمعتصم عن محبوبته مدني وفي عشرات المواقع السودانية والعربية .. وليس هنالك اي محاولة للمبالغة من طرفي هنا .

هذا العيدروس يا أحبتي يحزم حقائبه هذه الأيام للمغادرة الى خليج العرب الذي عرف كيف هي قيمته وما هي فعاليته .. تخيلوا ان يهاجر شاب بمواصفات عيدروس ليقدم عصارة جهده لفائدة دولة

أخرى .. نعم ربما يتواصل عيدروس مع قراءه بفضل تقانات الإتصالات الحديثة .. ولكن ما يحز في النفس ان يغادر عيدروس بلاده ومدينته التي أحبها (لاسباب مادية ) على الرغم من الكم الهائل الذي يحمله معتصم من خبرة وتفرد .. وياللخسارة!!

صديقي معتصم.. أعلم تماماً أنك أكثر المتألمين لهذا الفراق .. فقلبك النقي الرقيق الذي نعرفه جيدا لا يحتمل الآم الغربة وأهوالها .. ولن يقوى أبدا على الشوق الى الاحباء والاصدقاء.. فمعتصم عيدروس ذلك الشاب الرقيق المهذب .. ارتبط اسمه بمدني .. يزورها في كل اسبوع على الرغم من الخدمة ( 25 ساعة ) وعلى الرغم من وجود اسرته الصغيرة هنا .. ولكنه كان دائما على العهد بلقاء جمال الخطيب .. وبكري عراقي .. ومحمد الديبة وسيف الدخيرة وخالد ومزمل أدروب .. وبدر الدين جحا .. ينتظرونه في كل اسبوع للسهر والسمر أمام بقالة معتز( دقس) .. يعشقه ابناء مدني لوفاءه هذا .. ولمشاركته افراحهم واتراحهم

نحن حزينون لسفرك يا عزيزي معتصم .. ولكن كلنا أمل أن تعود قريباً .. حينما يكون في بلادي من يعرف ويقدر ويقيم من هم أمثالك .. سافر يا عيدروس .. فنحن على ثقة بأن قلبك وقلمك لن يغادرا معك ..

لا اشك ابدا في ان رابطة اعلاميي مدني .. وزملاء عيدروس في مختلف الصحف سوف يفتقدونه كثيراً .. ارجو ان نحسن وداع معتصم .. اوجه الدعوة للجميع

قف :

أبقوا عشرة على صفحة قلب الجزيرة يا الطيب .. إنت وأسامة حسبن .. كررها معتصم في أذني عشر مرات .

الطيب علي فرح .. كيي بورد

نقلا عن موقع المشاهير وجريدة الخرطوم

مدنيّة

04-07-2007, 12:21 AM

يعني ياادمن مرتضي مجتهد ومستمتع بحيرة الناس دي وانت جيت تختها ليه كدا !!:eek:

مرتضي اها تبعا ما ح تقدر تقول تلت التلاتة كم ، دا الادمن:D

مدنيّة

04-07-2007, 12:23 AM

يا مدينة الخرطوم والدوحة واحد بالنسبة لي ناس مدني
كله غربة في غربة

خلا يا معتصم تبدل !!

مرتضي انا ما قلت حاجة دا الادمن اللي جابها ليك بالثااااااااابتة:D

admin

04-07-2007, 12:25 AM

يعني ياادمن مرتضي مجتهد ومستمتع بحيرة الناس دي وانت جيت تختها ليه كدا !!:eek:

مرتضي اها تبعا ما ح تقدر تقول تلت التلاتة كم ، دا الادمن:D

انا ما قلتا حاجة دا الطيب على فرح القال .. انا نقلتا الموضوع بس .. بطلي شغل المديدة حرقتني دا يا مدنية الزول دا اخوه المستشار دايرة تودرينا

معتصم عيدروس

04-07-2007, 12:28 AM

والله دا الخايف منو زاتو
يا ادمن انحنا موضوع السفر دا متجاهلينه وبنقول يا ريتو ما يحصل..
الله يجازيك ويجازي الطيب علي فرح
يا مدنية والله الخرطوم ما غربة للحا اشوفوا هناك لو ربك قدر وسافرت
انا عندي صاحبي شاعر كبير اسمه عبدالعال السيد بقول
الناس تشوفني سعيد يتمنوا بسماتي يا ريتو لو عارفين الجوة في زاتي

مدنيّة

04-07-2007, 12:31 AM

مرتضى ساتى

04-07-2007, 12:31 AM

ده كلام عجيب يا عيدروس انت من زمن الركبى نحن لينا سنين
والان عرفنا فى بصات جديده (سوار) انت الظاهر الحديده بتاعتك سنينه ما بتشوف
السوق الشعبى (المطار الارضى) ومن هسى قال ليه بقيت تنسى المهم ياشباب
علشان الموضوع ما يمسخ يوم السبت بديكم الخبر الاكيد وحتكون مفاجاة

مرتضى ساتى

04-07-2007, 12:35 AM

مافهت حاجه يامدنيه بينى وبينك انا فهمى تقيل

مرتضى ساتى

04-07-2007, 12:38 AM

ده كلام يا رئيس

مرتضى ساتى

04-07-2007, 12:41 AM

نقول مبروك لاخونا عيدروس وهو طبعا فقد كبير لمدنى من خلال قلب الجزيره
ومكسب كبير لينا ومرحب بيه فى دوحة العرب

مرتضى ساتى

04-07-2007, 12:56 AM

التحيه لمدنيه طبعا اول العرفين سبحانه الله الزوله دى خطيره جد وربنا ريحك
من معتصم تانى هلال مريخ على كيفك وهو الان مع الريان والغرافه والسد
الافاكاتو عوض صقير اثبت انك فعلا افكاتو شاطر
الريس ريس ما نقدر نقول حاجه غير كده رغم انه رماه رميه عجيبه
والحمد لله ما جات منى يامعتصم انا وعدتك
باسطه رايك شنو ما فقد وخساره فعلا انت قلت اول ود الاصفياء وهو ممكن يكون نمره اثيين طيب فضل منو؟

معتصم عيدروس

04-07-2007, 12:59 AM

يا مرتضي والله انت الظاهر عليك جيت السودان وما ركبت بصات
لانو اسع في الركبي بصات جديدة مكيفة .. وفي عزوز الجديد برضو جديد مارسيدس 2006

معتصم عيدروس

04-07-2007, 01:02 AM

يا مرتضى انا الحا ارتاح من مدنية لو الادمين وافق على الاقتراح الاديته ليه
يا مدنية والله انا مما عرفتك اخت منو غيرت فكرتي القديمة فيك ان شاء الله تغيري فكرة ديكتاتور دي

مرتضى ساتى

04-07-2007, 01:48 AM

المهم مين حيمسك الرايه فى قلب الجزيره ونحن من الان بنقول ليك
لازم تعمل عامود باسم مدنى فى جريدة العربى والا000000

مدنيّة

04-07-2007, 02:55 AM

يا مدنية والله انا مما عرفتك اخت منو غيرت فكرتي القديمة فيك

فكرتك كانت شنو ياعيدروس عليك الله عشان اشوفها ياها ولا مختلفة:D

الطيب علي فرح

04-07-2007, 03:05 AM

أعزائي .. ابناء العاصمة الأولى .. والعز العائد لا محالة .. تقبلوا تحياتي وحضوري عضوا في منتديات حبيبة القلب ( مدني ) اتمنى أن اكون اضافة لا خصم على ما تنثرونه من درر على فضاء ودمدني السايبري .. تحياتي
الطيب علي فرح

مرتضى ساتى

04-07-2007, 07:14 AM

الاخ الغالى الطيب على فرح مرحب بيك فى ديارك وشرفت ونورت المنتدي
وانت طبعا جيت بالجديد ودخلت توش والريس تم الباقى بمقالك الرائع
المهم فرقعتوا لى البرنامج ولكن معليش وكويس جات منكم لانه اناوعدت معتصم
وبقول تانى مبروك علينا معتصم فى الدوحه وانت فى المنتدى

الطيب علي فرح

05-07-2007, 04:05 AM

شكرا ليك مرتضي ساتي ( ساتنتود ) يبدو انك دنقلاوي .. كحالي .. بالمناسبة عيدروس عندو اصحابو في مدني - محمد ساتي - طارق ساتي - فتش يمكن يطلعو قرايبك .. تحياتي وأبقى عشرة على عيدروس عندكم هناك في الدوحة .. وبخصوص شوقو لي مدني وكدا .. ما عليك الا انك تقوم تشوف ليك حيطة تكتب فيها ( مدني ) وتقوم تسوقو كل يوم اتنين للحيطة دي .. احتمال يتبرمج على انو الحيطة دي مدني ..
تحياتي يا حبيب

هيثم عبدالعال

06-07-2007, 02:05 AM

مرحبا بمعتصم عيدروس بدوحة العرب فهو صاحب خبره كبيره ومتفرده أثبتت علو كعبها في مجال الإعلام حتى أضحى مطمعاً لصحافة الخليج سعت هي نحوه وغازلته حتى ظفرت به نجماً لتسجيلاتها التكميليه .
إشاره : مرحب ومراحب ومليون أهلاً وسهلاً بحامل المشعل وخير خلف لخير سلف ، العزيز (الطيب ) كلنا ثقه في كونك أهل لمواصلة المشوار وأن المنتدى كسب عضواً مميزا وإضافه حقيقيه ليس في الرياضه فحسب بل في كافة المجالات .

صديق بلال

06-07-2007, 08:04 AM

وصلنى خبر يفيد ان احد الشخصيات المهمه فى مدنى سوف تغادر مدنى ويحط بها الرحال
فى دوحة العرب ووبقدر ما اسعدنى الخبر (طبعا للان الخبر ما اكيد) بقدر ما احزنا لاننا سوف نفقد
عضو فعال فى المنتدى الرياضى من داخل الوطن بقدر ما يسعدنا ان يكون بيننا صاحب الخبر وحتى يتاكد الخبر
نحن فى الانتظار

يا أخينا يا مرتضى ساتي... ما ترضي أحبائك في المنتدى وحدثهم بإسم الشخص المغادر إلى الدوحة... وأحب أن أطمئن الأعضاء بأن أخينا المسافر سوف يتواصل معكم... حتى لو سافر إلى الصين... سوف يتواصل يتواصل معكم عبر الشبكة العنكبوتية... حتى هو ما يستطيع أن ينساكم لإنكم جميعا هواه الذي يتنفس به والمنتدى بيته وسكناه مهما بعد بجسده عنكم... فالإنسان في الغربة يحن أكثر إلى وطنه الذي يحتضن أهله وأحبائه وأجمل ذكرياته... فأطمئنوا جميعا...

معتصم عيدروس

06-07-2007, 11:46 PM

الاخ صديق بلال تحياتي
لو ما كنت من ناس ديل وا اسفاي وا ماساتي وا ذلي
هذا المنتدى سيشكل لنا دعماً معنوياً كبيراً في الغربة فهو يذكرنا بارضها الطيبة البكر بما يحويه من اشخاص قدمواو ما زالوا يقدمون الكثير لها.. واذا تخلينا عنه فتأكد اننا قد تخلينا عن جذورنا وهو ما لا يمكن ان يحدث ..

العزيز الطيب علي فرح..
أؤكد بأنك ستكون اضافة طيبة لهذا المنتدى .. بس زي ما قلت ليك .. ابعد لينا من ناس محمد حامد الجزولي ديل بتاعين مشاكل ساااااااااااكت..

الأخ المستشار هيثم عبدالعال
كلماتك أكبر من احتملها ، واتمنى صادقاً أن اشكل الاضافة التي تتمنوها وان اكون قدر التحدي..
==========

عوض صقير

07-07-2007, 01:26 AM

الأخ مرتضى ساتى

فعلا عيدروس فقد كبير لمدنى
عرفناه من خلال كتاباته المتميزة الفريدة الشجاعة
عرفناه غيور ومحب لمدنى
وأحببناه لحبه لمدنى

معتصم عيدروس صاحب قلم وصاحب رأى لاتعتريه الحدود والمسافات
بأذن الله تعالى سوف تصل كتابات عيدروس
لكل محبى عيدروس
أينما وجدوا

وكلنا نعرف بأن عيدروس سوف يذهب ويهاجر
ولكن ما لانعرفه هو
بأن مدنى سوف تكون بجانبه لاتفارقه لحظة

وفى أعتقادى المتواضع بأن هذه المرحلة بالنسبة لعيدروس
سوف تفجر فى دواخله براكين من الحب والغيرة لمدنى
وبالتالى سوف نحظى بمزيد من الأبداعات لعيدروس

رافقتك السلامة
أبوأحمد

معتصم عيدروس

07-07-2007, 01:35 AM

الاخ المحامي عوض صقير

تحياتي
مدني في دواخلنا بلا شك .. واصدقك القول انني ما زلت متنازعاً ما بين غربتي الحالية في الخرطوم ( والتي هي اقرب لمدني بحسبان انني ارجع اليها كل اسبوعين ) وما بين غربتي مع ناس مرتضى عبدالعال والتي ستمتد ان وفقني الله لعام كامل بعيداً عنها ..

دعواتكم لنا أن يلزمنا الله الصبر..
ويا مرتضى جهزوا المناديل

حي المدنيين

23-07-2007, 08:52 AM

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ وَبَارِكْ عَلَى ُمحَمَّدٍ

وَعَلَى آلِ مُحَمَّدٍ كمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ فِي الْعَالَمِينَ إِنَّك حَمِيدٌ مَجِيدٌ

مشكوووووووووور
مشكوووووووووووووووور
مشكوووووووووووووووووووووور
©§¤°يسلموو°¤§©¤ــ¤©§¤°حلوو°¤§©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــــــــــــ¤©§¤°حل و ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــــ¤©§¤°ح لو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ــ¤©§¤°حلوو°¤§©
مشكوووووووووووووووووووووور
مشكوووووووووووووووور

يعطيك العافيه