كف المطر
16-06-2007, 07:32 PM
واااااا تعب القلب
يا الحلوة توهني الدرب
زولك خلاص بقى مُنكرب
سارح هناك فى دُنيتو
خلي الهناك ونِساااااهو تب
عاتِب على قلبو الخِرب
حباك شديد لمن تِعِب
والهضربه بالليل تزيد
والحُمَىَ حاطت بالفؤاد لما التهب
وزوغان عيون
ورجفان جفون
جابو الحكيم
فتح الجفون
شاف العيون
شوفو السهام مغروزه في جوه القلب
مجروح عديل دمو يكُب
انا اصلي من حضن السهام
انسان سعيد جوه التُرب
قال لى يا ود الناس خلاص
مرضك هداك جوه القلب
شلته الحبيب جوه الفؤاد
لمن قليبك يا وليد
بالحييييل تِعِب
انا ما عندى اصلاً ليك دوا
وعياك ده ما نوع المرض
الدواهو محفوظ فى العِلَب
الا الدوا لمن تجيك ست البنات
وتعاين ليها من فوق لتحت
وتشوف صورته جوه حداق العين
وفى ساعته دمعه حااااره تكبها
تنزل على خديك
تبرد نار قليبك يا ولِيِد
وخليها تمسحا بحنان
يمكن قليبك ينكرب
ويرجع ينادي على الحبيب
ويرتاح فؤادك يا ولد
يا الحلوة توهني الدرب
زولك خلاص بقى مُنكرب
سارح هناك فى دُنيتو
خلي الهناك ونِساااااهو تب
عاتِب على قلبو الخِرب
حباك شديد لمن تِعِب
والهضربه بالليل تزيد
والحُمَىَ حاطت بالفؤاد لما التهب
وزوغان عيون
ورجفان جفون
جابو الحكيم
فتح الجفون
شاف العيون
شوفو السهام مغروزه في جوه القلب
مجروح عديل دمو يكُب
انا اصلي من حضن السهام
انسان سعيد جوه التُرب
قال لى يا ود الناس خلاص
مرضك هداك جوه القلب
شلته الحبيب جوه الفؤاد
لمن قليبك يا وليد
بالحييييل تِعِب
انا ما عندى اصلاً ليك دوا
وعياك ده ما نوع المرض
الدواهو محفوظ فى العِلَب
الا الدوا لمن تجيك ست البنات
وتعاين ليها من فوق لتحت
وتشوف صورته جوه حداق العين
وفى ساعته دمعه حااااره تكبها
تنزل على خديك
تبرد نار قليبك يا ولِيِد
وخليها تمسحا بحنان
يمكن قليبك ينكرب
ويرجع ينادي على الحبيب
ويرتاح فؤادك يا ولد