شواكيش

[شبارقاوية]

شاكوش يعني واحد من الطرفين يخلي التاني .. لغير الناطقين باللهجة السودانية ..

لمن يزهج الولد من البت ويفكها عكس الكتاحة بمختلف

التخصصات ولغات التخصصات


--------------------------------------------------------------------------------

كلية طب الأسنان
لمن يحصل تسوس بالشكل ده في حياتنا يا ندى...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصيرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة


--------------------------------------------------------------------------------

كلية علوم التغذية
ندى انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
كفانا مواد حافظة يا دي


--------------------------------------------------------------------------------

كلية هندسة الجينات
ندى...انتي عارفة انو جيناتك هي السبب؟!!...ضعف المناعة العاطفي موروث في عيلتك.. أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته


--------------------------------------------------------------------------------

كلية علوم الطيران
ندى...يؤسفني اقول ليكي اني دقيت ليكي خروج نهائي من حياتي...اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة


--------------------------------------------------------------------------------

كلية الموسيقى و المسرح و الدراما

اسمعيني يا ندى...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟


--------------------------------------------------------------------------------

كلية هندسة الاتصالات
بصراحة يا ندىانا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت..ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة


--------------------------------------------------------------------------------

كلية الهندسة الزراعية
عارفة يا ندى؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا


--------------------------------------------------------------------------------

كلية علم البصريات
ندى انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي
I

H
A
T
E

U
أها غمضي العين الشمال...وافتحي اليمين...قريتيها؟ ...... كلك نظر يا ندى


--------------------------------------------------------------------------------

كلية علم الكيمياء
شوفي يا ندى لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي


--------------------------------------------------------------------------------

كلية علم الاقتصاد
عارفة يا ندى..المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟


--------------------------------------------------------------------------------

كلية الآداب قسم علم الآثار
ندى اسمحي لي انك تحفة مزيفة...الجكس كلهم تحف عتيقه و نادرة الا انتي.. ما عندك غير فك الرموز بالطريقة التعجبك...تنقبي عن المشاكل تنقيب...وبعدين انا وانت اساس حضاراتنا مختلفة من البداية...وافتكر حقو ندفن البيناتنا بعد ده.... هووووووووووي مالك بتعايني لي كدا...ما فهمتي؟...ليــــــــــــه أنا بتكلم لغة مسمارية ولا شنو؟...شنو لعنة الفراعنة الانا اتبليت بيها دي


--------------------------------------------------------------------------------

كلية الفيزياء قسم العلوم الفلكية
اسمعي يا ندى انتي ما لاحظتي انو سنتنا الضوئية مرت بسرعة؟
يا بت الحلال الشمس والقمر ما بتلاقو في سما وااااااااحدة...يعني
باختصار نجم حبنا أفل... وبعدين انا كنت قايلك مجرة مختلفة عن باقي المجرات...كنت قايل ما ليك زي في الكون...طلعتي ثقب اسود في حياتي...وانا بالشكل ده ح الف معاك مدارات الحياة من غير اي هدف
أفتكر كلامي واضح وضوح كوكب الزهرة الساعة 4 الفجر


--------------------------------------------------------------------------------

كلية علوم البحار
اسمعي هنا ده... مركب فيهو قبطانين بغرق أديـــــــــــــــــــــــــــــــــــــــــــــــ ـل كدة...وبعدين انتي ما ملاحظة اننا دايما ماشين عكس التيار؟...وانو أمواج الحياة بترزع في مركبنا ده يمين وشمال من غير اي سبب...انت ليــــــــــــــــــــــه مصرة تغرقيني معاك يا ندى؟... ياخي انا زهجت من المد والجزر الحاصل لي بسببك
يلا بعد ده نزلي شراعك من حياتي ...واقطعي خطافك عني
البحر ملاااااااااااااااان اسماك


منقووووووووووووووووووووووول

[مختار بازى]

وين ناس الترجمة ؟؟؟

[الشريف الهندي]

هههههههههههههههههههههههه
قلت لي يانختار داير ناس الترجمه ....ز لاحوله ولاقوة والله قلبت الهوبد .... اها تتخيل يكون شاكوشهم كيف ناس الترجمه ديل ............
طيب ونحنا ناس الداتا بيز والباك اب والبرمجه هههه الحمد لله ماقاعدين ناخد شواكيش ولافي قاموسنا الكلام ده

[الطويل]

والله يا شبارقاويه من شفته كلمة شواكيش قلته خلااااص أكيد الحكايه فيها مختار بازى وطلاااال ود الصول :D ;) :p لكن شكلى دخلته غلط

بس مامشكله بالله عليك ماتنسيهم المره الجايه









مختار وطلااال يعنى منو فى غيرهم مشوكشين :D :D :D

وتسلمى على المووووضوع يا دكتووووره

[شبارقاوية]

والله شكرا لكم انتم
الفروض اى زول عنده تخصص غير المكتوبين ديل يكتب بصيغة تخصصه
وورونا الابداعات

[مختار بازى]

هههههههههههههههههههههههه
قلت لي يانختار داير ناس الترجمه ....ز لاحوله ولاقوة والله قلبت الهوبد .... اها تتخيل يكون شاكوشهم كيف ناس الترجمه ديل ............
طيب ونحنا ناس الداتا بيز والباك اب والبرمجه هههه الحمد لله ماقاعدين ناخد شواكيش ولافي قاموسنا الكلام ده

والله يا الشريف لقيت كل التخصصات الا مجالي مع انو انا الوحيد المضرر من الشواكيش
قلتة اشوف حقنا دا كيف عشان اعمل حسابي من هنا لي قدام:D

[مختار بازى]

والله يا شبارقاويه من شفته كلمة شواكيش قلته خلااااص أكيد الحكايه فيها مختار بازى وطلاااال ود الصول :D ;) :p لكن شكلى دخلته غلط

بس مامشكله بالله عليك ماتنسيهم المره الجايه









مختار وطلااال يعنى منو فى غيرهم مشوكشين :D :D :D

وتسلمى على المووووضوع يا دكتووووره

انا عارف انتة لو دايرين يقتلوك ما بتخلي الشمار دا:D

[مختار بازى]

والله شكرا لكم انتم
الفروض اى زول عنده تخصص غير المكتوبين ديل يكتب بصيغة تخصصه
وورونا الابداعات

دكتورة شبارقاوية


Please accept my respect and appreciation to yourself Please accept my last participation and respect exists between us

[ابوالنور]

ونساسنا ديل بيمشو استار كنترول بنل اد ريموف

طوالي وطوالي والي ووووووووو

حلوة الشواكيش دي

[طلال الصول]

هي ندى لافة الجامعة كلها من كلية لي كلية

[محمد السر احمد]

كلية الهندسة الزراعية
عارفة يا ندى؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا

هههههههههههههههههههههههههههههههههههه
اسمعي دي حبها دي اصيب بالدودة الامريكية ولي تبرقع الاوراق
لكن دا كلو نحنا بندويهو وبنقدر عليهو بس كعب الكعب الكعب المابعرفو ليهو دواء


لكن جد حلوة يا دكتورة

[طلال الصول]

كلية العلوم الرياضية والحاسوب

اسمعي ياندى الجمع بينا مستحيل بما انو الدوال بتاعتنا مختلفة
وعلشان نعرف المقاييس لازم نعمل برنامج محدث يكون فية ذكاء بشري
ماصناعي علشان البرنامج ما يتفرمط وعلى كدا احناشكلنا اتفرمتنا من بعض

[Madanawi]

يا شبارقاوية يا رائعة .. البوست ده مفروض تسميهو .. جامعة الشواكيش !!

قمة في الروعة ،،،،،

[شبرقية]

اجازي محنك مباااااااااااااااااااااااااااالغة
وعلي قول مدناوي كان تسميها جامعه الشواكيش
بس عاوزة اعرف ندي دي زعلتك في حاجة
ياخي راسا تدشدشا وتفركشا

[شبارقاوية]

شكرا لكل الاخوة على المرور ولكل من ابدع فى كتابة شاكوش على لغته
ويا مختار شمارانا ما فهمت قصدك
ويا شبرقية هسى بقلب الكلام دا كلو باسمك

[nasir]

وياشبارقاوية ناس كلية علوم القران بس يفتح المصحف ويقروا سورة
الطططططططططططططططططططططططططلاق
بس عندهم فرصة الرجوع هههههههههه

[شبارقاوية]

وياشبارقاوية ناس كلية علوم القران بس يفتح المصحف ويقروا سورة
الطططططططططططططططططططططططططلاق
بس عندهم فرصة الرجوع هههههههههه
ههههههههههههههههههه
والله دى ما سبقك عليها زول
ابدعت
تسلم

[مختار بازى]

I respected myself from what I hear talk because I feel that in two sensitive





With my sincere respects

[مختار بازى]

يا شبارقاوية وين شواكيش ناس الترجمة ضروري باقي لي مضررين
شدددددددددددددددديد والله:D

[ابراهيم]

اسمعيني يا ندي نحن لازم نعمل DeepFreeze لى علاقتنا دي عشان يحصل ثبات لأنو تأرجح المشاعر دة بعمل لي اكتئاب ال الهارديسك بتاعي ما ممكن ياخ شوفي هسي نحن عملنا فورمات كم مرة ولسا الفايروس قاصد الماستر بوت في قلوبنا انا زهجت ياخ .. واذا دي حركاتك معاي انا من بكرة بشتري هاردسك جديد وحانزل وندس فيستا وما عايز اي xp فيهو تفاصيلك

[الشريف الهندي]

اسمعيني يا ندي نحن لازم نعمل DeepFreeze لى علاقتنا دي عشان يحصل ثبات لأنو تأرجح المشاعر دة بعمل لي اكتئاب ال الهارديسك بتاعي ما ممكن ياخ شوفي هسي نحن عملنا فورمات كم مرة ولسا الفايروس قاصد الماستر بوت في قلوبنا انا زهجت ياخ .. واذا دي حركاتك معاي انا من بكرة بشتري هاردسك جديد وحانزل وندس فيستا وما عايز اي xp فيهو تفاصيلك

والله ابدعت انا مما شفتك دخلت على المحله دي عرفتك بتكون جيت تبدع .. ابداع بس والله
وانت ابو الشواكيش كبها ليك الف تحيه

[ترنيمه حزن]

هههههههههههههههههههههههههههههههه
اول حاجه الله يكفينا شر الشواكيييييييييييش ويبعدا عننا قول آمييييييييييييين....
بالجد اي زول بعبر بطريقتوا الخاصه .... روووووووووووووعه ويديك العافيه...