مشاهدة النسخة كاملة : هنيئا للمريخ التصنيف العالمى ودوام التقدم
المكاشفى
06-06-2007, 04:25 AM
--------------------------------------------------------------------------------
العجب يحتل المركز 17 في قائمة أفضل هدافي العالم حسب تصنيف الاتحاد الدولي للإحصاء لأفضل هدافي العالم ويحل في مرتبة واحدة مع البرتغالي كريستيانو رونالدو مهاجم مانشستر يونايتد الإنجليزي. في قائمة (توب 69).
ويتفوق على واين روني.. وكانوتي.. ومارتينيز وفلافيو وأمين اللطيفي (مهاجم الترجي التونسي)!
--------------------------------------------------------------------------------
نشر خبراً أوردته جريدة الرياضية السعودية حوى ما يفيد باختيار نادي المريخ السوداني ضمن أفضل عشرة أندية في العالم بمقياس تحقيق الأرقام القياسية والإنجازات المتميزة
وجاء المريخ السوداني خامساً لفوزه بلقب الدوري بلا هزيمة ولا تعادل.. وبلا هزيمة وبتعادلٍ واحد في موسمين متتاليين.
حتى هذه اللحظة يحتل المريخ المركز 34 في قائمة أقوى الأندية الإفريقية عبر التاريخ.. وعدد هذه الأندية 42 نادياً ميزت نفسها بالفوز ببطولات الكاف.. (أبطال الذهب)!
كما يتقدم على كايز شيف صاحب المركز 38، وإستلا أبيدجان في المركز 39 وبندل النيجيري المركز 40 ويحل قبل الصفاقسي التونسي الذي حصل على المركز 41، والكوكب المراكشي صاحب المركز 42.
* مبروك للمريخ تميزه التاريخي الذي أعجز منافسيه.. وأهله للتفوق على الكبار في الأرقام القياسية.
* احتفلوا بالتصنيف وتغنوا بالأرقام القياسية.. مرحباً بكم في كوكب المريخ.. عالم المتعة والدهشة والأرقام القياسية والبطولات القارية والإقليمية والإنجازات التاريخية!
محمد مصطفي
06-06-2007, 04:31 AM
هههههههههههههههههههههههههههههههههههههههههههههههههه ه
كلام يا عوض دكام
معتزودمدنى
06-06-2007, 04:07 PM
حبيبنا كشة الله يمسيك بالنور
المريخ سيدالبلد وجالب الفرح لايمكن الوصول اليه حاليا
وانت يا كبك ارجى الراجيك و ضحكتك دى انا عاوز اشوفها يوم مباراه الترجى والاهلى القاهرى.
وعاش المريخ سيدا للكرة السودانية بلامنازع
المكاشفى
06-06-2007, 10:06 PM
هههههههههههههههههههههههههههههههههههههههههههههههههه ه
كلام يا عوض دكام
ياكبك بس اوعى الضحكه دى تكووووووون
شماته .......
والله لو كانت شماته فالمسأله فيها كلام تانى ومن اليوم نحن
اهلاويين وترجاووين واسيكيين
وارجى الراجيكم
مشاققه:-
ماقلت لى رأيك فى كريستيانو المريخ(العجب حبيبي)
النزير محمد شريف
06-06-2007, 10:13 PM
اخوتي سلام شوق برسلوا من هنا
مودتي واحترامي
المكاشفي اخوي هوي انت من زمن العجب بحتل المركز 17
اه منك يا عجب اااااه
العجب اصبح يحتل المركز السابع متقدماً علي البرازيلي كاكا علماً با نهم متساويين في عدد الاهداف ولكن فيصل العجب او الملك متفوق بالاحراز لصالح المنتخب
العجب الان في المركز السابع هذا في اخر نشره
كبك والله انا يبدو لي ان من الزمن لن يحن بعد للشمالته لكن !!!
الايام بتوريك
تعريجه
العجب اصبح الرقم الذي لا يمكن ان يصله غيره هنا
محمد مصطفي
08-06-2007, 11:49 AM
ههههههههههههههههههههههههههههههههههههههههههه
والله سبحان الله
قال شنو قال العجب
يا خوانه انتو بتفرحو في نفسكم ولا شنو
بعدين يا اخوتي
المكاشفي والنزير ومعتز
الاهلي المصري والترجي التونسي انحن متعودين انو ادونا الخمسه والسبعه
لكن اتخيل انو ديل لو لاقوكم برضو بتكونو معانا يا شباب
وانا بدعاء يومي انو الاهلي ةالترجي الاقو برشلونه بتاعتكم دي
ههههههههههههههههههههههه
ودمتم بود يا غالين،،،،،،
صلاح الدين محمد
09-06-2007, 02:58 AM
افضل الامنيات بي التفوق والتقدم للندية السودانية وللاعب السوداني علي المستوي
العــــــــــــــــــــــــــــــــــــالمي
النزير محمد شريف
09-06-2007, 07:50 AM
ههههههههههههههههههههههههههههههههههههههههههه
والله سبحان الله
قال شنو قال العجب
يا خوانه انتو بتفرحو في نفسكم ولا شنو
بعدين يا اخوتي
المكاشفي والنزير ومعتز
الاهلي المصري والترجي التونسي انحن متعودين انو ادونا الخمسه والسبعه
لكن اتخيل انو ديل لو لاقوكم برضو بتكونو معانا يا شباب
وانا بدعاء يومي انو الاهلي ةالترجي الاقو برشلونه بتاعتكم دي
ههههههههههههههههههههههه
ودمتم بود يا غالين،،،،،،
العجب والله هو الرقم الاول الان في الكرة السودانيه
واي واحد بعيداً عن ميوله لا يمكن ان ينكر هذه الحقيقه
والله ما كده يا كبك
مع مودتي
المكاشفى
10-06-2007, 05:45 AM
ميه ميه يا ابو النيز
وياكبك كفايه انو برشلونه بتاعتنا دى
انجازاتها لليوم مابتصلوها ولا بتحلمو
ولك مودتى ..........
خالد عبدالماجد
10-06-2007, 08:48 PM
المريخي العزيز ( المكاشفي )
نتمنى دائماً أن تسمو الكرة السودانية ويسمو لاعبيها إلى مصاف العالمية ويحتلوا مواقعاً متميزة في كل التصنيفات ..
أما موضوع الإنجازات التي أصابتنا بالسأم فسيبك منها . بطولة كأس الكؤوس الأفريقية بطولة ( للتواني ) فهنيئاً لكم بطولة الصغار، وماصاحب بطولة سيكافا الثانية من أحداث ( سمبا ) جعلها غير مشرفة حتى للمريخاب أنفسهم ( تغلبونا نفلعكم ونشتكيكم ننفضكم ونشيل الكاس ). وطبعاً كاس دبي الذهبي مايحتاج لي كلام .
ولدى سؤال صغير كم كان عدد الأندية في البطولة التي فزتم بها دون تعادل أو هزيمة والتي تلتها بتعادل ؟
البطولة الحقيقية للمريخ كانت بطولة سيكافا الأولى أيام كانت دول شرق ووسط أفريقيا تعيش أوضاعاً معروفة للجميع ..
يظل الهلال أخي المكاشفي هو حادي الركب الكروي بالبلاد وخلفه يسير الآخرون ..
آمل ألا يصيبك حديثي بالغضب وشكراً على المعلومات المنقولة التي لاندري مدى صحتها رغم أن لاخلاف أبداً حول مستوى العجب ..
ياكبك قلت لي العجب أفضل من كريستيانو رونالدو الحمدلله الماقالوا أفضل من بوشكاش .
http://www.kassalahome.com/kass/uploads/059823b32c.jpg
النزير محمد شريف
10-06-2007, 09:29 PM
المريخي العزيز ( المكاشفي )
نتمنى دائماً أن تسمو الكرة السودانية ويسمو لاعبيها إلى مصاف العالمية ويحتلوا مواقعاً متميزة في كل التصنيفات ..
أما موضوع الإنجازات التي أصابتنا بالسأم فسيبك منها . بطولة كأس الكؤوس الأفريقية بطولة ( للتواني ) فهنيئاً لكم بطولة الصغار، وكاس سيكافا للمرة الثانية ماصاحبها من أحداث ( سمبا ) تظل غير مشرفة حتى للمريخاب أنفسهم ( تغلبونا نفلعكم ونشتكيكم ننفضكم ونشيل الكاس ). وطبعاً كاس دبي الذهبي ....!!!
ولدى سؤال صغير كم كان عدد الأندية في البطولة التي فزتم بها دون تعادل أو هزيمة والتي تلتها بتعادل ؟
البطولة الحقيقية للمريخ كانت بطولة سيكافا الأولى أيام كانت دول شرق ووسط أفريقيا تعيش أوضاعاً معروفة للجميع ..
يظل الهلال أخي المكاشفي هو حادي الركب الكروي بالبلاد وخلفه يسير الآخرون ..
آمل ألا يصيبك حديثي بالغضب وشكراً على المعلومات المنقولة التي لاندري مدى صحتها رغم أن لاخلاف أبداً حول مستوى العجب ..
ياكبك قلت لي العجب أفضل من كريستيانو رونالدو الحمدلله الماقالوا أفضل من بوشكاش .
http://www.kassalahome.com/kass/uploads/059823b32c.jpg
ود كسلا صبحاتك بيض
نحن جبنا كاس مانديلا او بطولة الصغار كما اطلقت عليها انت وينو عماركم ؟؟؟؟
اشرت الي ان الكاس الوحيد سيكافا ون حلوه منك دي وانت عارف افضل مركز للهلال في سيكافا يعتبر اسو مركز للمريخ
اما مساله احداث سمبا اذكرك والله اخليك قصة الرقم 18 واستبداله بالرقم 2 في حادث تعني انكم وصلتم النهائي بالتزوير
لفه حلوه
انتظر بس مباراة الاهلي وقول انتم مع الكبار
العجب دا يا سيدي مرضتكم الوحيده عافي منو المللك خلكم تعابه ورتابه
مه الموده والشوق
محمد مصطفي
11-06-2007, 01:13 AM
عفيت منك يا ود كسلا وريتهم الحقائق الهم ما عارفنها
ويا اخ النزير انا داير اقول ليك كلام عشان ما تعيدو طوالي الاهلي المصري ده انا قبال كده طيرناو من بطوله وفي بلدو صاح ولا كلامي ده غلط بهدف جاستن صاح ولا غلط
وداير اديك معلومه الاهلي المصري والترجي التونسي لو لاقو المريخ بتاعك ده برضو بضربو
لكن انحن ده ما دايرنو ودايما بندعو للفرق السودانيه التفوق والتقدم الي الامام
مشكورين اخواني النزير والمكاشفي ود كسلا
ودمتم بود يا غالين،،،،،،
خالد عبدالماجد
11-06-2007, 01:36 AM
نحن جبنا كاس مانديلا او بطولة الصغار كما اطلقت عليها انتو وينو عماركم ؟؟؟؟
اشرت الي ان الكاس الوحيد سيكافا ون حلوه منك دي وانت عارف افضل مركز للهلال في سيكافا يعتبر اسو مركز للمريخ
اما مساله احداث سمبا اذكرك والله اخليك قصة الرقم 12واستبداله بالرقم 2 في حادث تعني انكم وصلتم النهائي بالتزوير
لفه حلوه
انتظر بس مباراة الاهلي وقول انتم مع الكبار
العزيز النزير
ياحبيب عمارنا نهائي ( كاس الكبار ) مرتين يعني تاني الأبطال مش بطل التواني وبعدين قصة مباراة قورماهيا لايد للهلال فيها ، طرد كندورة بالرقم (12) وجاء تقرير الكاف بإيقاف اللاعب جلال كادقلي ، لكن نجدِّع ضيوفنا وهم فايزين وتكون المهزلة في إقصائهم من البطولة ( لا دي شينة ) .
وبعدين إنت شوف القرعة براها فاهمة صنفت الكبار مع الكبار يعني الأهلى والترجي وآسيك ديل مكانهم الطبيعي جوار الهلال وكلامنا عن مبارياتنا معهم نقولوا بعدين .
لك ودي ..
الهلالي كبك :
هل يمكن أن يتغير التاريخ آخر مواجهة لنا مع الأهلي كانت نتيجتها لصالح المارد الأزرق بهدف ريتشارد كما ذكرت بتاريخ :10/4/2004م.
ياكبك الناس ديل ليهم يوم ..
مدنيّة
11-06-2007, 01:43 AM
ياجماعة هدوا اللعب شوية كلنا × الاخر سودانين وبندعي ربنا ينصر المريخ والهلال × البطولات الافريقية
وفي النهاية لما يقولوا الفاز بالبطولة المريخ السوداني او الهلال السوداني ، بس هم كيف يفوزوا
همسة : انت تبعا ياكبك الفيك اصلا معروفة لكن انت ياخالد ماكنت قايلاك كدا :D
خالد عبدالماجد
11-06-2007, 04:23 AM
الشقيقة مدنية
سلامات ياشيخة وشايف الناس كلها كايسة عليك الحمدلله الرجعتي بالسلامة وحللتي راتبك ..
همسة : انت تبعا ياكبك الفيك اصلا معروفة لكن انت ياخالد ماكنت قايلاك كدا
رغم مانقوله إلا أنني وحق الله شجعت المريخ طوال مشواره الأفريقي الحالي حتى شككت في هلاليتي ..
الكلام دهـ بينا ساكت يامدنية لكن مع الغريب أنا وإبن عمي متحدين .
ونتمنى أن يواصل الفريقان مشوارهما الأفريقي بنجاح وأمامهما منتخبنا الوطني بمشيئة الله .
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir