عتاب

[zukibush]

اسمحوا لى يا ناس المنتدى اقول ليكم
انتوا بتاعين ناسات تهتموا ببعض الاعضاء وتتجاهلوا اخرين واى واحد بيغيب فى المنتدى ما بتسألوا عنو ابدا
انا ما عاوزة اذكر اسماء واقترح عليكم ان تغييروا اسم المنتدى لكن عليكم الله فى واحد منكم سأل وين العضو منومة والحصل عليها شنو وليه غيبة الفترة دى كلها
طبعا لا والف لا المنتدى بتاع ناس معينين ولو غابوا ولو ساعة تعال شوف السؤال والتلفونات والحكاية شنو والحاصل شنو والباقى ليهم الله
والا شنو ياود المطامير
تحياتى

[مختار بازى]

اسمحوا لى يا ناس المنتدى اقول ليكم
انتوا بتاعين ناسات تهتموا ببعض الاعضاء وتتجاهلوا اخرين واى واحد بيغيب فى المنتدى ما بتسألوا عنو ابدا
انا ما عاوزة اذكر اسماء واقترح عليكم ان تغييروا اسم المنتدى لكن عليكم الله فى واحد منكم سأل وين العضو منومة والحصل عليها شنو وليه غيبة الفترة دى كلها
طبعا لا والف لا المنتدى بتاع ناس معينين ولو غابوا ولو ساعة تعال شوف السؤال والتلفونات والحكاية شنو والحاصل شنو والباقى ليهم الله
والا شنو ياود المطامير
تحياتى

zukibush
سلام ورحمة الله تعالي وبركاتة
لك العتبي حتي ترضي وبين الاخوان مافي عتاب
علي العموم نشوفك
alsahiryoof@hotmail.com
mukhtarbazi@yahoo.com

[MASS77]

اقف معك في كلمه قلتها الا تغيير اسم المنتدي
انا تسالت في نفسي غبت شهر بي حالو وما كنت متوقع انو الناس شلليات زي ده
وبديت والله اخش المنتدي من دون نفس زي زمان
انت عارف حتي المواضيع البتتكتب البخشو ويشاركو فيها بخشو عشان الاسم ما الموضوع وجرب واكتب موضوع
والله البخشو ليك فيو السكرتاريه بتاعين المنتدي الله يديهم العافيه وتحس في المنتدي انك بتاذن بالجد في مالطه
والله انا لمن قريت موضوعك ده بالجد عرفت انو ما براي
لكن والله ما كنت اتوقع انو المنتدي فيو الروح دي قبل ما اخش وابقي عضو فيو
وبالجد الناس لو ما عاوزانا حقو يرسلو لينا رساله في الخاص ويقولو لينا خلو المنتدي وبالجد المواضيع المطروحه
لا تخدم اي مصلحه وعنوان منتديات ود مدني بالجد حقو تحافظو عليو لانو انا واحد من الناس قررت اقلل مشاركاتي
يكفي انو اخش واشم ريحة ود مدني هنا بي صراحه القلب مليان بس زي ما بقولو اخير احترم نفسي

[مختار بازى]

zukibush
mass77
تاني برجع بقول ليكم لكم العتبي حتي ترضو وفتشو المنتدي العام في بوست والله روعة بكل ما تحملة كلمة روعة من معني منزل بي اسم ابو رانيا وتعالو ادوني رايكم اسم البوست
ياغايب عن العين .... انته موجود فى عينى الاتنين
تحياتي

[محمد مصطفي]

السلام عليكم
zukibush
mass77

طيب يا خوانه انا ما داير اقول ليكم كلامكم صاح ميه الميه ويا مختار بازي انا داير اقول ليك كلام الكلام البقولو فيه الاخوه ده حاصل من فئه كبيره جد جد من اعضاء المنتدي ما بقول ليك قليله بالعكس هم كثر لكن الكلام القالتو الاخت zukibush حاصل وشايفنو والكلام القالو الاخ mass77 برضو حاصل لكن برضو انا بقول لي الاخوان في اي حته بتلقي فيها الزول الكعب والحلو لكن ما كلهم في الناس الطيبين وده السبب المخلينا قاعدين لي اسه في المنتدي عشانهم وزي ما بقولو عشان خاطر عين تكرم الف عين

والموضوع بتاعكم ده مافي زول بنظر ليه والله اخليه لينا اخونا مختار بازي
لانو زي ما سبق وقلتو الناس هنا بتخش بالاسم ما بلموضوع

ودمتم بود

[مختار بازى]

السلام عليكم
zukibush
mass77

طيب يا خوانه انا ما داير اقول ليكم كلامكم صاح ميه الميه ويا مختار بازي انا داير اقول ليك كلام الكلام البقولو فيه الاخوه ده حاصل من فئه كبيره جد جد من اعضاء المنتدي ما بقول ليك قليله بالعكس هم كثر لكن الكلام القالتو الاخت zukibush حاصل وشايفنو والكلام القالو الاخ mass77 برضو حاصل لكن برضو انا بقول لي الاخوان في اي حته بتلقي فيها الزول الكعب والحلو لكن ما كلهم في الناس الطيبين وده السبب المخلينا قاعدين لي اسه في المنتدي عشانهم وزي ما بقولو عشان خاطر عين تكرم الف عين

والموضوع بتاعكم ده مافي زول بنظر ليه والله اخليه لينا اخونا مختار بازي
لانو زي ما سبق وقلتو الناس هنا بتخش بالاسم ما بلموضوع

ودمتم بود

تسلم والله يا كبك وبكم ومعكم نكون ويلا zukibush mass77
عشان عين نكرم الف عين ودمتم سالمين بكل ود

[zukibush]

الاخوان العزاء
والله مابقدر اوصف ليكم فرحتى بمروركم الكريم على الموضوع لانو فعلا والله العظيم المنتدى غالى غالى وغالى جداجدا اصبح كل شى بالنسبة لى
ولو ما احساسى كبير بيهو وبناسوا ما كنت كتبت الموضوع دى
وربنا يديم المعروف بين الاخوان
ودعونا نتواصل
[

[HaSsOoN]

السلام عليكم ياحبايبنا ويديكم الف عافيه على نشر الموضوع دا ....واللي بتناول بعض من الظواهر بدت تظهر ..بالجد بناسف للحاجات القاعد تحصل دي ....والتجاهل الحاصل لي بعض الاعضاء ....ومواضيعهم ...وبرضوا تفضيل مقترحات على اخرى....ودي الصراحه ياجماعه

فنرجوا ياجماعه حفاظا على الروح العاليه بين جميع الاعضاء ومن اجلة رفعة ود مدني.......ان نقضي على الظاهره دي

ودمتم

وشكرا ليكم
zukibush....mass77

[HaSsOoN]

عشان خاطر عين تكرم الف عين


يديك العافيه يابازي

[كريشنا]

الكلام دا حاصل بالجد وانا واحد من الناس لاقيت عدم تعبير كتير في المنتدي زي لمان تسلم علي ناس وما يعبروك . وبالجد حارره
تسلموا

[معتز الريح]

اختنا zukibush ..
عوداً حميداً ..
ومنتظرين المشاركات ..
يلا تعالي ونحنا بنتم الباقي ..

[مدنيّة]

يااخوانا كلنا واااااااحد ومافي اي فرق بين اي عضو واخر وفي النهاية كلنا اخوان واعضاء في منتدي ود مدني اللي بحبه وبنعزه زي عيونا

وياzukibush كل الاسف لاختنا منومة لاني انا شخصيا ما سالت منها بتاسف ليها وليك

وياmass77 لك العتبي حتي ترضي لو كنا قصرنا في السؤال عنك بس كلامك ابدا ما حقيقي ولا في محله لسبب بسيط جدا وهو انه المنتدي ملك للكل ومافي زول بيقدر يقول لاي عضو فيه ماعايزنك ولا منه حقه عشان كدا ياريت انك تجينا بنفسياتك الاولي وبنشاطك الاول والبيت بيتنا كلنا زي ما قلت ليك

والكلام برضو ليك يا كريشنا ولك كل العتبي حتي ترضي

وكلنا في الاخر اخوان ياجماعة
نعاتب بعض من غير انفعال وهدفنا اللي ما رادك ما لامك

[amel abueissa]

والله يامدنية دا الكلام الكنت عاوزه اقولو يعني الواحد لو غاب اصلو مابتسالو منو تسلمي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟

[ابو احمد]

موضوعك مهم جدا

بالرغم اني عضو جديد ولسه طبعا ما لاحظت حته انو الواح لما يغيب ما يسألوا عنه لكن انشاء

الله الواحد ما يدخل الناس في لوم

وكما لاحظت انو ما في ترحيب بالعضور الجديد المفروض انو الواحد / الواحدة ، لما يكون

عضو جديد يكون في ترحيب من كل الناس ولا انا غلطان

ودمتوا ،،،: ;)