المساعد الشخصي الرقمي

مشاهدة النسخة كاملة : النفاجو فاتح


ود ام تريبات
23-06-2007, 01:08 AM
النفاجو فاتح ما بين دين ودين ***** نفحة محمدية حضناً كالضريح
ميضنة كم تلالي جيداً في الليالي مريم والمسيح
*******************

كم في الذهن عالق ثرثرة المعالق والشاي اللطيف
احمر زاهي باهي هل سكر زيادة ام سكر خفيف
تترص الكبابي اجمال من صبايا بينات الروابي والضل الوريف

مع كل الحب
مبرووووك القسم الجديد

ومبرووك عليك الليلة يانعومة .....الخ
ابورجاء
23-06-2007, 01:41 AM
ود ام تريبات الحنين اها جيت فتحت ليك كنتين
في النفاج والله بضاعتك عينة اها يا ود امي
انا شخشيا عايز شاي بدون سكر عارف ليه
لا عشان انتو حلوين والشاي منكم طعمو براه
ما راجل المره الشاي الشاي الشااااااااااااااااااااي
طوالي جروا لراجل المره:D اها كتر من زي ده
والله كلامك حلو بالحيل وجميل لمن غلط برجع .....


ودوما فير عاية الله وحفظه...
مع كل الود باقة ورد....
صلاح ودالطاهر
23-06-2007, 04:43 AM
النفاجو فاتح ما بين دين ودين ***** نفحة محمدية حضناً كالضريح

ميضنة كم تلالي جيداً في الليالي مريم والمسيح
*******************


كم في الذهن عالق ثرثرة المعالق والشاي اللطيف
احمر زاهي باهي هل سكر زيادة ام سكر خفيف
تترص الكبابي اجمال من صبايا بينات الروابي والضل الوريف


مع كل الحب
مبرووووك القسم الجديد


ومبرووك عليك الليلة يانعومة .....الخ


حبابك ودام تريبات الف الف لليوم الوقاف بدورك تحكي لينا عن النفاج واثره في منطقة ام تريبات
abu_ola
23-06-2007, 04:50 AM
النفاجو فاتح ما بين دين ودين ***** نفحة محمدية حضناً كالضريح
ميضنة كم تلالي جيداً في الليالي مريم والمسيح
*******************

كم في الذهن عالق ثرثرة المعالق والشاي اللطيف
احمر زاهي باهي هل سكر زيادة ام سكر خفيف
تترص الكبابي اجمال من صبايا بينات الروابي والضل الوريف

مع كل الحب
مبرووووك القسم الجديد

ومبرووك عليك الليلة يانعومة .....الخ




الغالي ود أم تريبات

حظك يا جنا عشاي فتحت ليك كنتين ناصية بي نفاجين

و الله مخطط ود الطاهر الجديد دا شكو بكون عامر تب بالناس الطيبين

و زي ما قالوا المطر من صبــــتو

و الجنا من تبــــتو

ما شاء الله تبارك الرحمن عرفت تعزل البكان المناسب

نحن لي هسي ندور لينا لي قطعة واطة نكج لينا فيها شملة ما لاقين

عشان نكون جنبـــكم

باقي يا جنا عشاي بندور جيرتكم

و تغرفوا لينا من حلتكم

و زي ما قالوا جاور السعيد تســـعد
صلاح ودالطاهر
23-06-2007, 11:35 PM
الغالي ود أم تريبات

حظك يا جنا عشاي فتحت ليك كنتين ناصية بي نفاجين

و الله مخطط ود الطاهر الجديد دا شكو بكون عامر تب بالناس الطيبين

و زي ما قالوا المطر من صبــــتو

و الجنا من تبــــتو

ما شاء الله تبارك الرحمن عرفت تعزل البكان المناسب

نحن لي هسي ندور لينا لي قطعة واطة نكج لينا فيها شملة ما لاقين

عشان نكون جنبـــكم

باقي يا جنا عشاي بندور جيرتكم

و تغرفوا لينا من حلتكم

و زي ما قالوا جاور السعيد تســـعد

اها ابورأس كان جيت يوم الافتتاح توزيع الكناتين مجاني حصل قبل مايجي ابوسديري ويعمل ضرائب ولبن رائب
ود ام تريبات
24-06-2007, 07:15 AM
ود ام تريبات الحنين اها جيت فتحت ليك كنتين
في النفاج والله بضاعتك عينة اها يا ود امي
انا شخشيا عايز شاي بدون سكر عارف ليه
لا عشان انتو حلوين والشاي منكم طعمو براه
ما راجل المره الشاي الشاي الشااااااااااااااااااااي
طوالي جروا لراجل المره:D اها كتر من زي ده
والله كلامك حلو بالحيل وجميل لمن غلط برجع .....


ودوما فير عاية الله وحفظه...
مع كل الود باقة ورد....

ابو رجاء ياراقي

حبابك الف في كنتينا المتواضع العامر بوجودكم في راكوبتو
الشاي جااااهز اصلو ياحبيبنا عندي بابور دافوري في بطن الدكان وكفتيرا وبراد وكم كباية عشان الناس الحلوين نعمل ليهم شاي خصوسي وكده ..
ابقى لا جوه النجيب ليكم موية من السبيل ده باقي مويتو باااارده
ود ام تريبات
24-06-2007, 07:35 AM
حبابك ودام تريبات الف الف لليوم الوقاف بدورك تحكي لينا عن النفاج واثره في منطقة ام تريبات


حبيب القلب ود الطاهر

يازول انت ما فتحتة لينا باسمك ده شلالات من الحنين للنفاجات حقات حلتنا ..
اولاً تجي من بيت ناس الجعلي تدخل في بيت ناس احمد ود محمود تلقاه قاعدين يشربو في الشاي الصباح يدوك كباية شاي بلبن تقيييييييييل مدعمة بلقيمات وتقول ليهم عامرين وانت طالع بالنفاج البينهم وبين ناس السارة بت صابر يلاقنك التومات مسرحات ماشات الروضة زي طيرات الجنة تشاغلهن وتدخل بيت ناس السارة بت صابر ينادوك على الشاي ويحلف عليك جبارة بالطلاق تجي وتطلع عشان تدخل بالنفاج البينهم وبين ناس بشير ود الفاضل وتلقاهو قاعد في شدرتو منبطح في هبابو يحلف عليك تجي تضوق ملاح ام دقوقة المسوياهو ام الفاضل بنفسها وتطلع من هناك عشان تدخل بيت ناس الحاج ود عبد الخير( الحكيم ) يلاقيك الشازلي ولدو شايل جوز كتشينتو يقول ليك الليلة العشرة في شدرتنا والشباب جايين اقعد اشربلك جبنة معانا لغاية مايجو اصلو الجبنة جااااااااهزة .. تشرب كباية جبنتك وتدوروا الكتشينةالمافيها غير الحرفا .. يحرقو ليك بدرررري وتطلع من بيتم تلقى نفسك في دكان محمد ود حمد النيل والضمنة مدورة تقول ططططططق طرررق تسلم ...وتشاغل مجدي ود عثمان بخطوبتو المزعومة على البنية المتل المترار ديك ويقوم يسكك لغاية ديوان ود الكاشف ويرجع منك .. تخل حوش ود الكاشف وتبدى نفاجات جديدة معطرة بكل عبق الطيبة والمحنة والتوادد والسجية والناس يستبشرون بك كانهم يرونك لاول مرة منذ سنين ولم يفصلك عنهم سوى تلك الليلة .. لتنتهي في بيت حبوبتنا بت قسم السيد لتحكي لك عن الانقليز وعن بطولات المزارعين وعن سقوط الخرطوم وكيف انسحب جزء من جيش الخليفة عبد الله ومرة ( قدام الغابة زي السحابة ) .. ةكيف ان الكواهلة لحقوهو في العقيدة ودارت موقعة العقيدة بين الكواهلة وجيش الخليفة بقيادة القائد حماد ودالناير ( البقاري ) .. وتغني ليك : تمساح الدويم الفي العقيدة بتبسم..... تستلقي على ذلك العنقريب الوسير لتجد انك رحت في نوووم كانك لم تنم منذ قرن ..
ود ام تريبات
24-06-2007, 07:46 AM
الغالي ود أم تريبات

حظك يا جنا عشاي فتحت ليك كنتين ناصية بي نفاجين

و الله مخطط ود الطاهر الجديد دا شكو بكون عامر تب بالناس الطيبين

و زي ما قالوا المطر من صبــــتو

و الجنا من تبــــتو

ما شاء الله تبارك الرحمن عرفت تعزل البكان المناسب

نحن لي هسي ندور لينا لي قطعة واطة نكج لينا فيها شملة ما لاقين

عشان نكون جنبـــكم

باقي يا جنا عشاي بندور جيرتكم

و تغرفوا لينا من حلتكم

و زي ما قالوا جاور السعيد تســـعد


جبابك حباب ابو البنية حباب ابو عُلا .
مرحب حباب جيرتك انت جيرتك بنتباخت بيها .. خلاس انا حجزت لك المربوع الجمبي ده وزربتو ليك تب بقليبتين شوق ... اسرع قبال الجنة ابسديرية ما يجي ويقول يدخلها الخطة الاسكانية ..
في انظارك على باب النفاج الى ان تعود
صلاح ودالطاهر
26-06-2007, 03:21 AM
عاد البيت محروس وستو تكوس من نفاج لنفاج
عثمان جلالة
26-06-2007, 03:37 AM
ود حلتنا .. العشا أب لبن .... ممكن تعمل لينا في الكنتين حقك زاوية كوارع وأقاشي وشيشه عشان ليالي السمر تحت القمر .... حلوه عينيك زي صاحبي ... وسمحه زي ما تقول ضيوفا دقوا بابي ... وفرحي بيهم سال ملا حتى الكبابي ....
ود ام تريبات
26-06-2007, 07:53 AM
عاد البيت محروس وستو تكوس من نفاج لنفاج

ودالطاهر الغالي

موجووودين بس انت اضرب الجرس الفوق ده على طول تلقانا 24ساعة اكتر من بندة زاته ... بعدين قفلنا اخدنا لينا مشيوير لغاية المنتدى العام ... باقي لي الواحد خرمااااان لي سلخة ولا مويضيع يتشربك فيهو !!!!!!!!!!!
انت خلاااص العجاجة في طرف الحوش ديك رشيتها وفضيت لينا على الطلاق ( ما طلاق فاااااااااااااااااااااضي زي حق اخونا داك) العجاجة دي حمتنا القعدة دحين شوف ليها طريقة باقي لي دفنت حوض الجرجير حق ود المطامير ...
ود ام تريبات
26-06-2007, 07:57 AM
ود حلتنا .. العشا أب لبن .... ممكن تعمل لينا في الكنتين حقك زاوية كوارع وأقاشي وشيشه عشان ليالي السمر تحت القمر .... حلوه عينيك زي صاحبي ... وسمحه زي ما تقول ضيوفا دقوا بابي ... وفرحي بيهم سال ملا حتى الكبابي ....

جلالة ياابو البنية السكرية حلاة لبن

انت لسة بتاع شطوط وبتاع وحاوح ومحدقات ؟؟ العرس العرس ده ما عقلك ... نعمل كوارع عشان نلقى ناس النوش وبشير شمكس قاعدين كل يوم يطفشو لينا الزباين صح ؟؟ .

لك كل الحب ياابو مشكاة
صلاح ودالطاهر
27-06-2007, 12:25 AM
ودالطاهر الغالي

موجووودين بس انت اضرب الجرس الفوق ده على طول تلقانا 24ساعة اكتر من بندة زاته ... بعدين قفلنا اخدنا لينا مشيوير لغاية المنتدى العام ... باقي لي الواحد خرمااااان لي سلخة ولا مويضيع يتشربك فيهو !!!!!!!!!!!
انت خلاااص العجاجة في طرف الحوش ديك رشيتها وفضيت لينا على الطلاق ( ما طلاق فاااااااااااااااااااااضي زي حق اخونا داك) العجاجة دي حمتنا القعدة دحين شوف ليها طريقة باقي لي دفنت حوض الجرجير حق ود المطامير ...

اها كان علي طلاق اخونا وحاتك طلاق بفائده وكان طلاق تاني يلحق ناس يعرسو وناس يدهوكشك وماتكتر الزوقان وبراك فتحته نفاج مستحي قفلو اها ابقي ظاهر عشان نغني مع بعض الحب الطاهر ونلقي ودالمطامير وصلاح الطاهر هم اسبابي
ود ام تريبات
27-06-2007, 07:48 AM
اها كان علي طلاق اخونا وحاتك طلاق بفائده وكان طلاق تاني يلحق ناس يعرسو وناس يدهوكشك وماتكتر الزوقان وبراك فتحته نفاج مستحي قفلو اها ابقي ظاهر عشان نغني مع بعض الحب الطاهر ونلقي ودالمطامير وصلاح الطاهر هم اسبابي


لا طلاق ناس عرس وناس كشك ده طلاق كرعين ساكت !! .. ياود الطاهر ما قلته ليك على الطلاق دخلتة الماسنجر لقيت ليك صورة الجنا ود المطامير ده والله قايلو بشار الاسد الرئيس السوري لمن ظهرت لي صورتو لغاية ما قمت من الكرسي رسمي ... الجنا ده غاشينا بسديريتو دي على الطلاق الجنا ده يجيب صورتو دي المنتدى ناس قريعتي راحت ديل إلا يقدو عديييييل .. بعدين قلته ليهو خت صورتك دي خلي ناس عمنا ود الطاهر ديل ينططو ...
ود المطامير
27-06-2007, 08:15 AM
لا طلاق ناس عرس وناس كشك ده طلاق كرعين ساكت !! .. ياود الطاهر ما قلته ليك على الطلاق دخلتة الماسنجر لقيت ليك صورة الجنا ود المطامير ده والله قايلو بشار الاسد الرئيس السوري لمن ظهرت لي صورتو لغاية ما قمت من الكرسي رسمي ... الجنا ده غاشينا بسديريتو دي على الطلاق الجنا ده يجيب صورتو دي المنتدى ناس قريعتي راحت ديل إلا يقدو عديييييل .. بعدين قلته ليهو خت صورتك دي خلي ناس عمنا ود الطاهر ديل ينططو ...
هع هع هع هع هع
مش عليك الله يا حبيبنا يا ... ود أم تريبات ؟
شفت أخوك منور الشاشه كيف ؟
وصلاح حبيبى قال لى ما حقتك حقت بنغالى
عليك الله تقول شنو فى الكلام دا ؟
Jamal Elmahi
27-06-2007, 05:34 PM
ود أم تريبات حبابك حباب الخزين
ياحليلك آآآبوي وياحليل أم تريبات ...
ياحليل السلّوكه والواسوق...
وياحليل أم بقبق بدون ماروق...
وياحليل اللوبه والسبروق...
وياحليل موية الترس لما تروق
وياحليل كسرة الدوكه بلا طايوق
فتنا أم تريبات وركب فينا الخازوق...

مشاققه...
وحاة ود حسونه كشكك يرد الروح ...العجب فرّتك الصباحيه أنا عاضّي جلابيتي وبي وراك من نفاح لي نفاج ...لامن اللقيمات سوّن لي أبنحّار ...
بجيك صاد آآآآعشاي...

ود الماحي
ود ام تريبات
28-06-2007, 07:16 AM
هع هع هع هع هع
مش عليك الله يا حبيبنا يا ... ود أم تريبات ؟
شفت أخوك منور الشاشه كيف ؟
وصلاح حبيبى قال لى ما حقتك حقت بنغالى
عليك الله تقول شنو فى الكلام دا ؟

ياود المطامير ياعسل

يازو ل منور الشاشة بس ولا الشاشة منورة بيك عديييل .. لكن الحاقدين على الحكم الثنائي ديل خليهم .. قال بنقالي قال .. انت ياود المطامير ود الطاهر ده ما عندهم بنقالي في مكتبم ؟؟؟ سؤال بس ...
ود ام تريبات
28-06-2007, 07:28 AM
ود أم تريبات حبابك حباب الخزين
ياحليلك آآآبوي وياحليل أم تريبات ...
ياحليل السلّوكه والواسوق...
وياحليل أم بقبق بدون ماروق...
وياحليل اللوبه والسبروق...
وياحليل موية الترس لما تروق
وياحليل كسرة الدوكه بلا طايوق
فتنا أم تريبات وركب فينا الخازوق...

مشاققه...
وحاة ود حسونه كشكك يرد الروح ...العجب فرّتك الصباحيه أنا عاضّي جلابيتي وبي وراك من نفاح لي نفاج ...لامن اللقيمات سوّن لي أبنحّار ...
بجيك صاد آآآآعشاي...

ود الماحي

حباب ود الماحي حباب التلب اللزوم

على الطلاق طلاق - جااااااااادي - زيارتك لدكانا دي حررررم دايرة ليها تور اب زنزود ... ياود المطامير ياود الطاهر عووووووووووووووك اناس اجرو على زريبة ود حسن داك شوفو لينا تور ماااكن لعضو كجلس الادارة دة ..... بالله جيت ود الماحي كدي الشفع ديل التقول ضربو ليهم بوري الدكان ده يتارسو قدامو زي حملان الخريف يعاينو في عضو مجلس الادارة الشرفنا في كنتينا حق الزنكي ده ..

حباب اسد بيشة القمزاتو متابعات
حباب دابي ابدرق المنو الخلوق فازات
حباب اخوي البجيك في اول الواردات
حباب سيد الكرم المنو الغيوم دارات


حبابك الف في كنتينا
ود ام تريبات
30-06-2007, 11:49 PM
السلام على دكانا خالي زباين ده !!

ياود الطاهر ما شفت الجماعة حبيبنا قلت ليهو انا ود حسن رضا داير لي 3 الف دين قال يل 3 شنو ؟؟؟؟ انت ما عارفني انا مسافر وسفرتة عفشي وقطعتو بهناك وانا وانا ووووووووووووووك .. والله الزول حنني قلت ليهو ياخ انا ود ام تريبات ما ود حسن رضا قال لي شنو ؟؟ ما عاااارفك انت ود ام تريبات !!!!!!!! قال عارفك قال .... هع هع هع هع هع هع ..

باخد لي فره وبرجع ليكم
صلاح ودالطاهر
01-07-2007, 05:33 AM
السلام على دكانا خالي زباين ده !!

ياود الطاهر ما شفت الجماعة حبيبنا قلت ليهو انا ود حسن رضا داير لي 3 الف دين قال يل 3 شنو ؟؟؟؟ انت ما عارفني انا مسافر وسفرتة عفشي وقطعتو بهناك وانا وانا ووووووووووووووك .. والله الزول حنني قلت ليهو ياخ انا ود ام تريبات ما ود ودحسن رضا قال لي شنو ؟؟ ما عاااارفك انت ود ام تريبات !!!!!!!! قال عارفك قال .... هع هع هع هع هع هع ..

باخد لي فره وبرجع ليكم

وحاتك ياود ام تريبات شكيت محنك يوم الخميس كتلتني من الضحك لمن ولدي الصغير اتخلع من الضحكه اها امو غلبها تسكت الولد من البكاء ولاتسكتني من الضحك
ود المطامير
01-07-2007, 08:02 AM
حباب ود الماحي حباب التلب اللزوم

على الطلاق طلاق - جااااااااادي - زيارتك لدكانا دي حررررم دايرة ليها تور اب زنزود ... ياود المطامير ياود الطاهر عووووووووووووووك اناس اجرو على زريبة ود حسن داك شوفو لينا تور ماااكن لعضو كجلس الادارة دة ..... بالله جيت ود الماحي كدي الشفع ديل التقول ضربو ليهم بوري الدكان ده يتارسو قدامو زي حملان الخريف يعاينو في عضو مجلس الادارة الشرفنا في كنتينا حق الزنكي ده ..

حباب اسد بيشة القمزاتو متابعات
حباب دابي ابدرق المنو الخلوق فازات
حباب اخوي البجيك في اول الواردات
حباب سيد الكرم المنو الغيوم دارات


حبابك الف في كنتينا
أها ... يا ود الماحى ما قلت ليك ؟
فوق كلام أخوى ود أم تريبات دا تب ما فى قول
إنت إيهاك كبيرنا ومثلنا وغدوتنا وسيد دربنا
وإنت إيا هاكا زولنا وحبيب قلوبنا والسراج اللى ينير دروبنا
آ ود الماحى خلا من المسعوليات وأنزل تعال لينا أنزل آزووووول .
ود ام تريبات
01-07-2007, 11:11 PM
وحاتك ياود ام تريبات شكيت محنك يوم الخميس كتلتني من الضحك لمن ولدي الصغير اتخلع من الضحكه اها امو غلبها تسكت الولد من البكاء ولاتسكتني من الضحك


شفت زولنا !! قال صوتك ما عندو علاقة بصوت ود حسن رضا ؟؟؟ ..

ياود الطاهر انتو ود حسن رضا ده لسة تحت الانتداب البريطاني !!؟؟ المعنى يعني لسة محاصر !!!
والله اشتقنا ليهو عديييل ..

هع هع هع هع كع دوت نت .
ود ام تريبات
01-07-2007, 11:18 PM
أها ... يا ود الماحى ما قلت ليك ؟
فوق كلام أخوى ود أم تريبات دا تب ما فى قول
إنت إيهاك كبيرنا ومثلنا وغدوتنا وسيد دربنا
وإنت إيا هاكا زولنا وحبيب قلوبنا والسراج اللى ينير دروبنا
آ ود الماحى خلا من المسعوليات وأنزل تعال لينا أنزل آزووووول .


ياود المطامير ...

السلام آزول ... وينك ياخ مختفي ..!!.؟؟؟ يعني عشان قلنا ليك وجيه صح !!؟؟ اها كلام ود الطاهر صااااااااااح على الطلاق ده بنقالي بس ..!!

شنو انت مشرفنا يعني بقيت شيخ الحلة حقت النفاج دي .. المعني انت مسعول من النفاج ده من صغيرو لي كبيرو ...!!!
وبعدين ياخ مشتاقين ليك ... باقي لي الايام دي ما عاجبني مالك في شنو ؟؟
abu_ola
01-07-2007, 11:47 PM
ياود المطامير ...

السلام آزول ... وينك ياخ مختفي ..!!.؟؟؟ يعني عشان قلنا ليك وجيه صح !!؟؟ اها كلام ود الطاهر صااااااااااح على الطلاق ده بنقالي بس ..!!

شنو انت مشرفنا يعني بقيت شيخ الحلة حقت النفاج دي .. المعني انت مسعول من النفاج ده من صغيرو لي كبيرو ...!!!
وبعدين ياخ مشتاقين ليك ... باقي لي الايام دي ما عاجبني مالك في شنو ؟؟


ود أم تريبات

كيفنك يا جنا عشاي

ود المطامير دا بقي يطلع و يدخل زي المرة الخاتة ليها لبن في النار في شان بقي عمدة بقي يغيب على كيفو ... عاد في زول تاني بقدر اسألو غير ود الطاهر ، انت زاتك يا جنا عشاي مرات مرات بخلي كنتينك دا فاتح و بتمشي و ين ما عارفك و كم مرة بشوف غنم ود الطاهر داخلات في الكنتين و شوف عيني العتود أبو حجول طالع في الطربيزة و كان داير يكسر عليك الميزان
صلاح ودالطاهر
02-07-2007, 01:16 AM
ود أم تريبات

كيفنك يا جنا عشاي

ود المطامير دا بقي يطلع و يدخل زي المرة الخاتة ليها لبن في النار في شان بقي عمدة بقي يغيب على كيفو ... عاد في زول تاني بقدر اسألو غير ود الطاهر ، انت زاتك يا جنا عشاي مرات مرات بخلي كنتينك دا فاتح و بتمشي و ين ما عارفك و كم مرة بشوف غنم ود الطاهر داخلات في الكنتين و شوف عيني العتود أبو حجول طالع في الطربيزة و كان داير يكسر عليك الميزان

هوووووووووووووووووووووي ياجنه العتود ده ما حق الحيكومه انت عندك اعتراض ولا سنو عملات مدنيه هووووووووووووووووووي ارعه بقيدك ونم نمك سااااااااااااااااااااااااي جنب الكنتين
صلاح ودالطاهر
02-07-2007, 01:19 AM
شفت زولنا !! قال صوتك ما عندو علاقة بصوت ود حسين ؟؟؟ ..

ياود الطاهر انتو ود حسين ده لسة تحت الانتداب البريطاني !!؟؟ المعنى يعني لسة محاصر !!!
والله اشتقنا ليهو عديييل ..

هع هع هع هع كع دوت نت .

ها زول ده لابكره تحت الانتداب يقدر وحاتك كان يوده غانه كان تنامو
abu_ola
02-07-2007, 04:02 AM
هوووووووووووووووووووووي ياجنه العتود ده ما حق الحيكومه انت عندك اعتراض ولا سنو عملات مدنيه هووووووووووووووووووي ارعه بقيدك ونم نمك سااااااااااااااااااااااااي جنب الكنتين



لا يا يابا لا عتودك دا ما زي عتود ستي نفسية في واحد يقدر ينهرو و لا يقول ليهو تــك ،، حظك يا ود أم تريبات وقت عتود ود الطاهر جاك في الكنتين بجيب ليك الجكس و الشباب كيمان كيمان بس يا ود عشاي كنتينك دا ما يبقي زي الصيدلية مكتوب عليها خدمة 24 ساعة و كل ما تجي بي جنبها تلقي مكتوب على باب القزاز مغلق :D :D
صلاح ودالطاهر
02-07-2007, 04:35 AM
يا ود عشاي كنتينك دا ما يبقي زي الصيدلية مكتوب عليها خدمة 24 ساعة و كل ما تجي بي جنبها تلقي مكتوب على باب القزاز مغلق :D :D

اها في دي صدقته وحاتك كفيلو مركب ليهو جربكسي كلب كل يوم في حته اها يو الخميس الفات وداهو لتبوك وباقي تبوك هدي بتنسيك ابوك
رضا حسن محمد
02-07-2007, 06:08 AM
ها زول ده لابكره تحت الانتداب يقدر وحاتك كان يوده غانه كان تنامو

ود ام تريبات ده نسيبنا وحبيبنا
لكن قالو هو حلبى والحلب ديل زى ناس ابو ياسر المرة تتحنن وهو يواسى ليها الحنة
كان لحبيبنا ود الطاهر الدكتورة مقطعاهو النمة
عفيت منها بت الاشراف

هلا هلا يا رضوية
الوحيد الممشىمرتو على العجين
صلاح ودالطاهر
02-07-2007, 06:14 AM
ود ام تريبات ده نسيبنا وحبيبنا
لكن قالو هو حلبى والحلب ديل زى ناس ابو ياسر المرة تتحنن وهو يواسى ليها الحنة
كان لحبيبنا ود الطاهر الدكتورة مقطعاهو النمة
عفيت منها بت الاشراف

هلا هلا يا رضوية
الوحيد الممشىمرتو على العجين

ياخوي هووووووووووووووووووووي الله بيعلم بيه والدليل شل شل كب لي جالون
ود ام تريبات
02-07-2007, 07:31 AM
ود أم تريبات

كيفنك يا جنا عشاي

ود المطامير دا بقي يطلع و يدخل زي المرة الخاتة ليها لبن في النار في شان بقي عمدة بقي يغيب على كيفو ... عاد في زول تاني بقدر اسألو غير ود الطاهر ، انت زاتك يا جنا عشاي مرات مرات بخلي كنتينك دا فاتح و بتمشي و ين ما عارفك و كم مرة بشوف غنم ود الطاهر داخلات في الكنتين و شوف عيني العتود أبو حجول طالع في الطربيزة و كان داير يكسر عليك الميزان

ابو عُلا ياراقي

علي الطلاق صاح ... بعدين الجنا بقى عمده كبير ( مدير كبير ) يبرطع علي كيفو راكب ناقتو يشوطن يمين وشمال .. لكن العتب على ود الطاهر الطالق ليهو الرسن ..
غنماية ود الطاهر دي على الطلاق القاها تاني اكان اضبحها واقسمها كوم على الكنابي الجمبنا دي ..
خليهم بمزوا بيها بس كيتاً عليهو ..
ود ام تريبات
02-07-2007, 07:36 AM
ها زول ده لابكره تحت الانتداب يقدر وحاتك كان يوده غانه كان تنامو

نسأل الله انو يفك اسرو في القريب العاجل .. مع خالص الدعوات لكل الاسرى والمفقودين ( ود المطافيش ) بالتحرير القريب !!!!;) ;)
ود ام تريبات
02-07-2007, 08:01 AM
لا يا يابا لا عتودك دا ما زي عتود ستي نفسية في واحد يقدر ينهرو و لا يقول ليهو تــك ،، حظك يا ود أم تريبات وقت عتود ود الطاهر جاك في الكنتين بجيب ليك الجكس و الشباب كيمان كيمان بس يا ود عشاي كنتينك دا ما يبقي زي الصيدلية مكتوب عليها خدمة 24 ساعة و كل ما تجي بي جنبها تلقي مكتوب على باب القزاز مغلق :D :D

ياابو البنية
على الطلاق ان بقلى عتود الامم المتحدة عدييييييييل موش حق الحكومة حرررم اضبحو الصبااااح واعزم فيهو ود الطاهر زاتو .. متقول الخميس ده انا عامل لي شربوت !!! عشان الضحية قررربت وكدة يعني مناورات للضحية ! ;) .. هع هع هع ..
لا الجكس جبنا ليهو غدر ظروفك بالمعلقة يعني الديانا والكريمان بالمعلقة بس تقديراً لظروف البلد الاقتصادية وانخفاض سعر الصرف للريال وكده ..
ما عليك ياابو عُلا انت مامون على الدهب ادخل وشيل الدايرو وخت القروش تحت الميزان باقي لي النفاج ده منطقة منزوعة السلاح يعني مافيهو من ينخاف منو !!!
هع هع هع هع
نفاج دوت كوم
ود ام تريبات
02-07-2007, 08:09 AM
اها في دي صدقته وحاتك كفيلو مركب ليهو جربكسي كلب كل يوم في حته اها يو الخميس الفات وداهو لتبوك وباقي تبوك هدي بتنسيك ابوك

والله يالحبيب صدقته ...
والله جنس جقلبة الواحد اشتهى الهجسة والقعدة في عشرة ( وست ) بدون جقلبة وبرواااااقة ..
ود ام تريبات
02-07-2007, 08:14 AM
ود ام تريبات ده نسيبنا وحبيبنا
لكن قالو هو حلبى والحلب ديل زى ناس ابو ياسر المرة تتحنن وهو يواسى ليها الحنة
كان لحبيبنا ود الطاهر الدكتورة مقطعاهو النمة
عفيت منها بت الاشراف

هلا هلا يا رضوية
الوحيد الممشىمرتو على العجين

هع هع هع هع هع
الله يجازيك يا رضا ... والله كتلتني بالضحك ..
هي المرة وينا في قدومه ده ؟؟؟؟
خلينا نلم فيها بس ونواسي ليها حنتا ونواسي ليها اي حاجة !!!
ود ام تريبات
02-07-2007, 08:18 AM
ياخوي هووووووووووووووووووووي الله بيعلم بيه والدليل شل شل كب لي جالون


هع هع هع
مع اني ما فاهم حاجة لكن يا رضا غايتو انا شاااااااااهد على الجوال القلعوهو !!!! ومن عيني شالوهو و جب جب جب النبق
محمد الفاضل
02-07-2007, 10:13 PM
هع هع هع
مع اني ما فاهم حاجة لكن يا رضا غايتو انا شاااااااااهد على الجوال القلعوهو !!!! ومن عيني شالوهو و جب جب جب النبق

الاخ الحبيب ودام تريبات هذه هي فرصه حتي اعتزر لك والي الخ الاستاذ صلاح عن مهترتنا في السابق ويقال في المثل المابتعرفو تجهلو فان امد اليك يدي بيضاء من غير سوء حتي نتسامر ونتعارف اكثر فارجو العفو منك ومن الاخ الاستاذ / صلاح ود الطاهر

مشاققه
لكن مالقيتك صاحب بهجه واخوك ديمقراطي وكده ولك التحية مره اخري وتقبل عذري
رضا حسن محمد
02-07-2007, 10:28 PM
الاخ الحبيب ودام تريبات هذه هي فرصه حتي اعتزر لك والي الخ الاستاذ صلاح عن مهترتنا في السابق ويقال في المثل المابتعرفو تجهلو فان امد اليك يدي بيضاء من غير سوء حتي نتسامر ونتعارف اكثر فارجو العفو منك ومن الاخ الاستاذ / صلاح ود الطاهر

مشاققه
لكن مالقيتك صاحب بهجه واخوك ديمقراطي وكده ولك التحية مره اخري وتقبل عذري
الاخ عاشق مدنى بحكم انو ود ام تريبات صوتو زى صوتى وده من حسن حظو وهو مكسراهو واحدة من حلتنا ودة من حسن حظنا فانا اسبق ود امتريبات فى الترحيب بك
واتفضل جاى اعملك شاى اللحظة معاك بتساوى سنين
رضا حسن محمد
02-07-2007, 10:30 PM
هع هع هع هع هع
الله يجازيك يا رضا ... والله كتلتني بالضحك ..
هي المرة وينا في قدومه ده ؟؟؟؟
خلينا نلم فيها بس ونواسي ليها حنتا ونواسي ليها اي حاجة !!!
واسى ليها حنتا بس
نزار حسن محمد
03-07-2007, 12:06 AM
هووووى ياناس النفاج انعدله كويس ..الحكومه هنا:cool:
صلاح ودالطاهر
03-07-2007, 05:39 AM
هووووى ياناس النفاج انعدله كويس ..الحكومه هنا:cool:
اها يود ام تريبات جبته دقله يكركب والبلدي المحن اليلولي صغارن
ود ام تريبات
07-07-2007, 11:18 AM
الاخ الحبيب ودام تريبات هذه هي فرصه حتي اعتزر لك والي الخ الاستاذ صلاح عن مهترتنا في السابق ويقال في المثل المابتعرفو تجهلو فان امد اليك يدي بيضاء من غير سوء حتي نتسامر ونتعارف اكثر فارجو العفو منك ومن الاخ الاستاذ / صلاح ود الطاهر

مشاققه
لكن مالقيتك صاحب بهجه واخوك ديمقراطي وكده ولك التحية مره اخري وتقبل عذري


يازول حبابك الف .. و معرفة الرجال مال وثروة ..

والفات مات والنقاش لن يتعدي الطاوالة التي ادير فيها ..
وتبقى العلاقات الانسانية هي التي تجمعنا ولاتفرقنا ..

لك حبي وانت اعفا ليما كمان ..

مووووووزة :
الدمقراطية نور ونار من اراد نورها فليسطلي بنارها ( ابونا السيد / اسماعيل الازهري .. طيب الله ثراه )
ود ام تريبات
07-07-2007, 11:22 AM
الاخ عاشق مدنى بحكم انو ود ام تريبات صوتو زى صوتى وده من حسن حظو وهو مكسراهو واحدة من حلتنا ودة من حسن حظنا فانا اسبق ود امتريبات فى الترحيب بك
واتفضل جاى اعملك شاى اللحظة معاك بتساوى سنين

تسلم ياحبيب .. ده من حسن حظنا الاتنين انو اصواتنا زي بعض ( الما لقى شبهو المولى قبحو !!!!) .!!

البت المكسراني في حلتكم .... ااحححححححححححححححح ما عرسوها يارضى واعتكفتا وغنيت لهاشم ميرغني ..
هسي عندها بنية .. ناس حلتكم ديل الله يصلح حالم بس ...
ود ام تريبات
07-07-2007, 11:23 AM
واسى ليها حنتا بس

بس ؟؟؟؟

هوووووووووووي يارضى
ود ام تريبات
07-07-2007, 11:27 AM
هووووى ياناس النفاج انعدله كويس ..الحكومه هنا:cool:

حكومة ياظالمة دي السرقت قسيم ريدي !!...

حباب التلب اللزوم الفوقو الحمولة الهايلة

حباب ضل الضحى التحتة الخلايق قايلة

حبابك الف وابقى جاي وحرم تتفضل تشرب ببسي من بقالتنا دي على حساب ادارة النفاج !!(مسحة شنب عشان الضرايب )
هع هع هع
ود ام تريبات
07-07-2007, 11:31 AM
[/COLOR]99378]اها يود ام تريبات جبته دقله يكركب والبلدي المحن اليلولي صغارن

ياود الطاهر .
اكان زيارة نائب المدير العام محنة انشاء الله المحن تب ما تفارق دكانا ده ..

مووووزة :
صغار المحن ديل منو ؟؟ انت قاصد منو هوووووووووووووووووي ياود الطاهر قول رضى حسن عدييييييييل ما تقعد تلفلف بهناك وبيهنا .!.!.!.!
رضا حسن محمد
07-07-2007, 09:26 PM
ياود الطاهر .
اكان زيارة نائب المدير العام محنة انشاء الله المحن تب ما تفارق دكانا ده ..

مووووزة :
صغار المحن ديل منو ؟؟ انت قاصد منو هوووووووووووووووووي ياود الطاهر قول رضى حسن عدييييييييل ما تقعد تلفلف بهناك وبيهنا .!.!.!.!
ازيك يا فردة
قالو الخيل تجقلب زى الشرة فى القندول
نزار حسن محمد
07-07-2007, 10:35 PM
حكومة ياظالمة دي السرقت قسيم ريدي !!...

حباب التلب اللزوم الفوقو الحمولة الهايلة

حباب ضل الضحى التحتة الخلايق قايلة

حبابك الف وابقى جاي وحرم تتفضل تشرب ببسي من بقالتنا دي على حساب ادارة النفاج !!(مسحة شنب عشان الضرايب )
هع هع هع

ودام تريبات ..ابو عيون خضر..يازول انت كتشنر ..فى الحسبه بى يبقالك شنوووو!!

بعدين انت يالحبيب..ماسمعته بى اغنية الريد قسيم ياعنيى..وتلب تعالى..انشاءالله تدقشنى عربيه
بارك الله فيك على الببسى البارد..لكن مع المطر ..لو قلبتها فته مدنكله ..بكون مضبوط...
حبابك ياود ام تريبات ..والله متابع مشاركتك التى تدل على انك تمتاز بشخصيه ..مرحه وعسل
خليك دائما قريب ....وارعوووو رعيتكم ...بس مايجرجروك..فى الكلام..ناس الضرائب
صلاح ودالطاهر
08-07-2007, 04:15 AM
ازيك يا فردة
قالو الخيل تجقلب زى الشرة فى القندول

هوووووووووووووووووووووووووي ياود ام تريبات شنو القندول ده خت تحتو خطين
ود ام تريبات
08-07-2007, 07:46 AM
ازيك يا فردة
قالو الخيل تجقلب زى الشرة فى القندول

والله يارضى دي لفة راس عديل .. ياربي اللافي راسك شنو ؟؟؟؟؟
انا عاااااااااااااااااارف وما بقدر اقول انا مابقدر اصرح .... الخ !!!!!


ههع هع ههع هع هع هع
ود ام تريبات
08-07-2007, 08:00 AM
ودام تريبات ..ابو عيون خضر..يازول انت كتشنر ..فى الحسبه بى يبقالك شنوووو!!

بعدين انت يالحبيب..ماسمعته بى اغنية الريد قسيم ياعنيى..وتلب تعالى..انشاءالله تدقشنى عربيه
بارك الله فيك على الببسى البارد..لكن مع المطر ..لو قلبتها فته مدنكله ..بكون مضبوط...
حبابك ياود ام تريبات ..والله متابع مشاركتك التى تدل على انك تمتاز بشخصيه ..مرحه وعسل
خليك دائما قريب ....وارعوووو رعيتكم ...بس مايجرجروك..فى الكلام..ناس الضرائب

هع هع هع
كتشنر عديل !! لا دي عيون حلبة ساكت .

الفتة ليه انت على الطلاق تستاهل نضبح ليك عدييييل كبش اقرن املح ..
تسلم ياراقي والله ما عسل الى انت يازوق ...
الضرايب يضربون الضريب قول امين ..
ود ام تريبات
08-07-2007, 08:04 AM
هوووووووووووووووووووووووووي ياود ام تريبات شنو القندول ده خت تحتو خطين

ده القندول الخاتي القول ...
صلاح ودالطاهر
08-07-2007, 09:35 PM
ده القندول الخاتي القول ...

وينك انت الطال غيابك العيون تسالني منك والقليب يقول حبابك
ود ام تريبات
08-07-2007, 09:49 PM
وينك انت الطال غيابك العيون تسالني منك والقليب يقول حبابك

اود الطاهر انتي ما عارف البير وغطاهو

سفرررررررررررررررر سفرررررررررررررر فرررر فررررررررررررررر

مشكور على السؤال يالقمر الماك شهير
ود ام تريبات
08-07-2007, 09:50 PM
وينك انت الطال غيابك العيون تسالني منك والقليب يقول حبابك

اود الطاهر انتي ما عارف البير وغطاهو

سفرررررررررررررررر سفرررررررررررررر فرررر فررررررررررررررر

مشكور على السؤال يالقمره الماك شهير
ود المطامير
09-07-2007, 11:04 AM
اود الطاهر انتي ما عارف البير وغطاهو

سفرررررررررررررررر سفرررررررررررررر فرررر فررررررررررررررر

مشكور على السؤال يالقمره الماك شهير
يا ود أم تريبات يا حبيبنا
القمره منو ؟ الكاشف أخوى دا يا حول الله
بينى وبينك كدا هو يتخت على الجرح طوالى يبرأ .
ود ام تريبات
09-07-2007, 09:35 PM
يا ود أم تريبات يا حبيبنا
القمره منو ؟ الكاشف أخوى دا يا حول الله
بينى وبينك كدا هو يتخت على الجرح طوالى يبرأ .


القمرة ود الطاهر ما عاجبك الكلام ده ؟؟؟؟

هوووووي يا ابو سديرية انت بتفتش للفتن صاح ...

ود الطاهر ده حبيبنا وحبيب حبيبنا

موووووزة :

ياود المطامير داير ادين منو لاني مسافر هع هع هع
نزار حسن محمد
09-07-2007, 09:47 PM
هلا ..بالحبيب الغالى ..ود ام تريبات
يازول ابشر ..بالخير ..اول حاجه انا كان مابخاف الموت انت قريبى عدددديل من صورتك دى
بعدين موضوع السفر والكنجالات ..عندك واحد من الاتنين
1/ ود الطاهر
2/ رضا ودحسن
شوف داير كم ..وفالك طيب
رضا حسن محمد
09-07-2007, 10:01 PM
هلا ..بالحبيب الغالى ..ود ام تريبات
يازول ابشر ..بالخير ..اول حاجه انا كان مابخاف الموت انت قريبى عدددديل من صورتك دى
بعدين موضوع السفر والكنجالات ..عندك واحد من الاتنين
1/ ود الطاهر
2/ رضا ودحسن
شوف داير كم ..وفالك طيب
يا نزار انت ود ام تريبات دة ما عرفتوولا شنو
هوود ناس الكاشف يعنى نسيب هبار لكن من فرع القضارف
بعدبن كان مكيس ليهوواحدةمن بركات ( الشبكة)
لكن لبعتو ليك شاكوش
خلتو يغنى اسبوع تمام
بعدين انت يا ابو النيز واعدنى بعشرة الف وكل يوم اقول للوليدات عمكو حيحول القريشات وباقى لينا اسبوعونسافر ما تعمل اضان الحامل طرشا
نزار حسن محمد
09-07-2007, 10:19 PM
يا نزار انت ود ام تريبات دة ما عرفتوولا شنو
هوود ناس الكاشف يعنى نسيب هبار لكن من فرع القضارف
بعدبن كان مكيس ليهوواحدةمن بركات ( الشبكة)
لكن لبعتو ليك شاكوش
خلتو يغنى اسبوع تمام
بعدين انت يا ابو النيز واعدنى بعشرة الف وكل يوم اقول للوليدات عمكو حيحول القريشات وباقى لينا اسبوعونسافر ما تعمل اضان الحامل طرشا

خلاص يارضا شيله من ود ام تريبات
ود المطامير
10-07-2007, 04:47 AM
القمرة ود الطاهر ما عاجبك الكلام ده ؟؟؟؟

هوووووي يا ابو سديرية انت بتفتش للفتن صاح ...

ود الطاهر ده حبيبنا وحبيب حبيبنا

موووووزة :

ياود المطامير داير ادين منو لاني مسافر هع هع هع
أسمعنى يا حبيب قلوبنا
أكان داير تدين منو خمسه ألف خليهم سته ألف
وفك الألف لأخوك .
عثمان جلالة
10-07-2007, 05:18 AM
حبيب القلب ود الطاهر

يازول انت ما فتحتة لينا باسمك ده شلالات من الحنين للنفاجات حقات حلتنا ..
اولاً تجي من بيت ناس الجعلي تدخل في بيت ناس احمد ود محمود تلقاه قاعدين يشربو في الشاي الصباح يدوك كباية شاي بلبن تقيييييييييل مدعمة بلقيمات وتقول ليهم عامرين وانت طالع بالنفاج البينهم وبين ناس السارة بت صابر يلاقنك التومات مسرحات ماشات الروضة زي طيرات الجنة تشاغلهن وتدخل بيت ناس السارة بت صابر ينادوك على الشاي ويحلف عليك جبارة بالطلاق تجي وتطلع عشان تدخل بالنفاج البينهم وبين ناس بشير ود الفاضل وتلقاهو قاعد في شدرتو منبطح في هبابو يحلف عليك تجي تضوق ملاح ام دقوقة المسوياهو ام الفاضل بنفسها وتطلع من هناك عشان تدخل بيت ناس الحاج ود عبد الخير( الحكيم ) يلاقيك الشازلي ولدو شايل جوز كتشينتو يقول ليك الليلة العشرة في شدرتنا والشباب جايين اقعد اشربلك جبنة معانا لغاية مايجو اصلو الجبنة جااااااااهزة .. تشرب كباية جبنتك وتدوروا الكتشينةالمافيها غير الحرفا .. يحرقو ليك بدرررري وتطلع من بيتم تلقى نفسك في دكان محمد ود حمد النيل والضمنة مدورة تقول ططططططق طرررق تسلم ...وتشاغل مجدي ود عثمان بخطوبتو المزعومة على البنية المتل المترار ديك ويقوم يسكك لغاية ديوان ود الكاشف ويرجع منك .. تخل حوش ود الكاشف وتبدى نفاجات جديدة معطرة بكل عبق الطيبة والمحنة والتوادد والسجية والناس يستبشرون بك كانهم يرونك لاول مرة منذ سنين ولم يفصلك عنهم سوى تلك الليلة .. لتنتهي في بيت حبوبتنا بت قسم السيد لتحكي لك عن الانقليز وعن بطولات المزارعين وعن سقوط الخرطوم وكيف انسحب جزء من جيش الخليفة عبد الله ومرة ( قدام الغابة زي السحابة ) .. ةكيف ان الكواهلة لحقوهو في العقيدة ودارت موقعة العقيدة بين الكواهلة وجيش الخليفة بقيادة القائد حماد ودالناير ( البقاري ) .. وتغني ليك : تمساح الدويم الفي العقيدة بتبسم..... تستلقي على ذلك العنقريب الوسير لتجد انك رحت في نوووم كانك لم تنم منذ قرن ..

نحن منتظرنك بالفطور في بيت بخيت ود أحمد (ملاح تقلية كسرتو حاره) وانت معديها نوم الله وكنتينك فاتح مية مره رسلت الجنا يقول ما جا لسه ... والله حبوبتك بت أحمد زعلانه .. اها إلا ترضي عليها بي شاي المغرب .. تعال ليها وجيب معاك (بنات) عشان تتنتن ليها جبنة المغرب ما تنسى .. ما تغلت عليها ... عشان نطلع بدري بدري .. لأنو عمك حاج احمد عندو بقره واقعة في المصرف .. نطلعها .. بمش وبجيك
abu_ola
10-07-2007, 05:55 AM
نحن منتظرنك بالفطور في بيت بخيت ود أحمد (ملاح تقلية كسرتو حاره) وانت معديها نوم الله وكنتينك فاتح مية مره رسلت الجنا يقول ما جا لسه ... والله حبوبتك بت أحمد زعلانه .. اها إلا ترضي عليها بي شاي المغرب .. تعال ليها وجيب معاك (بنات) عشان تتنتن ليها جبنة المغرب ما تنسى .. ما تغلت عليها ... عشان نطلع بدري بدري .. لأنو عمك حاج احمد عندو بقره واقعة في المصرف .. نطلعها .. بمش وبجيك


جلالة يا جنا عشاي بعد ما تطلعوا بقرة حاج احمد امشو الترعة الورانية دحيش على ود اللمين دا ليهو يومين واقع في الطملة و ما لاقي ليهو زول يسندو معاهو باقي في شان الجنا أبوه مسافر فاتالسعودية مافي زول يساعدو ؟؟ بعدين حاجة التومة غنمايته الفرت وحيدة الكرتا ديك ما بتعرفها .... ااااااي ياها زاتها الكرتا أم حجول من امس ما اتراوحت الفريق باقي الغنماية دارة ممكن تكون ولدت في الشدر القدامي و حاجة التومة خايفة الكلاب يكالوا السخل دحين ياالخزين ارمي ليها بالك كان شفتها جيبا معاك

بارك الله فيك يا جلالة اخوي ياكا راجل الحلة و سيد العقاب خسمتك بي الله ساعد ناس الحلة جت عليهم و ما تغلـــتوا على زول
ود ام تريبات
10-07-2007, 09:21 AM
هلا ..بالحبيب الغالى ..ود ام تريبات
يازول ابشر ..بالخير ..اول حاجه انا كان مابخاف الموت انت قريبى عدددديل من صورتك دى
بعدين موضوع السفر والكنجالات ..عندك واحد من الاتنين
1/ ود الطاهر
2/ رضا ودحسن
شوف داير كم ..وفالك طيب

حبيبنا نزار حسن

ازول القرابة دي في وقرابتك بنفخربها

انت الكنجالات دي مااااالك زايغ منها قرابه بلاش سااااااااكت !!
ود الطاهر و رضا ود حسن ديل دينون هالكة ولا شنو ؟؟؟

اكان كدي النشيل مخلايتي وامرق عليهم ساكت
ود ام تريبات
10-07-2007, 09:24 AM
يا نزار انت ود ام تريبات دة ما عرفتوولا شنو
هوود ناس الكاشف يعنى نسيب هبار لكن من فرع القضارف
بعدبن كان مكيس ليهوواحدةمن بركات ( الشبكة)
لكن لبعتو ليك شاكوش
خلتو يغنى اسبوع تمام
بعدين انت يا ابو النيز واعدنى بعشرة الف وكل يوم اقول للوليدات عمكو حيحول القريشات وباقى لينا اسبوعونسافر ما تعمل اضان الحامل طرشا

يا رضا ياغالي

ام تريبات والكاشف والقضارف كلو ده مافيهو مشكلة .... شنو ادارة المشروع وبركات والشبكة .. والله انت زي عشة الفلاتية قالت انا ما بقرى انا والكاشف اخوي ده هسي الشألك من الشواكيش منو ...!؟؟؟؟

موووووووزة بفريق قدام :-

انت خلاص اطلقو صراحك ورفعو عنك الحصار ورجعو ليك جوالك .. خلاص فضيت لينا !!؟؟
ود ام تريبات
10-07-2007, 09:27 AM
خلاص يارضا شيله من ود ام تريبات

شوف شوف الزول ده !! هسي ود ام تريبات قبض عشان يسلف الناس .. بعدين على قول واحد اخونا صاحب رضى حسن قال انا مسافر وانت ما عارف وووووااااك وررررااااك ..

هع هع هع
ود ام تريبات
10-07-2007, 09:29 AM
أسمعنى يا حبيب قلوبنا
أكان داير تدين منو خمسه ألف خليهم سته ألف
وفك الألف لأخوك .


يا ود المطامير

شنو على الهواء مباشرة كده المواضيع دي بقولوها باللفة .. اكان كده نخليها 8 الف عشان جلالة واخرون من دونه .... الحُرفى زماااان حجزو
ود ام تريبات
10-07-2007, 09:31 AM
نحن منتظرنك بالفطور في بيت بخيت ود أحمد (ملاح تقلية كسرتو حاره) وانت معديها نوم الله وكنتينك فاتح مية مره رسلت الجنا يقول ما جا لسه ... والله حبوبتك بت أحمد زعلانه .. اها إلا ترضي عليها بي شاي المغرب .. تعال ليها وجيب معاك (بنات) عشان تتنتن ليها جبنة المغرب ما تنسى .. ما تغلت عليها ... عشان نطلع بدري بدري .. لأنو عمك حاج احمد عندو بقره واقعة في المصرف .. نطلعها .. بمش وبجيك

خلاص بجي تب وبجيب ليك معاي ينات انت الدايرهن ألممسوخ .. قال الجبنة قال ...
ود ام تريبات
10-07-2007, 09:33 AM
جلالة يا جنا عشاي بعد ما تطلعوا بقرة حاج احمد امشو الترعة الورانية دحيش على ود اللمين دا ليهو يومين واقع في الطملة و ما لاقي ليهو زول يسندو معاهو باقي في شان الجنا أبوه مسافر فاتالسعودية مافي زول يساعدو ؟؟ بعدين حاجة التومة غنمايته الفرت وحيدة الكرتا ديك ما بتعرفها .... ااااااي ياها زاتها الكرتا أم حجول من امس ما اتراوحت الفريق باقي الغنماية دارة ممكن تكون ولدت في الشدر القدامي و حاجة التومة خايفة الكلاب يكالوا السخل دحين ياالخزين ارمي ليها بالك كان شفتها جيبا معاك

بارك الله فيك يا جلالة اخوي ياكا راجل الحلة و سيد العقاب خسمتك بي الله ساعد ناس الحلة جت عليهم و ما تغلـــتوا على زول

حبيبنا ابو البنية

جلالة ده راجل ضكراان وبشيل الشيلة انا خابرو من ايام زماااان زمن كان يصول ويجول في جامعة جوبا .....
عثمان جلالة
10-07-2007, 09:23 PM
جلالة يا جنا عشاي بعد ما تطلعوا بقرة حاج احمد امشو الترعة الورانية دحيش على ود اللمين دا ليهو يومين واقع في الطملة و ما لاقي ليهو زول يسندو معاهو باقي في شان الجنا أبوه مسافر فاتالسعودية مافي زول يساعدو ؟؟ بعدين حاجة التومة غنمايته الفرت وحيدة الكرتا ديك ما بتعرفها .... ااااااي ياها زاتها الكرتا أم حجول من امس ما اتراوحت الفريق باقي الغنماية دارة ممكن تكون ولدت في الشدر القدامي و حاجة التومة خايفة الكلاب يكالوا السخل دحين ياالخزين ارمي ليها بالك كان شفتها جيبا معاك

بارك الله فيك يا جلالة اخوي ياكا راجل الحلة و سيد العقاب خسمتك بي الله ساعد ناس الحلة جت عليهم و ما تغلـــتوا على زول

سمح أأأ المبروك .. لكن الجنا ود ام تريبات يتخفس زي أبو الضبضوب .. هو كان ختا باله وخت قلبو فرق شطورو فيه الخير ... لكن الجنا عاشق ... ألقاهو يتلبد في الفريق الوراني
رضا حسن محمد
10-07-2007, 09:24 PM
يا رضا ياغالي

ام تريبات والكاشف والقضارف كلو ده مافيهو مشكلة .... شنو ادارة المشروع وبركات والشبكة .. والله انت زي عشة الفلاتية قالت انا ما بقرى انا والكاشف اخوي ده هسي الشألك من الشواكيش منو ...!؟؟؟؟

موووووووزة بفريق قدام :-

انت خلاص اطلقو صراحك ورفعو عنك الحصار ورجعو ليك جوالك .. خلاص فضيت لينا !!؟؟
غايتو انا وود الطاهر الارجل مننا يقع البحر
نمشى مداماتنا على العجين
عثمان جلالة
10-07-2007, 09:25 PM
حبيبنا ابو البنية

جلالة ده راجل ضكراان وبشيل الشيلة انا خابرو من ايام زماااان زمن كان يصول ويجول في جامعة جوبا .....

هوى آآ ود حلتنا ... تشكر فيني كدي .. داير تنسيني القروش الطالبن ليك .. أحسن تجيبن ساي ولا بفضحك في كنتينك دا .. مع ناس الحله كلهم
ود ام تريبات
10-07-2007, 09:45 PM
سمح أأأ المبروك .. لكن الجنا ود ام تريبات يتخفس زي أبو الضبضوب .. هو كان ختا باله وخت قلبو فرق شطورو فيه الخير ... لكن الجنا عاشق ... ألقاهو يتلبد في الفريق الوراني

التخفس وارسنو من نسيبك النصييييييح داك باقي لي هو صاحبي عشان كده !!! فريق ورا وين ناس اللمين ود برقو يعني ؟؟ هووووووووي ياجلالة احسن ليك !!؟؟؟
ود ام تريبات
10-07-2007, 09:47 PM
غايتو انا وود الطاهر الارجل مننا يقع البحر
نمشى مداماتنا على العجين

هع هع هع كع

قال عجين قال ..
ود ام تريبات
10-07-2007, 09:50 PM
هوى آآ ود حلتنا ... تشكر فيني كدي .. داير تنسيني القروش الطالبن ليك .. أحسن تجيبن ساي ولا بفضحك في كنتينك دا .. مع ناس الحله كلهم

شو الجنا المبدل ده ؟؟!!!
اصلو ما فيك حسنة !!!

قروشك ؟؟ انت ما سمعته ببند الديون الهالة ؟؟؟ اها دي هالكة هلاك رسمي وشعبي !؟!.!.
صلاح ودالطاهر
11-07-2007, 05:26 AM
هع هع هع كع

قال عجين قال ..
هسع شوف جنس الكلام ده وحات سيد قال انا واخوي الكاشف البخمج العجين الله بيعلم بيهو
ود ام تريبات
11-07-2007, 10:49 PM
هسع شوف جنس الكلام ده وحات سيد قال انا واخوي الكاشف البخمج العجين الله بيعلم بيهو

البخمج العجين بعوسو والبورق الخدره بفركها صاح ياود الطاهر
صلاح ودالطاهر
12-07-2007, 01:11 AM
البخمج العجين بعوسو والبورق الخدره بفركها صاح ياود الطاهر

صدقت يود امي وقالوا في المثل عواس السم ضواقو
رضا حسن محمد
12-07-2007, 01:21 AM
صدقت يود امي وقالوا في المثل عواس السم ضواقو
نوع ود ام تريبات دة النوع المرتو بتكونمححننة وهو يعمل ليها الغدا والشاى ويجيبمليها ويقول ليها
عيزة حاجة منى يا روحى
اما اخونا ود الطاهر حسب كلام عمنا ابو الشوارب فالدكتورة الشورة شورتا والكلمة كلمتا

ارصكم ششششششششش
ود ام تريبات
12-07-2007, 01:34 AM
صدقت يود امي وقالوا في المثل عواس السم ضواقو



هع هع هع

ده السم القدر غداهو
ود ام تريبات
12-07-2007, 01:40 AM
نوع ود ام تريبات دة النوع المرتو بتكونمححننة وهو يعمل ليها الغدا والشاى ويجيبمليها ويقول ليها
عيزة حاجة منى يا روحى
اما اخونا ود الطاهر حسب كلام عمنا ابو الشوارب فالدكتورة الشورة شورتا والكلمة كلمتا

ارصكم ششششششششش


والله كتلني من الضحك

ياود رضا ود ام تريبات زي النسيم حر طليق لا بعوس لا وبورق بس الناس المقبوضين من قبل دكاترة ديل انا ما عارفم غايو كان كلام ابو شوارب صاح والله ياود الطاهر قضيتك باشظة شديد ..

موووووووووووزة بنفاج ناس نزار كبس:

انت يارضا الاتصالات السعودية رجعت ليك جوالك ولا لسه لا يمكن الوصول اليه حالياً !!!!!!!!
صلاح ودالطاهر
12-07-2007, 01:40 AM
هع هع هع

ده السم القدر غداهو

اها يودامي قصدي بالمثل داك البلدي المحن يلوولي اطفال النيدو
وقالوا في المثل البسوهو في رضا يقع علي ودالطاهر وانت الصادق عمك ابوشوارب
رضا حسن محمد
12-07-2007, 01:51 AM
والله كتلني من الضحك

ياود رضا ود ام تريبات زي النسيم حر طليق لا بعوس لا وبورق بس الناس المقبوضين من قبل دكاترة ديل انا ما عارفم غايو كان كلام ابو شوارب صاح والله ياود الطاهر قضيتك باشظة شديد ..

موووووووووووزة بنفاج ناس نزار كبس:

انت يارضا الاتصالات السعودية رجعت ليك جوالك ولا لسه لا يمكن الوصول اليه حالياً !!!!!!!!
عليكم النبى فى زول جدوكاتل ليهو اسد مرتو تخوفو
رضا حسن محمد
12-07-2007, 01:54 AM
اها يودامي قصدي بالمثل داك البلدي المحن يلوولي اطفال النيدو
وقالوا في المثل البسوهو في رضا يقع علي ودالطاهر وانت الصادق عمك ابوشوارب
انا التسخو
الدخل البحر مرق بيوسخو
انا التكل الوقع فوق ستو
انا الككو الخفجت الطين

انا الوسخ انا العفن انا شضم لضم
هيعععععععععععععععععععععععععععععععععععععععععععععععع ععععع
صلاح ودالطاهر
12-07-2007, 04:33 AM
انا التسخو
الدخل البحر مرق بيوسخو
انا التكل الوقع فوق ستو
انا الككو الخفجت الطين

انا الوسخ انا العفن انا شضم لضم
هيعععععععععععععععععععععععععععععععععععععععععععععععع ععععع

كلام خشم سجمك يا سجم الرماد كدي جيب جوالك داك
ود ام تريبات
13-07-2007, 10:10 PM
اها يودامي قصدي بالمثل داك البلدي المحن يلوولي اطفال النيدو
وقالوا في المثل البسوهو في رضا يقع علي ودالطاهر وانت الصادق عمك ابوشوارب

ياعمنا ابو شوارب ضيفنا واكرام الضيف واجب عليك وعلينا

لكن تحالفنا راسخ انت حليف استراتيجي ضد اطفال النيدو والسطحنة والرجال المحاصرين والنسوان القاهرات رجالن وشايلات جوالاتن
ود ام تريبات
13-07-2007, 10:12 PM
عليكم النبى فى زول جدوكاتل ليهو اسد مرتو تخوفو

جدك كان عندو جوال ؟؟؟

ليس الفتى من يقول كان ابي ان الفتى من يقول هاانا ذا ..
ود ام تريبات
13-07-2007, 10:16 PM
انا التسخو
الدخل البحر مرق بيوسخو
انا التكل الوقع فوق ستو
انا الككو الخفجت الطين

انا الوسخ انا العفن انا شضم لضم
هيعععععععععععععععععععععععععععععععععععععععععععععععع ععععع



حبيبنا يارضا

ابو ي انفخ فينا ما عندك مشكلة

قال ككو و تسخو و شضم لضم !!

ياولدي الكلام ده تقولوا في منتدى الاغاني لكن انا وود الطاهر ده خابرين الفيها ..
عثمان جلالة
14-07-2007, 12:32 AM
شو الجنا المبدل ده ؟؟!!!
اصلو ما فيك حسنة !!!

قروشك ؟؟ انت ما سمعته ببند الديون الهالة ؟؟؟ اها دي هالكة هلاك رسمي وشعبي !؟!.!.

سمح آآآ المبروك والله أنا أخلسن شاي في كنتينك الما فيهو حاجه ده أسي كان ما جيتنا ليك من الصباح ترشرش التقول جاياك نانسي عجرم في بطن الكنتين ... هوي قروشي ما بخليهن ووالله تكر أكلم ليك شيخ الحله .. يقفلولوهو انشاءالله نسويهو جزارة كمونية
رضا حسن محمد
14-07-2007, 01:08 AM
حبيبنا يارضا

ابو ي انفخ فينا ما عندك مشكلة

قال ككو و تسخو و شضم لضم !!

ياولدي الكلام ده تقولوا في منتدى الاغاني لكن انا وود الطاهر ده خابرين الفيها ..

قالوا ود الطاهر فات فات
ومعاهوود ام تريبات
لا جدهم كتل الاسد
لا اتباطنو فى الملمات
والدكتورة نص كلاما
تعليمات
والنص التانى
روشتات
وحبيبى ود الطاهر
شغال بالريموت
عشا البايتات
والجنى البشبه ود البنا
ود ام تريبات
يطلق فى الفاضى سجم الرماد
خايف بعدين العصمة
تكون فى يدها
ويضحكو فوقو ناس رضا
خبر السجم
على المهروش نفاخ الحلة
ود ام تريبات
صلاح ودالطاهر
14-07-2007, 03:23 AM
قالوا ود الطاهر فات فات
ومعاهوود ام تريبات
لا جدهم كتل الاسد
لا اتباطنو فى الملمات
والدكتورة نص كلاما
تعليمات
والنص التانى
روشتات
وحبيبى ود الطاهر
شغال بالريموت
عشا البايتات
والجنى البشبه ود البنا
ود ام تريبات
يطلق فى الفاضى سجم الرماد
خايف بعدين العصمة
تكون فى يدها
ويضحكو فوقو ناس رضا
خبر السجم
على المهروش نفاخ الحلة
ود ام تريبات
عاد قالو في المثل الفيك بدربو والعليك اتناساهو
عمك رضا جاب ليهو كلام
وانا ود ام تريبات بنشوفو كلام حمام
هوماعارف انو نحن كاشفين سجن غو تنام
سجمك يارضي بس تقوقي متل الحمام
ود ام تريبات
17-07-2007, 11:04 AM
سمح آآآ المبروك والله أنا أخلسن شاي في كنتينك الما فيهو حاجه ده أسي كان ما جيتنا ليك من الصباح ترشرش التقول جاياك نانسي عجرم في بطن الكنتين ... هوي قروشي ما بخليهن ووالله تكر أكلم ليك شيخ الحله .. يقفلولوهو انشاءالله نسويهو جزارة كمونية

شوف الجنا الممسوخ ده بالله

انت كان ما الكنتين ده بطلق ليك لاخر الشهر كان سويت شنو ؟؟
بعدين ياخوي قروشك دي تعال شيلها سكر وبن من الدكان .. بعدين القروش دي (فل بقدش صاح ) الترجمة المعني حيبيك داك من ديك وعيييييييييك ما جانا شبه البرتكانه ..

يجز رويسك الزي كورة الشراب ده .. الكمونية انت من ناسا ولا من جلاسا ابرويس
ود ام تريبات
17-07-2007, 11:12 AM
قالوا ود الطاهر فات فات
ومعاهوود ام تريبات
لا جدهم كتل الاسد
لا اتباطنو فى الملمات
والدكتورة نص كلاما
تعليمات
والنص التانى
روشتات
وحبيبى ود الطاهر
شغال بالريموت
عشا البايتات
والجنى البشبه ود البنا
ود ام تريبات
يطلق فى الفاضى سجم الرماد
خايف بعدين العصمة
تكون فى يدها
ويضحكو فوقو ناس رضا
خبر السجم
على المهروش نفاخ الحلة
ود ام تريبات



ما عندك مشكلة قوووول قووول ساااكت هو انت كان ما فشيت غبينتك فينا انا ود الطاهر المساكين ديل تفشها وين ؟؟

بعدين انا القال ليك منو داير اعرس .. قالو العاقل من اتعظ بغيره .

انت ماسمعته الغنية :

انا ما بغطف زهورك بعاين بببببس بعااااين بعيوني

وماسمعته :
ما قلنليك الحب طريق ......... ما رضيت كلامنا ومشيت براك ......الباقي معرروف .

وماسمعته القصيدة :

قد كان عندي طائر في قفص من ذهب ........ فطار مني وقال حريتي لا تشترى بالذهب .

دحين نحنا ما بنملك غير الدعاء بانو ربنا يفك اسرانا ويعيد مفقودينا

هع هع هع هع دون كوم
ود ام تريبات
17-07-2007, 11:14 AM
عاد قالو في المثل الفيك بدربو والعليك اتناساهو
عمك رضا جاب ليهو كلام
وانا ود ام تريبات بنشوفو كلام حمام
هوماعارف انو نحن كاشفين سجن غو تنام
سجمك يارضي بس تقوقي متل الحمام

حبيبنا ود الطاهر

الدعوات بس لكل الاسرى والمفقودين !!!
صلاح ودالطاهر
17-07-2007, 10:17 PM
حبيبنا ود الطاهر

الدعوات بس لكل الاسرى والمفقودين !!!

اها يود سيدي النبي فيك ادعو كان يفكو الحظر عن الاتصالات
ود ام تريبات
19-07-2007, 12:15 AM
اها يود سيدي النبي فيك ادعو كان يفكو الحظر عن الاتصالات

يا ود الطاهر :

انت ماعارف !!!!!

الاتصالات جابت عرض شريحة بشريحتين انت عارف ليشنو !!؟؟؟




عشان لو الحكومة استلمت واحدة تشتغل بالتانية !!1
رضا حسن محمد
19-07-2007, 12:37 AM
يا ود الطاهر :

انت ماعارف !!!!!

الاتصالات جابت عرض شريحة بشريحتين انت عارف ليشنو !!؟؟؟




عشان لو الحكومة استلمت واحدة تشتغل بالتانية !!1
بجى اليوم البندق الصفايح ونطلع الفضايح يا حنين
معتز الريح
19-07-2007, 01:04 AM
انت يارضا الاتصالات السعودية رجعت ليك جوالك ولا لسه لا يمكن الوصول اليه حالياً !!!!!!!!

قدر ما قريت ردود البوست ..
ما لقيت صاحبنا رد على السؤال ده ..
أمكن ماشافو ..
تشوف عمارة البنك الأهلي يارضا ..
رضا حسن محمد
19-07-2007, 01:19 AM
قدر ما قريت ردود البوست ..
ما لقيت صاحبنا رد على السؤال ده ..
أمكن ماشافو ..
تشوف عمارة البنك الأهلي يارضا ..
انشاءالله يا ودالريح الكبير تشوف عمارةالبنك الاهلى معاها المواقف
ود ام تريبات
22-07-2007, 12:38 AM
بجى اليوم البندق الصفايح ونطلع الفضايح يا حنين

اليوم ده بعد يرجعوا جوالك ولا قبلو ؟؟؟؟
ود ام تريبات
22-07-2007, 12:40 AM
قدر ما قريت ردود البوست ..
ما لقيت صاحبنا رد على السؤال ده ..
أمكن ماشافو ..
تشوف عمارة البنك الأهلي يارضا ..

ان مال الشدر ما بكسرن فراعو

والزول ان قال راسي موجوع يربطولو كراعو ؟؟
صلاح ودالطاهر
22-07-2007, 10:06 PM
يا ود الطاهر :

انت ماعارف !!!!!

الاتصالات جابت عرض شريحة بشريحتين انت عارف ليشنو !!؟؟؟




عشان لو الحكومة استلمت واحدة تشتغل بالتانية !!1

الكلام ده قول لواحد ماعندو حديده وكلام ده قلو لواحد اول حرفو رضا
http://wadmadani.com/vb/showpost.php?p=203787&postcount=84
ود ام تريبات
22-07-2007, 10:49 PM
الكلام ده قول لواحد ماعندو حديده وكلام ده قلو لواحد اول حرفو رضا
http://wadmadani.com/vb/showpost.php?p=203787&postcount=84

والله ياود الطاهر قالو اهلنا العرب :

الفي بطنو صم ثنق براهو دانسنق

يعني الفي بطنو حرقص براهو برقص

هسي في زول قال ود الطاهر ؟؟؟؟

اكان كدي على الطلاق كلام رضا صاح !!

موووووووووووووووووزة بنفاج ناس ود تاج الدين :

انت ياود الطاهر كلية الطب الفي مدني دي افتتحوها سنة كم ؟؟؟ وباقي لي ما اظنها بتقفل قريب ؟صاح ؟؟
صلاح ودالطاهر
22-07-2007, 11:02 PM
موووووووووووووووووزة بنفاج ناس ود تاج الدين :

انت ياود الطاهر كلية الطب الفي مدني دي افتتحوها سنة كم ؟؟؟ وباقي لي ما اظنها بتقفل قريب ؟صاح ؟؟


انت ياخوي موزه وعرفنها ولكن القلم الماسكوه جنب اضانك فوق راي وناس تاج الدين ياحليلهم في الزايله انت في كلية الطب ولا الحكومه رسلت اربعين دايه للدمازين عارف ليه قالوا عشان يولدو الكهرباء اها ارسكم قالو لا ياكباكه
رضا حسن محمد
23-07-2007, 12:11 AM
انت ياخوي موزه وعرفنها ولكن القلم الماسكوه جنب اضانك فوق راي وناس تاج الدين ياحليلهم في الزايله انت في كلية الطب ولا الحكومه رسلت اربعين دايه للدمازين عارف ليه قالوا عشان يولدو الكهرباء اها ارسكم قالو لا ياكباكه

الله يجازى محنك يا ترب الجن
ود ام تريبات
23-07-2007, 12:34 AM
انت ياخوي موزه وعرفنها ولكن القلم الماسكوه جنب اضانك فوق راي وناس تاج الدين ياحليلهم في الزايله انت في كلية الطب ولا الحكومه رسلت اربعين دايه للدمازين عارف ليه قالوا عشان يولدو الكهرباء اها ارسكم قالو لا ياكباكه

هوووووووووووووي ياود الطاهر هووووووي

راي شنو؟؟ .. داير تجيب لينا هوى بارد صاح ..

اوع بالك يا ود الطاهر !!؟؟؟
ود ام تريبات
23-07-2007, 12:36 AM
الله يجازى محنك يا ترب الجن


ده ترب جن بس ؟؟؟ د ترب سرحه بالشدر
صلاح ودالطاهر
23-07-2007, 12:44 AM
ده ترب جن بس ؟؟؟ د ترب سرحه بالشدر

هو لسع انت شفته هاجه بس ادوها صنه وخلي سوت الفنان يسلنا ارسكم لا ياكباكه
ود ام تريبات
23-07-2007, 12:56 AM
هو لسع انت شفته هاجه بس ادوها صنه وخلي سوت الفنان يسلنا ارسكم لا ياكباكه


اكان فاهم حادجة ارقص في نشرة الساعة 9

يا ود الطاهر دي مصطلحات طبية ولا شنو
رضا حسن محمد
23-07-2007, 10:12 PM
عليك يا يا زول حلو اتصل على ود الريح واسالو من البنك الاهلى
عثمان جلالة
24-07-2007, 05:01 AM
أنا مع رضا أنا مع رضا .. ميلمين عليهو تقولو هووووووووو حرام عليكم عشان لا قينو .... لا يمكن الوصول إليه حالياً
دي ما المحريه فيكم ... بكلم ليكم كوفي عنان ... يشوف ليكم مكالمة أقصد طريقة:p
ود ام تريبات
25-07-2007, 01:58 AM
أنا مع رضا أنا مع رضا .. ميلمين عليهو تقولو هووووووووو حرام عليكم عشان لا قينو .... لا يمكن الوصول إليه حالياً
دي ما المحريه فيكم ... بكلم ليكم كوفي عنان ... يشوف ليكم مكالمة أقصد طريقة:p

انت يابوي ما راس السوط واصلك ..

شبهينا واتلاقينا .. الاتنين محكومين بقوانين سبتمبر الجايرة .. واقول ليك على الطلاق اخير رضا ساحبين خطو بس إلا انت ساحبين رويحتك دي ... ابرويس عفيت منها اخت صاحبي المطيعاك طيعة عاصي دي .. تاني كشتينة العزابة دي إلا تشوفها في شريط فيديو ... والناصرية والخزان وعنوز والملز ديل تشوفن في خريطة الرياض الفي شارع الستين بس ...


قال مالكم عليهو قال !!!
ود ام تريبات
27-07-2007, 10:09 PM
اسمع

قالوا ليك على الطلاق في مشرف من مشرفين النفاج ده .. مابقول اسمو ... خاتنوا ليك في الكرسي الساخن ومولعين فيهو نيران الدنيا دي .. الناس ديل ما عارفين القصة واحد حبييييييييبنا شديد قال لي

ده اصلاً في الكرسي الساخن من يوم عرس ..


هههههههههههههههههههههههههههههههههههههههه
صلاح ودالطاهر
30-07-2007, 09:31 AM
اسمع

قالوا ليك على الطلاق في مشرف من مشرفين النفاج ده .. مابقول اسمو ... خاتنوا ليك في الكرسي الساخن ومولعين فيهو نيران الدنيا دي .. الناس ديل ما عارفين القصة واحد حبييييييييبنا شديد قال لي

ده اصلاً في الكرسي الساخن من يوم عرس ..


هههههههههههههههههههههههههههههههههههههههه

اها اخير في كرسي السخن مما عرس ولا اخير عدمو كدي ادي جلاله قروشو وبعدين اتفاصح
ود ام تريبات
30-07-2007, 11:56 PM
اها اخير في كرسي السخن مما عرس ولا اخير عدمو كدي ادي جلاله قروشو وبعدين اتفاصح

هع هع هع هع هع

والله ياود الطاهر كتلتني بالضحك
الله يجازي محنك ياخ .
جلالة خلاص خلسناه قروشو .. يعني شوفلك سببتاني .. بعدين هي قريشات جلالة دي كا اديناها ليهو بتبرد ليك سخانة الكرسي المزدوج ده .. هع هع هع هع
صلاح ودالطاهر
31-07-2007, 01:16 AM
هع هع هع هع هع

والله ياود الطاهر كتلتني بالضحك
الله يجازي محنك ياخ .
جلالة خلاص خلسناه قروشو .. يعني شوفلك سببتاني .. بعدين هي قريشات جلالة دي كا اديناها ليهو بتبرد ليك سخانة الكرسي المزدوج ده .. هع هع هع هع


تعرف يود امي الكديسه وكت ما تلقى اللبن بتقول عفن اها اخير عندي اتنين كراسي لكن انت سجمك بس تلقي عبارة حضرت ولم اجدك
ود ام تريبات
01-08-2007, 03:01 AM
تعرف يود امي الكديسه وكت ما تلقى اللبن بتقول عفن اها اخير عندي اتنين كراسي لكن انت سجمك بس تلقي عبارة حضرت ولم اجدك

هههههههههههههههههههههههههههههههههااااااااااااااااا اااااااا

ياود الطاهر عملتة واضحة لكن

هع هع هعه هع هع
الغريبة دايماً حضرت ووجتكم وندمتة على حضرتي .... هع هع هع ههههههههههههههههه

مووووووزة بنفاج ناس يوسف ود البتول :

انت حبيب قسانا داك .. اي ياهو زاتو البقصدو انت الزول ده حظروا عليه التكنلوجيا مررررررررة واحدة يعني لا نفاج ولا خفاج ولا تلفون ولا ليمون .. شنو الحاصل ياحبيبنا ...

فك الله اسرانا واعاد مفودينا !!!
عثمان جلالة
01-08-2007, 03:16 AM
انت يابوي ما راس السوط واصلك ..

شبهينا واتلاقينا .. الاتنين محكومين بقوانين سبتمبر الجايرة .. واقول ليك على الطلاق اخير رضا ساحبين خطو بس إلا انت ساحبين رويحتك دي ... ابرويس عفيت منها اخت صاحبي المطيعاك طيعة عاصي دي .. تاني كشتينة العزابة دي إلا تشوفها في شريط فيديو ... والناصرية والخزان وعنوز والملز ديل تشوفن في خريطة الرياض الفي شارع الستين بس ...


قال مالكم عليهو قال !!!

قال كشتينه قال ... علي الطلاق ... فنجان جبنه بي شمالو .. يسوى العنوز والناصريه والملز وكل بيوت العزابه .. الغلابه .. وضحكه بس من بتي .. ولا خمسين أب شرا .. بعدين تعال هنا البسمعك تقول كشتينه .. يقول احرف منك مافي .. وانت القام جديد .. ناس بكري ود بنجوس وعمار .. بجرررررروك خمسين .. لا من تقول ألحقني يا ود الطاهر ...
أرسكم

هووووووووووي ... رقبة قروشي:o
ود ام تريبات
03-08-2007, 10:05 PM
قال كشتينه قال ... علي الطلاق ... فنجان جبنه بي شمالو .. يسوى العنوز والناصريه والملز وكل بيوت العزابه .. الغلابه .. وضحكه بس من بتي .. ولا خمسين أب شرا .. بعدين تعال هنا البسمعك تقول كشتينه .. يقول احرف منك مافي .. وانت القام جديد .. ناس بكري ود بنجوس وعمار .. بجرررررروك خمسين .. لا من تقول ألحقني يا ود الطاهر ...
أرسكم

هووووووووووي ... رقبة قروشي:o


يقرش حليقيمك ده

قروش شنو ؟؟ البسمع يقول مليون ريال ..
ود ام تريبات
07-08-2007, 08:26 AM
الى ادارة المنتدى
عن طريق مدير ادارة النفاج
نحيطكم بان الاغلاق الجائر لمنطقة النفاج ( عشان الحفريات وتوسعة الطريق للمدير العام ) قد الحقت بكنتيننا المتواضع اضرار بالغة حيث ان نسبة المبيعات في الشاي انخفضة من 5وقيات في اليوم ( دي بشيلها جلالة ود المطامير وباسطة ) انخفضة النسبة الى 0 وقية في اليوم هسي ده ما خراب بيوت عديل وبعدين ناس ود الطاهر شايلين دفاتر البلدية ولافين يطقطقوا فينا قال لتأهيل البيئة الصحية للنفاج !!! للبيئة ولا لدعم الفريق العجيب داك .... الغريبة ناس ادارة النفاج ديك اكان الناس غرقوا لغلية اضنينم ما يدفعو ليهو ريال بس ينضموا ينضموا ولفريق الدافوري حق الحلة الفوقنا ديك يعني ما حق حلتنا يدفعوووووووووووو دم قلبنا !! ايوه قلبنا نحنا عشان القروش دي شايلنها من عين عينا نحنا ديل .. المهم انا داير تعويض عن الخمسة وقيات الشاي ديل ولا خلوا ناس جلالة يجو يشيلو وقيتين بدل واحدة في اليوم ..
المهم ياادارة المنتدى البقيتي زي ادارة الحته الفلانية ديك ديلك الناس يسكوا فيهو عشان ينفعوهم !! وهم جارين لغادي لكن بركة الحمد لله الفريق حق الدافوري الجارين ليهو ده طقطقوهو لمن راسوا لفه بس بركة ..ده عشان وقيات الشاي وناس جلالة البجوا يطلقوا مني وما عندهم حاجة ديل .. باقي لي حق الناس المساكين ده حااااااااااااااار احر من النار ولمن الواحد يقيف في طريق القطر القطر ما بلف لكن بلف الواقف ده في عجلاتو .. انشاء الله يلف الفي بالي داك الابى يلاقي الجماعة يوم مشوا ليهو وعمل زوغبير ..

زوغة البن المن الحبشة لقلاية نفيسة انشاء الله ...
ود المطامير
07-08-2007, 09:48 AM
صاح يا الحبيب ود أم تريبات
يوم ونص والنفاج مقفول والمحلات مشمّعه والدكاكين دارها خلا
يوم ونص بنوك النفاج خسرت فيهو مليارات الدولارات المحوله من
خزينة النفاج لجيبى وجيب الكاشف أخوى .
يوم ونص بقينا عطاله والكاشف أخوى لا بيحزف ولا بدمج هههههههههههه .
ود ام تريبات
08-08-2007, 08:26 AM
صاح يا الحبيب ود أم تريبات
يوم ونص والنفاج مقفول والمحلات مشمّعه والدكاكين دارها خلا
يوم ونص بنوك النفاج خسرت فيهو مليارات الدولارات المحوله من
خزينة النفاج لجيبى وجيب الكاشف أخوى .
يوم ونص بقينا عطاله والكاشف أخوى لا بيحزف ولا بدمج هههههههههههه .

الحبيب
والله مشتاقين ليك رسمي

انت تعال صحي القالو صاحبك ده ؟؟!!
الكيبورت حق كمبيوترك مالوا صحي ؟؟ قالوا واقف عش عشان اندفقت فيهو موية صحي ولا ما صحي ؟؟
والله ياود المطامير زولك انتهى منك نهائي .. وعامل فيها صاحبك وزميلك في الاشراف !!!
ود ام تريبات
12-08-2007, 09:16 AM
عوووووووووووووووك
ياناس الحلة شنو نفاجنا ده ما قربنا قفلو

لا في زول داير سكر ولا شاي ولا شماااااااار اااااي شمااار داك وده الاتنين عندنا .

والايام دي عندنا عروووووووض تخفيضات
يعني تشتري بن نديك عرق احمر او تشتري شاي نديك كباية !!

يلا شنو انتو الناس دي فلست رسمي يعني ولا حق وقية الشاي ما عندك ..
ننقل من الحلة المفلسة دي يعني ولا شنو !؟؟؟؟
عثمان جلالة
13-08-2007, 03:19 AM
انت آآآآ ود أم تريبات .. الحله دي ما لا صانه كدي .. والله قالوا ليك بيت ود الطاهر ... شالتو المطره ... والقروش دي .. مرقت هبطرش مع المويه .. الشفع ليهم 3 يوم ما قالوا دايرين حق الحلاوه .. يشيلوا من الشارع ويجوك أأأ المبروك .. والله واقعه معاك قب من الحيكومه وللناس المظلومه .... هع هع هع .. الله يكتر الخير .. والمطره تشيل لينا بين ود المطامير نشوف الفيهو شنو .. أها دكانك كويس ... ومالوا شاهيك الليله .. لا لون له ولا طعم ولا ريحة شاي الياباني ... والهندي .. أها أنا ماش .. أجيك للقروش متين؟؟؟
ود ام تريبات
13-08-2007, 06:57 AM
انت آآآآ ود أم تريبات .. الحله دي ما لا صانه كدي .. والله قالوا ليك بيت ود الطاهر ... شالتو المطره ... والقروش دي .. مرقت هبطرش مع المويه .. الشفع ليهم 3 يوم ما قالوا دايرين حق الحلاوه .. يشيلوا من الشارع ويجوك أأأ المبروك .. والله واقعه معاك قب من الحيكومه وللناس المظلومه .... هع هع هع .. الله يكتر الخير .. والمطره تشيل لينا بين ود المطامير نشوف الفيهو شنو .. أها دكانك كويس ... ومالوا شاهيك الليله .. لا لون له ولا طعم ولا ريحة شاي الياباني ... والهندي .. أها أنا ماش .. أجيك للقروش متين؟؟؟

والله ياجلالة اخوي دي حلة عجيبة لا حس شافع لا صوت مرة ولا ده ولا داك ود الطاهر المخرف ده قطع الجية باقي لي كلامك صاح اظن المطرة شالت بيتو بس القروش دي جابا من وين ؟؟؟ انت ياجلالة الزول ده اكان مسؤول من طريق نقول اكلو يعني ؟؟؟ ولا دي ضرايب النفاج ؟؟ .
تااااني رجعته للمعيليمة والسيرة الاليمة ؟؟!!! قروش شنو انا هسي مسافر اعرس بدل تساعدني على اكمال الدين تنتف ريشي ؟؟ قال الشاي ما عندو طعم !! ده لانو النيه سوداء اكان نيتك بيضاء كان الشاي راق ليك لكن ما عندك مشكلة قريشاتك دي بديها لخالد صاحبي يعني زيتنا في دقيقنا .. وانت اطلع منها
ود المطامير
13-08-2007, 11:10 AM
انت آآآآ ود أم تريبات .. الحله دي ما لا صانه كدي .. والله قالوا ليك بيت ود الطاهر ... شالتو المطره ... والقروش دي .. مرقت هبطرش مع المويه .. الشفع ليهم 3 يوم ما قالوا دايرين حق الحلاوه .. يشيلوا من الشارع ويجوك أأأ المبروك .. والله واقعه معاك قب من الحيكومه وللناس المظلومه .... هع هع هع .. الله يكتر الخير .. والمطره تشيل لينا بين ود المطامير نشوف الفيهو شنو .. أها دكانك كويس ... ومالوا شاهيك الليله .. لا لون له ولا طعم ولا ريحة شاي الياباني ... والهندي .. أها أنا ماش .. أجيك للقروش متين؟؟؟
هع هع هع هع
والله ضحكتنى من جوه القلب الله يديك العافيه

يا ود أم تريبات يا حبيب قلبى
وين صاحبك ود الطاهر ؟
عثمان جلالة
13-08-2007, 09:43 PM
والله ياجلالة اخوي دي حلة عجيبة لا حس شافع لا صوت مرة ولا ده ولا داك ود الطاهر المخرف ده قطع الجية باقي لي كلامك صاح اظن المطرة شالت بيتو بس القروش دي جابا من وين ؟؟؟ انت ياجلالة الزول ده اكان مسؤول من طريق نقول اكلو يعني ؟؟؟ ولا دي ضرايب النفاج ؟؟ .
تااااني رجعته للمعيليمة والسيرة الاليمة ؟؟!!! قروش شنو انا هسي مسافر اعرس بدل تساعدني على اكمال الدين تنتف ريشي ؟؟ قال الشاي ما عندو طعم !! ده لانو النيه سوداء اكان نيتك بيضاء كان الشاي راق ليك لكن ما عندك مشكلة قريشاتك دي بديها لخالد صاحبي يعني زيتنا في دقيقنا .. وانت اطلع منها

سمح آآآ المبروك أريتك تعرس ... ما تجي حانف وشيك وايد ورا وايد قدام .. وتعمل لينا مقدمه طويله عريضة عن معاناة الجماهير .. والشلتو والتركتو .. وبنية الوعي التناسلي وكلامك الخارم بارم ... تضحك علينا ناس ود الطاهر .. يقولو الجنا غلبو العرس .. تجيب لينا الهوا .. باقي لي انت قاعد تكتر في اكل الجداد .. والسجاره ورا السجاره ... عامل فيها المستشار
عثمان جلالة
13-08-2007, 09:47 PM
هع هع هع هع
والله ضحكتنى من جوه القلب الله يديك العافيه

يا ود أم تريبات يا حبيب قلبى
وين صاحبك ود الطاهر ؟

المبروك .. ود المطامير .. صورتك اليومين ديل مالي نضيفه كدي .. من نضارتي ولا من الفتوشوب .. بقيت زي ودعوب .. ولا أأأأه من النعمة والقروش الكتيره ... نحن لينا الله لا ضرايب ولا سلطة ... لكن أخرتها مطره واحده تشيل الورا والقدام ... نحن اليوم داك .. ما بنفتش لى قروش .. بنشيل بس قزاز الريحه وقزاز ال .... :p
ود ام تريبات
15-08-2007, 11:43 PM
هع هع هع هع
والله ضحكتنى من جوه القلب الله يديك العافيه

يا ود أم تريبات يا حبيب قلبى
وين صاحبك ود الطاهر ؟

يا ود المطامير
يالحبيب

صاحبك عرفتو ؟؟ اي ياهو زاتو !!

قالو ليك عندو فليتة من لخ العجين حق اللقيمات ..

والله لكن الراجل ماقصر كفى الجماعة تب .. هو وصاحبو ود البشير القالوا قدم ليه الدعم اللوجستي .

هع هع هع هع هع هع
ود ام تريبات
15-08-2007, 11:47 PM
سمح آآآ المبروك أريتك تعرس ... ما تجي حانف وشيك وايد ورا وايد قدام .. وتعمل لينا مقدمه طويله عريضة عن معاناة الجماهير .. والشلتو والتركتو .. وبنية الوعي التناسلي وكلامك الخارم بارم ... تضحك علينا ناس ود الطاهر .. يقولو الجنا غلبو العرس .. تجيب لينا الهوا .. باقي لي انت قاعد تكتر في اكل الجداد .. والسجاره ورا السجاره ... عامل فيها المستشار

آل ممسوخ ..
هسي بالله انت وصاحبك القلت بخجلك قداموا ده هسي عليكم الله قدمتو لينا تجربة مفيدة في عرساتكم الذي كوانتناموا دي .. البشوف تزرزركم ولخ العجين للقيمات وريق الخدرة وفرك البامية البشوف ده بفكر يعرس تاني ..

مووووووووووزة :

اسمع انت ود الطاهر دي معلومة قيييمة جداً ليكم ..


...
...
..
....
.......
الخدرة في بندة بتجي مورررررررقة ...;) ....
ود ام تريبات
15-08-2007, 11:51 PM
المبروك .. ود المطامير .. صورتك اليومين ديل مالي نضيفه كدي .. من نضارتي ولا من الفتوشوب .. بقيت زي ودعوب .. ولا أأأأه من النعمة والقروش الكتيره ... نحن لينا الله لا ضرايب ولا سلطة ... لكن أخرتها مطره واحده تشيل الورا والقدام ... نحن اليوم داك .. ما بنفتش لى قروش .. بنشيل بس قزاز الريحه وقزاز ال .... :p

يا جلالة


ده من الجيب .. قالو انو الواحد كان فلس بضعف نطرو ولو الجيب مليان بشوف 100%

يعني المعادلة طردية ..

اسمع ما بتدين ؟؟ عشان الحساب يكون جملة كلو !!!
عثمان جلالة
18-08-2007, 04:39 AM
يا جلالة


ده من الجيب .. قالو انو الواحد كان فلس بضعف نطرو ولو الجيب مليان بشوف 100%

يعني المعادلة طردية ..

اسمع ما بتدين ؟؟ عشان الحساب يكون جملة كلو !!!


لا حلاتك ... جمله ... جمله مفيده .... في بند الديون المعدومه .. تلقاها عند الغافل

همسة

امس شفت عمك ود الطاهر ... يتلبد في بنده .... يكون دي الخدره المورقه ولا شنو ؟؟؟:p
ود ام تريبات
18-08-2007, 09:51 PM
لا حلاتك ... جمله ... جمله مفيده .... في بند الديون المعدومه .. تلقاها عند الغافل

همسة

امس شفت عمك ود الطاهر ... يتلبد في بنده .... يكون دي الخدره المورقه ولا شنو ؟؟؟:p

والله ياجلالة بالغته !!!! ياخ انا مضمون اكتر من الجفالي زاتو ....والله انت ربنا ما داير يفيدك على كيفك ..

هههههههههههههه
مشى لخدرة بندة المورقة ومفرومة دي هع هع هع هع .....

مووووووووووزة بنفاج ناس نور الدين ود الخدر .

انت قايل حبيبك ده المخليهو ما يمشي السودان 17سنة شنو ؟؟؟
ده من الخدرة البيطولها ديك .. من الخدرة ام صفقاً اضان فيل حقت الجروف بس دي كل القصة

هع هع هع هع هع هع هع هع
بورتبيل
18-08-2007, 10:29 PM
ســـــــــــــــــــــلام يا نـاس ســـــــــــــــلام

طبــــعاً انا ما عـــــــارف اي حاجة جيت توووووووووووووووش خاشي
اصلي مخــــــدوم وتعبـــــــان جنس تعب ,, الله يهون القــــــــــواسي

ســـــــــــــــــــلام عليكم
نزار حسن محمد
18-08-2007, 11:40 PM
الحبان ..سلام
ود ام تريبات ..عليك الله امبارح ما جاتك عشرقه ..تعرف كنا قاعدين انا وعصام حسن ونزار الكاشف ومجاهد ..وما خلينا لك صفحه ترقد عليها ..لكن والله بكل خير جبنا سيرتك ..انشاء الله بركت الجمعه الجامعه ..نشوفك قاعد فى نص الراكوبه وتورق فى الخدره وام العيال قاعده تخد فى حنة ابوصلعه ..قول امين..
برتبيل ..وين يالحبيب ..شوفتك بقت غاليه يالحبيب ..شنوا يا يابا غسيل ولا مكوه ولا حله ..
جلالـــه ..لكن ما لقيماتك عينه بالله ود الطاهر طلع مداعى ..ماتنسانا المره الجايه
ود..دعـــــــــــــوب ..جنن لك الجن ذاتـــــــــــــو..ورضا ..قال لك اى زول خليه يكتب ذى ما هو عايز الا ود دعــــــوب ..على العموم هو كمل ريالاته ...وبقى ابيع فى هديماته ...
بورتبيل
19-08-2007, 12:10 AM
برتبيل ..وين يالحبيب ..شوفتك بقت غاليه يالحبيب ..شنوا يا يابا غسيل ولا مكوه ولا حله ..
اب سفروق كيفك يا الحبيب ولله مشاااااااين اكتير اكتير عم جد

يا ابو ولا غسيل ولا مكوه ولا حله انتي قايلني ود المطامير ولا ود الطاهــــــــــــــر!!!

الا بيني وبينــــــــك كدي هــــم المصــــــــاريف والمعـــــائش يا الحنين اخوي
نزار حسن محمد
19-08-2007, 12:47 AM
اب سفروق كيفك يا الحبيب ولله مشاااااااين اكتير اكتير عم جد

يا ابو ولا غسيل ولا مكوه ولا حله انتي قايلني ود المطامير ولا ود الطاهــــــــــــــر!!!

الا بيني وبينــــــــك كدي هــــم المصــــــــاريف والمعـــــائش يا الحنين اخوي

كان كــــــــــــــدى ياود امـــــــــــى ما براى..جاتنا المدارس وربك استر... الغسيل والمكوه مقدورين عليهم ..الا بالله المدراس دى.. ذى الواحد معرس اربع نسون ..
عثمان جلالة
19-08-2007, 12:58 AM
ســـــــــــــــــــــلام يا نـاس ســـــــــــــــلام

طبــــعاً انا ما عـــــــارف اي حاجة جيت توووووووووووووووش خاشي
اصلي مخــــــدوم وتعبـــــــان جنس تعب ,, الله يهون القــــــــــواسي

ســـــــــــــــــــلام عليكم

وعليكم السلام .. اخونا بورتبيل .. والله مشتاقين لكتاباتك .. ونضمك السمح .. أها دحين القاطعك مننا شنو .. والله نحن رغم وريق الخدره .. ورمي اللقيمات .. برضو .. بنشوف الحبان وننضم معاهم ... آآآآ المبروك ... آخرها كوم تراب ...
عثمان جلالة
19-08-2007, 01:02 AM
الحبيب نزار ... والله ما ناسينك .. وانت ما شاء الله صوتك كان معانا ... كان ما دعوب .. كمل اللقيمات ... وريحتها .... كان شميت ليك حاجه
ود ام تريبات
20-08-2007, 01:02 AM
ســـــــــــــــــــــلام يا نـاس ســـــــــــــــلام

طبــــعاً انا ما عـــــــارف اي حاجة جيت توووووووووووووووش خاشي
اصلي مخــــــدوم وتعبـــــــان جنس تعب ,, الله يهون القــــــــــواسي

ســـــــــــــــــــلام عليكم

حباب بورتبيل - الاصلي - حباب اخوي

والله مشتاقين عديييل وين يازول انت مختفي .

ابقى زاورنا في دكان النفاج ده وبنفتح ليك صفحة حقت جرورة ما عندك مشكلة نطلق ليك لآخر الشهر ..

وابقى قريييب يالحبيب
ود ام تريبات
20-08-2007, 01:07 AM
الحبان ..سلام
ود ام تريبات ..عليك الله امبارح ما جاتك عشرقه ..تعرف كنا قاعدين انا وعصام حسن ونزار الكاشف ومجاهد ..وما خلينا لك صفحه ترقد عليها ..لكن والله بكل خير جبنا سيرتك ..انشاء الله بركت الجمعه الجامعه ..نشوفك قاعد فى نص الراكوبه وتورق فى الخدره وام العيال قاعده تخد فى حنة ابوصلعه ..قول امين..
برتبيل ..وين يالحبيب ..شوفتك بقت غاليه يالحبيب ..شنوا يا يابا غسيل ولا مكوه ولا حله ..
جلالـــه ..لكن ما لقيماتك عينه بالله ود الطاهر طلع مداعى ..ماتنسانا المره الجايه
ود..دعـــــــــــــوب ..جنن لك الجن ذاتـــــــــــــو..ورضا ..قال لك اى زول خليه يكتب ذى ما هو عايز الا ود دعــــــوب ..على العموم هو كمل ريالاته ...وبقى ابيع فى هديماته ...

حبيبنا ابو سفروق

هع هع هع هع والله ضحكتني بالحييييل

انت قايلني بدقس زي الجماعة الدقسو صاح ؟؟
لا اخوك مفتح شديد ... ما بعرس بس !!!
بعدين حتى لو الواحد ربنا صلت ليه غدر وعرس .. بنستصحب معانا التجارب المريرة لرضى وود الطاهر وجلالة وكل المطهدين ومورقين الخدرة وفاركنها ومملحنها وكل الذين غسلوا العدةه والهدوم وحمموا الشفع وحفرو الحفر ومن حفر حفرة لمرتو كان ذلك في ميزان احساسه الداخلي ..

مووووووووووووزة بنفاج ناس ود شاع الدين

اسمع قالوا الايام دي جابت ليها رمى جمرات ااقصد رمي لقيمات ولخ عجين !!! الله يستر عليك بس !!
ود ام تريبات
20-08-2007, 01:12 AM
اب سفروق كيفك يا الحبيب ولله مشاااااااين اكتير اكتير عم جد

يا ابو ولا غسيل ولا مكوه ولا حله انتي قايلني ود المطامير ولا ود الطاهــــــــــــــر!!!

الا بيني وبينــــــــك كدي هــــم المصــــــــاريف والمعـــــائش يا الحنين اخوي

اهااااااا انت يابورتو دخلته اللستة الذهبية ولا شنو ؟؟

والله ده كلام ختييييير !!
مكوه وغسيل ؟؟؟ لا لا لا ما بتشبهك تب الهرشة آبورتبيل .....

بعدين ابو سفروق ده لو فكه اشاعة زي دي في المنتدى مشكلة !!!
صلاح ودالطاهر
20-08-2007, 04:25 AM
حبيبنا ابو سفروق

هع هع هع هع والله ضحكتني بالحييييل

انت قايلني بدقس زي الجماعة الدقسو صاح ؟؟
لا اخوك مفتح شديد ... ما بعرس بس !!!
بعدين حتى لو الواحد ربنا صلت ليه غدر وعرس .. بنستصحب معانا التجارب المريرة لرضى وود الطاهر وجلالة وكل المطهدين ومورقين الخدرة وفاركنها ومملحنها وكل الذين غسلوا العدةه والهدوم وحمموا الشفع وحفرو الحفر ومن حفر حفرة لمرتو كان ذلك في ميزان احساسه الداخلي ..

مووووووووووووزة بنفاج ناس ود شاع الدين

اسمع قالوا الايام دي جابت ليها رمى جمرات ااقصد رمي لقيمات ولخ عجين !!! الله يستر عليك بس !!

سجمك ويا حليلك النائم علي حيلك وحلم الجعان عيش
ود ام تريبات
20-08-2007, 09:25 AM
سجمك ويا حليلك النائم علي حيلك وحلم الجعان عيش


آآآآآآآآآآآآآآآآالخزين

والله شوق شديد ... آزول وين انت ؟؟؟

صورنا ياود الطاهر الصور بس رقبة الصور..

سلم وما بتسلم سلم مفاتيح البلد سلم !!!
ود ام تريبات
26-08-2007, 03:03 AM
انتو ود المطامير ده وين ؟؟

بعدين الايام دي شايف لي تحركات جاي وجاي والناس كيمان كيمان يتوالسوا !! ويتهامسو بشويش بشويش ود الطاهر والحلامابي ود البشير وود الطاهر وناس قريعتي راحت جلالة وودعوب زي الرقشات من العام للنفاج .. وناس فلان البلوكوا في اللبان طواااااالي الواحد يعاين يمين وشمال وتووووووووووووش النواعم جاك بلى .. اخر ريحة واخر تحشيش وعمنا ابعمة زي دينموا العجلة مباريهم محل مامشوا من النفاج لاستراحات مخرج 18 للفحص الدوري والثمامة وبالعس ..

انتو الحلة دي جنت ولا انا الجنيت ؟؟؟
صلاح ودالطاهر
26-08-2007, 05:19 AM
انتو الحلة دي جنت ولا انا الجنيت ؟؟؟

ياخوي انت ماجنت لكن عندك مرض حامد
ود ام تريبات
28-08-2007, 08:31 AM
ياخوي انت ماجنت لكن عندك مرض حامد


حامد بريمة ؟؟؟

مرض حامد ده اخير من الانت وجلالة فيهو وكل المتطهدين في الارض !!


موووووووووووووووووووووووووزة بنفاج ناس باشري .

اسمع والله في محل ببيع لقيمات صااااح وشاي حليب في منفوحة !!! لمزيد من المعلومات الرجاء الاتصال على مندوبنا عثمان جلالة او خدمات العملاء في اي وقت الاستاذ / ودعوب !!!
عثمان جلالة
29-08-2007, 04:39 AM
ياخوي انت ماجنت لكن عندك مرض حامد

ههههههههههههههههههههههههههههههههههههه والله دي صدقت فيها ... بالحيل شفت الجنا ده يا عمي ود الطاهر ... عملوا ليهم رابطه سموها ... رابطة غربة من عشره سنين ولى فوق ... عشان الشاكوش ... هبش الطايوووق :p

أها وقت غلبتن في السودانييات .. بقوا يفتشوا في جنسيات تانيه .... وكتروا من أكل الباميه:D
عثمان جلالة
29-08-2007, 04:44 AM
:p
حامد بريمة ؟؟؟

مرض حامد ده اخير من الانت وجلالة فيهو وكل المتطهدين في الارض !!


موووووووووووووووووووووووووزة بنفاج ناس باشري .

اسمع والله في محل ببيع لقيمات صااااح وشاي حليب في منفوحة !!! لمزيد من المعلومات الرجاء الاتصال على مندوبنا عثمان جلالة او خدمات العملاء في اي وقت الاستاذ / ودعوب !!!

يا اخوي أخير لينا ... حلوه من بنات بلدنا .. لكن كسرة العين الصاح .... استقبال الشغالات في المطارات ... في أيام الجمع .. والعطلات ... أرسكم:p


موووووووووووووووزه بنفاج ناس استاذ خضر

ما عندكم شغاله .... بالريموت كنترول :D .... أرسكم
صلاح ودالطاهر
29-08-2007, 04:52 AM
شكيت محنك ياجلالة الجن ما نهيت صاحبك
عثمان جلالة
29-08-2007, 05:14 AM
شكيت محنك ياجلالة الجن ما نهيت صاحبك


وحاتك يا عمي ود الطاهر ... قدر ما قلت ليهو ... الاجتماع ... والناس منتظرنك .. أبا تب وكان كلامي ده ما صاح ... يجي إغالتني .......... أرسكم
ود ام تريبات
30-08-2007, 01:20 AM
ههههههههههههههههههههههههههههههههههههه والله دي صدقت فيها ... بالحيل شفت الجنا ده يا عمي ود الطاهر ... عملوا ليهم رابطه سموها ... رابطة غربة من عشره سنين ولى فوق ... عشان الشاكوش ... هبش الطايوووق :p

أها وقت غلبتن في السودانييات .. بقوا يفتشوا في جنسيات تانيه .... وكتروا من أكل الباميه:D

الناس المدنهم شواكيش لغاية ما الواحد نافوخو نطة لفوق الله عالم بيهم ..
والتاس المعرسين عرسة تعتبر في عداد الشواكيش ربك عافهم وداري بيهم ..

سودانيات ياصاحبي البخلن الزول يعجن العجين ويرمي اللقيمات اخير منهن سريرك الفي بيت الخزان حق العزابة داك عرفتو ؟؟
ود ام تريبات
30-08-2007, 01:26 AM
:p

يا اخوي أخير لينا ... حلوه من بنات بلدنا .. لكن كسرة العين الصاح .... استقبال الشغالات في المطارات ... في أيام الجمع .. والعطلات ... أرسكم:p


موووووووووووووووزه بنفاج ناس استاذ خضر

ما عندكم شغاله .... بالريموت كنترول :D .... أرسكم

انت كان عندك شغالة ما كان ايدك بردت من اللخ حق العجين آود اخوي .. لكن الشريفية عفيت منها لوجه الله تعالى ..

موووووووووووووووووووووووووووووووزة بنفاج ناس ايمن تكتكة .



انتو الواحد بمشي المطار يستقل الازى البيزاهو وخليهو يلخ العجين ويغسل العدة ..
لو شفت الشغالات كان انت وصاحبك عرفتو انكم مورطين ..
ود ام تريبات
30-08-2007, 01:31 AM
شكيت محنك ياجلالة الجن ما نهيت صاحبك

ااااااااااااي انت اقعد لي لي جنس ده بس !!!
ود ام تريبات
30-08-2007, 01:32 AM
وحاتك يا عمي ود الطاهر ... قدر ما قلت ليهو ... الاجتماع ... والناس منتظرنك .. أبا تب وكان كلامي ده ما صاح ... يجي إغالتني .......... أرسكم


بقى عمك الليلة !!


لكن ابوي المصايب بتجمع القلوب
صلاح ودالطاهر
30-08-2007, 04:59 AM
:p

يا اخوي أخير لينا ... حلوه من بنات بلدنا .. لكن كسرة العين الصاح .... استقبال الشغالات في المطارات ... في أيام الجمع .. والعطلات ... أرسكم:p


موووووووووووووووزه بنفاج ناس استاذ خضر

ما عندكم شغاله .... بالريموت كنترول :D .... أرسكم

اخوي جلالة قالوا في المثل الكديس وكت مايلقي اللبن بيقول عفن خلو صحبك لمن يقطع
ود ام تريبات
01-09-2007, 10:52 PM
اخوي جلالة قالوا في المثل الكديس وكت مايلقي اللبن بيقول عفن خلو صحبك لمن يقطع

ها ها ها ها ها ها ها ها

ده الكديس !! ولمن يلقى لبن !!!! الله يقطع رقبتك ما قطعته انت دفعت جد جدي !!

موووووووووووووووووووووووزة بنفاج ناس صبحي ود ابراهيم


ها سجم الرماد انت وصاحبك قايلين عندكم لبن صاح ؟؟ والله ياود اخوي العندكم ده ( قارس ) يعني رووووووب لبن إبل ... والزي ده الكديس لو ما لقاهو بصلي ركعتين شكر وبصوم سنة كاملة مع الجمع والعطلات .. قال لو ما لقى اللبن ..
ود ام تريبات
06-09-2007, 01:16 AM
الاهل الحلوين في نفاجنا السمح ده السلام جاكم كيمان كيمان

دحين انا بدور اقول ليكم كلام باقي لي انا مسافر الصباح .. بمشي وبعد ثلاثة شهور بجي وانشاء الله القاكم تااااامين ولامين زايدين ما ناقصين بركة من صلى وقال يالله ..
اها دكاني ده بخليهو لود الطاهر شيخ الحلة يشوف ليهو ناس كويسين وهيين ورضيين عشان الزباين ما يطيروا وكده ..

اها ودعتكم لامين الوداعة وكان في العمر باقي بنتلاقى

اها آناس السفر غيوب والسفر مجهول دحين العفووووووووووووووووووووو من كل زول انا ضايقتو بكلمة ولا فهمتو غلت وانا عااااااافي منكم كلكم بدون فرز ..
والسلام امانة لاي زول في النفاج ..
بورتبيل
06-09-2007, 11:48 AM
الاهل الحلوين في نفاجنا السمح ده السلام جاكم كيمان كيمان

دحين انا بدور اقول ليكم كلام باقي لي انا مسافر الصباح .. بمشي وبعد ثلاثة شهور بجي وانشاء الله القاكم تااااامين ولامين زايدين ما ناقصين بركة من صلى وقال يالله ..
اها دكاني ده بخليهو لود الطاهر شيخ الحلة يشوف ليهو ناس كويسين وهيين ورضيين عشان الزباين ما يطيروا وكده ..

اها ودعتكم لامين الوداعة وكان في العمر باقي بنتلاقى

اها آناس السفر غيوب والسفر مجهول دحين العفووووووووووووووووووووو من كل زول انا ضايقتو بكلمة ولا فهمتو غلت وانا عااااااافي منكم كلكم بدون فرز ..
والسلام امانة لاي زول في النفاج ..

تمشــــــي وتجـــــــي بالســـــــلامة
والعفـــــــو والعافيــــــة يا معز
وتحياتنــــــا اينما نزلتم

والدكان انا دا الببقا عليه عشـــــــرة كان ود الطاهـــــر قصـــر (وانا عارفو ما بقصر)ارقد عافيــــــة
ود ام تريبات
12-11-2007, 01:43 AM
السلام جاكم كيمان كيمان ..

مووووووووووووووووووووووووووووزة حااااااااااااااااااااااف بدون نفاج :
يا ود الطاهر لكن لقيتك محافظ على البضاعة حقت نفاجي شديييييييييييييييد اها اصبر لي انا جيت والجية بيضاء .
خلوني انجم وبجيهكم .
مختار بازى
12-11-2007, 05:44 AM
السلام جاكم كيمان كيمان ..

مووووووووووووووووووووووووووووزة حااااااااااااااااااااااف بدون نفاج :
يا ود الطاهر لكن لقيتك محافظ على البضاعة حقت نفاجي شديييييييييييييييد اها اصبر لي انا جيت والجية بيضاء .
خلوني انجم وبجيهكم .

الف الف حمـــــــــــــد لله علي السلامة

اخونا ود ام تريبات
ود ام تريبات
13-11-2007, 06:19 AM
الف الف حمـــــــــــــد لله علي السلامة

اخونا ود ام تريبات


تسلم اخوي ود بازي ..

والواحد جد حاسي انو الروح رجعت ليهوتاني .

تسلم ياحبيبنا تسلم لينا وللمنتدى الرائع بروعة تلك الارض البكر .
ناصر عمر دبيب
13-11-2007, 01:43 PM
الف حمد لله علي السلامة ....
ود ام تريبات
15-11-2007, 06:27 AM
الف حمد لله علي السلامة ....

تسلم ياناصر

وانا فتحتة ليك صفحة في كراس الجرورة حق الدكان ده ابقى اطلق مننا !!

وما تبعد من راكوبة دكاني ده لانو مرات بجيب ليها هبوب بااااااااااااااااااااااردة ..
ود ام تريبات
18-11-2007, 09:20 PM
عوووووووووووووك ياناس النفاج شنو الناس دي وين راحت !!؟؟؟؟؟
لا شافع حايم في الشارع لا في شكلة لافي مرة بدعي ليها في راجل لا عتود سرقوهو العيال مشو قيلوا بيهو لاده لا داك دي حلة شنو الصااااااااااااااااااااااااااااانة دي !!؟؟؟؟؟


مووووووووووووووزة بنفاج ناس ابو الكيلك

لا شوفتن تبل الشوق لا رداً يطمن اريتك تبقى طيب انت انا البي كلو هيييييين !!


*** الاغنية مهداة لصلاح ود الطاهر وآخرون ****
ود ام تريبات
18-11-2007, 09:28 PM
جانا الخبر شايلوا النسيم في الليل يوشوش في الخمايل ........ الخ
شفنا لا سمعنا ولا جابوهو لينا !!!
ناس بكتبوا في منتدى النواعم !! شوف عيني دي بكتبوا في احمر الشلاليف !!!

موووووووووووووووووووزة بنفاج ناس الصعايدي
يادعوب .. عملتها شييييينة .. قال احمر الشفاه ساااااام ..هع هع والله هي كان ختت اولاد الحرام الروج ما بسوي ليها الحبة دي هع هع هع .

مووووووزة داخلية

بقيت صيدلي يا دعوب ونحنا ما عارفين ولا شنو ؟؟؟
عمر البشير
19-11-2007, 08:00 PM
الف الف حمـــــــــــــد لله علي السلامة

اخونا ود ام تريبات
ود ام تريبات
19-11-2007, 08:53 PM
الف الف حمـــــــــــــد لله علي السلامة

اخونا ود ام تريبات

الاخ الرائع / ود البشير

تسلم ياغالي تسلم ... وما بتقصر يالحبيب ..

مووووووزة
انت جارك وين .. انتو دحين سويتو ليقيمات قريب ؟؟؟!! يكون مفلت من لخ العجين!؟؟؟
صلاح ودالطاهر
19-11-2007, 10:29 PM
الاخ الرائع / ود البشير

تسلم ياغالي تسلم ... وما بتقصر يالحبيب ..

مووووووزة
انت جارك وين .. انتو دحين سويتو ليقيمات قريب ؟؟؟!! يكون مفلت من لخ العجين!؟؟؟
عاد انت زي ما قال دعوب دخلت نقابة المنتحرين ماشغال بينا شغله انشاء الله المهله نضوقه مووووووووووووووووووووووووووووووووووووووووووووووووو ووووووووزه في ام تريبات
ود ام تريبات
21-11-2007, 10:19 PM
عاد انت زي ما قال دعوب دخلت نقابة المنتحرين ماشغال بينا شغله انشاء الله المهله نضوقه مووووووووووووووووووووووووووووووووووووووووووووووووو ووووووووزه في ام تريبات


هع هع هع هع

افوو افوو لا لا بالغته ياود الطاهر رسمي الزيك انت ما بشتغلوا بيهو ؟؟؟ على الطلاق لو جابو موز ام تريبات كلوا وموز كسلا ما يوزنك على بالطلاق اها ...


موووووووووووووزة بدون نفاج ..

انت دعوب ده يغني ما قلنا ليك الحب طريق قاسي وصعيب ............ والباقي دعوب حااااااااااااااافظو زي صورة الحمدو..
ود ام تريبات
02-12-2007, 06:22 AM
دكان النفاج ادارة ومشجعين هي زباين يهنون اللخز عثمان جلالة بمناسبة نيلة نجومية شهر نوفمبر متمنين له اقامة مجددة لا لا اقامة طيبة بين الاهل والاحباب - اصلاً تاكل بين الاحباب بس الاهل ماظنيت - .
واننا اذ نهني جلالة نهني فيه روحة الطيبة والتزامة بمبادي الثورة- ثورة شنو؟-
سيرو ونحن بوراكم مضارين من الهبايب والكتاحة ...
قف:
موووووووووووووووووووووووووووووزة

غني ياجلالة حققنا احلامنا والباقي عقبالو .. اهديها لدعوب يمكن يفوز في صورة نجم النفاج !!!!! مااااااااااااااااااظنيت ..
عثمان جلالة
14-12-2007, 10:34 PM
هع هع هع هع

افوو افوو لا لا بالغته ياود الطاهر رسمي الزيك انت ما بشتغلوا بيهو ؟؟؟ على الطلاق لو جابو موز ام تريبات كلوا وموز كسلا ما يوزنك على بالطلاق اها ...


موووووووووووووزة بدون نفاج ..

انت دعوب ده يغني ما قلنا ليك الحب طريق قاسي وصعيب ............ والباقي دعوب حااااااااااااااافظو زي صورة الحمدو..

حباب البدينونا .... سلام ... يا عوض دكام .. والله يا المبروك دعوب عملها ظاااااهره وبقى مسككككككين الغنماية تاكل عشاهو ... حبيبنا ... موزك دا ما توزعوا في الفاضي .. بتحتاج ليهو ... كدي قوم ادينا .... دقيق وخميره .... للقيمات العيد .. على الحساب ... باقي لي العيد ده ... مافيهو طريقة شيه
ود ام تريبات
16-12-2007, 11:19 PM
حباب البدينونا .... سلام ... يا عوض دكام .. والله يا المبروك دعوب عملها ظاااااهره وبقى مسككككككين الغنماية تاكل عشاهو ... حبيبنا ... موزك دا ما توزعوا في الفاضي .. بتحتاج ليهو ... كدي قوم ادينا .... دقيق وخميره .... للقيمات العيد .. على الحساب ... باقي لي العيد ده ... مافيهو طريقة شيه


على الطلاق حقو ازغرت رسمي

الملياردير جلالة في كنتينا :eek::eek:

اولاً الدقيق والخميرة حقت اللقيمات بلاااااااش عشان نلقى الاحد .. وخميرة الشربوت مجاااااااان ...

واحيط عنايتكم اننا عندنا خرفان بالاقسات المريحة تدفع الان نص المبلغ والباقي على قصدين كل ثلاثة شهور !!!

دعوب باقي لي قالوا ماش امريكا يخطب كونداليزا رايس ولامنو ماعارف !!!؟؟؟غايتو اظنها كونداليزا ..
عثمان جلالة
17-12-2007, 12:11 AM
على الطلاق حقو ازغرت رسمي

الملياردير جلالة في كنتينا :eek::eek:

اولاً الدقيق والخميرة حقت اللقيمات بلاااااااش عشان نلقى الاحد .. وخميرة الشربوت مجاااااااان ...

واحيط عنايتكم اننا عندنا خرفان بالاقسات المريحة تدفع الان نص المبلغ والباقي على قصدين كل ثلاثة شهور !!!

دعوب باقي لي قالوا ماش امريكا يخطب كونداليزا رايس ولامنو ماعارف !!!؟؟؟غايتو اظنها كونداليزا ..

هههههههه أصلها خرفان ولا بطاقة ساب الائتمانية:D:D
نزار حسن محمد
17-12-2007, 12:33 AM
هووووى ياود ام تريبات وياعثمان جلاله ..عمكم العمده ود المطامير جايب قطيع خرفان والسعر فى الواطه
عثمان جلالة
17-12-2007, 04:27 AM
هووووى ياود ام تريبات وياعثمان جلاله ..عمكم العمده ود المطامير جايب قطيع خرفان والسعر فى الواطه


أها مع الحمى النزفيه ولا بدوووووون:d
ود ام تريبات
24-12-2007, 07:24 AM
هههههههه أصلها خرفان ولا بطاقة ساب الائتمانية:D:D


جلالة ياحبيبنا

ساب شنو ؟؟؟ انت طوااااالي معكر مزاجنا بالحكاية دي .. قلنا ليك حرااااااااااااااااااااااااام حرام فيزا ماستر كار ماماستر كارد فيزا تأشيرة كلو حرامممممممم ..

على كيفك تراني وريتك امش لخبت ...
ود ام تريبات
24-12-2007, 07:30 AM
هووووى ياود ام تريبات وياعثمان جلاله ..عمكم العمده ود المطامير جايب قطيع خرفان والسعر فى الواطه


اهاااااااااااااا
حتى في التجارة حقت البهايم ديل لاحقننا !!!

قلنا المنتدى وادارتو والمالية حقتو خليناها ليكم جايننا في سوق تمبول لاحقننا !!!

اها نحنا حنتاجر في النفط !!

تسلم ياريس على المرور الباهي
ود ام تريبات
24-12-2007, 07:32 AM
أها مع الحمى النزفيه ولا بدوووووون:d

ياجلالة

انت مصدق حمى نزفية شنو وانفلونزا طيور شنو !! دي اشاعات مطلعنها الناس المفلسين عشان ما عندهم حق الربع بس ..
ود ام تريبات
11-01-2008, 10:46 PM
والله دي حكاية غريبة .. من يوم الجنا الجديد ده مسك النفاج ده التقول صبت فينا مطرة شنو لا زول طالع لا زول مارق وصاحبنا داك ااااي ياهم زاتو معديها تخفس من قسم الجكس للعام ودقها مووزةبالرياضي ويرجع للعام ويجي بحوش النفاج ده فوووووووووو ولا بدخل عليه التقول مطلوب فبه قروش ؟؟؟ .

يا ود البشير شوف لينا حل في تجارتنا دي شنو عووووووووووووووووووك كوكنا عديييييييييييييييييييييل يا ابو مروه ....

مووووووووووووووووووووزة

شوف يا عمر البشير - حق النفاج يعني التايون ما الاصلي - اما تغير لينا اسمك ده ولا تقلب لينا الحكومة بس ...
ود ام تريبات
17-01-2008, 12:58 AM
ود الطاهر
اين ود الطاهر .... شنو يعني ؟؟؟
بت مارنجان
15-06-2009, 04:59 AM
" عزو " سلام .. ازيك الله يبارك فيك الله يسلمك ..
الحجة بتسلم عليك ومرسلا ليكم " بامية مفروكة بي كسرة للغداء "

يا " عزو " لوسمحت عايزة شاي " حب " " بفتح الحاء للجماعة " المغتبسين "
طبعا صاحب البوست بفهما .. وسكر ..

وقالت ليك الحجة الليلة عاملين كرامة لقيمات وبليلة عشان ولد اختها نجح
في الشهادة تعالو اشربو معانا الشاي يا " عزو :p "
بت مارنجان
15-06-2009, 05:07 AM
نسيت ماكحيت من نفيض البوست دة :p

كح كح كح كح كح كح ...

تاني ماتوسخو بيتكم دة كدة نضفو ياخ :mad: