المساعد الشخصي الرقمي

مشاهدة النسخة كاملة : مساحة ... للطرب ... والإهداء



ابراهيم
04-10-2004, 01:40 AM
لنستمتع قليلاً ... فأحياناً نحتاج الى هذه المساحات ...
ففي هجير الغربة ، والحنين والاشواق قد تخفف الأغنيات والذكريات تلك المتاعب ، ربما تأجج فينا بعض العذابات وتشعل الحنين ولكنها تبعث الأمل باللقيا وما أحلى اللقيا بعد طول الفراق.


فجميعاً أهديكم هذا اللحن
للمبدع يوسف الموصلى

........................................ المشاعل .........................................
.....................

اسالي الشوق في عيوني
قدر ايه جواي مساحتك
قايده في صدري المشاعل
من وهج نيران سماحتك

يالكبرتي معاي وصرتي
ماليه كل الصوره انتي
كان مسورني الاسي
يالجيتي للفرح انتصرتي
وكنت بلقاك بي همومي
وياما صابرتي وصبرتي
يوم يشيل الليل نجومو
تجيبي في النجمات تختي

حبي زي ضلك معاكي
يبذر الثقه في خطاكي
لانك الضحكه العميقه
الجاتنا في ساعة التباكي
وانتي محبوبتي الوفيه
كلما اتعب تقيدي الشعله فيا

شوفي من ساعة عرفتك
الكلام جننتو كيف
قدر حبك داير اغني بس
اجيب من وين حروف
من عرفتك اهاتي بيكي
واصلي ماقادر اقيف
وانتي مطبوعه ف دواخلي
قصيده بي حبر النزيف
.................................................. ..........................
أضغط على الرابط أدناه لسماع الأغنية
http://www.elmosley.org/Mash.mp3

ابراهيم
04-10-2004, 01:52 AM
ويتواصل تدفُّق شلاّلات الإبداع والروعة ..

ابراهيم
04-10-2004, 01:54 AM
ويتواصل تدفُّق شلاّلات الإبداع والروعة ..

وإليكم هذه المساحة آملاً أن تستمتعوا

عزيز دنياي

http://www.indymedia.no/usermedia/audio/9/bas.ra

ابراهيم
10-10-2004, 01:41 PM
بخاف أسأل عليك الناس

وسر الريدة بينا يتوه

بخاف أكتر

كمان يا غالي

من ايدي انت تضيع

واعيش بعدك

حياتي جفاف

بصوت الشاب الرايع المبدع محمود عبد العزيز


http://www.elhoot.net/Music/B`7AAF.WMA

ابوقيس
14-10-2004, 08:19 AM
تسلم ياابراهيم

كلك زوق

ابراهيم
15-10-2004, 01:10 PM
لكم جميعاً تحياتي وودي
وأشكركم على الذوق الجميل في استرسالاتكم
وإليكم أهدي رائعة ابو عركي (واحشني)
لأنها تعبر عن الشوق ، والمعزة ، والحب
وأهديها نيابة عن قلوب المشتاقين للسودان وأهله الطيبة إلى السودان إلى مدني

http://www.geocities.com/bargoom/wa7ishne.mp3

واحشني00
ياالخليت ملامحك في حياتي
يا الرسيت مراسيك جوه ذاتي
إلا باكر0000 لما ترجع
أنا بحكي ليك عن الحصل
عن بعد المسافه00وقربها
لمان يفارق زول عيون00
غاليات عليهو كثير00وبحبها
والله أحكام 00ياقدر
والله أحكام00يامسافه وياسفر
***************

واحشني000
بس تاني000لما بتسيبني وتسافر
خُت في بالك00إنو دنياي في مدارك
جَد000 لفافات الصبر أنا00دفنتها
وحتي المقاطع00في غناي طوعتها
وغريبه000غنت فـُرقه لا لا مش فـُرقه
الله00الله00تقصد شنو ؟؟
ماعرفتها
بس ممكن أقول000
تجربه خطيره جد00وإجتزتها
لسه 000واحشني

aborawan
16-10-2004, 12:46 AM
مشكور ابراهيم على هذه الجدعات

ابراهيم
18-10-2004, 09:49 AM
الوسيمين أبو قيس وأبو روان كل سنة وانتو طيبين ولكم مني أجمل الأمنيات بقضاء أجمل الأوقات في هذا الشهر الكريم
وبما أننا في منتدى الوسامة فرأيت أن أهديكم هذه الدندنة

http://www.elhoot.net/Music/ELWASEEM.WMA

ابراهيم
23-12-2004, 12:31 PM
عم عبد الرحيم
محمد الحسن حميد
-****-
استمع اليها بالضغط هنا (http://www.anwarking.com/music/mostafa_sid/3m%203bd%20al%20r7iim.wma)

فتاح يا عليم
رزاق يا كريم
صلى على عجل
همهم همهمة
حصن للعباد
وهوزز سبحتو
ودنقر للتراب
هم فوق هم همـة
صنقع للسما
وكان فى الجو
فى غيم
وكم نجمات بعاد
وكان الدنيا صيف
لا قالتو كيف
كيف اصبحت كيف
لا لمسة حنان
لا لمسة وداد
لا رمشة طريف
من قلبا وفى
زى ايام زمان
ايام الدفى
***********
كانت ماهـا فى
كانت فى المراح
شدتـلـو الحمار
تحلب فى الغنم
لى شاى الصباح
والطير ما نضم
ما رسل نغم
عم عبد الرحيم
اتوكل نزل
فى المشرع لقا
زملان الشقا
الجا من الجريف
الجا من الجبل
عل الناس بخير
صبح هاظرم
نقنق ناقرم
غاظوه نعل
وعم عبد الرحيم
ما بخبر زعل
كل الناس هنا
ما بتخبر زعل
تزعل من منو
وتزعل فى شنو
كل الناس حنان
كل الناس صحاب
كل الناس اهل
والماهم قراب
قربم العمل
الطاق اليطق
عشت ابو الزمل
بالحالة العليك
بالفال بالامل
**********
عم عبد الرحيم
كت فتاح فى يوم
فى ايدك تنوم
على كيفك تقوم
لا دفتر حضور
لا حصة فطور
تقرع بالقمر
تزرع بالنجوم
لكن الزمن دوار آ بدوم
عم عبد الرحيم
ماشى على الشغل
فى البال القديم
اتعارض تكل
تنشايح جراح ..
يا كيف الغسل ؟
الدنيا ام صلاح
تبدأ من التكل
من حج الصباح
فى حق الملاح
فى اللبس الجديد
فى القسط القديم
وبيناتن عشم
فى الفرج البعيد
***********
امونة الصباح
قالتلو النعال
والطرقة انهرن
ما قالتلو جيب
ما قالتلو جيب
شيلن يا الحبيب
غشهن النقلتى
والترزى القريب
بس يا ام الحسن
طقهن آبفيد !!
طقهن آبزيد !!
انطقن زمن
وان طق الزمن
لازمك توب جديد
وبى اية تمن
غصبًا للظروف
والحال الحرن
شان يا ام الرحوم
ما تنكسفى يوم
لو جاراتنا جن
مارقات لى صفاح
او بيريك نجاح
ده الواجب اذن
وايه الدنيا غير
لمة ناس فى خير
او ساعة حزن
**************
عم عبد الرحيم يا حر
ماكا حر
ياريت التمر
يا ريت لو يشيل
كل تلات اشهر
والله ايام زمان
كانت ما تمر
كان ما جاك هوان
ما لاقاكى ضر
كان لا ضقت ضيق
لا اتغرغر فقر
لا شابيت غريق
لا طلوح صبر
وكان ما كان وكان
كان اكسيكى در
*******
حيكومات تجى
وحيكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما
باقى على التمور
وارضك راقدة بور
لا تيراب وصل
لا بابور يدور
والماهية اف
عيشة هاك وكف
فى هذا الزمن
تب يا دنيا تب
فى هذ الزمن
تف يا دنيا تف
يا العبد الشقى
ما اتعود شكى
لكن الكفاف
فوقك منتكى
والسوق فيك ياسوق
حالا ما تسر
الا كمان فى ناس
فايتاك بالصبر
ساكنين بالايجار
لا طين لا تمر
واحدين بالايجار
ما لا قين جحر
سلعتم الضراع
والعرق اليخر
عمال المدن
كلات الموانى
الغبش التعانى
بحارة السفن
حشاشة القصوب
لقاطة القطن
الجالب الحبال
الفطن الفرن
الشغلانتو نار
والجو كيف سخن
فرقاً شتى بين
ناس عيشا دين
مجرورة وتجر
تقدح بالاجر
ومرة بلا اجر
عيشهم كمهو
ديل شوف كمهم
وديل شوف هان قدر
*********
وناسا حالا زين
مصنع مصنعين
طين فى طينو وين ؟
ما مرابو مر
بارد همها
لا بعرق جبين
لا وشا يصر
عين والله عين
كلها كمها
عزها هان قدر
دى الجنة ام نعيم
الجنة ام قصر
يا عبد الرحيم
الا ورا القبر
يلكد فى الحمار
لا تسرح كتر
وان كان الفقر
يا عبد الرحيم
اشبه بالكفر
***********
حكومات تجى
وحكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما باقى
على التمور
وارضك راقدة بور
لا تيراب وصل
لا بابور يدور
*********
نقرط للحمار
نقريط الحمار
لا تنسى النعال
الطرقة ، الخدار
اللبس الجديد
تسريح السفر
للماشى الصعيد
ماشى الديش نفر
والبــال اشتغل
والبال اشتعل
ب الابا مايعيد
الحول ما اشتغل
الغبن الشديد
السابة ورحل
الضيق المحل
الفرج القريب
الجا وما وصل
زى الحال دة يوم
لا كان لا حصل
والبال اشتغـل
*************
السكة الحديد
يا عم القطر
يا عبد الرحيم
قدامك قطر
وسال الدم مطر
وطارت دمعتين
وانشايح وتر
يا طاحن الخبر
ما بين القضا
ومرحاكة القدر
الشهدو الدموم
و الدمع الهدر
ايدهم فى التراب
والعين فى القطر
عارفين الحصل
عارفين فى حذر
الخبر اليقين
بوخ وانتشر
اطفال القرى
وعمال الحضر
ادوهو الطيور
ودنو البحر
انصاع السحاب
وادفق مطر
عم عبد الرحيم
فى الشارع عصر
لى تالا اليسار
متفادى الكجر
عربية الكجر
دوية الكجر
جفلت الحمار
وطوح زى حجر
وعم عبد الرحيم
اتلافا القطر
فتاح يا عليم
سال الدم مطر
جرتق بالتراب
منشور بكتاب
روشتة وجواب
ماهية شهر
مفتاحا قراب
اورنيقين سهر
جم لبدة حمار
مقطوعين ضهر
عم عبد الرحيم
يا كم من بشر
عم عبد الرحيم
يا كم من بشر
صحى الموت سلام
ما يغشاك شر
صح فى الموت سلام
ما يغشاك شر
**********

ابراهيم
24-12-2004, 05:31 PM
بشتاق لي عيونك
وما برتاح بدونك

معتز صباحي
اسمع الأغنية (http://www.sudanesemp3.com/mo3tz/moshtag.mp3)

الزمن المريح
24-12-2004, 10:17 PM
يا سلام يا ابراهيم

ترانيم جميلة شديد و حلوة خالص يااااااااااااااااااااااااااااااااااااااااااااااااا ااااااه

اهديك عيونى علشان اهدى و استريح
سلام على ابداعات مصطفى سيد احمد
ياسلام على الجدعات المبهجة من ابننا البار ( ابننا الحب) لا ما اقصد اغنية و د الامين بس قصدت ابننا البار ابو عركى ابن ود مدنى حى العشير

و لك تحيه و عنفوان سلام ...................!!!!!!!

marwa
24-12-2004, 11:32 PM
ya waled ya ebraheem ya ebda3 enta

ابراهيم
25-12-2004, 10:10 AM
الأعزاء الزمن المريح ... مروة ... استرسالكم انما يدل على رهافة حسكم

رقة ذوقكم


فمنكم ولكم وبكم يكون الابداع

وتكتمل اللوحة الابداعية


لكم مني أعذب التحايا

medo
25-12-2004, 12:48 PM
ابراهيم تسلم علي الابداع وفعلا زوقك حلووووو شديد عندي طلب انا من اشد المستمعين والمعجبين باالفنان ابوعركي عاوزه اغنيه كل البنات امونه ---والشابه الخضره وزيتونه يعني سلسله شريط واحشني كلوووووو لوامكن وشكرا ليك مره تانيه:p

ابراهيم
25-12-2004, 03:12 PM
صاحبة في الزمن الصعب (http://www.sudanesemp3.com/abuaraky/3.mp3)


وعد (http://www.sudanesemp3.com/abuaraky/4.mp3)



الزيتونة (http://www.sudanesemp3.com/abuaraky/5.mp3)



يا قلب (http://www.sudanesemp3.com/abuaraky/6.mp3)



أضحكي (http://www.sudanesemp3.com/abuaraky/7.mp3)



واحشنى (http://www.sudanesemp3.com/abuaraky/1.mp3)

أتمنى أن تنال اعجابك يا ميدو

وسنوفي بكل ما يطلبه المستعمون انشاء الله

لكم التحية

ابراهيم
11-01-2005, 11:05 PM
غنية روعة

بعد ما اتلاقت خطانا
والفرح في قلوبنا هلل
طاري جيتك لي زيارة
كيف تفارق تاني ترحل


اسمع (www.sudanesemp3.com/nadir/6.mp3)

marwa
12-01-2005, 11:45 AM
raheeeeeeeeeb 3deeel keda ya ebraheeeem

أبوبكرحامد
13-01-2005, 12:40 AM
الرائع إبراهيم ............ شكراً

المستمعون يطلبون لك دوام الصحة ومزيداً من الإبداع

مع حبى

ود الماذون

ابراهيم
16-01-2005, 01:48 PM
يديكم العافية مروة ... ابوبكر

وانتو تستاهلوا لاحلى والاجمل

ودى أغنية ما حلوة وبس

متعة
روعة
وطرب

اسمعها من هنا (http://www.20six.co.uk/pub/tmbis/mshwark.ra)


الغنية اسمها (مشـــوارك) للاستاذ /عامر الجوهري


بيك
كبرت أحلامي
ولي بخلت أقدارك
وأنا
حظي عاكسني
وأنت
الزمن دارك
ومشتاق يباس عمري
لي زخت أمطارك ..

ابراهيم
16-01-2005, 02:58 PM
الأماني العذبة (http://www.indymedia.no/usermedia/audio/9/alamany.ra)

بكرة يا قلبي الحنين تلقى السعادة

تبقى هاني وابتساماتك معادة

والسرور يملا حياتي ويبقى زادا

وعيني تشبع نوم بعد ما طال سهادة


عيشو مع النغم

aborawan
16-01-2005, 11:35 PM
انت مافى اى حاجة بتبقى مافى
الشمس بلقاها مافى والبحر من غير مرافئ
والمدن بتكون منافى والحنين يبقى جافى
والعسل ماببقى صافى......وانت مافى

aborawan
16-01-2005, 11:41 PM
زيدنى فى هجرانى وفى هواك يا جميل
العذاب سرانى
على عفافك دوم سيبنى فى نيرانى
لمتين تطرانى انظرك فى النوم
جوز نواعسك رآنى
طرفى قصدو يراك
وماقصدت ترانى مابسييب حبكوالله لوضرانى
يانعيم أزمانى ياحياة روحى وبهجة امدرمانى
فى الحياة مافى غيرك زول همانى وفى بعدك اذانى
وفى وصالك امانى بلبل الأغصانى غنى بى ذكراك

aborawan
16-01-2005, 11:42 PM
رف قلبى لى جناح النسايم
راح وشافك وشاف جمالك
شاااف جمالك وانت نايم
شافك لقاك...اجمل ملاك
وردة ربيع ...قطاك نداك
يا وردة أحلى من الزهور....
مالوا القمر ياحلوة خلاهو الظهور
رسلت قلبى ليك هناك
جانى ورجع محتار معااك
احتار انا ...احتار انا
..................................
انا حبى وين ....انا عمرى وين
عمر المعذب كم سنة ؟؟؟
احترت فى عمرك سنين
يوم الهناك ولا الهنا!!
اضحت حياتى مقسمة
نص فى الأرض نص فى السما
انت القمر وانا كلما زح السحاب ألقاك تميل...
فييك الدلال وأصلو الدلال حق الشباب
وانت السحاب حجبك كتييير وانا فى الأرض يا روحى حارقنى الهجير
بتنسى ليييييه
وأنا قلبى بيتذكر كتير
يوم لقيتك ......وهويتك
وانت وريتنى الحنان
الحنان الفى أحلى نظرة .....وابتسامة
فى خيالى احلى ذكرى
بالأشارة ....نظرة عابرة
شفت حبك
كنت قايل ...كنت فاكر
الجميع عارفين محبك
والعيون راصدانى لمن ..ابقى جمبك
وتبقى ذكرى ..فيها انت وفيها قلبى وفيها قلبك
وفيها يوم المهرجااااان
أحلى من عمر الزمان

aborawan
16-01-2005, 11:44 PM
فَلَق الصَباحْ قُول لىِ ******************** أهو نورَك لاحْ خِلَّي
يا خفيفْ الــروح ******************** هُوَ هـــذا نَداكْ
أم نـــــدى الأزهَـــــارْ

من جِنَان رضْوانْ أصلَكْ ******************* لذّا كلِ ربيعْ فَصْلكْ
إتْنَفَس فُـــــــوحْ ******************* تِتْنِنَفَس نَــــاسْ
وريـــــاضْ وبحــــــارْ

مَا ألـــذَّ نَسيمْ وَصْلَكْ ******************* ما رأيتْ يا جميلْ مِثَلكْ
يا بَليِلْ السُــــ ـوحْ ******************* هُـــوَ هذّا هَــوَاكْ
أم هـــــــــوى الأسْحَــارْ

إنتَ روضَهْ وليَك زَهَرهْ ******************** وَلّهْ كوكبْ وليكْ بُهْـرهْ
ضَمخَوكْ للجبــــير ******************** زعفَــــرانْ وعبـيرْ
إنْتَ نَــار في بُهـــــــــارْ

صَبَغْ الخدَين حُمْــرَه ********************* بعد ساعة بَشُوفْ صُفْرَهْ
الإصْفِرارْ دَهْ كتـــير ********************* أخجلـوَك يا أمـــيْر
وَلَّــــه نُمتَ نِهــــــــارْ

صِبِحْ البُستاَن شـــايِلْ*********************** شَجَرْ الرُمَّان مــايلْ
السُلاَفْ في الدَنَــــانْ ********************** والكنارْ في حَنَــانْ
والهَــــزَار ي هِــــــــزَارْ
إنتَ كالطاووسْ خائِــل ******************** كبرياءَك وفيك خايـلْ (2)
انزل إنْتَ كمـــــانْ ******************** غَنَّ قـــول يا زمانْ
ويَنْ حـــــــــــبيبي آذار
ما عِرفْنَا عِدوكْ ذَاهِــل ******************** وَلَّـهْ لِسَّـهْ غُلاْم جَاهِـلْ
مُتهَــــلِكْ صَيـف ********************** شِتَا عِندكْ كيَفْ
في اللَّعِــــب بالنـــــــــارْ

في لِهيَبكْ أشوفْ سـاحِلْ ********************* كالفَراشَهْ أجيكْ راحِلْ
أنا خايِفْ كـــــيفْ ********************** يالَطِيـفْ الطيَــفْ
أهَـــــوى وأبْقى في نــــارْ

--------------------------------------------------------------------------------

aborawan
16-01-2005, 11:45 PM
رميات الطيف

هيي القليل يا طيف القليل وأرجاني
وين فايتني عابر شن حارس وراك انا تاني أياني
معاك مسافر وين وين حتي الطيف رحل خلاني ما
طيب لي خاطر

الليله ما عارف العلي تراني تراني فوق كرعيني ساير
أسكت أسوي في أوزاني أشعار مالا أخر وين حتي
الطيف رحل خلاني ما طيب لي خاطر
أما النوم أبا وجافاني وأصبح داجي ساهر وين وين
حتي الطيف رحل خلاني ما طيب لي خاطر

هيي الليله شوف الليلة كيف بستاني دا الكان باشي
باضر من حر السموم طيرو يفر يهاجر وين حتي
الطيف رحل خلاني ما طيب لي خاطر

aborawan
16-01-2005, 11:46 PM
ياخوي بلادي انا بلد ناسا مواريثم
في أول شي ..كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
بلادي انا بلد الصفقة والطنبور وجاراتن تنق بالليل
وبنوتن تحاكي الخيل
يشابن زي جدي الريل
بلدي أمان ، بلدي حنان وناسا حُنان
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلي
أقول بعضي
ألاقيهم تسرّبوا في مسارب الروح
بقوا كولي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معاي ، معاي زي ضليّ
أنا لو ما جيت من زي ديل كان وا أسافاي ، وا مأساتي وا زّلي
تصوّر كيف يكون الحال لو ما كنت سودان...
وأهل الحارّة ما أهلي تصوّر

aborawan
16-01-2005, 11:47 PM
داوى نارى والتياعى وتمهل فى وداعى
يا حبيب الروح هب لى بضع لحظات سراعى
قف تأمل ...قف تأمل

مغرب العمر واشراق الشعاعى
وابكى جبار الليالى هده طول الصراعى

ما يهم الناس من نجم على وشك الزماعى
غاب من بعد طلوع وخبا بعد التماعى
يا مناجاتى وسرى وخيالى فابتداعى

دمعة الحزن التى تسكبها فوق ذراعى

كم تمنيت ... كم تمنيت ..وكم

وكم من أمل مرت سراعى
لحظة اقرأ فيها لك اشعار الوداعى

ساعة اغفر فيها لك اجيال امتناعى

يا مناجاتى وسرى وخيالى فابتداعى

دمعة الحزن التى تسكبها فوق ذراعى

aborawan
16-01-2005, 11:48 PM
ضامر قوامك لان
قلبك قسى وجافيت ليه يا جدي الغزلان
أسهرت جفني ملان
يذرف دمع نازل كالمزن في الهملان
ما بصح لي يا فلان
طرفك دوام ناعس وأنا طرفي ما غفلان
ظهرت شكلك بان
كوكب منير أشرق من فوق غصين البان
كم ليك محب تعبان
درب العشق ساهل ودرب الوصال صعبان
كالظبية في اللفتان
أما الخديد ناعم ذي زهرة البستان
تجد الطباع آمن
وحسن بديع رائع منظر جميل فنان
لا يحصى وصفه لسان
وجهك بدر كامل من البدور إحسان
ما قصدي فيك لمسان
مقصودي بس شوفتك لا تضيعني يا انسان
القمري في الاغصان
ذكرني ألفاظك وقلبي انطرب فرحان
يتواري لي لمحان
بروق درر فاهك بالراح والريحان
ليه كفك اتحنن
وليك قلب قاسي ما فيه لي حنان
يالراقص الفنان
حبك ملك قلب وجننت عقلي جنان

aborawan
16-01-2005, 11:50 PM
عاش من شافك وين ايامك
يا الدسيت جواي احلامك
جيت زي اروع غيمة ورحت
وين وديت في الصيف انسامك
يالعلمت قليبي يغني يشتل كيف
الدنيا تمني
عاش من شاف وين ايامك يالدسيت جواي احلامك
ريدتك كنته بشوفه بعيده
يوم طليت تورني سلامك
الايدين بشوقن نادن والعينين قالنه كلامك
عاش من شاف وين ايامك
************************************

تجهلني كيف انته تتغابى فيني المعرفة
مشتاق وشايل الشوق ميعاد بعيون حزينة
وخائفة مكسوفة جد متأسفة

لاشايلة شوق عبر السنين كايسة الحنان والعاطفة
جابها شوق ما قدرو شوق
لو كنتي فعلا ناصفة
اديها من قلبك حنان
ياشراع يقاوم العاصفة
سيبيها من هجرك كفا كفا

شوفتك قدور كا يس الديار لو القى في عينيك وطن
او لمحة من عينك كفاي تفرحني لو جار الزمن
لكني ما لقيت معاي في الغربه والخوف والوهن
اخلاصي ليك ضاع والوفا

aborawan
16-01-2005, 11:50 PM
الودعو ارتحلو شالو الهنا ورحلو
ليه يعنى خلونا مارسلو وسألو
ان قلنا نطراهم تالمنا ذكراهم
ان قلنا ننساهم كيفن بننساهم
عارفين طبايعنا فى عيونا شلناهم
ماعرفنا درب الشوق من يوم عرفناهم
ترجع خطاباتهم مافيها ذكرانا
ماحسو بى شوقنا واقدارنا ورانا
نحنا ناس طيبه شعورنا انسانه
ونضحى بالريده وقلوبنا علشانه
ياحليل محبتنا حليله اياما
مرت بدون ذكرى ماظلت غمامه
ياما سعينالا مشينا قداما
فتحنا ليها قلوبنا حفظنا الزاما
الودعو ارتحلو شالو الهنا ورحلو
ليه يعنى خلونا مارسلو وسألو
ان قلنا نطراهم تالمنا ذكراهم
ان قلنا ننساهم كيفن بننساهم
الودعو ارتحلو شالو الهنا ورحلو
ليه يعنى خلونا مارسلو وسألو

--------------------------------------------------------------------------------

أبوبكرحامد
17-01-2005, 09:03 PM
أبوروان ............. ماشاء الله

آخر حلاوة يابوروان ، مازالت فيك روح الشباب ، رغماً عن .....................

حليل أيام زمان.

ود الماذون

ابراهيم
18-01-2005, 02:48 AM
مايكل جاكسون والابداع في (الحمد لله)
اسمعوها من هنا (http://210.115.167.72/www/cgi-bin/data/Anour_DBsec/mj.mp3)

Give Thanks To Allah

Give thanks to Allah,
for the moon and the stars
prays in all day full,
what is and what was
take hold of your iman
dont givin to shaitan
oh you who believe please give thanks to Allah.
Allahu Ghefor Allahu Rahim Allahu yuhibo el Mohsinin,
hua Khalighone hua Razighone whahoa ala kolli sheiin ghadir

Allah is Ghefor Allah is Rahim Allah is the one who loves the Mohsinin,
he is our creater, he is our sistainer and he is the one who has power over all.

Give thanks to Allah,
for the moon and the stars
prays in all day full,
what is and what was
take hold of your iman
dont givin to shaitan
oh you who believe please give thanks to Allah.
Allahu Ghefor Allahu Rahim Allahu yuhibo el Mohsinin,
hua Khalikhone hua Razikhone whahoa ala kolli sheiin khadir


Allah is Ghefor Allah is Rahim Allah is the one who loves the Mohsinin,
he is a creater, he is a sistainer and he is the one who has power over all

ابراهيم
18-01-2005, 06:56 AM
ابو روان ...

يا جميل ...

يا فنان ...

لمسات حلوة منك

انعشت البوست ...

نقول ليك شنو بعد القلتو دا...

ما ظنيتو بنفع كلام

لك الف تحية وتحية
الف وردة
الف امنية وامنية على بياض ... على كيفك
كل سنة وانت طيب

ابراهيم
18-01-2005, 08:45 AM
جاييك (http://www.20six.co.uk/pub/yahobi/jaeek.ra)


انا ما جاييك شايل أفراح تملى الدنيا

أجمل منية

عطر الريحان .. شوق الحبان

وأجمل


غنية

ابراهيم
18-02-2005, 08:22 PM
اليكم هذه المدحة

يا سالك درب المخافة (http://www.alkaleej.com/upload/files/rAHPZNJQ/darb.ra)

بصوت المطرب وليد زاكي الدين

ابراهيم
21-02-2005, 04:48 PM
محمد الامين



اربعة سنين (http://www.bayanit.com/upload/protected/4sinin.ra)

النويري
23-02-2005, 05:55 AM
ما ممكن يا برمة الكلام البحصل دا داوالله ولا كوكتيل عرص في العمارات الحكاية شنو
حكمة يا ابراهيم كل جمال ومكمل امتعت ابدعت ونحن راجين الجايات لك التحية والتقدير لما متعتنا به واطربتنا

ابراهيم
27-02-2005, 06:14 PM
يا سلام عليك يا النويري

وعلى حسك المرهف

ذوقك الراقي

انشاء الله الجايات اكتر من الرايحات

لك مني عاطر التحايا

ابراهيم
09-03-2005, 07:35 PM
رائعة العملاق عثمان حسين (كيف لا أعشق جمالك)بصوت عصام محمد نور ودرماس

اسمعها بالضغط هنا (http://www.indymedia.no/usermedia/audio/4/jamalak.ra)

كيف لا أعشق جمالك
وما رأت عيناي مثالك
كيف لا ..
أعشق جمالك ..!!
***
كيف لا اعشق جمالك!
وانت مغري
انت بى ادبك .. جلالك
وانت سحري
فيك اجمل شي خصالك
وانت بدري
ابعد الغايات منالك
ولو رميت ترسل نبالك
قلبى لاعب بيهو مالك؟
ليهو حق لو ك
ان هوى لك

***
بسمتك توحي الأغاني
اسمى آيات المعاني
وفي هواك لاقيت هواني
بيهو راضى
معترف قلبي ولساني
تندى زي زهر الخميلة
تزدهر في روح جميلة
عالية اخلاقك نبيلة
ويخجل البدرين هلالك

سنين
10-03-2005, 02:27 AM
يا سلام عليك يا رايع

ابراهيم
12-03-2005, 06:30 PM
وانت الاروع يا سنين

شكراً لتعطيرك البوست

ابراهيم
12-03-2005, 07:15 PM
كلام للحلوة

الموسيقار محمد الأمين


http://www.wadmadani.com/up/pic/wdalmin.jpg

أتمنى أن تنال اعجابكم

Hola
13-03-2005, 07:20 PM
Ohh.god!!!
Ilike that...Ibrahim..thats wonderful...khasaat 3abda.alra7eeem

المخلصة
13-03-2005, 07:58 PM
الأخ الفاضل الكريم / إبراهيم
إبداع مستمر لا حــــــــــــــــــــــــــــــــــــــــد لــــــــــــه
رائع ومبدع في إختيارك وإهداءاتك باللأغاني الرائعه لأمثال محمد الأمين وعثمان حسين غنية كيف لا اعشق جمالك
كما عهدناك دائماً
رائع بحضورك ،،،، وفي إختيارك ،،،، وفي مواضيعك
لك كل الشكر والمنى ودمت في رعاية الله
__________________________________

جــــانا الخبر شايلة النسيم 00 في الليل يوشوش في الخمائل
هش الــــــزهر بكت الورود 00 سالت مشاعر الناس جـــــــداول
رجع البل بعد السنين المره 00 يادوب العيون سهرن هجـــــــد
____________________________________________
في عيونه فاض شوق هدن 00 لي حبه للناس للوطــــــــــــــن
مـــــــا غيرت ريدته السنين 00 ما بدل إحساسة الزمــــــــــــن
وشفنا المشاعر الحلوة في 00 ساحاتنا بالآمال مشــــــــــــن
يــــــــــاحليلو ما رجع البلد 00 وعيونا ما سهرن هجــــــــــــد
____________________________________________
إنت مــــــــــــا نسمة هجير 00 إنت ما راحه ضميــــــــــــــــــر
إنت مــــــــــا بهجه مشاعر 00 إنت ما رحلة عبيـــــــــــــــــــر
إنت مـــــــــــا يا كا الحنين 00 إنت ما يا كا الأميـــــــــــــــــر
كيفــن نسيبك تمشى تاني 00 وإنت نورت البــــــــــــــــــــلد
ده العــــــذاب فارق طريقنا 00 والعيون سهرن هجــــــــــــــد
____________________________________________

ابراهيم
13-03-2005, 11:09 PM
اختي المخلصة لكي مني كل الشكر لهذه الكلمات الرقيقة

ولكي التحية

ابراهيم
14-03-2005, 03:09 PM
كاتب الرسالة الأصلية Hola
Ohh.god!!!
Ilike that...Ibrahim..thats wonderful...khasaat 3abda.alra7eeem

هولا لك مني كل الشكر .... وعاطر التحايا

وبي زيارتك بيتنا نور


ولك الود

tahaa
16-03-2005, 10:41 PM
روحي العزيزة

قسما بي عيونك ما أستهواني دوني
يا روحي العزيزة

كيف يعجبني دونك
وأنا من بدري شاعر قلبي رهين سجونك
ومن آيات محاسنك أستلهم فنونك
ومن يوم ما رأيتك
أغريتني وهويتك
في البرهة الوجيذه
يا روحي العزيزة

بي ذكراك أغني
وانت الخالي قلبك
وحبك كم شغلني
في يا ذو المحاسن
أنا حسنت ظني

كل الناس في وادي
وقلبي معاك في وادي
بالذكره اللذيذه
يا روحي العزيزة

ابراهيم
18-03-2005, 07:54 PM
لك ودي وعاطر تحياتي الآخ طه

وانت تنثر الفرح هنا

بكم دوماً تكتمل الروعة

ابراهيم
18-03-2005, 09:01 PM
مراكب الشوق (http://www.wadmadani.com/up/pic/markeb.ra)


http://www.wadmadani.com/up/pic/mrkb.jpg

tahaa
20-03-2005, 12:28 AM
الرشيم الأخضر في الخديد الأنضر
هــم ســـبب آلامي

فكري أضحى متحر من غرايب سحره ومن عيونه الفُتر
حمة لو يتمايل أو سفر واتبختر
إيه بثينة وعزه وإيه عبيله وعنتر
حســـــنه أمامي

مين سواك يتجســـر
في فؤادي وحسنك
له عامل سِنسر ( فحص وإختبار ) والله أعلم
قلبي بيك أتأسر
وفيه حبك أثر
وبإنكسار لحظاتك حظي أضحى مكسر
يا رفيع يا سامي

السحاب ما أمطر
أروى ساحة ربعك
ومن شذاك اتعطر
ما تغزّل شاعر في محاسنك سطر
هاك سلامي الخالص
يا جميل ما مبطر وليك جزيل إكرامي ...



يا عسل يا سسسسسسسسسسسسكر ؟؟؟ من عندي

tahaa
20-03-2005, 12:31 AM
الرشيم الأخضر في الخديد الأنضر
هــم ســـبب آلامي

فكري أضحى مبحتر
من غرايب سحره ومن عيونه الفُتر
حكمة لو يتمايل أو سفر واتبختر
إيه بثينة وعزه وإيه عبيله وعنتر
حســـــنه أمامي

مين سواك يتجســـر
في فؤادي وحسنك
ليه عامل سِنسر ( فحص وإختبار ) والله أعلم
قلبي بيك أتأسر
وفيه حبك أثر
وبإنكسار لحظاتك حظي أضحى مكسر
يا رفيع يا سامي

السحاب ما أمطر
أروى ساحة ربعك
ومن شذاك اتعطر
ما تغزّل شاعر في محاسنك سطر
هاك سلامي الخالص
يا جميل ما مبطر وليك جزيل إكرامي ...



يا عسل يا سسسسسسسسسسسسكر ؟؟؟ من عندي

ابراهيم
20-03-2005, 04:52 PM
<param name="BACKGROUNDCOLOR" value="#000000"><embed src="http://www.anwarking.com/music/zidan/A'7OONEK.WMA" align="baseline" border="0" width="275" height="40" type="audio/x-pn-realaudio-plugin" console="Clip1" controls="ControlPanel" autostart="true"><br>

العندليب الاسمر/زيدان ابراهيم
أخونك

لو شافت عيونك
ايه حاصل بدونك
دي الدنيا بقت عدم
والفرح من غير نغم
والسعادة بقت وهم
والحلوة من غير طعم
وبرضو تصدق؟
أخونك
***
يا سلام على ريدي
الخلاك بقيت سيدي
لو الأماني بإيدى
كنت اهديك عيوني
واسقيك من وريدي
يا هناي وجديدي
يوم اشوفك يبقى عيدي
وبرضو تصدق..!!
***
ذكرياتك دايماً أمامي
صورة حية لي غرامي
عشتها بروحي وكياني
يا سروري وابتسامي
مهما قلبك جار سباني
انت برضو مدار اهتمامي
وبرضو تصدق :confused:

<br>
<br>
<!-- saudi cat 1999-2000 -->
<br>
<br>
<br>

<br>
<br>
<br>
<BODY bgcolor="#005A96" onLoad="alert('أهلاً وسهلاً بك');" onUnload="alert('لا تنسى أن تعاود زيارتنا');" link="orange" vlink="orange" alink="00FF95">
<br>
<br>
<br>
<center>
<br>
<br>
<br>
<font color=white>
<br>
<br>
<br>
<p>
<br>
<br>
<br>
<P> <script language="JavaScript" src="footer.js"></script>
<br>
<br>
<br>

<br>
<br>
<br>

tahaa
20-03-2005, 10:07 PM
يا حبيب عرج بي وميل نتأمل الأفق الجميل
وشكل الغذالة مع الصباح

يا حبيبي عرج بي وميل في الشاطئ نتأمل قليل
شوف حكمة الصانع الجليل النيل خلا روضة الظليل
ينعشنا بي روحه العليل
أما الطيور عاشقة الزهور في هنا وسرور
من طيبة تستنشق رياح
وتغني أغنية الصباح

يا حبيب سيب الإستحا متّع مناظرك وسرحا
شاهد الطبيعة ومسرحا وشدو البلابل في الضحا
الورد كان نايم صحا والزهرة باسمة زمفرحة
والشمس للنيل يا خدين ترسل خيوط متبهرجين
ذي تبرى ذايب في لجين

الروضة في ندا وإرتشاح الكون ثمل من طيبه اتوشح وشاح
بالله يا رمز الوفا خلينا من شوقنا وكفا عاين أمام وأنظر قفا
تلقي الزهور ما ألطفى مقتبسه من روحك صِفا
والنهر زي خدك صفا
هنا يا ظريف الظل وريف والجو لطيف
أنا وانت في حلل العفاف أرواحنا ممتذجة إئتلاف
كل ما أقـــول ليـــك إقتراح ترضاه بك إنشـــــراح


يا حبيب عرج بي وميل

مصباحيه
18-04-2005, 10:13 PM
شكرا ابراهوما على اللفته الحلوه دى اديك شويه من اغنية ياحليلوا قال ناولى السفر انا ما حافظها كلها ولكن هاك

يا حليلوا قال ناوى السفر يا حليلوا
يا حليلوا قال سايب البلد //
يا حليلوا قال ناوى السفر كيف الفراق لمن يحين ساعة السفر
كل العمر كان لحظه واحده والشوق يتقد
نسكر نقيب من لطفه من دله الحبيب من لونه من كرز المغيب
الرامى محلو الثمر
دى شفايفوا زى ياقوت ندر فى شكلوا زى نصف القمر
مبتل مثير مخلوق علشان احلى الثقور
وارواحنا تتعطر تطير من نفحه من مجرى العبير
من لفته من جيدو النضير
الفيه ريان الثمر
بيه القلوب كم تإتمر لو مره سيد الناس امر
بعد السنيين الكنت ما بحسب فيها حساب الوقت ولا بعد
بعد العلاقه الطيبه والحب اللعاش فى الارض مده وابتعد
ماكان موده ورقه ماكان طيبه واستلطاف وحنان متقد
ماكان مواسم فرحه ما كان يزيد المشيه ويمد
ما كان علاقة لحظه تغرب نظره همسه ثقه وموسيقى نهد
ما كان صباح لافراح من عينى لا نور لا ابتعد
ما كان وانا كنت داير نفسى اكون فرحان للابد
ما كنت واضع فى حساب الدهر قسوه ولا دموع تا ووهات ووجد
اهديك زهور حاشيا وانت ندى الزهر
اهديك حنان ما قلبى عندك من زمان وانا راجى عطفك منتظر
اهديك حروف يا اغلى احرف فى الدهر
اهديك دموع يا دمعى شايل فيك بحر
اهديك نجوم معقوده بخيط الزهب
باقات زنابق حلوه فى لون العسل
خد من حبى يا اغلى حب من قلب فى حبك صبر
اهديك قيوم وقطيع نجوم ومحب عفيف بين النجوم هيمان صبر
اهديك سحابه من الحنان تميك دوام من كل شر
اهديك حروف ما قالها زول وما اظن يقولها وراى بشر
اهديك عيونى علشان استريح ما الدنيا بعدك ما بتسر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،
طبعا الهدايا دى كلها حمد الريح ما بغنيها ولكن دى الاغنيه الحقيقيه وهى طويله جدا وانا الان ما مستحضراها كلها

ابراهيم
23-04-2005, 06:31 PM
شكراً الاخت نهلة لمرورك الطيب ولك التحية على هذه الأغنية الروعة

سمعتها لكن فيها اضافات كتيرة

والغنية جامدة أحييك أحييك

وفي انتظارك المزيد من التحف

مصباحيه
25-04-2005, 09:28 PM
طبعاً الاغنيه بغنيها الأستاذ الكبير حمد الريح ولكن الشاعر الاستاذ محمد بشير عتيق الاغنيه طويله جداً وفيها ابيات ما بتتغنى لكن انت لو عايز القصائد الاصليه للإغانى ما تسمع الاغنيه من فنان بس فتش الشاعر بتاعها وشوف القصيده الحقيقيه كده بتعرف حلاوة الاغنيه حاول الحصول على كتاب الاستاذ محمد بشير عتيق وانت تزوق حلاوة الشعر وبالمناسبه الشعراء السودانيين ما هينيين .

ابراهيم
26-04-2005, 05:03 PM
مشكورة الاخت نهلة على الاثراء وفعلاً الشاعر محمد بشير عتيق موسوعة ويتميز بأنه فنان كل الأجيال وفنان أخذ من المعارف ومضامير الحياة حلوها ومرها ...
وهذه أيضاً أغنية "من يوم حبي فارقني" كتبها الشاعر محمد بشير عتيق وغناها خضر بشير

من يوم حبي فارقني ,, منامي و طرفي ما إتلاقوا
ملاك في ظلاله متهني
رشيق ذو قامة متثني
إذا استقبلنا محياهو
سحر أنظارنا بي ضياهو
و جذب أفكارنا بي حياهو
أنا ال بحبه شاغلني
كيف لا أعشقه و أغني
و أذوب من لطفه و أخلاقوا

أروم بي لقاهو يفرحني
أخاف من لحظه يجرحني
أفكر مرة أستنى
و أرجع برضي أتمنى
و أقول أصبر و أتأنى
حبيبي عساهو يسمع لي
و بنظرة عطفه يلمحني
و يكون بي حالتي اشفاقوا

مرضني و ما سال عني
أحبه و برضو يجهلني
فنيت أفكاري في فني
و شبت مع صغر سني
و مهما يكون صرف عني
أحبه ,, أحبه و قلبي يشتاقوا
و من يوم ما بقى فراقوا
منامي و طرفي ما إتلاقوا

ابراهيم
30-04-2005, 05:32 PM
للشاعر صلاح احمد عبد الفتاح

الامانى السندسية
*****
مهما فيك طولت صابر
يا سنين عمرى الشقية
ومهما طال فيك حظى عاثر
وذوبت عمرى الاسية
ما بقول انا راح أوانى
عارفو ببسم لى امانى
وسعدى برجع ليا تانى
بالامانى السندسية
بالامانى السندسية
****
بكرة بصبح ذكريات
حالى داك الكنت فيهو
تملا آمالى العراض
كل درباً اقـتـفيهو
بكرة تجمعنى الظلال
بى عزيزاً اصطفيهو
ترجع ايامى النضيرة
بى لياليها الهنية
وسعدى برجع ليا تانى
بالامانى السندسية
****
اصلى من فيض العواطف
ديمة أسراني المحنة
وكل مناى ترتاح حروفى
فى فؤاد طاوياهو انة
لا فؤادى يشيل عداوة
لا شقاوة ولا مظنة
اصلى يا روحى الصفية
لسة حافظ للوصية
وسعدى برجع ليا تانى
بالامانى السندسية

ابراهيم
25-06-2005, 01:06 PM
حبيت عشانك كسلا
خليت ديارى عشانك
....
كلمنى بس قول لى
فاكر ليالي القاش
لما الحنين فاض بى لعطفك الجياش
نسيت حبيب ما خانك
من نور بسيمتك عاش
انا تانى ما بتلقانى يوم فى طريقك ماش
غدر الزمان الخانى
ياريتو لو كان خانك
يا الجرت واتنكرت
للساب دياره عشانك
فرحة ليالى الريد ... ونداوة البسمات
خلتنى ابكى واندم على عمرا عدى وفات
حسرة سنينى الراحو
ما بترحمها الجايات

سواااح
12-10-2006, 09:30 AM
الرائع ابراهيم ..

لا اقول لك
كم ارتحت وانا اتنزه في
رحاب هذا البوست الجميل
يا ريت نعاود اكمال كل
الاعمال القديمة
التي نسيناها بفعل الزمن

دمــــــــــــــــت ،،

samah
30-01-2007, 04:13 AM
salam very niceeeeeeeeeeeeeeeeeeeeeeeeeeeeeeeeee

همسة شوق
26-02-2007, 05:16 AM
والله ابراهيم فتشت لى اى تعبير عشان احييك بيهو مالقيت
لكن بقول ليك الله يديك العافية يارائع
وبطلب منك طلب وياريت لو لبيتو لى
عايز مجموعة من اغانى العملاق الموسيقار محمد الامين
وبالاخص حروف اسمك ومراكب الشوق
ولك التحيـــــــــــــــــــــــــــــــــــــــــــــ ـــــــــــــــــــــــــــــــة

hamad2
28-02-2007, 12:36 AM
للشاعر صلاح احمد عبد الفتاح

الامانى السندسية
*****
مهما فيك طولت صابر
يا سنين عمرى الشقية
ومهما طال فيك حظى عاثر
وذوبت عمرى الاسية
ما بقول انا راح أوانى
عارفو ببسم لى امانى
وسعدى برجع ليا تانى
بالامانى السندسية
بالامانى السندسية
****
بكرة بصبح ذكريات
حالى داك الكنت فيهو
تملا آمالى العراض
كل درباً اقـتـفيهو
بكرة تجمعنى الظلال
بى عزيزاً اصطفيهو
ترجع ايامى النضيرة
بى لياليها الهنية
وسعدى برجع ليا تانى
بالامانى السندسية
****
اصلى من فيض العواطف
ديمة أسراني المحنة
وكل مناى ترتاح حروفى
فى فؤاد طاوياهو انة
لا فؤادى يشيل عداوة
لا شقاوة ولا مظنة
اصلى يا روحى الصفية
لسة حافظ للوصية
وسعدى برجع ليا تانى
بالامانى السندسية

ابراهيم الاماني السندسية بصوت عمر جعفر تدفع كم