أوعك اوعك تدقس ودي النتيجه

[انيس التوم]

والله ما عندي اااااااي موضوع وقلت الليلة بس اعمل البوست ده عشان تاني كلما احس اني ما عندي موضوع وزهجان اخش هنا افكها في روحي بدل امش اخش بوستات الناس واعمل ليهم نفسيات .. لا لا ما تقولوا عندي نفسيات لكن مش مرات كده الواحد بكون حاس انو راسو فااضي وما عندو مزاج يعمل شي ؟؟؟ وانا عااارف انو الناس الذيي كتااار بالذااات اخواني المغتربين الواحد فيهم بكون ما نايم كويس او جا الشغل من الصباح قفلت معاهو وبكون مزاجو معكر .. يعني هو زول طبيعي بس في اللحظة دي ممكن تقول النفسيات قااايمة عليهو ومتضايق .. خلاص اااي زول متضايق يخش هنا ويبري في روحو بدل ما يمش يبري باقي الاعضاء ويجيب ليهم هم زاتهم نفسيات تطفشهم من المنتدي .. اااااااي ممكن تقول ده ركن النفساويات اها قلتو شنو ؟؟ اي زول عندو هترشة والا خرمجة يجي يفكها هنا ما يمش يملا بيها المنتدي .. اخير نلمها هنا والبوست ده نكلم المشرف يعمل عليهو Block لغير الاعضاء عشان ما يشوفو حرمجتنا وبكده المتصفح ما يشوف فضايحنا ..


واي زول عندو قضية مع زول يجي يفكها هنا .. وهس انا مختار بازي ده عندي معاهو قضية .. زعلااان منو عشان ما جا ورانا شمارو .. وشايفو حايم في المنتدي. اخونا ود المطامير عاوزين نبارك ليهو هو زااتو وما لامين فيهو .. ااي باركنا ليهو في بوستين كده لكن قالو سمح الكلام من خشم سيدو .. والا شنو

[الشريف الهندي]

والله يا انيس فارق علينا ابو رانيا وماعرفنا البهو شنو والعليهو شنو
والمزااااج معكر بالحيل .. كدي اديني كباية شاي اكان الترمسه دي فيها شاي

[مختار بازى]

اول حاجة ما تشفق انا لمن اصلك كوريا بديك ليهو بالملي سنت اها قصرتة معاك وتاني هام
انتة ما تجي من الآخر كدا وتقول لي الشمار محرقك وما قادر تصبر لحدي ما اصلك :D كلها ايام صبرتة الكثير باقي القليل وان شاء الله لما صل بالسلامة بفتو ليك كلو اها كدا كيف:D
وانتة مالك حرقتني وقلتة الصورة ما حقتي عايز احشش بيها شوية يا خي دي ما النفسيات زاته طيب انا عايش فيها (نفسيات الغربة) علي قولك وربنا يلم شملنا ان شاء الله كن في كوريا كان في السودان وبصلك الشمار الكاتلك دا:D :D

[انيس التوم]

يا ولد يا بت الشاي لي عمكم الشريف لا والله علي بالطلاق ما تشرب الشاي ما تمشي بعد داك الجنبه وخليها علي الله

[انيس التوم]

يا ودخالتي معليش دقسته لكن اقول ليك حاجه ما تتاخر عليك الله نحن في كوريا منتظرك علي احر من الجمر ما تنسي عشان نكلم الشمار بالله عليك

[مختار بازى]

يا ودخالتي معليش دقسته لكن اقول ليك حاجه ما تتاخر عليك الله نحن في كوريا منتظرك علي احر من الجمر ما تنسي عشان نكلم الشمار بالله عليك

ابشر يا عم والله لو علي الليلة قبل بكرة بس انتة عارف الآجرات اقصد الشماراااااات:D :D

[بسطاوى]

مراحب اخوى ود التوم قلنا وقتين قلتا طلعوا نفسياتكم هنا النمر عليك اخد لى خشم خشمين
معاك - اها مختار المحتال دا حتى شماروا بقى غالى كدى - هو يااخوى دا الشمار مختار ذاتو
مابتحملوا كان صبرتا شوية يجيك جرى ويفتو فت - اها قلت لى حماده مالوا :D :D :D

[انيس التوم]

والله صدق يا بسطاوي مختار بازي اخوي ماسك الشمار ده ليه علي الاقل شهرين عامل نايم ما عايز يتكلم صدق لكن شنو عايزين نرسل ليه دعوة الي كوريا عشان يجي ويحكي لينا الحاصل شنو
وبعدين صدق قالوا حمادة في اجازة لكن ماعارف الكلام ده صاح ولا ما صاح وياريت تتاكد لينا يا بسطاوي

[مختار بازى]

مراحب اخوى ود التوم قلنا وقتين قلتا طلعوا نفسياتكم هنا النمر عليك اخد لى خشم خشمين
معاك - اها مختار المحتال دا حتى شماروا بقى غالى كدى - هو يااخوى دا الشمار مختار ذاتو
مابتحملوا كان صبرتا شوية يجيك جرى ويفتو فت - اها قلت لى حماده مالوا :D :D :D

هههههههههههههههههه
ههههههههههههههههه
ههههههههههههه

حمادة بخير وصحة جيدة لا يفقد شيء سوي عدم رؤياكم الغالية لدية بس شوية الشاكوش مؤثر معاهو لكن شدة وبتزول:D :D
وانا الشمار يا بتاعين البوبار:eek:

[مختار بازى]

والله صدق يا بسطاوي مختار بازي اخوي ماسك الشمار ده ليه علي الاقل شهرين عامل نايم ما عايز يتكلم صدق لكن شنو عايزين نرسل ليه دعوة الي كوريا عشان يجي ويحكي لينا الحاصل شنو
وبعدين صدق قالوا حمادة في اجازة لكن ماعارف الكلام ده صاح ولا ما صاح وياريت تتاكد لينا يا بسطاوي

قلنا الصبر يا انيس ود التوم ماتشفق

شكرا يا ولدنا علي الرسالة الرائعة

[Madanawi]

بالله عليك يا انيس انت في كوريا؟

أنا من زمان عندي خرمجات قاعدة في راسي وما لاقي ليها
ايّ تفسير لكن بالجد ضاربه معاي ضربة صاح

أول حاجة قالو لينا زمان جدودنا صنعوا الأمجاد وهسي الأمجاد كلها طلعت صناعة كورية

تاني حاجة أي زول تلاقيهو يقول ليك أنا جدّي كان فارس وكسر ليك الجماعة كلهم .. بس الغريبة لي يوم الليلة دي ما لقيت لي واحد قال أنا جدي كسروهو .. طيب الفوارس ديل كان بيكسروا منو؟

كدي من خلال بوست الهضربة ده حاول تشوف لينا حل للموضوعين ديل .

بمشي وبجيك راجع .. يمكن اهترش بي حاجة تاني .. ما ياهو حال المغتربين!!

[هشام السماني إبراهيم]

هههههههههههههههههههههههههههههههههههههه

Madanawi الهترشه ماعندك صعب صعب

[هشام السماني إبراهيم]

كدي يا ود التوم كوريا حقت دي ماتشوف لينا فيها هونداي لونها بحري بدل امجاد Madanawi

[انيس التوم]

اي صاح يا Madanawi الجماعة ديل صنعوا الامجاد لكن بعد داك جاء واحد كوري سرق الشغل ده لمن الجماعه زاتهم خلوا الشغله دي وتاني ما جابوا ليها خبر

[انيس التوم]

اما يا ولدنا doom99 الامجاد واصل لحدي السودان بي 2500 دولار يا ولدنا لكن ما تدقس الامجاد بقت دقه قديمه مافي زول شغال بيها هسه في السودان وهذا مالزم توضحيه لكن اقول ليك حاجه انت ما تشتري رقشه ما احسن عداد ثابت يامان 25.000 جنيه مش احسن ياخوي وبعدين ما تنسى يوم الجمعة العداد بتاع الجكوكي

[انيس التوم]

لكن يا Madanawiعلي فكرة اجراءات مختار بازي خلاص قربت تنتهي لو عايز اتصل بمختار بازي لانوا عارف الاجراءت كويس والدعوة من هسه علي والاقامه علي رايك شنو

[انيس التوم]

واغرب من كده يا Madanawi ومختار بازي ويابسطاوي انا عندي موضوع بتقولوا كذااااااااااااااب كان عندي كديسه ضربتها بالباب بتاع البيت يازول الكديسه حصل ليها كسر مشيت بيها المستشفى قسم الطوارئ تم فتح ملف للكديس باسمها واسمي انا باعتباري سيدا يعني اسمها نونا انيس التوم بعد داك قام الطبيب بصرف العلاجات لمدة خمسه ايام وكان الطبيب بتصل علي عشان يعرف اخبار الكديس بقي كيف شوفتوا الكلام ده كيف يعني الكديسه عندها وضع ما بالك بابن ادم

[مختار بازى]

واغرب من كده يا Madanawi ومختار بازي ويابسطاوي انا عندي موضوع بتقولوا كذااااااااااااااب كان عندي كديسه ضربتها بالباب بتاع البيت يازول الكديسه حصل ليها كسر مشيت بيها المستشفى قسم الطوارئ تم فتح ملف للكديس باسمها واسمي انا باعتباري سيدا يعني اسمها نونا انيس التوم بعد داك قام الطبيب بصرف العلاجات لمدة خمسه ايام وكان الطبيب بتصل علي عشان يعرف اخبار الكديس بقي كيف شوفتوا الكلام ده كيف يعني الكديسه عندها وضع ما بالك بابن ادم

يا زول الحق اعمل لي رقم بوليسة تامينية من هسة اخوك يجي يتشالق يقع يكسر رقبتو تقبل بيهو وين الله يكون في عونا نحنا ماشين وين وعايزن شنو ما عارف دا كلو من البنات الغلن لينا العرس دا عايزين نعرس وعايزين وعايزين دا كلو بقي اسكت سااااااااااااي بس هوي يا بنات البلد تنقصوا لينا ناس شيلة وحاجات وحاجات دي ولا نقعد بي وشنا هوووووووووووووي
يا ناس الحلة الحقو شوفوا لينا حل للمشاكل دي البلد ناسها كلهم هحو بيكوس في درب القرش
ومشو عمروا بلاد الناس بي بلاش والسبب تاني البنات تقبلوا بينا كدا ولا ما نجيكم راجعين هوووووووووووووووووووووووووي وينكم ما سامع:D :D :D هضربات واحد كره الغربة:D مختـ بازي ــــــــــــــــــــــــــــار

[مختار بازى]

لكن يا Madanawiعلي فكرة اجراءات مختار بازي خلاص قربت تنتهي لو عايز اتصل بمختار بازي لانوا عارف الاجراءت كويس والدعوة من هسه علي والاقامه علي رايك شنو

اها يا اخوانا لقيتو حل للمشكلةدي ولا نهج خلاص مع ناس شاي يانج جو غا:D :D

[هشام السماني إبراهيم]

اريتو حال كديسة ود المطاير