المساعد الشخصي الرقمي

مشاهدة النسخة كاملة : حكايتي مع ست الشاي



صلاح ودالطاهر
25-06-2007, 04:27 AM
في الاجازه السابقة حصل لي موقف طريف وفيه عظه انو الواحد يلملم قصبو ويرجع البلد في احد أيام الاجازه وإنا في مدني تحركت انا وشقي الأكبر من مايو إلي السوق وشقي الأكبر ده محبوب لده الجميع واصلو هو صاحب ركشه وملقب بعوض صرخة ومن مايو لمن وصلني السوق الشباب البيقابلو يشيل ويكورك ليهو ياصرخه وهو يرد ياحبيب صرخه حتي ولدو الأولاد في الحي يكوروكو ليهو ياصرخه وهو مثل أبوه يرد عليهم ياحبيب صرخه المهم في الموضوع قال لي شنو رائك نمشي نشرب شاي مكرب من جنب نادي الاتحاد بيني وبينكم انا كنت في حوجه لهذا الشاي آها نسيت اصف ليكم كنت لابس كيف واصلو أخوكم عامل مغترب وفي إذني اسع أصداء الغنية البت قول يامغترب سنتين ويا ضابط بدبرتين المهم لابس ليك ديك يالجلابيه البيضه مكويه والشال في الكتف الشمال وديك يالساعه وعامل نفسي شايل ليك داك الجوال الماخمج وواهم نفسي بالاغتراب اها يأهل الخير جلسنا في الكراسي ياحليل زمان البنابر مكان ستات الشاي فاختر أخي واحده وطلب منا شاي صاموتي وانا طلبت كركدي عشان قالو بينزل الضغط طبعا اخي كان جالس يلبس كما البس جلابيه وطاقيه ونتجاذب إطراف الحديث بس فجاء ست الشاي قالت ليهو هووووووووووي انت مغترب وين وحساب عندك ولاعند الفرده داك المهم بلعتها في صمت خشمي وقالت ليه أخوك ده قاصداني انا شغال هنا في مدني ولا الحصاحيصا عشان كنا بنتكلم عن الحصاحيصا ودي صفعه ثانيه المهم اخي عشان يدارك الموقف شافني حبكته وهو كاتم الضاحكة قال ليها انا ما مغترب بس انا عندي ركشه لكن اخوي دع مغترب في السعودية ولكن بداءت افتش في نفسي ياربي ست الشاي دي شافت فينو شنو اها وانا بقعار عيني شفتها مصت الملح وحركة قدومه يمنةً ويسره وجاءت الطامة الكبري عندما رنه جوالي وفي نفس اللحظة رنه جوالها تقول توارد خواطر وبطرف عيني كحلت جوالها كنت بفتش في طريقه ما تشوف جوال لانو جواله اسكتو سااااااااااااااي ذي مابيقولو ناس مدني شده وغسيل عده شديد شدة الحمار القرش القله ولكن محاولاتي باءت بالفشل زولتنا لمحت جوالي وقالت اها يامغترب جوالك ما التمساح عاد ماكشفه وعينته لاخوي لقيتو ميت من الضحك وعرفت انو الجوالات في السودان ليها مسميات علي حسب الوجاه وادناه تلاتين حشره اقصد 3310 طبعا جوال اخوكم طلع من زمن الانجليز انجليز شنو ده من سنة حفروا البحر المهم زولتكم قالت لينا بسرعة يافرد اصلو الجلسة دي انا ساوها لبتاعين الاتوس والركشات ما ......... عرفتها قاصده شنو قالت اها يافرده كدي سوليك اتوس عشان يكون عندك جوال صاح اها ياخواني دحين ست الشاي دي ماوصلت للمغتربين رسالة اها فوتكم بعافية سلملم

مختار بازى
25-06-2007, 05:01 AM
اول حاجة هي اختصرتك عارف لية لانو فيك علامات الكبر بضم الكاف ظااااااااااهرة اللهي لبس الجلابية وتاني شيء مغترب راكب ركشة علي ابو رانيا الطلاق طبعا انا ما معرس عشان كدا بحلف بي طلاقو هو:D اكان شفتة في البلد سواقين الاتوز ديل ما ساعلين في الخليج كلو
وعولا بالتبادي التلفونات ما بتندسة جوة الجيب بنشال فوق اليد لزوم التحشيش وكدا وتاني هام لو عايز تنزل السودان تاني اتصل علي نرسل ليك اسامي التلفونات:D :)
ولو مشيت لي ست شاي تاني ما تقول مخترب قول سواق اتوس وساقا صاحبك مشي مشوار وجاي وشوف الفرق:D

abu_ola
25-06-2007, 05:32 AM
يا و د الطاهر اخوي قال ليك في ست شاهي في الكلاكلة صفها حدو ابو حمامة قال ليك الناس جنبها متكسرة في البنابر يشفطو في الشاهي و حاضنين كفتريت الشاهي زي الجدادة الراكد في البيض و الماعارف يقول عدس :D :D

ها زول ها قال ليك الجماعة البجو يفطروا عند ست الكسرة الجنبها الواحد بكون قاعد ناصية و عاوج رقبتو كده حركة في شكل وردة الواحد لمن طاقيتو تقع في الملاح ما بكون جايب خبر

ها زول ها قال ليك دي اخر اليوم وقت تعزل تجمع شي ما شي شي جولات و شي سبح و شي طواقي و شي نعلات و شي اكياس فواكه و شي تمبلولات و التمبلووووول لوووول ها زول ها دي الاستاف بتاع الهوم دليفري بتاعها يطاقش 24 ساعة خليك من ست الشاهي ام جولاً صفقـــة الشفتها في السوق الكبير دي

بعدين يا اخوي انت مالك و مال الإغتراب انت ما سمعت الاغنية المامغترب يبقي تاجر غرب كدي امسك في تاجر غرب احسن ليك من الإغتراب أب كفيل و لا خايف تاجر غرب دي تجيب ليك الجنجاويد في النفاج بتاعك دا :confused: :confused:

صلاح ودالطاهر
26-06-2007, 06:17 AM
اول حاجة هي اختصرتك عارف لية لانو فيك علامات الكبر بضم الكاف ظااااااااااهرة اللهي لبس الجلابية وتاني شيء مغترب راكب ركشة علي ابو رانيا الطلاق طبعا انا ما معرس عشان كدا بحلف بي طلاقو هو:D اكان شفتة في البلد سواقين الاتوز ديل ما ساعلين في الخليج كلو
وعولا بالتبادي التلفونات ما بتندسة جوة الجيب بنشال فوق اليد لزوم التحشيش وكدا وتاني هام لو عايز تنزل السودان تاني اتصل علي نرسل ليك اسامي التلفونات:D :)
ولو مشيت لي ست شاي تاني ما تقول مخترب قول سواق اتوس وساقا صاحبك مشي مشوار وجاي وشوف الفرق:D
اها الفيك اتعرفت قال اتوس قال

صلاح ودالطاهر
26-06-2007, 06:19 AM
بعدين يا اخوي انت مالك و مال الإغتراب انت ما سمعت الاغنية المامغترب يبقي تاجر غرب كدي امسك في تاجر غرب احسن ليك من الإغتراب أب كفيل و لا خايف تاجر غرب دي تجيب ليك الجنجاويد في النفاج بتاعك دا :confused: :confused:


هووووووووووووووووووي يا ابوعلا بضم العين شنو الجن راكب جواد ده بيشربوهو مع الجبنه ولاشنو ده

سواااح
26-06-2007, 06:26 AM
هووووي يا ود الطاهر ..

ستات الشاي الان اخر موديل
موية باااااردة قبل الشاي
وهاااااااك يا بخور ويا حاجات تانية
بس جهز الجواااااال الجديد
وابقي طاااااااااالع

دمــــــــــــــــــت ،،

abu_ola
26-06-2007, 06:26 AM
هووووووووووووووووووي يا ابوعلا بضم العين شنو الجن راكب جواد ده بيشربوهو مع الجبنه ولاشنو ده


و انت الصادق !!! دا يا الخزين بسفوهو سفوفة الصباح على الريق بس ما تكتر منو لانو بوديك لاهاي دربك عديل

و بخليك تغني

واي واي

خلاني براي

المسافر جدة

قال لي باي باي

الطويل
27-06-2007, 03:52 AM
هههههههههههههههههههههههههههه

دنيا والله ياود الطاهر

وتعرف ياحبيبنا والله ناااس السودان حالهم أحسن من حالنا فى حاجات كتيره ما بتنحسب

ونحن مشكلتنا والواحد ماقادر يأخد قرار حاسم

وربك اسوى الفيها الخير يا ود الطاهر

صلاح ودالطاهر
04-07-2007, 05:14 AM
هووووي يا ود الطاهر ..

ستات الشاي الان اخر موديل
موية باااااردة قبل الشاي
وهاااااااك يا بخور ويا حاجات تانية
بس جهز الجواااااال الجديد
وابقي طاااااااااالع

دمــــــــــــــــــت ،،

اي الجديد في الكرو سمح وجوال طوالي خارج الخدمه مبروووووووووووووووووووووووووك ياعريس

صلاح ودالطاهر
04-07-2007, 05:15 AM
و انت الصادق !!! دا يا الخزين بسفوهو سفوفة الصباح على الريق بس ما تكتر منو لانو بوديك لاهاي دربك عديل



و بخليك تغني


واي واي


خلاني براي


المسافر جدة



قال لي باي باي


قالو في المثل اسال مجرب

صلاح ودالطاهر
04-07-2007, 05:15 AM
هههههههههههههههههههههههههههه



دنيا والله ياود الطاهر


وتعرف ياحبيبنا والله ناااس السودان حالهم أحسن من حالنا فى حاجات كتيره ما بتنحسب


ونحن مشكلتنا والواحد ماقادر يأخد قرار حاسم



وربك اسوى الفيها الخير يا ود الطاهر

الحمد لله زعلتك فكت وماحلفته

الطويل
04-07-2007, 05:43 AM
الحمد لله زعلتك فكت وماحلفته


ههههههههههههههههههههههههههههههههههههههههههههههه

حليفه مامعانا ياود الطاهر:D

الطويل
04-07-2007, 05:44 AM
الحمد لله زعلتك فكت وماحلفته


ههههههههههههههههههههههههههههههههههههههههههههههه

حليفه مامعانا ياود الطاهر:D

زيزي
07-07-2007, 08:17 AM
ههههههههههههههه

ههههههههههههههههههههههههههههههههههههههههههههههه

حليفه مامعانا ياود الطاهر:D

صلاح ودالطاهر
08-07-2007, 01:56 AM
ههههههههههههههه

زيزي مافهمنا حاجه

المكاشفى
13-07-2007, 02:28 PM
الكلام ده مدنية سمعت بيه ولا لسه ؟؟؟؟؟

صلاح ودالطاهر
13-07-2007, 09:44 PM
الكلام ده مدنية سمعت بيه ولا لسه ؟؟؟؟؟


وحاتك يود امي كان سمعت بيهو تخلي ريحتنا طير طير وربك يستر

((أبــوعاذر))
01-09-2007, 01:49 AM
طبعا ظاهرة ستات الشاي
اشتهرت في مدني
والشباب بقوا موضوهم القعاد معاهم
طبعا ظاهره سيئه للغاية
وستات الشاي في في السعودية تحت الكبري
بنفس ودمدني
وبرضوا السودانين هم البيجلسوا معاهم

صلاح ودالطاهر
07-09-2007, 10:52 PM
طبعا ظاهرة ستات الشاي
اشتهرت في مدني
والشباب بقوا موضوهم القعاد معاهم
طبعا ظاهره سيئه للغاية
وستات الشاي في في السعودية تحت الكبري
بنفس ودمدني
وبرضوا السودانين هم البيجلسوا معاهم

تعرف ابو عاذر اكتر حاجه تزعل الواحد انو بعض الموجودات تحت كباري جده ما سودانيات لكن لبسهم للتوب السوداني

mahagoub
10-09-2007, 12:09 PM
يا ود الطاهر حباب معليش ست الشاى مسحت بيك الواطا المشكله ما هى براها اى واحد فى السودان عايز يعمل مفتح عليك

هشام السماني إبراهيم
10-09-2007, 01:14 PM
يا ود الطاهر حباب معليش ست الشاى مسحت بيك الواطا المشكله ما هى براها اى واحد فى السودان عايز يعمل مفتح عليك

والله عارف بقاك هنا يا محجوب الحكايات دي بتحبها :rolleyes:

mahagoub
10-09-2007, 08:53 PM
والله عارف بقاك هنا يا محجوب الحكايات دي بتحبها :rolleyes:

حكايات شنو يا الممسوخ

خالد أحمد الصول
15-09-2007, 04:46 AM
المشكلة ما في ستات الشاي ... علي الطلاق مزيج النيل العملها في المغتربين أصلوا ما بتداواه ... خلاهم يعاينو لي الجنيه بي قعر عينهم ... و نحنا هنا ما فضل لينا غير العقالات و أبشرو يالمغتربين بعدين بنجيبكم خبراء أجانب

صلاح ودالطاهر
16-09-2007, 01:11 AM
المشكلة ما في ستات الشاي ... علي الطلاق مزيج النيل العملها في المغتربين أصلوا ما بتداواه ... خلاهم يعاينو لي الجنيه بي قعر عينهم ... و نحنا هنا ما فضل لينا غير العقالات و أبشرو يالمغتربين بعدين بنجيبكم خبراء أجانب


وانت يود الصول حتكون ياكه ولا ودالصول العتيبي

هشام السماني إبراهيم
17-09-2007, 03:57 PM
حكايات شنو يا الممسوخ

حكايتك مع ست الشاى يا فردة:p

جيفارا
18-09-2007, 11:38 AM
والله قلتة ما امشي الا اديكم كباية الشاي دي

http://www.sss2.com/uploads/c9b537c163.jpg (http://www.sss2.com/)

وبعدين الشـــاي بتاع الشوارع ليهو طعم خاص

ابوموده
30-09-2007, 05:16 AM
ها ناى هوى انا كنت ضايع بين المنتديات من اليوم انا معاكم انتو بس

ابوموده
30-09-2007, 05:24 AM
والله ياجيفارا لوشفت الكباية دى عملت فينى عملية ماباقى لى لا اركب يدى فى الشاشة من ماجا رمضان دة ما حسيت بى صداع الا الان للمعلومية انا برة السودان

صلاح ودالطاهر
01-10-2007, 04:10 AM
ها ناى هوى انا كنت ضايع بين المنتديات من اليوم انا معاكم انتو بس

حبابك الف ابو موده انت ياك مننا وفينا وانت صاحب دار حبابك عشره بلاكشره

جيفارا
02-10-2007, 01:01 PM
والله ياجيفارا لوشفت الكباية دى عملت فينى عملية ماباقى لى لا اركب يدى فى الشاشة من ماجا رمضان دة ما حسيت بى صداع الا الان للمعلومية انا برة السودان

عليك الله في احسن من الشاي بتاعنا والله ما لقيت شاي فيهو بهارات زي بتاعنا

غيورجدا
09-10-2007, 11:42 PM
انت يا الطاهر انت شفت ليك عتيبي كده قول ود الصول الدوسري .

صلاح ودالطاهر
17-10-2007, 12:36 AM
قال ودالصول الدوسري قال

الصادق عمر
26-06-2010, 10:12 PM
بصراحه يا ستاذ عجبتني شديد عشان كده رفعت الموضوع

صلاح ودالطاهر
28-06-2010, 10:11 PM
حكايات شنو يا الممسوخ


رساله للجميع عمكم محجوب بسلم عليكم

ود المطامير
28-06-2010, 11:10 PM
والله يا شباب أضحكتونا من القلب الله يديكم العافيه

ود المطامير
28-06-2010, 11:18 PM
وانت يود الصول حتكون ياكه ولا ودالصول العتيبي
هع هع هع هع

شكيت محنك ... كتلتنى بالضحك

ود المطامير
28-06-2010, 11:20 PM
المشكلة ما في ستات الشاي ... علي الطلاق مزيج النيل العملها في المغتربين أصلوا ما بتداواه ... خلاهم يعاينو لي الجنيه بي قعر عينهم ... و نحنا هنا ما فضل لينا غير العقالات و أبشرو يالمغتربين بعدين بنجيبكم خبراء أجانب

أها يا ود الطاهر
شد حيلك هنى كفيل وهناك كفيل

ود الصول .. مشتااااقين والله

صلاح ودالطاهر
28-06-2010, 11:30 PM
هع هع هع هع

شكيت محنك ... كتلتنى بالضحك


كدي اتخيل ود الصول العتيبي

ود المطامير
29-06-2010, 12:13 AM
كدي اتخيل ود الصول العتيبي

وسايق ليلى علوى