في بيتنا زول!!

[شبارقة]

الفصل الأول:
عندما انتهى وقت العمل قفلت راجعاً إلى بيتي كعادتي كل مساء ..
ثمّة أمر دار في خاطري أثناء عودتي إلى البيت ... كنت أشعر بوجود شيء غير طبيعي في ذلك اليوم، اقتربت من البيت وحاولت أن أفتح الباب، أدرت مقبضه برفق وحذر لكنه لم يفتح، هاهي مخاوفي تعاودني مرّة أخرى كعادتي عندما أكون قريباً من الخطر،يا الهي !! ثمة شيء بالداخل!!
الفصل الثاني:
نظرت إلى باب بيتي الذي أنهكته (عكاكيز) القادمين، ورسمت على كاهله علامات الطرق المتكرر رغم وجود الجرس الأنيق ، رفعت سبابتي المرتعشة وضغطت عليه !! دقيقة من الصمت الحذر .. لا بد أني أهذي .. لا يوجد شخص بالداخل .. يا لحماقتي ....
وفجأة ...
امتدت يد تعبث في قفل الباب .... كادت عيناي تخرج من محجريهما !! انتصب شعر رأسي شعرة شعره!! من هذا !!
وانفتح الباب ......
الفصل الثالث:
من أنت ؟؟؟ ابتدرت الرجل الذي فتح لي الباب بصوت مرتعش ونظرات مشدوهة!!
أجابني بثقة : بل من أنت؟؟
أنا .. أنا ... ها ؟؟ وكأن اسمي اختفى من طيّات ذاكرتني المنهكة بلا مقدمات ..
أنا .. ش.. شبارقة!!!
ابتسم بغموض قائلاً: تفضل ..
الفصل الرابع:
متوسط الطول !! المنظار الطبي العتيق يضفى على وجهه شيئاً من الوقار الكاذب، هل تعلمون من هو ...
لا أدري كيف جاء لكنه أتى .....
انه ابووووووووووووورجاء !!
الفصل الأخير: (بالعربي)
الظريف في الموضوع لما جانا صلاح ود الطاهر وابوشوارب!! لقو أبورجاء خاتي ليهو كوم موز قدامو ، علّق ود الطاهر قائلاً: (انتو جاكم من الدمام منو؟؟ أبو رجاء ولا قرد!!)، والأظرف من كده لمن قال ماشي البقالة ، وعامل فيها انو النظاره ما مهمّة ، مشى من غير نظاره ... بعد شوية جابوهو ناس الشرطة ، قالو لينا دا تبعكم ؟؟؟ لقيناهو حايم في الطريق السريع .. تاني لو سمحتو ما تفكو شفعكم في الطريق السريع ... لأنو خطر!!
ومع كل الود باقة ورد
دمتم في رعاية الله وحفظه !!

[عثمان جلالة]

جميلة ش ... شبارقة لك التحية وبالعربي .... الله يديك العافية

[مدنيّة]

الظريف في الموضوع لما جانا صلاح ود الطاهر وابوشوارب!! لقو أبورجاء خاتي ليهو كوم موز قدامو ، !!

عليكم الله ياشبارقة مغتربين وبتاكلوا في الموز !!
تعالوا راجعين سااااااااااي
وحاة الله الموز عندنا ماليه حد ورخييييييييييييص

[حسن سادة]

الفصل الأول:
عندما انتهى وقت العمل قفلت راجعاً إلى جهاز الحاسوب الجاثم على ركن قصي
من الصالون فأدرت مفاتيحه على عجالة لأتصفح بوستات منتدى أرض المحنة وقلب الجزيرة مدني ولكن ثمّة أمر دار في خاطري أثناء عودتي إلى البيت ... كنت أشعر بوجود بوست متفرد يكون في إنتظاري للتجوال في محرابه ، فإقتربت من البوست وحاولت أن ألجه، وأدرت مفاتيح الحاسوب برفق وتؤدة لكنه كان عصي المنال وإستبدت بي المخاوف خشية أن المنتدى به عطل لا قدر الله ولكن سرعان ما فتح لي البوست بابه على مصراعيه وكانت المادة التي في البوست دانية القطوف ولكنني ما ولجته لأقطف زهوره ولكن بس أعاين.

الفصل الثاني:
نظرت وتأملت ملياً ذلكم السرد الشيق وسافرت في رحلة مشاعر بين الأحرف والكلمات فطال السفر لمدن بعيدة تنوم وتصحى على محطات الطرق يا إلهي ما أجمل الأسلوب وما أروع كاتبه دعوني أتوغل قليلاً في غياهب السحر ليسكنني ويعشعش في أغواري السحيقة ولا أجد من يرقيني ودعوني أرقص هنا بلا ساق ففي حضرة هذا البوست الثر عبثت بي الأشواق
عشقي يفني عشقي وفنائي إستغراق

الفصل الثالث:
وبدا لي من ثنايا الشاشة البلورية رجل يسألني
من أنت ؟؟؟ ابتدرت الرجل الذي تبدّى أمامي
بصوت مرتعش ونظرات مشدوهة!!
وقلت له : بل من أنت؟؟
فأخذ يتمتم :أنا .. أنا ... ها ؟؟
وكأن اسمه قد اختفى من طيّات ذاكرته المنهكة بلا مقدمات ..
فأجابني وقد ملأ الشاشة محياه كالملاك
أنا .. ش.. شبارقة!!!
وابتسم بغموض قائلاً: تفضل ..
فقلت له وقد تلاشت مشاعر الخوف عندي
أنا قد تفضلت هاهنا منذ قليل وقد سحرني كل حرف سطرته هنا
فقال لي وهو يفرك عينيه؟
ومن تكون أنت؟ أجبني
فقلت له وأنا أتقدم نحوه:" أنا محسوبك حسن سادة"
فعاد يسألني مجدداً بنبرة أشد غلظة:
" وما هذا الإسم الغريب !! سادة أم لبن؟
هل أنت من الجزيرة مدني؟
فقلت وأنا أخفي إرتعاشاً بيديا:
ذلك فخر لا أدعيه ولكنني حلفاوي
فعانقني ورحب بي بحرارة بالغة
وقال لي مرحباً بك في مدني
وفي بوست في بيتنا زول

فقلت له:
" ما كنت عايز أقولو ليك لكين لسان الحال سرد
(ما تقول لي لكين،،، بوستك عينة)

[هشام السماني إبراهيم]

الفصل الثالث:
من أنت ؟؟؟ ابتدرت الرجل الذي فتح لي الباب بصوت مرتعش ونظرات مشدوهة!!
أجابني بثقة : بل من أنت؟؟
أنا .. أنا ... ها ؟؟ وكأن اسمي اختفى من طيّات ذاكرتني المنهكة بلا مقدمات ..
أنا .. ش.. شبارقة!!!
ابتسم بغموض قائلاً: تفضل ..
الفصل الرابع:
متوسط الطول !! المنظار الطبي العتيق يضفى على وجهه شيئاً من الوقار الكاذب، هل تعلمون من هو ...
لا أدري كيف جاء لكنه أتى .....
انه ابووووووووووووورجاء !!


صعب صعب صعب
طيب ختو ليو عنب تفاح :d :
:D

[شبارقة]

جميلة ش ... شبارقة لك التحية وبالعربي .... الله يديك العافية

شكراً جلاله .. لك كل الورد .....

[شبارقة]

عليكم الله ياشبارقة مغتربين وبتاكلوا في الموز !!
تعالوا راجعين سااااااااااي
وحاة الله الموز عندنا ماليه حد ورخييييييييييييص

الراجل فيهو عرق من القرود ... :D :D :D
بس ما تكلميهو يحرق علينا بيتنا...

[شبارقة]

الفصل الأول:
عندما انتهى وقت العمل قفلت راجعاً إلى جهاز الحاسوب الجاثم على ركن قصي
من الصالون فأدرت مفاتيحه على عجالة لأتصفح بوستات منتدى أرض المحنة وقلب الجزيرة مدني ولكن ثمّة أمر دار في خاطري أثناء عودتي إلى البيت ... كنت أشعر بوجود بوست متفرد يكون في إنتظاري للتجوال في محرابه ، فإقتربت من البوست وحاولت أن ألجه، وأدرت مفاتيح الحاسوب برفق وتؤدة لكنه كان عصي المنال وإستبدت بي المخاوف خشية أن المنتدى به عطل لا قدر الله ولكن سرعان ما فتح لي البوست بابه على مصراعيه وكانت المادة التي في البوست دانية القطوف ولكنني ما ولجته لأقطف زهوره ولكن بس أعاين.

الفصل الثاني:
نظرت وتأملت ملياً ذلكم السرد الشيق وسافرت في رحلة مشاعر بين الأحرف والكلمات فطال السفر لمدن بعيدة تنوم وتصحى على محطات الطرق يا إلهي ما أجمل الأسلوب وما أروع كاتبه دعوني أتوغل قليلاً في غياهب السحر ليسكنني ويعشعش في أغواري السحيقة ولا أجد من يرقيني ودعوني أرقص هنا بلا ساق ففي حضرة هذا البوست الثر عبثت بي الأشواق
عشقي يفني عشقي وفنائي إستغراق

الفصل الثالث:
وبدا لي من ثنايا الشاشة البلورية رجل يسألني
من أنت ؟؟؟ ابتدرت الرجل الذي تبدّى أمامي
بصوت مرتعش ونظرات مشدوهة!!
وقلت له : بل من أنت؟؟
فأخذ يتمتم :أنا .. أنا ... ها ؟؟
وكأن اسمه قد اختفى من طيّات ذاكرته المنهكة بلا مقدمات ..
فأجابني وقد ملأ الشاشة محياه كالملاك
أنا .. ش.. شبارقة!!!
وابتسم بغموض قائلاً: تفضل ..
فقلت له وقد تلاشت مشاعر الخوف عندي
أنا قد تفضلت هاهنا منذ قليل وقد سحرني كل حرف سطرته هنا
فقال لي وهو يفرك عينيه؟
ومن تكون أنت؟ أجبني
فقلت له وأنا أتقدم نحوه:" أنا محسوبك حسن سادة"
فعاد يسألني مجدداً بنبرة أشد غلظة:
" وما هذا الإسم الغريب !! سادة أم لبن؟
هل أنت من الجزيرة مدني؟
فقلت وأنا أخفي إرتعاشاً بيديا:
ذلك فخر لا أدعيه ولكنني حلفاوي
فعانقني ورحب بي بحرارة بالغة
وقال لي مرحباً بك في مدني
وفي بوست في بيتنا زول

فقلت له:
" ما كنت عايز أقولو ليك لكين لسان الحال سرد
(ما تقول لي لكين،،، بوستك عينة)

راااااااائع حسن سادة ...
شكراً جزيلاً ..
لكن لازم يشلخوك ... ما تقعد ساااااااادة كده ..

[شبارقة]

صعب صعب صعب
طيب ختو ليو عنب تفاح :d :
:D

والله يا Doom99 الزول دا غير الموز ما اختار فاكهة ....
وقلنا السبب !!

[ابوشوتال]

المقدمة فيها كاس

والشخصية انت عارفها قبل اسبوع جاياك


بس كشف حال في الفاضي


( قول في بيتنا ........ عديل وما تلف وتدور)

[ابوشوتال]

بعدين الايام دي عامل ليك مشروع تسمين

لقاك الكبسة كاتلاك

من ما جاء وجات البركة معاهو:D

الحيلة قليلة والخشم بليلة :rolleyes:

[صلاح ودالطاهر]

بعدين الايام دي عامل ليك مشروع تسمين

لقاك الكبسة كاتلاك

من ما جاء وجات البركة معاهو:D

الحيلة قليلة والخشم بليلة :rolleyes:
صدقته ياباشوتال والعجب صنية البطاطس وحلة الباميه والخضره والدكوه بس لقيت دمي +O دكوه االحسنه في حماد والخيل تجقلب

[صديق بلال]

الفصل الأول:

الظريف في الموضوع لما جانا صلاح ود الطاهر وابوشوارب!! لقو أبورجاء خاتي ليهو كوم موز قدامو ، علّق ود الطاهر قائلاً: (انتو جاكم من الدمام منو؟؟ أبو رجاء ولا قرد!!)، والأظرف من كده لمن قال ماشي البقالة ، وعامل فيها انو النظاره ما مهمّة ، مشى من غير نظاره ... بعد شوية جابوهو ناس الشرطة ، قالو لينا دا تبعكم ؟؟؟ لقيناهو حايم في الطريق السريع .. تاني لو سمحتو ما تفكو شفعكم في الطريق السريع ... لأنو خطر!!
ومع كل الود باقة ورد
دمتم في رعاية الله وحفظه !!

يا أخينا شبارفة بالنسبة لكوم الموز اللي بتتكلم عنوا ده موز جنسيتوا شنوا.... لإنوا إنت بتتكلم عن الدمام في السعودية... والموز في السعودية إما يكون يمني أو إكوادوري أو صومالي أو إمريكي... أما أخينا الشرطة اللي جابتو عامل فيها عندوا بعد نظر.... ولكن الحظ خانو فطلع عندو قصر نظر... فعشان كده عرف الكان قدامو كوم موز...وبس

[شبارقة]

يا أخينا شبارفة بالنسبة لكوم الموز اللي بتتكلم عنوا ده موز جنسيتوا شنوا.... لإنوا إنت بتتكلم عن الدمام في السعودية... والموز في السعودية إما يكون يمني أو إكوادوري أو صومالي أو إمريكي... أما أخينا الشرطة الجابتو عامل فيها عندوا بعد نظر.... ولكن الحظ خانو فطلع عندو قصر نظر... فعشان كده عرف الكان قدامو كوم موز...وبس

مشكلة الموز اللي جبناهو جديد ما بعرف عربي ، عشان كده ما عرفنا جنسيتو شنو ، لكن وبصورة عامة ، المدردم كلو عند العرب ليمون!!!

[شبارقة]

صدقته ياباشوتال والعجب صنية البطاطس وحلة الباميه والخضره والدكوه بس لقيت دمي +O دكوه االحسنه في حماد والخيل تجقلب

الحسنه في حماد والخيل تجقلب؟؟؟

الله يسامحك ..

الله يرحم حبوبتي سوزان لو سمعتك كان جضمت ليك!!

[صديق بلال]

مشكلة الموز اللي جبناهو جديد ما بعرف عربي ، عشان كده ما عرفنا جنسيتو شنو ، لكن وبصورة عامة ، المدردم كلو عند العرب ليمون!!!

دنت الحالة طالعة عندك أخطر من صاحبك فداك عندو قصر نظر..... أما إنت طلع عندك قصر نظر... وفاقد حاسة اللمس كمان... لأنك تتخيل الموز مدردم وهو مش مدردم... والله أعلم إن جابوليك شئ مدردم حاتقول عنو شنو يا شبارقة

[ابورجاء]

شبارقة ما قلنا نخلي الطابق مستور
لكن وكت جات منك امسك
الوصف الدقيق جدا ما دقيق فتريته يا نا س الطاحونة
بس من تسمعوا دقيق تجو جارين خاصة المطوفش بورتو
وود المطامير وود الطاهر جنكم فتريته هع هع هع ارقد يا كوكتيل:D
نبدا من الغرفة يا يمه غرفة التاباني والياباني والهندي والباكستاني
متر في تلاته سم شبارقة بيتحشر فيها حشر لو عايز يتمقه ويتمطه الا
يستأذن من الجيران :p السرير حق شوتال الله يديهو العافية الغسالة
لو ختينا فيها قميص تحلف البنطلون الا بعد شهر اصلها قدر علبة السجاير
ابو نخله اها التلاجه اسكتوا ساي لو خته فيها علبة بيبسي الا يتكل الباب
بالشعبه عشان يقفل ;) تلفزينو بيشاهدوا بالتلسكوب :D كباية واحده وصحن
طلس مطفق ملعقه مطفوقه حلة بتشيل ربع ربع الكيلو موكيت الغرفة شوالات
بزرة قديمه ما ود محالج :p اها نجي للحمام الله يكرمكم نهي حمام هو مستقل
انو ساكن جمب المسجد فهمتوها صح ايواااااااااا عليكم نور عامل ليهم ازمة في
الحمامات اها جينا للمهم الملابس حقتو قميص واحد من باقي ملاية المسكين شوتال
بنطلون من قماش الخيم بتاعت المعسكر حق الالزامية جزمة مقدوده من تحت ملصق ليها
زفت من حجار البطارية عشان اللون وكده شراب اسود زي وشو مقدود بالجمبه :D طبعا
بيملصها في اخر الشارع وبيدخل بيت الكبريت :p مراعات للضيوف بالمناسبة يوم جونا
عمنا الحنين الطيب القلب كبيرنا ابو شوارب والمطوفش استاذ صلاح قابلناهم في البقالة
عشان الغرفة ما بتشيل وكده :D اها برجع ليكم اكمل الوصف انا جاري قبل ما يجي
ويطردني من علبة الكبريت واتجهجه في الشوارع قالوا لو عندك عند المحامي حاجة قول
ليهو يا كفيلي طال عمرك:D ....

ودوما في رعاية الله وحفظه..
مع كل الود باقة ورد....

[شبارقة]

دنت الحالة طالعة عندك أخطر من صاحبك فداك عندو قصر نظر..... أما إنت طلع عندك قصر نظر... وفاقد حاسة اللمس كمان... لأنك تتخيل الموز مدردم وهو مش مدردم... والله أعلم إن جابوليك شئ مدردم حاتقول عنو شنو يا شبارقة

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!

[عوض صقير]

بزيارتك بيتنا نور والله نور

والله ياجماعة أبورجاء شرفنا كثير بالرياض

وأستمتعنا كثير بالجلوس معه
وقضينا معه أجمل الأوقات

وبشرفه عملنا زيارة لأخونا عماد محمد كانت محضورة يتقدمها الأخ المهذب بكرى كسلا والأخ العزيز شبندر والأخ صاحب النفاج ود الطاهر والأخ زاهر والأخ العضو خاطب ودكم وكانت جلسة يحكى مضمونها عن مدى صدق وجمال أعضاء هذا المنتدى الذى ولد عملاقا

التحية لك أخى عماد ( أبورجاء )
وهنيئا لمنتدى ودمدنى بهذا الرائع أبورجاء

[شبارقة]

شبارقة ما قلنا نخلي الطابق مستور
لكن وكت جات منك امسك
الوصف الدقيق جدا ما دقيق فتريته يا نا س الطاحونة
بس من تسمعوا دقيق تجو جارين خاصة المطوفش بورتو
وود المطامير وود الطاهر جنكم فتريته هع هع هع ارقد يا كوكتيل:D
نبدا من الغرفة يا يمه غرفة التاباني والياباني والهندي والباكستاني
متر في تلاته سم شبارقة بيتحشر فيها حشر لو عايز يتمقه ويتمطه الا
يستأذن من الجيران :p السرير حق شوتال الله يديهو العافية الغسالة
لو ختينا فيها قميص تحلف البنطلون الا بعد شهر اصلها قدر علبة السجاير
ابو نخله اها التلاجه اسكتوا ساي لو خته فيها علبة بيبسي الا يتكل الباب
بالشعبه عشان يقفل ;) تلفزينو بيشاهدوا بالتلسكوب :D كباية واحده وصحن
طلس مطفق ملعقه مطفوقه حلة بتشيل ربع ربع الكيلو موكيت الغرفة شوالات
بزرة قديمه ما ود محالج :p اها نجي للحمام الله يكرمكم نهي حمام هو مستقل
انو ساكن جمب المسجد فهمتوها صح ايواااااااااا عليكم نور عامل ليهم ازمة في
الحمامات اها جينا للمهم الملابس حقتو قميص واحد من باقي ملاية المسكين شوتال
بنطلون من قماش الخيم بتاعت المعسكر حق الالزامية جزمة مقدوده من تحت ملصق ليها
زفت من حجار البطارية عشان اللون وكده شراب اسود زي وشو مقدود بالجمبه :D طبعا
بيملصها في اخر الشارع وبيدخل بيت الكبريت :p مراعات للضيوف بالمناسبة يوم جونا
عمنا الحنين الطيب القلب كبيرنا ابو شوارب والمطوفش استاذ صلاح قابلناهم في البقالة
عشان الغرفة ما بتشيل وكده :D اها برجع ليكم اكمل الوصف انا جاري قبل ما يجي
ويطردني من علبة الكبريت واتجهجه في الشوارع قالوا لو عندك عند المحامي حاجة قول
ليهو يا كفيلي طال عمرك:D ....

ودوما في رعاية الله وحفظه..
مع كل الود باقة ورد....

يا نهار اسود .... يا نهار اسود ... يا صباح مش معدّي ...

وا فضيحتك في الحلال يا شبارقة ....

طيرت الحمام خلاص ....

الله يفضحك يا ابو رجاء ...

بعد كده الا أعرس بتك رجاء ... يااااا حليلك يا بت الحاج!!

[مدنيّة]

قالوا الليلة متغدين من كنتاكي

كويس الله رحمكم من موز ابورجاء:D

[نزار حسن محمد]

وازيدك من الشعر بيت يامدنيه كنتاكى وبطيخ وببسيى بارد ...وكيسين سعوط وتلاته علب سجائر وجوز كوتشينه ...وفى لورى مواد غذائيه فاسده من ود المطامير مشحونه راسا للرياض
من مخلفات بلدية ابوظبى

[شبارقة]

قالوا الليلة متغدين من كنتاكي

كويس الله رحمكم من موز ابورجاء:D



لااااااااااااااااااااااااااااااااااااااااااااااااا اااااااااا
دي مشت السودان ... يا نهار مش معدي !!!
الله يستر ما يجيبونا في الجزيرة !!

[شبارقة]

وازيدك من الشعر بيت يامدنيه كنتاكى وبطيخ وببسيى بارد ...وكيسين سعوط وتلاته علب سجائر وجوز كوتشينه ...وفى لورى مواد غذائيه فاسده من ود المطامير مشحونه راسا للرياض
من مخلفات بلدية ابوظبى

والله يا نزار الاخبار الطازجة عند مدنية ....!!
حاجة تحير .. ياخي الدنيا دي بقت بيت وااااااااحد !!