جامعة الجزيرة والدفعة فور تين ( 14 ) [الأرشيف]

مشاهدة النسخة كاملة : جامعة الجزيرة والدفعة فور تين ( 14 )

هاني 2

19-06-2007, 04:25 AM

والله ياشبااااااااااب اشتقت للجامعة ولمدني .... وللنشيشيبة .... والاعدادية .... ولكل الناس وللدفعة 14 ... الذ دفعة واضخم دفعة مرت علي جامعة الجزيرة من تاسيس الجامعه ... اها نخش في الموضوع من كل الابواب ونتكلم شوية عن ناااس الدفعة اربعطاشر بدت الجامعة وفتحت احضانه لكل ابناء الدفعة ارطاشر من كل انحاء السودان .... والبداية يوم ملئ بالمفاجاءت لا داخليات ولا استراحااات الجميع فارش علي نجايل الاعدادية .... ونااس مدني ما قصرو اخذو معاهم الطلبة والطالبات لبيوتهم ... وبدأت المشاكل اتصال بمدير الجامعة .... وبوالي الولاية لحل مشكلة الدفعة ارعطاشر..... وطبعا ناس 14 وناس مدني عارفين الحاصل شنو واكيد متذكرين الموضوع ومشاكل اربعطاشر وهلمه جر الموضوع طويل ولذيذ ومشوق .
عاوز تكتبو عنو وترسلو لي يناس اربعطاشر ونحكي ونروي مع بعض وح اتم معاكم الموضوع كل واحد ارسل شوية واكتب واذكر شوية وبستنااااكم

Du3ash

19-06-2007, 04:46 AM

:eek: :eek: :eek:
أربعطاشر ..... ما شاء الله ما شاء الله ..... الله يحفظك
..........................
سلامات كتار ....موصولة ليك
أهاا عاوزين نعرف الداخليات والاستراحات اللي لقيناهم جاهزين ديل قصتم شنو ؟

راجنك ....

ابقى عشرة

ابوالنور

19-06-2007, 07:58 AM

14 سبب بلاوي الجزيرة ودفعه مميزة جدا يا ريت يا هاني تورينا انت 14 شنو
وانا ابوالنور جامعة الجزيره النشيشيبه (السوق الشعبي جوار كشك النعمة)
ودمت لنا يا هاني

بورتبيل

19-06-2007, 11:30 AM

14 سبب بلاوي الجزيرة ودفعه مميزة جدا يا ريت يا هاني تورينا انت 14 شنو
وانا ابوالنور جامعة الجزيره النشيشيبه (السوق الشعبي جوار كشك النعمة)
ودمت لنا يا هاني

ابو النور .. ذكرتني .. ( الخرطوم الخرطوم بحري كشك الشعلة .. في قطر اليوم كتب الزين .. وكل الاغراض .. النوباوية)
تلغرافات رسائل ست الدار بت احمد جابر.

يا ناس اربعطاشر الراجل دا منتظركم .. وما عارف يكون منو .. الحسين .. محمد الفاتح .. اسامة سعيد .. اللورد (محمد ادم).. المهم واحد من اربعطاشر له التحية من يكون ولكم جميعاً .. ويلا احكو

خالد عبدالماجد

19-06-2007, 10:31 PM

رغم أني لم أكن من طلاب الدفعة (14) إلا أن صدقات قوية جمعتني بطلاب هذه الدفعة الرائعون زمان كانوا بقولوا (14 و 16) متشابهين ياترى هل توافقني الراي أخي هاني .
ودكسلا من طلاب 16 .
راجع ليك مع بعض ذكريات النش بإذن الله .

معتز الريح

19-06-2007, 10:42 PM

الحسين .. محمد الفاتح .. اسامة سعيد .. اللورد (محمد ادم)..
يا بورتبيل ..
يكون التجاني عابدين ؟..
يا بورتبيل الحسين ده أبوالنسب وخال أولادي ..

التحية لكل أبناء الدفعة 14 وفعلاً كانت دفعة مميزة ..
التحية لود الحاج وعاطف فيصل ومنتصر سنادة وحسام حسن
والعبوب و .......... و............ كل 14

صلاح ودالطاهر

19-06-2007, 11:11 PM

تعرف ياهاني 2 زوجتي الدفعه 14 طب وانا عشت معها ماسي الدفعه 14 وعشان يكون الكلام حلو في خشم سيدو برجع البيت واخليها تحكي ليك يارائع هذه الذكريات المتناقضه فيها المؤلم والجميل ودمت يارائع

هاني 2

20-06-2007, 03:43 AM

شكرا ...يادعاش القصة طوويلة ولذيذة وكل مرة ح احكي شوية

هاني 2

20-06-2007, 03:46 AM

شكرا ياباو النور .... انا ارعطاشر تكنو كيمياء ( الخور وشراب شاي اللبن ) وياريت يابوالنور تواصل معي في الموضوع وتبدا تحكي شوية من ذكرياتك

Madanawi

20-06-2007, 03:48 AM

منتظرين يا ناس فورتين
طبعا أنا عايشت الشباب ديل جزء من معاناتهم
وتربطني بهم علاقات حميمة وقوية
تمنياتي لهم بالتوفيق
منتظرين ولنا عودة

هاني 2

20-06-2007, 03:51 AM

حقيقي اخوي خالد ودكسلا الدفعيتين متشابهتين وامكن اقوي دفعتين مرو علي جامعة الجزيرة بترابطهم وتماسكهم مع بعض .
وذي ما قال ود الريح ( ابو النسب ) لودبورتبيل احنا نسايب وكمان هو من 16 وانا 14 يعني التشابه والترابط بين الدفعتين وصل للنسب ولا رايك شنو يا ود الريح

هاني 2

20-06-2007, 03:54 AM

سلام ود لاطاهر ... اولا شكرا جزيلا وتحياتنا للمدام ومنتظرين منها المشاركة في الموضوع واعادة الذكريات الحلو والمر منها....
ثانيا .. كتاباتك رائعه جدا وللامام وبالتوفيق

هاني 2

20-06-2007, 03:56 AM

مدناوي السيد / المشرف لك التحية وطبعا ذي ما انت عارف انا عضو جديد واتمني من الله ومن الجميع قبولي ... ومشاركتي المواضيع
لك جزيل الشكر

هاني 2

20-06-2007, 03:58 AM

بورتبيل ..... شكرا ع الرد واكيد بعد المكالمه الهاتفية عرفتني ... ماشاءالله عليك لسه كتباتك وكلامك راقي ولذيذ لك التحية واصل في المشوار وبالتوفيق

هاني 2

20-06-2007, 04:00 AM

ابو النسب ود الريح ..... دا انا ذاتو ابو النسب وخال عيالك ...... بالصدفه عرفت وقرات مشاركاتك في المنتدي ومواضيع حلوة جدا ومفيدة لك مني التحية وانت المرشح هذا الشهر

اميمه عشريه

20-06-2007, 04:04 PM

اصبرو شويه انا حأحكي ليكم العجب العجاب عن 14 ............ وما ادراك ما 14 ........

خالد النور

20-06-2007, 06:40 PM

التحية كل التحية للدفعة 14 وبالجد كانو احلى ناس
أسامة سعيد، حاتم الخواض، خالد بركة، أشرف عبد الباسط، عثمان العبوب، رشا حسين، ميسون عابدين، وليد تاج السر، جواهر محمد عثمان، كوتى، توسل احمد الكاشف، هالة أحمد بالجد أحلى ناس

والنش وابوالهول وابوالشوش
ومن لم اتزكرهم لهم منى التحية

اميمه عشريه

21-06-2007, 06:01 AM

بازمبا .. هاجر اونور ... مريم مهدي .. زهره حيدر ادريس ... عايشه عبد الكريم ... رحاب مجذوب ...مي العتمني .. الخ الخ .. سأعود اليكم ببقيه الاسماء..

nasir

21-06-2007, 07:59 AM

لم اكن من تلك الكوكبة خلقا واخلاقا ولكن عاصرناهم بالنش والداخليات(والان داخليات البنات)
وخاصة اولاد الابيض ( طه حسين - حافظ ابوحديد - الطيب -حسن بركات... وكثيرون )
اقتصاد 14 هم سميستر 6 ونحن برالمه سمستر ون ذلك الوقت
سنايرنا وحبايبنا لهم جميعا وفي شخصك هاني 2 المودة والامتنان مرتين كمان

محمد السر احمد

21-06-2007, 09:33 AM

الدفع 14 تللك الدفعتة التي غيرت مسار الجامعة سنة 94
و منذ ذلك الحين لم تاتي دفعة مثل 14 نحن سمعنا عنها الكثير
وحينها انا كنت في السني الثانويه
وعند دخول جامعة الجزيرة عرفت الكثير عنها
وبعد حل اتحاد جامعة الجزيرة ثم تكون مرة سنة 2006

معتز الريح

22-06-2007, 02:01 AM

ابو النسب ود الريح ..... دا انا ذاتو ابو النسب وخال عيالك ......

حبيبنا أبو معد ..
ياخي الموقع نور .. أم در ومدني شبهينا واتلاقينا ..
الشكر لي جامعة الجزيرة اللمتنا
وخلتنا بقينا نسايب بالمزدوج ..

يلا أحكي لي الناس عن احلى ناس
ناس فورتين

اميمه عشريه

22-06-2007, 04:27 PM

لا زلت احمل للدفعه 14 حب من نوع خاص .. فقد افترشنا الارض سويا .. وجولنا وصلنا في الاعداديه .. كان اتحاد الطلاب بمثابه حكومه نافده الكلمه ..اذكر اننا خفيه ننزل منشوراتنا هنا وهناك .. واذكر كيف كان النشاط عاجا بالمثقفين والمبدعين ..ونعود من نهار منهك للداخليات .. الغرفه 34 لها وقع خاص في نفسي فمنها خرجت الدكتوره تهاني ومنها خرجت الزراعيات زهره وعائشه ورشا بت سنار .. لم اكمل معهم مسيرتنا فقد اصابني المرض هناك واضطررت للمغادره لامدرمان والانخراط بكليه الهندسه بالاسلاميه .. لكن الي الان لم اعرف من الزملاء والاصدقاء الا من جامعة الجزيره ومن دفعتي( قمر اربعتاشر )

خالد عبدالماجد

22-06-2007, 07:51 PM

العبوب - هاجر أونور - أسماء لم تسقطها الأيام عن الذاكرة وغيرهم كثيرون منتصر سنادة ناجية محمد إبراهيم ويالها من أسماء منحتنا لحظات جمال لن يجود الزمان بمثلها ولن يكن لنا أن نعيشها من جديد فهي لاتتوفر إلا داخل تلك الأركان الفريدة وفي تلك البراحات الرائعة ..
في إنتظاركم لنثر مزيد من الجمال ...
تحياتي

هاني 2

22-06-2007, 11:31 PM

هاني 2

22-06-2007, 11:31 PM

اها نواصل ليكم شوية عن اربعطاشر ...
اربعطاشر فرشو الارض ... ورقدو نجيله ... وقالو يا مدير ما فيش حيله
ناس الصندوق .... وما ادراك ما ناس الصندوق عذبونا .. وجننونا .. وتلتلونا
قلنا ناس مدني ما قصرو معانا كلنا البنعرفهم والمابنعرفم ضيفونا في بيوتهم ... وقدرونا واحترمونا . يوم وراء يوم واحنا بنحاول مع ناس الصندوق من جيهه ومع مدير الجامعه ... ومع الوالي لحل قضيتنا من داخليات ... واستقرار وتنظيم للقاعات وطبعا بعد جهد جهيد ... ماخلوا لينا مدرسه ثانوية في مدني الا قضمو منها جزء وعملو داخلياااااااااات .... وانا مع شباب داخلية ود الجاك ... معنا الرائعين ود اللواء .. وصديق سعد الله ... التجاني عابدين ... محمد ادم ... واسماء كتيرة شوية شوية بديكم منه ... شوية ود الجاك وشوية في النشيشيبة مع ناس 13 وليد كرار .... منير الزمزمي .... محمد احمد بورسودان ... والبقية تاتي وذي ما قالت اميمه عشرية ح نحكي ليكم العجب العجاب .. وكل من يتذكر يرسل لينا مرت الايام وتوالت علينا ... وبدا السمستر الاول وهاك يابروبشنات ... وافات ... وحاجات عجيبه ... طبعا ما خلينا لينا حفله في مدني الا واحنا فيه ذي الصيوانات .... ناس العريس اقول ديل مع ناس العروس والعكس... يعني بنشوت في اي اتجاه ونبقي اسياد العرس ... يعني جوطنا مدني وقلبناها فوق تحت ..... ونواصل اكبر مشكلة مرت ع جامعة الجزيرة ... وكيف تم فصل الدكتور الرائع اوبي الزمزمي ...

ابوالنور

23-06-2007, 01:36 AM

بازمبا .. هاجر اونور ... مريم مهدي .. زهره حيدر ادريس ... عايشه عبد الكريم ... رحاب مجذوب ...مي العتمني .. الخ الخ .. سأعود اليكم ببقيه الاسماء..

حسن عبدالرحمن............. لوي حليفي ..........والفاتح القريقريب........... وناشر البشري

وبجيك راجع يا اميمه

اميمه عشريه

23-06-2007, 02:17 PM

الشباب الرائعين كل المشاركبن في الموضوع شكرا ليكم كتير .... وفعلا اربعطاشر غيرت مثار مدني وما زالت بصماتهم موجوده ..... عشرية ليك التحية ومنتظرين منك الكثير لانك انتي فينا ومنا ..... واكيد لسه ما عرفتيني انا ( الحسين ) .....

لالالالالالالالالالالالالالا ما ممكن اوعه تقول لي انت الحسسسسسسسين الفي راسي داك زاتووووووو :D

هاني 2

25-06-2007, 03:16 AM

هلا عشرية انا الحسين نفسو ياهو ذاتو ..... مي ... احمد شهادة ... ايناس السمينه .... بازومبا ... ياسر نوري وباقي الشباااب ...
ومشتاااقين كتير

هاني 2

25-06-2007, 03:18 AM

شكرا ياابو النور وبالله اذكر معانا كل الشباب الرائعييييين .....
رندا خلف الله ..... ايمان منصور ..... هيفاء .... التجاني عابدين ..... فضل ..... السليني
ونااااس كتيرين رائعيييين

ابوالنور

25-06-2007, 03:39 AM

ونديك من اقتصاد شويه هيثم خالد معتز الجعلي واميميه مرت المدير وايهاب الحارس ومن زارعه نديك التيمان اشرف وايمن ونديك من 13 معتزة حسن عباس
ونديك من 16 تونا اشجان وحباب ورندا جينظ اها كيف بجيك تاني

هاني 2

25-06-2007, 09:13 PM

ابو النور ..... يارائع متشكرين كتير علي المواصلة في الموضوع .... اها عاوز اسالك سؤال انت منو ؟؟؟؟ ومن الفعة كم ؟؟؟ ومنتظرك

ابوالنور

26-06-2007, 01:10 AM

انا انور ود عمك ابراهيم
وبجيك تاني

الجندي المجهول

26-06-2007, 02:34 AM

حقيقي الدفعة 14 كانت اضافة حقيقية للجامعة وكل الدفعات اضافة للجامعة من تكنو بتذكر بكري الطيب عبدو مدني الدرجة ومن 14 كذلكط بتذكر ايهاب مكي ود المسعودية حارس الاهلي مدني وجزيرة الفيل وبفضله وجهوده هو وزملائه صعدت الجزيرة الي الاوليب ومن ثم الي الممتاز وكذلك حرس مرمي منتخب الدرجة ومن 14 ايضا اشرف عبد الباسط بحيري الان في امستردام بهولندا وهم كثر 14 وحلوين وتحس بيهم من يومهم ناضجين وفاهمين وتحياتي للجميع ---- يا عزيزي لا تنسي السوق الشعبي وخور اللبن وبلوك 4 والكوثر وكل شبر من النش ولا تنس ابو الهول والاسكوير وكل شبر من الاعدادية ولا تنس الغابة والرملة وحنتوب وكل شبر فيها مع تحيايتي لكل من شارك في هذا البوست .

ابوالنور

26-06-2007, 02:38 AM

هاني 2

26-06-2007, 10:00 PM

تسلم ياخونا الجندي المجهول ....
وزيدنا من بيت الشعر قصيد .... واتذكر معانا ..... ومنتظرنكم ياشببببببببببببباب

هاني 2

03-07-2007, 09:39 PM

وينكم ياناااااااااااااااااااااااااااااااس ...... الموضوع مليتو منو ولا شنو ...... كدا النحركم شوية
ناس حلوين ولذيذين سابو الجامعه ومشو جامعات اخري ذي الاسلامية والسودان والاهلية
اميمه عشرية ..... ايناس ..... احمد ..... منوفلي ..... منتصر .... واخرون رائعون كثيرون اذكروا معاي

عثمان جلالة

03-07-2007, 09:47 PM

التحية للدفعة 14 وللرقم 14 يا هاني أنا ما من طلاب 14 بس كنت متابع ولي صداقات مع الكثيرين .. شكرا يا هاني على الموضوع

هاني 2

07-07-2007, 03:59 AM

تسلم جلالة ..... ونرحب بيك صديق لا 14