المساعد الشخصي الرقمي

مشاهدة النسخة كاملة : تربال ومهاجرية



جلال ابو كروق
11-06-2007, 12:04 AM
تربال ومهاجرية

جلال ابو كروق*

]

في حوش من طين

..وبيت وزبال

..عند النيل سكن التربال

بينو وبين الجرف

..حنين ووصال

كلام النيل دوام ليه

..شد حيلك

..واقيف طولك

..وساوي البنيان

..بتجيك عصافير من كل البلدان

..تهوى نيلك

..والكنار بديك كلام

..وقمرية بتنقد في حبوب الريد

..من ايداً ماسكة طورية

..والجبين مزدان بعرق وعلامة سر

..زولاً شال مصلايتة فجرية

..ما عاين لنفسو

..ولا خاف الفقر

..لمن العندو كمل

..وعارف العندالله ما بكمل

..يلاا يا حورية لمي الشمل

..مع النسمات بجوك مهاجرية

..وريهم سر الشوق

..والعشق السكن فينا قبلية

..ووزعي سلامى لكل تربال ومهاجرية

شاعر من مدني

مصر/اسوان
[email]albrukal@hotmail.com[/email

جلال ابو كروق
16-06-2007, 04:08 AM
جبين الليل
جنب النيل نحنا اتلاقينا ...
عن أفرحنا وإحزانا ليهو حكينا ...
شاهدة الضفة والشوق ألفى عنينا ...
والعصفورة الفوقنا تعاين ...
وسمانا خديدو احمر باين ...
كلام عشاق على مو هاين...
فتح الدفتر...
وللحظات دون سطر...
لي شوقا بين أتنين ما اكتر...
والقبلي هناك شاركنا الدهشة،
وحبات من جبينه تصب وتتقطر ...
فاح العطر وريحه العنبر...
ما أجمل لحظة لما اتعاقنا،
ولو حنا للنيل بادينا ...
جنب النيل نحنا اتلاقينا ...
عن أفرحنا وأحزانا اليهو حكينا ...

جلال الدبن خلف الله ( أبوكروق)
0123569827