المساعد الشخصي الرقمي

مشاهدة النسخة كاملة : اخطب لي بنتك و ما تخطب لي ابنك


meshanshow
30-05-2007, 03:35 AM
اكيد فى منكم سمع عن المثل ده من قبل و عايزين نتناقش فيهو
مدنيّة
30-05-2007, 03:39 AM
والله كلام صح مئة × المئة

لما تختار لبتك واحد ذو خلق ودين ويخاف من ربه ح تكون مطمن عليها العمر كله لانها البت مهما تكون قوية برضو ضعيفة ومحتاجة لزوج ممتاز يكون معاها
meshanshow
30-05-2007, 04:00 AM
طيب يامدنيه انتي في رايك انو لو جاء الاب و قال لي بنتو انا جايب ليك خطيب حترضي بيهو؟؟
مدنيّة
30-05-2007, 04:12 AM
طيب يامدنيه انتي في رايك انو لو جاء الاب و قال لي بنتو انا جايب ليك خطيب حترضي بيهو؟؟

هي ما كدا يامي شان شو
بس لما هي تجيب ليها واحد ما يوافق عليه والسلام لانها هي جابته من غير ما يساله عنه كويس ويحاول يعرفه ويعرفه اخلاقه ودينه كويس
Madanawi
31-05-2007, 12:45 AM
زوجة سيدنا موسى عليه السلام والدها هو من خطبها لسيدنا موسى عندما طلب منه أن يسقي له في ثمانية حقب على ان يزوجه احدي ابنتيه .. وقد كانتا تنتظران حتى يصدر الرعاء وكل القوم قبل ان تسقيا من البئر ،، وحتى البنات هما اللاتي طلبتا من والدهما ان يستأجره وقالتا له ان خير من استأجرت القوي الأمين ،، إذا فهو فعل حميد .. وسنة من سنن الرسل ،،،
meshanshow
02-06-2007, 02:14 AM
مدناوي كلامك صح
meshanshow
02-06-2007, 02:16 AM
طيب يامدنيه يعني لما ابوها اجيب ليها واحد حترفضه عشان هي مابتعرفه و لا قعدت معاهو و.....الخ
Madanawi
02-06-2007, 04:36 AM
مدناوي كلامك صح

الصحيح هو أن مواضيعك جيدة .. وتفاعلك إيجابي بالرد على كل مشاركات الاعضاء ،

مزيدا من التألق يا رائع ،،،،،
meshanshow
03-06-2007, 02:56 AM
تشكر يامدناوي ود من زوقك
Bet-alsudan
03-06-2007, 03:12 AM
صح المثل وانا معااه .. في حديث بقول (ايما امراة نكحت بغير اذن وليها فنكاحها باطل باطل باطل ).. من شروط عقد الزواج رضا الوالدين . وانا بعتقد انو من المستحيل الاب يجيب لي بنتو زوج ما عارف اخلاق ولا دين ... ودائما الاب حريص على مصلحة الزوجة (بنتو ) حتى تختار الزوج المثالي والحريح في حياة ..


موضوع رااااائع .. دمت
طارق محمد الحسن
03-06-2007, 11:11 PM
واللة الموضوع رائع وكاتب الموضوع زاتو رائع اها الزمن دا يااخوى بقت مافى خطوبة تمشى تقول داير البت ابوها طوالى يعقد ليك يقول ليك انحنا ماعندنا خطوبة ويكو ن موضوعك انتهى وراسك ضرب والجاتك فى مالك سامحتك ولاشنو
meshanshow
04-06-2007, 11:23 PM
كلامك صح ياطارق حكاية العقد دي شايفها منتشره الايام دي
meshanshow
04-06-2007, 11:25 PM
بت السودان صح انو الاب بيختار الزوج الكويس لكن هل البنت بتقبل لو جابوليها عريس
Bet-alsudan
05-06-2007, 12:04 AM
بت السودان صح انو الاب بيختار الزوج الكويس لكن هل البنت بتقبل لو جابوليها عريس


هي شنو عايزة اكتر من زوج يهنيها في حياة ويكون ذو اخلاق ودين اعتقد ده الاهم
الفارس البنفسجي
05-06-2007, 07:53 AM
هذه الطريقة للإختيار تنم عن ذكاء أجتماعي
مطلوب ... ولكن في الغالب فإن كبرياءنا
كرجال يمنعنا من ذلك ...أما النساء فهن
ماهرات في ذلك.
صالح شرف
05-06-2007, 07:53 AM
ما تفوتوا....
عشرة سنة بس ...
وارجع ليكم....

من شان شو
قبل ما امشي....

صح الكلام... والفكرة بتصبح غلط لما الاب يفرض رأيه علي بنته ويضيع حقاً اكسبها الدين إياه ...
وذلك بفرض انه من أوجدها في هذه الدنيا ... ورعاها ... وراها تكبر ...
وهذا الموال....


اسمع ما تقول لي تعال ...لاني يمكن اتاخر شوية ,,,,



يجعلوا عامر...
ما قميصه,,,...,,,...,,,...,,,...,,,


صاااااااااااااااااااااااااالح
meshanshow
11-06-2007, 10:35 PM
مشكورين علي المشاركه