هلال السودان هل يفعلها أمام الاهلي للمرة الثانية ..

[خالد عبدالماجد]

يترقب الملايين عشية يوم غدٍ اللقاء الهام والكبير في اولى مباريات دور المجموعات لبطولة الأندية الأفريقية أبطال الدوري بلقاء الهلال السوداني والأهلي القاهري بإستاد القاهرة وتستمد المباريات أهميتها من جملة مسببات فهي الإستهلالية لكلا الفريقين في هذه المرحلة إضافة لماتحمله مباريات الفريقين من حسابات خاصة ..
التمنيات بأن يؤدي ابطال الهلال مباراة طيبة تنتهى بنتيجة تسعد كل جماهير الرياضة بهذا الوطن علماً بأن آخر مباراة جمعت الفريقين أنتزع فيها اشاوس الهلال النصر بإستاد القاهرة ..
قولوا يارب ..

[محمد مصطفي]

حبيبنا خالد ود كسلا

انشاء الله فايزين فايزين

كما عودونا اسود الهلال السوداني

والي الامام


هلالي يا الهليت



ودمتم بود،،،،،،

[القيصر]

وين يا خالد انت ما متابع ولا شنو
دا كان زمان
مع الاهلى المصرى ثالث العالم
وفى استاد القاهره

ارجو الراجيكم































ما تنسو تشيلو الشوالات

[خالد عبدالماجد]

شقيق العشق كبك
نسال الله التوفيق لفتية الهلال فبفوز الهلال تكتسي القلوب فرحاً وتنمحي الهموم فمن غير الهلال يمنح وقوداً للحياة السعيدة ..
منتصرين بإذن الله .

[خالد عبدالماجد]

العزيز القيصر
إنتو ( حقدكم ) ده ماخليتو ..
أمس القريب جماهير الوصيف تهتف ضد لاعبي الهلال حمودة وعلاءالدين يوسف والفريق يستعد للمباراة من داخل إستاد المريخ في موقف يشبه جماهير المريخ المتعودة على مشاترة الضيوف ( سمبا ) ..
رغم ذلك ورغم تمنيات عدد كبير من جماهير المريخ كسر شوكة الهلال عبر الغرباء التي عجزوا بلاعبيهم عن كسرها ، لك أن تلتقيني غداً ولاعبي الهلال يجندلون الأرض تحت أقدام عجائز الاهلي ..
تيت تيت هلالنا حديد رغم حقد الحاقدين وكيد الكائدين ..
تحياتي يالحبيب ..

[مدنيّة]

ربنا معاكم ياخالد الليلة ودعوانتا القلبية بانتصار الهلال السوداني

[خالد عبدالماجد]

مدنية يااصيلة هذا ديدن السودانيين الخلصاء الشرفاء نجدهم وقوفاً مع الهلال وهو يتوشح بهذا الرداء الوطني ..
دعواتك يامدنية ..

[امير عبدالباقي]

الحبيب ودكسلا
اليوم مايوم الهلال ولاالمريخ اليوم يوم السودان
جميعا ندعوالله ان ينصر الهلال واليوم مافي فرق بين هلالابي ومرخابي اليوم يوم السودان منتصرين باذن الله والاهلي ماصعب ولاشي يلاياشباب ارفعو ايديكم بالدعوات لنصره هلال السودان
مشاققه
طبعا القيصرماقصدو المعني ده لكن عاوز يشاغل وانا مرخابي بكل قلبي ادعوالله لنصر الهلال لرفع رايه السودان

[خالد عبدالماجد]

أخونا زمان ودعبدالباقي
يازول أنت غاطس وين مفتقدنك والله ياالحبيب عساك بخير ...
وأيدينا معك تضرعاً لرب السماء ان ينصر هلال الملايين ...
ياااااااااااااااااااااااااارب .

[القيصر]

يقدر فلافيوكان يراقب فلافيو .....زى ما فلافيو راوغ فلافيوكان؟؟؟؟؟؟؟؟؟؟؟؟