كشكول التراث الشعبي

[abu_ola]

الأخوة الأعزاء

لكل شعب تراب و مصطلحات و لغة عامية خاصة به تميزه عن غيره و تحمل سماته و معتقداته يتفاخر بها و يعتز بإنتمائه لها ، و نسبة لهبوب رياح العولمة و نتيجة الهجرات المتتالية من الريف الى المدان و تداخل الكثير من الثقافات عبر وسائل الإتصالات المختلفة و إتجاه العالم إلى ان يكون قرية واحدة فقد اندثرت بعض هذه المصطلحات و الكلمات العامية الخاصة بنا و حل محلها الكثير من المفردات الوافدة على ثقافتنا المحلية و هذه دعوة للجميع في المشاركة في توثيق هذا التراث الأصيل و المحافظة على مكتسبات شعبنا الثقافية و الفلكلورية



النفاج :-

النفًاج و جمعها نفجات هو فتحة أو باب صغير يكون على الجدار بين الجيران لتسهيل الحركة بين الجيران وهذا من اجل التواصل والترابط بين الناس حتى لو كان ليس هناك صلة قرابة تربط بينهم فقط بحكم الجيرة و غالباً من تجد البيوت المتجاورة لديها نفجات تربطها ببعضها البعض و تستطيع ان تصل الى أخر بين في المربوع عبر هذه النفجات دون المرور بالباب الكبير و هو دليل على الترابط و التراحم بين الأسر و غالباً ما تستخدم النساء و الفتيات العزارى النفجات في عملية التواصل تحاشياً للمرور عبر الشاعر
و قد كان وجود النفاج دلالة كبري على الترابيط الاسري و التكافل و الوفاق و قد ورد ذكر النفاج في الأدب الشعبي و امتدحت البيوت التي يوجد بها و الشاهد على ذلك القصيدة التي يتغني به عقد الجلاد


ود باب السنط والدكة والنفاج

والحوش الوسيع للساكنين افواج

واللمة التى ربت جنا المحتاج

والنار الدغش

والريكة جنب الصاج

[صلاح ودالطاهر]

عاد يابوعلا بضم العين وفيت وكفيت كدي النسالك اكتب لينا عن نفاجات النيل الابيض والدويم عاد كلامك ده حلو حلا احلا من راجل المره

[الطويل]

الأخوة الأعزاء

لكل شعب تراب و مصطلحات و لغة عامية خاصة به تميزه عن غيره و تحمل سماته و معتقداته يتفاخر بها و يعتز بإنتمائه لها ، و نسبة لهبوب رياح العولمة و نتيجة الهجرات المتتالية من الريف الى المدان و تداخل الكثير من الثقافات عبر وسائل الإتصالات المختلفة و إتجاه العالم إلى ان يكون قرية واحدة فقد اندثرت بعض هذه المصطلحات و الكلمات العامية الخاصة بنا و حل محلها الكثير من المفردات الوافدة على ثقافتنا المحلية و هذه دعوة للجميع في المشاركة في توثيق هذا التراث الأصيل و المحافظة على مكتسبات شعبنا الثقافية و الفلكلورية



النفاج :-

النفًاج و جمعها نفجات هو فتحة أو باب صغير يكون على الجدار بين الجيران لتسهيل الحركة بين الجيران وهذا من اجل التواصل والترابط بين الناس حتى لو كان ليس هناك صلة قرابة تربط بينهم فقط بحكم الجيرة و غالباً من تجد البيوت المتجاورة لديها نفجات تربطها ببعضها البعض و تستطيع ان تصل الى أخر بين في المربوع عبر هذه النفجات دون المرور بالباب الكبير و هو دليل على الترابط و التراحم بين الأسر و غالباً ما تستخدم النساء و الفتيات العزارى النفجات في عملية التواصل تحاشياً للمرور عبر الشاعر
و قد كان وجود النفاج دلالة كبري على الترابيط الاسري و التكافل و الوفاق و قد ورد ذكر النفاج في الأدب الشعبي و امتدحت البيوت التي يوجد بها و الشاهد على ذلك القصيدة التي يتغني به عقد الجلاد


ود باب السنط والدكة والنفاج

والحوش الوسيع للساكنين افواج

واللمة التى ربت جنا المحتاج

والنار الدغش

والريكة جنب الصاج


والله ماقصرته تب

موووضوعك جميل والله

واهم حاجه انك وصلته لينا معلومة النفاج دى

لانو بصراحه أنا كنته ماعارف معناها شنو ومستقرب من أسم المنتدى وكنته ناوى أسأل عمنا ود الطاهر من الاسم ده لكن الحمد الله اللحقتنى:D

لك كل الشكر ياحبيبنا

[مختار بازى]

تسلم والله ابو علا بضم العين علي هذا التوضيح الجيد عن معني كلمة النفاج
واقتراح صغير كدا يا ريت لو يكون البوست بتاعك دا موسوعة لينا عن الكلمات
والالغاز السايدة من زمن حبوباتنا ونكون ملمين بيها وبي معانيها
تقبل مروري

[صلاح ودالطاهر]

اه حجتكم مابجيتكم خيراً جاءنا وجاكم وجابو ابو علا بضم العين معكم واقتراح مختار بازي جميل جدا جدا

[abu_ola]

عاد يابوعلا بضم العين وفيت وكفيت كدي النسالك اكتب لينا عن نفاجات النيل الابيض والدويم عاد كلامك ده حلو حلا احلا من راجل المره

يا استاذ صلاح بكتب ليكم عن النفجات كلها

و اهم الشي النفاج الفاتح بين قلوبنا و مادي ريحة المحنة و الطيبة

و مخلينا اخوة و احباب في زمن عز فيه الصديق

[abu_ola]

والله ماقصرته تب

موووضوعك جميل والله

واهم حاجه انك وصلته لينا معلومة النفاج دى

لانو بصراحه أنا كنته ماعارف معناها شنو ومستقرب من أسم المنتدى وكنته ناوى أسأل عمنا ود الطاهر من الاسم ده لكن الحمد الله اللحقتنى:D

لك كل الشكر ياحبيبنا


العزيز ابو رانــيا

اهو الحمد لله أنت عرفت النفاج شنو دحين افتح نفاج قلبك على نفاج قلبي على نفاج قلب ود الطاهر على نفاج قلوب الأعضاء الحلوين كلهم و خلونا نتواصل و نبقي زي زمان زمن النفاج مفتوح و الوش مطروح و النفوس مسالمة

تقبل مودتي

[abu_ola]

تسلم والله ابو علا بضم العين علي هذا التوضيح الجيد عن معني كلمة النفاج
واقتراح صغير كدا يا ريت لو يكون البوست بتاعك دا موسوعة لينا عن الكلمات
والالغاز السايدة من زمن حبوباتنا ونكون ملمين بيها وبي معانيها
تقبل مروري


مشكور اخي مختار على الإقتراح الرائع

الهدف من هذا البوست هو توثيق لكلام حبوباتنا و لهجتنا العامية و مورثاتنا الثقافية و عاداتنا و تقاليدنا السمحة

منكم يبتدى الإبتداع وإليكم المنتهي

و معكم يكون الكشكول احلي و أجمل

و نتمني المشاركة من الجميع

[abu_ola]

اه حجتكم مابجيتكم خيراً جاءنا وجاكم وجابو ابو علا بضم العين معكم واقتراح مختار بازي جميل جدا جدا

استاذي صلاح

اثني على أقتراح الأخ مختار بازي

و معكم و بكم نعلم الأجيال القادمة موروثنا الثقافي

و عاداتنا و تقالدينا السمحة

و حجي الحبوبات

ود النمير و الغول

و فاطـــــنة السمحة

[مختار بازى]

استاذي صلاح

اثني على أقتراح الأخ مختار بازي

و معكم و بكم نعلم الأجيال القادمة موروثنا الثقافي

و عاداتنا و تقالدينا السمحة

و حجي الحبوبات

ود النمير و الغول

و فاطـــــنة السمحة

التحية لكم وانتم تتحفونا بكلمات من الزمن الجميل زمن حبوباتنا ويلا في انتظار اول الموسوعــــــــــة

[صلاح ودالطاهر]

استاذي صلاح

اثني على أقتراح الأخ مختار بازي

و معكم و بكم نعلم الأجيال القادمة موروثنا الثقافي

و عاداتنا و تقالدينا السمحة

و حجي الحبوبات

ود النمير و الغول

و فاطـــــنة السمحة
ابو علا بضم العين سؤال حجيتكم عرفنا مهناها اه بجيتكم دي شنو

[abu_ola]

السحارة :

السحارة بفتح السين و تشديد الحاء عبارة عن صندوق خشبي مستطيل الشكل له غطاء محدب و غالباً ما يكون لونها أحمر غامق مائل الى اللون الكبدي نسبة لنوع الخشب المستخدم في ذلك الزمان و تكون بها بعض الزخارف و النقوش الجمالية و تستخدم لحفظ الملابس أو الأدوات المنزلية و كذلك لحفظ الاشياء المهمة و القيمة و هو بمثابة الدولاب في الوقت الحاضر

و قد كانت حبوباتنا يستخدمن السحارة لحفظ كل ما هو غالي عليهن من ملابس او أدوات منزلية

و تعتبر السحارة مظهر من المظاهر الإجتماعية و دلالة على المكانة الاسرية اذ لا يتوفر لكل بيت إمكانية الحصول على السحارة علاوة لذلك و نسبة لمتانة السحارة و صلابة الخشب المصنوعة منه تعيش السحارة فترة زمنية طويلة و يتم توارثها عبر الأجيال ودليل تفاخر بين النساء اذ تعبر احداهن انها قد ورثتها عن حبوبتها فلانة بنت فلان
.

و للحناكيش بنقول ليهم ياها دي صورة السحارة شفتوها

http://www.arb-up.com/get-6-2007-dlp6g67d.jpg (http://www.arb-up.com)

[صلاح ودالطاهر]

اها يابوعلاء بضم العين ماوريتني بجيتكم

[abu_ola]

اها يابوعلاء بضم العين ماوريتني بجيتكم


بجيتكم دي يا استاذ من الفعل بج / يبج / بجاً و المصدر بجة بالتاء

و المراد الخوف و بيجتكم بمعني اخفتكم لان الكثير من الحكاوي و القصص قد تحتوي على بعض المقاطع المخيفة زي حكاية الغول و فاطنة السمحة و حكاية ود النمير

فدوماً ما تبتدر الحبوبة حكاويها بقولها

حجيتكم ما بجيتكم

فيرد الأطفال خيرا جانا و جاك

و زاد عليها بعض العارفين ( كتر عشاك مع أبو / أم جناك ) بناء على الشخص الذي يروي الحكاية سوا كان الجد أو الحبوبة

و اضاف عليها بعض المتطرفين مقطع ( اتشبركت و انقطعت في صرة البحر ) في نهاية كل حجوة ( قصة ) يذكر فيها سيطرة الشر على القضية و سيادته على الخير و لا بد و حتما ان تبل صرتك حتى لا يصيبك مكروه من ما اصاب بطل القصة

و من نافلة القول ان الحجي ( الاحاجي ) لا بد ان تكون بالليل في ساعات السمر و اذا اراد شخص ان يحجيك بالنهار وجب عليك لازاماً ان تبل صرتك قبل و بعد القصة حتى لا تصاب بأي أذي أو مكروه .

و بل الصرة لابد أن يكون بإستخدام اصبع السبابة من اليد اليمني ، و قد أجاز بعض السالكين ان يقوم الطفل الكبير السن نسبياً بي بل صرة الطفل الصغيرة إذا كان لا يقدر على فعل ذلك بنفسه

[صلاح ودالطاهر]

بجيتكم دي يا استاذ من الفعل بج / يبج / بجاً و المصدر بجة بالتاء



و المراد الخوف و بيجتكم بمعني اخفتكم لان الكثير من الحكاوي و القصص قد تحتوي على بعض المقاطع المخيفة زي حكاية الغول و فاطنة السمحة و حكاية ود النمير


فدوماً ما تبتدر الحبوبة حكاويها بقولها


حجيتكم ما بجيتكم


فيرد الأطفال خيرا جانا و جاك


و زاد عليها بعض العارفين ( كتر عشاك مع أبو / أم جناك ) بناء على الشخص الذي يروي الحكاية سوا كان الجد أو الحبوبة


و اضاف عليها بعض المتطرفين مقطع ( اتشبركت و انقطعت في صرة البحر ) في نهاية كل حجوة ( قصة ) يذكر فيها سيطرة الشر على القضية و سيادته على الخير و لا بد و حتما ان تبل صرتك حتى لا يصيبك مكروه من ما اصاب بطل القصة


و من نافلة القول ان الحجي ( الاحاجي ) لا بد ان تكون بالليل في ساعات السمر و اذا اراد شخص ان يحجيك بالنهار وجب عليك لازاماً ان تبل صرتك قبل و بعد القصة حتى لا تصاب بأي أذي أو مكروه .



و بل الصرة لابد أن يكون بإستخدام اصبع السبابة من اليد اليمني ، و قد أجاز بعض السالكين ان يقوم الطفل الكبير السن نسبياً بي بل صرة الطفل الصغيرة إذا كان لا يقدر على فعل ذلك بنفسه


اها والماعندو صره يبلها يعمل شنو

[abu_ola]

المرحـــــــــــــــاكة


المرحاكة و جمعها مراحيك هي الة لطحن الحبوب او طاحونة بلدية و تسمي في اللغة العربية الفصحي ( الرحى ) و هي عبارة عن حجرين أملسين يكون احدهما و هو الكبير محدب الشكل و الآخر و هو الصغير مقعر الشكل و يتم وضع الحجر الكبير في الأرض و يتم فرش شوال أو برش أو أي قطعة قماش اخري لكي يتناثر عليه الطحين اثناء عملية الطحن

و تستخدم في طحن و الذرة و الحبوب و اللوبيا و كافة اصناف البقوليات الأخري و هي بمثابة طاحونة يدوية لطحن الغلال كانت تستخدم قديماً في الطحين قبل إكتشاف الطاحونة و قد اكتسبت المرحاكة شهرة في التراث السوداني و اصبحت من الاساسيات في ذلك العهد اذ لا يخلو بيت منها و كانت النسوة يجتمعن في احدي البيوت ليتعاونون في طحن الحبوب .

و بالرغم من أن النوع الشايع من المراحيك هي تلك التي تصنع من الحجارة لكن وجدت بعض الأنواع في شمال السودان تصنع من الخشب و ما ذالت المرحاكة موجودة في بعض المناطق اذ اقتصر استخدامها في طن اللوبيا لعمل ملاح اللوبا

و قد دخلت المرحاكة في الاقوال الشعبية المأثورة مثل قولهم

يطحنك بينها و بين ولدها

و المقصود بين حجري المرحاكة اذ يعتبر الحجر الكبير بمثابة الأم و الحجر الصغير هو الولد

كما ورد ذكرها في الأدب السوداني
قال الشاعر

يا طاحن الخبر ما بين القضاء
و مرحاكة القدر

[صلاح ودالطاهر]

يحطنك بينها و بين ولدها



عاد ده كيف يابوعلا بضم العين اه الدوكه دي كيفن

[abu_ola]

عاد ده كيف يابوعلا بضم العين اه الدوكه دي كيفن

يا ابو الوليدات سامحنا على الخطأ المطبعي دا اصلا هي يطحنك بس الحاء ساهي شفقانة سبقت اختها الطاء

بعدين الجملة دي ما يقولها ليك واحد إلا تكون حرقت روحو شدييييييييييييييد

آآآخزين الدوكـــة خليها جايين ليها بعد شوية بس النلقي اللدايات و نفزع نجيب الويقود في الأول

[صلاح ودالطاهر]

يا ابو الوليدات سامحنا على الخطأ المطبعي دا اصلا هي يطحنك بس الحاء ساهي شفقانة سبقت اختها الطاء


هوووووووووووووووي ياجنه( يطحنك بينها و بين ولدها) القصد نوم الديك في الحبل

[مختار بازى]

في انتظار المزيد عن حبوباتنا
يديكم العافيـــــــــــــــــــــــــــــــــــــة

[abu_ola]

هوووووووووووووووي ياجنه( يطحنك بينها و بين ولدها) القصد نوم الديك في الحبل

الحبيب ود الطاهر

ما شفت رضا اخونا في دكان الفرنسية بي هناك دخل فيها اجاويد و شنطة ملابس و قال الزباااااادي عديل كده و بعد دا الجماعة ما خلوه

احسن ليك تنعدل انت آآآآخزين مس كول واحد بجيب خبرك

[abu_ola]

في انتظار المزيد عن حبوباتنا
يديكم العافيـــــــــــــــــــــــــــــــــــــة



الألـــــــــيف مختار بازي

يسن دي خلوها علينا أنا و عمك ود الطاهر بس انتو ساعدونا بي الجكـــة

مشكورة على المتابعة و التواصل

[صلاح ودالطاهر]

الحبيب ود الطاهر

ما شفت رضا اخونا في دكان الفرنسية بي هناك دخل فيها اجاويد و شنطة ملابس و قال الزباااااادي عديل كده و بعد دا الجماعة ما خلوه

احسن ليك تنعدل انت آآآآخزين مس كول واحد بجيب خبرك

عاد وكت ختيت حبيبت ولدي اسكت ساااااااااااااااااي اها عاد السوي شنو والسوهو رضا في الفرنساويه لقهو في شنطها

[abu_ola]

المفراكـــة :

المفراكة و الجمع مفاريك و في رواية اخري اسمها الكنش و الجمع كنشة

و هي عبارة عن عود خشبي و في نهايتها شكل هندسي نصف بيضاوي اقرب الى شكل الهلال و يتم تثبيت هذا الجزء الهلالي الشكل عن طريق مسمار النقلة الذي يستخدم عادةً في صناعة المراكيب ( و هي جمع مركوب و دي بنجيها بي رواقة ) .

و هي عدة انواع منها الكبير و يسمي كنش العصيدة و الصغير و يسمي كنش الملاح و يتم إستخدامها في تحريك الاكل داخل الحلة ( الإناء ) كما تستخدم بشكل رئيسي في كتل البصلة و فرك الخضرة و الويكة و كل فصيلة اللواييق .

اما كنش العصيدة فيستخدم في صناعة العصيدة فقط .. كما يتم استخدام المفراكة احيانا كآداة مساعدة تدخل بين الجلد و اللحم لتسهيل علمية نفخ و سلخ الخروف كما تستخدمها بعض النساء الساديات في تأديب بعض الرجال الخارجون عن القانون .

تنشط تجارة المفاريك بصورة واضحة قبل شهر رمضان الكريم و قبل عيد الأضحي المبارك بأيام

[مثني ودالعيكوره]

المفراكـــة :

كما تستخدم بشكل رئيسي في كتل البصلة و فرك الخضرة و الويكة و كل فصيلة اللواييق .

اما كنش العصيدة فيستخدم في صناعة العصيدة فقط .. كما يتم استخدام المفراكة احيانا كآداة مساعدة تدخل بين الجلد و اللحم لتسهيل علمية نفخ و سلخ الخروف كما تستخدمها بعض النساء الساديات في تأديب بعض الرجال الخارجون عن القانون .

تنشط تجارة المفاريك بصورة واضحة قبل شهر رمضان الكريم و قبل عيد الأضحي المبارك بأيام

ابو عُلا.... السلام جاك والعافيه ما تختاك

احيك علي السرد الانيق للتراثيات و عباراتك ادهشتني

وازيدك في الشعر بيت....

في الاونه الاخيره ظهرت انوع جديده من "المفاريك" مصنوعه
من الالمونيوم وهي غير صحيه في الفرك (بتبقق اليدين) وخاصه اذا كانت
الخدره ما اول عرق... "هكذا قال لي احدهم" وايضاً لمفراك الالمونيوم عيوب
آخري اذا انه بيعوق في حالة تأديب الرجال الخارجين عن الطوع "يؤدي للاذي الجسيم"

مره آخري وآصل في تناول اتراثيات بأسلوبك الراقي...

مع عاطر مودتي....

[abu_ola]

ابو عُلا.... السلام جاك والعافيه ما تختاك

احيك علي السرد الانيق للتراثيات و عباراتك ادهشتني

وازيدك في الشعر بيت....

في الاونه الاخيره ظهرت انوع جديده من "المفاريك" مصنوعه
من الالمونيوم وهي غير صحيه في الفرك (بتبقق اليدين) وخاصه اذا كانت
الخدره ما اول عرق... "هكذا قال لي احدهم" وايضاً لمفراك الالمونيوم عيوب
آخري اذا انه بيعوق في حالة تأديب الرجال الخارجين عن الطوع "يؤدي للاذي الجسيم"

مره آخري وآصل في تناول اتراثيات بأسلوبك الراقي...

مع عاطر مودتي....


الحبيب ود العيكورة

تحياتي و احتراماتي و انت تزين هذا البوست المتواضع بإضافاتك القيمة

مفاريك الألمونيوم كما ذكرت آخر طفرة في عالم التكنولوجيا

اتمني أن لا تمر احدي أؤلئك الساديات من هنا حتى لا تجرد لحماً و تكسر عظماً

معاً يدا بـــيد نوثق لهذا التراث الرائع

[صلاح ودالطاهر]

الحبيب ود العيكورة

تحياتي و احتراماتي و انت تزين هذا البوست المتواضع بإضافاتك القيمة

مفاريك الألمونيوم كما ذكرت آخر طفرة في عالم التكنولوجيا

اتمني أن لا تمر احدي أؤلئك الساديات من هنا حتى لا تجرد لحماً و تكسر عظماً

معاً يدا بـــيد نوثق لهذا التراث الرائع
كان كده بقت مفاريك السرور والعظمه اها ابوعلا بضم العين التكل وعنقريب القد ديل شنو

[abu_ola]

السفروق :


السفروق و جمعها سفاريق ( سفروقات و هو جمع حناكيش ) و في رواية اخري المجداع و جمعها مجاديع و هو عبارة عن عود خشبي مقوس الشكل اشبه ما يكون بحدوة الحصان يتم تمليسة و حفحفته بإستخدام القدوم أو أي آداة اخري من أدوات النجارة و التمليس بحيث يكون الحد الأمامي منه رفيع و مسنن نوعاً ما .

و تتم صناعتة بإختيار العود المقوس الشكل و يقطع و يحاول ثني أطرافه و هو ما ذال اخضر طري و يتم ثني الطرفين بإستخدام حبل لربط طرفي السفروق و يستعمل السفروق في عمليات الصيد و القنيص و يتعتبر من الأسحلة الفتاكة بالنسبة للآرانب بعد كلب الصيد مباشرة .

و أجود انواع السفاريق سفروق اللعوت و ياتي من بعده سفروق الطنضب و من بعده سفروق السدر حيث تزدهر صناعة السفاريق في بداية موسم الخريف حيث تنشط عمليات الصيد و القنيص أوائل الخريف

و من المقولات المشهورة عند جدع السفروق تعبيراً عن قوته

تااااااااا ح تاااااااح
كان ضربك سلاح
و كان ختاك عود و راح

[abu_ola]

كان كده بقت مفاريك السرور والعظمه اها ابوعلا بضم العين التكل وعنقريب القد ديل شنو


الغالي ود الطاهر

مساك الله بالخير

التُكـــل :

اساساً عبارة عن بيت دائري الشكل متوسط الإرتفاع يبني من الطين في شكل قطية و يسقف من القش او المرخ او البربيط و يستخدم لعواسة الكسرة و الطبيخ و يطلق عليه مجازاً بيت العواسة ، و تمشياً مع عصر النهضة في القرن الماضي اصبح التكل عبارة عن مطبخ مجهز تجهيزاً يتناسب مع عملية الطبيخ و إعداد الطعام و قد تغير شكله الأساسي فأصبح في شكل مربع أو مستطيل

عرف التكل في القرن الماضي بالمطبخ غير انه لا توجد به تجهيزات المطبخ الحديث من ثلاجة و بوتاز و فرن و غيرها من التجهيزات التي ينعم بها المطبخ حالياً

و من نافلة القول ان فن الهندسة المعمارية السودانية شهدت نوعين من البيوت الدائرية الشكل هما التكل السابق الذكر و القطيع

و القطيع عبارة عن غرفة دائرية الشكل لها شبابيك صغيرة مرتفعة نوعا ما قياساً بالشبابيك الحالية تسمى الطاقة ، هذه الشبابيك عبارة عن فتحات صغيرة الحجم مهمتها الاساسية إدخال الهواء النقي لداخل البيت علماً بانها لا توجد بها شبابيك خشبية او حديدة كالمتعارف عليها حاليا .

إضافة الى القطيع و التكل توجد القطية و هي غرفة دائرية الشكل تصنع من القش او الحشائش و لكنها لا تدخل في نطاق فن الهندسة المعمارية لانها غالباً ما تكون مؤقتة و قابلة للإزالة

[صلاح ودالطاهر]

السفروق :


السفروق و جمعها سفاريق ( سفروقات و هو جمع حناكيش ) و في رواية اخري المجداع و جمعها مجاديع و هو عبارة عن عود خشبي مقوس الشكل اشبه ما يكون بحدوة الحصان يتم تمليسة و حفحفته بإستخدام القدوم أو أي آداة اخري من أدوات النجارة و التمليس بحيث يكون الحد الأمامي منه رفيع و مسنن نوعاً ما .





تااااااااا ح تاااااااح
كان ضربك سلاح

و كان ختاك عود و راح


عاد يود امي لودحسن شافو الله قال بقولنا اها المشلعب وام تكشو وام شعيفه ديل شنو

[abu_ola]

عاد يود امي لودحسن شافو الله قال بقولنا اها المشلعب وام تكشو وام شعيفه ديل شنو


تعرف يا ود الطاهر انا خايف هسي يجي جنا ناطي يقول في سفروق بشتغل بالكهرباء


بالمناسبة تعال النسعلك انت شيخنا ود حسن دا سفروقو حق طنضب ولا طلح ؟؟

المشلعيب و أم شعيفة و أم تكشو ديل خليهم بجيهم بي رواقة و زي ما قالوا اخوانا الحناكيش صبرا يشغل الخلاطــة

[مثني ودالعيكوره]

السفروق :


تتم صناعتة بإختيار العود المقوس الشكل و يقطع و يحاول ثني أطرافه و هو ما ذال اخضر طري و يتم ثني الطرفين بإستخدام حبل لربط طرفي السفروق و يستعمل السفروق في عمليات الصيد و القنيص و يتعتبر من الأسحلة الفتاكة بالنسبة للآرانب بعد كلب الصيد مباشرة .



و من المقولات المشهورة عند جدع السفروق تعبيراً عن قوته


تااااااااا ح تاااااااح
كان ضربك سلاح


و كان ختاك عود و راح


مازلت تتحفنا ابو عُلا.....

هناك نوع آخر من السفاريق ....

هو : الطُرمبّاش :

والطرمباش هو من نفس فصيلة السفروق ويستعمل في نفس الاغراض "السفروقيه"
اي في القنص والصيد غير ان الطرمباش مصنوع من الحديد "مصنوع من البال" بتفخيم الباء
حيث يثني البال علي شكل حرف "L".... وتكون اطرافه حاده "سنيّنه " ....
وهو اصغر حجماً من السفروق ... لذلك هو اكثر عرضه للضياع و "الروحان" اثناء عملية الصيد
الجائر ... وهو يستخدم بصوره اكبر في صيد الطيور اكثر من بقية الحيوانات البريه ..
ويستخدم بشكل خاص في صيد "طير الرهو".... وطير البقر...

مع عاطر مودتي.....

[صلاح ودالطاهر]

غايتو يودالعيكوره وابوعلابضم العين بلاكم تخرب تشكرو يارائعين واها منتظرين القديم الجديد

[abu_ola]

مازلت تتحفنا ابو عُلا.....

هناك نوع آخر من السفاريق ....

هو : الطُرمبّاش :

والطرمباش هو من نفس فصيلة السفروق ويستعمل في نفس الاغراض "السفروقيه"
اي في القنص والصيد غير ان الطرمباش مصنوع من الحديد "مصنوع من البال" بتفخيم الباء
حيث يثني البال علي شكل حرف "L".... وتكون اطرافه حاده "سنيّنه " ....
وهو اصغر حجماً من السفروق ... لذلك هو اكثر عرضه للضياع و "الروحان" اثناء عملية الصيد
الجائر ... وهو يستخدم بصوره اكبر في صيد الطيور اكثر من بقية الحيوانات البريه ..
ويستخدم بشكل خاص في صيد "طير الرهو".... وطير البقر...

مع عاطر مودتي.....


المثني ود العيكورة

لك يهفو الكشكول شوقاً

لك تنثني الكلمات حياءاً

كما ينثني الحديد لصنع الطُرمباش

زدني قرباً ايها المتفرد روعة و القاً و ضياء

و دعنا نبحر في هذا التراث الرائع لنصطاد درر الموروثات

و نرصع بها جيد منتدانا الرائــــــع

[abu_ola]

أدوات الزراعة الرئيسية


المنجل :


عبارة عن نصل حديدي مسنن مقوس الشكل أقرب ما يكون لشكل الهلال في بداية الشهر تكون نهايته مدببة كالمسمار و يركب عليها عود خشبي بمثابة المقبض يسخدم في عمليات الزراعة المختلفة مثل إزالة الاعشاب الضارة و حش البرسيم و أنواع اخري من المزروعات و يتعبر المنجل رمز للمزارع و قد تغني به الشعراء فقالوا



سيد المنجل الحقير انت للناس سيد
من زراعيك للفقير حبة القمح تولد


ماؤك الطاهر الزلال من سواقيك يقطر
كلما تقتني حلال باسمك الخير يذكر


انت وجه مخلد للجدود المخلدين
مثلهم سوف تلحد طاهر العيش و الجبين


يا بعيداً عن البشر ان لا تعرف الشرور
تعرف الماء و الحجر و العصافير و الزهور





الطورية


و هي اداة حديدة اشبه ما تكون بكفي اليد شكلاً توجد بها حلقة دائرية الشكل تركب عليها عوداً بمثابة اليد و تستخدم في عمليات الزراعة المختلفة





الكندكة :


و هي نوع من أنواع الطورية اكثر تفطحاً و محنية نوعاً ما الى الداخل تستخدم في تنظيف الحشائش و بالأخص النجيل





الكوريق :


هو اداة مصنوعة من الحديد بيضاوية الشكل يوجد بها ماسورة في موخرتها يركب عليها عود و هو بمثاة اليد تستخدم في عمليات الزراعة مثل رفع التقانق و فتح الجداول و عمل الردميات الترابية و تسوية الأرض و إزالة التراب في عمليات الحفر





الواسوق :


عبارة عن ادارة حديدة مستطيلة الشكل توجد بها ماسورة في منتصفها من الناحية العلوية يركب بها عود بمثابة اليد و يتم ثقب الواسوق في طرفية و تركب فيهما حلقتان دائريتان تسميان الأخراس و هي حمع خُرس حيث يربط في كل واحد منها حبل طويل يمكن المستخدم من شد الحبل . يستخدم الواسوق في عميات ردم التراب و تسطيح الأرض و هو يقوم تقريباً بنفس عمل الكوريق غير انه يتطلب إستخدامه شخصان أو اكثر اذ يقوم احدهما بتثبيت الواسوق على الارض عن طريق ضغطه بواسطة العود ( اليد ) و يقوم الأخر بسحب الواسوق من الحبال الآنفة الذكر




الملود أو الملودة :


و عي عبارة عن اداة مصنوعة من الحديد تشبه الهلال من حيث الشكل و توجد في مؤخرتها ماسورة صغيرة الحجم تركب عليها عصا ( عود ) طويل نسبياً ، تستخدم في حش الزراعة و تنظيفها من الأعشاب الضارة

[مختار بازى]

ابو علابضم العين ومعاك مثني ودالعيكورة
انا جاااااااااااااكي وراكم ما تشيلو هم شيء

[abu_ola]

ابو علابضم العين ومعاك مثني ودالعيكورة
انا جاااااااااااااكي وراكم ما تشيلو هم شيء





حبيبنا بن بازي

الجاي من بنغازي

مشكورة على الجكة بس اعمل حسابك المارثون طويل ما تقطع في نص الطريق

تحياتي و إحتراماتي لمتابعتك لهذا التراث

[مختار بازى]

حبيبنا بن بازي

الجاي من بنغازي

مشكورة على الجكة بس اعمل حسابك المارثون طويل ما تقطع في نص الطريق

تحياتي و إحتراماتي لمتابعتك لهذا التراث

مشكورين جدا والله وربنا يعينكم
ماتشيل هم للحول وراكم:D

[صلاح ودالطاهر]

أدوات الزراعة الرئيسية



المنجل :






الكندكة :
و هي نوع من أنواع الطورية اكثر تفطحاً و محنية نوعاً ما الى الداخل تستخدم في تنظيف الحشائش و بالأخص النجيل
الواسوق :


عبارة عن ادارة حديدة مستطيلة الشكل توجد بها ماسورة في


اها الكنداكه سيدي سيدي الكنداكه مقصود بيها شنو
ومن الخازوق علي وزن واسوق ابت تطلع............. مقصود بيها شنو واتحفنا يارئع جفيتني وانا ضائع تعال لي

[abu_ola]

اها الكنداكه سيدي سيدي الكنداكه مقصود بيها شنو
ومن الخازوق علي وزن واسوق ابت تطلع............. مقصود بيها شنو واتحفنا يارئع جفيتني وانا ضائع تعال لي




استاذ صلاح مساك الله بألف خير

غياتو عليك جنس سعالات يا ود عشاي تخلي الزول مبسوووط 24 قيراط و للأمانة سعالك دا اغلي من سؤال الــ 2 مليون بتاع الجنا ود قرداحي ، ما اطول عليك يا جنا عشاي و اقول ليك

الكنداكة لقب ملوكى يطلق على أى اميرة تتولى سدة الحكم فى الدولة النوبية وعليه فهنالك عدد من الكنداكات ولكن اشهرهن هى امنيرناس التى حكمت فى القرن الاول ماقبل الميلاد ولقبت بالملكة المحاربة حيث استطاعت اخراج الجيش الرومانى من اراضى النوبة الى حدود الاقصر فى صعيد مصر




الكنداكة تعني الملكة الام باللغة المروية
هذا ما ذكره الفنان التشكيلي اسلام كامل في معرض حديثة
عن لوحته التي تحمل نفس الاسم" الكنداكة"



الكنداكة هو لقب يطلقه النوبة على الملكة، حيث ورد الاسم في أكثر من موضع وفي فترات زمنية متعددة من تاريخ الدول النوبية مقرناً بأحداث جرت وتم التأريخ لها من الجانب الغير نوبي مثل الأحداث التي جرت عام 23 ق.م بين الامبراطور أوغسطس قيصر والذي كان يحكم مصر وقد سحب معظم جنوده من مصر لغزو بلاد العرب وكان على النوبة ملكة تدعى الكنداكة تحب الحرب والفتوح فاغتنمت الفرصة وهاجمت بجيشها مصر وجرت معارك كثير انتصرت في أغلبها إلى أن أعاد أغسطس جيوشه وهاجمها ودحرها إلى الجنوب مرة أخرى ... (المصدر: جغرافية وتاريخ السودان – نعوم شقير – تحقيق د. محمد ابراهيم ابوسليم "ص 40").


كذلك في العام 60 م أي بعد 83 عام من الحدث السابق ظهر الاسم مرة أخرى في عهد الامبراطور نيرون والذي ارسل حملة إلى أثيوبيا (الاسم القديم للنوبة) لاكتشاف منابع النيل وكانت على النوبة ملكة تلقب بكنداكة.
المرجع السابق ص 41.

و كلمة سيدي سيدي الواردة في الأغنية قد تكون دعوة لها بالسيادة ( سيدي ) و قد تكون بمعني ستي ( سيدتي ) لانو اهلنا النوبة ديل بذكروا المؤنث و بأنثوا المذكر و لله في خلقه شئون
و احتمال تكون الملكة المحاربة قد تم ضمها الى قبيلة الرجال نسبة لبسالتها و شجاعتها و الله علم


بعدين مسألة الخازوق ابت تطلع دي كان الجُحر أتملا عليها موية بتطلع تب قطع شك بس الخوف تطلع ليك بي ضفرك

[abu_ola]

ام تكشو و هي ملاح الخدة الناشفة ( الجافة )

يتم جمع الخدرة ( الملخوية ) من المزارع و تنظيفها و تجفيفها بتعرضها لاشعة الشمس حيث توضع في صينية و يتم وضع الصينية في رأس البيت او الراكوبة و من ثم يتم سحن الخضرة بإستخدام الفندك و قد تم أدخال السحانات اليدوية الكهربائية في عملية سحن الخدرة مؤخراً و من ثم تكون جاهزة لعمل الملاح .

يتم عمل ملاح أم تكشو بحش البصل و وضعة في النار ثم اضافة الماء و الانتظار قليلا ، ثم تخلط الخدة الجافة ( ام تكشو ) و تعجن بقليل من الماء حتى تكون اشبه ما يكون بالحنة ثم تضاف عجين الخدرة الى الماء و تترك قليلا مع التحريك لضمان مزج الخدة بالماء و هكذا بالهناء و الشفاء

أم بقبق : بإختصار شديد هلا ملاح الويكة ( البامية الخدراء )



ام حليبين :

هي نوع من القراصة يتم فيها عجن الدقيق بإضافة الحلبيب بدلاً من الماء و تؤكل باللبن و السمن و السكر لذا سميت ام حليبين لأحتوائها على عنصر الحليب مرتين

أم شعيفة :

و هي ملاح الويكة الناشفة مثلها مثل ملاح الشرموط تماماً غير انها لا تحتوي على الشرموط ( اللحم الجاف ) والشرموط هو ما يعرف في اللغة العربية بالقديد و قد ورد في السنة الشريفة أن النبي صلى الله عليه وسلم كلم رجلا فأرعد فقال هون عليك فإني لست بملك إنما أنا ابن امرأة من قريش كانت تأكل القديد
بالإختصار ملاح ام شعيفة دا موية + بصل + ويكة ناشفة

[مختار بازى]

مازلنا متابعين لكم مني كل الشكر

[صلاح ودالطاهر]

مازلنا متابعين لكم مني كل الشكر


عاد يا ولدي مختار انشاء الله يوم شكرك مايجي ياك انت الشايل النفاج مع اخيتك غيداء ربنا يديكم العافيه

[abu_ola]

مازلنا متابعين لكم مني كل الشكر

مشكور يا مختار أخوي على المتابعة و ياها المحرية فيك

ربنا يحفظك و يغتيك و يزيدك على المابيك

[abu_ola]

عاد يا ولدي مختار انشاء الله يوم شكرك مايجي ياك انت الشايل النفاج مع اخيتك غيداء ربنا يديكم العافيه

شيخنا ود الطاهر

الدعوات سمحة بالحيل بس أخونا مختار بارك الله فيهو ياهو الشمعة المضوية لينا النفاج و القمر المزين البوستات غايتو يا عم صلاح كان ما عينتو ألفــــا على النفاج دا بتكون قصرت معاهو تب


اصبر لي شوية أتاوق على المنتدي الثقافي باقي عندي فيهو بوست حق عمك ود دكين النشوف البقا عليهو شنو و بجيك راجــع

كدي انت زاتك تعال بي هناك قول لينا رأيك شنو في البوست دا

[صلاح ودالطاهر]

شيخنا ود الطاهر

الدعوات سمحة بالحيل بس أخونا مختار بارك الله فيهو ياهو الشمعة المضوية لينا النفاج و القمر المزين البوستات غايتو يا عم صلاح كان ما عينتو ألفــــا على النفاج دا بتكون قصرت معاهو تب


اصبر لي شوية أتاوق على المنتدي الثقافي باقي عندي فيهو بوست حق عمك ود دكين النشوف البقا عليهو شنو و بجيك راجــع

كدي انت زاتك تعال بي هناك قول لينا رأيك شنو في البوست دا

اها ياجنه الشعر الوديت هناك ماحقنا هنا بس انت الله يديك العافيه

[abu_ola]

التبروقة :

و هي سجادة تستخدم قديماً للصلاة مصنوعة من سعف النخيل


الفروة :

سجادة صلاة مصنوعة من جلد المواشي


السعن :

و هو جراب جلدي يصنع من جلد الخروف او الماعز بعد ان يتم دبغه بالجلد و التخلص من شعره و يتم فيه حفظ الماء و يستخدم كثلاجة لتبريد الماء كما يستخدم في عملية خش ( هز) الروب و عملية خض الروب تتم بتعليق السعن في الشعبة أو الراكوبة و من ثم تتم عملية صب اللبن الرائب في السعن و ينفخ الهواء في السعن و يتم ربط خشم السعن بخيط رفيع نوعاً ما يسمي الوكاي لتسيهل عملية الخض لإستخراج الفرصة ( الزبدة ) التي يصنع منها السمن


القربة :

و هي شبيه بالسعن بس تكون اكبر حجماً منه و تتم صناعتها من جلد الخروف او الثور و تستخدم في حفظ و تبريد الماء ، و قد كانت القربة منشترة قبل إكتشاف الثلاجة و هي الأداة الوحيدة التي يستخدمها سائقي الشاحنات و اللواري السفرية في حفظ الماء و يتم تعليقها على أحد جوانب اللوري


الريكة :

و هي نواع من انواع الطباقة غير انها تكون أكبر حجماً يتم صناعتها من ضفيرة سعف النخيل أو ما يعرف بالزعف تستخدم الريكة في حفظ العيش و توضع فيها الكسرة بعد عواستها

[صلاح ودالطاهر]

السعن :


و هو جراب جلدي يصنع من جلد الخروف او الماعز بعد ان يتم دبغه بالجلد و التخلص من شعره و يتم فيه حفظ الماء و يستخدم كثلاجة لتبريد الماء كما يستخدم في عملية خش ( هز) الروب و عملية خض الروب تتم بتعليق السعن في الشعبة أو الراكوبة و من ثم تتم عملية صب اللبن الرائب في السعن و ينفخ الهواء في السعن و يتم ربط خشم السعن بخيط رفيع نوعاً ما يسمي الوكاي لتسيهل عملية الخض لإستخراج الفرصة ( الزبدة ) التي يصنع منها السمن



القربة :


و هي شبيه بالسعن بس تكون اكبر حجماً منه و تتم صناعتها من جلد الخروف او الثور و تستخدم في حفظ و تبريد الماء ، و قد كانت القربة منشترة قبل إكتشاف الثلاجة و هي الأداة الوحيدة التي يستخدمها سائقي الشاحنات و اللواري السفرية في حفظ الماء و يتم تعليقها على أحد جوانب اللوري





اها ده كل هين ماكلمتنا عن الدوكه والمشلعيب والفريك والزرزور

[abu_ola]

اها ده كل هين ماكلمتنا عن الدوكه والمشلعيب والفريك والزرزور



جلابة ... جلابة

ما شوفتو ود النمير

اخدر قصير

توبو توب حرير

جملو الهدار

سوطو الوروار

عمي اخو ابوي

كتل محمد اخوي

في قندول و القندول

نقدو الزرزور

و الزرزور طار خشيم بحور

يقوموا الجلابة يقولوا ليها ابوك في الجلابة الورا

الزرزور نوع من أنواع الطيور صغيرة الحجم تكثر في موسم الحصاد و الزرزور مشهور بأنه طائر يصدر صوتا كثير عشان كده حبوبة زمان كانت وقت تلقانا بنلعب و نضحك بتقول لينا يا أولاد انتو مالكم بتجضوا كدي زي الزرزور :D :D

بعدين القندول السابق الذكر ما ياهو دا الفريك زاتو و الفريك يا حناكيش امي هو ثمار الذرة المستوية النضج قبل ان تجف و بي المناسبة بليلة الفريك مافي احلي منها في رمضان كان الله أحيانا لي رمضان الجاي بجيب ليكم معاي فريك بس أهم شي تكونوا صايمين

بعدين المشعليب دا زي ما قالت الحنكوشة الجنبي دي ( حاجة جادة و كده يعني مُش لعب ) اها شن قولك يا ود الطاهر :confused: :confused: ،،، المشلعيب ، دواء الكلب ، تلاجة المسكين دي كلها اسماؤه عبارة عن شنطة صغيرة يتم صناعتها من السعف بعد أن ينسج في شكل جدايل و تعلق في سقف البيت و توضع فيها حلة الملاح أو اللبن حتى لا تتعرض للهجوم من قبل الأطفال و الكلاب الضالة

الدوكة و الصاج دي اناء معدني ( معدني دي حلوة مش كده ) يستخدم في عواسة الكسرة

قال الشيخ فرح ود تكتوك

كان هانت عليك تجيك من جبال ساسو

و كان اتقست عليك يندفق الفي الدواك ماصو

الدواك جمع دوكة

[صلاح ودالطاهر]

قال الشيخ فرح ود تكتوك


كان هانت عليك تجيك من جبال ساسو


و كان اتقست عليك يندفق الفي الدواك ماصو



الدواك جمع دوكة


وقال كمان ان ادتك بخيط العنكبوت تنقاد وان ابت تقطع سلاسل الحداد اها يا حبيب القساه ماعرفنه الشادوف والعنج والقطران

[abu_ola]

وقال كمان ان ادتك بخيط العنكبوت تنقاد وان ابت تقطع سلاسل الحداد اها يا حبيب القساه ماعرفنه الشادوف والعنج والقطران



قال الشاعر

أنا القطران و الشعراء جربى ** و في القطران للجرب دواء

القطران نوع من الأدوية القديمة تتم صناعته بحرق الحنضل و من ثم اخذ الرماد و اضافة الزيت اليه و يكون لونة اسوداً شديد السواد و طعم حنضل حنضل عاد دي دايرة ليها كلام ، و يستخدم القطران في علاج مرض الجرب الذي يصيب الأبل ، كما يستخدم في مسح صوط العنج و صوط العنج دا بالمناسبة تتم صناعة من جلد التمساح أو جلد البقر أو جلد القرنتية ( فرس البحر ) و افضل انواع المصنوع من جلد التمساح لمتانه و قوته و يتم مسحه بالقطران ليكتسب مزيداً من الليونة و المرونة و من اشهر استخدامات صوط العنج البطان

قالت الحكامة يوماً

اخوان البنات القدة عطشانة
بتدرو الرجال البحملو بطانة

و القدة المقصود بها صوط العنج

الشادوف و الساقية دي حقاتنا نحن خليهم بجيك ليهم بي روااااااااااااااااااقة بس عليك الحليفة تجيب لي سوطي حق العنج باقي ماشي علينا عرس قريب و انت عارفنا نحن من غير بطان عرسنا ما بتم

[صلاح ودالطاهر]

قالت الحكامة يوماً


اخوان البنات القدة عطشانة
بتدرو الرجال البحملو بطانة


روااااااااااااااااااقة بس عليك الحليفة تجيب لي سوطي حق العنج باقي ماشي علينا عرس قريب و انت عارفنا نحن من غير بطان عرسنا ما بتم


اها زول ابشر اها ودحسن بجيك بسوطو اها ياخزين الشابال والمطارق والسلوكه اها دي شنو

[samah]

ابوعلا مبرووووك البيت الجديد وعادتك متفردا بالجمال والطله المميزه الله لايحرمنا ليها ويجزيك خير دنيا وآخره بقدر ماتعطي وتبذل قول امين
ومتابعون ومستمتعون
واصل

[مختار بازى]

ومتابعون ومستمتعون ومستفيدون باذن الله واصل

[abu_ola]

ابوعلا مبرووووك البيت الجديد وعادتك متفردا بالجمال والطله المميزه الله لايحرمنا ليها ويجزيك خير دنيا وآخره بقدر ماتعطي وتبذل قول امين
ومتابعون ومستمتعون
واصل

الغالية سماح

وينك يا بت امي من زمان و ليك وحشة شنو طولتي الغيبة مشيتي لقيط القطن و لا المطر صب و مشيتو الزراعة

تحياتي و انتي تشاركينا هذا الكشكول و نتمني ان تساهمي في توثيق هذا التراث

منتظريم مساهماتك الفعالة

[abu_ola]

اها زول ابشر اها ودحسن بجيك بسوطو اها ياخزين الشابال والمطارق والسلوكه اها دي شنو



الخدود رُمان

و الشلوخ مطارق

جوز البرتكان لي قلوبنا حارق

يا قمر دورين يا ضو المشارق

عملية الشّلوخ وهي جروح طوليّة تحدّد خدّي الفتاة على الجانبين، وتُعتَبر أيضًا مظهرًا من مظاهر التّجميل وتزيين وجه الفتاة على نحو ما كان معروفًا حينها. وكانت الفتاة تترقّب في وجلٍ وخوفٍ ورعبٍ شديدٍ ذلك اليوم وهي لا تقوى على معارضة أهلها. وتُعتَبر عملية الشّلوخ عمليةٌ بشعةٌ ومؤلمةٌ تقوم بها في الغالب امرأةٌ لا تعرف شيئًا عن الأدوات الصّحية ولم تسمع عن التّعقيم والجراثيم التي تصيب الجروح ولا تحسّ بخطورة هذه العملية المؤلمة، وتنفّذها من غير رحمةٍ، ولكنها تحمل الموس الحاد بكلّ اطمئنانٍ وتُخطّط خطًا على جبين الفتاة لتكمل ستّة أو ثمانية أو عشرة خطوطٍ بِطُول الخدّ في الغالب، وسط صراخ الفتاة من جراء الألم المُبرح، وهي تحاول الإفلات من دون جدوى من قبضة نساءٍ قويّاتٍ لا تعرف قلوبهن الرّحمة أو الشفقة على الضحية المغلوبة على أمرها، وتمسك أولئك النسوة بذراعي الفتاة ويثبّتنها حتى تكتمل العملية المؤلمة وسط الصّراخ الشّديد والألم.
بعد ذلك تُغسَل الجروح ويُوسّع كلّ واحدٍ منها ثم يلصق عليه القطن المشبّع بالمحلبية والقطران ويزداد الألم ، وتتعذّب الفتاة المسكينة عدّة أسابيعٍ وهي تعاني آلامًا مبرحةً نتيجةً للحمى الشديدة وتورّم الخدود. ويكون سرور الأهل عظيمًا كلّما كانت الشلوخ عميقةً وعريضةً في خدود البنت اليانعة. وعلى الرّغم من خطورة هذه العملية، إلاّ أنّها كانت تُعتَبر مظهرًا من مظاهر الزّينة والجمال بالنّسبة للمرأة السّودانية.
تفيض الأغاني الشعبية لشعراء ذلك الزمن بالنّماذج التّي تغنّت بجمال الشّلوخ، إلاّ أنّ الوعي قد انتشر وتحرّرت المرأة السّودانية من هذه العملية.


الرحط :

تحرص الاسر في المجتمع السوداني على أن ترتدي الفتاة منذ فجر صباها ما يُعرَف بالرّحط، وهو عبارة عن "سيور" ذات لونٍ ورديٍ جميلٍ تُشبَك لتتدلّى على جانبٍ واحدٍ من شعر الفتاة. ويُرتدى الرّحط ليدلّل على عذرية الفتاة التي كانت تمشط شعرها بأسلوبٍ دقيقٍ ينمّ عن مهارةٍ فائقةٍ. وتُستَخدَم في تلك العملية التي تُعتَبَر شكلاً من أشكال الزّينة خلطةٌ من الطّيب تثسمّى الرّشة، وهي عبارة عن عطر المحلب المسحوق المخلوط بالصّمغ العربي الذي يبرم به الجزء الأخير من كلّ ضفيرةٍ من ضفائر شعر الفتاة.

الشبال :

بعد أن يتم تمشيط ( تسريح ) الشعر في شكل جدايل دقيقة في ما يعرف بالمشاط و تضاف عليه سيور الرحط الجمالية الشكل و بعد اضافة الرشة و مسحوق المحلب و العطور تكون البنت جاهزة للشبال و يكون الشبال عادة في الحفلات الغنائية عندما يدخل الرجال و النساء في الدارة للرقيص و تكون هناك امرأة تجيد فن الرقيص .

و الشبال هو صورة تعبيرة عن اعجاب دفين من المرأة في ساعات الرقيص و يكون الشبال بتمايل الراقصة اثناء الرقيص جهة الرجل مع ( حركة في شكل وردة ) و ميلان الشعر المضفور بالطريقة السابقة حتي يلامس وجه الرجل و في هذه اللحظة بالذات تعلوا الزغاريد و يتتطاير الشبان فرحاً و زهواً في وسط حلقة الرقيص كلُ يبدع في ما يعرفه من صنوف العرضة و الصقرية ممنياً النفس بشبال من المحبوبة

[abu_ola]

ومتابعون ومستمتعون ومستفيدون باذن الله واصل


بارك الله فيك يا ود بازي و ياكا الولد البتسند الضعيف و تكرم الضيف و مشكور على تشجيعك و متابعتك لهذا الكشكول

و لو عندك اي استفسار او سؤال قولوا و نحن أن شاء الله بنجيب ليك خبرو

تحياتي و احتراماتي

[صلاح ودالطاهر]

ابوعُلا منتظرين الجديد في الكشكول

[abu_ola]

المعراكة :

و هي عبارة عن قطع قماش ( خرقة ) تستخدم في مسح بإستخدام قليل من الزيت أو الطايوق ( يتم استخراج الطايوق من الحبل الشوكي او النخاع أو المخ ) الصاج لإعداده لعميلة عواسة الكسرة و يتم وضع المعراكة في علبة متوسطة الحجم لحفظها من الغبار و الأتربة


العواسة :

و هي عملية صناعة الكسرة


القرقريبة :

و هي عبارة عن قطعة مستطيلة الشكل يمكن أن تكون مصنوعة من زعف النخيل أو البلاستيك و تستخدم في عملية العواسة اذا تعمل على توزيع العجين على كافة اجزاء الصاج و لترقيق العجين و الحصول على طرقة الكسرة الرهيفة ( الرقيقة )


الدوكة :

و هي عبارة عن صاج ( اناء بيضاوي الشكل ) تستخدم في عواسة العصيدة أو ما يعرف في بعض المناطق باللقمة


اللدايات :

و هي عبارة عن ثلاثة حجار متوسطة الحجم توضع تحت الصاج في شكل مثلث و يوضع بينهم الويقود لإشعال النار للقيام بعملية العواسة و الطبيخ .

الصاج :

و هو عبارة عن قطعة حديدة ( صاج حديدي ) مربع الشكل سميك نوعاً ما يستخدم في عواسة الكسرة و الآبري و الفطير

[صلاح ودالطاهر]

سلمته ابوعُلاء الحرجل والمحريب

[مختار بازى]

بارك الله فيك يا ود بازي و ياكا الولد البتسند الضعيف و تكرم الضيف و مشكور على تشجيعك و متابعتك لهذا الكشكول

و لو عندك اي استفسار او سؤال قولوا و نحن أن شاء الله بنجيب ليك خبرو

تحياتي و احتراماتي

سلمت يداك ابو علا بضم العين ووبارك الله فيك فانت لم تدع كبيرة ولا صغيرة الا وزكرتها وما علي سوي المتابعة والحفظ جزاك الله عنا كل خير

[صلاح ودالطاهر]

ابوعُلا معزور ربنا يحلك بالسلامه من الفدو بمناسبة الفدو تعني شنو في كشكولك

[مثني ودالعيكوره]

المعراكة :

و هي عبارة عن قطع قماش ( خرقة ) تستخدم في مسح بإستخدام قليل من الزيت أو الطايوق ( يتم استخراج الطايوق من الحبل الشوكي او النخاع أو المخ ) الصاج لإعداده لعميلة عواسة الكسرة و يتم وضع المعراكة في علبة متوسطة الحجم لحفظها من الغبار و الأتربة


القرقريبة :

و هي عبارة عن قطعة مستطيلة الشكل يمكن أن تكون مصنوعة من زعف النخيل أو البلاستيك و تستخدم في عملية العواسة اذا تعمل على توزيع العجين على كافة اجزاء الصاج و لترقيق العجين و الحصول على طرقة الكسرة الرهيفة ( الرقيقة )



ابو عُلا... ان شاء الله يدك ما تنشل ... وتدوق المهله
ما قصرت تب..

لكن..و عليك الله كدي استنشق معاي الحدس اللغوي في تسميه (المعراكه)
فلم تسمي بذلك الاسم الا لعراكها الشديد بالصاج او مع الصاج وباقي (حرحوف الكسره)
الماسك في اطراف الصاج وخاصه اذا كان الصاج (ما ساير) اوكانت الدوكه (ما معتقه)
ويمكن ان تتضح شدة العراك من لون المحراكه الاسود المشرب بباقي الزيت والطايوق
ولانها تعرك عركاً فهي معراكه....

اما القرقريبه ... فقد لدغتها هي ايضاً العولمه وبعد ان كانت تصنع من الزعف
اصبح الناس يعوّسوا بالاسكراتش بدلاً عنها (اعني القرقريبه).. فعند زيارتي
لاحد اصدقائي في مناسبة زواج وجدت مجموعه من النساء يعوسن بإسكراتشات
الغريب في الامر ان الاسكراتشات كانت من ابو (100) زيادةً في البوبار

مشكور مره تانيه يا ابو عُلا

مع عاكر مودتي...

[abu_ola]

سلمته ابوعُلاء الحرجل والمحريب





ابوعُلا معزور ربنا يحلك بالسلامه من الفدو بمناسبة الفدو تعني شنو في كشكولك


ود الطاهر يا يابا اديها صنة خلي صوت المايك يصلنا

و في رواية اخري روق الجاز و خت الكورة وااااااطة

ما دام طار جنا الوزين يا دوبو قلا نوم العين ( مع الإعتذار للشاعر )

اصبر لي يا جنا حشاي الننجما شوية و ليك على بعد دا اصاقر لك الكشكول من الصباح و بوريك الفدو و الريشة و الزمام و الحجول و كان داير السعر تب ما بقصر معاك

نحن السابقون و انتم اللاحقون .

[abu_ola]

سلمت يداك ابو علا بضم العين ووبارك الله فيك فانت لم تدع كبيرة ولا صغيرة الا وزكرتها وما علي سوي المتابعة والحفظ جزاك الله عنا كل خير


مختار

إن شاء الله يا يابا تتبارك و ما تتشارك

بركة من جعل محمد نبي ربنا يزيدك و يغتيك و يعلي مراتبك كمان و كمان

[abu_ola]

ابو عُلا... ان شاء الله يدك ما تنشل ... وتدوق المهله
ما قصرت تب..

لكن..و عليك الله كدي استنشق معاي الحدس اللغوي في تسميه (المعراكه)
فلم تسمي بذلك الاسم الا لعراكها الشديد بالصاج او مع الصاج وباقي (حرحوف الكسره)
الماسك في اطراف الصاج وخاصه اذا كان الصاج (ما ساير) اوكانت الدوكه (ما معتقه)
ويمكن ان تتضح شدة العراك من لون المحراكه الاسود المشرب بباقي الزيت والطايوق
ولانها تعرك عركاً فهي معراكه....

اما القرقريبه ... فقد لدغتها هي ايضاً العولمه وبعد ان كانت تصنع من الزعف
اصبح الناس يعوّسوا بالاسكراتش بدلاً عنها (اعني القرقريبه).. فعند زيارتي
لاحد اصدقائي في مناسبة زواج وجدت مجموعه من النساء يعوسن بإسكراتشات
الغريب في الامر ان الاسكراتشات كانت من ابو (100) زيادةً في البوبار

مشكور مره تانيه يا ابو عُلا

مع عاكر مودتي...


الرائع ود العيكورة مالك يا يابا بتديني عاكر المودة ما تدريني صافيها و لا نحن ما قدر المقام :D :D و لا المسعلة لفقت معاك ساكت بمناسبة العراك و المعارك و المعراكة .

عرك يعرك عراكا و هو معروك و المفعول به ضمير مستتر تقديره الصاج و الفاعل المذكر ( معارك ) و المؤنث ( معراكة ) و الإنعراك هو الإحتكاك الشديد لذلك تجد الأمهات في غايةالحصر انو الشافع ما ينعرك بالواطة عشان ما يوسخ الهدوم ، و عندما تنعرك الغنماية بالحيطة فأنها تقشر الزبالة مما يجعلها عرضة للأمطار و تكون آيلة للسقوط تماما كما يحدث الآن في بلدي الحبيب .

و الحمد لله المعراكة ما ذالت تصنع من قطعة قماش و لم تصبح قطعة اسنفج او نسيج من الألياف و المواد البترولية في عصر العولمة و بي مناسبة العولمة دي أهنــئ اهالي العيكورة جت عليهم بالتطور الحضاري و ادخال الإسكراتشات في عواسة الكسرة فهذا ليس بالشي الغريب لان الإسكراتش يشحن الموبايل و الكسرة تشحن البطن و كلو عند العرب صابون ..و بعدين مسألة تدوير النفايات و إعادة استخدامها دي اخر صيحات التكنولوجيا الصناعية و الحمد لله العشنا لحدي ما شفنا عجائب القرن الواحد و العشرين بس صراحة اسكتراش أبو ( 100 ) دي اتقطعتو فيها عديل

[مصطفي دعوب]

مشكورين الإخوة في النفاج علي تلك المعلومات الجميلة والتي تكاد أن تندثر مع الفضائيات والدش والعولمة وجيل الحناكيش ( ناس الخروف البيجي وفستان الغنماية ) ولابد ان نقدم تلك المسميات الجميلة الي الجيل الجديد ( أنا زاتي من الجيل الجديد ) حتى نعرف تراثنا وبقولو المعاعندو قديم ماعندو جديد وما نبقي متل الحنكوش المدرس قال ليهو امشي جيب حاجة قديمة مشي جاب حبوبتة .
دي أول مشاركة لي في المنتدى وأنا جديد لنج ونديكم معلومة بسيطة عن التبروقة :

التبروقه عبارة عن ضفائر تنسج من السعف وتحاك بشكل حلزوني حتى تصبح بحجم دائرة قطرها مترين تقريباً، وتكون عاليه عند طرفها ( اى محيطها الخارجي) وتستخدم كمصلايه لأداء الصلاة وبها حبل من الصوف فى طرفها العلوي منسوج بشكل جميل يتم تعليقها منه على الجدران بعد الانتهاء من أداء الصلاة حتى لا تتسخ .
وحسب معلوماتي البسيطة يمكن أن تكون التبروقة أيضاً من فستان الغنماية ( معليش اقصد من جلود الحيوانات ) .

[abu_ola]

مشكورين الإخوة في النفاج علي تلك المعلومات الجميلة والتي تكاد أن تندثر مع الفضائيات والدش والعولمة وجيل الحناكيش ( ناس الخروف البيجي وفستان الغنماية ) ولابد ان نقدم تلك المسميات الجميلة الي الجيل الجديد ( أنا زاتي من الجيل الجديد ) حتى نعرف تراثنا وبقولو المعاعندو قديم ماعندو جديد وما نبقي متل الحنكوش المدرس قال ليهو امشي جيب حاجة قديمة مشي جاب حبوبتة .
دي أول مشاركة لي في المنتدى وأنا جديد لنج ونديكم معلومة بسيطة عن التبروقة :

التبروقه عبارة عن ضفائر تنسج من السعف وتحاك بشكل حلزوني حتى تصبح بحجم دائرة قطرها مترين تقريباً، وتكون عاليه عند طرفها ( اى محيطها الخارجي) وتستخدم كمصلايه لأداء الصلاة وبها حبل من الصوف فى طرفها العلوي منسوج بشكل جميل يتم تعليقها منه على الجدران بعد الانتهاء من أداء الصلاة حتى لا تتسخ .
وحسب معلوماتي البسيطة يمكن أن تكون التبروقة أيضاً من فستان الغنماية ( معليش اقصد من جلود الحيوانات ) .


حباب مصطفى ود دعوب

حبابك عشرة برا كشرة

حبابك مية غير المنسية

حبابك آلاف غير خلاف

حبابك و اليوم السعيد

الينا جابك يا ودعوب

نتمني لك إقامة طيبة بين اهلك و ناسك

في انتظار مساهماتك و إبداعاتك تقبل تحياتي

[مصطفي دعوب]

والله يا abu_ola ماخليت لي حاجة أقولها وأنا لمن الواحد يقول لي كلام
ذي ده بفنجط وبتشيلني الهاشمية ولو كنت قدامك كنت فنجطتة وادردقتة
في الواطة ( فرحة ساكت !!!! ) وجعلية مني ساكت بديكم مشاركة تانية
عن الحلو مر ( الآبري ) . وهو مشروب طبعاً بسوهو في رمضان لكن انا
ماعارف في رمضان مابكون حلو . قبل رمضان نقع فيهو شطف شديد
وأول مايجي رمضان ويختوهو لينا نتزاوغ منو ( ذي ناس العمرة )
ونجضم ليك باقي العصاير . وكذلك بعد رمضان نكوس ليهو كواسة
مانلقاهو . وعواسة الآبري ومايصاحبها من اجتماعيات في مراحل صناعتة
تجعل له اهتمام كبير من امهاتنا بالرغم من مراحلة التي تبدأ منذ وقت
طويل وتعبة وتكلفته وانا لمن اقول لامي ياحاجة نحن الآبري ده ماقاعدين
نشربو في رمضان وبعدين تعبه كتير خلينا منو فترد علي ( ياود انت
ماعندك شغلة زح مني كدي ) الحاجة لاتقبل كلام أو مناقشة في عواسة
الآبري وانا عرفها بتاعت شمارات وعواسة الآبري في فريقنا بتلمو كل
نسوان الحي وكل يوم في بيت وهاك ياشمارات وقهوه وونسات دقاق دقاق
. اه الحاجة بتكون مبسوطة من الجو ده ومايهمها كان نشرب الآبري والا
مانشربو المهم مثل هذا التجمع لايفوتها .
واليكم طريقة عواسة الآبري ومراحل صناعتة :
اولاً طريقة عمل الزريعة

نصف كيلو ذرة (فتريتة) يفرش على شوال ويسقى بالماء لمدة تتراوح ما بين أيام حتى يصير كالحشيش أي يرزع ، ثم يوضع في إناء كبير الحجم ويغسل جيدا ويترك ليجف ويسمى في هذه المرحلة بالزريعة.


ثانياً : طريقة عمل العجينة

تطحن الزريعة ناعما في الطاحونة ثم يطحن النصف الآخر من الدقيق ويخلط الكميتين مع بعضها.

تغلى كمية من الماء في اناء كبير الحجم ثم يضاف اليها الدقيق المخلوط ويقلب بواسطة ملعقة كبيرة أو بواسطة المفراك ويقلب الخليط على النار لمدة نصف ساعة تقريبا حتى ينضج ثم يرفع من النار ويترك ليبرد

تضاف البهارات (رشة ملح ، قليل من الكركدي والقرفة والقرنجال) ويترك لفترة يوم كامل حتى يتخمر.

تؤخذ كمية من العجين وتصب فوق الصاج الساخن وتترك لمدة دقيقتين ثم تقلب عى الجانب الآخر لتنضج من الوجهين وهكذا نكرر هذه الخطوة حتى تتنتهي كمية العجين. ويترك ليجف وطبعاً هناك الآبري الابيض ولو في واحد عنو معلومات عنو يدينا ليها .
ويديكم العافية

[abu_ola]

والله يا abu_ola ماخليت لي حاجة أقولها وأنا لمن الواحد يقول لي كلام
ذي ده بفنجط وبتشيلني الهاشمية ولو كنت قدامك كنت فنجطتة وادردقتة
في الواطة ( فرحة ساكت !!!! ) وجعلية مني ساكت بديكم مشاركة تانية
عن الحلو مر ( الآبري ) . وهو مشروب طبعاً بسوهو في رمضان لكن انا
ماعارف في رمضان مابكون حلو . قبل رمضان نقع فيهو شطف شديد
وأول مايجي رمضان ويختوهو لينا نتزاوغ منو ( ذي ناس العمرة )
ونجضم ليك باقي العصاير . وكذلك بعد رمضان نكوس ليهو كواسة
مانلقاهو . وعواسة الآبري ومايصاحبها من اجتماعيات في مراحل صناعتة
تجعل له اهتمام كبير من امهاتنا بالرغم من مراحلة التي تبدأ منذ وقت
طويل وتعبة وتكلفته وانا لمن اقول لامي ياحاجة نحن الآبري ده ماقاعدين
نشربو في رمضان وبعدين تعبه كتير خلينا منو فترد علي ( ياود انت
ماعندك شغلة زح مني كدي ) الحاجة لاتقبل كلام أو مناقشة في عواسة
الآبري وانا عرفها بتاعت شمارات وعواسة الآبري في فريقنا بتلمو كل
نسوان الحي وكل يوم في بيت وهاك ياشمارات وقهوه وونسات دقاق دقاق
. اه الحاجة بتكون مبسوطة من الجو ده ومايهمها كان نشرب الآبري والا
مانشربو المهم مثل هذا التجمع لايفوتها .
واليكم طريقة عواسة الآبري ومراحل صناعتة :
اولاً طريقة عمل الزريعة

نصف كيلو ذرة (فتريتة) يفرش على شوال ويسقى بالماء لمدة تتراوح ما بين أيام حتى يصير كالحشيش أي يرزع ، ثم يوضع في إناء كبير الحجم ويغسل جيدا ويترك ليجف ويسمى في هذه المرحلة بالزريعة.


ثانياً : طريقة عمل العجينة

تطحن الزريعة ناعما في الطاحونة ثم يطحن النصف الآخر من الدقيق ويخلط الكميتين مع بعضها.

تغلى كمية من الماء في اناء كبير الحجم ثم يضاف اليها الدقيق المخلوط ويقلب بواسطة ملعقة كبيرة أو بواسطة المفراك ويقلب الخليط على النار لمدة نصف ساعة تقريبا حتى ينضج ثم يرفع من النار ويترك ليبرد

تضاف البهارات (رشة ملح ، قليل من الكركدي والقرفة والقرنجال) ويترك لفترة يوم كامل حتى يتخمر.

تؤخذ كمية من العجين وتصب فوق الصاج الساخن وتترك لمدة دقيقتين ثم تقلب عى الجانب الآخر لتنضج من الوجهين وهكذا نكرر هذه الخطوة حتى تتنتهي كمية العجين. ويترك ليجف وطبعاً هناك الآبري الابيض ولو في واحد عنو معلومات عنو يدينا ليها .
ويديكم العافية


الغالي ود دعوب

حبابك يا جنا حشاي في نفاج عمك ود الطاهر و حبابك في منتديات فريقنا جت عليهن

تاركي آآزول طلعت ماك هين و لا لين و من اليوم دا من الكشكول ما تزح شبر دايرنك معانا

تساعدنا في توثيق التراث الإبداع دا عشان نعلم الشُفع و أنصاف المتحنكشين تاريخنا و أصالتنا

في انتظار مشاركات الحلوة

[abu_ola]

تر القطن


تمشياً مع سياسة الكونفردرالية و بما أن غالبية حناكيشنا من الجزيرة رأيكم شنو نرجع خطوتين لي وارء و نتحدث عن موضوع تر القطن المشهور جداً في قري الجزيرة و بعض مناطق النيل الأبيض

تسبق عملية تر القطن عملية اللقيط اذ تقوم النسوة بلقيط القطن في موسم الحصاد و من ثم تبدأ عملية نفش القطن إذ أن قديماً كان يتم نفش القطن يدوياً و تجتمع الأسرة في المساء لنفش القطن كما تقوم بعض البنات بعملية نفير مصغر لمساعدة بعضهن البعض في نفش القطن
و أحيانا تحمل إحداهن كرتونه مليانة قطن و تذهب في زيارة جارتهم او صديقتها و يقوم أهل البيت بمساعدتها في نش القطن

ثم تطور الحال قليلا فتم إكتشاف القوقاية و هي عبارة عن آلة شعبية تتكون من شعبة و سيطان اثنين اذ يقوم شخص ماهر بعملية صناعة القوقاية و هي عبارة شعبة قصيرة في شكل (( Y و يتم تخريم رأسي الشعبة بالنار لتمرير السيطان من خلالها و السيطان هذه اما أن تكون عبارة عن مطارق من اللعوت أو تتم صناعتها من السيخ علي شكل منفلة و يتم لف السيطان بقطع قماش قديمة في منتصف المسافة بين رأسي الشعبة لتضييق المساحة بين السوطين

و بعد صناعة القوقاية بالطريقة المذكورة أعلاه يتم حفر حفرة في منتصف البيت أو الراكوبة تضع فيها القوقاية و يدفن الجزء الأسفل منها لتثبيتها و منعها من الحركة و بهذا تكون القوقاية جاهزة للعمل اذ يمرر القطن من خلال فتحة صغيرة تترك بين السوطين علماً بأن تشغيل اللآلة يدوي يقوم بها شخصين يقومان بلف السيطان في أتجاهين مختلفين كذلك يكون أحدهما مسئول عن عمليةتغذية القوقاية بالقطن بيمنا الأخر منشغل بأستلام المنفوش الطالع من القوقاية و يجب عليه المتابعة الدقيقة و الأنتباه حتى لا يلتف القطن في السيطان مرة أخري و يعمل على تعطيل القوقاية

و تمشياً مع الطفرة الحديثة التي غزت العالم تم إدخال بعض التحسينات في القوقاية اذ تم الإستغناء من الحفرة و تم استبدال الشعبة بعودين يوضعان في علبة كبيرة بشكل متوازي و يتم عمل خلطة من التراب و الحصي و الأسمنت و توضع في العلبة لتثبيت العودين و بذا يحصلون على قوقاية عصرية متحركة يمكن نقلها من بيت لآخر .

بعد نفش القطن يتم جمع الغلغل و أستخدامه كعلف للسخيلات الصغار أو الغنماية الوالدة بعد ذلك يتم جمع القطن و وضعه في عنقريب و ضربه بالسياط و المطارق للتخلص من الغبار و الشوائب المتعلقة به و هذه المهمة غالباً ما تقوم بها الفتيات أو الشباب ثم تأتي بعد ذلك عمليه فرز و أختيار القطن الأبيض الناصع ليدخل مرة أخري من مراحل التصنيع أما القطن المتبقي فيتم أستخدامع في تنجيد المراتب و المخدات من ثم يدخل في مرحلة اخري من مراحل الإنتاج و هي مرحلة تر القطن
يتم تر القطن بإستخدام المترار و هو عبارة عن عود رفيع مسنن الراس و مشطوف مثل المرواد و يتم تركيب درة في رأس المترار و الدرة عبارة عن قطعة دائرية من الفخار مقدودة في الوسط و فائدة هذه الدرة تثبيت المترار و مساعدته على الحركة بسرعة

تبدأ عمليه تر القطن بوضع رأس القطنة على الشطفة الموجودة في بدأية رأس المترار و مط المتبقي من القطن في اليد اليسري و من ثم وضع المترار بشكل متقاطع ( أفقي ) على أحد الفخذين و غالباً ما يكون الفخذ الايمن و وضع اليد اليمني علي المترار و اليد الاخري يتم امساك القطن بها إلا أذا كان المرأة عسرا ( شولا ) فأنها تقلب الأية . ثم بعد ذلك تبتدى عملية تحريك المترار الى الامام و الخلف في حركات حركات خفيفة و سريعة و من ثم دفعة بحركة مفاجئة و تركه معلقا في الجوء ليدور حول نفسه عدة دورات مكوناً في الوقت نفسه خيطاً رفيعاً من القطن ثم يشد الخيط بحركات خفيفه لإكسابها المرونة و المتانة و من ثم يتم لف الخيط في المترار في المنطقة خلف الدرة مباشرة و يتم تكرار هذه الحركة مراراً و تكرار و كلما كررنا نفس العملية حصلنا على خيط جيد مع المحافظة على أن يكون الخيط متواصلا غير مقطوع و بهذه الطريقة تتكور و تكبر كرة الغزل الموجودة في المترار و عندما يصبح حجم كرة الغزل كبيرا تتم استخراجها من المترار و لفها في شكل كرة تسمي كرة الغزل
فإذا كانت الخيوط المكونة لكرة الغزل رقيقة و ناعمة تسمي السداية أما اذا كانت الخيوط غليظة و غير متساوية في حجمها فيه ما تعرف باللحمة

و نحتاج الى النوعين ( اللحمة و السداية ) في صناعة الغزل
ففي عملية النسيج يتم استخدام اللحمة أولاً و يتم نسج خيوطها في شكل طولي و هي بمثابة الأرضية لقطعة القماش التي نقوم بنسجها كذلك يتم استخدام السداية لنسج خيوطها بشكل عرضي متقاطعة مع خيوط السداية لتكون لنا قطعة قماش

يستخدم هذه النسيج الرائع في صناعة الفراد و جلابية القنج و الشالات كما يستخدمه بعض الموسرين في صناعة أكياس السكر

و بعد نسج الفردة أو الشال يتم تزيين اطرافه و صبغها بالوان غالباً ما تكون خضراء أو زرقاء أو عنابية و ذلك حسب نوع الصبغة المتوفرة في البيت

و من ثم يتم بيعها للمساهمة في زيادة دخل الأسرة و توفير المستوي المعيشي المطلوب كذلك قد تقوم بعض النسوة ببيع الغزل لواحد من النساجين دون الدخول في عملية النسيج علماً بأن كرة الغزل يتم وزنها بالرطل و غالباً ما يتراوح وزن الكرة بين رطل أو نصف رطل
علماً بأن رطل السداية اغلي من اللحمة و اكثر طلباً منها و لكن النوعين مهمين في عملية النسيج و لا يمكن الإستغناء عن احدهم علماً بأن كل رطل سداية يجب ان يقابله نصف رطل لحمة في عملية النسيج .

و قد قامت الكثير من النساء السودانيات منذ قديم الزمان بممارسة عملية تر القطن و عملية الغزل و النسيج تطبيقاً لشعار الإكتفاء الذاتي و الإعتماد على المنتجات المحلية و مساعدة رب الأسرة في تحمل المسولية الأسرية


معاني الكلمات

تر القطن ( بفتح التاء و سكون الراء ) غزل القطن

اللقيط : عملية الحصاد و جني القطن

نفش القطن : تنظيف القطن و إستراج الغلغل

الغلغل ( بضم حرفي الغين ) : بذور القطن

القوقاية : ألى شعبية لحج القطن

الشعبة : عود على شكل حرف ( Y ) يتم استدامها كدعامة في البيوت و الرواكيب

السيطان : عبارة عن عودين رفيعين

مطارق : المطرق و هي عبارة عن عصا رفيعة متوسطة الطول

اللعوت : نوع من الأشجار الشوكية

السخيلات : جمع سخلة و هي بيـــبي الغنامية

المترار : آلة لتر القطن

الدرة ( بكسر الدال و سكون الراء ) قطعة دائرية من الفحار

السداية : خيوط الغزل الرفيعة الناعمة

اللحمة : خيوط الغزل غير متساوية الحجم

الفراد ( بضم الفاء ) : جمع فردة و هي حاجة سودانية خالص تشبه الشرشف أو الملاية

جلابية القنج ( بفتح القاف و كسر النون ) : جلابية تصنع من القطن يلبسها أولاد الذوات

النساجين ( بفتح النون و تشديد السين ) جمع نساج و هو الشخص الذي يقوم بعملية النسيج

[عثمان جلالة]

الليله الصعيد جاب الهبوب مقلوبه ... وبى شوفتك يا أبو علا قلوبنا بقت مربوبه
جيناك في ضلك البيهو الجنيات يحكوبه .. ضلا وسيع بالحيل .. يشيل السمح والشين .. وشاهيك يا الخزين .. ذكرني أم زين .. وحاتك يا ضو القبيلة .. ما شفنا منك شين
ومعاك بي قلوبنا ... وقدامك .. نحن .. متظاهرين ..

أرمي لي قدام .. ونحن وراك:p

[صلاح ودالطاهر]

مشكورين الإخوة في النفاج علي تلك المعلومات الجميلة والتي تكاد أن تندثر مع الفضائيات والدش والعولمة وجيل الحناكيش ( ناس الخروف البيجي وفستان الغنماية ) ولابد ان نقدم تلك المسميات الجميلة الي الجيل الجديد ( أنا زاتي من الجيل الجديد ) ) .
هوووووووووووووووووووووووووي يا مصطفي جيل جديد شنو انا زاتي من الجيل الجديد بالله هووووووووووووووووووووووي ياجنه انت من زمن الكمونيه بالمتر وزمن جوز الحمام تلاته فرد قال جيل جديد قال انت تسلم يالحبيب ونشكر مسهماتك مع اخوك ابوعُلا اقصد جدك هو قدرك ولا لحم صدرك وتسلم ياغالي

[مصطفي دعوب]

هوووووووووووووووووووووووووي يا مصطفي جيل جديد شنو انا زاتي من الجيل الجديد بالله هووووووووووووووووووووووي ياجنه انت من زمن الكمونيه بالمتر وزمن جوز الحمام تلاته فرد قال جيل جديد قال انت تسلم يالحبيب ونشكر مسهماتك مع اخوك ابوعُلا اقصد جدك هو قدرك ولا لحم صدرك وتسلم ياغالي

هوووووووووووووووووووي ياود الطاهر منو القال ليك انا ما من الجيل الجديد شايف في الصورة عندي جلحات والا سنوني مكسرات نحن اولاد عوايل وعندنا فايل وقع ليك والا اعيدو ليك .
بس الحمد لله الشيب مابظهر في الصورة . كان حاتكون فضيحة .
وحبيبنا ابو علا تحبو من أول احتكاك الراجل ماساهل وله تأثير سحري اول مادخلت علي المنتدي وشاركتة مشاركه بسيطة القي ليك الراجل نفخني ليك جنس نفخة بس التقول كان منتظرني ادخل المنتدي ، اه ومن اليوم داك وانا هشته وقعدت ابرطع ليك في المنتدي جنس برطعة . بيت النسوان دخلته عليهو ( منتدي النواعم ) . ومع انني جديد في المنتدي لكن بكلامكم الطيب وترحيبكم حسيت كأنني لي سنين طويلة معاكم . والظاهر عليك ياود الطاهر انك كبير القعدة دي وانا اتخيلك قاعد كدة في الصالون ولافي العمة قلوظ ومتحكر في نص العنقريب والجماعة كلهم قاعدين حواليك . بس لحدي الآن ماعارف كبير انت والا ابو علا . عاوز اجابة صريحة .
ومواصلة للمسميات الجميلة في ربوع وطنا الحبيب نخش ليكم في الاكلات وانا بحب السفسفة والمنجرة .
هناك اكلات سودانية نسمع بها فقط دون ان نكون قد اكلناها او حتي رأيناها ومن ضمن تلك الاكلات :
( أم شعيفة )
وام شعيفة لها اسماء اخري منها ( فرطاقة البصل ) ( ام شعيفة الخلت المرة ضيفة ) وذلك لانها سريعة الطبخ وكذلك لاتكلف اي شئ وهي عبارة عن بهارات ( كزبرة وملح ) وبصلة واحدة وموية تغلي مع بعض ويضاف اليها الويكة وتأكل بالعصيدة والكسرة .
والملاح ان خلا من اللحم كانو بقولو عليهو ام شعيفة .
شفتو الشغلة بسيطة كيف ماعاوزة اي مواد ولا تعب وكان انت واقف علي فد كراع بتعملها .
اذا كانت هنالك طرق اخري ورونا ليها معلوماتنا امكن تكون بسيطة ومنكم ياناس مدني نتعلم .

مع تحياتي لود الطاهر وابو علا

[abu_ola]

الليله الصعيد جاب الهبوب مقلوبه ... وبى شوفتك يا أبو علا قلوبنا بقت مربوبه
جيناك في ضلك البيهو الجنيات يحكوبه .. ضلا وسيع بالحيل .. يشيل السمح والشين .. وشاهيك يا الخزين .. ذكرني أم زين .. وحاتك يا ضو القبيلة .. ما شفنا منك شين
ومعاك بي قلوبنا ... وقدامك .. نحن .. متظاهرين ..

أرمي لي قدام .. ونحن وراك:p


العزيز جلالة

تحدوني البسمة و ازداد زهاءاَ و انا اقرا هذا الكلام الرائع في شخصي الضعيف فلك الشكر و التقدير و ألف مرحبا و سهلاً بك في كشكولنا التراثي النائر

نتمني ان يطيب لك المقام فتشاركنا التوثيق و نشر المعرفة حتى ننتشل المتحنكشين و المدلعين من ظلام الجهل و نهديهم صراطاً مستقيما

[abu_ola]

هوووووووووووووووووووووووووي يا مصطفي جيل جديد شنو انا زاتي من الجيل الجديد بالله هووووووووووووووووووووووي ياجنه انت من زمن الكمونيه بالمتر وزمن جوز الحمام تلاته فرد قال جيل جديد قال انت تسلم يالحبيب ونشكر مسهماتك مع اخوك ابوعُلا اقصد جدك هو قدرك ولا لحم صدرك وتسلم ياغالي

هوووووووووووووووووووي ياود الطاهر منو القال ليك انا ما من الجيل الجديد شايف في الصورة عندي جلحات والا سنوني مكسرات نحن اولاد عوايل وعندنا فايل وقع ليك والا اعيدو ليك .
بس الحمد لله الشيب مابظهر في الصورة . كان حاتكون فضيحة .




ود دعوب مساك خير يا ود عشاي قلت لي عمك ود الطاهر قال من الجيل الجديد :D :D

غايتو كان كدي في ناس إلا نرجعهم رحم الغيب قال جيل جديد قال

انتو يا أعمامي ( ود دعوب & ود الطاهر ) إلا يرفعوا ليكم سقف سن الشباب لـ 40 سنة و بعد دا الواحد منكم إلا يدنقر و بي الضالين آمين يدخل في سن الشباب :D :D

ود دعوب يا ياب تتبارك و ما تتشارك مشاركتك حلوة بالحيل و كتر منها عشان نمسح حنكشة ناس عمك ود الطاهر ديل ( حكمتو بالغة يضع حنكشتو في أكبر خلقو )

[طلال الصول]

والله يا ابو عٌلا حكايتك حكاية وروايتك رواية الارشيف الحضري الممزوج بالنردين
وكشكولك بس منترع ما قصرت تب والله

[مصطفي دعوب]

يديك العافية ياابوعلا وكمان الله يسامحك بتلمني مع ود الطاهر ياخي ده قدر جدي الرابع عشر لكن مقبولة منك والاربعين سنة دي انا بشوفها رهاب رهاب إلا تكون حصلتها انت ولكن الواحد مابزعل من عمو اي شئ منك مقبول .
وانا والله بلقي راحتي في منتداكم وخاصة نفاج جدي ود الطاهر والواحد بحس كأنو بعرفكم من زمان وكشكولكم عجيب بس ناقص محمد الفاتح ابو عاقلة وكوثر بيومي ونتم الناقصة .
عندي مشاركة وبرضو عن السفسفة بس خليني اتصل بالحاجة في السودان واخد باقي الوصفات عشان المنجرة تكون تمام ومدنكلة .
وانا بطبعي احب العضة واتعلمنا نسوي اكلات كثيرة في السعودية بحكم اننا عزابة . والغريبة لمن كنت في السودان لم اكن اعرف اعمل اي اكلة شعبية بل لم آكل معظمها لكن هنا اتعلمنا اي شئ ( ملاح روب ، ملاح تقلية باللقمة وبالقراصة ، ملاح لبن ، ملاح ويكاب ) عليك الله ماغريبة وعندنا سوق مشهور بالرياض في شارع ( غبيراء ) اي واحد جاء السعودية بعرفو فيهو اي شئ سوداني وفي هذا الشارع تحس كأنك في السودان كل المحلات سودانية المطاعم سودانية والاكلات شعبية وستات الكسرة ومحلات للمنتوجات السودانية اي حاجة عاوزها بتلقاها ( الكوانين ، الفحم السوداني ، صاج العواسة ، صاج القراصة ، الدكوة ، المفراكة ، محلات التمباك ، الطلح ، الشاف ) كل شئ يخطر علي بالك موجود . ومن محاسن الغربة انها بتعلمك انك تعتمد علي نفسك في اي شئ لازم تتعلم انك تغسل وتكوي واهم شئ انك تطبخ والحمد لله اتعلمنا نطبخ معظم الاكلات الشعبية والتي لها طعم خاص في الغربة وما حتصدقوني لو قلت ليكم انو معظم اصدقائنا بتصلو علينا عشان يعرفو نحن عاملين ملاح بي لقمة ولو اديناهم الضوء الاخضر البيت ( بتملئ زت ) . شنو ليكم ماخطرين
تحياتي لك ابو علا وانت تزين النفاج ولي جدنا ودالطاهر ونحن نأخذ منه الحكم .
ودمتم

[abu_ola]

والله يا ابو عٌلا حكايتك حكاية وروايتك رواية الارشيف الحضري الممزوج بالنردين
وكشكولك بس منترع ما قصرت تب والله


ود الصول شيخ الحناكيش

حبابك يا عشا البايتات

و اليوم السعيد لينا جابك

كدي يا ود عشاي ترجم الكلام دا للحناكيش باقي هم بيفهمو منك اكتر من عمك ود الطاهر و بي المرة كدي اعمل ليهم منو سندوتشات و زيدو موية و اعمل ليهم رضعات منو بس الأمانة لازم تختو في التلاجة عشان ما يلغط عليهم ،،،،


بجيك صاد بالمهلة

[صلاح ودالطاهر]

يديك العافية ياابوعلا وكمان الله يسامحك بتلمني مع ود الطاهر ياخي ده قدر جدي الرابع عشر لكن مقبولة منك والاربعين سنة دي انا بشوفها رهاب رهاب إلا تكون حصلتها انت ولكن الواحد مابزعل من عمو اي شئ منك مقبول .
وانا والله بلقي راحتي في منتداكم وخاصة نفاج جدي ود الطاهر والواحد بحس كأنو بعرفكم من زمان وكشكولكم عجيب بس ناقص محمد الفاتح ابو عاقلة وكوثر بيومي ونتم الناقصة .
عندي مشاركة وبرضو عن السفسفة بس خليني اتصل بالحاجة في السودان واخد باقي الوصفات عشان المنجرة تكون تمام ومدنكلة .
وانا بطبعي احب العضة واتعلمنا نسوي اكلات كثيرة في السعودية بحكم اننا عزابة . والغريبة لمن كنت في السودان لم اكن اعرف اعمل اي اكلة شعبية بل لم آكل معظمها لكن هنا اتعلمنا اي شئ ( ملاح روب ، ملاح تقلية باللقمة وبالقراصة ، ملاح لبن ، ملاح ويكاب ) عليك الله ماغريبة وعندنا سوق مشهور بالرياض في شارع ( غبيراء ) اي واحد جاء السعودية بعرفو فيهو اي شئ سوداني وفي هذا الشارع تحس كأنك في السودان كل المحلات سودانية المطاعم سودانية والاكلات شعبية وستات الكسرة ومحلات للمنتوجات السودانية اي حاجة عاوزها بتلقاها ( الكوانين ، الفحم السوداني ، صاج العواسة ، صاج القراصة ، الدكوة ، المفراكة ، محلات التمباك ، الطلح ، الشاف ) كل شئ يخطر علي بالك موجود . ومن محاسن الغربة انها بتعلمك انك تعتمد علي نفسك في اي شئ لازم تتعلم انك تغسل وتكوي واهم شئ انك تطبخ والحمد لله اتعلمنا نطبخ معظم الاكلات الشعبية والتي لها طعم خاص في الغربة وما حتصدقوني لو قلت ليكم انو معظم اصدقائنا بتصلو علينا عشان يعرفو نحن عاملين ملاح بي لقمة ولو اديناهم الضوء الاخضر البيت ( بتملئ زت ) . شنو ليكم ماخطرين
تحياتي لك ابو علا وانت تزين النفاج ولي جدنا ودالطاهر ونحن نأخذ منه الحكم .
ودمتم

النبي فيك يامصطفي الجلاحات دي ساااااااااااااااااااااااي ماعمر خمسين سنه
وصفات شنو تجيبه من الحاجه تلقاك يابورؤيس الكلام ده كلو من دقنسك ده اخوي مصطفي حبابك وانت جوه القلب قبل ماتشوفك العين وكان انت في السعوديه كدي ختلينا رقمك نتصل عليك نبل شوقنا سااااااااااااااااااااااااااااااااااااااااااااااااا ااااااي كان ينبل

[عوض الكواكب]

انا بديت العب معاكم في النفاج وعايز اعرف معنى نفاج التانية غير باب السر حق الجيران

[طلال الصول]

كدي دا كلو هين صورة جدك وين

[abu_ola]

انا بديت العب معاكم في النفاج وعايز اعرف معنى نفاج التانية غير باب السر حق الجيران

عوض الكواكب عربي الجزيرة

مرحبتين حبابك و حباب اهل الجزيرة كلهم ، أت يا الخزين مفروض تشارك في الكشكول دا و تعلم الحناكيش التراث و الأصالة

في انتظارك مساهماتك تقبل تحياتي

[abu_ola]

كدي دا كلو هين صورة جدك وين



وديتها المتحف القومي و جبت بدالها الهنتر دا ما شايفو و لا ما عاجبك

[بورتبيل]

يا ابو علا سلام
كشكولك جميل جداً .. بس انا كنتا بسأل عن الفهرس بتاع الكشكول دا كيف؟؟؟
يعنى الكلمات الدايرنها بنلقاها ولا نسال منها؟؟

كدي يا ابو علا ادينا كم كلمة ومعناها .. ونشوف الكشكول دا كيف !!

[عوض الكواكب]

ابوعلا الحناكيش بعرفو ديل
البرم زهرة شجرة القرض اي اسنط
الترتوس الفحم الاصلي زمان وهو ينحدر من جزور شجرة السنط
الكركعوب وهو لوز القطن الناشف
الخريم ثمر شجرة الحراز
والدنكوج والمرداية والضريسة والبودة ودي انواع شوية من الحشائش البتضر زراعة العيش بانواعه
والسلعلع بخليها للحناكيش

[طلال الصول]

وديتها المتحف القومي و جبت بدالها الهنتر دا ما شايفو و لا ما عاجبك

بالغت لكن تبيع الاصل وتجيب التقليد

بعدين دايرنك يعني تقول لينا مصطلحات خفيفة للحناكيش علشان نفهم هاهاها

الملاهي - الكورنيش - السيارة - الفلوس - ياي - بابي يعني حاجات زي كده

[صلاح ودالطاهر]

ابوعلا الحناكيش بعرفو ديل

البرم زهرة شجرة القرض اي اسنط
الترتوس الفحم الاصلي زمان وهو ينحدر من جزور شجرة السنط
الكركعوب وهو لوز القطن الناشف
الخريم ثمر شجرة الحراز
والدنكوج والمرداية والضريسة والبودة ودي انواع شوية من الحشائش البتضر زراعة العيش بانواعه

والسلعلع بخليها للحناكيش


وحاتك يا عوض جماعتك يسمعوا الكلام ده يقولوا دي لغه تايوانيه ولاشنو

[abu_ola]

يا ابو علا سلام
كشكولك جميل جداً .. بس انا كنتا بسأل عن الفهرس بتاع الكشكول دا كيف؟؟؟
يعنى الكلمات الدايرنها بنلقاها ولا نسال منها؟؟

كدي يا ابو علا ادينا كم كلمة ومعناها .. ونشوف الكشكول دا كيف !!



الأنيس مدثر

تحياتي و احتراماتي و انت تشرف الكشكول بطلتك البهية

أسف جداً على التاخير في الرد و ذلك لإنقطاع التيار الكهربائي

فتش الكشكول كويس و بتلقاهو مرتب حسب الانشطة و كان ما لقيت الكلمة المطلوبة


انت تســــــــــــــأل و تــــــــــــور الجـــــــر يجـــــــيب

[abu_ola]

ابوعلا الحناكيش بعرفو ديل
البرم زهرة شجرة القرض اي اسنط
الترتوس الفحم الاصلي زمان وهو ينحدر من جزور شجرة السنط
الكركعوب وهو لوز القطن الناشف
الخريم ثمر شجرة الحراز
والدنكوج والمرداية والضريسة والبودة ودي انواع شوية من الحشائش البتضر زراعة العيش بانواعه
والسلعلع بخليها للحناكيش


عوض الكواكب كان الحناكيش بعرفوا جنس كلامك دا يكونو حناكيش كيف ؟؟؟،، و ناس عمك ود الطاهر ديل بكون ديكم عوعا و ورلهم صنقر

صراحة المعلومات مفيدة جدا و خصوصاً مشكلة من كل شدرة عصا

ذكرتني بي عتود البرم اللأصنقر قرم و لا بارا الغنم

غايتو يا عوض اخوي انت شكلك كده و الله أعلم تكون من الحلة الجنبا بس ساااكت اتشعلقت في الكواكب دي و خليتنا نفتكر انك من كوكب تاني

تعال يا ود عشاي نتساعد و نكمل المشوار

[abu_ola]

العبوب

هو عبارة عن جلد العجل الميت يتم سخله و يملأ بالقش حتي يصبح بشكك العجل و يستخدم في ساعة الحليب لخداع البقرة لتظن بأن الواقف أمامها هو عجلها المتوفي

المشلعيب

المشعلين يسمي دواء الكلب او ثلاجة المسكين اناء يصنع من السعف على شكل ضفاير يعلق في الراكوبة او سقف البيت يستخدم لحفظ الطعام


الملود

أداة من أدوات الزراعة مقوسة الشكل تشبه السهم الى حد ما ، تستخدم في حش القش و تنظيف النباتات من الأعشاب الضارة


الكبروس

أناء يستخدمه الراعي لحفظ الطعام و يكون عبارة عن بسلة ، كورة أو علبة قديمة


الدهاسير

نبات بري ينمو على حافة الترعة أو الجداول الزراعية و يستخدم كبخور لعلاج الرطوبة


الحنقوق

يسمي السعف المر او ضكر السعف هو نوع من السعف القوي هو عبارة عن الجزء الأوسط من جريد النخلة ( الورقة ) يستخدم قي صناعة المقاشيش


البخسة

أناء يصنع من القرع بعد تجفيفة و تنظيف البذور من داخله و يستخدم في حفظ الروب كما تستخدم البخسة الصغيرة في الشراب ( مثل الكوز )


الضناب

حب صغير يستخدم لربط السرج و يمر بمؤخرة الحمار لشد السرح و منعه من السقوط من على ظهر الحمار


ام شعيفة

ملاح يشبه إلى حد ما ملاح الشرموط الأبيض و هو عبارة عن ( موية + ويكة + بصل ) و لكن دون إستخدام الشرموط ( اللحم المجفف )

اللقاي

أناء صغير عبارة عن كورة بخسة أو أي اناء قديم يوضع تحت الزير لتشرب منه السواسيو ( السواسيو = الكتاكيت )

[مصطفي دعوب]

العبوب

هو عبارة عن جلد العجل الميت يتم سخله و يملأ بالقش حتي يصبح بشكك العجل و يستخدم في ساعة الحليب لخداع البقرة لتظن بأن الواقف أمامها هو عجلها المتوفي

المشلعيب

المشعلين يسمي دواء الكلب او ثلاجة المسكين اناء يصنع من السعف على شكل ضفاير يعلق في الراكوبة او سقف البيت يستخدم لحفظ الطعام


الملود

أداة من أدوات الزراعة مقوسة الشكل تشبه السهم الى حد ما ، تستخدم في حش القش و تنظيف النباتات من الأعشاب الضارة


الكبروس

أناء يستخدمه الراعي لحفظ الطعام و يكون عبارة عن بسلة ، كورة أو علبة قديمة


الدهاسير

نبات بري ينمو على حافة الترعة أو الجداول الزراعية و يستخدم كبخور لعلاج الرطوبة


الحنقوق

يسمي السعف المر او ضكر السعف هو نوع من السعف القوي هو عبارة عن الجزء الأوسط من جريد النخلة ( الورقة ) يستخدم قي صناعة المقاشيش


البخسة

أناء يصنع من القرع بعد تجفيفة و تنظيف البذور من داخله و يستخدم في حفظ الروب كما تستخدم البخسة الصغيرة في الشراب ( مثل الكوز )


الضناب

حب صغير يستخدم لربط السرج و يمر بمؤخرة الحمار لشد السرح و منعه من السقوط من على ظهر الحمار


ام شعيفة

ملاح يشبه إلى حد ما ملاح الشرموط الأبيض و هو عبارة عن ( موية + ويكة + بصل ) و لكن دون إستخدام الشرموط ( اللحم المجفف )

اللقاي

أناء صغير عبارة عن كورة بخسة أو أي اناء قديم يوضع تحت الزير لتشرب منه السواسيو ( السواسيو = الكتاكيت )

يديك العافية ابو علا ودائماً كتاباتك ثرة ومفيدة .
متعك الله بالصحة والعافية

[abu_ola]

يديك العافية ابو علا ودائماً كتاباتك ثرة ومفيدة .
متعك الله بالصحة والعافية



الغالي ود دعوب

ما تعمل لينا فيها حنكوش و كــــــــــــــــدا

شارك يا حلو و سرك في بير و خائف من ناس فلان رسل مشاركات على الخااااص

[بورتبيل]

اللقاي

أناء صغير عبارة عن كورة بخسة أو أي اناء قديم يوضع تحت الزير لتشرب منه السواسيو ( السواسيو = الكتاكيت )

اولاً حمــــــدا لله على العــــــــودة الحميــــدة باذن الله

وثانيــاً ولله لقد تركت فينـــا فراغـــــــاً كبيراً بغيـــابك.

وثالثـــاً اللقـــاي يسمى في بعض مناطق الجزيرة ب(النقّاع) هو نفس الاناء الذي يوضع تحت الزيــر
هــذا للمداخـــلة فقط يا استــاذنا.
ونواصـــــل

[وائل]

البــــوســت بالجد أكتر من روعــــــــــة

يديك الصحة والعافية أبو علا

وكل سنة وانت طيب

[مثني ودالعيكوره]

شكراً يا شباب علي البوست الانيق....

وما زلت تتحفنا يا ابو عُلا..... بالروائع يا رائع

واصلوا وعين الله ترعاكم

مع عاكر مودتي.....

[mahagoub]

وحاتك يا عوض جماعتك يسمعوا الكلام ده يقولوا دي لغه تايوانيه ولاشنو

هو صحى التعابير دى جايبنها من وين

[abu_ola]

هو صحى التعابير دى جايبنها من وين




أنت يا عمو محجوب وقت ما عارف التعابير دي بجيبو تيرابها من وين كان كدي النرجا حناكيش العمارات سااااكت

[abu_ola]

هو صحى التعابير دى جايبنها من وين




حكمة الله يا عمو محجوب التعابير دي قايمة ساااكت بروس

[المكاشفى]

ابو علا والله مشتاقين كتير
وحمدا لله على السلامه
وكيف الوليدات
اها والله المنتدى بعدكم عدم

[abu_ola]

سلامات يا ناس

عمي ود الطاهر بيكون بقى جدو

سلامات يا جدو

كشكولي دا بنفض منه الغبار

و بيجه بالمهلة

تعرف مهلة اخت السارة

و تيييييييييييييب

[ابوالنور]

سمعت اسمي جيت جاري توالي
ولله يا ابو اولا الشوق كميات تصدق

[مدنيّة]

والله منور ياابوعُلا

-------------------
بالله تاني ما تغيب مننا

[zukibush]

منورين يا شباب كفيتو ووفيتوا ونرجو منكم ان تواصلوا
وحا احكى ليكم قصة لكن ما تضحكوا
قال البت عروس ومعزومين غذاء فى منزل اخو زوجى الكبير اها قمنا مشينا وختوا الصنية الماخمج
واختكم نزلت بابو تقيل وهاك يا رمرمة
اها ابو حلمي كان قاعد جنبي قمت سبقتو على قطعة بتاعت اسكلوب قام قال لى انت مالك ( جغلانة) قمت انا العويرة ما فاهمة الكلمة
قلت ليهو وبكل بساطة يعنى شنو جغلانة دى
وتعالو شوفوا الضحك ومن اليوم داك مشت على جغلانة
عشان كده انا حا اتابع البوت دى بعناية مركزة عشان ما ينضحك على تانى

لكم التحايا

ام حلمي

[خالد علونى]

منورين يا شباب كفيتو ووفيتوا ونرجو منكم ان تواصلوا
وحا احكى ليكم قصة لكن ما تضحكوا
قال البت عروس ومعزومين غذاء فى منزل اخو زوجى الكبير اها قمنا مشينا وختوا الصنية الماخمج
واختكم نزلت بابو تقيل وهاك يا رمرمة
اها ابو حلمي كان قاعد جنبي قمت سبقتو على قطعة بتاعت اسكلوب قام قال لى انت مالك ( جغلانة) قمت انا العويرة ما فاهمة الكلمة
قلت ليهو وبكل بساطة يعنى شنو جغلانة دى
وتعالو شوفوا الضحك ومن اليوم داك مشت على جغلانة
عشان كده انا حا اتابع البوت دى بعناية مركزة عشان ما ينضحك على تانى

لكم التحايا

ام حلمي


والله يا ام حلمي لقيتك



دا كلوا عرفتوا الباني اسكلب دا شنو؟



إنتي قلتي باني

ولا دي بطشتها أن من بوست تاني

[abu_ola]

سمعت اسمي جيت جاري توالي
ولله يا ابو اولا الشوق كميات تصدق

ابو النور يا زول يا رائع

تحياتي و الشوق مدفق لي براحات لسه ما معروفة وين

يا جنا ها بدل جتار النصراني دا تعال نديك ام كي كي


بتعرف ام كي كي ؟

[abu_ola]

والله منور ياابوعُلا

-------------------
بالله تاني ما تغيب مننا

ام جمال كيفنك يا الغالية

اغيب وين انا تاني

شفتي العولمة السوتها في اخوك

مرقتنا في بلد الحناكيش

بس اخوك طبق الخواجات في عيبو و جاء

شنو ليك ؟؟

اها بتعرفي العب ( بكسر العين و سكون الباء ) و لا عين الخُرج

كان ما بتعرفيهم ختيهم جنب ام كي كي حقت ابو النور بجيهن برواااقة

[abu_ola]

منورين يا شباب كفيتو ووفيتوا ونرجو منكم ان تواصلوا
وحا احكى ليكم قصة لكن ما تضحكوا
قال البت عروس ومعزومين غذاء فى منزل اخو زوجى الكبير اها قمنا مشينا وختوا الصنية الماخمج
واختكم نزلت بابو تقيل وهاك يا رمرمة
اها ابو حلمي كان قاعد جنبي قمت سبقتو على قطعة بتاعت اسكلوب قام قال لى انت مالك ( جغلانة) قمت انا العويرة ما فاهمة الكلمة
قلت ليهو وبكل بساطة يعنى شنو جغلانة دى
وتعالو شوفوا الضحك ومن اليوم داك مشت على جغلانة
عشان كده انا حا اتابع البوت دى بعناية مركزة عشان ما ينضحك على تانى

لكم التحايا

ام حلمي

بت بشرى كيف حالك ان شاء الله بخير

اول شئ حلمى مبروك يا اختي دا ما حضرناه

انا خليتك شايلة ليبيا ( ليبيا دي الجماهرية العربية الليبية الاشتراكية الشعبية و كلو مية المية العظمى )

شوفي يا بت امي طالما انتي ساكنة حي السيد المكي تبقى اقرب الناس لينا و بينا و بينكم ظلط بس

نحنا مجاورين الأزهري الحيطة بالحطية ...

اي حاجة بديك ليها كان قلتي على المكشوف ولا اختها ليك في الريكة و اغطيها بالطبق

ان شاء الله تكوني بتعرفي الطبق و الريكة و اختهم الصغير الهبابة

بس امانة فيك توريني الاسكلوب دا مترو بي كم

[abu_ola]

والله يا ام حلمي لقيتك



دا كلوا عرفتوا الباني اسكلب دا شنو؟



إنتي قلتي باني

ولا دي بطشتها أن من بوست تاني

باني شنو ؟؟

هسي البت دي قالت باني


فاكرو انت ابو الدنان و لا شنو

قال باني قال

تعرف ابو الدُنان ؟؟

حاجة كده زي النحلة بس ما استايل


مشتاقين يا علوني حد الاندهاش

[بنت الرفاعي]

حمدا لله على السلامة يا أبو عُلا، وأخبار عُلا؟.:)

[ود المطامير]

ولا اختها ليك في الريكة و اغطيها بالطبق

ان شاء الله تكوني بتعرفي الطبق و الريكة و اختهم الصغير الهبابة

بس امانة فيك توريني الاسكلوب دا مترو بي كم

أهلها جووووووووووووووو
ميييييييييييين ؟ أسد البطانه ورفيق دربى ؟
والله دا يوم الهنا والله

أسمعنى الكلمه الملوّنه بالأحمر دى معاناها شنو ؟

أصلو أخوك من سمعها شعر جلد إتقلب

وشعرت بالجوع .. وخاصه لمّا تكون محتواياتها بايه وبالروب والطماطم والتوم
والبصل الأخضر وزيت السمسم حاجه ما تخلص

أبو علا .. شوووووووووق بحوووووووووووور