المساعد الشخصي الرقمي

مشاهدة النسخة كاملة : خصخصة الانديه


مرتضى ساتى
30-05-2007, 01:20 AM
امس دار حوار فى قناة النيل الازرق وكان محوره خصخصة الانديه والكل ادلى بدلوه فى الموضوع
ونحن بدورنا عايزين نعرف راي الجميع
تخريمه ياناصر بعد خصخصة الاداره المركزيه قالوا المرتبات بقت مطره والكهرباء مابتقطع نهائيا صحى الكلام ده
مدنيّة
30-05-2007, 03:23 AM
والله بنظرة عامة كدا اي حاجة خاصة سيدها بهتم بيها واي حاجة عامة ماعندها وجيع

هسي شوف بعد عدادات الجمرة الخبيثة مابتلقي نور مولع ومافي زول قاعد فيه بس تعال شوف في المكاتب العامة والله حاجة تغيظ ، جنبنا قسم شرطة والله كل ماارجع من الشغل القي انواره مولعه وبقول بيني وبين نفسي هسي لو دا في بيوتهم بخلوه النور فاتح والشمس × نص السماء

ياربي قصدي واضح ولا اوضحه زيادة
محمد أحمد الشيخ
30-05-2007, 03:29 AM
والله يا مدنيه كلامك واضح
لكين الله غالب نعمل شنو ياهو حالنا
روبش
30-05-2007, 05:41 AM
الاخوة ... مرتضى ومحمد احمد الشيخ .. مدنية
رأيكم شنو في خصخصة المنتدى الرياضي
nasir
30-05-2007, 05:50 AM
يامرتضي تاني جبت سيرة الخصخصة
كمان في المنتدي روبش عايز رايكم
والله انا من اسمع الكلمة ده ارجف ذي اللاعب ضد السد114 هههههههههه
بس الخصخصة مفيدة جدا من جميع النواحي بس الفهم الصاح المشكلة
والكهرباء خليها ساي وانت جئت قريب من السودان ما تقلب علينا المواجع
لك تحياتي ولجميع الاخوان
مرتضى ساتى
30-05-2007, 07:18 PM
مدنيه باسطه وروبش وناصر لكم الود على المداخله
ومدنيه قصدك واضح زى الشمس × نص السماء بس كمان الومك فى حاجه واحدى
ناس قسم الشرطه ديل ماتتكلمى معاهم فى القصه دى وقولى ليهم اعملوا ترشيد ولو حبسوك بندفع ليك
الضمان
وحالنا يغنى عن السوال ياباسطه
اخوى روبش اول واحد حيعنقد معاك ويختك فى راسوا مدنيه والسبب انا عارفوا ده معتصم عيدروس اعصابوا تلفت وراسوا لفه ونفسوا انقطع من خصخصة المنتدى الرياضى ولكن بنحاول ما عليك
يا احلى باك سوال على الماش انت بعد نحن تركنا (....) الاداره المركزيه فاهمنى انت برضو لحقوك بنات طه ولا مشيت بارادتك
والله انا فعلا استمعت بالاجازه عارف كيف كل ما امشى السوق وارجع الساعه اثنين القى الكهرباء مولعه والمكيفات ضاربه ضرب نار وديك يانومه للساعه خمسه بكون بدون نوم يعنى خليها على الله
nasir
30-05-2007, 08:33 PM
تعرف يامرتضي انا الخصخصة كانت ماشه معاي حلاوة
بس القدر دردقني للاغتراب والحج الحمدلله
وكمان مسكت محل الكوتش في الادارة شفت كيف وبقيت مدير لمكتب وسط وحتي تم تقييم لشهادتي الجامعي واخوك طبعا لحام مع مكي (عرفتو) وحتي ايام الحج الاخير حاولني ان ارجع للهيئة تاني
وانا الان مشغول بدراسات عليا0ماجستير عن الهجرة السودانية

وبالمناسبة مكتبكم القديم ايام ناس ثروة عبود وساكس الله يرحمه ويحسن اليه والفاضل عبد الرحمن طبعا مغلق بالشمع الاحمر وموجود في جدة فداء الدين هو اتصل علي بس ما عرفتو
المهم ربك يسهل علينا
وتحياتي لك والاسرة
مدنيّة
31-05-2007, 02:25 AM
الاخوة ... مرتضى ومحمد احمد الشيخ .. مدنية
رأيكم شنو في خصخصة المنتدى الرياضي

والله يا روبش حيرت افكاري في خصخصة المنتدي الرياضي دي
ههههههههههههههه
تعرف الخصخصة بانها
سياسة تحويل الملكية العامة ( الدولة ) إلى ملكية خاصة ( الأفراد أو الشركات بأنواعها ) ضمن ضوابط وقوانين الدولة
اها نعتبر انه الادمن هو ( الدولة ) وناس مرتضي ديل (الافراد او الشركات ) ولا ياربي الفهم كيف :confused:
مدنيّة
31-05-2007, 02:28 AM
ومدنيه قصدك واضح زى الشمس × نص السماء بس كمان الومك فى حاجه واحدى
ناس قسم الشرطه ديل ماتتكلمى معاهم فى القصه دى وقولى ليهم اعملوا ترشيد ولو حبسوك بندفع ليك
الضمان


يامرتضي وقت جابت ليها كلام مع ناس الشرطة
مافي داعي لخصخصة اي شئ

همسة : مامعروف يمكن يكون فيها اعدام تواااااااالي مش ضمان
روبش
31-05-2007, 07:23 AM
مدنية ..
لكي التحية ..
مرتضى جاب لينا مشكلة بتاعت الخصخصة مع ان المنتدى خاصة بشؤون رياضية ، دخل الكهرباء في الموضوع واتذكر ايام زمان .. وكمان عايزين تودونا خارج السور .. فحاولت اخصخص المنتدى من ( ....... ) إلى ( ........ ) واللبيب بالاشارة يفهمو ... اعتقد انك فاهمه قصدي من الخصخصة بتاعت المنتدى يا مدنية .. لو حار بيك الدليل اتصلي على مرتضى هو فاهم قصدي