حنة محاسن الما شالت

[أبوياسر]

لقيتو قاعد جنب باب الشقة حقتو جنبو أنبوبة غاز ... متفن في واطة الله ... سلمت عليهو إزيك يا أخينا مالك قاعد هنا ؟ عاين لي وهو ياشر بايدو علي الشقة وقال لي الشقة مقفولة وأنا ما عندي مفتاح المفتاح جوه أصلها محاسن قاعدة جوه لكنها متحننه وما دايره تقوم وتخرب حنتها قالت لي أنتظر لحدي ما الحنة تشيل وأخرتها وبعدين أجي أفتح ليك الباب......
أها أنا قاعد وراجي الحنة تشيل ...
لكن يا جني الحنة بشيل في كم ساعة ؟؟؟؟؟
عاينت ليهو وكلي شفقة علي هذا الزوج الأليف الوديع الذي أبدع الفكي بتاع محاسن في أن يخلق منو نعجة وقلت ليهو والله يا أخينا شيل الحنة ومدتو بتوقف علي عوامل كتيرة لكن أهمها نوع الحنة والمحلبية والصبغة .
إنتهيت من نضميني وشرحي الوافي عن العلاقة بين شيل الحنة والمدة الزمنية لذلك وعاينت ليهو ولقيت الهم عصف باين علي وشيشو وعلي وشك أن يزرف الدمع الثخين قال لي تعرف الحنة نمرة واحد جايانا مخصوص من الدامر والمحلبية أصلية ميسو محاسن ما قاعدة تستعمل الصبغة عندها حساسية الله يحفظها ويغطي عليها من عين الناس وبطن كرعين محاسن صلاتي علي النبي ما جضوم ليلي علوي وداخلات في سفنجة يعني بي نضمك دا حنتنا عشان تشيل دايرة ليها ثلاثة ساعات وأنا ماشي الشغل كيف الحل؟؟؟ قلت ليهو طيب يا أخي كلمها وخليها تفرتق الحنة وتقوم تفتح ليك الباب . عاين لي بإنزعاج وغضب ونهرني نهرة : يازول إنت ما نصيح ؟ داير حنتها تخرب وتطلع شينة والنسوان يقعدن يتقارصن ويتونسن بيها ؟ يا أخوي كلو شيء ولا زعل حسونتي دي إنشاء الله يرفدوني من الشغل بس هي حنتها تشيل وتطلع سمحة .
وإتلفت علي باب الشقة وقعد يكورك محاسن يا محاسن ما شالت؟؟؟ وجاء صوت من الداخل وكأنه صوت عسكري الحركة وبحدة شديدة قالت ليهو : يشيلك التمساح.. ما قنا ليك لسه كرهتني الحنة زاتها يا أخي . زولي هنا قعد يبلع في ريقو وضحك وعاين لي وقال: والله الله يهديها بس عصبية خلاص إلا طيبة طيبة والله وحنينة .
لملمت بعضي ونزلت ثلاثة عتبات إلا وأسمع ليك أخونا يغني ويدندن
الزول السمح فات الكبار والقدرو
كان شافوهو نوع دا كانوا يعزروا
وأنا متأكد إنو قاصدني أنا

[SIZE="7"]منقول[/SIZE
إضطررنا للنقل لإضافة هذه الورقة للمرافعة
مع رئيس جمعية الرفق بالقوارير ونائبه

[معتز الريح]

عاينت ليهو وكلي شفقة علي هذا الزوج الأليف الوديع الذي أبدع الفكي بتاع محاسن في أن يخلق منو نعجة [/color]

حبيبنا اللذيذ ..
اها الراجل الفي قصتك ده عليهو تأثيرات خارجية (الفكي)
ذنبو شنو؟ الفكي انتهى منو

همسة ..
أبوياسر اخوي شكلك مضغوط
والضغط بيولد الانفجار
وانت منفجر لينا في المنتدى ده
وده من حسن حظنا

بجيك تاني

[صلاح الدين محمد]

والله يا عزو انصر دينك وانا اقول مالو اتجاه واحد

بس انتا جبتا التايها

تخريمة :

والله نحنا معاك من زقاق لي زقاق

قول معليـــــــــــــــــــــــــــــــش

[مختار بازى]

والله يا عزو انصر دينك وانا اقول مالو اتجاه واحد

بس انتا جبتا التايها

تخريمة :

والله نحنا معاك من زقاق لي زقاق

قول معليـــــــــــــــــــــــــــــــش

ابو ياسر قول معليش الناس دي قصدتك ومعاك معاك من زقاق لي زقاق ونحنا متابعين وهم بقو كتار عليك قول معليش (الكثرة بتقلب الشجاعة):D

[أبوياسر]

حبيبنا اللذيذ ..
اها الراجل الفي قصتك ده عليهو تأثيرات خارجية (الفكي)
ذنبو شنو؟ الفكي انتهى منو

همسة ..
أبوياسر اخوي شكلك مضغوط
والضغط بيولد الانفجار
وانت منفجر لينا في المنتدى ده
وده من حسن حظنا

بجيك تاني

ودالريح الحبيب
سويتوها في الفلاتي؟

[أبوياسر]

والله يا عزو انصر دينك وانا اقول مالو اتجاه واحد

بس انتا جبتا التايها

تخريمة :

والله نحنا معاك من زقاق لي زقاق

قول معليـــــــــــــــــــــــــــــــش

أبا
عجبك كلام الريس
لامن بقيت تدلعوا
إنشاء الله يدلعوا ولايداتوا

[أبوياسر]

ابو ياسر قول معليش الناس دي قصدتك ومعاك معاك من زقاق لي زقاق ونحنا متابعين وهم بقو كتار عليك قول معليش (الكثرة بتقلب الشجاعة):D

مختار
ياجار
دا شنو؟
حق الجيرة وين؟
والله أنا معاهم لي آخر حبل قصدي لآخر نفس

[محمد السر احمد]

والله الحنة عندكم
دا راجل اليابني والتابني
كان يقطع ليهو فرع من شجرة الحنه ويخش عليها
يخلي جسمها كلو يشيل حنه من سوط الحنه

[مختار بازى]

مختار
ياجار
دا شنو؟
حق الجيرة وين؟
والله أنا معاهم لي آخر حبل قصدي لآخر نفس

انا معاك يا ابو ياسر من بوست ناس هناية والتاية لكن لو خشيت الناس حتفهمني غلط
عشان كدا حبيت اتابع من بعيد لي بعيد

[معتز الريح]

أبوياسر الحبيب ..
شايفك واقف بتتفرج ..
الدرب ده سيبو تعال لي بهناك
نشوف موضوع الكرش ..

[Jamal Elmahi]

ابوياسر أريت حالك زين
وفي نوع من الرجال أخير منهم صاحبنا القاعد في العتبه ..في نوع من النسوان سادي بعد ماتتحنن بدل ما تستعمل الطربيزه والمخده لرفع الكرعين بتنادي راجلا يتفّن في الواطه ويمسك الكرعين عشان لما المدام تاخد نومتا حنتا ماتتخرب بحجة أنو النوم موت والراجل أضمن من المخدّه في الحفاظ علي الحنّه من مداقشت الكرعين ...وفكينا أبكرونه يضحك حتي ظهرت نواجزه....

ود الماحي

[أبوياسر]

ودالماحي
يا أظرف زول
والله شغلك نضيف تعرف يا حبيب خلاص تم تسجيلك
معنا طبعا لو كنت متابع معانا هنالك جمعيات تكونت في هذا المنتدي
من أهدافها تطويع مثل صاحبك الشيلوا الكرعين دا لكن د ي والله يا ود الماحي في التمانيات
دا هدف في حارس المرمي صلاح أبا والكوتش بتاعوا القاعد بهناك داك عرفتو؟
ومن اليوم نصبناك كابتن فريق الرجال رافضين الفوطة وأنا عارف أمثالك في الزمن الأغبر دا بقوا شوية خلاص لكن أهدافنا الكيف وليس الكم وليسقط معتز الريح

[صلاح الدين محمد]

صدقني يا ابوياسر

المكتوب علي الجبين بظهر في بوستاتك

وزي ما شايفين الشباب اتجاهك واحد

فالظروف المحيطة بالفرد هي البتاثر في سلوكه العام

والله يكون في عونك

[سموءل]

معقولة يكون في زول مهروش للدرجة دي
ياخي بيت أبوها ده بسوي في شنو مايرجعها ليهو

[أبوياسر]

صدقني يا ابوياسر

المكتوب علي الجبين بظهر في بوستاتك

وزي ما شايفين الشباب اتجاهك واحد

فالظروف المحيطة بالفرد هي البتاثر في سلوكه العام

والله يكون في عونك

المحيرني يا أبا
محاسن واحدة دخلت مافي
الظاهر خاتات حملن فيك أنت وصاحبك
أمانا ما واطاتن صبحت

[أبوياسر]

معقولة يكون في زول مهروش للدرجة دي
ياخي بيت أبوها ده بسوي في شنو مايرجعها ليهو

أه يا سموءل
كلامك دخل في العضم
لكن بحول إستفسارك دا للسيد/ رئيس جمعية الرفق بالقوارير ونائبه
وأتنمي أن لا يأخروا علينا في الرد

[معتز الريح]

الحبيب أبو ياسر ..
أقترح أن تجمع مواضيعك كلها ..
وتعملها مسلسل ..

عندي اقتراح للاسم ..
يوميات أبو الولد الشاطر ..
عشان الناس ما تاخد بالها ..

رايك شنو؟؟

[صلاح الدين محمد]

حبيبنا ابوياسر

خير وسيلة للدفاع الهجوم

ويومياتك فيها الابداع من ناس محاسن والتاية

بس ارجوك ما تبدا قصصك بي اخينا لانها بقت ظاهرة

ممكن تقول كان يا مكان في قديم الزمان كان في واحد .........

بس ما تكتب اسمك ولا اكتب مثلا ( ي . م )

[Madanawi]

حليل زمن الكدايس مضبوحة .. والشقة في منفوحة

حليل زمن الحلال بالفاتحة .. والدار كرم مفتوحة

الله يستر من ناس الفكي يخليك زي النعاج مسروحة

[مثني ودالعيكوره]

ابو ياسر .... عوافي عليك

بيني وبينك الرجال كلهم بقوا زي صاحبك دا

والراجل فيهم المابقعد جنب العتبه ... بمسكوهو الكرعيين

والنوع التاني بجيب النشادر و"بنشدر" الحنه علشان تشيل...

وموضوع الرفق بالقوارير "يا حليل زمن القوارير" هسي بقن حجار زلط
بذكرني نكته....

قالوا في ضابط "لواء" عندو ولد
ولد اللواء قال الا يمشي مع ابوهو "الشغل" المنطقه العسكريه

الجماعه من شافوا عربية اللواء قاموا "رتج رتج رتج" التحيه ما تديك الدرب

وضباط الصف والجنود والجماعه كلهم كبكبه شديده ... واللواء مبسوط انو ولدو

يشوف الاحترام البلقاهو ابوهو ...

الولد وسط المشهد دا قال لي ابوهو: "هسع الحاله دي انت عملو ليك الهيلمانه دي

كان جات امي الناس ديل كانوا ح يعملوا شنو ؟؟؟

مع عاكر مودتي.....

[صلاح الدين محمد]

ابوياسر

والله ودالعيكورة اداك الرد الشافي الكافي

تخريمة :
بقت عليك قصة اللواء

زقاق ضيق :

اسد علي وفي الحروب ............

[أبوياسر]

الحبيب أبو ياسر ..
أقترح أن تجمع مواضيعك كلها ..
وتعملها مسلسل ..

عندي اقتراح للاسم ..
يوميات أبو الولد الشاطر ..
عشان الناس ما تاخد بالها ..

رايك شنو؟؟

ود الريح
ود العيكورة بسلم عليك
وبهدي ليك نكته الرائعة أنت ونائبك

[أبوياسر]

حليل زمن الكدايس مضبوحة .. والشقة في منفوحة

حليل زمن الحلال بالفاتحة .. والدار كرم مفتوحة

الله يستر من ناس الفكي يخليك زي النعاج مسروحة

مدناوي
شفت الفكي عمل شنو في راجل محاسن
مع إنو راجل محاسن عضو في جمعية
الرفق بالهناي الرئيسها هناي
ونائب الرئيس هناي بتعرفم مو؟

[أبوياسر]

ابو ياسر .... عوافي عليك

بيني وبينك الرجال كلهم بقوا زي صاحبك دا

والراجل فيهم المابقعد جنب العتبه ... بمسكوهو الكرعيين

والنوع التاني بجيب النشادر و"بنشدر" الحنه علشان تشيل...

وموضوع الرفق بالقوارير "يا حليل زمن القوارير" هسي بقن حجار زلط
بذكرني نكته....

قالوا في ضابط "لواء" عندو ولد
ولد اللواء قال الا يمشي مع ابوهو "الشغل" المنطقه العسكريه

الجماعه من شافوا عربية اللواء قاموا "رتج رتج رتج" التحيه ما تديك الدرب

وضباط الصف والجنود والجماعه كلهم كبكبه شديده ... واللواء مبسوط انو ولدو

يشوف الاحترام البلقاهو ابوهو ...

الولد وسط المشهد دا قال لي ابوهو: "هسع الحاله دي انت عملو ليك الهيلمانه دي

كان جات امي الناس ديل كانوا ح يعملوا شنو ؟؟؟

مع عاكر مودتي.....

مثني يافردة ياخطير
إديك العافية ويكتر من أمثالك في زمن ناس
هناية وهناي راجلها أقصد زوجها لانو راجلها
دي بتحتاج لمواصفات معينة أصبحت صعبة
يالمثني في هذا الزمن الغابر
والنكتة الجميلة دي بستأذنك وأهديها لأخونا
المجاهد صلاح الدين محمد رد الله غربته أقصد........

[أبوياسر]

ابوياسر

والله ودالعيكورة اداك الرد الشافي الكافي

تخريمة :
بقت عليك قصة اللواء

زقاق ضيق :

اسد علي وفي الحروب ............

سعادة اللواء صلاح الدين
تمام يا فندم

[أبوياسر]

حبيبنا ابوياسر

خير وسيلة للدفاع الهجوم

ويومياتك فيها الابداع من ناس محاسن والتاية

بس ارجوك ما تبدا قصصك بي اخينا لانها بقت ظاهرة

ممكن تقول كان يا مكان في قديم الزمان كان في واحد .........

بس ما تكتب اسمك ولا اكتب مثلا ( ي . م )

مشكور كتير
يا نائب الرئيس الخبرة واضحة وجلية
نشكر ليكم خبراتكم العالية وهذه القمة في المهنية
كيف لا وأستاذك المخضرم أخونا هناي

[Jamal Elmahi]

المحيرني يا أبا
محاسن واحدة دخلت مافي
الظاهر خاتات حملن فيك أنت وصاحبك
أمانا ما واطاتن صبحت

ما تتحيّر آآآآعشاي محاسنات المنتدي محننات ولسه حنتن ما شالت ..عاد دايرن يجن مبشتنات وحنتن ما شايله آها ويقولوا علي بعولتهن شنو... ما مسكوا الكرعين كويس !!!

بشيل الحواشات وبجيكم صاد ...

ود الماحي

[امير عبدالباقي]

ابوياسر
شكيت محنك .............. انت الحنه شالت ولالسه الراجل واقف قدام الباب ........بس اوعي يكون طردوه
اما عن اخونا صلاح معروف من زمان راقد رز

[مدناوية]

ههههههههههههههههههههههها
والله ماعرفته زاتو أرد أقول شنو؟؟؟


لكن والله محاسن بالغت شديد،،،

بس إنشاء الله بعد دا الحنة شالت وطلعت مواسية،،،

[صلاح الدين محمد]

ابوياسر / الوديع

والله يومياتك عاجبا ناس كتار باللحيل

وكل يوم بتحكي لينا قصة والله حقيقة الضغوط كترت عليك

بديت من هيفا ونانسي ومشيت لي غسل العدة وهسي واقف مع الحنة

[صلاح الدين محمد]

الحبيب / ابوياسر

اخونا امير بسال فيك

الحنة شالت ولا لسا شكلو القصة البديتا بي اخونا ما شالت فيو

وجاب ليك السؤال عديل ؟؟؟؟؟؟؟

تجاوبوا عديل ولا من خلال قصة جديدة عن الحنة

[أبوياسر]

ما تتحيّر آآآآعشاي محاسنات المنتدي محننات ولسه حنتن ما شالت ..عاد دايرن يجن مبشتنات وحنتن ما شايله آها ويقولوا علي بعولتهن شنو... ما مسكوا الكرعين كويس !!!

بشيل الحواشات وبجيكم صاد ...

ود الماحي

ودالماحي يا خطيرررررررررررررررررررررررر
والله ناس صلاح أبا ما برضوا ليهن حنتن ما تشيل
بعد مسك الكرعين دا والسهر الشديد دا يا ودالماحي
الحنا تتبشتن عيبة في حق ود الريح والله

[أبوياسر]

ابوياسر
شكيت محنك .............. انت الحنه شالت ولالسه الراجل واقف قدام الباب ........بس اوعي يكون طردوه
اما عن اخونا صلاح معروف من زمان راقد رز

المشكلة يا أمير
صاحبك الراقد رز عامل فيها تفتيحة
وحول سؤالك دا علي أنا مع إنو هو عارف
الإجابة عندو هو وصاحبو معتز

[أبوياسر]

ههههههههههههههههههههههها
والله ماعرفته زاتو أرد أقول شنو؟؟؟


لكن والله محاسن بالغت شديد،،،

بس إنشاء الله بعد دا الحنة شالت وطلعت مواسية،،،

مدناوية
إنتي عارفه إنك أول محاسن قصدي أول فتاة في المنتدي دا
تدخل في البوست دا ومن هنا أنا بحييييييييييييييييييك
عشان أخواتك مشلضمات وضاربات البوز ومقاطعات لي بوستات أبوياسر
البجيب ليهن متل الكلام الشين دا وقالن سكتنا ليهو في نانسي جاب لينا
غسيل عدة سكتنا ليهو في غسيل العدة دخل لينا في الحنة وعايز يخرب
علينا رجالنا الطايعين الوديعين ديل
مرة تانية بشكرك علي دخولك وإنشاء تدخلي في بيت العدل أكان ما دخلتيهو
وأكان دخلتيهو إنشاء الله وبي بركة سيدي هناي حنتك تشيل وتتطلع سمحة
ويكون أخو أبا ماسك الكرعين سمح لامن تشيل

[مدناوية]

مدناوية
إنتي عارفه إنك أول محاسن قصدي أول فتاة في المنتدي دا
تدخل في البوست دا ومن هنا أنا بحييييييييييييييييييك
عشان أخواتك مشلضمات وضاربات البوز ومقاطعات لي بوستات أبوياسر
البجيب ليهن متل الكلام الشين دا وقالن سكتنا ليهو في نانسي جاب لينا
غسيل عدة سكتنا ليهو في غسيل العدة دخل لينا في الحنة وعايز يخرب
علينا رجالنا الطايعين الوديعين ديل
مرة تانية بشكرك علي دخولك وإنشاء تدخلي في بيت العدل أكان ما دخلتيهو
وأكان دخلتيهو إنشاء الله وبي بركة سيدي هناي حنتك تشيل وتتطلع سمحة
ويكون أخو أبا ماسك الكرعين سمح لامن تشيل



حبابك أخوي أبو ياسر

وبعدين يامحاسنات المنتدى مافي داعي للمقاطعة وخلو روحكم رياضية
طالما إنكم واثقين من إنو أخوان أبا بمشو على العجين وما بلخبطوه
((ودا لأنكم واثقين من هناي المشيتو ليهو عشان يكرب ليكم أخوان أبا))


والله يا أبو ياسر يا أخوي مواضيعك شيقة ولذيذة
ويا ناس محاسن مافي داعي للشلضمة ومد البوز

[صلاح الدين محمد]

الوديع ابوياسر

شكلك قريت كتير لي ادهم صبري والشياطين ال13

وسمعت نصيحتي في سرد قصصك الممتعة مع الحنة وغسيل العده

وشايف العميل رقم صفر مدناوية بدات تظهر في كتاباتك

[صلاح الدين محمد]

الوديع / ابوياسر

ليس كل ما يتمني المرء يجد

نحنا كلمناك من بوست غسيل العدة انو في مشاركة في الحياة الزوجية

لكن ما متل مشاركتك البتحكي عنها ده .

تمسك الكرعين للحنة وكمان تشوفا مواسية والله ده تلقاها عند الغافل

[مثني ودالعيكوره]

مثني يافردة ياخطير
إديك العافية ويكتر من أمثالك في زمن ناس
هناية وهناي راجلها أقصد زوجها لانو راجلها
دي بتحتاج لمواصفات معينة أصبحت صعبة
يالمثني في هذا الزمن الغابر
والنكتة الجميلة دي بستأذنك وأهديها لأخونا
المجاهد صلاح الدين محمد رد الله غربته أقصد........

ابو اليسر عوافي عليك ...
ويديك العافيه انت كمان...

واذنك معاك ... النكته دفعتها ليك لوجه الله والرسول
اهدي ساااااكت ... ولا يهمك
واي زول تشفوف مقاس النكته قدرو اهديها ليه
وشكلهم اللواءات كتيريييييييين في المنتدي ...

مع عاكر مودتي........

[صلاح الدين محمد]

الحبيب مثني / ودالعيكوره

مرحب بيك في بوست حبيبك ابوياسر

وشايف الحماس اقطر من عباراتك

بس خلي دفعتك احكي ليك قصتو مع الغسيل وكيف بعمل مع الحنة

واوعا تكون انتا صاحبو البحكي عنو في البوست بتاع حنة محاسن

تخريمة : الله يكدب الشينة

[samar_taha]

الأخ أبو ياسر
سلام عليك يا ود أمي وو الله يا خوي سويتا ظاهرة
يعني الزعل ده كلو فوق شنو , انت قايل سوات الحنة دي بالساهل , لامن يعجنوها ويسطروا الكرعين ويلتخو فيهن الحنة ويواسوها وبعد داك يقبلو على اليدين ويحننونهم , دي يا خوي ما شغلة يوم كامل , وداير محاسن بعد التعب ده كلو تخرب حنتا عشان تفتح الباب , وهو صاحبك ما يسوي ليهو مفتاح المفاتيح دي عملوها لشنو ؟؟؟؟؟ يعني هو الغلطان من الأول , ويستاهل .


بين قوسين :
دحين ما عارف لي الفكي المشت ليهو محاسن ده وين ؟؟؟؟

بين قوسين

[أبوياسر]

حبابك أخوي أبو ياسر

وبعدين يامحاسنات المنتدى مافي داعي للمقاطعة وخلو روحكم رياضية
طالما إنكم واثقين من إنو أخوان أبا بمشو على العجين وما بلخبطوه
((ودا لأنكم واثقين من هناي المشيتو ليهو عشان يكرب ليكم أخوان أبا))


والله يا أبو ياسر يا أخوي مواضيعك شيقة ولذيذة
ويا ناس محاسن مافي داعي للشلضمة ومد البوز


مدناوية
إنصر دينك ياشيخة

[أبوياسر]

الوديع ابوياسر

شكلك قريت كتير لي ادهم صبري والشياطين ال13

وسمعت نصيحتي في سرد قصصك الممتعة مع الحنة وغسيل العده

وشايف العميل رقم صفر مدناوية بدات تظهر في كتاباتك

صلاح أخوي
الراقد رز
تعرف راقد رز دي خلتني أفكر إنو البوست الجاي يكون
عن طبيخ الرز يارمزي قصدي يا صلاح
وبهدي ليك مداخلة أختنا مدناوية القبلي شوية دي
عليك الله أقراها وكان ما راقد رز رد ليها وأوعك تفتكر دي مديدة

[أبوياسر]

الوديع / ابوياسر

ليس كل ما يتمني المرء يجد

نحنا كلمناك من بوست غسيل العدة انو في مشاركة في الحياة الزوجية

لكن ما متل مشاركتك البتحكي عنها ده .

تمسك الكرعين للحنة وكمان تشوفا مواسية والله ده تلقاها عند الغافل

صلاح
سألتك بالله طلعت مواسية؟؟؟؟؟؟
هههههههههههههههههاي

[أبوياسر]

ابو اليسر عوافي عليك ...
ويديك العافيه انت كمان...

واذنك معاك ... النكته دفعتها ليك لوجه الله والرسول
اهدي ساااااكت ... ولا يهمك
واي زول تشفوف مقاس النكته قدرو اهديها ليه
وشكلهم اللواءات كتيريييييييين في المنتدي ...

مع عاكر مودتي........
المثني
ياحبيب لواءات دي فتناها زمان
يأخوي المنتدي دا طلع كلية القيادة والأركان
يعني أي محاسن عندنا هنا يضربوا ليها تعظيم سلام

[أبوياسر]

الحبيب مثني / ودالعيكوره

مرحب بيك في بوست حبيبك ابوياسر

وشايف الحماس اقطر من عباراتك

بس خلي دفعتك احكي ليك قصتو مع الغسيل وكيف بعمل مع الحنة

واوعا تكون انتا صاحبو البحكي عنو في البوست بتاع حنة محاسن

تخريمة : الله يكدب الشينة

أخونا الضكر مثني
محول اليكم لإجراء اللازم
مع تحياتي

[أبوياسر]

الأخ أبو ياسر
سلام عليك يا ود أمي وو الله يا خوي سويتا ظاهرة
يعني الزعل ده كلو فوق شنو , انت قايل سوات الحنة دي بالساهل , لامن يعجنوها ويسطروا الكرعين ويلتخو فيهن الحنة ويواسوها وبعد داك يقبلو على اليدين ويحننونهم , دي يا خوي ما شغلة يوم كامل , وداير محاسن بعد التعب ده كلو تخرب حنتا عشان تفتح الباب , وهو صاحبك ما يسوي ليهو مفتاح المفاتيح دي عملوها لشنو ؟؟؟؟؟ يعني هو الغلطان من الأول , ويستاهل .


بين قوسين :
دحين ما عارف لي الفكي المشت ليهو محاسن ده وين ؟؟؟؟

بين قوسين

سمر
عليك الله الحنة بتاخد قدر دا من الجهد والزمن
أتاري ناس هناي معاهم حق يزعلوا مني ويشيلوا ويكتبوا لي وأنا ما فاهم حاجة
الله ينورك ياسمر يا أختي نورتيني الله ينور ليك دربك الماشه ليهو بين قوسين
وهو ما داير ليهو درس عصر شوفي ناس مدني الدخلو البوست دا كلهم عارفين
دربو ومحاسنات مدني كلهن محننات حنة السرور والجماعة ماسكين ليهن الكرعين
وحاتك لامن حنتن تشيل فالشغلة بسيطة أسألي أي واحدة وهي بدلك علي الدباغة قصدي علي البتاعة البين قوسين

[رضا حسن محمد]

ماقلت لى يا ابو ياسر
قعدت قدام الباب كم ساعة
ما تقول واحد صاحبى

[أبوياسر]

ماقلت لى يا ابو ياسر
قعدت قدام الباب كم ساعة
ما تقول واحد صاحبى

رضا
عادوك الجماعة
لو كنت متابع بوست نانسي بتلقا فيهو آخر الأخبار
معتز الريح رئيس الجماعة إنقلب عليهم لكن والله فرصة
رأيك شنو نرشحك محلو

[Jamal Elmahi]

الوجيه أبوياسر
إتا آآآبوي ما ظنيتك سمعته بي دخان محاسن الماشال ...
محاسن قعدت في حفرة الدخان ساعتين ونص ولما قامت إنخلعت دخان السجم والرماد ماشال وقالت كدي تأبطت شراَ ..تأبطت أكبر كنش في المطبخ وكوركت للمابغباك بعلها ..وقالت ليهو إتا يايابا راجل الياباني والتاباني الجبتو دا طلح ولا طندب آآآلغبيان ...قال ليها وعينو في الكنش وحاة ابجلابيّه طلح ومعاهو صباغ ...ونهرتو ليك تعال هنا أقعد إتا في الحفره دي يقعد هدادك وجربو شوفو طلح ولاّ طندب ...والعين لسه في الكنش أخونا قعد ولفوهو بالشمله الماخمج ...وبعد خمسه دقايق بس المخاخيت سالو وإتلخبتو مع الدموع العيون حمّروا ...وقال كدي الباب دقّ ...وتتّرب أخونا قام نطّه من الحفره ودخل في الجلابيه عشان يفتح الباب وقبال ما يصل الباب عاين لي يديهو وحكمة ربنا لقي الدخان شايل ومن الفرحه حتي الزغروده أبت تطلع من حليقيمو....

ود الماحي

[أبوياسر]

الوجيه أبوياسر
إتا آآآبوي ما ظنيتك سمعته بي دخان محاسن الماشال ...
محاسن قعدت في حفرة الدخان ساعتين ونص ولما قامت إنخلعت دخان السجم والرماد ماشال وقالت كدي تأبطت شراَ ..تأبطت أكبر كنش في المطبخ وكوركت للمابغباك بعلها ..وقالت ليهو إتا يايابا راجل الياباني والتاباني الجبتو دا طلح ولا طندب آآآلغبيان ...قال ليها وعينو في الكنش وحاة ابجلابيّه طلح ومعاهو صباغ ...ونهرتو ليك تعال هنا أقعد إتا في الحفره دي يقعد هدادك وجربو شوفو طلح ولاّ طندب ...والعين لسه في الكنش أخونا قعد ولفوهو بالشمله الماخمج ...وبعد خمسه دقايق بس المخاخيت سالو وإتلخبتو مع الدموع العيون حمّروا ...وقال كدي الباب دقّ ...وتتّرب أخونا قام نطّه من الحفره ودخل في الجلابيه عشان يفتح الباب وقبال ما يصل الباب عاين لي يديهو وحكمة ربنا لقي الدخان شايل ومن الفرحه حتي الزغروده أبت تطلع من حليقيمو....

ود الماحي

ياود الماحي
ذي ما بقول الجكس مبااااااااااااااااالغة
قايتو دي فاتت حنة محاسن لي غادي
قلت لي هناي زغرد الدخان شال الله يشيلو شيلة معتز من رئاسة جمعيتهم
قول آمين آ ود الماحي

[صلاح الدين محمد]

الوديع ابوياسر

سلامات حبيبنا

اختنا سمر سالتك سؤال عن الفكي السواها فيك ده تلقاهو وين؟؟؟؟؟

والله نسخة المفتاح كشفت حالك يا خوي

[مدناوية]

الوجيه أبوياسر
إتا آآآبوي ما ظنيتك سمعته بي دخان محاسن الماشال ...
محاسن قعدت في حفرة الدخان ساعتين ونص ولما قامت إنخلعت دخان السجم والرماد ماشال وقالت كدي تأبطت شراَ ..تأبطت أكبر كنش في المطبخ وكوركت للمابغباك بعلها ..وقالت ليهو إتا يايابا راجل الياباني والتاباني الجبتو دا طلح ولا طندب آآآلغبيان ...قال ليها وعينو في الكنش وحاة ابجلابيّه طلح ومعاهو صباغ ...ونهرتو ليك تعال هنا أقعد إتا في الحفره دي يقعد هدادك وجربو شوفو طلح ولاّ طندب ...والعين لسه في الكنش أخونا قعد ولفوهو بالشمله الماخمج ...وبعد خمسه دقايق بس المخاخيت سالو وإتلخبتو مع الدموع العيون حمّروا ...وقال كدي الباب دقّ ...وتتّرب أخونا قام نطّه من الحفره ودخل في الجلابيه عشان يفتح الباب وقبال ما يصل الباب عاين لي يديهو وحكمة ربنا لقي الدخان شايل ومن الفرحه حتي الزغروده أبت تطلع من حليقيمو....

ود الماحي










هههههههههههههههههههههههها
بدون تعليق

[صلاح الدين محمد]

الوديع ابوياسر

عليك الله تجاوب لي رضا حسن محمد

قبل ما يسالك عن الحنة طلعت مواسية ولا لا

[صلاح الدين محمد]

الوديع ابوياسر

انتا ودالماحي ده حكيت ليو ولا كان معاك يوم الزغاريد ؟؟؟؟؟؟

بس انتا عندك رطوبة ولا بدور تشوف الحطب اصلي ولا ما اصلي ؟؟؟

[أبوياسر]

الوديع ابوياسر

سلامات حبيبنا

اختنا سمر سالتك سؤال عن الفكي السواها فيك ده تلقاهو وين؟؟؟؟؟

والله نسخة المفتاح كشفت حالك يا خوي

ليه سمر إتصلت بيك وسألتك عن القكي
لانو أنا حولتها ليك يا أبا

[أبوياسر]

الوديع ابوياسر

عليك الله تجاوب لي رضا حسن محمد

قبل ما يسالك عن الحنة طلعت مواسية ولا لا

يا أبا
نسيت أواسيك في إستقالة صاحبك
وأنا رضا جاوبتو ورشحتو لخلافة صاحبك
بالله رأيك شنو مش ساعدتك

[samar_taha]

أخوي صلاح والله لي يوم الليلة ما في زول جاوب سؤالي وأداني العنوان ؟؟؟
وأخونا أبو ياسر ذاتو عمل رايح و با صاني لي ناس مدني

[أبوياسر]

أخوي صلاح والله لي يوم الليلة ما في زول جاوب سؤالي وأداني العنوان ؟؟؟
وأخونا أبو ياسر ذاتو عمل رايح و با صاني لي ناس مدني

سمر
أنا ما دليتك علي أهل الخبرة والمعرفة
والمثل قال أسأل مجرب ما تسأل طبيب
وأخونا صلاح ....... وأنا الطبيب

[رضا حسن محمد]

ابز يسورة
ازيك
انت ما كان تعمل ليك تلاتة نسخ بدل البشتنة دى

[صلاح الدين محمد]

الوديع ابوياسر

كدي وصف لي بتجي كداري من حنتوب للدباغة ولا بتعوم تقطع البحر

[صلاح الدين محمد]

والله يا رضا

حبيبنا ابوياسر عمل ليك فيها بردان

تخريمة :

بردان من قطع البحر للدباغة

و لا بردان من الدخان

يا ربي ساعدو

[زهرة البنفسج]

انا عاوزة اسال راجل محاسن دا هو طلع قبل ما يعاين لي الحنة مواسية ولا ما مواسية
عشان ما تكون طالعة بي حتة ونازلة بي حتة تانية تخريمة
اوعا من حنة النشادر:D

[صلاح الدين محمد]

والله يا زهرة البنفسج لي يومين بنسال في اخونا

بتاع غسيل العدة وشكلو ما فاضي عشان افيدنا.

شكلو معصور مع الحكومة بتاعتو؟؟؟؟

ربي ساعدو.......

[مثني ودالعيكوره]

الحبيب مثني / ودالعيكوره

مرحب بيك في بوست حبيبك ابوياسر

وشايف الحماس اقطر من عباراتك

بس خلي دفعتك احكي ليك قصتو مع الغسيل وكيف بعمل مع الحنة

واوعا تكون انتا صاحبو البحكي عنو في البوست بتاع حنة محاسن

تخريمة : الله يكدب الشينة

ابو صلاح ازيك...

انت الزول دا ادخن بي طلح والا بي شاف...

ورونا يا المجربيين....

وعادي بتمسكوا الكرعييين الحكايه "مشاركه في الحياه "
المشاركه دي بقت دقه قديمه شوفوا حجه تانيه

الله يستر من الجايّ...

مع عاكر مودتي....

[زهرة البنفسج]

يكون اليومين ديل بجلي في العدة استعداد لي رمضان من بدري
ولا بيكون دايرين يعوسو الحلو مر
:D :D :D

[ود حنتوب]

لكن يا جماعة ما تكونوا منصفين شوية

الحنة ختتها ما ساهلة
والحنانة تكون شالت كوم قروش
بعد ده كله تخربها ؟؟؟:D :D :D
http://www.nilevalleyherbs.com/henna-foot-small.jpg

[أبوياسر]

ابو صلاح ازيك...

انت الزول دا ادخن بي طلح والا بي شاف...

ورونا يا المجربيين....

وعادي بتمسكوا الكرعييين الحكايه "مشاركه في الحياه "
المشاركه دي بقت دقه قديمه شوفوا حجه تانيه

الله يستر من الجايّ...

مع عاكر مودتي....

والله يا المثني
دا الكلام القالوهو ورجعوا نسوهو
بداية البوست كلها محاضرات عن مبدأ المشاركة وما فيها شيء مساعدة الرجل لزوجته
وكمان جابوا ليها الدليل من السنة المطهرة ودا كلوا يا المثني أكان في غسيل العدة
مما كشفنا ليهم حنة محاسن تعال شوف الجقلبة إتبروا كلو كلو من الدفاع عن القوارير
وأصبحت حكاية الهجمة المرتدة وقايلين اللعب دا بمشي فينا أمبارح رئيسهم ود الريح
إنسلخ منهم ومع إني عزيت أخونا أبا في ذلك إلا أنه حتي الآن لم يرد علي وكذلك رشحت ليهم
أخونا رضا لخلافته أها يامثني قصرت معاهم وجيت إنتا كملتها ليهم بي دخان محاسن
قلت لي قال هو طلح ولا شنو ؟؟؟؟

[أبوياسر]

لكن يا جماعة ما تكونوا منصفين شوية

الحنة ختتها ما ساهلة
والحنانة تكون شالت كوم قروش
بعد ده كله تخربها ؟؟؟:D :D :D
http://www.nilevalleyherbs.com/henna-foot-small.jpg

شايف يا مثني
اليدين الماسكات الكرعين
ياربي دي يدين منو لالا يا أخي دا ما صلاح

[أبوياسر]

يكون اليومين ديل بجلي في العدة استعداد لي رمضان من بدري
ولا بيكون دايرين يعوسو الحلو مر
:D :D :D

زهرة البنفسج
مالك عايزه تفتحي أبواب جديدة علي الناس ديل
ما كفاهم رفع الكرعين للحنة والقعاد في الحفرة
جايبا ليهم عواسة أبري الله إنعل أبو العرس أكان بخلي الرجال يسوا قدر دا

[رضا حسن محمد]

زهرة البنفسج
مالك عايزه تفتحي أبواب جديدة علي الناس ديل
ما كفاهم رفع الكرعين للحنة والقعاد في الحفرة
جايبا ليهم عواسة أبري الله إنعل أبو العرس أكان بخلي الرجال يسوا قدر دا

ابو يسورة
كوجنت الحلومر ولا لسة
باقى رمضان على الابواب

[رضا حسن محمد]

ابو يسورة الحبيب
سؤال تانى بس خسمتك بالنبى كان تزعل
الاولاد لمن يوسخوا البغسلم منو
انت ولا الهارشاك ديك

[أبوياسر]

ابو يسورة الحبيب
سؤال تانى بس خسمتك بالنبى كان تزعل
الاولاد لمن يوسخوا البغسلم منو
انت ولا الهارشاك ديك

رضا
عشان أرضيك يرضيك ربي قول آمين
أنا باقي بغسل بزتي
وبورق خدرتي
وبسمع كلام مرتي
وبواسي حنتي
أخش في الغريق ولا كفاك

[صلاح الدين محمد]

الوديع / ابوياسر

الحنانة ده من حنتوب ولا العيكورة ؟؟؟؟؟؟؟؟؟؟؟

ربي ساعدو.....................

[صلاح الدين محمد]

الوديع 2 / المثني

شايف دفعتك اقر واعترف بالغسيل والعدة والحنة

الطيور علي اشكالها تتدخن ......................

ربي ساعدو...............