المساعد الشخصي الرقمي

مشاهدة النسخة كاملة : ترانيم



saleh farah
25-06-2007, 08:13 AM
ناكر الجميل مل الجفا
داعب قلوبنا ولاطفا
اتوارى فى كلمة حنان
قلناها ليهو ملاطفه
***
جايينا بعد الشوق غفا
كايس الحنان كايس الوفا
شايل شموع ريدنا الزمان
متناسي كيف شمعو انطفا
***
ارحم محب ليك اصطفى
قدر محاسنك وانصفه
صدقنى لو عندك امان
الريد حلاوتو مناصفه
***

salah
25-06-2007, 09:31 AM
صد قني لو عندك أمان
الريد حلاوتو مناصفه


يا سلام يا صالح جميلة والله الكلمات دي بقدر بساطتها وبدون اي مجاملات انا برشح الكلمات دي لي اي واحد من مبدعي بلادي ليتغنوا بها ويا ريت تصل لي عصام مننا وفينا ، تسلم ،،،

saleh farah
26-06-2007, 02:38 AM
شكرا ليك كتير اخى صلاح ، الجمال فى نفسك وحكاية الغنى دى خليها للظروف لو عصام او غيرو وقع القصيده فى نفس المتلقي