ديل لاقيتهم .. وديل عايز ألاقيهم .. [الأرشيف]

معتز الريح

23-06-2007, 10:07 PM

رضا حسن محمد .. شخصيا .. أخر زول أقابله
صلاح الدين محمد .. شخصياً ..
هاني 2 .. شخصياً
ياسر كابو .. شخصياً
ناصر إبراهيم .. شخصياً
عصام عموش .. شخصياً
هشام السماني .. شخصياً
معز طه ..
الطيب سعد ..

صلاح ود الطاهر .. هاتفياً
أبوياسر .. هاتفياً ..

بجيكم راجع

Madanawi

23-06-2007, 10:11 PM

أنا لاقيت من الأعضاء الكثير .. وعشمي أن ألاقي كل الشباب

من لا يكتب لنا أن نقابلهم وجها لوجه .. هم بالتأكيد في وجداننا

ونجدد الأمل دوما بلقاء الأحباب .. وبالأمل نحيا ونعيش ،،،،،،،

صلاح ودالطاهر

23-06-2007, 10:59 PM

قايتو يودالريح انشاء الله يوم شكرك مايجي يود امي وشاحد الكريم يااولاد الجزيره عامه ومدني خاصه اها ذي ماقالت الوالده رحمة الله عليها عافيه ليكم عفواً يتقيكم ويوقيكم ويجعل البركه فيكم تبقو غابه والناس حطابه تبقو بحر والناس تقرف منو عافيه ليكم من شيل حكري ومن لبن شطري اخوي اتمني ان اقابل ناس مدني كلهم المعني نرجع اهلنا سالمين وغانمين في اتم الصحه والعافيه

معتز الريح

23-06-2007, 11:11 PM

اتمني ان اقابل ناس مدني كلهم المعني نرجع اهلنا سالمين وغانمين في اتم الصحه والعافيه

والله كان كده واطاتك أصبحت ..
ناس مدني كلهم بره .. زول قاعد هناك مافي
خليك قريب

صلاح ودالطاهر

23-06-2007, 11:20 PM

والله كان كده واطاتك أصبحت ..
ناس مدني كلهم بره .. زول قاعد هناك مافي
خليك قريب
هههههههههههههههههههههههههههههه شكيت محنك يود الريح جنبي مافي ليمون اعمل شنو

مختار بازى

24-06-2007, 12:01 AM

والله يا معتز كان جيت للجد الواحد عايز يلاقي الجميع ويشوف مـــــــــــدني زااااااااااتا
وما لاقيت ولا زول من المنتدي فيس تو فيس بس حاسي بيهم كاني لاقيتهم والله واحد واحد من كتاباتهم بشعر بالواحد فيهم
بالهاتف لاقيت جزء كبير ولكن اتمني الدنيا تجمعني بيهم والاقيهم فيس تو فيس:D

معتز الريح

24-06-2007, 12:52 AM

العايز الاقيهم ..
كل المسجلين في المنتدى ..
مختار بازي
جيفارا
وبجيكم

الطويل

24-06-2007, 04:35 AM

تعالوا نحكي .. ونشوف من من الأعضاء بتعرف
ومنو من الأعضاء لاقيت ..
ومنو منهم متمني تلاقيهو ..

ورونا

والله ياريت نتلاقى ياعزو وكمان لوكان اللقاء فى أم المدائن مدنى كان عز اللقاء

وانشاء الله نتلاقى كلنا على خير يا احباب

معتز الريح

24-06-2007, 07:03 AM

والله ياريت نتلاقى ياعزو وكمان لوكان اللقاء فى أم المدائن مدنى كان عز اللقاء

أبو رانيا الحبيب ..
اكيد أكيد حنتقابل ..
ونشوف أثر السنين عليك ..
تسلم يا حبيب

جيفارا

24-06-2007, 10:04 AM

تعالوا نحكي .. ونشوف من من الأعضاء بتعرف
ومنو من الأعضاء لاقيت ..
ومنو منهم متمني تلاقيهو ..

ورونا

والله يا متعز انا عايز الاقيك انت لانك انسان جدير بالمعرفة

هشام السماني إبراهيم

24-06-2007, 10:49 AM

استاذنا الفاضل صاحب المواضيع الجميلة

لك الف الف الف تحيه وانشاء الله نتقابل جميعا في مدني الحبيبة وبي جميع الاعضاء ونتشرف بأخوانا الحاضرين والغائبين انشاء الله

قابلت شخصيا وفيس تو فيس زي ماقال اخونا مختار )
العريس سواااح

( تحياتي )

معتز الريح

24-06-2007, 09:52 PM

والله يا معتز انا عايز الاقيك انت لانك انسان جدير بالمعرفة

يا جيفارا الحبيب ..
مشكور على الكلام الجميل .. وإن شاء الله نتقابل ..

معتز الريح

24-06-2007, 09:54 PM

هشام السماني الزين ولا واحد تاني ..
أكيد اتقابلنا لو طلعت ود السماني الزين
كدي الأول أكد لي

نزار حسن محمد

24-06-2007, 10:07 PM

معتز ود الريح ازيك ياحبيب ..ياصاحب المواضيع الفلتات ...ماعارف اقول لك شنوا لكن الحمدالله قابلت عدد كبير جدا من الاعضاء شخصيا وهاتفيا واتمنى ان يتحقق الحلم بان يكون لنا دار باسم المنتدى على ضفاف النيل الازرق ويتجمعوا كل الحبائب فى هذا الدار قول انشاءالله ..وعند الله مابعيده...اخوك ودحسن

معتز الريح

24-06-2007, 10:12 PM

الحبيب نزار ود حسن ..
منور البوست .. وطبعاً انا صاحبي ودفعتي الوجيه غسان حسن ..
التحية ليهو ولي كل حبايبنا أولاد بركات ..

نتمنى حلمك يتحقق لمزيد من الترابط ..
ونقول إن شاء الله ..

abu_ola

24-06-2007, 10:23 PM

العزيز معتز الريح

في البدء نشكر الأخ أبو بكر المبارك الذي جمعنا في هذا المنتدي

و لك عاطر التحايا و انت تجمع الحبايب في هذا البوست

و صراحة الواحد يتمني ان يتقابل مع كل الأعضاء الروائع

و إن شاء الله يجمعنا الفرح دوماً و نكون اخوة و اصدقاء

لك مودتي

معتز الريح

24-06-2007, 10:37 PM

الحبيب أبوعلا ..
ياخي انت واحد من الناس الأنا شايفهم كتير جداً ..
لكن وين ما متذكر ..
ما يجيني مختار بازي يقول لي دي علامات الكبر ..
بالله ما عندك احساس انو نحنا اتقابلنا ؟
منتظرك

هشام السماني إبراهيم

25-06-2007, 02:16 AM

والله ياحبيبنا معتز

هشام
ود السماني

قول خبرك

للك تحياتي

معتز الريح

25-06-2007, 02:30 AM

الحبيب هشام ..
بجيك بالخاص برواقة ..

هشام السماني إبراهيم

25-06-2007, 02:47 AM

مرحب بيك وحبابك الف

ود المطامير

25-06-2007, 03:27 AM

إنشاء الله يجمعنا كلنا فى ساعة خير
ونعمل حفله كاربه بالفنان شبارقه .

abu_ola

25-06-2007, 04:38 AM

الحبيب أبوعلا ..
ياخي انت واحد من الناس الأنا شايفهم كتير جداً ..
لكن وين ما متذكر ..
ما يجيني مختار بازي يقول لي دي علامات الكبر ..
بالله ما عندك احساس انو نحنا اتقابلنا ؟
منتظرك

العزيز معتز الريح

سلامات عوافي

و الله يا حلو انا قدر ما عملت رفرش و ابديت للمموري كارد بتاعتي دي بتجيني صورة مطابقة بس الاسم ما واضح و الزمان و المكان غير محددين

على العموم انا بجيك من الآخر

انا درست الثانوية في مدرسة وادي سيدنا الثانوية - ام درمان

جامعة الخرطوم كلية الآداب

بعدين معهد بوشكن - موسكو

حاليا في السعودية - المنطقة الشرقية

اها ان شاء الله المعلومات دي تكون رجعت الذاكرة شوية

رد على سريع قبل ما يجي اخونا مختار و يقول علينا نحن الأثنين خرفــــنا و يمسكنا بالثابتة

معتز الريح

25-06-2007, 06:48 AM

ونعمل حفله كاربه بالفنان شبارقه .

أهم شي يا حبيب ..

معتز الريح

25-06-2007, 06:50 AM

الحبيب أبو علا ..
يخلق من الشبه أربعين ..
ونتمنى ان نجتمع معكم ومع جميع الأخوان في ساعة خير ..

معتز الريح

25-06-2007, 07:54 AM

كمان نسيت أقول ..
متمني ألاقي الحبيب باسطه

أبوياسر

25-06-2007, 08:07 AM

والله يا معتز دائما قمة
قمة في الطرح
قمة في الإختيار
قمة في التنوع
أنا والله نفسي أقابل كل من هو منظوم في هذا العقد الفريد
ووالله سعادتي لا توصف بكم فله الحمد وله الشكر
وبذكر كل الأخوان إنو البوست دا دعوة للمحبة ودعوة للصداقة
فبتعبيرك عن أمنيتك بلقاء فلان فهذه رسالة محبة ضمنية
جعلنا الله من المتحابين فيه وكتر الله من أمثال ود الريح

معتز الريح

25-06-2007, 08:10 AM

أبو ياسر الحبيب ..
والله رغم المناوشات .. فمحبتك في القلب ..
وأكرر نشكر المنتدى والقائمين عليهو
انو خلونا نتعرف بناس رائعين أمثالكم ..
ياخي مشكور على الكلام الجميل

abu_ola

25-06-2007, 10:34 PM

الحبيب أبو علا ..
يخلق من الشبه أربعين ..
ونتمنى ان نجتمع معكم ومع جميع الأخوان في ساعة خير ..

الغالي معتز

وقت بقت على الشبه دي ساهلة بس الحمد لله المسألة ما جابت ليها خرف و زهامير

بالله عليك كان عرفت شبيهــي دا وين كلمني

و حسب علمي انك في جدة

ان شاء الله نتقابل فيس تو فيس كان المولى هــون

معتز الريح

25-06-2007, 10:42 PM

حبيبنا أبو علا ..
الحمد لله براءة من الخرف ..
ياخي انا فعلاً في جده ..
ومنتظر نتقابل إن شاء الله ..

معتز الريح

26-06-2007, 12:33 AM

ناس قابلتهم ..
محمد أحمد الشيخ
معتز حمدتو (تلاجه)
رياض يونس ..

وجاييكم ..

الطويل

26-06-2007, 05:18 AM

أبو رانيا الحبيب ..
اكيد أكيد حنتقابل ..
ونشوف أثر السنين عليك ..
تسلم يا حبيب

أكيد ح أكون عجيب تأثير السنين

بس كان بتفرق لو كان الواحد فى بلدو

لكن الحال أختلف

المكاشفى

12-07-2007, 02:12 PM

ما منى عينى ألاقى ائ زول فى هذه المركب .....
وانا قابلت :-
خالد هاشم على شخصيا
وابوزيد محمدنور شخصيا
وصلاح الطاهر تلفونيا
وبورتبيل ""
ومختار بازى ""
الحليمابى ""
ومدنيه ""
وسوااااح ""
وابوالنور ""
وخالد حربى ""
وفاء ""
وبالمسنجر عيييييييييييييييييييييييييك
بس دايرين بث مباشر

معتز الريح

14-07-2007, 06:53 AM

أكيد ح أكون عجيب تأثير السنين
بس كان بتفرق لو كان الواحد فى بلدو
لكن الحال أختلف

مصيرو الحي يلاقي يا ابورانيا ..

معتز الريح

14-07-2007, 06:55 AM

منى عينى ألاقى ائ زول فى هذه المركب ..

ومنى عيني أنا كمان ..
وانت أولهم ..

المكاشفى

14-07-2007, 02:57 PM

ومنى عيني أنا كمان ..
وانت أولهم ..

تسلم ياود الريح والله كلنا امل فى اللقاء

مثني ودالعيكوره

15-07-2007, 03:02 AM

يمكن علشان انا عضو جديد ما قابلت اي واحد

لكن العزاء انو الواحد مستمتع بيكم وبي كتاباتكم

وفخور انو ينضم لكشف يحمل تلك الاسماء تحت الرائعه (مدني)

لكم الكبرياء...
مع عاكر مودتي....

معتز الريح

15-07-2007, 08:54 AM

الحبيب مثنى ..
انت من أظرف كتاب المنتدى وبتابعك باستمرار ..
قلم جميل وساخر ..
وبعكس روح مرحة جميلة ..
وصورتك كملت الباقي ..
لمان نتلاقى ونسمع الصوت ..

عمر البشير

22-07-2007, 03:14 AM

سمعنا صوتك يا معتز وشفنا الصوره بس برضو عاوزين نشوفك علي ارض الواقع زي ما بقولو
وعاوزين نشوف كل ناس المنتدي. ونشكر كل القائمين علي امر هذا المنتدي وعلي امل اللقاء بهم وهم علي اتم الصحه والعافية وتجمعنا بهم ساعة خير ان شاء الله.
والله الواحد جد سعيد انو عرف اخوه هم نعم الضياء الذي ينير لنا دروب المستقبل الحافل بهم وبرونقهم فهم هامه علي سماء ودمدني وحقيقه نفتخر بهم وبكل من ساهم وساعد حتي يطلع هذا المنتدي بالشكل الموجود به الان ولا يسعوني الا ان اقول حفظكم الله ورعاكم ودمتم في خدمه ودمدني وانسان ودمدني ومنتدي ودمدني ومهما قلت فلن اوفيكم ولو جزء من حقكم. وخير قول هو جزاكم الله خيرا ووفقكم ورعاكم.
ودمتم...........

ودكمبال

28-07-2007, 09:31 AM

يا اخوانا انا عازمكم بكره فطور فى كافتريا الاطباء(شارع النيل)والبتأخر حقو فى كرعيهوا ومنها نشوف بعض ونتعارف

ابوموفق

30-07-2007, 12:25 AM

تعالوا نحكي .. ونشوف من من الأعضاء بتعرف
ومنو من الأعضاء لاقيت ..
ومنو منهم متمني تلاقيهو ..

ورونا

والله ياوجيه ياانيق00 مواضيعك كشخة زي مابقولوا اهل الخليج 00 طبعا مافي شك انا وانت اتلاقينا لكن والله انا اتمني ان التقي بود الطاهر وابو علا بعد المكالمات الهاتفية معهم واتنمي ان اهاتف ود المطامير واقابله 00 واتمني ان اقابل جميع الاعضاء في اسعد مناسباتهم 00

معتز الريح

30-07-2007, 12:41 AM

التقي بود الطاهر وابو علا بعد المكالمات الهاتفية معهم واتنمي ان اهاتف ود المطامير واقابله 00 واتمني ان اقابل جميع الاعضاء في اسعد مناسباتهم 00

الحبيب عبدالعظيم ..
ربنا يحقق أمانيك .. وتشوف ود الطاهر وأبوعلا وبقية العقد فريد ..
وأكيد كتير من الناس بتتمنى تقابلك ..

معتز الريح

30-07-2007, 12:42 AM

يا اخوانا انا عازمكم بكره فطور فى كافتريا الاطباء(شارع النيل)والبتأخر حقو فى كرعيهوا ومنها نشوف بعض ونتعارف

ودكمبال .. عزومة المراكبية دي خليها ..
رسل لينا حقنا

بورتبيل

30-07-2007, 01:24 AM

داير اشوف حبيبي .... اليومداك شفتو!!

طبعاً انا قابلت الادمن ذات مرة واتمنى ان التقيه ثانية
داير اشوف المكاشفي ... وداير اشوف معتز الريح
وكل الاعضاء اتمنى ان اقابلهم بالجد

معتز الريح

30-07-2007, 02:06 AM

بورتبيل ..
بنتقابل إن شاء الله ..
منتظرين رضا ومعز طه يرجعوا من الإجازة ..
وغسان حسن جاهز ..
وموعدين بلمه كبيرة لاعضاء المنتدى بجدة ..

عوض صقير

31-07-2007, 03:20 AM

الحبيب معتز الريح

فى الحقيقة موضوعك جميل ومهم
وأهميته جاءت من فكرة أخونا نزار بعمل دار بأسم منتديات ودمدنى
وطبعا نزار زول فنان وصاحب أفكار جهنمية

حقو نقيف معه فى تحقيق هذه الفكرة

أما بالنسبة لمن قابلتهم
الحمدلله قابلت الكثيرين
وأصبحوا أضافة حقيقية لمعارفى
وكانوا دافع قوى لى لمعرفة الباقيين

وإنشاء الله سوف نلتقى يوما ما

عبدالمنعم الصديق(خدرا)

31-07-2007, 11:25 AM

انت اصلك فينى باقى مهما طال زمن الغياب
أصلى راجع لعيونك ماااامصيروا الحى بيلاقى
الاحبه الغاليين انشالله نرجع ونلاقيكم ونشوفكم كلكم ونجلس مع بعض
لكن اقترح فى العطلات ناس الداخل يعملوا جلسات مع من عاد فى الاجازه
ولكم حبى