يااعضاء يا اعضاء يا اعضاء الحل شنو؟؟؟

[مختار بازى]

Madanawi ومدنية طولو بالكم وربنا يعينكم ان شاء الله والله يستركم من الضغط والسكري

آآآآآآآآآآآآىميييييييييييييييييييين يا رب

يا اهل الله الناس دي ما قالت الكلام دا بالعربي وبالدارجي الموضووووووووووووووووع المنقول نكتب عليهو منقوووووووووووووووووول منقووووووووووول الكلام دا ما عربي ولا دايرين نجيب لي الناس دي ضغط الله يسترهم ولسة الناس ما زالت بتنقل وما زالت ما بتكتب عليهو منقووووووووول والله يا اخوانا الشغلة دي ماااااااااا بتجي الناس المشرفين ديل حنو
عليهم يا اخوانا والله انا وكلكم اكيد حاسيين بيهم مضايقين من الشغلة دي وكتبو مرة واتنين
وتلاتة والناس لسة مازالت بتنقل وما بتكتب منقووووووووووووووووووووووووووووووول
طيب يا اعضاء دا حل ممكن يكون سلمي اننا نحد من الظاهرة دي وممكن لا !!!!!!!!!!!!!!!!!!!!!
اي عضو يخش علي موضوع يكون منقول والناقلو ما كتب عليهو منقول ما تعلق ليهو خلي عدد
المشاهدات يكون اكتر من المشاركات وما نشارك بالمرة في الموضوع المنقول وما مكتوب عليهو منقول طبعا كلكم مواكبين وعارفين المواضيع المنقولة من الما منقولة ظاااااااااااااااهرة ما بتغباكم عارف الكلام دا يا شباب يا شباب فضلو اتنين بس مشرفين في العام لا قدر الله لو الناس حصلت ليهم ظروف الواحد ممكن يكون متابع وهو في ظروفو ديك لكن بالطريقة دي حيقول اه سيبك ما مواضيع كلها منقولة تعبان ليها شنو اكمل نومي لكن نحنا عايزين ننوع كل يوم جديد مالو نخلي الناس تنقل مننا هنا المهم مادة كدا تكون مختصرة ودسمة ما شرط لازم تتعب نفسك وتجهد نفسك عشان الموضوع ما يطول علي المتلقي ويعبر عن القضية الانتة بتهدف ليها وعايزنا نشارك الراي فيها .
رجاء يا شباب والله المنتدي ابتدي يفقد شيء كدا !!!!
كدي لاحظوا كلكم كدا Madanawi ومدنية ديل زي زمان ؟؟ لاوالله ما زي زمان بطنهم طامة والله ومن الشيء البحصل دا فرجاء يا شباب نحنا مع بعض نشوف حل للموضوع دا

ونسمع راي كل زول مننا الحل شنو؟؟

[هشام السماني إبراهيم]

مختـــــــــــــــــــــار يـــــــاخطيــر


والله موضوعك في جرح والجماعة ليهم حق بطنهم تطم واكتر من كدا نقل المواضيع بقى اكتر من الملاريا .


انا في رائي اكون في بند حق ملاحظات زي المشاركات لو مشارك بي 100 عليو ملاحظات 50 نقل مواضيع او اي حاجة تانية .

دي فكرتي

ولك الف تحية

اخوك / هـــشـــــام :)

[الريانه]

يديك العافيه على الموضوع ده وبصراحة ياريت يقصرو شويه فى الموضوع ومايطولوه طوله بكتر التكرار

[أبوياسر]

والله يا جار
أتفق معك تماما فيما ذهبت إليه وأحب أضيف كمان حاجة بسيطة إنو حتي النقل ذاتو لو مافي
ضرورة ملحة ليهو يبقي ما في داعي ليهو وبعدين هل الناس بتكتب عشان يقولوا كتب أم هنالك فكرة أو موضوع أومعالجة معينة لقضية معينة الناس ممكن تستفيد منها حتي لو كانت نكتة المهم بكون فيها رسالة وخدمة لأهلك وناسك وزي ما ذكرت المعلومة الآن أصبحت بين يدي كل
متصفح للشبكة العنكبوتية فحقو برضو الناس تراعي عقول القراء فيما ينقل اليهم وكلمة منقول والله مافيها أي إنتقاص لناقل الموضوع بل يكون فيها إحترام لشخصه وأمانته والذي لا يكتب منقول أنا في رأي مافي فرق بينو وبين الحرامي مع إعتزاري لهذه الفظاظة لكن فعلا الأمانة تقتضي ذلك حتي لا نتعدي علي حقوق الآخرين
بالرقراق
رسالة لأحبتي المشرفين
ما تزعلوا مني حبي ليكم وللمنتدي إقتضي هذه
الرسالة يا جماعة والله إنتو ما عارف أقول نايمين
ولا غائبين صحيح أنا جديد وما من حقي أصدر أحكام
لكن والله وبكل أسف ما لمسته هو غيابكم وأعزروني
والله ما قصدت إلا الخير والإصلاح والله من وراء القصد
لكم كل تقديري وإحترامي وخاصة الرجل الراقي مدناوي

[نزار حسن محمد]

تمام ياشباب ...ويالله نرمى لقدام ..وتاكده المشرفيين مانايمين ومعاكم باستمرار لكم كل الود .

[معتز الريح]

الحبيب مختار ..
انت ذكرت الحل ..
ما تكتبوا مداخلات في موضوعهم وانتهينا على كده ..

[salwa]

نؤيدك اخي مختار وبشدة

واسال مجرب ولا تسال طبيب

الموضوع ده ممكن تكون ليه عواقب ما حلوة وممكن تدخل الشخص في احراج في غنى عنه ناهيك عن اشياء اخرى قد تكون عن دون قصد ....وزيد على ذلك المعلومة الطازجة الحلوة المكتوبة من معرفتنا الخاصة على حسب الامكانيات الشخصية


مشكور كتير اخي وكتر خيرك على اللفتة الحلوة

[مدنيّة]

والله يامختار حسنا اتقرش ولا حياة لمن تنادي

انا بس نفسي افهم حاجة وااااااااااااحدة اللي بينقل الموضوع لية ما بيكتب عليه منقول !!

وكلنا قاعدين في النت دا وعارفين المواضيع اللي بيكون كاتبها العضو ومن المنقولة يعني اصلا مافي داعي يدخل نفسه في حتة ضيقة ولا انه يستخف بعقولنا وابسط حاجة اني اعمل سيرش لاسم الموضوع وقوقل الله يديه العافية بيقوم بالمطلوب ، يعني حتي اللي بينقل ما بيكلف نفسه عناء تغير اسم الموضوع !

احييييييييييييييييييي وحاة الله انا فترت

همسة : سلوي ياغالية نقلتك انتي كانت احلي نقلة لانها جابت لينا استاذ كبير متشرفين بوجوده عضو معانا في المنتدي بس المشكلة في الناس اللي بتنقل وترد علي احساس انها هي صاحبة الموضوع

[مختار بازى]

مختـــــــــــــــــــــار يـــــــاخطيــر


والله موضوعك في جرح والجماعة ليهم حق بطنهم تطم واكتر من كدا نقل المواضيع بقى اكتر من الملاريا .


انا في رائي اكون في بند حق ملاحظات زي المشاركات لو مشارك بي 100 عليو ملاحظات 50 نقل مواضيع او اي حاجة تانية .

دي فكرتي

ولك الف تحية

اخوك / هـــشـــــام :)

تسلم والله يا هشام وربنا يخليك لينا دايما كدا يا رب وفي انتظار راي البقية

[مختار بازى]

يديك العافيه على الموضوع ده وبصراحة ياريت يقصرو شويه فى الموضوع ومايطولوه طوله بكتر التكرار

يا ريت والله يا الريانة لكن وين لا حياة لمن تنادي

[مختار بازى]

والله يا جار
أتفق معك تماما فيما ذهبت إليه وأحب أضيف كمان حاجة بسيطة إنو حتي النقل ذاتو لو مافي
ضرورة ملحة ليهو يبقي ما في داعي ليهو وبعدين هل الناس بتكتب عشان يقولوا كتب أم هنالك فكرة أو موضوع أومعالجة معينة لقضية معينة الناس ممكن تستفيد منها حتي لو كانت نكتة المهم بكون فيها رسالة وخدمة لأهلك وناسك وزي ما ذكرت المعلومة الآن أصبحت بين يدي كل
متصفح للشبكة العنكبوتية فحقو برضو الناس تراعي عقول القراء فيما ينقل اليهم وكلمة منقول والله مافيها أي إنتقاص لناقل الموضوع بل يكون فيها إحترام لشخصه وأمانته والذي لا يكتب منقول أنا في رأي مافي فرق بينو وبين الحرامي مع إعتزاري لهذه الفظاظة لكن فعلا الأمانة تقتضي ذلك حتي لا نتعدي علي حقوق الآخرين
بالرقراق
رسالة لأحبتي المشرفين
ما تزعلوا مني حبي ليكم وللمنتدي إقتضي هذه
الرسالة يا جماعة والله إنتو ما عارف أقول نايمين
ولا غائبين صحيح أنا جديد وما من حقي أصدر أحكام
لكن والله وبكل أسف ما لمسته هو غيابكم وأعزروني
والله ما قصدت إلا الخير والإصلاح والله من وراء القصد
لكم كل تقديري وإحترامي وخاصة الرجل الراقي مدناوي

يا ريت يا ابو ياسر الناس تصل لي الفهم دا لكن وييييييييييييييييييييييييين
ولو لاحظتو ناس الطريفي للنقليات ديل زي المواضيع ما بيعاينو ليها بس عايزين شكرا علي مرورك لكن مواضيع زي دي بيخشو من ما يعرفو الحاصل شنو عشك الواحد يقطع وشو ولو بيمروا فيها اكيد كان اتعظوا لكن !!!!!!

[مختار بازى]

تمام ياشباب ...ويالله نرمى لقدام ..وتاكده المشرفيين مانايمين ومعاكم باستمرار لكم كل الود .

والله بالطريقة دي الله يكون في عون المشرفين ويلزمهم الصبر سااااااااااااااااااي
ويلا نرمي لي قدام

[مختار بازى]

الحبيب مختار ..
انت ذكرت الحل ..
ما تكتبوا مداخلات في موضوعهم وانتهينا على كده ..

والله يا معتز ما في حل غير كدا بينفع
انا ما عارف الناس دي بستخف بينا ولا الحاصل شنو ما كلنا قاعدين في النت دا وعارفين الجديد من القديم فيهو ويلا نحارب الظاهرة دي

[مختار بازى]

نؤيدك اخي مختار وبشدة

واسال مجرب ولا تسال طبيب

الموضوع ده ممكن تكون ليه عواقب ما حلوة وممكن تدخل الشخص في احراج في غنى عنه ناهيك عن اشياء اخرى قد تكون عن دون قصد ....وزيد على ذلك المعلومة الطازجة الحلوة المكتوبة من معرفتنا الخاصة على حسب الامكانيات الشخصية


مشكور كتير اخي وكتر خيرك على اللفتة الحلوة

والله يا ام احمد قالوا العتراف بالذنب فضيلة ودا شرف عظيم في حقك وانتي وضعك بيختلف
من ناس الطريفي للنقليات ديل الواحد ما بيكلف نفسو في حتي يغير العنوان زي ما تقولي بينقلو كدا بي ضبانتو
ويديك العافية ام احمد

[مختار بازى]

والله يامختار حسنا اتقرش ولا حياة لمن تنادي

انا بس نفسي افهم حاجة وااااااااااااحدة اللي بينقل الموضوع لية ما بيكتب عليه منقول !!

وكلنا قاعدين في النت دا وعارفين المواضيع اللي بيكون كاتبها العضو ومن المنقولة يعني اصلا مافي داعي يدخل نفسه في حتة ضيقة ولا انه يستخف بعقولنا وابسط حاجة اني اعمل سيرش لاسم الموضوع وقوقل الله يديه العافية بيقوم بالمطلوب ، يعني حتي اللي بينقل ما بيكلف نفسه عناء تغير اسم الموضوع !

احييييييييييييييييييي وحاة الله انا فترت

همسة : سلوي ياغالية نقلتك انتي كانت احلي نقلة لانها جابت لينا استاذ كبير متشرفين بوجوده عضو معانا في المنتدي بس المشكلة في الناس اللي بتنقل وترد علي احساس انها هي صاحبة الموضوع

شفتي حتة الواحد يرد علي اساس انو صاحب الموضوع دي كاتلاني ودا بيعتبر استخفاف منو في حقنا وتاني نرجع نقول ربنا يصلح الحال

[باسطه]

والله أنا في رأي إنو أي موضوع منقول وصاحبو ماكتب عليهو منقول يقوم أخوانا المشرفين يحذفو طوالي عشان مايستخف بالقراء ويدوهو رسالة إنذار .

[عثمان جلالة]

أسمحوا لي بالكلمة دي رغم إني جديد
البكتب موضوع منقول يكتب عليهو منقول ... لأنو في بعض المنقولات فيها الفائدة للجميع

[مختار بازى]

والله أنا في رأي إنو أي موضوع منقول وصاحبو ماكتب عليهو منقول يقوم أخوانا المشرفين يحذفو طوالي عشان مايستخف بالقراء ويدوهو رسالة إنذار .

والشيء العجيب والغريب في الامر الواحد ولا الواحدة بينقلوا الموضوع بي حذافيرو ولا حتي يكلف نفسو يغير اسم الموضوع من الحتة البيراها هو تكون مناسبة للموضوع بانو يكون ماخد الاسم دا لكن وين والله بي ضبانتا ما اختلفنا تاني يكلف نفسو يكتب منقووووووووووول شايفا كتيرة نفسي اعرف اقلام الناس دي ( الكيبورتات) مالا الحاصل عليها شنو ؟؟ياخ اكتب /ي منقووووووووول وليك كل الشكر والتقدير

[مختار بازى]

أسمحوا لي بالكلمة دي رغم إني جديد
البكتب موضوع منقول يكتب عليهو منقول ... لأنو في بعض المنقولات فيها الفائدة للجميع

والله ياريت يا جلالة الناس تسمع الكلام دا

[admin]

الحبيب مختار ..
انت ذكرت الحل ..
ما تكتبوا مداخلات في موضوعهم وانتهينا على كده ..

برافو معتز الريح .. ماشاءالله عليك راجحة عقل وعمق في التفكير .. يعني نحنا كأعضاء في يدنا ان لانقبل اي موضوع غير جيد او مفيد ذلك بتجاهله وعدم الرد عليهو

وشكرا على الطرح المتميز يا بازي

[مختار بازى]

برافو معتز الريح .. ماشاءالله عليك راجحة عقل وعمق في التفكير .. يعني نحنا كأعضاء في يدنا ان لانقبل اي موضوع غير جيد او مفيد ذلك بتجاهله وعدم الرد عليهو

وشكرا على الطرح المتميز يا بازي

الشكر ليكم انتو ولي المشرفين الفقعنا مرارتهم ديل ويلا يا اعضاء نحارب الظاهرة بي انفسنا

[بسطاوى]

بسم الله الرحمن الرحيم
(لاتحسبن الذين يفرحون بما أتو ويحبون أن يحمدوا بما لم يفعلوا فلا تحسبنهم بمفاذة من العذاب ولهم عذاب اليم ) صدق الله العظيم استاذى العزيز مختار لقد تطرقت لموضوع خطير وعلى كل الشباب الذين يطرحون مواضيع منقوله عليهم رد الامر لاهله وهذا واجب اخلاقى وبعكسه تعتبر سرقة وهذه صورة
لا نتمنى ان نرى اى احد عليها لانها من القبح القبيح فانت غير مجبر على ذلك ان كانت لديك مشاركة واين كان نوعها دعها تكون من ذاتك حتى تعبر عن رايك الحر - وقبل الضحك على
الاعضاء تكون قد ضحكت على نفسك ولعمرى هذا من اكبر العيوب وانا ادعوا كل الاعضاء
عبروا عن ذاتكم قولوا اى شى المهم ان تكون انت مع تقديرى للجميع

[مختار بازى]

بسم الله الرحمن الرحيم
(لاتحسبن الذين يفرحون بما أتو ويحبون أن يحمدوا بما لم يفعلوا فلا تحسبنهم بمفاذة من العذاب ولهم عذاب اليم ) صدق الله العظيم استاذى العزيز مختار لقد تطرقت لموضوع خطير وعلى كل الشباب الذين يطرحون مواضيع منقوله عليهم رد الامر لاهله وهذا واجب اخلاقى وبعكسه تعتبر سرقة وهذه صورة
لا نتمنى ان نرى اى احد عليها لانها من القبح القبيح فانت غير مجبر على ذلك ان كانت لديك مشاركة واين كان نوعها دعها تكون من ذاتك حتى تعبر عن رايك الحر - وقبل الضحك على
الاعضاء تكون قد ضحكت على نفسك ولعمرى هذا من اكبر العيوب وانا ادعوا كل الاعضاء
عبروا عن ذاتكم قولوا اى شى المهم ان تكون انت مع تقديرى للجميع
تلميذك والله يا بسطاوي
وياريت لو الواحد يكلف نفسو ويكتب منقول والله بنتمني ذالك من كل قلوبنا انو الواحد مننا ما يتسم بالصفة دي وما عايزين يكون في وسطنا سارق لحقوق الآخرين دا السبب كلو من النقة حقتنا دي ويلا كلنا بي صوت واحد كدا نعم للمنقول ولكن شريطة ان تكتب علية منقول ودمتم بود

[HaSsOoN]

والله ياجماعه كتر الحديث عن الموضوع دا وليو سنوات الموضوع دا بتكرر ولا حياة لمن تنادي...وزي ماذكروا الاخوان قبلي الموضوع المنقول والمابتكتب عليهو منقول يتم حذفه مباشره ويتم اخطار العضوا ويدوهو انذار طوالي .........او لاتتم المشاركه فيه
وياجماعه انا عندي اقتراح انو الموضوع دا يتم تثبيته علشان زي ماعارفين كل فتره بجو اعضاء جدد والمنتدى متجدد ما شاء الله علشان كدا لازم يتم التثبت علشان اي عضو جديد يجي يقرا الموضوع ..ويتم تنبيهه بالنسبه للمواضيع المنقوله

وبرضوا ياجماعه في نقطه تانيه لفتت انتباهي الايام الفاتت انو في مواضيع بدت تتكرر فارجو من الجميع قبل تنزيل اي موضوع يتاكد انو الموضوع ماسبق طرحه قبل كدا

وشكرا ليكم جميعا

ويديك العافيه يابازي على طرح الموضوع دا

ودمتم ياغالين

[مختار بازى]

والله ياجماعه كتر الحديث عن الموضوع دا وليو سنوات الموضوع دا بتكرر ولا حياة لمن تنادي...وزي ماذكروا الاخوان قبلي الموضوع المنقول والمابتكتب عليهو منقول يتم حذفه مباشره ويتم اخطار العضوا ويدوهو انذار طوالي .........او لاتتم المشاركه فيه
وياجماعه انا عندي اقتراح انو الموضوع دا يتم تثبيته علشان زي ماعارفين كل فتره بجو اعضاء جدد والمنتدى متجدد ما شاء الله علشان كدا لازم يتم التثبت علشان اي عضو جديد يجي يقرا الموضوع ..ويتم تنبيهه بالنسبه للمواضيع المنقوله

وبرضوا ياجماعه في نقطه تانيه لفتت انتباهي الايام الفاتت انو في مواضيع بدت تتكرر فارجو من الجميع قبل تنزيل اي موضوع يتاكد انو الموضوع ماسبق طرحه قبل كدا

وشكرا ليكم جميعا

ويديك العافيه يابازي على طرح الموضوع دا

ودمتم ياغالين

كلامك مظبوط يا حسون والمواضيع تكراراتها كترت ودا دلالة علي انو صاحب الموضوع ما متابع المنتدي كل الامر انو لقي ليهو موضوع عجبو نسخو وجابو ولو لاحظتة المواضيع المكررة تواريخا قريبة من بعض يعني لو موضوع نزل في الارشيف معليش لكن بتلقاهو في الصفحة التانية مباشرة من الصفحة النزل فيها الموضوع وتاني بقول دا زول ما متابع المنتدي