المسكوت عنه.. أولاد وبنات مدني المفترى عليهم/هن..

[معتز الريح]

الأخوان والأخوات ..
بما أن هذا المنتدى لمناقشة مواضيع تهم ودمدني وساكنيها ..
فهذا الموضوع واحد من المواضيع الواجب مناقشتها ..

أولاد مدني وبناتها قمة في الروعة والانسانية ..
والعلاقات الطيبة التي تجمعهم تسبب لهم الغيرة من الجميع
إلا من يعرف مدني وشبابها ..
والله فوق مدني ..

نبوغ شاب مدني في كل المجالات جعل الآخرين يحسدونهم ..
ويسعون للهمز واللمز لهم أخلاقياً ..

لو جينا للجد .. أرقى وأحلى وأحرف ناس
(أحرف دي تشمل علم ، كورة ؛ كوتشينة؛ أناقة ، ووووووووو) كتيره
وبناتنا ماشاء الله ..

وتعالو احكي ليكم شوية ..

[معتز الريح]

نواصل ..
في 1996 ذهبنا أنا ومجموعة من أبناء مدني لتقديم واجب العزاء لأحد الزملاء في فقد والده وكان يسكن بالديم الخرطوم .. وبعد الفاتحة والغداء والشاي بدينا نتفاعل مع الناس الموجودين .. أحد الموجودين سأل قال انتو من وين .. وكانت الإجابة بفخر .. من مدني
فضحك ضحكة ذات مغزى سيئ فهمناها جميعاً .. وبدأ يتكلم بمزاح جارح .. فانبرى له أخي الحبيب الأصغر عزام - هداه الله - وأسمعه ما لم يقله مالك في الخمر .. وسأله عن أصله .. وكال له الكيل بمكيالين .. ومن طلب العيب وجده .. عفيت منك يا عزام ..

[معتز الريح]

أحد الأخوان الحبايب ..
من شندي
ساقته الأقدار لدراسة الطب بجامعة الجزيرة ..
شاب مهذب محترم ..
كان ضيفاً عزيزاً .. بعد أن رأى مدني واحتك بشبابها الجميل ..
وفي ساعة تجلي .. اوضح بأن الفكرة التي كانت لديه عن مدني خاطئه تماماًً ..
قال لي ( عندنا في شندي - الواحد لمان يكون نشاز في البلد بيقولو ليهو انت تربية مدني) ..
وإلى يومنا هذا انا ما عارف تربية مدني دي قاصدين بيها شنو؟؟
لو في زول عارف يورينا ..

[معتز الريح]

أحد الزملاء .. من خارج مدني
وبعد أن تمت هزيمته من قبل أولاد مدني في مجالات عديده ..
ليس أخرها الدافوري ..
المهم في الأمر أنه ذكر أنو في مدينتهم الواحد لما يكون ما مظبوط (ما مظبوط دي متروكة لخيالكم) الناس بتعمل إشارة باليد ــ لم أفهمها ــ مع ذكر كلمة مدني .. فأسمعته ما يطربكم ويفرحكم وقلت ليهو بطلو حقد .. وبما أنني أرأسه فكان يومه كوبيا ..
وما نكتة الأدروبي ببعيده (خلاص مدني حصلنا) ..

[معتز الريح]

احدى صديقات زوجتي الأمدرمانية ..
حذرت زوجتي من بنات مدني بقولها ..
بنات مدني ديل جميلات وخطيرات ..
جميلات عرفناها ..
لكن خطيرات دي جاية من وين ..
يمكن على وزن راس حربه خطير
أويمكن على وزن مجرم خطير
أواحتمال على وزن فنان خطير ..

والموضوع ظاهر .. الغيره مبهدلاها .. الله يكون في عونها ..

[معتز الريح]

الحبايب
في انتظار مشاركتكم .. لمعرفة الأسباب والحلول

[ابورجاء]

الحل بسيط ايها الغالي الحبيب من هم سكان مدني الاصليين؟؟؟
سكانها ينحدرون من حلفا اللى نمولي ومن الجنينة الى سواكن
من يذكر عنهم هذه الاشياء حتما هو ليس من هذه المناطق
علك فهمتني يا طيب القلب صافي النية معتز الريح .....
لا اقول ليك دع الكلب ينبح وسر بقافلتك لا والله لانها ليست شيم
ابناء ودمدني الاصالة لان ليس هناك كلاب لكن نحن بالقافلة نسير
قل لهم نحن من ارض المحنة من قلب السودان نحن من السودان
المصغر من ارضكم البكر التي لا تنجب الا كل جميل وطاهر نحن منهم
وهم منا شئنا نحن ام ابو هم ولله درك يا فتي ود مدني الحنين .....

ودوما في رعاية الله وحفظه....
مع كل الود باقة ورد....

[معتز الريح]

الأخ الحبيب الغالي .. أبو رجاء ..
لك الود .. شكراً على المداخلة في هذا الموضوع ..
يا حبيب انت ترى في التجاهل رد على هؤلاء؟ ربما ..

ولكن المشكلة هذا الموضوع زاد عن حده ..
كل واحد زعلان ليهو من زول من مدني لجاء لهذه التهم ..

لكن تعرف يا حبيب اعذرني انا ما بقدر أعمل بنصيحتك ..
لأني حأرد بما أستطيع ..

وفي انتظار إثراء النقاش ..

[معتزودمدنى]

حبيبنا معتز والله كلامك فى محلو وكل الناس بتعانى من النظرة دى
وانا بالمناسبة زى صاحبى عزام
فى مدنى دى بكتل عديييييييييل. يعنى بتاع الديم دا كان مسحت بيهو الارض.
وانسان مدنى اقسم بالله الواحد لو لفى العالم مايلقى مثيل ليهو.
وعاشت الحبيبة مدنى تاج على رؤوس ابنائها.
ولك كل الود

[ايمن جعفر]

أخي معتز وأنا في الغربة وبعيدأً عن مدني إذا قلت لشخص السلام عليكم التاني بقول ليهو ما ترد عليهو دا سفيه مدني ودا الحاص يا معتز ما عارفين نلقاها من وين .

[معتز الريح]

الحبايب معتز .. وأيمن جعفر..
يعني بتتفقوا معاي انو في مشكلة زي دي ..

اي مكان في العالم فيهو الصالح وفيهو الطالح
ومن طلب العيب وجده ..

لكن الحل شنو؟؟

[معذة احمد علي]

والله يامعتز ختيت ايدك علي الجرح دي مشكلة بنعاني منها كلنا اولاد وبنات وما عارفين نعمل شنو قايتو ياهو الحقد والغيرة القولتهم .

[معتز الريح]

الأخت معزه ..
عندي حل ..
يا أولاد وبنات مدني بطلوا التفوق ..
يا شباب بطلوا الأناقة دي ..
يا اخوانا وأخواتنا خليكم عاديين ..
يا حلوين بطلوا الفخر بمدني ..
يا شباب خلو الناس تتنفس معاكم ..
يا حبايب ما اي زول تغلبوا دافوري وكوتشينه ووو وجميع المناشط ..
يا محمد الريح رجع كأس الجمهورية بتاع السباحة ..(ههههه عشان أخوي)
بطلوا تتثقفوا .. خليكم زيكم وزي الناس ..
بطلو السماحة دي ..
ويا بنات مدني (الجمال جمال الروح - ما تبقو جميلات) وما تقشروا

والنصيحة الجاية دي لفئة بعرفها كويس ..
يا أولاد مدني في الجامعات - بطلوا تخطفوا الجكس من الناس ..
خلوهم الاتكسروا براحتهم ..

اها كده ممكن ينسونا شوية ..

راياكم شنو؟؟

[خالد أحمد الصول]

حبيبنا العزيز معتز
أجمل ما عجبني تناولكم لهذا الموضوع بطريقة شفافة راقية تنم علي أصلكم الطيب و أدبكم و ثقافتكم العالية ...
إن ذاكرة المدن كانت تحفظ لكل مدينة بما ينضح فيها حتي كادت المدن تتصف بصفات مواطنيها و كان التنافس بينها حميدا مجيدا لا يغضب منه أحد و ما بعيد قول الرئيس الاسبق جعفر نميري في خطاب مذاع علي الهواء (يا ناس كوستي قالوا عرقيكم بدور العربية) ... فكانت سنار بلد البطيخ و كسلا لغيار الزيت و عطبرة بلد الحديد و النار .. و دردق بعيده ... و كل ذلك .... و كان التنافس راقي شفاف ... و لكن أخي فإن ذاكرة المدن صارت خربة و نسي الناس في غفلة من أمرهم هذا الشأن ... و لم يبقي إلا في زاكرة العجايز زينا كدة ... كما أنه صار مادة للضحك فقط ... فلذا لا تلتفتو لهذه الصغائر و حافظوا علي تفوق المدينة بتفوقكم العلمي و العملي في كل المجالات و حافظوا علي إستايل المدينة بتواددكم و تراحمكم و تآلفكم و حبكم لبعضكم و لمدينتكم ... إن المدن الاخري صارت كبيت العزابة أي واحد بحاله و لكن هذه المدينة من تماسكها و تواددها و تألفها حتي تظن أنها قرية كبيرة
أبقوا علي حب مدينتكم
أحبكم يا عشاق هذه المدينة برغم ما يقال فيكم ... و رائدات إنتن يا شابات المدينة

[معتز الريح]

الأخ الحبيب ود الصول ..
مداخلة قيمه في محلها ونصيحة غالية ..
لك الشكر ..

لكن تعال نجرب ..
وأكرر
يا أولاد وبنات مدني بطلوا التفوق ..
يا شباب بطلوا الأناقة دي ..
يا اخوانا وأخواتنا خليكم عاديين ..
يا حلوين بطلوا الفخر بمدني ..
يا شباب خلو الناس تتنفس معاكم ..
يا حبايب ما اي زول تغلبوا دافوري وكوتشينه ووو وجميع المناشط ..
يا محمد الريح رجع كأس الجمهورية بتاع السباحة ..(ههههه عشان أخوي)
بطلوا تتثقفوا .. خليكم زيكم وزي الناس ..
بطلو السماحة دي ..
ويا بنات مدني (الجمال جمال الروح - ما تبقو جميلات) وما تقشروا

والنصيحة الجاية دي لفئة بعرفها كويس ..
يا أولاد مدني في الجامعات - بطلوا تخطفوا الجكس من الناس ..


اها كده ممكن ينسونا شوية ..

[ابورجاء]

الأخ الحبيب الغالي .. أبو رجاء ..
لك الود .. شكراً على المداخلة في هذا الموضوع ..
يا حبيب انت ترى في التجاهل رد على هؤلاء؟ ربما ..

ولكن المشكلة هذا الموضوع زاد عن حده ..
كل واحد زعلان ليهو من زول من مدني لجاء لهذه التهم ..

لكن تعرف يا حبيب اعذرني انا ما بقدر أعمل بنصيحتك ..
لأني حأرد بما أستطيع ..

وفي انتظار إثراء النقاش ..

تسلم يا الغالي الطيب الحنون معتز الريح
اولا احيك واجعلها انحناءة كبرى لك ولمحبتك
لأمنا الرؤوم (ودمدني) وانت تصارع وتتحدى من
اجلها لله درك .....
بعد ده نجي للكلام الدراب يا اخوي والله ما قلنا شئ
واظن انا ما قدرت اوصل المطلوب بصورة سليمة لكن
نحاول تاني ومالو نسأل اهل مدني من وين يعني في جنس
او قبيلة اسمها المدناويين ما اظن يعني اصولنا ومراجعنا
من جميع قبائل السودان المختلفة يعني اكيد البيقول الكلام
ده من واحد من القبايل دي يعني واحد قال وقال وقال ناس مدني
وما ناس مدني الرد يكون عليهو شنو والله ناس مدني منكم وفيكم
لو دي صفاتهم ما جابوها من بعيد يعني منكم وفيكم ده قصدي يا الحبيب...
يعني معروف عن اولاد مدني ما من النوع البيسكت لكن برضوا ما من
الناس البتهاتر ساي عندنا منطق يقنع الكافر زاتو وده العايزنو نمنطقهم
واخوي صول سودان ما قصر تب قال ردوا عليهم بمزيد من التفوق
والحب لمدينتكم الغالية وزيدوا من التفوق والخدمة للمدينة الفاضلة
بالتكاتف والتعاضد لكي نرقى بها في مصاف المدن العالمية .....
يعني ما يحدث لمدني وإنسانها لا يوقف مسيرتنا ابدا .....

ودوما في رعاية الله وحفظه....
مع كل الود باقة ورد...

[معتز الريح]

الأخ الحبيب أبو رجاء ..
اشكرك على النقاش الموضوعي ..
وأشكرك على تبصيري مرة ثانية بمقصدك ..
وأختلاف الرأي لا يفسد للود قضية ..

الأخ الحبيب - الانتماء للمدينة لا يُميز بجنسية ولا قبيلة
مدني تفخر والحمد لله بأنها لا تميز الناس بقبائلهم ولا أصولهم
كما هو موجود في كل السودان ..
حتى الجيران والأصدقاء والزملاء ما في زول سأل التاني من قبيلتو ولا أصلو وفصلو

الانتماء للمدينة والمواطنة في رأيي الشخصي (قد أخطئ وقد أصيب) أعمق واقوى من الانتماء للقبلية .. وطالما ذُكرت مدني - فالمعنيين هنا سكان مدني بغض النظر عن انتماءتهم ..
والرد دائماً أخي الحبيب بيكون بالمنطق ..
وأكيد المهاترات بتؤدي لنتيجة عكسية..
أخي الجميل أبورجاء ..
لك الشكر الجزيل ..
ونحنا نسير في اتجاه واحد..
ولو المره دي ما فهمتك اعذرني يا حبيب

[معتز حمدتو]

العزيز ود الريح
تحية من خللاك للاسرة الكريمه وللمشاغب ابو العيال عزام
يقولون كل اينائا بما فيه ينضحُ
يكفي ان مدني اخرجت اجيال واجيال ( علم وكفر ووتر ) سماحه ده الكلام فيها كميات
احيك واحي كلماتك وغيرتك على مدينتنا العامره ولك الود ...

[ابورجاء]

الأخ الحبيب أبو رجاء ..
اشكرك على النقاش الموضوعي ..
وأشكرك على تبصيري مرة ثانية بمقصدك ..
وأختلاف الرأي لا يفسد للود قضية ..

الأخ الحبيب - الانتماء للمدينة لا يُميز بجنسية ولا قبيلة
مدني تفخر والحمد لله بأنها لا تميز الناس بقبائلهم ولا أصولهم
كما هو موجود في كل السودان ..
حتى الجيران والأصدقاء والزملاء ما في زول سأل التاني من قبيلتو ولا أصلو وفصلو

الانتماء للمدينة والمواطنة في رأيي الشخصي (قد أخطئ وقد أصيب) أعمق واقوى من الانتماء للقبلية .. وطالما ذُكرت مدني - فالمعنيين هنا سكان مدني بغض النظر عن انتماءتهم ..
والرد دائماً أخي الحبيب بيكون بالمنطق ..
وأكيد المهاترات بتؤدي لنتيجة عكسية..
أخي الجميل أبورجاء ..
لك الشكر الجزيل ..
ونحنا نسير في اتجاه واحد..
ولو المره دي ما فهمتك اعذرني يا حبيب

الله اكبر الله اكبر الله اكبر
والله كلامك درر فعلا ميزة اهل مدني انهم ما بينظروا
للقبائل والاثنيات المختلفة بينا وده الجايب وجع القلب
لجماعتك البيقولوا عن مدني كلام ما ياهو يعني مدني
واولادها ميزتهم المحبة في الله ما لاغراض تانية حامياني
عشان كده بتلقى الحاقدين والحاسدين بيدسوا دسايسهم علينا
لكن نحن اكبر من انو ننجر ليهم ويلقوها عند الغافل والا شنو؟؟
والله افتخر باني من مدني ما دام انو فيها امثالك حبيبنا الجميل
والرائع معتز الريح نعم الابن انت لاجمل المدائن (ودمدني) ....

ودوما في رعاية الله وحفظه....
مع كل الود باقة ورد..

[يسرا عشريه]

عارف السبب شنو ؟ السبب مدينتنا الغاليه واهلها الطيبين الراقين والدليل علي كدا هذا المنتدا الذي يضم خيره شباب السودان هل هناك منتدا مدينه مثل هذا المنتدا وهذا يدل علي حب اهل مدني لمدينتهم.

[معتز الريح]

الحبيب العزيز معتز ..
ياخي تحياتك وصلت والشوق كميات .. ومنتظرين جيتك
متواصل مع منتصرودائم السؤال عنك وعن الأخ الصغير مصعب ..

يا حبيب - الحسد وفقدان المنطق والعجز عن المنافسة الشريفة ..
بيخلي الكتيرين يقولوا اكتر من كده ..

لك التحايا

[معتز الريح]

الأخ الحبيب الرائع أبورجاء ..
والله يا حبيب نحنا راضعين من مدني .. وأي كلام جميل قلته عني ينطبق عليك تماماً لك جزيل الشكر والتقدير والمحبة ..
وزي ما قلت يلقوها عند الغافل ..
وأقول ليك حاجه .. احتمال عند الغافل زاتو ما يلقوها ..
لك الود

[معتز الريح]

الأخت يسرا عشريه ..
لك التحية ..

شكراً للمشاركة في هذا الموضوع .. نحنا فعلاً عايزين نصل للأسباب الخلتهم يرمونا بالكلام الجارح ده ..

وزي ما وضحتي .. ممكن نضم كلامك ليكون جزء من الأسباب الكتيره ..

وبرضو عايزين نعرف مزيد من الأسباب ونطرح الحلول

لك الشكر والتحية مرة أخرى

[بورتبيل]

على العكس تماماً .. نحنا في بورتبيل يا معتز لمن الواحد يعمل ليه حركة حلوة في الكورة
او يقص ليه قصة بالتسعة في الكوشتينة ( الوست) او يكون قاشر قشرة في السلك
الجماعة بقولو ليه (( ات من مدني ))
اشارة الى ان ناس مدني ناس متميزين في كل شي ....
والتحية لك ولناس مدني والجايين لمدني
وبجيك راجع

[معتز الريح]

الأخ الحبيب بورتبيل ..
الجميل لا يرى إلا كل جميل ..

التحية لك ولاحبابنا في بورتبيل

[معتز الريح]

لكن يا ناس مدني انتو كمان بتبالغوا ..
حسه في زول غيركم قاعدين يغنوا ليهو ..

يا شباب مدني .. الله فوق مدني .. يا شباب مدني

أقول ليكم (خلوا الغيره تحرقهم) ..

[معتز الريح]

اخوانا واخواتنا ..
في انتظار مشاركتكم .. تورونا الأسباب والحلول

[صلاح الدين محمد]

يا عزو احيك علي هذه العبارات الرائعة عن مدني وانسان مدني بس عندي

وقفة مهم بتحكي عن نشاة انسان مدني :

اولا تعرف انو مدني فيها اي جنس ربنا خلقو في السودان وديل كلهم اتمازجو

وانصهروا وكونو مدني الحنينة .

وتعال نرجع ونراجع مدن السودان واحدة واحدة ونبدا من الشمال من اقصي الشمال

تلقاهم في كل مدينة قبيلة معينة ولهجة واحدة ونظرة متكرر عبر الاجيال كان دناقلة ولا جعلية

ولا شايقية ونفس الحال في الغرب كان بقارا ولا رزيقات ولا فور ولا كبابيش ونفس الحال في الجنوب

لكن تجد انسان مدني انسان واحد لكل هذه القبايل يعني عادي الواحد اتزوج دنقلاوية وهو جعلي او

شايقي او غرباوي او جنوبي وعادي يكون صاحبك انتا من الغرب او الشمال من جهة معاكسة لي

جذورك وهناك الكتير من الاثار والصفات بنلقاها في مدني وما في باقي المدن.

وعادي الواحد بمشي لي اهلو في جذورو وبمشي معاو صاحبو من جذور تانية اتحدي

اي مدينة فيه الصفة ده .

وربي احفظك يامدنـــــــــــــــــــــــــــــــــــــــــــــ ي

[معتز الريح]

الاخ الحبيب أبا ..
إضافة مميزة .. لك الشكر

[nasir]

اخي ودسنهوري الكلس
طبعا هي ودمدني وتربية مدني التي تصنع الجمال والابداع جمال الروح
الابداع في كلا 0 (كفرو وتر ) وكما قال صلاح الحارس (مارنجان السودان تسعة لغات والعاشرة ابتسامة) نحن في مدني نرتاح في الشارع المعلم هنالك جلسات القهاوي العامره بالثقافة هنالك الميادين الكروية والتجمعات الرياضية ليخرج لنا ديبة صغير وسانتو كبير
وروحي ليه مشتاهية ودمدني يكفي اواللمين وواحشنيني يارسيت مراسيك جوه ذاتي
هنالك زراع زارع الجمال في كل الملمات
وفي المقابر حدث ولاحرج مدني مجتمع القرية الذي يجمعهم صفاء النفوس وطيبة القلوب
في احدي اجازاتي وخلال عشرة ايام سافرت الخرطوم اكثر من سبع مرات
من منا لايفاخر بانه من مدني (تفتيحة وشائل مفاتيحها)
لك الود

[معتز الريح]

حبيبنا الغالي ناصر ..
ما قلت غير الحق .. أنا قبيل قلت الحكاية حسد وغيرة
ياخي لو هم ما قادرين يبقو زي ناس مدني حقو يحترموا نفسهم ..
ياخي هم زهجو من نجاحاتنا واجتماعياتنا وحبنا لبعض ..
غلبهم البسوهو .. قالو كده أحسن ..
أقول ليك حاجه .. أنساهم

[معتز الريح]

فوق لاثراء النقاش

[عاشق ابوالسيد]

لك التحيه اخوي معتز
وتحيه اخري لعزام وامثاله من ابناء الجزيره
اقول ليك حاجه عندنا مثل بيقول (الما بتلحقوا جدعو)
لكن بالجد العيب الواحد اسمع كلام في ناس مدني واسكت
لانهم لو عجنتهم كلهم ما بيساوي ضفر "عنز " من مدني
لك الشكر والتقدير

[صلاح ودالطاهر]

اخي معتز لك التحية والتقدير اخي مدني وماادراك مامدني اذا حاولنا ان نترجم حروف هذه المدينة
نجد الميم تعني مدني مدينه موده مدينه معطاه مدينه مواهب مدينة متفوقين مدينة محبين مدينة .....
حرف الدال دليل التائه وحرف النون نورالمدائن وحرف الياء يا ام المدائن اخي معتز مدني ليست جنسيه لاحد هي مدينه تجد فيها جميع ابناء السودان لكن يعيشون في هذه المدينه في حب واخاء وموده ولذالك نجد ابناء مدني في كل مكان اكثر ترابط فيما بينهم وعندنا مثل بيقول الجمل ماشي وكلب ينبح ولنا عوده

[معتز الريح]

الحبيب عاشق أبو السيد ..
لك التحية على غيرتك الحميده على أبناء وبنات مدني ..

وزي ما قلت هم شغالين بالمثل (الما بتلحقو نبذو) ..
وبعدين يا حبيب الحسد بعمل أكتر من كده

[معتز الريح]

الأخ العزيز صلاح ود الطاهر ..
التآلف بين أبناء مدني جميل .. بل ومضرب مثل لدى الغير ..
بالإضافة للنبوغ والإبداع والظهور المميز ..
دي كلها أسباب ..
لكن الحل شنو؟؟

[خالد أحمد الصول]

صنع أباؤنا هذا العقد الفريد ... و نقشوا في ذاكرة التاريخ تلك المدينة الجميلة وذلك بعرقهم و فنهم و شفافيتهم و علمهم ... صانوا نجاح المدينة و حافظ عليه فصارت أم المدائن ....الباقي علينا نحن نشد من سواعدنا و نتسلح بالعلم و الخبرة و الدراية و الاخاء و الطيبة و الشفافية و نتخلي عن الجهوية و النعرات القبلية و التعصب الاعمي و نلتصق سويا كل الاجناس و القبائل كل المملل و الطرق ... نذوب في كيان واحد إسمه مدني و نحافظ علي ريادتها و تصدرها المدن ... لا أن ندق طبول الفرقه بينها و بين إبنائها و بينها و بين العاملين فيها و بينها و بين المدن الاخري...
دعو هذه الخزعبلات و أعملو لمدينتكم تكبر في نظركم و في نظر المدن الاخري

[معتز الريح]

الحبيب الأخ صول سودان ..
شكراً على الكلام الموزون ..
مدني أصلاً كبيره في نظرنا .. وهي كبيرة في نظر جميع مدن السودان ..
بشبابها الكريم الواعد الخير الطيب المفيد المتلاحم المترابط المحب لأخيه

أكرر شكري وتقديري

[معتز الريح]

و نتخلي عن الجهوية و النعرات القبلية و التعصب الاعمي و نلتصق سويا كل الاجناس و القبائل كل المملل و الطرق ... نذوب في كيان واحد إسمه مدني و نحافظ علي ريادتها و تصدرها المدن ... لا أن ندق طبول الفرقه بينها و بين إبنائها و بينها و بين العاملين فيها و بينها و بين المدن الاخري...


الحبيب صول سودان ..
مدني وأهلها لا يعرفون الجهوية ولا القبلية ولا التعصب الأعمى .. والدليل التعايش والحب والإخاء ..
في الأماكن الأخرى اسمع كثيراً عند التعريف بأحد الناس تذكر اسم قبيلته قبل اسمه .. عندنا الكلام ده مافي ..

دفن الرأس في الرمال لا يحل مشكله .. هذه المشكله حقيقية ليست من نسج خيالي .. والدليل كل المتداخلين أيدوا واقروا ان هنالك مشكلة .. وهل عندما ندافع عن أنفسنا نكون قد أيقظنا الفتنة .. لا أظن

المدن الأخرى فيها أهلنا وأخوانا وحبايبنا ونسايبنا وهم على راسنا .. ولكن هل عيب أن نفتخر بالانتماء لمدينتنا ونزود عنها؟ ..

أختلاف الرأي لا يفسد للود قضية .. لك الود

[معتز الريح]

دعو هذه الخزعبلات

هذه حقيقة ومشكلة نعانيها .. وليست خزعبلات ..
مش ده برضو منتدى ودمدنيات .. المعني بمشاكل المدينة ؟؟

بره الموضوع ..
خزعبلات معناها شنو؟؟

[الفارس البنفسجي]

المرهف الحنين والمتشرب بإلفة
ست المدئن .. امنا الرؤوم مدني

كل ما قلته صحيح ... وكل ماقاله
الأخوة المتداخلين من تأييد ذهبوا
إليه فهو صحيح.

ولكن

واضح جلياً أن المشكلة ليست في
مدني ..و إن منبت الداء ليس في
مدني، وطالما أن الداء ليس في
دارنا فكيف العلاج ؟ لا نحتاج لحل
لهذه المشكلة.وكما يقال في المثل
العارف عزو مستريح

وكفى الله المؤمنين شر القتال

[مختار بازى]

الغالي معتز الريح
بعد التحية والاحترام والله الواحد فينا بقي يعاني عديل من كلمة انو هو من مدني ومن الكلام البيسمعو عن مدني لكن وين كل مدخل واي (زغاق ) بقول انا من مدني لية عشان اسمع واحد يقول عنها حاجة وبعد داك تعال يا حوار لحدي ما يختنع تمام وياخد الصورة الايجابية عن مدني
وح يختنع يعني ح يختنع ما عنترية منطق وفي المنطق المنطق( الممنطق) فهمتني طبعا
وباي اسلوب دايرو هو انا معاهو وفي الاخر بيعرف مدني (زي جوع بطنو) وانا هنا في وسط كم هائل والله من اولاد السودان بس المشكلة انا لوحدي من مدني والله ما في واحد بيقي يقول حاجة عن مدني مع انهم قبل كدا بيقولوا عنها كتيبر وكتير لكن الحمد لله بتوفيق من الله والمواضيع الجميلة الفي المنتدي انا قدرتة اعكس ليهم انسان مدني الحقيقي وانا معاهم في كل مجال ثقافة سياسة كفر وتر كلو كلو انا معاهم وربنا يقدرنا ونشرفكم علي الوجة الاكمل ان شاء الله

[معتز الريح]

واضح جلياً أن المشكلة ليست في
مدني ..و إن منبت الداء ليس في
مدني، وطالما أن الداء ليس في
دارنا فكيف العلاج ؟ لا نحتاج لحل
لهذه المشكلة.وكما يقال في المثل
العارف عزو مستريح




الأخ الحبيب الفارس ضياء
لك التحية وانت نورت البوست ..
لك الشكر على التحليل وعلى إدراج الحل ..

منتظرين عودتك للبوست مره أخرى

[mcreio]

دايما فى المكان الصاح

والله والذى نفسى بيده لاجد كل كلمة فى هذا البريد صحيحة وفى مكانها ولن اغير راى او ابدل او احيد عن هذا الذى بين ضلوعى احبها لانكم منها وهى انجبتكم واعود واقول ليس منا من يصنع العيب ولكن العيب ما قالوه فى حقها وحق اهلها.

ولتعلم ان هذا الشئ كما ذكر الاخ ابو رجاء سببه ان اهل السودان انطباعيين يكفى احدهم ان يسمع قصة فيصدقها ويبنى عليها حياته بالكامل, ولقد فعلوا ولكن كل هذا لن يؤثر فى حبنا لها وغيرتنا عليها وكل ما هو طيب لها شاءوا ام ابوا.

ولك اخى العزيز فهم قالوا ما قالوا حتى يجدوا فكاهة فى حديث او سفاهة ليس مكانها الانتماء ةوالحب ولو يعلمون............

من درس درسا فى زاوية الشيخ شاطوط هل يرى ذلك؟؟؟؟؟؟؟؟؟؟

من صلى الجمعة فى الجامع الكبير هل يرى ذلك؟؟؟؟؟؟؟؟؟؟

من حضر عزاء او مناسبة فرح هل يرى ذلك؟؟؟؟؟؟؟؟؟؟؟؟؟؟؟

المشكلة من يقول انه راى؟؟؟

نقول له ان كل اناء بما فيه ينضح

ومن يقول سمع .... ارجو ان لا اكون اشد غيرة ولكن حول لى الموضوع الكترونيا او هاتفيا او اذا استدعى العالم الان اصبح حر والحركة سهلة ممكن اجيو.

عزيزى معتز ليس من راى كمن سمع

انها لنا حبنا وحبيبتنا ولن ندافع عن انتماء

ولكن لن نحتاج ان ندافع عنها

فهى الجميلة ومستحيلة

فهى مدنى

مدنى

مدنى

وانا من مدنى ولا اذكر ان اى واحد اعترض على قولى هذا

واخيرا احب ان اذكر من يهن يسهل الهوان عليه

ولكن عذرنا ان من يقول هذا الشئ سمع ولم يرى

يالحبيب والانا العركى

وجدنا مدنى السنى

كان فى فوضى زى دى كان زماااااااااااااااااااااااااان البحر شالا

ولكن على من نرد وبماذا وهى تتحدث عن نفسها

وعزرا ان تقاصرت حروفى عن الابداع فى هذا المقام العالى

ويديك العافية يا ود الريح فشيتنا

[معتز الريح]

ويديك العافية يا ود الريح فشيتنا

الحبيب رياض ..
بركة الاتفشيت

[مصباحيه]

شنو ياشباب مالكم العارف عزو كلام الناس ما بهزوا والا شنو ماتشتقلوا بالفارغه نحن عارفين نحن شنو وعارفين مدنى شنو (( دا حقد اجتماعى دفين)) ما اكثر ولا اقل ما قريتو القصيده الكتبها السودانى فى الاميره السعوديه القالت ليه يا اسود بس يكون ردكم زيو اذا فى زول قال عليكم نص كلمه هلا هلا خلوا اى شى وقبلوا على اهل مدنى كل شى الا مدنى واهلها ديل يعملوا حسابن الناس ديل دى بلدنا من جدودنا الاوائل دى اصلنا وفصلنا قلوهم ارعوا بقيدكم وما تفتحوا النار عليكم

[مصباحيه]

انتى من وين يا بنيه وناويه على وين السفر
قلتى ليه مدنى الجميله مدنى يا اجمل خبر
فيها قضيت الطفوله فيها شاب عمرى وكبر
قبة السنى وفريقنا عامره حلقات الزكر
العارف عزو مستريح

[مصباحيه]

دايما فى المكان الصاح

والله والذى نفسى بيده لاجد كل كلمة فى هذا البريد صحيحة وفى مكانها ولن اغير راى او ابدل او احيد عن هذا الذى بين ضلوعى احبها لانكم منها وهى انجبتكم واعود واقول ليس منا من يصنع العيب ولكن العيب ما قالوه فى حقها وحق اهلها.

ولتعلم ان هذا الشئ كما ذكر الاخ ابو رجاء سببه ان اهل السودان انطباعيين يكفى احدهم ان يسمع قصة فيصدقها ويبنى عليها حياته بالكامل, ولقد فعلوا ولكن كل هذا لن يؤثر فى حبنا لها وغيرتنا عليها وكل ما هو طيب لها شاءوا ام ابوا.

ولك اخى العزيز فهم قالوا ما قالوا حتى يجدوا فكاهة فى حديث او سفاهة ليس مكانها الانتماء ةوالحب ولو يعلمون............

من درس درسا فى زاوية الشيخ شاطوط هل يرى ذلك؟؟؟؟؟؟؟؟؟؟

من صلى الجمعة فى الجامع الكبير هل يرى ذلك؟؟؟؟؟؟؟؟؟؟

من حضر عزاء او مناسبة فرح هل يرى ذلك؟؟؟؟؟؟؟؟؟؟؟؟؟؟؟

المشكلة من يقول انه راى؟؟؟

نقول له ان كل اناء بما فيه ينضح

ومن يقول سمع .... ارجو ان لا اكون اشد غيرة ولكن حول لى الموضوع الكترونيا او هاتفيا او اذا استدعى العالم الان اصبح حر والحركة سهلة ممكن اجيو.

عزيزى معتز ليس من راى كمن سمع

انها لنا حبنا وحبيبتنا ولن ندافع عن انتماء

ولكن لن نحتاج ان ندافع عنها

فهى الجميلة ومستحيلة

فهى مدنى

مدنى

مدنى

وانا من مدنى ولا اذكر ان اى واحد اعترض على قولى هذا

واخيرا احب ان اذكر من يهن يسهل الهوان عليه

ولكن عذرنا ان من يقول هذا الشئ سمع ولم يرى

يالحبيب والانا العركى

وجدنا مدنى السنى

كان فى فوضى زى دى كان زماااااااااااااااااااااااااان البحر شالا

ولكن على من نرد وبماذا وهى تتحدث عن نفسها

وعزرا ان تقاصرت حروفى عن الابداع فى هذا المقام العالى

ويديك العافية يا ود الريح فشيتنا



تسلم انت من ود مدنى بجد

تسلم اخوى
انصت ابناء مدنى يتحدثون

[معتز الريح]

الأخت مصباحية ..
نورتي البوست .. شكراً على المشاركه
كلماتك أفرحتنا ..
وأكيد نحنا عارفين عزنا ومستريحييييييييين ..

[mcreio]

بعد ما انت ارتحت

انا دوبى انفشيت

الغالى ما تطول الغيبة

[mcreio]

الاخت العزيزة

مصباحية
انشاء الله انتى زاتك اتفشيتى والكلام الصاح بعرف محلو

ومدنى الانتو منها واهلها نحن نتشرف بانتماءنا ليها

ويالغالية نومى قفا والله قاعدييييييييييييين لى اى حاقد

[معتز الريح]

الاخت العزيزة
مصباحية
انشاء الله انتى زاتك اتفشيتى والكلام الصاح بعرف محلو
ومدنى الانتو منها واهلها نحن نتشرف بانتماءنا ليها
ويالغالية نومى قفا والله قاعدييييييييييييين لى اى حاقد

يا حبيبنا اللذيذ ..
انت إضافة للبوست ده .. شفت كلامك ريح الناس كلها ..
ابقى قريب .. النشوف آخرها شنو..

[mcreio]

جمبك طوالى

مشكوووووووووووووووووووور على المتابعة

ياحلو

[همسة شوق]

اخى معتز ليك الف تحية
والله كلامك دة كلو حاصل 100%
لكن الحاجة الغريبة إنو سمعت حكاوى كلام غريب جدا عن مدنى
وسمعتو من سعوديين ...........................
لكن إنت عارف انا صاحب عزام وما أدراك ماعزام
ما خليت حاجة بطالة فى الدنيا مانسبتها لأولاد ال................... ديل


والزارعنا غير الله يجى يقلعنا

[معتز الريح]

الحبيب الغالي مجاهد ..
السعوديين ديل أكيد سمعوه من سودانيين
وأكيد السودانيين ديل ما من مدني

ويازول انت وعزام وشلتكم ما بتقصروا ..
بتردوا الإساءه بمليون ..

تحياتي

[mcreio]

اخى معتز ليك الف تحية
والله كلامك دة كلو حاصل 100%
لكن الحاجة الغريبة إنو سمعت حكاوى كلام غريب جدا عن مدنى
وسمعتو من سعوديين ...........................
لكن إنت عارف انا صاحب عزام وما أدراك ماعزام
ما خليت حاجة بطالة فى الدنيا مانسبتها لأولاد ال................... ديل


والزارعنا غير الله يجى يقلعنا

ود الراجل

على الايمان من مدن من امك لى ابوك

يا خوى قرط على كدة ومافى اى زول بجى بقلعكن

انا عارف السبب شنو

ارقد عافية

[انيس التوم]

والله يا معتز الريح لحدي ما سافرت من السودان كنت كلوا مرة بشاكل ومرات بضارب عديل عشان الكلام الزي ده واي زول سكنت معاه او عرفته بعد شويه يعمل لي فيها ابو عرام ويقول لي ناس مدني معروفين واسال وفلان وعلان وطوالي البنيه تدور لحدي مرات الواحد ينفجر ويقول كلام لا في السماء ولا في الارض .
بس عايز الفت نظرك لي حاجه انا ناس مدني والله العظيم اشفت منهم مافي وانت عارف وانا عارف الكلام ده كويس بس البوظ سمعة مدني الناس البتجي وبتكون اصلاً خربانه يقعد ليه سنة او خمسه شهور ويقول ليك انا من مدني وياحليل الرجال في مدني التراب يامعتز ياخوي ياما شالت بس الذريه قاعدة تشرط اي زول يهوي بمدني

[معتز الريح]

والله يا معتز الريح لحدي ما سافرت من السودان كنت كلوا مرة بشاكل ومرات بضارب عديل عشان الكلام الزي ده واي زول سكنت معاه او عرفته بعد شويه يعمل لي فيها ابو عرام ويقول لي ناس مدني معروفين واسال وفلان وعلان وطوالي البنيه تدور لحدي مرات الواحد ينفجر ويقول كلام لا في السماء ولا في الارض .
بس عايز الفت نظرك لي حاجه انا ناس مدني والله العظيم اشفت منهم مافي وانت عارف وانا عارف الكلام ده كويس بس البوظ سمعة مدني الناس البتجي وبتكون اصلاً خربانه يقعد ليه سنة او خمسه شهور ويقول ليك انا من مدني

بالجد صدقني أخي أنيس
مداخلتك دي من أجمل المداخلات في البوست ده
وكلامك 100 %

ياحبيب مافي زول من مدني بيسكت على الكلام الفارغ بتاعهم
وانت عارف الشفتنه دي زاتها من أسباب الغيره ..

ياخي تسلم

[انيس التوم]

في حاجة تاني نسيت اقولها ليك الناس المارقه الاشاعة دي ياخوي ديل ناس الخرطوم اوقولها ليك عديل كده ديل المرقوا الاشاعة دي وبعد داك لفت السودان كله
وحاجه في الزمن الحاضر:-
انوا اولاد مدني بالتحديد مسكوا البلد امسك الخرطوم دي كلها ناس مدني ماسكين مناصب كبيرة كان في الحكومة ( ضباط بوليس - جيش - امن -جن احمر ) كله من مدني الشركات الخاصة كلها ناس مدني مدراء - اداريين وباقي المجالات خليها ساكت هندسه- طب وخلافه
وحاجه من عندي :-
ده الحارق قلبهم حريق انشاء الله ياربي ما يلقوا البطفي

[ود ام تريبات]

معتز الريح

ايها الغالي الغيور على ود مدني لك الود .....

ليقل من يقل ما شاء له الله ان يقله ... لكن لن يغير ذلك ان ود مدني ظلت ولا زالت منبع لكل شيء يثري تاريخ هذا الوطن وظلت ود مدني والجزيرة عامة تحمل هذا الوطن على اكتافها سنوات طوال ... وما يقله الاخرين ما هو سوى جحود لاهل الفضل فدعك منهم ..
تاريخ هذا الشعب وذاكرة الوطن حفر فيها اسم ود مدني نقشاً مروياً قديم لا يبلية تعاقب الفصول .. يكفي انا نجمع هذا السودان بكل ما يحوية من ثقافات واعراق وقبائل وعادات وتقاليد لنكون نحن ونحن فقط الذين وصلنا الى درجة الانصهار التي تمنحنا مناعة ضد اي افتراق .. وما احداث الاثنين الاسود عند مقتل الدكتور / جون قرن ديمابيور ببعيدة شاهدة على تسامحنا هنا في ود مدني حين خرج من خرج بكل مدن السودان لينال من الاخر كنا في ود مدني ننام وادعين لاننا قتلنا فينا كل قبيح .. وتظل هي ودمني الامان شامخة على مر الزمان ....

لك ولكل شبر من الجزيرة خالص الحب والاشواق

[معتز الريح]

في حاجة تاني نسيت اقولها ليك الناس المارقه الاشاعة دي ياخوي ديل ناس الخرطوم


الحبيب أنيس التوم ..
والله سمعنا الكلام ده من ناس بره الخرطوم
ومدني مازالت القلب الذي يضخ الدماء في جميع أنحاء السودان
ولك الحمد يا ربي ان جعلتني من سكان مدني
مشكور يا حبيب

[معتز الريح]

ود مدني ننام وادعين لاننا قتلنا فينا كل قبيح .. وتظل هي ودمني الامان شامخة على مر الزمان ....


الحبيب ود أم تريبات ..
مرورك على هذا الموضوع لهو إضافه له ..
صدقت وقلت المفيد

وفعلاً في مدني قتلنا كل قبيح من تعصب وفتن
وعنصرية يعاني منها كل السودان

أطلب منك مشاركتي والمرور الدائم على هذا البوست وإضافة المفيد
لإثراء النقاش

لك الشكر

[مصباحيه]

مدنى فلى حدقات عيونى باقيه فى جواى اثر

[معتز الريح]

مدنى فلى حدقات عيونى باقيه فى جواى اثر

وفي حدقات عيونا جميعاً ..
تسلمي

[mutasim]

فى مثل بقول اولاد مدنى مابقلبهم شى

[معتز الريح]

فى مثل بقول اولاد مدنى مابقلبهم شى

الحبيب معتصم ..
طيب بغلبهم يقنعوا الناس البقولوا الكلام ده ؟؟

[salah]

معتز الريح شوف المبالغة دي :
أنا مدناوي عايش في هولندا معانا زميل في الشغل من سورينام ( جزيرة من المستعمرات الهولندية ) مرة جاء وقف جنبي وسألني أنت من مدني وأصبح يضحك بمغزي معروف لي وعندما سألته من أين تعرف مدني قال أنه أخبره عنها بعض السودانين ( الما من مدني ) يعني بقينا معروفين حتي في أوربا . وأصبح هذا الشخص معجب جدا بي ناس مدني ......

[معتز الريح]

معتز الريح شوف المبالغة دي :
أنا مدناوي عايش في هولندا معانا زميل في الشغل من سورينام ( جزيرة من المستعمرات الهولندية ) مرة جاء وقف جنبي وسألني أنت من مدني وأصبح يضحك بمغزي معروف لي وعندما سألته من أين تعرف مدني قال أنه أخبره عنها بعض السودانين ( الما من مدني ) يعني بقينا معروفين حتي في أوربا . وأصبح هذا الشخص معجب جدا بي ناس مدني ......

بالله ده ما كلام يحير ..
للدرجة دي؟؟
السودانيين الحكوا ليهو عن مدني ديل هدفهم شنو؟
عشنا وشفنا

[معتز الريح]

حبايبنا ..
مشكورين على المشاركة وتقاسم الهم ..

[هاني 2]

ابو النسب ......
الله فوق مدني ياشباب مدني ..... مدني عذاااااااااب .... مدني دماااااااااااااااار
مدني الحضاااااره والتاااااريخ ....... مدني .... مدني ..... مدني .....
مدني كلو شئ ... تسلمو يانااااااس مدني .... واحنا نااااس امدرمااااااان معاكم قلب وقاااااااالب
سيرو في طريق النجاااااااااح ..... فانتو النجااااح ..... ودمتم يااحلي ناااس واروع نااااااااس
وما تشتغلو بالنااس الهايفه الجنها قالو .... وقلنا ...
الامضاء : المحب لودمدني وناااااس مدني

[معتز الريح]

تشكر يا أبو النسب ..
وزي ما قلت قبل كده مدني وأمدرمان شبهينا واتلاقينا ..
وشكراً ليك يا محب مدني

[مرتضى التوم]

رحم الأرض البكر انفره بعد ا ماضاق الضيم سنوات
ياجنياتنا ابشروا اعرضوا ويابنوت سون غنوات
غناى بقولو عليك يامدنى عليك يا دوح
قمح البلدات وفرح الروح
مدنى العيش اللقمة الهانية الام الحانية الصوت المادح فى الخلوات
مدنى اصالة حصيفة وغادة رهيفة تحس بالمنا والآهات
مدنى حضارة مدنى سياسة مدنى رياضة وابداع فى الماضى وفى الجايات
مدنى حكاوى ومدنى غناوى ومدنى حجاوى الحبوبات
رحم الارض الجابك انتى يفضل بالخير عامر سنوات

اخوتى واخواتى عزراً ان كان النص غير مكتمل او غير مرتب ولكن دمى يغلى ولا يوجد اتساع للتنسيق او التزكر .
ولكن ظنى ان هذه الابيات رد كافى لكل صاحب نفس مريضة للنيل من انسان مدينتنا الرائعة .
ولكن اعتقد ان السبب غير خافيا على احد منكم . عمق النتماء والفخر والتباهى بهذه المدينة الحنون التى تمتاز بالتمازج بين كل الأعراق دونا عن كل المدن تتعايش كل الاعراق فى الفه وحب ووحدة وبساطة ولو تعلم منها هؤلاء الحاقدين لعاش السودان كلة بهذ المعانى الراقية والصادقة فى اخاء ووئام .
ايكما لا يخفى على احدكم تميز مدنى فى شتى الضروب سياسة , رياضة , فنون , زوق , اناقة , رقى , بإختصار هى رحم للابداع وكفى الآن هل عرفتم السبب ...
يطول الحديث عنك يا أم المدائن ولكن ظنى اننى قد اطلت عليكم ولكن على وعد بالعودة .
إنها مدنى درة العمر الجميل ....

[معتز الريح]

الأخ الحبيب مرتضى التوم ..
شكراً لمقاسمتنا الهم ..
ما قصرت .. اضافتك طمنتنا ..

[ود ام تريبات]

الاخ العزيز ود الريح

اعود اليوم فقط لاتحدث عن مجتمع وسط السودان عامة وود مدني كنموذج مصغر لذلك ..
قرأت وسمعت محاضرات وكتب وندوات عديدة تتحدث عن اساس الدولة السليم ... والدولة تتكون من شعب وهو اساسي فيها والشعب الذي يكون هذه الدولة يجب ان يكون متلاقي على حد ادنى من الخطوط التي تجمعة ليكون هذه الدولة ..
وفي المجتمع السوداني او في القطر المسمى السودان عامة لم تصل اي منطقة على نطاق هذه المساحة الجغرافية المسماة السودان الى درجة من الانصهار والتوافق والاتفاق على خط معين تبني علي اساسة دولة سوى منطقة وسط السودان الجزيرة تحديداً ( الحاج وراق ) ( د. اتيم دينق سايمون ) ( الشريف زين العابدين الهندي ) ( احمد ابراهيم نقد ) كل الذين سبق ذكرهم اتفقوا في ذلك اننا المجتمع الوحيد الذي وصل الى درجة من التماذج والتصاهر خول لنا ان نكون الوحيدين الذين نصدر الجديد لهذا الوطن وهذا ليس وليد الصدفة لان كل الثقافات امتزجت وخرجت لنا من ودمدني بعصارة الفكر والثقافة في شتى المجالات لتضيف لهذا الوطن المزيد من الروعة في كل ماهو موجود ..
والذين يقولون بغير ذلك ويقولون عن ود مدنى كل قبيح فلينظروا حولهم وسيجدون ودمدني مرسومة في عمق وجدانهم رغماً عنهم سيجدون ودمدني في لحن للكاشف او ابيات للمساح او في عزوبة صوت ود الامين وسيجدونها في كل عام حين يحتفلون باستقلال هذا البلد سيجدونها مؤتمر الخرجين الذي اشرق على هذا البلد علماً واستنارة .. سيجد ودمدني حنتوب الثانوية سيجدها مدني الثانوية .. سيجدها انه من دون ود مدني كان سيكون مسخ لا قيمة له ...



ولي عودة

[معتز الريح]

الحبيب ود ام تريبات
شكراً لعودتك للبوست مرة أخرى ..
وكما ذكرت سيجدون مدني في كل جميل يخص السودان ..
لك الشكر الجزيل

[محمد الفاضل]

الاخ العزيز ود الريح

اعود اليوم فقط لاتحدث عن مجتمع وسط السودان عامة وود مدني كنموذج مصغر لذلك ..
قرأت وسمعت محاضرات وكتب وندوات عديدة تتحدث عن اساس الدولة السليم ... والدولة تتكون من شعب وهو اساسي فيها والشعب الذي يكون هذه الدولة يجب ان يكون متلاقي على حد ادنى من الخطوط التي تجمعة ليكون هذه الدولة ..
وفي المجتمع السوداني او في القطر المسمى السودان عامة لم تصل اي منطقة على نطاق هذه المساحة الجغرافية المسماة السودان الى درجة من الانصهار والتوافق والاتفاق على خط معين تبني علي اساسة دولة سوى منطقة وسط السودان الجزيرة تحديداً ( الحاج وراق ) ( د. اتيم دينق سايمون ) ( الشريف زين العابدين الهندي ) ( احمد ابراهيم نقد ) كل الذين سبق ذكرهم اتفقوا في ذلك اننا المجتمع الوحيد الذي وصل الى درجة من التماذج والتصاهر خول لنا ان نكون الوحيدين الذين نصدر الجديد لهذا الوطن وهذا ليس وليد الصدفة لان كل الثقافات امتزجت وخرجت لنا من ودمدني بعصارة الفكر والثقافة في شتى المجالات لتضيف لهذا الوطن المزيد من الروعة في كل ماهو موجود ..
والذين يقولون بغير ذلك ويقولون عن ود مدنى كل قبيح فلينظروا حولهم وسيجدون ودمدني مرسومة في عمق وجدانهم رغماً عنهم سيجدون ودمدني في لحن للكاشف او ابيات للمساح او في عزوبة صوت ود الامين وسيجدونها في كل عام حين يحتفلون باستقلال هذا البلد سيجدونها مؤتمر الخرجين الذي اشرق على هذا البلد علماً واستنارة .. سيجد ودمدني حنتوب الثانوية سيجدها مدني الثانوية .. سيجدها انه من دون ود مدني كان سيكون مسخ لا قيمة له ...



ولي عودة

من كلام اخي ودام تريبات لاجد كلام اكثر من ذالك وقالو في المثال المابتلحقو جدعو

[معتز الريح]

الحبيب عاشق مدني ..
اسمك اغنانا عن معرفة رأيك ..

[معتز الريح]

والذين يقولون بغير ذلك ويقولون عن ود مدنى كل قبيح فلينظروا حولهم وسيجدون ودمدني مرسومة في عمق وجدانهم رغماً عنهم

تسلم يا رائع على الكلام أعلاه..
أوفى وزاد قليلاً ..
وفي انتظار عودتك ..

[خالد النور]

مدنى أى شئ جميل فى دواخلنا فهى شامخه شموخ أبنائها
تحياتى لكل إنسان رجل أو إمرأه غيور عليها
ونشرب إن وردنا الماء صفواً ويشرب غيرنا كدراً وطينا

[معتز الريح]

مدنى أى شئ جميل فى دواخلنا فهى شامخه شموخ أبنائها


ليس في ذلك شك يا حبيب

[ودكمبال]

اولا
الناس دى حاقدة
وقالوا الما بتلحقو جدعوا ومعروف للكل مدنى هى منبت
العلم
الثقافة
الفن
وتعتبر هذه الثلاثة اضلع مثلث الحضارة لمقومات الشعوب وهى غير موجودة الا فى مدنى
ولذلك اى شخص ليس لديه صله بمدنى فهو جيم3
جاهل
جبهجى
جاى من العصر الحجرى
ولكم التحيه

[معتز الريح]

ولذلك اى شخص ليس لديه صله بمدنى فهو جيم3 جاهل جبهجى جاى من العصر الحجرى

الأخ الحبيب ود كمبال ..
لانقول لهم ما ذكرته أعلاه ..
ولكن نقول لهم فقط .. كفــــاكم ..

[فتاة الربيع]

احلا سلام وارقى تحية لاحلا شباب فى ربوع مدنى الجميلة اولا
ما محتاجيين نورى روعة مدنى لانو مدنى غنية عن التعريف

(العارف عزو مستريح) ومهما قيل عن مدنى حتظل الارقى والارفع دوما فى سماء سودانا الحبيب
(وانا بموت فى مدنى:) وشباب مدنى)

[معتز الريح]

ما محتاجيين نورى روعة مدنى لانو مدنى غنية عن التعريف

فتاة الربيع ..
كلامك أعلاه صحيح 100% ..
الكل يعرف مدني وناس مدني ..
وعارفين عزنا ..

وشكراً لمحبتك لمدني وناس مدني ..

[gondi]

عزيزي...نحن من أرض كساها الله بلفحة حب أمتزج بشئ من ولهة الكلمة و جمال الخلقة و اريحية النفس النقية و بهاء الارتياح عند اللقاء بلا هدف و انعدام وسيلة التحجر عند انطلاقة عاطفة مصير تلاقي الازمان...هي ارض تسكن بها كل جمالات الارض و كل سودانية العشق الاكبر و حفاوة اجدادنا الذين تنطلق منهم معزة لارض المليون
...........فخرا صاغه لنا التاريخ من كل الدروب اننا اصل الجمال ومكمن السلطنة الممتده بلاهدف ومنالنا ثريا وابعد منها كثيرا عن بقية المدائن
....عزيزي مدني صياغة خاصه لنا تتمكن فينا حبا و نرتادها شئ خاص من عنجهية و غرور الحب اللذيذ يمتد فينا ساحلا الي سواكر من الفرح و الغرور الي اراضيها و ناسها ماهم الا موردي الي صناعة الحب و مستوردي الي شذوذ الامتنان انها حكاية تمل الدنيا الا بسماع حكايتها و تتكي سلالة المنطق عند دفء كنايتها...
لهم ان يتواردو المفتريات ولنا كل البوح المبجل اننا اولاد مدني...سلالة من عشق الي مدني و هلة من اصل لا ينمحي منه التميز أننا مبجلة الارض البكر و متكا لكل الطوائف و خيال من نغم يفتر عنه مؤلفه ان يصوغه كما يهوي و لكنه يستفز منه إمكانية تعلقه بشهرة تتلهفه




ولي عوده أكثر إخضرارا

[moh_alnour]

انتى من وين يا بنيه وناويه على وين السفر
قلتى ليه مدنى الجميله مدنى يا اجمل خبر
فيها قضيت الطفوله فيها شاب عمرى وكبر
قبة السنى وفريقنا عامره حلقات الزكر
العارف عزو مستريح

والله يكفي مدني إنو من إشتقاقتها اللغوية كلمة مدنية civilization اي حضارة ، ولما نقول حضارة يعني ريادة ، فمدني وأهل مدني هم الرواد في كل مناحي الحياة السياسية والثقافية والأجتماعية والرياضية والدينية والعلمية ....... وهلمجرا .
وأخيرا ( الكلاب تنبح والجمل ماشي ) (والعارف عزوا كلام الناس ما بهزوا)

[معتز الريح]

عزيزي...نحن من أرض كساها الله بلفحة حب أمتزج بشئ من ولهة الكلمة و جمال الخلقة و اريحية النفس النقية و بهاء الارتياح عند اللقاء بلا هدف و انعدام وسيلة التحجر عند انطلاقة عاطفة مصير تلاقي الازمان...هي ارض تسكن بها كل جمالات الارض و كل سودانية العشق الاكبر و حفاوة اجدادنا الذين تنطلق منهم معزة لارض المليون
...........فخرا صاغه لنا التاريخ من كل الدروب اننا اصل الجمال ومكمن السلطنة الممتده بلاهدف ومنالنا ثريا وابعد منها كثيرا عن بقية المدائن
....عزيزي مدني صياغة خاصه لنا تتمكن فينا حبا و نرتادها شئ خاص من عنجهية و غرور الحب اللذيذ يمتد فينا ساحلا الي سواكر من الفرح و الغرور الي اراضيها و ناسها ماهم الا موردي الي صناعة الحب و مستوردي الي شذوذ الامتنان انها حكاية تمل الدنيا الا بسماع حكايتها و تتكي سلالة المنطق عند دفء كنايتها...
لهم ان يتواردو المفتريات ولنا كل البوح المبجل اننا اولاد مدني...سلالة من عشق الي مدني و هلة من اصل لا ينمحي منه التميز أننا مبجلة الارض البكر و متكا لكل الطوائف و خيال من نغم يفتر عنه مؤلفه ان يصوغه كما يهوي و لكنه يستفز منه إمكانية تعلقه بشهرة تتلهفه


قدر ما اقول اختصر مداخلتك الرائعة دي غلبني ..
في النهاية صغرت الخط بس ..
لأنها مداخلة بطعم الجمال والحب لمدني وناس مدني
مداخلة تعكس الروح الشفيفة لساكن هذه المدينة ..
مداخلة ترد على من يعي ..
تشكر عليها يا gondi

[معتز الريح]

فمدني وأهل مدني هم الرواد في كل مناحي الحياة السياسية والثقافية والأجتماعية والرياضية والدينية والعلمية ....... وهلمجرا .


حقيقة لا تنكر ..

[mahagoub]

يا ابنى معتز عارف ما حنوقف اى حاجه !! العلم بنكوا. والفن فى اوله , الجمال يانا اسياده ( وكيه للمابينا )