نجوم المنتدى [الأرشيف] - منتديات ودمدني

عثمان جلالة

09-07-2007, 12:33 AM

لأنو أنا يا شباب ... جديد والجديد بجيب الكفوة ... وعينو زايغة لفت نظري خلال الفترة القصيرة معاكم .... أقلام بحق ... رائعة بذكرهم بأوسمه معنوية كما يلي:
0
000
0000000000
000000000000000
000000000000000000

عثمان جلالة

09-07-2007, 12:35 AM

طبعا ده يا معتز ما داخل في موضوعك نجم الشهر
لكن أخده كقاعدة بحث ومرجع (Data base)

عثمان جلالة

09-07-2007, 12:39 AM

وسام ماسي .. بطعم الرعاية والحضور ... وقلب الشباب ...وروح المشاركة
للرائعين .... الآدمن .... 114 .... نزار ... مدناوي .. ود المطامير ..ود الطاهر .. أبو شوارب وبقية العقد الفريد ...... أقلام للتعليق بالرزانة .. والحكمة ... والتشجيع

عثمان جلالة

09-07-2007, 12:44 AM

وسام ذهبي عيار (24) ... بطعم التفرد والمواضيع (البتخلي شعرة جلدك تكلب) يعني بالعربي توقف شعر راسك ... من المتعة
الرائعين .... شبارقة ... مدنية .... حسن ساده .... غيداء .... أقلام مبدعة ومتجددة

عثمان جلالة

09-07-2007, 12:48 AM

عثمان جلالة

09-07-2007, 12:52 AM

وسام ذهبي فقط مطرز بروح الشباب .. والتخريم خارج النص
مختار بازي .... هشام ... أبو النور ... أبو رانيا ... ماس 88 أبو شوتال دوم 99والبقية

عثمان جلالة

09-07-2007, 12:53 AM

التحية لكم جميعا وآآآآآآآآآآآآآآآآآآآآآآآآآسسسسسسسسسسسسسسسسف إذا نسيت قلم يستحق الذكر .......... وأعذروني لأنو جديييييييييييييييييييييييييييييييييييد

مدنيّة

09-07-2007, 12:54 AM

واكبر نجمة لكل الحادين علي لامنتدي من امثالك يا جلالة

عثمان جلالة

09-07-2007, 12:59 AM

همسة خاصة

ناس العام..... وبقية الأقسام ... دايرين منتدانا دا يكون قبلة للمنتديات الأخرى .... ودي دعوة للمزيد من الانفتاح علي بعض والمزيد من الإبداع ...
خلاصة
عذرا إن لم أذكر المبدعين في الأقسام الاخرى لأنو انا يادوب بتعرف على ناس العام ولسه دايش مبهور ... لكن كل يوم بتعلم .... حاجة .. فلكم العتبى حتى ترضوا ... ودمتم دوما أكثر إبداعا وتألقاً .. ولا نامت أعين الجبناء ....(تخريمة)

عثمان جلالة

09-07-2007, 01:06 AM

واكبر نجمة لكل الحادين علي لامنتدي من امثالك يا جلالة

نجمة من نجمه ... دي أشيلها كيف بس وريني؟

مدنيّة

09-07-2007, 01:08 AM

همسة خاصة

ناس العام..... وبقية الأقسام ... دايرين منتدانا دا يكون قبلة للمنتديات الأخرى .... ودي دعوة للمزيد من الانفتاح علي بعض والمزيد من الإبداع ...

ودي امنيتنا كلنا ياجلالة
واكيد ما ح تتحقق الا بامثالكم
ويلا ايد علي ايد نخلي المنتدي فعلا قبلة للمنتديات الاخري

ابوالنور

09-07-2007, 01:42 AM

وسام ذهبي فقط مطرز بروح الشباب .. والتخريم خارج النص
مختار بازي .... هشام ... أبو النور ... أبو رانيا ... ماس 88 والبقية

ودعمي لا اجد كلمة تليقك بيك غير انو ربنا يوفقك الي الامام
وحقيقه شكرا علي الوسام

سلمي لي علي استاز محمود جامعه الجزيره

مختار بازى

09-07-2007, 01:48 AM

وسام ذهبي فقط مطرز بروح الشباب .. والتخريم خارج النص
مختار بازي .... هشام ... أبو النور ... أبو رانيا ... ماس 88 والبقية

عظيم الشرف ان يكون هذا الوسام منك جلالة ولا ننكر رغم حداثتك ولكنك كنت متجدد فينا دوما
ولهذا امنحك وسامي تقديرا لمجهوداتك والي الامام جلالة

هشام السماني إبراهيم

09-07-2007, 02:04 AM

وسام ذهبي فقط مطرز بروح الشباب .. والتخريم خارج النص
مختار بازي .... هشام ... أبو النور ... أبو رانيا ... ماس 88 والبقية

الشرف ان يكون هذا الوسام منك جلالة لك الشكر وتحيتي من قلبي

تخريمة :: فقط :D

عثمان جلالة

09-07-2007, 02:07 AM

ودعمي لا اجد كلمة تليقك بيك غير انو ربنا يوفقك الي الامام
وحقيقه شكرا علي الوسام

سلمي لي علي استاز محمود جامعه الجزيره

بالرضو في الرد بتخرم يا ود عمي ... نحن وراكم ... والله مع الجميع ... بعدين يبلغ السلام

عثمان جلالة

09-07-2007, 02:10 AM

عظيم الشرف ان يكون هذا الوسام منك جلالة ولا ننكر رغم حداثتك ولكنك كنت متجدد فينا دوما
ولهذا امنحك وسامي تقديرا لمجهوداتك والي الامام جلالة

شكرا مختار ... وطبعا البازي معروف بالتميز والتفرد والتحليق ..... في الأعالي نحو فضاءات رحبه وفسيحة ... منتظرين جديدك

عثمان جلالة

09-07-2007, 02:13 AM

الشرف ان يكون هذا الوسام منك جلالة لك الشكر وتحيتي من قلبي

تخريمة :: فقط :D

سلامة قلبك يا هشام ... بعدين إنت لسه ما تبت ... ما كفاك الشاكوش ... لكن بيني وبينك كده قالوا ما لا يقتلني ... يقويني ... إنشاء الله دايما قلبك كبير بيسع الجميع

غيداء نورالدين

09-07-2007, 02:47 AM

جلالة شكرا لك يا رائعة على الوسام والى الامام دوما
لك تحياتي

عثمان جلالة

09-07-2007, 03:02 AM

جلالة شكرا لك يا رائعة على الوسام والى الامام دوما
لك تحياتي

مادام مصرة يا غيداء أنا رائع مش رائعة صفة المذكر السالم ... الله يسلمك لينا والمزيد المزيد من إبداعاتك وفضلنا وحاتك منتظرييييييييييييين

حسن سادة

09-07-2007, 05:03 AM

يا لجلال ذلك الوشاح الذي طرز من الدمقس والحرير
وتضمخ بأغلى العطور الباريسية ووضع على صدري
من إنسانة جليلة قد إكتست ألقاً وجلالة
أسأل الله العلي القدير أن أكون بحسن ظنها
وكافة المنتدين في هذا المنتدى الأغر منتدى أرض المحنة
ودمدني المجد والعزة والفخار
فما أسعدني بهذا الإكليل الذي أضاء هامتي
وما أروع اللقاء بكم عبر هذه الكوة الإسفيرية
التي كانت سبباً في تواصلنا مع بعض
وإلى الأمام ودمدني مدينة وأناساً ومنتدى
وسدد الله خطاكم

اللهم آمين

عثمان جلالة

09-07-2007, 05:12 AM

حسن سادة

09-07-2007, 05:29 AM

شكراً عزيزي جلالة للتصويب
وبعدين نحنا الحلفاويين (جنى الرطانة)
أول ما نشوف لينا تاء تأنيث ذي ما قرونا ليه في المدرسة
طوالي نقول دي أنثي
حتى ولو كان الواحد ده إسمه جبارة

وبعدين تعال هنا سادة دي ما بتاعة الشاي
لكين عشان الوالدة الله يحفظها إسمها سعدية
وإختصاراً بينادوها سادة وهكذا ديدن معشر أهل حلفا

وشكراً لكلماتك الرقيقة التي سأطنبر لها جاييها
وأدوبي ليها ماضيها وبرسل ليها غنوة شوق وأقيف
مرات وأحجيها وسوف أردد إسمك المذكر حارة حارة
في مناديل العذارى وفي مشاوير الحيارى
وفي لحى الأشجار وسوف أنحته في صم الحجارة

فلك العتبى حتى ترضي أيها الشفيف
وأهديك أقصى الود غير مقلل

عثمان جلالة

09-07-2007, 05:41 AM

الرائع حسن ساده ... روعة النيل بي جروفه ... عطاءاً وألقاً ونضارة ... روعة السودان من حلفا لي نمولي ... وبهديك أجمل آيات الشكر على اسلوبك البخلي الواحد ... ينط لي فوق .. ولو في (بطان) يملص قميصو وياخد مية سوط ... تعرف قلت ليك ساده بالنعناع لأنو أنا بحب الشاي الساده بالنعناع ... والله يحفظ الوالده أمنا كلنا ويحفظك .. وما يحرمنا من إبداعاتك وأهديك...
الفوضى ... شجار طفلين في ساحة روضه .....

مختار بازى

09-07-2007, 09:08 AM

شكرا مختار ... وطبعا البازي معروف بالتميز والتفرد والتحليق ..... في الأعالي نحو فضاءات رحبه وفسيحة ... منتظرين جديدك

شكرا ليك يا رايع اها ما فيها تا مربوطة انا برضو حصل لي اللبس بتاع جلالة دا علي العموم لك العتبي حتي ترضي

عثمان جلالة

09-07-2007, 08:07 PM

شكرا ليك يا رايع اها ما فيها تا مربوطة انا برضو حصل لي اللبس بتاع جلالة دا علي العموم لك العتبي حتي ترضي

شايفك غيرت توقيعك ... دي معناها مرحلة جديدة من التحليق معاك ... وجديدة من العطاء ... قف ... نحن من خلفكم ونشد من أزركم ...

MASS77

09-07-2007, 08:12 PM

جلاله شكرا ليك
بس اشرح لي تخريم خارج النص دي ؟؟؟؟

عثمان جلالة

09-07-2007, 08:50 PM

الرائع ماس ... التخريم خارج النص زي الماس الكهربائي ... لسعة خفيفة .. بتدي المنتدى روح المناكفة ... والتمرد ... ولكن في الاتجاه الصحيح ... وزي ما عارف الدماء الحارة دايما بتبحث كل يوم عن الجديد ... ومنتدانا ولله الحمد فيه الشباب ... قلبا وقالبا وفيه الشباب بالقلوب فقط ... وما داير أسمي ... لأنو في ناس داسه الموضوع ... المهم يا ماس ... لازم يكون الحكمة موجودة ... والتمرد على الواقع .. والأفكار الجديدة .. والدماء الحارة ... برضو موجودة أتمنى أكون قدرت أوصل ليك المعنى .. وشكرا للمرور

الطويل

10-07-2007, 02:55 AM

وسام ذهبي فقط مطرز بروح الشباب .. والتخريم خارج النص
مختار بازي .... هشام ... أبو النور ... أبو رانيا ... ماس 88 أبو شوتال دوم 99والبقية

لا اجد كلمه لأشكرك بها أخونا وحبيبنا جلاله غير ربنا احفظك وافقك

ومشكور على الوسام ياالحبيب

ودمت

عثمان جلالة

10-07-2007, 03:04 AM

لا اجد كلمه لأشكرك بها أخونا وحبيبنا جلاله غير ربنا احفظك وافقك

ومشكور على الوسام ياالحبيب

ودمت

العزيز أبو رانية ده حقك ... ونحن بنستظل بي وجودكم في المنتدى .. ودما في انتظار جديدكم

ابوالنور

10-07-2007, 03:08 AM

لا اجد كلمه لأشكرك بها أخونا وحبيبنا جلاله غير ربنا احفظك وافقك

ومشكور على الوسام ياالحبيب

ودمت

ما تحاكيني

عثمان جلالة

10-07-2007, 03:19 AM

ود عمي ... ما قلتا لي .... إنت ماش طوالي كده ... ماشي وين .... ووصلت ولا لسه

ابوالنور

10-07-2007, 03:27 AM

ود عمي ... ما قلتا لي .... إنت ماش طوالي كده ... ماشي وين .... ووصلت ولا لسه

انا ما ماشي انا قاااااااااااااااااااااعد مستنيك تجي
ولا شنو قال بنطون قال

عثمان جلالة

10-07-2007, 03:37 AM

انا ما ماشي انا قاااااااااااااااااااااعد مستنيك تجي
ولا شنو قال بنطون قال

طيب خليتو البنطون ... شوف لينا معاك ركشه ... مكتوب فيها بي ورا (حصاد الغربة)

ابوالنور

10-07-2007, 04:07 AM

طيب خليتو البنطون ... شوف لينا معاك ركشه ... مكتوب فيها بي ورا (حصاد الغربة)

منو الاتغرب يا اخو انا قاعد مع امي واخواني
ركشه وكان جاني كلب

عثمان جلالة

10-07-2007, 05:32 AM

منو الاتغرب يا اخو انا قاعد مع امي واخواني
ركشه وكان جاني كلب

لازم يجيك اليوم وتمرق ... كان ما الليله بكره ... انشاء الله كل ما تقبل تلقاها هينة ولينة قول آآآآمين .... دعوة حبوبتي

samar_taha

10-07-2007, 05:51 AM

وسام ذهبي عيار (18) ... بطعم المواضيع الهادفة
بدرينا .... سمر طه .... عوض كواكب ... معتز ... أبو الأمجاد ..... ود أم تريبات .... هاني .. بسطاوي ... معزة .... والبقية
أقلام ...هادفة ... مواضيع ... قيمة ... لتطوير المنتدى

الأخ المتفرد جلالة
لك التحيات و من الشكر أجزله على هذا الوسام الجميل ولك منا مثله
بين قوسين :
ما يكون عيار 18 دهب سوداني , قالو مغشوش الزمن ده ؟؟؟؟

عثمان جلالة

10-07-2007, 08:13 PM

الأخ المتفرد جلالة
لك التحيات و من الشكر أجزله على هذا الوسام الجميل ولك منا مثله
بين قوسين :
ما يكون عيار 18 دهب سوداني , قالو مغشوش الزمن ده ؟؟؟؟

لا وحاتك دهب خليجي ... وبالنقشة البتعجبك ... نقشه رقيقه كده ... زي كتاباتك .. شكرا للمرور

الطويل

11-07-2007, 03:05 AM

ما تحاكيني

احاكيك كيف يعنى

والا امكن عشان وسامنا واحد يا ابو النور:D :D

عثمان جلالة

11-07-2007, 03:57 AM

احاكيك كيف يعنى

والا امكن عشان وسامنا واحد يا ابو النور:D :D

لكن هو البستلم وسامو اول ... لأانك بعيد شويه ... ربنا يقرب المسافات