المساعد الشخصي الرقمي

مشاهدة النسخة كاملة : أغــــــــــــــاني مصــــــــــــطفى ســــــــــــــيد أحمــــــــــــد



القلب الطيب
07-06-2007, 12:19 PM
أهديكم هذه الباقة من أغنيات مصطفى سيد أحمد ( نسأل الله له الرحمة ) حفظا وتوثيقاً لما قدمه ذلك الرائع حينما تفجر إحساسه العالى بعمق المعاني وترجم ذلك في ألحان خالده ظلت تدغدغ وجدان من يستمعون اليها في كل يوم برقة انسيابها وعذوبتها الفياضة بالمشاعر والإلفة ...
ارجو من الجميع التعاون والمشاركة بالأغاني مكتوبة كانت أو مسموعة ولكم حبي وشكري

ونبدأ بأغنية يا ضلنا للشاعر يحيى فضل الله


يا ضلنا
يا ضلنا المرسوم على رمل المسافة

وشاكى من طول الطريق

قول للبنيـّة الخايفة من نار الحروف

تحرق بويتات الفريق

قول ليها ما تتخوفى

دى النسمة بتجيب الأمل

والأمل بيصبح رفيق

والأصلو فى الجوف إندفن

لا بتنسى .. لا بنمّحى

لا بنتهى منو الحريق

********

والفينا من آهات أليمة

فى حكاوينا القديمة

لا بيرحل عن عيونـّا

ولا بتغشاهو الهزيمة

والقبيل راجِنو نحن

يوم تبشـِّر بيهو غيمة

لما تمطر يوم علينا

الفرح يملا المدينة

والبلودات الحزينة

تحياتي القـــــــــــــلب الطيب;)
وضـاحـــــة .... الشاعر أزهري محمد علي

الـصـبـاح الـبـاهـى لـونـك

وضـــاحة يـا فجــر المـشــارق ....

غـــابـة الأبـنـوس عـــيونك

يابنيّة مــــن خـــبــز الفنادق

***********

شـــيدتى فـى جــــوّاى صــوامــع لـى الـفــرح

وفـتـحــتـى فى دنياى .. مـسـارح لى المــــرح

وبــقيتى لى ســــكة وعــيون

لا قـدرت أطــولك شـــان أجــــيك

ولا قـــدرت من غــــيرك أكــــون

وأنا بــيــكــى مــالـينى الكـلام

... حــرّكت بيك عــصـــب السكون

جـــلــبت ليـك الغــــيم .. رحـــــط

طـــرّزت لـيــك النيـــل .. زفـــــاف

حرقت ليك الشوق بخور ...

وفرشت ليك الريد .. لحاف

**********

لا الســكة بيكى بتنتهى

ولا مـعــاك مــلّيت طـــــواف

ياريتنى لو أقــدر أطولك

وضّـــاحة يا فجـــــــر المشارق ....

وضـاحـــــة

الـصـبـاح الـبـاهـى لـونـك

وضـــاحة يـا فجــر المـشــارق ....

غـــابـة الأبـنـوس عـــيونك

يابنيّة مــــن خـــبــز الفنادق

***********

شـــيدتى فـى جــــوّاى صــوامــع لـى الـفــرح

وفـتـحــتـى فى دنياى .. مـسـارح لى المــــرح

وبــقيتى لى ســــكة وعــيون

لا قـدرت أطــولك شـــان أجــــيك

ولا قـــدرت من غــــيرك أكــــون

وأنا بــيــكــى مــالـينى الكـلام

... حــرّكت بيك عــصـــب السكون

جـــلــبت ليـك الغــــيم .. رحـــــط

طـــرّزت لـيــك النيـــل .. زفـــــاف

حرقت ليك الشوق بخور ...

وفرشت ليك الريد .. لحاف
تحياتي القلـــــــــــــــب الطـــــــــــــــــــيبالشجن الأليم

كلمات الشاعر صلاح حاج سعيد

عارفني منك
لا الزمن يقدر يحول قلبي عنك
لا المسافة ولا الخيال يشغلني منك
وتحرمني منك
والمواعيد لا بتجيب منك تودي
لا الزمن قادر يشيلني عليك أعدي
لا التحايا ولا المشاعر الحية في جوه الحنايا
لا رسالة تجيني منك .... لا خبر طمني عنك
وأنت سايق فيني ظنك
رغم انك إنت عارف انو منك
لا الزمن يقدر يحول قلبي عنك
لا المسافة ولا الخيال يشغلني منك
وأبقى بعدك في الأسى
وتبقى أنت الظالم القاسي النسى
وغصب عني أزيح ظنوني
وأقول عليك أنت المسامح
وفوق شجوني
أعيش زمان بالفرقة جارح
وفي احتمالي وبالي منك
أنت سايق فيني ظنك
رغم انك إنت عارف انو منك
لا الزمن يقدر يحول قلبي عنك
لا المسافة ولا الخيال يشغلني منك
يا هوى الألم النعيم
خليك على الوعد القديم
وخليني في الشجن الأليم
وأبقى في كل المداين ..
سكتي وسفري الجحيم
تبقى إيه الدنيا من بعدك تكون
وأبقى إيه بعدك أكون
ما في احتمالي وبالي إنك
أنت سايق فيني ظنك
رغم انك إنت عارف انو منك
لا الزمن يقدر يحول قلبي عنك
لا المسافة ولا الخيال
يشغلني منك
عارفني منك
تحياتي :o القلـــــــــــــــب الطـــــــــــــــــــيب:o

فتحي همام
07-06-2007, 02:37 PM
الأخ العزيز القلب الطيب
لك التحية لإختيارك الموفق لفنان السودان مصطفى سيد أحمد عليه الرحمة

http://www.alrakoba.com/vb/redirector.php?url=http://www.alrakoba.net/ss/mustafaseeda7med/Ya_dhulana.rm

فتحي همام
07-06-2007, 02:44 PM
وجدت الأخ الفنان وليد الحسن (لا مشرف منتدى الصعوبات الفنية ) وثق لمبدعنا بصورة شاملة بمنتدى الراكوبة و تجدونها فى هذا الرابط

http://www.alrakoba.com/vb/showthread.php?t=7214

فتحي همام
07-06-2007, 02:48 PM
123645698789

فتحي همام
07-06-2007, 02:50 PM
وجدت الأخ الفنان وليد الحسن ( مشرف منتدى الصعوبات الفنية ) وثق لمبدعنا بصورة شاملة بمنتدى الراكوبة و تجدونها فى هذا الرابط

http://www.alrakoba.com/vb/showthread.php?t=7214

http://www.alrakoba.com/vb/uploaded/mustafasiedahmed.jpghttp://www.alrakoba.com/vb/uploaded/mustafasiedahmed.jpghttp://www.alrakoba.com/vb/uploaded/mustafasiedahmed.jpg

عاشق ابوالسيد
07-06-2007, 03:55 PM
الله يرحم ابو السيد بقدر ما حمل هم الغبش
اخوي القلب الطيب
لك الود والاحترام
اخوي فتحي لك الشكر والاحترام
ببداء معاكم بي قصائد للراحل

مد إيدك شيل سلاحك مصطفى سيد احمد
مد ايدك وشيل سلاحك
لاك إضينة ولاكا خايب
لاكا زول تركة مزلة
لا بفوتوك فى الضكارة
انت شايف
غطّت الأحزان ربوعنا
وشتّت الطغيان جموعنا
مافى غير تحمل سلاحك
تحمى ساحك..
وتشفى بى ضراعك جراحك
هم أرازل .. ديل أرازل
خانو كل أعراف بلادك
جهزو سلاحهم فى غفلة
إستباحوك فى كرامتك فى أصولك...
قم تقدم .. أصحى من وهدة زهولك
شق طريقك...
لى رفاق الوجعة منتظرين وصولك
فى صفوفهم خانة فاضية
إنت سيدة وطولة طولك
بندقيتك راجية جيتك تحمى قولك ..
شيل سلاحك قبل ما سلاحهم يطولك

بين سجن وبيت اشباح مصطفى سيداحمد
بين سجن وبيت اشباح
وعطالة ودم مباح
ومزلة تودى الغربة
والغربة جراحة جراح
والحل فى بلدك زاتة
تتحدى سلاح بسلاح
تهزم خفاش العتمة
ويغسل سودانا صباح
الخمج الماحق سوقنا
من بعض وفا المحتاج
والعبرة الرابطة حلوقنا
من فيض كاس الدجال
الوهم الداير يسوقنا
اصبح مفضوح الحال
ما فضل الا مروقنا
وبسلاحنا نعدل الحال
بسلاحنا نعدل المال
يا غضبة نيلنا الطامح
وكتين يكسح طوفان
يا سيل الشعب الجامح
فى الثورة بعد عصيان
يا ضراع الولد الجارح
بسلاحك فى المليان
الكى للالم الناتح
والعبرة لكل غبيان
اللـــــه يرحمــــه

عاشق ابوالسيد
07-06-2007, 04:01 PM
تعريف منقول من موقع الراحل مصطفي سيد احمد عليه رحمة الله
مصطفى سيد أحمد المقبول مختار عمر الأمين سلفاب. من مواليد قرية ود سلفاب ـ الجزيرة ـ عام1953 م يقول:
لدى سبع شقيقات وأخ شقيق واحد توفى في عام 1970 م سبعة وعشرين عاماً وكان يكتب الشعر ويغني وتنبأ منذ وقت مبكر بأني سأكتب الشعر أيضاً وأغني أفضل مما كان يغني. وكان صوته جميلاًًً. وفي حوالي عام 1965 وفي مناسبة زواج أحد أبناء القرية من فتاة في قرية "العيكورة" وفي الحفل الذي أقيم في هذا الزواج سمعت مغنياً من القرية شارك في الحفل يشدو بأغنية شعبية ميزت منها في ذلك الوقت" الفريق أصبح خلا.. جاني الخبر جاني البلا.." وملامح اللحن كانت مشحونة بالعاطفة.. وفي لحظة صفا ذكرت لشقيقي المقبول ملامح اللحن والمعاني التي تدور حولها القصيدة وأخبرته أن هناك إحساساً قوياً يهزني في هذا اللحن وهذه المعاني وقد وافق ذلك فيه ظرفاً نفسياً خاصاً فكتب نص أغنية "السمحة قالو مرحّلة" أثبت هذه المعلومة إحقاقاً للحق وتوضيحاً للغموض الذي قد يحسه من لهم صلة بالأغنية القديمة عندما فاجأتهم الأغنية الجديدة. كانت أول كتاباتي بعد أن توفى شقيقي "المقبول " وأول قصيدة مكتملة كانت في رثائه.
درس الأولية والمتوسطة "المدارس الصناعية" وكان مبرزاً حيث جاء ثاني السودان على مستوى الشهادة الفنية. لم يواصل في المدارس الفنية حيث إلتحق بمدرسة "بورتسودان الثانوية" ومنها لمعهد إعداد المعلمين بأمدرمان، حيث تخرج فيه وأصبح مدرساً بالمدارس الثانوية العامة إلى جانب ما أشتهر عنه من ممارسته لهواية الغناء، أيام دراسته بمدينة. بورتسودان، كان موهوباً في مجال الرسم وفنون التشكيل. عندما لم يسمح له أثناء عمله بالتدريس بالإلتحاق بمعهد الموسيقى والمسرح قدم إستقالته وعمل فترة مصمماً للأقمشة بمصنع النسيج ببحري، إلتحق بمعهد الموسيقى والمسرح وأكمل خمس سنوات بقسم الموسيقى "قسم الصوت " إلاّ أنه لم ينتظر حتى ينال شهادته الأكاديمية.
تزوج " بثينة" وخلف سامر و سيد أحمد عانى من المرض كثيراً فقد لازمه الفشل الكلوي مدة طويلة"5 1 عاماً" أجرى خلالها عملية زراعة كلى بروسيا أواخر الثمانينات إلاّ أنه تعرض لانتكاسة جديدة بداية عام 1993 بالقاهرة وأنتقل منها للعلاج بالدوحة حيث ظل هناك يباشر عملية الغسيل الكلوي.
رحل مصطفى سيد أحمد في يوم الأربعاء يناير 1996م ليؤرخ موته إلى جوار الإستقلال في بلد لم يعِ معنى الاستقلال، تمشّى في شرفات الموت جاعلاً للموت طعماً آخراً، وإحساسا مغايراً به، وتاركاً شلالات من الأغنيات الخلاصية تنثال كما ضفائر السمراوات معربدة في الليل الإفريقي الفاحم، وبعدما أعاد تشكيل الجغرافية الوطنية بدماء الأغنيات.

يلا عندي خطاب للراحل نزلته قبل اليوم وحذف ولكن اديتوني امل انزل الخطاب لي عشاق ومحبي ابوالسيد يحكي فيه معاناته مع المرض و......... ؟عشان ما يتحذف النص دا لا نو حاسي حايتحذف تاني مع ان الخطاب نازل في معظم المنتديات

عاشق ابوالسيد
07-06-2007, 04:12 PM
منقول من موقع الراحل الاستاذ مصطفي سيد احمد

اخر خطاب من الراحل قبل وفاته بشهرين الى ابن عمه عبد الرحيم محمد احمد
ويحكى فيه معاناته مع المرض والمضايقات والضغوط والاشاعات
التى تنسج حول ومعاناته من عملية غسيل الكلى.

http://www.al7nk.com/vb/images/smilies/word.gifنص الخطاب كما يلىhttp://www.al7nk.com/vb/images/smilies/word.gif
الاخ عبد الرحيم محمد احمد

لكم عاطر التحايا من الدوحة والشوق كله لكم وقد تحولت الايام فصارت
شهوراً وسنيناوزماننا الردى يشتتها فى اصقاع الارض. نامل ان تكونوا والاهل جميعا بخير فنحن دائما تنقصنا تفاصيل اخباركم وكيف ترتقون جروح هذا الزمان المهترئ
نحن بخير والصحة على متوازنة تقوم على غسيل الكلى بشكل منتظم
وامارس حياتى فى غير ذلك بشكل عادىالاولاد فى الاسكندرية وهم فى المدارس وانا بصدد محاولة اقامة لهم هنا فى الدوحة اذا نجحنا فى ذلك نكون حققنا قدر من الاستقرار كما قلت الصحة مستقرة وقد اوضحت للوالدة والاخوات الا يلتفتوا للاشاعات فهى احدى الاساليب الخبيثة التى يمارسها اولئك السفلة للضغط والمضايقة وقد شرحت ذلك كثيرا , لكن كلما ينشر خبر فى تلك الصحف المتعفنة يصيب الناس بالقلق وهكذا اردد مرة اخرى من جديد ان لا صحة لهذه الاخبار وانها اشاعات وان لا يعتمدوا اى خبر الا اذا جاء منى مباشرة
اريد ان اعرف تفاصيل الحياة فى ود سلفاب ,كل المتغيرات ,كيف يعيش الناس
ما تبقى من الملامح القديمة وما طرأ من متغيرات , الاجتماعيات بين الناس كيف هى وهذا اللون الداكن الذى غطى به الكيزان كل السودان كم نصيبنا نحن فى ود سلفاب منه كما اود ان اعرف تفاصيل احوالكم والاخبار والاهل فردا فردا

لك وللاهل الف سلام
اخوك مصطفى سيد احمد المقبول

الله يرحمك بقدر معانتك

عاشق ابوالسيد
09-06-2007, 02:33 PM
مرثيه في المرحوم مصطفي سيد احمد عليه رحمة الله

في ذكري رحيلك يا مصطفى تاكلنا الغربة
ويسافر بنا مد الغيم الى المجهول
نكبكيك ام نبكي انفسنا وضيق الحال؟
ام نبكي" الشجن الاليم" "ما بين خاطرك" "وحزنك النبيل"؟
"وبنفتش عليك في المنفى"
وفي "مطر عز الخريق" "وطيبة" تكاتل المشوار علي نار الجرف "طورية متكية"
"نكر صوتك صداك" "واتبرجت غيمة" "نهار شوقنا" ومشاويرنا الصباحية
وانت النيل
وكنت قبيل
دعاش الفرحة لي "طيبة" و" ود سلفاب"
و وسط الدارة "ترقص فوقا صقرية"
تنادي الشفع التلعب مع "نوره"
"وعجنا" الكان بدقوا كرامتو فجرية
و"عم عبدالرحيم" بشهد هوان الحال
وضيم الزول وقت ترزم
خيوت الفجعه فوقو تموت
"تغرد فوقو قمريه"
"مداين" تبكي في المجهول
وفرحة زول
"بيحلم زي مراكبية؟
تكابد "ضلنا" المغشوش علي
"شعر البنية سقف
وايدين الرجال رصاص" بيوقد لي النهاريه.
بعد "عزّ المزار" والنيل بقاوم في جيوش الهم
ويسال عن صلاح الحال
يرتب "مريم الاخرى" ويصاحب لي الخدرجية
بعد "مطر الحزن عاود"
ورشة الدنيا بي سيلو
"بقول غنوات"
"ونشوة ريد"
تقالد بت فرايحية
وقت وقف النهار بالليل
تجي "البت الحديقة" كمان
"وتبكي وجيدة طعنة سيف"
وفي" الزمن الخرافي" تخت
حتة فرحه ورديه
علي "قمر الزمان" تحلم
"علي عينيك تصاوير الغنى" المسفوح
و"عباد الشمس" بشهد
"بحيض النيل" ويملى رعافو كورية
"وخوازيق البلد زادت"
"عجاج البحر" سده الغيم
معاك "ضليت" وضلت فرحة مخفية
مع غيبتك... حزنت نامت الخرطوم
بعد ما "عدى فات"الحال
دعاشك من سماء امدرمان
وتاهت "سمحه سمرية"
وانكسر الشتم بالليل
وضاع النيل
وقال "اتدفقى" الاحزان
"ويا ضي شبابك البيوت" انسد
وسكّت لي الصنايعية
ويا" صابرين" علي جمر الحزن ابكو ا
وبكي سماكا يا السودان
عشان" قمر الزمان" اضحك
يدق مزيكة" حورية"
صحي" ابداك انا ومن وين" ؟
وانت معانا جوه الروح
محل مانروح
وفيك ارواحنا متكية
"وبراك واقف" "هردتا لهاتي" قالن ليك
"سحابات الهموم" يوم جن
"علي بابك" يعزنك بعد ما سابن الجيه
و"سافر" في "زمن بيروح"
شعاع "عينيك مدن"تحلم
في" لحظة شهقة" نص الجوف
و"ميلاد حب" يغالط في السماسرية
ودفرة وجعة تمصر ليك
مشرع الحلم الفسيح وتصر
وشيشا في "طريق الليل"
بسكّت دمعة محرية
وقالت"ماشقيتك" يوم ولا استنيت
"صديقي الاول" المسكون
وساكن في" استلاب" الغيب
ويشتل غنوة وردية
علي "غربة ومطر" و"سحاب"
عشان "اديني احساس" زول
همو علي وطن مهموم
ونفسو تقولو في"نفسي ..في داخلك اعاين" ليك
بعد تميته وردية
وجايي تسكت الشفع
ومن "عزار دموعك ديك"
تقش ايديك عشان تقدر تعاين ليك
وايدك ماها ملويه
رحلتا وسبتا دنيا الهم
بترقع في يباس الحال
علي" لوحة وطن" مجروح
وصوت مبحوح
بعد عيشة الرجال مسخت
وعاشت غربة ابدية
وقالت "يا سلام منك" رحلتا حلاص؟
وسبتا الدنيا لي الاغراب
بعد ما ناح غراب الشوم
ودقا نحاسو زندية
وجاطت فينا ريحة الخوف
وعربد في صحاري الروح
ضجيج الوجعه ينده ليك
ويشحد ربو حرية
تلامس لي سما ارضك
عشان افرح سما الخرطوم
بعد "عز المزار" في الضي
نشف ريق البنادرية
نحبك انت مافي وفي
لانك في
وبس بكفي
وجودك في مدى الاحساس
ونارك ماها مطفية
وطعمك ببقى زي ما هو
"مداد ارضك""شليل الراح"
وحزمة ناس تشنق الليل
تخلي الساحه مضويه

عاشق ابوالسيد
09-06-2007, 02:37 PM
مرثية عفاف الصادق للمرحوم مصطفي عليه رحمه الله
يالكحلت عيون الدنيا بلون الغنوه
يالضفرت ضفاير احساس الكلمه الحلوه
يالشتت نجوم الليل في وش النيل
عقدا فوق القمره بيقدح فينا الضو
يالطقطقت اصابع السحب الشالن جو
دفق عسل المطره و نقط ..كبت شو
نضمت..غنت ..سكتت ..صنت
مرقت ..دخلت ..قامت ..قعدت
شن بتسو ؟
تقشقش فوق رقراق الدمع الكاسي العين بهدمة دم
كل ما اتعرى يجدد توبو يضاري الريحه الكست الجو
تساسك بين تيار الموج الكسر الجدول ودفق شو
تسارق فوق نجماتا برقن هجن لجن ..باتن قو
تضاير فوق وديانا شبعن ..رضعن ضرع السحب الشالن برا ..جو
تصنت غنوة سيره عريسه مهقد ..مكسي ..مجرتك
يفوح الصندل ..وعطر المحلب منو مدفق
امو تعدل ..واختو الرقصت ..وخالو يبشر ...
وعمو بيعرض وسط السهله ..وخيرو مدفق
غنوه بتعزف نغم اتشتت ..رعدا صفق
بردا هز اتباطن صوتو
اتطانن حر لوح و هوا
وظهرا فارسا تب ما اتلوى
وزغرد ليك ايقاع المطر اتلبب
حضن الارض ونام
ود سيد احمد دق المحلب جوه الفكره
وخت الذكرى
ذكرى الليله وذكرة بكره
ابيه و حره
مبدأ و عزه
سيما وعبره
درايا و خبره
شموخ بيت عازه الما بتهزه
برغم الضيم
وليد ضكران
هز و رز , تب ما فز
اتقطر نز
ادفق ضي
ود سيد احمد شال الريشه
ورسم اللوحه
وشتت لونها
وتيرب بيهو سما السودان
وكانت النبته عصارة الغنوه الفيها
ثقافه .. وحب .. وسياسه
مزيجها بلدنا وفيها ولدنا اتعطن الريد
والبت الحلوه ..الوطن الغالي
وسرج بيهو و شد ضهر سودانا القام
وكيف بتفوت
وكيف بتفوت ..
يالولد الغنى وشنا ورنا
وخالدا حي
ما بتتضارى بشوفك قاعد بين الرمش الفوق عيني
يالدفيت اعضاء الكلمه في ليل
البرد ..الريح ..الصي
يالنديت اغصان الحرف بصيفا
حرا و شد الكي
وكيف بتفوت يالولد الضوا وشيشو قليب الوتر
الغنا وطربا غطى فجاج الحي
تمرق بين ورتاب الزرع الفرهد
تمرق بين حبات المطر الطقطق نقط
يحضن ليلا سود ..هج ..وهود
تمرق بين النيل الكتر ادفق و نمرق
تمرق بين الوترالصفق غنا و زغرد
تمرق بين صفقات الشجر اخضر و ورق
قام اتشابى و عانق كتف الليل
اتطاول باس القمره و قبل عين الشمس
كيف نبكيك يا راجل الليله و بكره و امس
كيف نبكيك ونحنا بنسمع صوتك
سرا.. وجهرا ..وهمس
كيف نبكيك و انت معانا تشيل و تخت
ترص و تقص
تفج السهله وتحكي الغنوه اللبست صوتك
وشالت حسك ..ونفسك ..وروحك
وسمحت زي
وانت معانا بقيت جوانا و ماك بتفوت
حتلت حنينا جوه القلب
بصمت عليهو وجود موجود ..برغم الموج
وسفر الجسد الما محدود
غلبت تفوت
كسرت الحاجز الراكز جسرو على المسدود
رقعت الهدم الراسي خيوطو على المقدود
مسحت ..مسحت البعد الارضي المامحدود
نسفت مسافة الزمن الروح و مامعدود
سكنت مسامة النغم المن ايقاع النبض
بقيت الدم ..و الروح ..و القلب
هزمت الموج ..غلبت تفوت
تفوت لي وين ؟؟
وانت الزول الباقي وحي
انت النور الوج الضي
وانت البحر الدفق ري
تفوت على وين ؟؟..ونحنا زرعنا لسع ني
النيل الابيض لاقى و عانق حضن الازرق
باس الابيض خد الزنجي
اتقلدوا.. اتقادوا
اتوحدوا ..فاتوا
مات العنصر و داب الفارق
من بيناتن
صدر العين اتملى بالعبره
اتنهد نفس الكلمه الحلوه ..اتأوه
آهة طفت القمره و نفخت قلب الجمره
وكبت فينا ضلام
يا انسان .. يا فنان يالقاومت الذاكره و النسيان
دخلت بوين ؟
سكنت الدم الجاري على الشريان
لوليت جوانا عصاية الكلمه ..الشرف ..العزه
العايش فينا في كل زمان
جرجرت علينا حروف النغم الطربا
يهز يفرح كل مكان
ختيت الرأي صريح قولا و فعلا و فكرا
سجل اكتب يا تاريخ
يا استاذ .. يا ممتاز
ختيت الدرس مفيد و صحيح
درسا ما دايرلو وسايلا للتوضيح
ونحنا فهمنا كتبنا درسنا على الكراس
انتهت الحصه و ناحن سكلبن الاجراس
مرقت صحيح ؟؟؟
مشيت بي وين ؟؟
وكيف خليتنا بدون تصحيح ؟!؟
نصحح وين !!؟
شلنا الهم
نصحح وين
جينا الكم
نصحح وين
وكل اقلامنا تقطر دم
كمل احمر دفق لونها فحم
ونحنا كبرنا وعينا و زدنا فهم
عرفنا اهداف الدرس تمام
ختينا النقطه ,الهمزه ,الشوله ,الاستفهام
خلصنا خلاص
جمعنا قلمنا حبرنا كتابنا مع الكراس
يالوحدت بسفرك كل الناس
يامقياس
يا ميراث
واساس المعنى
الحب ..المبدأ ..و الاحساس
نعم الارث الباقي و اعظم ساس
وكيف بتفوت
و افتش ليك انا جاي بي جاي
و أهلك و ناسك مرقوا يكوسو عليك معاي
وانادي عليك ارتى عليا
فوت بي وشك ارجع جاي
وفجأه ...و فجأه بتطلع من جواي
متل النور الضوا حداي
وموج النيل الرايح جاي
وهج العين الفكر الراي
ومن الشمس بريق ضواي
وصدر الام الليك غطاي
حديثها يناغم فيك لولاي
وصوتها يهدهد فيك هداي
هوها..يا هوها
واحد ..اتنين ..تلاته
ابرة الخياطه
فيها م وفيها ص وفيها ط
و ف
وفيها جميع المصطفى

عاشق ابوالسيد
09-06-2007, 02:43 PM
مرثيه سيد احمد الحردلو للراحل مصطفي سيد احمد عليه رحمه الله
تانى قام واحد جميل فى بلدنا ... ماتْ
وكان بغنى للمساكين .. والمسولتين .. والحفاتْ
وكان بغنى للمنافى .. والعصافير .. والرعاتْ
وكان بغنى لى بلد فى الحلم ... جاي .. أغنياتْ
وكان بطنبر .. وكان بدوبى .. للحياةْ
- 2 -
تانى قام واحد ملك ... روّح .. وفاتْ
وكان ملك فى الريد ... وإنسان فى الصفاتْ
وكان مهاجر فى دموع كل البكاتْ
وكان وتر مشدود ... ومسكون دندناتْ
وكان - عليه سلام - تقول مازول حياةْ
- 3 -
يا مصطفى .....
فاكر الجماعة الكانوا ساكنّك دوام
من منفى لى منفى
ومن عود ... لى سفرْ
فاكر العصافير المسافرات دون جواز
فاكر اللى داجّين فى المطرْ
.... عبدالرحيم ... وهلم جرْ
فاكر القطر
فاكر النخيل .. فاكر الحراز
... الليلة كانوا جميع هناك
قسماً يمين .. كان الجميع باكين عليك
كان المطار فارش عليك
كان الجميع مشتاق إليك
ياسلام عليك
لمّان تكون زولاً عزيزْ
عنْ ناس عزازْ
- 4 -
يعنى كان لازم تفوتْ
والحزن مشرور فى البيوتْ
والدنيا مازال فيها حوتْ
وفيها لسع .. عنكبوتْ !!
وتخلّى أوتارك سكوتْ
ولسة عندنا ريد جديدْ
ولسة عندنا ليك قصيدْ
...... يعنى كان لازم تفوتْ
وتخلى هذا الحب يموتْ !
- 5 -
ياسلام عليك
لمّان تكون زولاً عزيزْ
عنْ ناس عزازْ
يا سلام عليكْ
بشري الفاضل
رطـبـت بـالنــّداوة
وغــــلالة الــــروح
ســنــوات الجـــفـاف الأولى
فــرقــص الشــعـــر عــلـى نــاصــيـات الـقـوافى
فى هـــذا العــهـــد الكـــالح
.... عهــــد الصــريــــر ...
ولــف الــذقــــون عـــلى الـضــحـــك
بـــرج الغـــناء الــعـــالى أنـــت
وأنـــت الــنــســــيـــم يــتـــردد..
ياحــلـــو يا مــســـتــطــــاب
رحـــلـت وكــنـــت عــلى بـــاب الـــدخــــول
.. فــــنــهـــــض بـــديـــارنــــــا ذلــك المـأتــم الـجـــمــعـــى
ذلـك الحـــزن .. ذلـك الإنــشــــــداه
... ذلــك الــــذهـــــول
وكـــانـت أشـــــد القــــبــائـــل جـــســـارة فـى لــقــيـــاك
وأنــــت عـــائـــــدُ إلــــى الــــوطـــن ...
قـــبــيـلــة الصـبــايـــــا ..
يــنــضـحــن نـضــارةً وعــافـيـة
فـى زمــان نـقـص الـغــــذاء ...
صـبـايــا مــن الـحـســـن الـصــــافـى
كــأنـمــا جــبــلــن مــن طــيـنــة أخــــرى
... وقــفــن ســــداً بــديـعــــاً .. حــازمــاً
فـى وجــه ســرقــة عــبــيـرك
بــغـــيــة ســكـبه فى الســاحة الـكـالـحـة ... الـغــبـــراء
فى طـريـق مـدنى ... إنـبـثـقـت عــن ذاكــرة الأغـانى
غـــابــةُ مــن الـمـحــبــيــن
فـى إســـتـفـتــاء مـع الأغـنـيـــة الـمــشــبـعـــة
وضــد ســلخ جـلــد الأغـــانـى
وحــشـــوه بـالـغـــثـــاء
الـنــهـــر أنـــت
ورؤا ك ... تـســيــر الأنــهـــار
نـغــــمُ مـنــك أو هــمـهــمـــة
فــيـقــفــز عـاطــف مــثــل درويـش
مـن الــمـجـهــول إلـى الــصــدارة
..قـــم .. قـــال صـــنــوك الــشــاعــر..
يــاطــريـر الـشــبــاب
غــنى لــنــا ... غــنـــى
مـــن عــبــقـــرى الـربـــاب
أنـشـــودة الـجـــن
قـــم يــاجـمـيــل بـثـيـنــة
وأشـهــد هـــذا الـولـــــه
بـمـا أمــتـعــت بـه الـنــاس
وضــوأت لـيــالى الــقــرى ... والأمــــدان
يــدلــقــون عـلـيـهــا العــسـس والـعــسـف ... والأســف
فـتـغــســلـها بـآهـــة مـرســلــة إلـيــك ... حــبـلى بـالـفــرح
مـنـذ مـطـلـع الـقــرن عــبــر كـرومـة ... ووردى
وصــادح تـلـو صــادح
فــتـنـمـّى فــيـهـــا الــتـشــبـيـب بــحـــب الـوطـــن
وشـهـقــة الـشـعــــر ... وإنــدلاق الـصـلــيـــل
مــصـطــفــــى
يـــا مــصـطــفـى
الـنـهــــر ..... أنــت
فــولاذ الـرقـــــة
بــرج الـغــنـاء العــالى ..
والـنـســـيم