المساعد الشخصي الرقمي

مشاهدة النسخة كاملة : وصية ودالطاهر لبتو لمن تكبر ولكل بنت اها شوفوها وادونا رائكم



صلاح ودالطاهر
01-07-2007, 05:01 AM
يا بت هوي فتحي عينكو ابقي نجيضة وفالحة..... قدر ما أجي داخله عليكم القاكي .... هي هي هي .... و قرقر قر ...وههههي.. تضحكي مع عبد الله دا.... الراجل ما تضحكي لو كتير...اها.يحقر بك....الراجل اديهوالعين الحمرا.... وانقدرتي لعند ايدك تلحقيها ليهو لحقيها...ابقي نجيضة...آآآيةزي امك يقول حاجة تضحك..أمشي اتحشر في الاوضة واضحك زين واجي مارق صاري وشي ..
و بعدين أوعك ثم أوعك ثم أيضا أوعك... تقوليلوالجلابيةدي سمحةولّه العمه اللابسها دي سمحةl:.. نفسوتقوم تعجبو يعرس فوقك... وبعدين تشربي ما تروي... وأكربيهو بالطلبات... ماتخلي قرش يبيت في جيبو...
وأوعك تخليهو يشوف المسلسلات.. بيخربن الرجال.... وقت المسلسل داك.... شفتي جيبي فندكك:...واقعدي دقي أي حاجة جنبوويا ريت لوكانت شطة... والله كان عندك شافع بيرضع وجيعان وبيبكي خليهو فيبكاءهو داك لمن المسلسل ينتهي...
وبعدين ما يجي داخل يلقاكي تغني ... حتى انبقيتي دايرة تغني .. أوعك من الغنا الخايس ناس حبيبيحبيبي.... أمسكي في الغنا الحار...... زيالبيجري نسيبتومرتو طلقانة.. ولّهاندب حظي ام امالي...ولو دفعناالشعبي ياهو ديولو النارولعت بقلبي بطفيها..... اااااااااااي.... عشان تربيلو الزلعة ... والخلعة.... بس أوعك تغنيلوالليلة يوم الرجال .... بيقوميصدق و يتحنفش فوقك ساكت!!....
واوعك تشكري لو حاجة جابها.... إن جاب ليك لحمه.... ختي إيدك فوق راسك..قولي وب عليّ وب وب..غشوك وادوك الجلافيط.....وان جاب لك فتيل ريحة...اول ما تفتحيهو... وتشميهو.... طوالي كشري وقبلي غادي وابصقي...وقولي ..... داشنو يا عبدالله؟...... الريحة المتل ريحة الفسيخ دي جايبها من وين؟.. غايتوانت مغستك تشق!!
وإن جنك نسوان ولّه بنات....ما تخليهو يقعد وسطن ..ويتونس. طيريهو من البيت....وان أبى يمرق!!... قدر مايقولو نكته ولّه يخفف دمو قدامن صريليهو وشيك.... وقول لي لوانت يا عبد الله ما عندك غير النكتة دي؟يا خي عملت لنا بها وجع وش....أصلهم الرجال عارفاهم... الواحد فيهم من يشوفلو لمت بنات يقعد يخفف في دمو ويعمل فيها ودنفاش.....وتلقيهو يضحك بلا سبب... حتىان واحدة قحت ساكت ... يقعد يضحك ويصفق اديهو...واوعك تخليهو معاهنوتدخلي المطبخ تسوي شربات... وحات الله بنات الزمن دا ان غفلت من راجلك دقيقة بس تلقيهاعرستو وتقنب تغني ليك راجل المره حلو حلاه وانت تسفي التراب

مختار بازى
01-07-2007, 09:25 AM
بالطريقة دي ما حتشفلونا ياااااااااااااااااااااااا
ونحنا البوصينا منو عاد:D

صلاح ودالطاهر
01-07-2007, 11:10 PM
بالطريقة دي ما حتشفلونا ياااااااااااااااااااااااا
ونحنا البوصينا منو عاد:D

اها انت ياجنه هو اليتم بوصوه علي البكاء

ود ام تريبات
01-07-2007, 11:31 PM
ياعمنا ..

ما بالغته رسمي انت كده ما نتهت مننا عديل .. طيب ياخ ما تقول لي عبد الله ده امشي اسكن في العزابة وريح راسك ؟؟؟

اكان دي وصيتك اكان كدي مااااااا جاينك تب ...
عليك الله عن النسوان حقات الزمن ده دايرات وصية ؟؟؟..
عشان كده نحن متمترسين في خندق العزابة الى اجل غير مسنى .. انت ما سمعته النكتة حقت ابو القدح واصحابو المشو رحلة ونسو الملح رسلو واحد يجيبها وانتظروهو (11 )سنة لمن ما جاء قالو ناكل نخليهو .. قام طلع من ورا الشدرة وقال ليهم .. انا عشان حركاتكم دي ماااااااامشيت ....
اها انا عشان حركاتكم دي ماااااااعرسنا ...

لكن ياود الطاهر لقيتك حااااقد على السعادة

صلاح ودالطاهر
02-07-2007, 01:10 AM
ياعمنا ..

ما بالغته رسمي انت كده ما نتهت مننا عديل .. طيب ياخ ما تقول لي عبد الله ده امشي اسكن في العزابة وريح راسك ؟؟؟

اكان دي وصيتك اكان كدي مااااااا جاينك تب ...
عليك الله عن النسوان حقات الزمن ده دايرات وصية ؟؟؟..
عشان كده نحن متمترسين في خندق العزابة الى اجل غير مسنى .. انت ما سمعته النكتة حقت ابو القدح واصحابو المشو رحلة ونسو الملح رسلو واحد يجيبها وانتظروهو (11 )سنة لمن ما جاء قالو ناكل نخليهو .. قام طلع من ورا الشدرة وقال ليهم .. انا عشان حركاتكم دي ماااااااامشيت ....
اها انا عشان حركاتكم دي ماااااااعرسنا ...

لكن ياود الطاهر لقيتك حااااقد على السعادة
ههههههههههههههههههههههههههههههههههههه قايتو يود ام تريبات بفعلتك دي يوم تكتل زول عديل كده

هشام السماني إبراهيم
02-07-2007, 11:12 AM
باااااااااااااااااااااااااااااااااااااالغته دا شنو دا صعب صعب صعب :eek:
الوصيه دي خليها لى بتك الله لينا سوقنا كان واقف اسي غتس عديييييييييل كدا :D ادونا فرصة معاكم الرحمة حلوة :D لى كدا

كدي شوف لينا وصية من حقت اسمعي كلامو وتقول ليهو كلام في الحب وكدا ولو عرس عليها تقول ليهو مبروك المهم اي شي;)
لك تحاتي :)

محمد الفاضل
02-07-2007, 10:07 PM
ياربي بتطلع ذي امها انشاء الله وتسلم

رضا حسن محمد
03-07-2007, 06:29 AM
يا عمى
انا يا صاحبى جعلىواولادى جعليين
المرة بنهرشا ونهرش ا...
قالو صاحبك ما تناسبو
بعدين ولدى يهرش بتك واللبنجة تدور

لكن انت يا ود الطاهر مهروووش وعايز الانكسر فيك ينجبر فى بتك

هشام السماني إبراهيم
03-07-2007, 11:09 AM
انا مع رضا في
انحنا بنحب نهرشها
:D
((دار جعل ))

دا الكلام

تكون جايبه الشاي تكورك ياااااااااااامرة

ترمي الصينية وتجي :D

رضا حسن محمد
03-07-2007, 11:42 PM
انا مع رضا في
انحنا بنحب نهرشها
:D
((دار جعل ))

دا الكلام

تكون جايبه الشاي تكورك ياااااااااااامرة

ترمي الصينية وتجي :D

هلا هلا يا دوم 99
اها يا اخوانا بقينا اتنين سودانين بنخوف المرة
هييييييع

هشام السماني إبراهيم
04-07-2007, 02:01 AM
بقينا اتنين ايوة :D


شايفك نسيت ((دار جعل )):cool:

رضا حسن محمد
04-07-2007, 04:04 AM
بقينا اتنين ايوة :D


شايفك نسيت ((دار جعل )):cool:
انا جدى كاتل ليهو اسد

الجعلى شال صوتو والبباطنووا موتو:

الطويل
04-07-2007, 04:38 AM
هههههههههههههههههههههههههههههههههههههههه

يا ود الطاهر كدى نحن ماطار لينا لو النسوان كلهم بعملن جنس العمايل دى

مافى راجل ح أقعد فى بيتو مع مرتو والله

صلاح ودالطاهر
04-07-2007, 05:24 AM
انا جدى كاتل ليهو اسد

الجعلى شال صوتو والبباطنووا موتو:
اها دوم 99 هين لكن كعب الكعب

صلاح ودالطاهر
04-07-2007, 05:25 AM
هههههههههههههههههههههههههههههههههههههههه



يا ود الطاهر كدى نحن ماطار لينا لو النسوان كلهم بعملن جنس العمايل دى



مافى راجل ح أقعد فى بيتو مع مرتو والله


اها رانيه دي تكون مني (ياخاتم المني ..............................................)

الطويل
04-07-2007, 05:31 AM
اها رانيه دي تكون مني (ياخاتم المني ..............................................)

ا
ى اى اى اى ياود الطاهر منى

والله لسه فى قائمة الانتظار ربنا اجيبها لينا بالسلامه

دعواتك بس

رضا حسن محمد
04-07-2007, 05:58 AM
انت يا ابو رانيا
شابكنا ابو رانيا ابو رانيا وانت ما متزوج رانيا دىشارة كابتنية ولا شنو

هشام السماني إبراهيم
04-07-2007, 10:29 AM
:D شنو ياقريبك لعلو اسد الجيران ؟:D

زيزي
07-07-2007, 08:22 AM
في رجال تستاهل كدى

صلاح ودالطاهر
08-07-2007, 04:17 AM
في رجال تستاهل كدى

اها الدليل شنو

هشام السماني إبراهيم
08-07-2007, 10:55 AM
لييييييييييييييييييييييي الكلام دا :confused:

منو البستاهل كدا :D


الشمارات حلوة

صلاح ودالطاهر
08-07-2007, 09:31 PM
لييييييييييييييييييييييي الكلام دا :confused:



منو البستاهل كدا :D


الشمارات حلوة

بس انت اقعد لزي ده

ابوشوتال
08-07-2007, 11:44 PM
انا كنت داير اناسبك لكن ما دام جابت ليها كلام زي دة

البعد محنة

بعدين انت مالك قاعد اسوي ليك كدي ولاشنو


قايتو البجي ما شي علي بيتكم بكلموا اقراء الوصية حتي يمشيي

ودوما في رعاية الله وحفظة .......
مع كل الود باقة ورد..................

بسطاوى
09-07-2007, 12:37 PM
والله لكن ياودالطاهر الوصية عندك اها وكان بعد كلوا جاء واحد وقال ليك موافق بتعمل شنو


تخريمة : شفتة فلم عريس من جهه امنية

المكاشفى
09-07-2007, 01:38 PM
ياخى معقوله يادااااااااا
جنس داااااااااااا
بس الكويسه المره ماوصلتها الوصيه دى
ومتين ما تصلها الديوان اولى بينا بلمنا تب

صلاح ودالطاهر
11-07-2007, 05:33 AM
ياخى معقوله يادااااااااا
جنس داااااااااااا
بس الكويسه المره ماوصلتها الوصيه دى
ومتين ما تصلها الديوان اولى بينا بلمنا تب

كدي ماحسن مايخربو لي اجازتي في الدويم

mahagoub
29-08-2007, 10:12 AM
ياخى اقعد فتح لينا عيونن وتحرمنا التغيير

عمر البشير
20-11-2007, 08:03 PM
ودالطاهر لكن

moh_alnour
23-11-2007, 04:57 PM
والله يا ود الطاهر الوصية عندك

عثمان جلالة
24-11-2007, 03:20 AM
والله نعم الوصية ... كلنا بنوصي مشمشه ....لكن النجرب في بتك أول ... ما تجي راجعه بى خبيزا

ناصر عمر دبيب
24-11-2007, 02:18 PM
خطير ياود الطاهر

zukibush
25-11-2007, 02:06 AM
هههههههههههههههههههههههههههههههههههه
مباااااااااااااااااااااااااااااااااااااااالغة اها بالوصايا دى نطلق والا شنو
سلمت

ناصر عمر دبيب
25-11-2007, 02:43 AM
الناس دي بعزك ياود الطاهر شيف كيف

ود المطامير
25-11-2007, 07:18 AM
الحمد لله اللى تذكرت
إنو فى حاجه إسمها النفاج
وإنت مشرف عليه
وبس وكفى وخلى ولى

ناصر عمر دبيب
25-11-2007, 09:19 AM
وينك ياود الطاهر

عثمان حسين
27-11-2007, 12:53 AM
اخوي ودالطاهر .........حننتني
تعبان تعب شديد انت ........
رسالة لام البنية .............خففي شوية

صلاح ودالطاهر
27-11-2007, 01:22 AM
الحمد لله اللى تذكرت
إنو فى حاجه إسمها النفاج
وإنت مشرف عليه
وبس وكفى وخلى ولى

الكاشف اخوي الموضوع ده يادوبك شفتو هو مركب من شهر 7 وانت في شهر 11 اها ربنا يكضب الشينه

روبش
27-11-2007, 01:27 AM
ود الطاهر ..
لكل التحايا ..
الظاهر بتمر بتجربة من الان عايز تستعد ليها

114
27-11-2007, 01:30 AM
لذيييييييييييييييييييييييييييييذ يا ود الطاهر

mahagoub
02-12-2007, 02:10 AM
ههههههههههههههههههههههههههههههههههههه قايتو يود ام تريبات بفعلتك دي يوم تكتل زول عديل كده

انت عارف يا ود الطاهر بتك دى بيطلقوها ليك من اول يوم

ناصر عمر دبيب
02-12-2007, 04:37 PM
ياود الطاهر شوفنا يخي انت وينك

أسماء الشريف
03-12-2007, 03:18 AM
أولا :مشتاقين.
ثانيا :بالغت ياود الطاهر.
ثالثا :في راجل يستاهل المعامله الفي وصيتك،
بس في راجل يستاهل العين الماعندها بديل.
رابعا:برضو مشتاقين.

بنت الرفاعي
03-12-2007, 11:22 PM
إنت ياود الطاهر ( دار جعل ) دي فرحان بيها كدة شدييييييد!!!
قلت لي بتهرشوا المرة؟؟
دي حقارة بس منكم والله يعينها على كدة بتستاهلوا كدة؟؟؟؟!!!!!:D:D:D

امنية بكري
04-12-2007, 12:43 PM
والله ده الكلام

زمان يقول ليك كوني له امه يكن لك عبدا


لكن اغلزمن ده اخير كدي


الف شكر

خالد علونى
10-02-2012, 03:04 AM
يا بت هوي فتحي عينكو ابقي نجيضة وفالحة..... قدر ما أجي داخله عليكم القاكي .... هي هي هي .... و قرقر قر ...وههههي.. تضحكي مع عبد الله دا.... الراجل ما تضحكي لو كتير...اها.يحقر بك....الراجل اديهوالعين الحمرا.... وانقدرتي لعند ايدك تلحقيها ليهو لحقيها...ابقي نجيضة...آآآيةزي امك يقول حاجة تضحك..أمشي اتحشر في الاوضة واضحك زين واجي مارق صاري وشي ..
و بعدين أوعك ثم أوعك ثم أيضا أوعك... تقوليلوالجلابيةدي سمحةولّه العمه اللابسها دي سمحةl:.. نفسوتقوم تعجبو يعرس فوقك... وبعدين تشربي ما تروي... وأكربيهو بالطلبات... ماتخلي قرش يبيت في جيبو...
وأوعك تخليهو يشوف المسلسلات.. بيخربن الرجال.... وقت المسلسل داك.... شفتي جيبي فندكك:...واقعدي دقي أي حاجة جنبوويا ريت لوكانت شطة... والله كان عندك شافع بيرضع وجيعان وبيبكي خليهو فيبكاءهو داك لمن المسلسل ينتهي...
وبعدين ما يجي داخل يلقاكي تغني ... حتى انبقيتي دايرة تغني .. أوعك من الغنا الخايس ناس حبيبيحبيبي.... أمسكي في الغنا الحار...... زيالبيجري نسيبتومرتو طلقانة.. ولّهاندب حظي ام امالي...ولو دفعناالشعبي ياهو ديولو النارولعت بقلبي بطفيها..... اااااااااااي.... عشان تربيلو الزلعة ... والخلعة.... بس أوعك تغنيلوالليلة يوم الرجال .... بيقوميصدق و يتحنفش فوقك ساكت!!....
واوعك تشكري لو حاجة جابها.... إن جاب ليك لحمه.... ختي إيدك فوق راسك..قولي وب عليّ وب وب..غشوك وادوك الجلافيط.....وان جاب لك فتيل ريحة...اول ما تفتحيهو... وتشميهو.... طوالي كشري وقبلي غادي وابصقي...وقولي ..... داشنو يا عبدالله؟...... الريحة المتل ريحة الفسيخ دي جايبها من وين؟.. غايتوانت مغستك تشق!!
وإن جنك نسوان ولّه بنات....ما تخليهو يقعد وسطن ..ويتونس. طيريهو من البيت....وان أبى يمرق!!... قدر مايقولو نكته ولّه يخفف دمو قدامن صريليهو وشيك.... وقول لي لوانت يا عبد الله ما عندك غير النكتة دي؟يا خي عملت لنا بها وجع وش....أصلهم الرجال عارفاهم... الواحد فيهم من يشوفلو لمت بنات يقعد يخفف في دمو ويعمل فيها ودنفاش.....وتلقيهو يضحك بلا سبب... حتىان واحدة قحت ساكت ... يقعد يضحك ويصفق اديهو...واوعك تخليهو معاهنوتدخلي المطبخ تسوي شربات... وحات الله بنات الزمن دا ان غفلت من راجلك دقيقة بس تلقيهاعرستو وتقنب تغني ليك راجل المره حلو حلاه وانت تسفي التراب






شكيت محنك




لكين بي طريقتك دي يا العمدة بتجيك راجعة تاني يوم لي عرسا وحبلا ملفوف في رقبتا

عنكوليب
10-02-2012, 08:41 AM
دكتـــــــــــــــــور أوووووووووووز ،،،،،

ودالطاهـــــــــــــــــــــــــــــــــــــــــر ،،،،،


طلقانة وأرجعي بيت أبوك وتسف التراب انت !!!!

هن بنات الزمن دا دايرات ليهن وصايا ،،،، انت مسكين وحاة الله ،،،

صلاح ودالطاهر
10-02-2012, 10:25 PM
غايتو تنكتو في المحن ده من سنت اسكت عديل كده

عنكوليب
11-02-2012, 09:45 AM
عشان ما تسكت ،،،،

أها قول ال نسمع قولك ،،،،