رأيكم شنــو يااخوانى واخواتى فى زواج الاقارب

[حافظ الليبى]

:mad: :mad: :mad: :mad: :mad:

بعد قصة حب طويله من انسانه قريبتة وبعد غتال شديـــــــــــــــــد مع اهل البنت والى همه اهله
تمه زواجه من البنت البحبها وهيا كمان بتبادلو نفس المشاعر وبيى ذياده اكثركما قال ............
ولكن وبعد مضى اربعه شهور بالضبط .................................................. ..حصل الفراق
ويا ليت....................ويا ليت....................ويا ليت....................ويا ليت................

رايكم
وجزاكم عند الكريم

[هشام السماني إبراهيم]

والله الباب الفتحتو ما حااااااااااااااااااااااااااااااااااااااااااااار

ولعلك دا انتا :D :D

لكن ورينا الاسباب عشان نفهم ونحاول نساعد


اخوك (هشام)

[مح السنى مد]

والله بدون تعليق لانو انا كمان بحب بت خالتى ولا اقول ليك ( دايره صبر شديد ) ها ها ها ها

[هشام السماني إبراهيم]

كدي قعدوني معاكم عشان انا زاتي في الصف هههههههههههههه

[حافظ الليبى]

اخوى دوم
شكرأ على اهتمامك بس انا عاوز اعرف رايك عن زواج الاقارب ياحبه
دى قصه فاتت من زمن طويل بس لو اديتنى رايك بكون مرتاح شديد

[هشام السماني إبراهيم]

السلام
شوف يالحبيب ودي نصيحه لو ماعرسته من الاهل ابعد احسن ليك بس لو عرسته لازم اكون في سبب للانفصال ماحتقعد تدوش في الناس عاوز اعرسها عاااااااااوزها اوووووك وتجي في 4 شهور بوووووووووم
هو شنو دا كدي روق المنجا واديني فكره اقرب شويه يعني مثلا الولادة تك ؟

[صديق بلال]

زواج الأقارب جيد إلا أن الإنسان يحاول الزواج من خارج الأسرة لكي تقل نسبة الأمراض الوراثية في الأبناء... مع العلم أن العلم قد تقدم الآن فمن الممكن أن يذهب الخطيبان إلى المستشفى لعمل التحاليل اللازمة لمعرفة مدى إحتمال إصابة الأبناء بالأمراض الوراثية.. وعلما من فوائد الزواج من خارج العائلة يقوي النسل ويقلل من الإصابة بالأمراض الوراثية كما أسلغت.. وعموما الأمر كله بإرادة الله تعالى

[ابو احمد]

لك الشكر اخي حافظ

الموضوع مهم شديد واقولها لك بصراحة طول ما ام البت ما اتدخلت في الموضوع الحبة ما بتجيهم

ودمتم ،،،،

[هشام السماني إبراهيم]

دقيقة
ياصديق بلال كلامك صح بس قلتها بي الطريقة المابتزعل وزي ماقال طالما ام البت بره الموضوع بشمي
غير كدا احسن انسى الموضوع وخليك زي عايش بي القهر بس

[هشام السماني إبراهيم]

وتعال هنا لو الموضوع ح اخش فيو زعل بين الاهل احسن تعمل شتات خالي محطات
وبرضو ماتكون انهزامي بس الموضوع حساس وعاوز حساب

[زيزي]

احلا حاجة زواج الأقارب

[حافظ الليبى]

يا ودالسنى انشاءالله ربنا يسعدك ويسعد
بنت خالتك معاك قول امين يارب العالمين
لكن نصيحه اخويه
بالعرس وما تطوووووووووووول الخطوبه يعنى بالفى والمافى

[خالد النور]

إذا كان زواج الأقارب غير مرغوب فيه ما تزوج النبي r من ابنة عمته أم المؤمنين السيدة زينب بنت جحش بن رئاب وهي من بنى أسد خديمة المضري وأمها عمة الرسول r أميمة بنت عبد المطلب بن هاشم فهي عمة شقيقة للرسول r كما جاء فى كتاب " الإصابة في تميز الصحابة " لابن جحر العسقلاني وأهم من كل هذه الأدلة على أن زواج الأقارب كقانون عام لا شئ عليه هو ماجاء فى القرآن الكريم في قوله تعالى } يأيها النبي إنا أحللنا لك أزواجك اللائى أتيت أجورهن وما ملكت يمينك مما أفاء الله عليك وبنات عمك وبنات عماتك وبنات خالك وبنات خالاتك اللاتي هاجرن معك.

[حافظ الليبى]

اخى خالد :
انا قاصد فى الزمن العلينا
دا مش زمن الرسول (ص)
ولك خالص احترامى

[خالد النور]

اخى خالد :
انا قاصد فى الزمن العلينا
دا مش زمن الرسول (ص)
ولك خالص احترامى

أخى حافظ إن الرسول صلى الله عليه وسلم يجب أن يكون قدوتنا.
فلا أعتقد أن الزواج من الأقارب فيه شئ إلا ما ندر
وشكرا على مرورك

[خاطر عبدالله]

يا اخي الليبي اطال الله في عمرك ويجعلك من اصحاهم واتقاهم وارشدهم
ياخي انا متزوج بنت عمي ووالدي متزوج بنت عمتو وعمي متزوج بنت عمتو
وكلنا متداخلين في بعض والحمد لله كثيرا لا توج امراض وراثيه
وشكرا لك كثيرا

[التيمان]

انت كنت داير بت عمك وابو يدوك ولاشنو


ههههههههههههههههههههههه

[حافظ الليبى]

التيمان . سلام عليكم
اول حمد لله بالسلامــه.
الحسانيه فى شنو وانتو فى شنو؟؟؟
اول شى ما انا انسان صديق وعزيز كان وكان وكان....
افهمو يافرد.......انا عاوز ردودكم
.
وشكرا على مروركم
ولكم تحيتى

[عفااااف]

من عيوب زواج الاقارب 1. الامراض الوراثية 2. اي مشكله بين الزوج والزوجه يؤدي لانهيار في العائله كلها وانشقاقها. كما نجد من فوائدها اذ كانت ناجحه الترابط الشديد وتغطية القدح

[حافظ الليبى]

اختى عفاف سلام
شكرا جزيلا على مرورك
وتقبلى تحيتى

[ابوندى]

زواج الاقارب له محاسنه وله ايضاً مساوئه ,,,,,, بالنسبة للجانب غير الطبى
له محاسنه اذا لاقى تفهم الاسرتين وعدم التدخل بين الزوجين أو التأثير عليهما
اما مساوئة وهى كثيرة اذا حدث خلاف بين الزوجين فيتصاعد الخلاف ليصبح على مستوى الاسر,, الاهل ,, ناهيك ان الخلاف قد يكون سببه الاهل نفسهم وتدخلهم الغير مبرر بين البصلة وقشرتها
لذا انصح بعدم الزواج من الاقارب القريبين جداً لانى لا اضمن عدم التدخل في حياة الزوجين من قبل الاهل وبل قلبها الى جحيم

[السريالي]

تحياتي للكل ،،،

موضوع في غاية الأهمية . الصراحة نسبة ضخمة من السودانيين متزوجين من الأقارب . ونسبة كبيرة جداً زواج ناجح بمعنى الكلمة . هنا الزوج يقدر زوجته ويحترم أهلها لانو اهلو . والغريب ما تفرق معاهو كتير ممكن يطلقها من غير ما يعمل حساب لأهلها لانو ما اهلو . والخير فيما يختاره الله .

[حافظ الليبى]

اخى ابوندى..... سلام
اخى شكرا جزيلا على مشاركتك
وعلى مرورك.. ولك تحيتى

[حافظ الليبى]

اخى سريالى..سلام
لك التحيه على مرورك والمشاركه

[أبو مهدي371]

موضوعك في قاية الاهمية وكان بنفسي طرحه .
المهم زواج الاقارب زواج حلوا وعسل بس يتحقق كلامي بشرطين .
اولا : الرجل يكن كنترول وضوء القبيلة يعني علاقته تكن مع اهل الزوجة عسل وما يسمع كلام اخواتوا في مرتوا عشان لو شكت لي اهلاها منو يكزبوها .
ثانيا : الزوجة تضع في حسابها اهل زوجها الذين يمثلون اهلها دون تقصير في واجبهم من خاطر عيون حبيبا.
والشعب السوداني بطبعوا بميل للقريب يعني تلقي الشاب عمل مليون علاقة لكن وقت الجد يجر لي بنات اهلوا وكذلك البنات .
وتوكل علي الله وتزوج قريبتك مدام هي بتحبك وانت مكسسسسسر فيها .
جنا تعرفوا ولا جنا ما بتعرفوا صاح ولا خطا .

[حافظ الليبى]

اخى ابو مهدى .. سلام
اخى لك التحيه على مشاركتك وعلى مرورك
( وبالجد جن تعرفو ولا جن ما بتعرفو )
وتحيتى

[ودكمبال]

ياخى انا ضد زواج الاقارب وبكره القدح وابوه خليك من الحاجات الوراثيه والامراض العصريه ومثل هذه الزيجات تودى الى انقسام الاسره لااتفه الاسباب والمثل بقول صاحب لا تناسبو ولا تشاركو لانو فى كلتا الحالتين الاختلاف حاضر ومابالك قريبك احد افراد عائلتك الله يستر علينا وعليكم
و
د
ك
م
ب
ا
ل

[حافظ الليبى]

اخى ابومهدى ..ز سلام
لك خالص الشكر والتقدير على مشاركتك
ونقول على الله ... والحكايه قسمه ولا شنو
وتحيتى

[حافظ الليبى]

لك التحايا يا اخى ابو مهدى
وشكرا على مشاركتك
وتحيتى

[حسن السيد]

أخي حافظ الليبي
العادات والتقاليد هي الكارثة الحقيقية وقتي قدحك هو أبو المشاكل
زواج الاقارب من الناحية الطبية فهو وريث الامراض
ومن الناحية الاجتماعية هو كويس ومش بطال
واشكرك أخي لطرح مثل هذا الموضوع
تح خاصةياتي ............ حسن السيد

[حافظ الليبى]

اخى حسن...ز سلام
ما تبنيه الأيدي .. تهدمه أيدي أَخرى
وعلى الله..................
وشكرا على مرورك

[moh_alnour]

والله أكيد لا يمكن أن نقول أن زواج الاقارب فاشل على أطلاقه ولا يمكن أن نقول انه ناجح على أطلاقه ، ولكن من المؤكد أن لديه إيجابياته وسلبياته والتي لا يتسع المجال والوقت لذكرها ولكن في اعتقادي الشخصي أن الموضوع يتوقف على الطرفين ومدى حبهما ومتانة علاقتهما ببعض واحترامهما لبعض ويتوقف على متانة العلاقة بين الأسرتين ، فكم من زواج أقارب جعلهم غير اقارب وبدد المودة وصلة الرحم التي كانت قائمة بين الأهل وكم من زواج أقارب زاد في أواصر المحبة والمودة والتواصل بين الأسر ، وكم من زواج اقارب اثمر نجاح في الحياة الزوجية وكم من زواج أقارب كان نصيب طرفاه أبغض الحلال الى الله . فالمسالة اولا وأخيرا قسمة ونصيب وتجارب شخصية لايمكن أن تعمم ويكون لها معيار محدد وثابت للحكم على فشله أو نجاحه

[حافظ الليبى]

اخى وجارى محمد النور الجاك النور............... سلام
لك كل الشكر والتقدير على مرورك .. وتعبيرك
الرائع...وذى ماقلت الحكايه قسمه ونصيب..
ولك تحيتى..

[ود الاغبش]

الاخ اليبي
سلام
و بدون نظريات
من الناحية الدينية
الدين ما قال انو زواج الاقارب ضرورة
لكن طلبنا نتحري في النسب لانو العرق دساس
و كمان حدد لينا مواصفات العروسة
( اظفر بذات الدين تربت يداك ) بغض النظر انها
بت خالتك و لا زميلتك و لاجارتك

من الناحية الطبية
زواج الاغراب فعلا يمنع توارث الامراض القابلة للتوارث


من الناحية الاغبشانية( رأي انا- المتواضع)
الزواج ما بتقيد بكل شكل قرابة مسبقة
بت لمتك معاها الظروف و دخلت قلبك و دخلت قلبها ( و دي ضرورية جدا)
و اتزوجتوا بعد كدا غير الموت ما في حاجة تفرقكم

باختصار الاقارب او الاغراب (دي صاح يا اهل اللغة )
ما عنصر ضرورى لتحديد الزوجة

[حافظ الليبى]

اخى ودالاغبش.............. سلام
الف شكر على مرورك ومشاركتك وانشاءالله تسلم
ولك تحيتى