لو حتكزب عليك الله مافي داعي تخش

[غيداء نورالدين]

سلام يا شباب
الموضوع كالاتي: عايزين نعرف مواصفات فارس احلام البنات .
وفي نفس اللحظة عايزين نعرف مواصفات فتاة احلام الشباب.
وبكل صراحة
وبالمناسبة مشاركة المتزوجين مطلوب بشدة. مهم جدا لانو حيوري كل زول الناقصه شنو عشان يحاول طبعا يصلح ((الكمال لله))

يلا خلونا نتناقش.



منقوووووووووووول

[مدنيّة]

وبالمناسبة مشاركة المتزوجين مطلوب بشدة. مهم جدا لانو حيوري كل زول الناقصه شنو عشان يحاول طبعا يصلح ((الكمال لله))



يعني ياغيودة نشارك تاني لشنوووووووووو:confused:
ماخلا زمنا فات وغناينا مات:D
خلونا نسمع ليكم انتو

[الطويل]

سلام يا شباب
الموضوع كالاتي: عايزين نعرف مواصفات فارس احلام البنات .
وفي نفس اللحظة عايزين نعرف مواصفات فتاة احلام الشباب.
وبكل صراحة
وبالمناسبة مشاركة المتزوجين مطلوب بشدة. مهم جدا لانو حيوري كل زول الناقصه شنو عشان يحاول طبعا يصلح ((الكمال لله))

يلا خلونا نتناقش.



منقوووووووووووول


أنا جمعته والحمد الله

عقبالكم أنشاء الله

[بدرينا]

أنا جمعته والحمد الله

عقبالكم أنشاء الله


يا أبو رانيا مااااااا مافي داعي..
الزولة دي قالت عليك الله لو بتكدب ما تخش..

طيب نحنا أبينا نخش ليه؟؟

[غيداء نورالدين]

يعني ياغيودة نشارك تاني لشنوووووووووو:confused:
ماخلا زمنا فات وغناينا مات:D
خلونا نسمع ليكم انتو


لشنو نحن عايزين رأيكم لانو مهم شديد ولو ما اديتونا رايكم يبقى الموضوع مافي ليهو داعي ..
شكرا على المرور والتعقيب:D

[غيداء نورالدين]

أنا جمعته والحمد الله

عقبالكم أنشاء الله

اللهم امين
برضوا تدونا رايكم يا ابو رانيا
شكرا على المرور والتعقيب:D

[الطويل]

يا أبو رانيا مااااااا مافي داعي..
الزولة دي قالت عليك الله لو بتكدب ما تخش..

طيب نحنا أبينا نخش ليه؟؟


هههههههههههههههههههههههههههههههههههههههههههههه

تعرف يابدرينا حبيب قلبى إنك ألذ وأروع أنسان قابلتو والله:D :D

لازم أكون فى حبت غموض والا ماكدى ياغيداء

لكن أنا بمشى المطبخ أعمل لى سنده وبجيكم رادي

عشان أقول ليك مواصفات شريكة حياتى وبصراحه

[الطويل]

اللهم امين
برضوا تدونا رايكم يا ابو رانيا
شكرا على المرور والتعقيب:D


طيب ماعندك مشكله

انا بقول ليك

لكن كدى قولى لينا أنتى فى الاول وانا بعدك على طول ياغيدااااااااااااء

أسمعى اللون والشعر والعيون والحاجات المتل دى معانااااا:D

[غيداء نورالدين]

هههههههههههههههههههههههههههههههههههههههههههههه

تعرف يابدرينا حبيب قلبى إنك ألذ وأروع أنسان قابلتو والله:D :D

لازم أكون فى حبت غموض والا ماكدى ياغيداء

لكن أنا بمشى المطبخ أعمل لى سنده وبجيكم رادي

عشان أقول ليك مواصفات شريكة حياتى وبصراحه

ما تنسانا جيب لينا معاك سندوتش:D

[غيداء نورالدين]

طيب ماعندك مشكله

انا بقول ليك

لكن كدى قولى لينا أنتى فى الاول وانا بعدك على طول ياغيدااااااااااااء

أسمعى اللون والشعر والعيون والحاجات المتل دى معانااااا:D

لا ما معانا انا بقول بعدك يا ابو رانيا:D

[مثني ودالعيكوره]

عايز واحده هديه ورضيه ومقرشه...

"يا ربي متين القاهو يسعد قلبي بلقياهو"

مع عاكر مودتي....

[بدرينا]

هههههههههههههههههههههههههههههههههههههههههههههه

تعرف يابدرينا حبيب قلبى إنك ألذ وأروع أنسان قابلتو والله:D :D

لازم أكون فى حبت غموض والا ماكدى ياغيداء

لكن أنا بمشى المطبخ أعمل لى سنده وبجيكم رادي

عشان أقول ليك مواصفات شريكة حياتى وبصراحه


الله الله الله تسلم يا أبو رانيا..
إنت عارف أنا والله العظيم نفس الشعور يعني لما أخش المنتدى وما ألقي أبو رانيا.. بتجيني حاجة كدا زي انفلونزا الطيور ولا صداع السمك ما عارف...
.
.
طيب يا غيداء أنا ما كنت عايز أفصح عن شريكة حياتي..
لكن إنشاء الله دا موضوع داير ليهو نقاش خاص أول حاجة براي كدا بعد داك إنشاء الله بكرة حأكتب ليك.. طبعا دي رحلة عمر.. الواحد لاااازم يتأني ويفحص ويدقق عشان ما يدوهو شاكوش زي واحد أخونا كدا..
ولا شنو يااا غيداء

[غيداء نورالدين]

الله الله الله تسلم يا أبو رانيا..
إنت عارف أنا والله العظيم نفس الشعور يعني لما أخش المنتدى وما ألقي أبو رانيا.. بتجيني حاجة كدا زي انفلونزا الطيور ولا صداع السمك ما عارف...
.
.
طيب يا غيداء أنا ما كنت عايز أفصح عن شريكة حياتي..
لكن إنشاء الله دا موضوع داير ليهو نقاش خاص أول حاجة براي كدا بعد داك إنشاء الله بكرة حأكتب ليك.. طبعا دي رحلة عمر.. الواحد لاااازم يتأني ويفحص ويدقق عشان ما يدوهو شاكوش زي واحد أخونا كدا..
ولا شنو يااا غيداء

والله يا اخوي معاك حق خلاص منتظرين ردك بكرة:D

[ود حنتوب]

الجميلة غيداء

لك التحية والتجلة

انا ارى ان هذا الموضوع من الاهمية بمكان لدرجة ان يثبت لانه بكل صدق (كما تفضلت) يبث اشارات هامة للجنسين وكل واحد يشوف الناقصه شنو ويغير ويبدل ....

انا شخصيا تزوجت مرتين ووجهة نظرى ان الرجل لا يكتفى ولا يملأ عينه الا التراب فمهما يجد يريد المزيد ولكن دعينى اتحدث بصفة عامة ...

المرأة يجب ان تكون متوسطة القوام ليست بالسمينة المزعجة ولا الضعيفة التى تخاف عليها ان تنكسر ( دعاية جوع) والكرش اهم حاجة يا جماعة دى حاجة بطالة خلاص وبتنفر الراجل من زوجته خليك من قبل الزواج..
اعتدال الجسم يمكن للفتاة التحكم فيه وبقية خلق الله لا احد يعترض عليه والجمال عامة شىء نسبى طبعا...

اها من الاشياء الاخرى ان تكون الفتاة على خلق ودين يعنى ما تكون متحررة زيادة من اللزوم ولا تكون جرئية اكثر من اللازم لانه الرجل حاينزعج منها ويبتعد بالتالى عنها وايضا ما تكون ثرثارة اكثر من اللزوم ... وما تكون شكاية كمان ...
ايضا الرجل السودانى يحب الزوجة التى تحترم اهله ولا تقصر فيهم ابدا
شىء هام هو لكل انسان خصوصيات فيجب ان لا تحجرى على زوجك وتتدخلى فى خصوصياتك وتحاولى الغاء حياته السابقة ....

يعنى دى نقاط عامة واعود واذكر ان الجمال ليس كل شىء وليس هو المقياس الوحيد لاختيار الزوجة والجمال جمال الروح اولا وأخيراً ..

[الطويل]

ما تنسانا جيب لينا معاك سندوتش:D


مابجيب ليك ياغيدااااء

انته اليوم دااااك موش ابيتى تجيبى لى سندوتش وعملتى لي فيها الخدامه مافيشه والخدامه كسلانه

مابجيب ليك موتى من الجوع:D :D

[الطويل]

لا ما معانا انا بقول بعدك يا ابو رانيا:D


خلاااص النشاور الجماعه واجيك ياغيدااااااااااء:D :D

اوكى

[غيداء نورالدين]

الجميلة غيداء

لك التحية والتجلة

انا ارى ان هذا الموضوع من الاهمية بمكان لدرجة ان يثبت لانه بكل صدق (كما تفضلت) يبث اشارات هامة للجنسين وكل واحد يشوف الناقصه شنو ويغير ويبدل ....

انا شخصيا تزوجت مرتين ووجهة نظرى ان الرجل لا يكتفى ولا يملأ عينه الا التراب فمهما يجد يريد المزيد ولكن دعينى اتحدث بصفة عامة ...

المرأة يجب ان تكون متوسطة القوام ليست بالسمينة المزعجة ولا الضعيفة التى تخاف عليها ان تنكسر ( دعاية جوع) والكرش اهم حاجة يا جماعة دى حاجة بطالة خلاص وبتنفر الراجل من زوجته خليك من قبل الزواج..
اعتدال الجسم يمكن للفتاة التحكم فيه وبقية خلق الله لا احد يعترض عليه والجمال عامة شىء نسبى طبعا...

اها من الاشياء الاخرى ان تكون الفتاة على خلق ودين يعنى ما تكون متحررة زيادة من اللزوم ولا تكون جرئية اكثر من اللازم لانه الرجل حاينزعج منها ويبتعد بالتالى عنها وايضا ما تكون ثرثارة اكثر من اللزوم ... وما تكون شكاية كمان ...
ايضا الرجل السودانى يحب الزوجة التى تحترم اهله ولا تقصر فيهم ابدا
شىء هام هو لكل انسان خصوصيات فيجب ان لا تحجرى على زوجك وتتدخلى فى خصوصياتك وتحاولى الغاء حياته السابقة ....

يعنى دى نقاط عامة واعود واذكر ان الجمال ليس كل شىء وليس هو المقياس الوحيد لاختيار الزوجة والجمال جمال الروح اولا وأخيراً ..

ود حنتوب فعلا دي نقاط مهمة كما ذكرت وبشكرك على المشاركة

[الطويل]

الله الله الله تسلم يا أبو رانيا..
إنت عارف أنا والله العظيم نفس الشعور يعني لما أخش المنتدى وما ألقي أبو رانيا.. بتجيني حاجة كدا زي انفلونزا الطيور ولا صداع السمك ما عارف...
.
.
طيب يا غيداء أنا ما كنت عايز أفصح عن شريكة حياتي..
لكن إنشاء الله دا موضوع داير ليهو نقاش خاص أول حاجة براي كدا بعد داك إنشاء الله بكرة حأكتب ليك.. طبعا دي رحلة عمر.. الواحد لاااازم يتأني ويفحص ويدقق عشان ما يدوهو شاكوش زي واحد أخونا كدا..
ولا شنو يااا غيداء


هههههههههههههههههههههههههههههههههههههه

عليك الله يابدرى الحرامى مالقيت وصف غير الاوصاف دى

كان تحليها بى ملااااااريا والا دوسنتاريا والا بلهارسيا:D :D

[غيداء نورالدين]

مابجيب ليك ياغيدااااء

انته اليوم دااااك موش ابيتى تجيبى لى سندوتش وعملتى لي فيها الخدامه مافيشه والخدامه كسلانه

مابجيب ليك موتى من الجوع:D :D

هو انت لسة مزكروا لا حولالالالا:D

[غيداء نورالدين]

خلاااص النشاور الجماعه واجيك ياغيدااااااااااء:D :D

اوكى

خلاص اوكي بس ما تتأخر

[الطويل]

هو انت لسة مزكروا لا حولالالالا:D


مالى مابذكرو يابتى

هو حصل بتين ما امس القريبه دى يابتى غيدااااااء:D

[الطويل]

خلاص اوكي بس ما تتأخر


طيب انا بديك واحده تصبرى بيها لحدى بكره طيب



[CENTER]قالوا واحد مسطول بصلى اتصل عليهو واحد مسطول أثناء الصلاه

المسطول القاعد بصلى رد على الجوال ؟ الو

المسطول المتصل قال ليهو وين انته ياحبه

المسطول البصلى : قال ليهو قى التشهد التانى

[غيداء نورالدين]

طيب انا بديك حل تصبرى بيهو لحدى بكره طيب

تكون بتشبه الصوره الرمزيه حقتك دى:D

قالوا واحد مسطول بصلى اتصل عليهو واحد مسطول أثناء الصلاه

المسطول القاعد بصلى رد على الجوال ؟ الو

المسطول المتصل قال ليهو وين انته ياحبه

المسطول البصلى : قال ليهو قى التشهد التانى


ههههههههاااااهاهاهاهاهاهااههيييييييييييييييييييههه ههههههههههههههه
((الصبر طيب ))اها انا منتظرة

[الطويل]

ههههههههاااااهاهاهاهاهاهااههيييييييييييييييييييههه ههههههههههههههه
مصاريني اتقطعت من الضحك لا حولالالالا
نكتة جميلة
((الصبر طيب ))اها انا منتظرة


ياغيداء بصراحه موضوعك جميل جمال مدينة ودمدنى عشان كدى انا ح ارد ليك على سؤالك اوكى

[غيداء نورالدين]

ياغيداء بصراحه موضوعك جميل جمال مدينة ودمدنى عشان كدى انا ح ارد ليك على سؤالك اوكى

شكرا يا ابو رانيا وانا في انتظار ردك وانا ايضا حأجاوب:D

[الطويل]

سلام يا شباب
الموضوع كالاتي: عايزين نعرف مواصفات فارس احلام البنات .
وفي نفس اللحظة عايزين نعرف مواصفات فتاة احلام الشباب.
وبكل صراحة
وبالمناسبة مشاركة المتزوجين مطلوب بشدة. مهم جدا لانو حيوري كل زول الناقصه شنو عشان يحاول طبعا يصلح ((الكمال لله))

يلا خلونا نتناقش.



منقوووووووووووول


اول حاجه فاتت عليك حتت المخطوبين او الخاطبين

وانا من الفئه دى اوكى ويلا نبدأ والله أستر ما تروح منى حاجه :

تكون ذات دين وخلق واخلاق

تكون جميله بكل معانى الجمال

مثقفه . أجتماعيه . غيوره على زوجها وبيتها

وبكمل ليك بكره ياغيدااااء عشان أدى الموضوع كامل حقو

[غيداء نورالدين]

بسم الله نبدأ
يكون ضعيف
يكون زول دين وعقيدة ما بيعرف الا الله قال والرسول قال
متعلم
مثقف
نظيف وطبعا دي اهم حاجة
ومامهم الشكل واللون او حاجة زي دي
وتاني شنو ........بفكر وبجي بكمل ليكم:D

[الطويل]

بسم الله نبدأ
ما يكون سمين
يكون زول دين وعقيدة ما بيعرف الا الله قال والرسول قال
متعلم
مثقف
نظيف وطبعا دي اهم حاجة
ومامهم الشكل واللون او حاجة زي دي
وتاني شنو ........بفكر وبجي بكمل ليكم:D


ههههههههههههههههههههههههههههههههههههههههههههههه


غايتو بالغتى ياغيداااااء فى سمين دى

أقسم بالله أنا من الضحك قامت لى شجره فسيخ فى نص رأسى


لكن كدى قولى لى نظيف دى شنو يابت امى :D :D

[غيداء نورالدين]

ههههههههههههههههههههههههههههههههههههههههههههههه


غايتو بالغتى ياغيداااااء فى سمين دى

أقسم بالله أنا من الضحك قامت لى شجره فسيخ فى نص رأسى


لكن كدى قولى لى نظيف دى شنو يابت امى :D :D

اقسم بالله انا كنت قاصدة اكتب سمين يا ابو رانيا:D خلاص ضعيف اها رايك شنو؟
وبعدين انت يا زول الفسيخ دا ما نسيتو؟؟
نظيف قصدي ((مظهروا يعني فهمت ولا اوضح))

[غيداء نورالدين]

ابو رانيا كدي ارجع لى ورا شوية:D شوف في تعديل

[ابوشوتال]

اولا ازيكم

انا جيت داخل بالعرض


لا عرست ولا عارف حاجة

لكن المواصفات : الاخلاق - القوام سمينة لا -متوسطة التعليم - بتعرف العواسة - غير نقناقة

غيورة علي زوجها وبيتها - ما بتحب الحوامة - وما مدلعة- وما حنكوشة- وبتعرف تغسل وتكوي

وما سمحة وما شينة مقبولة يعني - وتحترم اهلي - وما بقصر معاها

رايك شنو حالتي دي لسة ما عرست

[الطويل]

اقسم بالله انا كنت قاصدة اكتب سمين يا ابو رانيا:D خلاص ضعيف اها رايك شنو؟
وبعدين انت يا زول الفسيخ دا ما نسيتو؟؟
نظيف قصدي ((مظهروا يعني فهمت ولا اوضح))


لا لا لا لا ياغيداااااء ماتغيرى خليك مع سمين دى :D

ح ارسل ليك الفسيخ والله لكن كدى فى الاول الارسلوه لى انا

( النظافه من الايمان )

[الطويل]

ابو رانيا كدي ارجع لى ورا شوية:D شوف في تعديل


مالقيت اى تعديل ياغيداااااااء

ههههههههههههههههههههههههههههههههه

[غيداء نورالدين]

مالقيت اى تعديل ياغيداااااااء

ههههههههههههههههههههههههههههههههه

كدي عين تاني:D يعني يكون مشى وين:D :D :D

[غيداء نورالدين]

اولا ازيكم

انا جيت داخل بالعرض


لا عرست ولا عارف حاجة

لكن المواصفات : الاخلاق - القوام سمينة لا -متوسطة التعليم - بتعرف العواسة - غير نقناقة

غيورة علي زوجها وبيتها - ما بتحب الحوامة - وما مدلعة- وما حنكوشة- وبتعرف تغسل وتكوي

وما سمحة وما شينة مقبولة يعني - وتحترم اهلي - وما بقصر معاها

رايك شنو حالتي دي لسة ما عرست

والله لكن يا ابو شوتال هو انت خليت تاني قيها راي:D

[الطويل]

كدي عين تاني:D يعني يكون مشى وين:D :D :D


مشى البقاله أجيب ليه بصل وزيت:D

انتى ما تورينى وتريحينى من هم الفتيش ياغيداااااء

عليك الله

اوكى

[الطويل]

بسم الله نبدأ
يكون ضعيف
يكون زول دين وعقيدة ما بيعرف الا الله قال والرسول قال
متعلم
مثقف
نظيف وطبعا دي اهم حاجة
ومامهم الشكل واللون او حاجة زي دي
وتاني شنو ........بفكر وبجي بكمل ليكم:D


خلاااااص فهمته الحاصل ياغيداااااء

كدى تمام:D

[باسطه]

بسم الله نبدأ
يكون ضعيف
يكون زول دين وعقيدة ما بيعرف الا الله قال والرسول قال
متعلم
مثقف
نظيف وطبعا دي اهم حاجة
ومامهم الشكل واللون او حاجة زي دي
وتاني شنو ........بفكر وبجي بكمل ليكم:D

ضعيف هههههههههههههههههههه
يعني السمان يبوروا ياغيداء ولا شنو؟ في أخوانه كده حيكونو أحبطو مافي داعي للنفسيات دي ههههههههههههههههههههههههه :D :D :D
البكون مشه شاف ليهو سويدي يعملو والبكون هسي جاكي الله يعينهم هههههههه
أخونا معتز الريح عامل ليهو بوست كامل عن الكرش اها الناس الشاركو ديل يقبلو وين؟؟

[رهيب]

اول حاجة : تكون ذات خلق واخلاق ودين
وثاني حاجة : تكون مربية ناجحة وخريجة اجيال
وثالثها : ان تكون ذات قوام متناثق
ورابعها : عدم الثرثرة والقيل والقال وكثرة السؤال واضاعة المال
وخامسها : الجمال ليس كل شي فالجمال جمال الروح
وسادسها : الغيرة على الزوج ومخافة الله فيه وحفظ السر البينهم
واخيرأ : قال رسول الله صلى الله عليه وسلم ( اضفر بذات الدين تربت يداك )
لكي تحياتي اختي غيدااااء

[باسطه]

اولا ازيكم

انا جيت داخل بالعرض


لا عرست ولا عارف حاجة

لكن المواصفات : الاخلاق - القوام سمينة لا -متوسطة التعليم - بتعرف العواسة - غير نقناقة

غيورة علي زوجها وبيتها - ما بتحب الحوامة - وما مدلعة- وما حنكوشة- وبتعرف تغسل وتكوي

وما سمحة وما شينة مقبولة يعني - وتحترم اهلي - وما بقصر معاها

رايك شنو حالتي دي لسة ما عرست


والله ياأخوي ابو شوتال داير النصيحه بمواصفاتك دي ولا حتعرس قريب إلا تكتب ليك إعلان في الجريده وتكتب رقم فاكس يرسلو ليك فيهو السيرة الزاتية:p :p شنو ياعمك صعبتها كده مافضل غير تكتب تجيد اللغة الانجليزية محادثة وكتابة وذات خبرة على الأقل خمس سنوات :D :D :D

[غيداء نورالدين]

ضعيف هههههههههههههههههههه
يعني السمان يبوروا ياغيداء ولا شنو؟ في أخوانه كده حيكونو أحبطو مافي داعي للنفسيات دي ههههههههههههههههههههههههه :D :D :D
البكون مشه شاف ليهو سويدي يعملو والبكون هسي جاكي الله يعينهم هههههههه
أخونا معتز الريح عامل ليهو بوست كامل عن الكرش اها الناس الشاركو ديل يقبلو وين؟؟

يا باسطة ما بيبوروا ولا حاجة..
يلا ورينا مواصفاتك:D

[غيداء نورالدين]

اول حاجة : تكون ذات خلق واخلاق ودين
وثاني حاجة : تكون مربية ناجحة وخريجة اجيال
وثالثها : ان تكون ذات قوام متناثق
ورابعها : عدم الثرثرة والقيل والقال وكثرة السؤال واضاعة المال
وخامسها : الجمال ليس كل شي فالجمال جمال الروح
وسادسها : الغيرة على الزوج ومخافة الله فيه وحفظ السر البينهم
واخيرأ : قال رسول الله صلى الله عليه وسلم ( اضفر بذات الدين تربت يداك )
لكي تحياتي اختي غيدااااء

رهيب يا رهيب مواصفات جميلة
لك تحياتي

[باسطه]

والله بصراحه انا عن نفسي الحاجات دي ماشئ بينقال أو ينكتب لأنو الواحد فينا لو قعد يعدد مواصفات شريكة حياتو في شكل نقاط واحد دايره تكون كده وإتنين دايره تكون كده وثلاثة ... وهكذا حيلقى نفسو العمر كلو ماعرس وكذاب البيقول ليك انو أنا خاتي مواصفات كده وكده وكده ولقاها كلها متوفرة في شريكت حياتو عشان كده أنا عن نفسي شايف إنو شريكت حياتي بختاره بإحساس عميق يتولد داخلنا نحن الاتنين مابيترجم لحروف مكتوبه إحساس متبادل بين الشخصين بترتاح لمن تسمع صوته بتحس بدقات قلبك لمن تشوفه بيتهزه وجدانك لمن تسمع إسمه وفي نفس الوكت هي بتكون عندها نفس الأحاسيس دي, ده ماكلام روايات ولا قصص غرام ولاحنك لأنو التجربه دي أنا عشتها ومرت بي وإتوفقته في إختيار شريكت حياتي ;) وده برضو مابيمنع إنو الزول يتمسك بالأساسيات وهي الأمرنا بيها ديننا الأسلامي(فأظفر بذات الدين تربت يداك) .

[غيداء نورالدين]

والله بصراحه انا عن نفسي الحاجات دي ماشئ بينقال أو ينكتب لأنو الواحد فينا لو قعد يعدد مواصفات شريكة حياتو في شكل نقاط واحد دايره تكون كده وإتنين دايره تكون كده وثلاثة ... وهكذا حيلقى نفسو العمر كلو ماعرس وكذاب البيقول ليك انو أنا خاتي مواصفات كده وكده وكده ولقاها كلها متوفرة في شريكت حياتو عشان كده أنا عن نفسي شايف إنو شريكت حياتي بختاره بإحساس عميق يتولد داخلنا نحن الاتنين مابيترجم لحروف مكتوبه إحساس متبادل بين الشخصين بترتاح لمن تسمع صوته بتحس بدقات قلبك لمن تشوفه بيتهزه وجدانك لمن تسمع إسمه وفي نفس الوكت هي بتكون عندها نفس الأحاسيس دي, ده ماكلام روايات ولا قصص غرام ولاحنك لأنو التجربه دي أنا عشتها ومرت بي وإتوفقته في إختيار شريكت حياتي ;) وده برضو مابيمنع إنو الزول يتمسك بالأساسيات وهي الأمرنا بيها ديننا الأسلامي(فأظفر بذات الدين تربت يداك) .


:D :D :D :D :D

[باسطه]

:D :D :D :D :D


الضحكه دي نفهم منها شنو ياغيداء غلبك الكلام مش؟ عليك الله لقيتيني كيف أخوك ماصعب هههههههههههههههه:D :D :D

[غيداء نورالدين]

الضحكه دي نفهم منها شنو ياغيداء غلبك الكلام مش؟ عليك الله لقيتيني كيف أخوك ماصعب هههههههههههههههه:D :D :D

صعب صعوبية لا حولالالالالا كلمة ما قدرت اقولا
:D :D :D :D :D

[مختار بازى]

والله بصراحه انا عن نفسي الحاجات دي ماشئ بينقال أو ينكتب لأنو الواحد فينا لو قعد يعدد مواصفات شريكة حياتو في شكل نقاط واحد دايره تكون كده وإتنين دايره تكون كده وثلاثة ... وهكذا حيلقى نفسو العمر كلو ماعرس وكذاب البيقول ليك انو أنا خاتي مواصفات كده وكده وكده ولقاها كلها متوفرة في شريكت حياتو عشان كده أنا عن نفسي شايف إنو شريكت حياتي بختاره بإحساس عميق يتولد داخلنا نحن الاتنين مابيترجم لحروف مكتوبه إحساس متبادل بين الشخصين بترتاح لمن تسمع صوته بتحس بدقات قلبك لمن تشوفه بيتهزه وجدانك لمن تسمع إسمه وفي نفس الوكت هي بتكون عندها نفس الأحاسيس دي, ده ماكلام روايات ولا قصص غرام ولاحنك لأنو التجربه دي أنا عشتها ومرت بي وإتوفقته في إختيار شريكت حياتي ;) وده برضو مابيمنع إنو الزول يتمسك بالأساسيات وهي الأمرنا بيها ديننا الأسلامي(فأظفر بذات الدين تربت يداك) .


مااااااااااااااافي كلام يديك العافية
BaStA

[باسطه]

مااااااااااااااافي كلام يديك العافية
BaStA


تسلم يامخو لكن ماشايفنك ظاهر في البوست ده شايفك كاسر ركبه في النفاج طوالي نشيل ونكشف في ورقنا وإنته غانج بورقك ههههههههههه( كلامي بتاع لقيت شريكت حياتي ده أعملو رايحين منو عشان ماتقفلو سوقي هههههههههه;) )

[باسطه]

صعب صعوبية لا حولالالالالا كلمة ما قدرت اقولا
:D :D :D :D :D


ههههههههههههههههههههه
دي حاجه كده من طرف الحنك البقية في الحلقات القادمة ;) ;)

[صديق بلال]

سلام يا شباب
الموضوع كالاتي: عايزين نعرف مواصفات فارس احلام البنات .
وفي نفس اللحظة عايزين نعرف مواصفات فتاة احلام الشباب.
وبكل صراحة
وبالمناسبة مشاركة المتزوجين مطلوب بشدة. مهم جدا لانو حيوري كل زول الناقصه شنو عشان يحاول طبعا يصلح ((الكمال لله))

يلا خلونا نتناقش.



منقوووووووووووول



حقيقة بالنسبة للفتاة التي يتمناها كل إنسان عاقل مدرك تماما عن دينه فيختار طبعا الفتاة ذات الدين والخلق في المقام الأول وبعد ذلك تأتي الصفات الأخرى فكل إنسان يرى بعين تختلف عن الشخص الآخر...

[ruby]

هههههههههههههههه
والله ياباسطه ماساهل خطيييييييييير
هههههههههههههههه
اما انا عايزاه يكون طبعا لازم تكون اخلاقه عاليه ويكون ولد ناس ومايكون ضارب حزاين طوالي ومابتكلم لانفس لا حركه ....
يكون مفرفش شويه
طبعا انا بهتم بالشكل يعني بهمني صراحه
طويل و مايهمني اللون لكن مايكون كهربته قاطعه شديد
اما عن ملامح الوجه فزي كريج ديفيد تماما
طبعا دي كلها اماني مامعروف يجي شنو ؟؟؟؟؟؟؟؟
هههههههههه

[nezar]

بالعربى كدا يا غيداء اقتصادية ومتواضعة وفي حاجات تانى ...............

[ود المطامير]

أقسم بالله أنا من الضحك قامت لى شجره فسيخ فى نص رأسى

:D :D

والحاله دى لو أختنا العزيزه .. غيداء .. ما حلفتنا بالله وقالت
البكذب ما يدخل كنت ح تقول شنو ؟ قام لى عمود كهربه فى رأسى ؟
هووووووووى يا أبورانيا يا حبيب قلبى ( صوم تلاتة أيام )
ولو عاوز ليك شيخ تعال نوديك للشيخ اللى أفتى لى هع هع هع هع .

[هشام السماني إبراهيم]

انا مع ود العيكورة

عايز واحده هديه ورضيه ومقرشه...

"يا ربي متين القاهو يسعد قلبي بلقياهو"

وتكون بيضاء وطويييييييلة والشعر كمان

وكفاية كدا عشان ما نطلب المستحييل

لك تحياتي

[الريانه]

اول شى ماتصدقى اى شى قبل الارتباط البوهيه كتيره وخليك صريحه معاه ماتقولى الكلام ده بزعله ولابطفشه عشان حاتحتاجى تزكريه كتير والاوله شرط اخره لمبه بيضاء(واضحه) وتكترى من انك بتحبى الراجل العندو شخصيه وتحسمى كل موضوع اول باول يعنى ماتركميهم دى النصايح البديك ليها عشان تتعاملى مع زوجك المستقبلى لانو القسمه نصيب لى رجعه تانى اولادى عايزين العشاء

[salwa]

يعني ياغيودة نشارك تاني لشنوووووووووو:confused:
ماخلا زمنا فات وغناينا مات:D
خلونا نسمع ليكم انتو




غيووووووووووووووووووووود


زي ما قالت ليك مددددددددون

يعني نقول شنو عليك الله

الا نقول ليكم اوعي يكون كده ولا كده ولا كده

ما اصلو رااااااااااااااح علينا يا عسول

شكرا يا عسل بس بخلي ولدي يجي يشارك معااااااااك

:p :p :p

[غيداء نورالدين]

حقيقة بالنسبة للفتاة التي يتمناها كل إنسان عاقل مدرك تماما عن دينه فيختار طبعا الفتاة ذات الدين والخلق في المقام الأول وبعد ذلك تأتي الصفات الأخرى فكل إنسان يرى بعين تختلف عن الشخص الآخر...

مواصفات صحيحة شكرا على المشاركة:D

[غيداء نورالدين]

هههههههههههههههه
والله ياباسطه ماساهل خطيييييييييير
هههههههههههههههه
اما انا عايزاه يكون طبعا لازم تكون اخلاقه عاليه ويكون ولد ناس ومايكون ضارب حزاين طوالي ومابتكلم لانفس لا حركه ....
يكون مفرفش شويه
طبعا انا بهتم بالشكل يعني بهمني صراحه
طويل و مايهمني اللون لكن مايكون كهربته قاطعه شديد
اما عن ملامح الوجه فزي كريج ديفيد تماما
طبعا دي كلها اماني مامعروف يجي شنو ؟؟؟؟؟؟؟؟
هههههههههه

روبي شكرا على المشاركة:D :D :D

[غيداء نورالدين]

بالعربى كدا يا غيداء اقتصادية ومتواضعة وفي حاجات تانى ...............

شكرا ع المشاركة وفي انتظار الحاجات التانية:D

[غيداء نورالدين]

والحاله دى لو أختنا العزيزه .. غيداء .. ما حلفتنا بالله وقالت
البكذب ما يدخل كنت ح تقول شنو ؟ قام لى عمود كهربه فى رأسى ؟
هووووووووى يا أبورانيا يا حبيب قلبى ( صوم تلاتة أيام )
ولو عاوز ليك شيخ تعال نوديك للشيخ اللى أفتى لى هع هع هع هع .

شكرا ع المشاركة بس ما اديتنا مواصفات او راي:D

[غيداء نورالدين]

انا مع ود العيكورة

عايز واحده هديه ورضيه ومقرشه...

"يا ربي متين القاهو يسعد قلبي بلقياهو"

وتكون بيضاء وطويييييييلة والشعر كمان

وكفاية كدا عشان ما نطلب المستحييل

لك تحياتي

شكرا ع المشاركة :D

[غيداء نورالدين]

اول شى ماتصدقى اى شى قبل الارتباط البوهيه كتيره وخليك صريحه معاه ماتقولى الكلام ده بزعله ولابطفشه عشان حاتحتاجى تزكريه كتير والاوله شرط اخره لمبه بيضاء(واضحه) وتكترى من انك بتحبى الراجل العندو شخصيه وتحسمى كل موضوع اول باول يعنى ماتركميهم دى النصايح البديك ليها عشان تتعاملى مع زوجك المستقبلى لانو القسمه نصيب لى رجعه تانى اولادى عايزين العشاء

الريانة اولا مرحب بيك معانا في المنتدى
وانا بشكرك على تقديم النصيحة القيمة :D

[غيداء نورالدين]

غيووووووووووووووووووووود


زي ما قالت ليك مددددددددون

يعني نقول شنو عليك الله

الا نقول ليكم اوعي يكون كده ولا كده ولا كده

ما اصلو رااااااااااااااح علينا يا عسول

شكرا يا عسل بس بخلي ولدي يجي يشارك معااااااااك

:p :p :p

قولوا رايكم افيدونا بنصايح :D
شكرا ع المشاركة يا عسل وخلي ولدك يجي يشارك معانا:D :D :D

[طلال الصول]

تكون لا
ولا.........................
وبرضو لازم تكون ...............................
وشكلها يكون ....................................
عيونها ...............................
طولها............................
شعرها ................................
اخلاقا.........................................
فهما.....................................
دي بالضبط المواصفات الانا عاوزا في شريكة حياتي

[غيداء نورالدين]

تكون لا
ولا.........................
وبرضو لازم تكون ...............................
وشكلها يكون ....................................
عيونها ...............................
طولها............................
شعرها ................................
اخلاقا.........................................
فهما.....................................
دي بالضبط المواصفات الانا عاوزا في شريكة حياتي

شكرا ع المشاركة :D

[غيداء نورالدين]

بدرينا يلا نحن في انتظار مواصفاتك:D :D :D

[بدرينا]

طيب يا غيداء..
أنا أديك مواصفات حياة شريكتي..
بس بي شرط تقومي تشيلي منها نسخة وتوزعيها على صاحباتك..
يمكن يكون عندي حظ من قريب..
..
أول حاجة إنها تكون بت..
يعنى ما من النوع البلبس البناطلين..
وبعدين تكون حلوة في شكلها لكن ما حلوة شديد..
عشان ما تعمل لي مشاكل..
طبعا لمن تكون حلوة شديد..
أصحابي الزماااان ديلك الكانوا محاربني
برجعوا بس عشان يشوفوها..
وطبعا دي براها مشاكل
وبعدين نكون بنحب بعض..
عشان ما تعمل لي مشاكل
وبعدين تكون متدينة..
لكن ما متدينة شديد
عشان ما تعمل لي مشاكل..
وتكون متعلمة .. لكن ما متعلمة شديد
عشان ما تعمل لي مشاكل
ولمن تكون متعلمة شديد بتقعد تتفلسف على طبعا..
وأنا جني وجن الفلسفة.. أكيد بنختلف
وتكون عندها قروش .. لكن ما قروش كتيرة.. تقدر تشتري حاجاتا
عشان ما تعمل لي مشاكل..
فلو كانت عندها قروش كتيرة حتقوم تقول لي هاك..
وأنا جني وجن المرا البتقول ليك هاك..
وبعدين تقعد تتبوبر ليك أنا أديتك وأنا سويت ليك..
مش دي مشاكل..
وزي ما قالت غيداء أنا عايز بت تكون نضيفة..
عشان ما تعمل لي مشاكل..
وتكون ما سمينة
عشان ما تعمل لي مشاكل
وتكون اجتماعية .. لكن ما شديد
عشان ما تعمل لي مشاكل
وما يكون عندها صاحبات كتار..
عشان ما أعمل ليها مشاكل
..
وفي تاني حاجات كتيرة بس خلوني النشاور أبو رانيا

[samar_taha]

بدرينا يا خوي الله لا جاب المشاكل
أنت اي حاجة بتعمل ليك مشاكل يا كافي البلا ؟؟؟؟
أنا شخصياً شريك حياتي أ تمناهو مثقف ومتعلم , طموح , وملتزم دينياً وأخلاقياً , ومرح ويحب الدفء الأسري واحتواء الأسرة أكتر من الشلة و الأصحاب والكشاتين , وكمان لازم ما تكون عينو طايرة .
وبالنسبة للشكل يكون مقبول وبرضو ما سمين , والطول مرغوب طبعاً

بين قوسين :
بعد ده كلو
كل اللي يجيبو ربنا كويس
والبتجي من السما بتحملا الواطة

[مح السنى مد]

ياسلام ده موضوع عايز ليهو كبايه كده بتاعت شبكتينووووو حار حرور كدى النمشى اعمل لى كبايه واجى بعدين اشوف الحاصل شنو............................ :rolleyes:

[الطويل]

والحاله دى لو أختنا العزيزه .. غيداء .. ما حلفتنا بالله وقالت
البكذب ما يدخل كنت ح تقول شنو ؟ قام لى عمود كهربه فى رأسى ؟
هووووووووى يا أبورانيا يا حبيب قلبى ( صوم تلاتة أيام )
ولو عاوز ليك شيخ تعال نوديك للشيخ اللى أفتى لى هع هع هع هع .


هههههههههههههههههههههههههه

والله ياود المطامير عصرتنى عصره

انا ذاتى ما انتبهت ليها شكلى ح اصوم الثلاثه يوم

والا شوف لينا شيخك المفتى ده عشان اشوف لينا حل ( يعنى قروش بدل الثلاثه يوم )

[الطويل]

طيب يا غيداء..
أنا أديك مواصفات حياة شريكتي..
بس بي شرط تقومي تشيلي منها نسخة وتوزعيها على صاحباتك..
يمكن يكون عندي حظ من قريب..
..
أول حاجة إنها تكون بت..
يعنى ما من النوع البلبس البناطلين..
وبعدين تكون حلوة في شكلها لكن ما حلوة شديد..
عشان ما تعمل لي مشاكل..
طبعا لمن تكون حلوة شديد..
أصحابي الزماااان ديلك الكانوا محاربني
برجعوا بس عشان يشوفوها..
وطبعا دي براها مشاكل
وبعدين نكون بنحب بعض..
عشان ما تعمل لي مشاكل
وبعدين تكون متدينة..
لكن ما متدينة شديد
عشان ما تعمل لي مشاكل..
وتكون متعلمة .. لكن ما متعلمة شديد
عشان ما تعمل لي مشاكل
ولمن تكون متعلمة شديد بتقعد تتفلسف على طبعا..
وأنا جني وجن الفلسفة.. أكيد بنختلف
وتكون عندها قروش .. لكن ما قروش كتيرة.. تقدر تشتري حاجاتا
عشان ما تعمل لي مشاكل..
فلو كانت عندها قروش كتيرة حتقوم تقول لي هاك..
وأنا جني وجن المرا البتقول ليك هاك..
وبعدين تقعد تتبوبر ليك أنا أديتك وأنا سويت ليك..
مش دي مشاكل..
وزي ما قالت غيداء أنا عايز بت تكون نضيفة..
عشان ما تعمل لي مشاكل..
وتكون ما سمينة
عشان ما تعمل لي مشاكل
وتكون اجتماعية .. لكن ما شديد
عشان ما تعمل لي مشاكل
وما يكون عندها صاحبات كتار..
عشان ما أعمل ليها مشاكل
..
وفي تاني حاجات كتيرة بس خلوني النشاور أبو رانيا


هع عجبتنى وسريت بالى ياود خالتى

وانا منتظرك فى الديواااان يافردتى

[abomazeen]

العزيز : أبو رانيا المحترم
أذكر الله ما في داعي للنكات اللي بالشكل ده ؟؟؟
يعني خلاص النكات خلصت وكملت حتى نقول مثل هذا الكلام ....
وانتي كمان يا غيداء : ما في داعي للتعليق الظريف بالشكل ده ؟؟
ولا أنا غلطان يا جماعة الخير ...

أعتذر عن الكلام لو جارح ( لا خير فينا إذا لم نقلها )

مع خالص محبتي وتقديري للجميع ؛؛؛

[abomazeen]

العزيز : أبو رانيا المحترم
أذكر الله ما في داعي للنكات اللي بالشكل ده ؟؟؟
يعني خلاص النكات خلصت وكملت حتى نقول مثل هذا الكلام ....
وانتي كمان يا غيداء : ما في داعي للتعليق الظريف بالشكل ده ؟؟
ولا أنا غلطان يا جماعة الخير ...

أعتذر عن الكلام لو جارح ( لا خير فينا إذا لم نقلها )

مع خالص محبتي وتقديري للجميع ؛؛؛
أبو مازن

[بدرينا]

بدرينا يا خوي الله لا جاب المشاكل
أنت اي حاجة بتعمل ليك مشاكل يا كافي البلا ؟؟؟؟
أنا شخصياً شريك حياتي أ تمناهو مثقف ومتعلم , طموح , وملتزم دينياً وأخلاقياً , ومرح ويحب الدفء الأسري واحتواء الأسرة أكتر من الشلة و الأصحاب والكشاتين , وكمان لازم ما تكون عينو طايرة .
وبالنسبة للشكل يكون مقبول وبرضو ما سمين , والطول مرغوب طبعاً

بين قوسين :
بعد ده كلو
كل اللي يجيبو ربنا كويس
والبتجي من السما بتحملا الواطة


تسلمي يا سمر..
لكن الزمن دا البت لو ما ختيت ليها الخطوط العريضة من البداية أكيد حتكون في كمية من المشاكل وأنا في غنى عنها..

[باسطه]

هههههههههههههههه
والله ياباسطه ماساهل خطيييييييييير
هههههههههههههههه
اما انا عايزاه يكون طبعا لازم تكون اخلاقه عاليه ويكون ولد ناس ومايكون ضارب حزاين طوالي ومابتكلم لانفس لا حركه ....
يكون مفرفش شويه
طبعا انا بهتم بالشكل يعني بهمني صراحه
طويل و مايهمني اللون لكن مايكون كهربته قاطعه شديد
اما عن ملامح الوجه فزي كريج ديفيد تماما
طبعا دي كلها اماني مامعروف يجي شنو ؟؟؟؟؟؟؟؟
هههههههههه

يديك العافية ياروبي
لكن زي كريج ديفيد عديل كده ماصعبتيها ههههههههههه
كدي عايني لصورتي دي مابتشبه كريج ديفيد يعني إحتمال أنفع :p :p :p هههههههههه

[باسطه]

حبيبنا ياود بــــــــازي ناوي تقعد عزابي ياأخوي ولا شنو ماشايفك ظاهر في البلد دي ياأخوي حصل القطر قبل مايفوتك قدم سيرتك الذاتية سااااي يمكن البنوت ديل يلقو ليك عرووووس ههههههههههه ولا ياأخوي أنا عارفك المواضيع البتهبش الجرح مابتجي عليها أصلو أرح أبقى مارق أكشف لينا ورقك ماشايف الجماعة إدردقو كيف فتو الشمار كلو هني الليلة

[HaSsOoN]

ههههههههههههههههههههههه
موضوعك جميل ياغيود .....ومواصفاتي لفتاة الاحلام تكون على قدر من الجمال طيبه القلب ......كلاما كتير هههههههههههه ماتكون قاطعه مويه وكهربا يعني علشان انا زول بحب النضمي....وبتحبني واحبها .......

تخريمه: ياروبي باسطه دي مستنسخنو من كريج ديفيد بنفع معاك ههههههههههههههههههههههههههههه شبهبنا واتلاقينا

[HaSsOoN]

حبيبنا ياود بــــــــازي ناوي تقعد عزابي ياأخوي ولا شنو ماشايفك ظاهر في البلد دي ياأخوي حصل القطر قبل مايفوتك قدم سيرتك الذاتية سااااي يمكن البنوت ديل يلقو ليك عرووووس ههههههههههه ولا ياأخوي أنا عارفك المواضيع البتهبش الجرح مابتجي عليها أصلو أرح أبقى مارق أكشف لينا ورقك ماشايف الجماعة إدردقو كيف فتو الشمار كلو هني الليلة


الحق القطر يامخو قدم ورقك يمكن تلاقي ليك حاجه طايره بي جاي ................

تخريمه: بيني وبينك كدا ياباسطه مخو دا شكلو مستفينو علشان كدا ماجا ناطي علينا بي جاي ..علشان كدا خلينا مستووره ههههههههههههههههههههه

[مختار بازى]

حبيبنا ياود بــــــــازي ناوي تقعد عزابي ياأخوي ولا شنو ماشايفك ظاهر في البلد دي ياأخوي حصل القطر قبل مايفوتك قدم سيرتك الذاتية سااااي يمكن البنوت ديل يلقو ليك عرووووس ههههههههههه ولا ياأخوي أنا عارفك المواضيع البتهبش الجرح مابتجي عليها أصلو أرح أبقى مارق أكشف لينا ورقك ماشايف الجماعة إدردقو كيف فتو الشمار كلو هني الليلة

(لا يلدغ المؤمن من جحر مرتين)

عشان كدا نخليها علي الله بس

[مختار بازى]

الحق القطر يامخو قدم ورقك يمكن تلاقي ليك حاجه طايره بي جاي ................

تخريمه: بيني وبينك كدا ياباسطه مخو دا شكلو مستفينو علشان كدا ماجا ناطي علينا بي جاي ..علشان كدا خلينا مستووره ههههههههههههههههههههه

لا والله يا حسون ما كدا بس اخوك قال آآآآآآآآآآآآآآآآآآآآآآآآآآآآخ!!:D

[غيداء نورالدين]

ياسلام ده موضوع عايز ليهو كبايه كده بتاعت شبكتينووووو حار حرور كدى النمشى اعمل لى كبايه واجى بعدين اشوف الحاصل شنو............................ :rolleyes:

خلاص يا ود السني منتظرينك:D :D :D

[باسطه]

(لا يلدغ المؤمن من جحر مرتين)

عشان كدا نخليها علي الله بس

والله يامخو حننتني هههههههههه بقيت لي مسكييييين كده لكن مامشكلة أخوك عندو ليك عروس بس لمن تبقى على الموضوع قول لي عووووووق

[مختار بازى]

والله يامخو حننتني هههههههههه بقيت لي مسكييييين كده لكن مامشكلة أخوك عندو ليك عروس بس لمن تبقى على الموضوع قول لي عووووووق

والله يا باسطة ضحكتني هههههههههههههههههههههههههههههه
منظري يحنن صااااااااااااااااااح :D :D
طيب ياباسطة عوووووووووووووكاااااااااااااات:D :D

[باسطه]

مخو عملتها عوكات عديل كده , دي جرسة منك سااااااااي لكن أبشر أول إجازة أنزل فيها السودان مابقصر معاك

[HaSsOoN]

مخو عملتها عوكات عديل كده , دي جرسة منك سااااااااي لكن أبشر أول إجازة أنزل فيها السودان مابقصر معاك


ههههههههههههههههههههههه ياباسطه مخو جابا كبيره لكن سكت دهرا ونطق شرا ...دي عووكااات عديل كدا يعني الليله قبل بكره ....يلا شد حيلك ياباسطه سريع سريع شوف للزول دا حاجه يغطي بيها قدحو:D :D :D

[مختار بازى]

مخو عملتها عوكات عديل كده , دي جرسة منك سااااااااي لكن أبشر أول إجازة أنزل فيها السودان مابقصر معاك

بتنزل الاجازة بتين ؟:D :D :D

[مختار بازى]

ههههههههههههههههههههههه ياباسطه مخو جابا كبيره لكن سكت دهرا ونطق شرا ...دي عووكااات عديل كدا يعني الليله قبل بكره ....يلا شد حيلك ياباسطه سريع سريع شوف للزول دا حاجه يغطي بيها قدحو:D :D :D

وهســــــــــــــــة قبل بعدين ياعم اي حاجـــــــــــة قدح كريك اي شيء بس :D :)

[بدرينا]

ونواصل في أوصاف حياة شريكتي..
تكون عقلها كبيير
ومتواضعة
وبتحب الريف
وما نقناقة
ويكون فرق العمر بيناتنا بين 4 إلى 7
وتحترم أهلي
وتكون من أي قبيلة في السودان
وتكون بتعرف تعوس
إمكن يكون ما في رغيف..

[غيداء نورالدين]

ونواصل في أوصاف حياة شريكتي..
تكون عقلها كبيير
ومتواضعة
وبتحب الريف
وما نقناقة
ويكون فرق العمر بيناتنا بين 4 إلى 7
وتحترم أهلي
وتكون من أي قبيلة في السودان
وتكون بتعرف تعوس
إمكن يكون ما في رغيف..


بدرينا يا اخوي دي صعبتها شديد ياخي:D

[غيداء نورالدين]

مخو
يلا ورينا مواصفات شريكة حياتك:D :D :D

[بدرينا]

بدرينا يا اخوي دي صعبتها شديد ياخي:D


الصعبتها شنو يا غيداء؟؟
أكيد قاصدة الحتة بتاعت الرييف والعوااسة وكدا مش؟؟؟

[غيداء نورالدين]

الصعبتها شنو يا غيداء؟؟
أكيد قاصدة الحتة بتاعت الرييف والعوااسة وكدا مش؟؟؟

طبعا قاصداها هي بتعرف تعوس ياخي ارحمها شوية خلي حكاية العواسة دي:D :D :D

[بدرينا]

طبعا قاصداها هي بتعرف تعوس ياخي ارحمها شوية خلي حكاية العواسة دي:D :D :D


ما عندك مشكلة يا غيداء حتة العواسة شلناها برة..
ونخت في محلها انها تكون بتعرف تكوي.. دي برضها صعبة..؟؟
عندي واحد صاحبي قال لي إنت عارف يا بدري أنا لو ازوجتا بتزوج عشان المرا تكوي لي بس..

[غيداء نورالدين]

ما عندك مشكلة يا غيداء حتة العواسة شلناها برة..
ونخت في محلها انها تكون بتعرف تكوي.. دي برضها صعبة..؟؟
عندي واحد صاحبي قال لي إنت عارف يا بدري أنا لو ازوجتا بتزوج عشان المرا تكوي لي بس..

كدا مقبولة بتكوي دي حاجة عادية :D :D :D

[مختار بازى]

مخو
يلا ورينا مواصفات شريكة حياتك:D :D :D


ذات خلق ودين مقبولــــــــــــــــــة الشكل غيورة .

[غيداء نورالدين]

ذات خلق ودين مقبولــــــــــــــــــة الشكل غيورة .


شكرا ع المشاركة يا مخو:D :D :D

[القيصر]

ازيكم يا شباب والله موضوعكم شيق للغايه
ودى الاوصاف:::
طويييييييييييييله

سمييييييينه
(دى عشان نظرى ضعيف)

ونقناااااااااااقه

وجميله طبعا

[MASS77]

شريكة الحياة:ــــــ
الواقعيه ؛ القلب الكبير ؛الوضوح؛اللين؛
والغيره؛

[غيداء نورالدين]

mass77
القيصر
شكرا ع المشاركة

[القيصر]

تسلمى يا غيدا وان شاء الله نستفيد

[Madanawi]

موضوع غاية في الروعة والاهمية

بالنسبة لفتاة احلام أي شاب هي بلا شك

الودود .. والولود .. ذات الدين .. قانتة .. حافظة للغيب

أمينة على سر زوجها .. وراعية لماله وعرضه واولاده

يلا ورونا .. انتو عاوزين الفرسان بتاعنكم كيف ؟

تخريمة :

يا مدنية انتن لو ماعندكن طريقة يا المتزوجات .. فالمتزوجون ما زال لديهم من الفرص ثلاث!!

[غيداء نورالدين]

موضوع غاية في الروعة والاهمية

بالنسبة لفتاة احلام أي شاب هي بلا شك

الودود .. والولود .. ذات الدين .. قانتة .. حافظة للغيب

أمينة على سر زوجها .. وراعية لماله وعرضه واولاده

يلا ورونا .. انتو عاوزين الفرسان بتاعنكم كيف ؟

تخريمة :

يا مدنية انتن لو ماعندكن طريقة يا المتزوجات .. فالمتزوجون ما زال لديهم من الفرص ثلاث!!

الاخ مدناوي
شكرا ع المرور والمشاركة

[حبيبة ودمدني]

اما انا مواصفات فارس احلامي
يكون انسان عاقل وفاهم معنى الحياه
وتكون الناس بتحبو عشان اخلاقوا العاليه
ويكون وسيم واهم شي يكون بيحبني من قلبو

واخيرا ما يكون سميييييييييين عشان ان بخاف من الناس السمان
هههههههههههههههههههههههههههههههههه

[moh_alnour]

هذه هي مواصفات من أريد الأرتباط بها ولا أتصور بأنني سأعيش حياة زوجية سعيدة مالم تتوفر هذه الصفات في البنت التي سأتزوجها وهي : -
* جميلة ( جمال متفق عليه من الجميع لأنني لا أؤمن بمقولة الجمال شيء نسبي ) - إذا نظر إليها سرته وإذا أمر أطاعته .
* متعلمة - أي تكون خريجة جامعية ولها عقل راجح تفكر به ولا تفكر بعاطفتها .
* متدينة ومحجبة ( أي تراعي ربها في جميع تصرفاتها وفي زوجها ) - فاظفر بذات الدين تربت يداك .
* أن تكون منظمة ومرتبة في نفسها وبيتها وأولادها .
* تجيد فن التعامل مع الأخرين وأن تشاركني كل حياتي بمعنى عندما أستشيرها في أمر ما أجد عندها المشورة والرأي وعندما أناقشها في أي موضوع يكون لديها رأي وفكر خاص بها .
* من أسرة محافظة وملتزمة وتقدس الحياة الزوجية .
* أن تكون من مدني .
ولا يهمني إن كانت تجيد الطبخ أو لا .

[عبدالرحيم سعيد]

كل حد في الدنيا يتمني الزوجة(التقية النقية الهينة اللينة وبس) الجمال .الرشاقة.وهلم جرا .عرض زائل ويستقر الاصل.

[النور محمد يوسف]

الاخت غيداء ....تحياتي اليك
مررت على هذا البوست كلمة كلمة وحرفا حرفا....أشكرك على اختياره وتحريكه واثرائه...وكان لزاما الادلاء بدلونا في أهم وأصعب اختيار ....النقطة المحك ...النقطة المفصلية في حياة المتقدمين الى الزواج.

أولا نحدد مكان الاختيار ...السودان.... لان المواصفات تختلف من بلد الى آخر
ثانيا نحدد الفئة العمرية...الشباب....فالعمر يحتم مواصفات معينة
ثالثا البيئة المنطقة "المدينة"... فكل منطقة تحتم مواصفات معينة وتدخل في المدينة فئات المغتربين بنحلهم المختلفة....

وأخيرا تحديد الوقت ...القرن 21 ...عصر العولمة والفضائيات وافرازاتها التي دخلت عنوة كل بيت.

أعتقد بعد هذا يمكن أن أسرد بعضا من المواصفات للجنسين :

- أن يكون للشاب أو الشابة المقدرة على اتخاذ القرار...نسبة لتعدد الآراء نحو أي مسألة (الموضة...الاعتقاد...الموالاة...التوجه السياسي....الفن)

- القدرة على المشاركة وابداء الرأي (النقاش...التحاور ...تقبل الاخر...عبارات الترحيب والمجاملة... عبارات الحسم)

- القدرة على التكيف مع مستجدات التكنلوجيا (كمبيوتر...نت...روبوت....) وتكنلوجيا الأغذية (ولَّى زمن العواسة والرغيف والطاجن وضيوف الصالون...وضيف الليل)... فمتابعة التقنية والتكيف معها مهمة ولكن بلا مساس للثوابت الدينية.

- أن يتمتع الزوج أو الزوجة بحسٍ جمالي عالٍ (فنيات ترتيب البيت واختيار الاثاث وتنسيقه وعمل الديكور للمنزل وحديقة المنزل )

- استشعار المسئولية وتبنيها تجاه مقتنيات الطرف الاخر من مستندات ومذكرات وصور تذكارية وأوراق ثبوتية وشهادات وجوائز تقديرية.

- استشعار أهمية كل طرف تجاه الطرف الاخر وخاصة من جانب الزوجة (ويا حبذا لو تم تشييد مدارس كما في اليابان تعلم البنت كيفية تقدير زوجها وادارة بيتها)

- التزام الطرفين ببرنامج اسبوعي لارتياد أندية اللياقة البدنية وصالات الرياضة

- حب الاطلاع (قراءة كتب التربية وكتب التثقيف الصحي والكتب الفكرية لاثراء الحوار في نطاق البيت)

- وأهم ميزة في الطرفين هي احترام البيئة ومحاولة تطويرها بغرس الاشجار وتنظيف السكن من جميع بؤر تواجد الحشرات والاعتناء بالمحيط حول البيت .

- ويجب توفر الحنان والرقة من الطرفين تجاه الصغير وتجاه الكبير (عامة)

- يجب توفر مبدأ النقد وتقبل النقد والشكر لمن ينتقدك لشيء تستفيد منه في السلوك أو في نواحي الحياة عامة.

- الابتعاد عن الأنا والغرور... وغرس محبة الآخر في النفس

- توفر صفة المستمع الجيد والمتحدث اللبق


ولك تحياتي
النور

[غيداء نورالدين]

اما انا مواصفات فارس احلامي
يكون انسان عاقل وفاهم معنى الحياه
وتكون الناس بتحبو عشان اخلاقوا العاليه
ويكون وسيم واهم شي يكون بيحبني من قلبو

واخيرا ما يكون سميييييييييين عشان ان بخاف من الناس السمان
هههههههههههههههههههههههههههههههههه


تسلمي على المشاركة
وربنا يحقق ليك هذه المواصفات

[غيداء نورالدين]

هذه هي مواصفات من أريد الأرتباط بها ولا أتصور بأنني سأعيش حياة زوجية سعيدة مالم تتوفر هذه الصفات في البنت التي سأتزوجها وهي : -
* جميلة ( جمال متفق عليه من الجميع لأنني لا أؤمن بمقولة الجمال شيء نسبي ) - إذا نظر إليها سرته وإذا أمر أطاعته .
* متعلمة - أي تكون خريجة جامعية ولها عقل راجح تفكر به ولا تفكر بعاطفتها .
* متدينة ومحجبة ( أي تراعي ربها في جميع تصرفاتها وفي زوجها ) - فاظفر بذات الدين تربت يداك .
* أن تكون منظمة ومرتبة في نفسها وبيتها وأولادها .
* تجيد فن التعامل مع الأخرين وأن تشاركني كل حياتي بمعنى عندما أستشيرها في أمر ما أجد عندها المشورة والرأي وعندما أناقشها في أي موضوع يكون لديها رأي وفكر خاص بها .
* من أسرة محافظة وملتزمة وتقدس الحياة الزوجية .
* أن تكون من مدني .
ولا يهمني إن كانت تجيد الطبخ أو لا .


صفات جميلة واهم ما فيها ملتزمة ومتدين ومتحجبة
واشكرك على المشاركة وربنا يحقق ليك هذه الصفات ........

[غيداء نورالدين]

كل حد في الدنيا يتمني الزوجة(التقية النقية الهينة اللينة وبس) الجمال .الرشاقة.وهلم جرا .عرض زائل ويستقر الاصل.


ههههههههههه
شكرا على المشااااركة

[غيداء نورالدين]

الاخت غيداء ....تحياتي اليك
مررت على هذا البوست كلمة كلمة وحرفا حرفا....أشكرك على اختياره وتحريكه واثرائه...وكان لزاما الادلاء بدلونا في أهم وأصعب اختيار ....النقطة المحك ...النقطة المفصلية في حياة المتقدمين الى الزواج.

أولا نحدد مكان الاختيار ...السودان.... لان المواصفات تختلف من بلد الى آخر
ثانيا نحدد الفئة العمرية...الشباب....فالعمر يحتم مواصفات معينة
ثالثا البيئة المنطقة "المدينة"... فكل منطقة تحتم مواصفات معينة وتدخل في المدينة فئات المغتربين بنحلهم المختلفة....

وأخيرا تحديد الوقت ...القرن 21 ...عصر العولمة والفضائيات وافرازاتها التي دخلت عنوة كل بيت.

أعتقد بعد هذا يمكن أن أسرد بعضا من المواصفات للجنسين :

- أن يكون للشاب أو الشابة المقدرة على اتخاذ القرار...نسبة لتعدد الآراء نحو أي مسألة (الموضة...الاعتقاد...الموالاة...التوجه السياسي....الفن)

- القدرة على المشاركة وابداء الرأي (النقاش...التحاور ...تقبل الاخر...عبارات الترحيب والمجاملة... عبارات الحسم)

- القدرة على التكيف مع مستجدات التكنلوجيا (كمبيوتر...نت...روبوت....) وتكنلوجيا الأغذية (ولَّى زمن العواسة والرغيف والطاجن وضيوف الصالون...وضيف الليل)... فمتابعة التقنية والتكيف معها مهمة ولكن بلا مساس للثوابت الدينية.

- أن يتمتع الزوج أو الزوجة بحسٍ جمالي عالٍ (فنيات ترتيب البيت واختيار الاثاث وتنسيقه وعمل الديكور للمنزل وحديقة المنزل )

- استشعار المسئولية وتبنيها تجاه مقتنيات الطرف الاخر من مستندات ومذكرات وصور تذكارية وأوراق ثبوتية وشهادات وجوائز تقديرية.

- استشعار أهمية كل طرف تجاه الطرف الاخر وخاصة من جانب الزوجة (ويا حبذا لو تم تشييد مدارس كما في اليابان تعلم البنت كيفية تقدير زوجها وادارة بيتها)

- التزام الطرفين ببرنامج اسبوعي لارتياد أندية اللياقة البدنية وصالات الرياضة

- حب الاطلاع (قراءة كتب التربية وكتب التثقيف الصحي والكتب الفكرية لاثراء الحوار في نطاق البيت)

- وأهم ميزة في الطرفين هي احترام البيئة ومحاولة تطويرها بغرس الاشجار وتنظيف السكن من جميع بؤر تواجد الحشرات والاعتناء بالمحيط حول البيت .

- ويجب توفر الحنان والرقة من الطرفين تجاه الصغير وتجاه الكبير (عامة)

- يجب توفر مبدأ النقد وتقبل النقد والشكر لمن ينتقدك لشيء تستفيد منه في السلوك أو في نواحي الحياة عامة.

- الابتعاد عن الأنا والغرور... وغرس محبة الآخر في النفس

- توفر صفة المستمع الجيد والمتحدث اللبق


ولك تحياتي
النور

النوووووووووووور



فعلا مواصفات هادفة وجميلة
وان شاء الله تحقق لك هذه الصفات
وشكرا على المشاركة

[الشرغوش]

انا داير لي واحدة تقبل انها تكون الزوجة التانية مع احتمال الزيادة في أي وقت بتلقوها لي ولا انسحب؟؟؟؟؟؟

[114]

يا غيداء

أن أحبها
هذه كل المواصفات التي اريدها في شريكة حياتي!


يعنى دى نقاط عامة واعود واذكر ان الجمال ليس كل شىء وليس هو المقياس الوحيد لاختيار الزوجة والجمال جمال الروح اولا وأخيراً

يا ود حنتوب
أرى أن الجمال نسبي، فما أراه جميلاً قد لا تراه كذلك..


ويكون فرق العمر بيناتنا بين 4 إلى 7

يا بدرينا

علماء النفس والاجتماع قالوا انسب سن للزواج أن يكون فرق العمر بين الولد والبنت ما بين 7 الى 15 عام، ما يكون اقل من 7 وما اكتر من 15، اقل من 7 قالوا حيسبب مشكلة لما يصلوا سن الأربعين، لأنو المرأة بتكون ظهرت عليها علامات الكبر، والرجل ما زال يبدو شباب، فتخاف المرأة وتغار وتنكد على زوجها، فتحصل مشاكل، واما اكتر من 15 فلكيلا يكون هو من جيل وهي من جيل..

لكن ما تنسوا ان سيد الخلق أجمعين تزوج امنا خديجه وهي في الأربعين بينما هو في الخامسة والعشرين، وظل يحبها حتى بعد موتها، وحتى بعد أن تزوج امنا عائشه صغيرة السن..

[معذة احمد علي]

الله يجازي محنك يا غيداء
تغيبي شهور ولمن تجي تجيبي ليك موضوع خلي الجماعه
كلهم هروب كل زول مستني التاني يبداء



أنا قايتو برررررا

[moh_alnour]

أنا قايتو برررررا


والله دا ذاتو الهروب الكبير يا معذة
قولي مواصفاتك حتى ولو كنت متزوجة أو مرتبطة أو مخطوبة

[بدرينا]

حمدا لله على السلامة يا غيداء بعد غياب أكثر من خمشة سهور

[غيداء نورالدين]

حمدا لله على السلامة يا غيداء بعد غياب أكثر من خمشة سهور


الله يسلمك


الاخ

بدرينا

[غيداء نورالدين]

الله يجازي محنك يا غيداء
تغيبي شهور ولمن تجي تجيبي ليك موضوع خلي الجماعه
كلهم هروب كل زول مستني التاني يبداء



أنا قايتو برررررا


هههههههههههههههه


هاربة وين البيدخل هنا تاني ما بيطلع بي سهولة:D

[معذة احمد علي]

أنا ببدا لمن تبدي انتى وكل الفي المنتدي

[ناصر عمر دبيب]

دي كلام ونسه الزواج قسمة ونصيب والبقول انا عاوز وانا عايزة والله بكون في النهاية وشها كعب

[moh_alnour]

دي كلام ونسه الزواج قسمة ونصيب والبقول انا عاوز وانا عايزة والله بكون في النهاية وشها كعب

ليه يا ناصر
أي شخص في الدنيا سواء كان ولد أو بت
عندو مواصفات بتمناها في شريك الحياة
مفروض يا ناصر تقول لينا الله يديكم
بدل ما أنت تشيل وش القباحة
وأؤيد كلامك بشدة الزواج قسمة ونصيب
وربنا يجعل قسمتنا مع التي نتمناها