مبروك المدام حاااااااااامل

[مدنيّة]

جملة يتوق كل المتزوجين لسماعها
فهي نافة جديدة تُفتح في حياتهم الزوجية واول اركان الاسرة الجديدة التي يستعدون لتكوينها
ولكن
عندما لا تكون في مكانها تعالوا نشوف اللي بيحصل شنووو !!!

ابنة في ريعان الشباب مريضة وكان الشك الاكبر في كونها مريضة بالملاريا التي استوطنت في جسد كل السودانيين
ذهب بها والدها الي احد المستوصفات الخاصة لكي يجري لها التحليل اللازم
بعد اخذ عينة الدم وبعد الفترة اللازمة للتحليل ياتي الابن لمن اخذت العينة لكي يسالها عن النتيجة
فاجابت بكل بساطة - من غير ما تساله عن الاسم الذي يود ان يعرف نتيجته – (( مبروك المدام حامل )) !!!!!!!!
لم يستطع الاب ان يتحمل الصدمة واخذ راس ابنته وضربه بسيراميك الارض عدة مرات ، فتفاجأت التي اخذت العينة وبكل ذهول الدنيا ورعبها سالت والد الابنة المغلوبة علي امرها : هي بتك اسمها منو ؟؟؟
بعد شنو ؟؟ بعد ما خلاص الاب قتل ابنته من غير ذنب جنته وبذنب انسانة لا تعرف اتقان العمل وكانها لم تسمع طيلة عمرها ب ( ان الله يحب من احدكم اذا عمل عملاً ان يتقنه )
فماذا نسمي هذا هل هو اهمال ؟ ام لا مبالاة ؟ ام ماذا !!
صراحة انا لما سمعت بالحادثة دي اقشعر جسدي كله من مثل هؤلاء الذين ياخذون الاجر ولا يحاسبون انفسهم بالعمل قبل ان يحاسبهم الله !!
تري ما هو شعور عاملة المعمل هذه وكيف تعيش الان في هناء وسرور بعد ان كانت السبب في قتل شابة في ريعان شبابها بسبب اهمالها في العمل ؟؟
وكم مثل هؤلاء يعيشون بيننا !!!!!!!!!

[نزار حسن محمد]

لا حوله ولا قوه الا بالله ..يامدنيه مالك دايرنى استفرق فطور برج العرب

[مدنيّة]

لا حوله ولا قوه الا بالله ..يامدنيه مالك دايرنى استفرق فطور برج العرب

والله يانزار دا اللي حصل وحكته لي طبيبة كانت بتتكلم عن اهمال ناس المعامل وعدم تقديرهم للمسئولة الملقاة علي عاتقهم:(
بالله في اهمال اكتر من كدا ؟؟
يعني كان ح يكلفها شنو لو بتسال من اسم النتيجة قبل ما ترد علي السائل !!!

[zoolfrda]

هناك أخطاء دايماً ما تكون قاتلة

ويتطبق عليها قول "سبق السيف العزل"

والأخطاء الطبية منها ... ويالكثرتها

وأرى أن توضع المزيد من القوانين الصارمة لردع مثل هؤلاء

[شبارقة]

انا لله وانا اليه راجعون ...
هذا ما يطلق عليه الخطأ القاتل ....
حسبنا الله ونعم الوكيل !!

[رضا حسن محمد]

يا مدنية
اضان البنات طرشة

[معتز الريح]

مدنية ..
أطلب منك أن يكون هذا البوست بداية للإهمال الطبي في السودان
والأخطاء الطبية وما ولدته من مآآسي يصعب تخيلها
وأعتقد أن كل إنسان يحمل قصة لهكذا إهمال ..

[ابوالنور]

(لا يؤجل الله نفس اذا جا اجلها )

[مدنيّة]

هناك أخطاء دايماً ما تكون قاتلة

ويتطبق عليها قول "سبق السيف العزل"

والأخطاء الطبية منها ... ويالكثرتها

وأرى أن توضع المزيد من القوانين الصارمة لردع مثل هؤلاء

والله دا خطا قاتل
وياريت لو في قوانين زي دي
بس احنا في السودان بناخد الامور ببساطة لما تغيظ

[مدنيّة]

انا لله وانا اليه راجعون ...
هذا ما يطلق عليه الخطأ القاتل ....
حسبنا الله ونعم الوكيل !!

باعتبارك رجل قانون ياشبارقة
بتاعت المعامل دي مفروض يحصل ليها شنووو ؟؟

[مدنيّة]

يا مدنية
اضان البنات طرشة

والله حسرة يارضا ما بعدها حسرة

[مدنيّة]

مدنية ..
أطلب منك أن يكون هذا البوست بداية للإهمال الطبي في السودان
والأخطاء الطبية وما ولدته من مآآسي يصعب تخيلها
وأعتقد أن كل إنسان يحمل قصة لهكذا إهمال ..

اعتقد اننا لما نسميه اهمال بيبقي دا ظلم للاهمال

بس الحاجة اللي تغيظ يامعتز انه حاجة بسيطة جدا كان ممكن تتفادي بيها الحصل دا

بمجرد انها تسال من الاسم كان تفادت بيها الحادثة من اساسها

[مختار بازى]

انا عن نفسي بشوف انو كان حيعلم حيعلم لو بطريقة او بآخري وطال ما الممرضة او الفحيصة كان عندها دور في الغلط هو عندو نصيب الاسد فيهو !
ولا التصرف الصحيح المفروض كان يبدر منها تقول ليهو شنو ؟؟
عندها شنو مثلا ولا تدي النتيجة للمريضة وهي مخيرة بعد ذالك ؟؟
ولا انا الفهمتة الموضوع غلط ماعارف ممكن توضحولي ؟؟

[مدنيّة]

(لا يؤجل الله نفس اذا جا اجلها )

ونعم بالله

[مدنيّة]

انا عن نفسي بشوف انو كان حيعلم حيعلم لو بطريقة او بآخري وطال ما الممرضة او الفحيصة كان عندها دور في الغلط هو عندو نصيب الاسد فيهو !
ولا التصرف الصحيح المفروض كان يبدر منها تقول ليهو شنو ؟؟
عندها شنو مثلا ولا تدي النتيجة للمريضة وهي مخيرة بعد ذالك ؟؟
ولا انا الفهمتة الموضوع غلط ماعارف ممكن توضحولي ؟؟

فاهم الموضوع غلط يامختار انت
لانه البت مشت تفحص الملاريا
وباعتبار انه معمل
فيه كمية من الناس بيجوا يفحصوا
بتاعت المعمل من غير ما تسال من اسم البت
قالت للاب نتيجة امراة متزوجة ( مبروك المدام حااامل ) !!!!!

[مختار بازى]

فاهم الموضوع غلط يامختار انت
لانه البت مشت تفحص الملاريا
وباعتبار انه معمل
فيه كمية من الناس بيجوا يفحصوا
بتاعت المعمل من غير ما تسال من اسم البت
قالت للاب نتيجة امراة متزوجة ( مبروك المدام حااامل ) !!!!!

اوكي يعني النتيجة بتاعت واحة تانية ادته الي ابو البت

[بدر الدين محمد]

لا حولة ولا قوة الا بالله .. ناس المعمل ما دقيقين والاب متهور ودا البنقصنا في حياتنا ( الدقة وتبين الامور) ثم التصرف

[mamdoh]

انا لله وانا اليه راجعون"""""""""""
منو الغلطان؟

[مدنيّة]

اوكي يعني النتيجة بتاعت واحة تانية ادته الي ابو البت

ايوة يامختار
ادته نتيجة وحدة متزوجة وبعد الاب ما ضرب راس البت بالارض سالت بتاعت المعمل من اسم البت !!!!

[مدنيّة]

لا حولة ولا قوة الا بالله .. ناس المعمل ما دقيقين والاب متهور ودا البنقصنا في حياتنا ( الدقة وتبين الامور) ثم التصرف

في حالة زي دي صعب جدا تبين الامور يااستاذ بدرالدين
ولو من الاول ناس المعامل شافوا شغلهم بما يرضي الله لكان هو الافضل

[مدنيّة]

انا لله وانا اليه راجعون"""""""""""
منو الغلطان؟

غلطان كل من يهمل في عمله ولا يراعي الله ولا يتقيه ولا يتأني في اجاباته التي قد توردنا مورد الهالكين

[الطويل]

الله ارحم البنت


والله أجازى الدكتور والا الفحيص

[admin]

صاح يامدنية ناس المعمل غلطانين لكن الاب غلطو اكبر .. بس لكن يعني بدون زعل القصة فيها نوع من المبالغة كيف قتل البت قدام الناس .. ياكافي البلا حجاز ساكت مافي


جعفر عباس: متى يستشعر الطبيب شيئا من الحرج؟

قبل سنوات طلب مني جاري توصيل زوجته الى قسم الطوارئ بالمستشفى، في نحو الثامنة مساء، لأنها كانت تشكو من ألم حاد في البطن، وكان منزعجا لأنها كانت حاملا في أشهرها الأولى.. وبعد وصولنا الى المستشفى بدقائق كان قد نجح في عرض زوجته على الطبيب، وعدت بهما الى بيتهما.. قال ان الطبيب أبلغهما بأن الألم الذي تحس به عادي في مثل تلك المرحلة من الحمل، وطلب منها تـــــــــناول قرص فينرقان (مضاد للهستــــــامين يســــــــكن بعض الآلام).. وفي نحو الــــــثالثة صباحا جاءني جاري مجددا طالبا توصيله وزوجته الى المستشفى لأن أوجاعها في البطن استفحلت.. وفي نحو السادسة صباحا كانت زوجـــــــته قد دخلت غرفة العمليات لاستئــــــــصال زائدة دودية موشكة على الانفجار.. وربك ستر ولم تفقد الأم الجنين بســــــــبب التخدير والجراحة.. وبعد الاطمئنان على سلامتها ذهبنا الى قسم الطوارئ حيث عثرنا على الطبيب الذي أفتى بأنها لا تعاني من علة ذات خطورة حتى قبل ان تكمل شكواها، وأبلغناه بأمر الجراحة العاجلة التي خضعت لها.. أحس الرجل ببعض الحرج وقال: مثل هذه الأشياء «تحصل» لطبيب مثلي ظل يعمل 36 ساعة متواصلة، ويتعامل خلال الساعة الواحدة مع نحو عشرين مريضا ومصابا في حين أنه من المفترض من الناحية النظرية ان نعطي كل مريض نحو خمس عشرة إلى عشرين دقيقة، أي بواقع أربعة مرضى في الساعة على أبعد تقدير.

قرأت مؤخرا في صحيفة «ذا تايمز» اللندنية عرضا لكتاب «كيف يفكر الأطباء» How Doctors Think للدكتور جيروم قروبمان المحاضر في كلية الطب بجامعة هارفارد الأميركية، ويتناول فيه كيف يرتكب الأطباء أخطاء قاتلة أحيانا في التشخيص وتوصيف العلاج.. ويحكي عن تجربته الشخصية كطبيب شاب في مستشفى ماساشوستس العام عندما دخلت عليه امرأة في الثلاثينات من العمر.. يقول قروبمان ما معناه: عندما رأيتها استعذت من الشيطان، فقد كانت كثيرة الشكوى من آلام في البطن والصدر والكتف والظهر والرأس.. ولما بدأت الموال المعتاد، حتى استنتجت أنها تعاني من عسر هضم ووصفت لها الدواء اللازم.. وبعدها بيومين كنت في قسم الطوارئ بالمستشفى عندما رأيت تلك المرأة النقناقة في حالة غيبوبة.. كانت تعاني من انفجار في الشريان الكبير الذي يغذي القلب بالدم.. وماتت في غضون ساعات.. وطوال اكثر من 30 سنة لم أنس تلك المرأة ولم أغفر خطأي وتقصيري معها.

في الدول المتقدمة مجالس طبية تحاسب الأطباء على التقصير وقد يصل الجزاء الى الشطب من سجلات والحرمان من ممارسة الطب مدى الحياة.. وبما أن بلداننا مكبات قمامة، فإنه يسهل على الأطباء الممنوعين من ممارسة الطب في بلدانهم، العمل في مستشفياتنا بأرفع الألقاب، وبرواتب لا تحلم بها الكوادر الوطنية التي تضاهيها مؤهلات وخبرة .. وأحيي وزارة العمل السعودية التي تضامنت مع السعوديين الذين يخوضون معركة لمساواتهم بالأجانب العاملين في بلدهم فما أقسى الظلم عندما يأتي من ذوي القربى!

[مختار بازى]

ايوة يامختار
ادته نتيجة وحدة متزوجة وبعد الاب ما ضرب راس البت بالارض سالت بتاعت المعمل من اسم البت !!!!

لا بعد داك النصيحة بتسال لي شنو حتعيدا يعني ولا حتعيدا !!

انا لله وانا الية راجعون

[مدنيّة]

الله ارحم البنت


والله أجازى الدكتور والا الفحيص

اللهم امين
بتاعت المعمل ياابورانيا

[مدنيّة]

صاح يامدنية ناس المعمل غلطانين لكن الاب غلطو اكبر .. بس لكن يعني بدون زعل القصة فيها نوع من المبالغة كيف قتل البت قدام الناس .. ياكافي البلا حجاز ساكت مافي

والله ياادمن الحكاية زي ما قالتها لي الطبيبة بتاعتي لما وريتها نتيجة تحليل حقتي انا وقالت لي نضيفة مافيها حاجة قلت ليها غريبة بتاعت المعمل قالت ليها انه فيها بعض الالتهابات فردت لي طبيبتي بالحكاية دي والعهدة عليها هي طبعا ( وبعدين في لحظة زي دي مافي زول بيقدر يوقف الاب لما يقع عليه خبر زي دا وهول المفاجاة اسرع )


بالله دا تبرير دا للطبيب السوداني !!!!!
طب الجابرك شنو تشتغل الساعات دي كلها ؟؟
وبعدين فعلا هم ما بياخدوا مع الواحد اكتر من تلاتة دقائق الا من رحم ربي

الطب من مهنة انسانية تحول الي استثمار بحت

[مدنيّة]

لا بعد داك النصيحة بتسال لي شنو حتعيدا يعني ولا حتعيدا !!

انا لله وانا الية راجعون

اتخيل يابازي بعد ما حصل اللي حصل بتسال هي بتك اسمها منوووو!!!

طب من الاول مالك ما سالتي

[بدر الدين محمد]

الابو غلطان مليون في المية
قال رسول الله صلى الله عليه وسلم( ليس الشديد بالصرعة انما الشديد من يملك نفسه عند الغضب) صدق رسول الله
والغضب من الشيطان والشيطان دخل للاب من هذا المدخل
فارتكب (خطأ) يساوي (جريمة)

[مدنيّة]

الابو غلطان مليون في المية
قال رسول الله صلى الله عليه وسلم( ليس الشديد بالصرعة انما الشديد من يملك نفسه عند الغضب) صدق رسول الله
والغضب من الشيطان والشيطان دخل للاب من هذا المدخل
فارتكب (خطأ) يساوي (جريمة)

اكيد القوي من يملك نفسه عند الغضب
وعشان هي صعبة جدا قال الرسول (ص) الكلام دا لانه عارف انه ما من السهل ان يمسك الانسان نفسه عند الغضب

بس حتي ناس القانون ما بيحاكموا من يقتل دفاعا عن الشرف في لحظة الخبر لما يتفأجا بيه


ولا شنو ياناس القانون!!!!

[بدر الدين محمد]

بخففوا العقوبة الى (القتل غير العمد)

[عثمان جلالة]

المتجددة مدنية ... بعد التحية
أحزنتني القصة أعلاه ... زادت علينا الهم ... همين .. لكن أبو البت هو المسئول الأول لأنو عارف إنو الفحص المطلوب ملاريا .. مش .. حمل ... المسئولة من النتائج في المعمل مهملة من الدرجه الأولى ... وعفواً ده حال معظم الموظفين والعاملين .. في السودان مش في الحقل الصحي بس .. في كل المرافق .. البت مشغولة بالموبايل ... والمره مشغولة ..بالعيال والحله والمتزوج .. بالشغل التاني والسمسره .. والشاب .. بكاس العالم للشباب ولا نتيجة هلال مريخ كلو ده أثناء ساعات العمل الرسمية ... ممكن الواحد يغيب من الشغل مهما كان حساسيته عشان شي ما عندو قيمه ... وبالذات في القطاع الحكومي .. وبالذات في المعاشات .. والله لا وراك المعاشات وناس المعاشات ... الموضع طويل واير بوست منفصل .. وآآآآسف للإطالة

[حافظ الليبى]

الاخت مدنيه. سلام( نقول )
لا حولة ولا قوة الا بالله........

هذه الممرضه لا تعرف للعلم ألوان ولا للحق عنوان ولا للنور زمان ...
بس نقول الله يرحم البنت وكل مسلم ؟؟

وربنا يسامح والدها
وتحيتى

[admin]

المتجددة مدنية ... بعد التحية
أحزنتني القصة أعلاه ... زادت علينا الهم ... همين .. لكن أبو البت هو المسئول الأول لأنو عارف إنو الفحص المطلوب ملاريا .. مش .. حمل ... المسئولة من النتائج في المعمل مهملة من الدرجه الأولى ... وعفواً ده حال معظم الموظفين والعاملين .. في السودان مش في الحقل الصحي بس .. في كل المرافق .. البت مشغولة بالموبايل ... والمره مشغولة ..بالعيال والحله والمتزوج .. بالشغل التاني والسمسره .. والشاب .. بكاس العالم للشباب ولا نتيجة هلال مريخ كلو ده أثناء ساعات العمل الرسمية ... ممكن الواحد يغيب من الشغل مهما كان حساسيته عشان شي ما عندو قيمه ... وبالذات في القطاع الحكومي .. وبالذات في المعاشات .. والله لا وراك المعاشات وناس المعاشات ... الموضع طويل واير بوست منفصل .. وآآآآسف للإطالة

جلالة يا اخوي الاخطاء الطبية منتشرة في كل مكان .. وكل يوم تقرا وتشاهد من مختلف بقاع الارض ما تقشعر له الابدان .. وزي ما قالت مدنية المشكلة هي انو الطب بدلا من ان كان مهنة انسانية اصبح مهنة تجارية .
واذا اردت ان تعرف ماهو الحال في القطاع الصحي بالسودان قم بزيارة شارع الاطباء في مدني .. فعيادات الاطباء فيه ومعامل الفنيين الصحيين هي اقذر مكان في مدني للاسف.

[عثمان جلالة]

جلالة يا اخوي الاخطاء الطبية منتشرة في كل مكان .. وكل يوم تقرا وتشاهد من مختلف بقاع الارض ما تقشعر له الابدان .. وزي ما قالت مدنية المشكلة هي انو الطب بدلا من ان كان مهنة انسانية اصبح مهنة تجارية .
واذا اردت ان تعرف ماهو الحال في القطاع الصحي بالسودان قم بزيارة شارع الاطباء في مدني .. فعيادات الاطباء فيه ومعامل الفنيين الصحيين هي اقذر مكان في مدني للاسف.

الرائع الآدمن :
لك الود
نتمنى في نزلتك السودان دي ما تمرض وتضطر تمشي شارع الدكاتره .. لا سمح الله يزيدو ليك المرض مرض ... شوف أخوك أبو النور كاتب هترشات ... قال ليك مويه ألف .. والحالة حالة

[salwa]

حسبي الله ونعم الوكيل

لكن بالرغم من خطا الممرضة يا مدنية نجي نقول انه الوالد تهور وكان اقلها ينتظر يسال الممرضة النتخلفة دي لانه كان اقلها يكةن في ثقة في بنته دي لانه هو مربيها الا وان كانت هناك اشياء مبهمة


واجلها وتم في النهاية

وكمان الممرضة الله بس يخفف عليها عقدة الذنب

وتكون درس لغيرها في الاهتمام اكثر والوعي والانتباه

[بسطاوى]

سبحان الله - قدر الله وماشاء فعل - خطاء المختبر ممكن يحصل لاكن خطاء الاب ابشع مليون مره الله يرحم البنيه

[mohd.dafalla]

انا لو اهل من البنت الشهيدة والله لاقتل بتاعت المعمل... دي حقو يودها تعمل شاي بس علشان غلطت وادتك جبنه (قهوة ) يكون الوضع ايزي بس الخوف تقوم تكب لك بدل السكر سم هاري اللهم كفنى شرورهم يالله

[mohd.dafalla]

دا شنو دا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!!!!

[هيثم عبدالعال]

الأخت مدنيه هي فعلا كارثه والأسوأ إنو مافي مجلس طبي بيحاسب ولا يحزنون ، وكما قال الأدمن في شارع الدكاتره خير شاهد ودليل .
وإليك ما حدث أمام ناظري : في الأسبوع الماضي وفي تمرين الشرطه أصيب أخونا النقيب (ج . م) في كره مشتركه وأحس بألم في رجله إضطره لمغادرة الملعب وإضطررنا لإصطحابه للحوداث لعمل صورة أشعه حتى نطمئن ، قامت فني الأشعه باللازم وطلبت منا الإنتظار لدقائق ، وبعد حين نادت علي بحكم تواجدي قريباً من باب القسم وسلمتني الصورة فبادرت بسؤالها خير يا دكتوره ( لزوم النفخه طبعاً) فنفخت أوداجها وأجابتني بكل تأفف ( ما عندو أي حاااااااااااجه الصوره نضييييييييييييييييييفه) سعدت بالخبر وبشرت المصاب وبدأنا التنظير : الموضوع كدمه شوية ثلج ورباط والتمرين الجايي معانا ، ونحن في حالنا ذاك مر بنا طبيب معرفه وبطبيعة الحال سأل :خير مالكم بي جاي والحاصل شنو فأريناه الصوره وإذ به يقول الحمد لله ((الشق)) لم يصل للطرف الآخر من العظم ولكن لابد من التجبيص لمدة ثلاثه أسابيع لأن الجزء المتبقي لا يتحمل أي حركه ،، حينها حام بأحشائي كل غثيان الدنيا وأنا ألتفت لتلك المصيبه التي لا تزال واقفه بباب قسم الأشعه ولم أستطع أن أنطق ببنت شفه فأكتفيت بنظرةٍ ملؤها الإشفاق ......لا عليها هي بل على من يوقعه حظه العاثر في أشعتها .

[abu_ola]

الأخطاء الطبية دي يا مدنية اختي راقدة بالكوم زي ما قالوا الأخوة المعلقين من قبلي و المواقف الزي دي ما تديك الدرب و بعدين الناس البعموا الخطأ دا لا بعتزروا و لا شي و 100 % يطلعوا الخطأ عليك .

في مرة واحد متزوج و البيت مليان شفع حدو السقف مشي المستشفي يعمل فحوصات طبية و بعد يومين جا يستلم النتيجة و المستشفي راقي نوعاً ما يعني بشيلو النتيجة بتاعتك بختوها في مظروف و بسلموها ليك و انت تشيلها و تمشي الطبيب ، على العموم صاحبنا استلم النتيجة و مشي الدكتور الدكتور فتح الظرف و قرأ نتيجة الفحص و بقي بقول ليهو في مقدمات و صاحبنا ما فاهم حاجة و بعد شوية حاول يختصر على الطبيب الموضوع و قال ليهو يا دكتور البجي من الله كلو سمح فقام الدكتور قال ليهو للاسف انت عقيم و دي إرادة ربنا صاحبنا انصدم و مرت عليهو لحظات شكأ في نفسوا و في من حوله و اسودت الدنيا عليهو و حالتو بقت حالة تصعب على الكافر و بعد شوية قال لي الدكتور يا دكتور انا متزوج و البيت متروس عيال حدو السقف فالدكتور انتبه للموضوع و تريس شوية و سألو انت اسمك منو فقال ليهو فلان بن فلان قام الدكتور تأمل شوية و لقي فعلا اسم الشخص مكتوب على المظروف بس الأسم المكتوب على نتيجة الفحص شخص اخر تماما و بعد ما رجع صاحبنا لي بتاعت المعمل عشان يجيب نتيجتو الفعلية الموظفة انكرت و تكبرت و حلفت بي رأس ابوها انو انت الغلطان و براك شلت النتيجة دي و بعد ما وراها المظروف مكتوب عليهو اسمو قامت شالت المظروف قطعتوا بي عصبية كأن شي لم يكن !!!!

[عوض صقير]

أختنا مدنية
هذه قطرة من بحر ومستشفياتنا فيها مآسى

بالنسبة الى الأب قام بحريمة القتل تحت تأثير الأستفزاز الشديد المفاجىء
وبالتالى تصبح الجريمة التى أرتكبها هى جريمة القتل شبه العمد لأستفادته من الأستثناءات الواردة فى القانون والتى تقضى ( بأنه لايعد القتل قتلا عمدا اذا سبب الجانى - وقد فقد السيطرة على نفسه بسبب استفزاز شديد مفاجىء - موت الشخص الذى أستفزه ) وعند سماع الأب خبر حمل أبنته فقد القدرة على ملاك قيد نفسه وتحمله وتهجم على أبنته بالضرب تحت تأثير هذا الأستفزاز الشديد والمفاجىء حتى فارقت الحياة وبالتالى فهذا الفعل يقع تحت طائلة هذه الأستثناءات وذلك لأن الوقائع تتضمن ظروفا تقتضى تخفيف المسئولية والعقاب ويشترط القانون أن يكون القتل حصل أثناء فترة فقدان الجانى السيطرة على نفسه بسبب هذا الأستفزاز وبالتالى سوف تتم ادانة الأب الجانى بجريمة القتل شبه العمد وليس العمد .

أما الفحيصة فلا تسأل عن جريمة القتل وأنما تسأل فقط عن الخطأ الذى ارتكبته فى تقديم هذه المعلومة الخاطئة
وذلك لأن الأب كان مفروض يتأكد من واقعة الحمل أولا بالأطلاع على الأسم

والله أعلم

[ود المطامير]

أختنا .. مدنيه ...
فعلا قصه تقشعر لها الأبدان
هندى شغال معاى , طعنو مسمار فى رجله الشمال أهملها كم يوم
لما تورمت وحالها بقى حال ووديناهو المستشفى وطوالى قرروا بترها
وبتروها وبعد كم ساعه الهندى صحى من البنج وشاف رجله السليمه مافى
والرجل المريضه قاعده , وطوالى غمر وتانى بعد فتره صحى وتانى شاف الحاصل وتانى
غمر ... وبعد داك حلف ما يقطعوا ليهو الرجل المريضه وسبحان الله
هسى يشوت بيها الحيطه يهدها والرجل اللى قطعوها أخد فيها تعويض من المستشفى .

[زيزي]

[صاح يامدنية ناس المعمل غلطانين لكن الاب غلطو اكبر .. بس لكن يعني بدون زعل القصة فيها نوع من المبالغة كيف قتل البت قدام الناس .. ياكافي البلا حجاز ساكت مافي[/quote]

[المعلم]

انا كان مسكت بتاعت المعهد بعد بتي طوالي تحصلها

[انيس التوم]

مفروض ابو البت دي طوالي يودي بتاعت المعمل يعني بالعربي تلحق البت ما خلاص المسالة جايطه والجايه بعد داك التجي ده لعب والله

[نزار حسن محمد]

نعم ...هكذا الحال فى بلدى ..وفى كثير من دول العالم الثالث...
نعم ...تتعدد الاسباب والموت واحد ...
نعم ...لا يؤجل الله نفس اذا جاء اجلها..
اتفق تماما مع الاخ بدرالدين ..فى تحميل المسؤليه لى والد البنت بالدرجه الاولى لماذا
هذا الوالد لديه من الخبره فى الحياه والتعامل ما اوصله الى ان يكون اب واحتمال يكون جد.
ويعلم تماما بالاخطاء التى تصدر من الفنيين والاطباء ..اذا لماذا الاستعجال ..يعنى خلاص جعلى
اهو قتل بنته ...بل قتل نفسه ..سيظل يتعذب حتى اخر لحظه فى حياته ..
وحسبنا الله ونعم والوكيل.

[مدنيّة]

بخففوا العقوبة الى (القتل غير العمد)

غايتو ربنا يرحم البت اللي دفعت حياتها ثمناً لاخطا غيرها

[مدنيّة]

المتجددة مدنية ... بعد التحية
أحزنتني القصة أعلاه ... زادت علينا الهم ... همين .. لكن أبو البت هو المسئول الأول لأنو عارف إنو الفحص المطلوب ملاريا .. مش .. حمل ... المسئولة من النتائج في المعمل مهملة من الدرجه الأولى ... وعفواً ده حال معظم الموظفين والعاملين .. في السودان مش في الحقل الصحي بس .. في كل المرافق .. البت مشغولة بالموبايل ... والمره مشغولة ..بالعيال والحله والمتزوج .. بالشغل التاني والسمسره .. والشاب .. بكاس العالم للشباب ولا نتيجة هلال مريخ كلو ده أثناء ساعات العمل الرسمية ... ممكن الواحد يغيب من الشغل مهما كان حساسيته عشان شي ما عندو قيمه ... وبالذات في القطاع الحكومي .. وبالذات في المعاشات .. والله لا وراك المعاشات وناس المعاشات ... الموضع طويل واير بوست منفصل .. وآآآآسف للإطالة

بس برضو عن طريق الدم ممكن تعرف اذا في حمل او لا لكن الناس ما بيستخدمه عشان اكتر تكلفة وباخد زمن اطول

وفعلا يا جلالة اهمال الموظفين عندنا حدث ولا حرج

امبارح مشيت اخد لي تطعيم المسئولة من التطعيم من الساعة تسعة نص قالت للناس انها ما ح تسجل زول تاني عشان هي طالعة عندها مشوار ومافي زول تاني معاها يقوم بالتطعيم !!!
بالله شووووف

[مدنيّة]

الاخت مدنيه. سلام( نقول )
لا حولة ولا قوة الا بالله........

هذه الممرضه لا تعرف للعلم ألوان ولا للحق عنوان ولا للنور زمان ...
بس نقول الله يرحم البنت وكل مسلم ؟؟

وربنا يسامح والدها
وتحيتى

فعلا بس نقول ربنا يرحمها

[مدنيّة]

جلالة يا اخوي الاخطاء الطبية منتشرة في كل مكان .. وكل يوم تقرا وتشاهد من مختلف بقاع الارض ما تقشعر له الابدان .. وزي ما قالت مدنية المشكلة هي انو الطب بدلا من ان كان مهنة انسانية اصبح مهنة تجارية .
واذا اردت ان تعرف ماهو الحال في القطاع الصحي بالسودان قم بزيارة شارع الاطباء في مدني .. فعيادات الاطباء فيه ومعامل الفنيين الصحيين هي اقذر مكان في مدني للاسف.

فعلا للاسف انه اصبح تجارة واستثمار
عايز تستثمر قروشك تعال اعمل ليك مستوصف او مدرسة
مع العلم انه اقل فيزيتا في الخرطوم 50 الف دا بيكون دكتور تعبان جدا واقل واحد فيهم

[مدنيّة]

حسبي الله ونعم الوكيل

لكن بالرغم من خطا الممرضة يا مدنية نجي نقول انه الوالد تهور وكان اقلها ينتظر يسال الممرضة النتخلفة دي لانه كان اقلها يكةن في ثقة في بنته دي لانه هو مربيها الا وان كانت هناك اشياء مبهمة


واجلها وتم في النهاية

وكمان الممرضة الله بس يخفف عليها عقدة الذنب

وتكون درس لغيرها في الاهتمام اكثر والوعي والانتباه

والله ياسلوي احنا بننظر ساي وردودنا دي واحنا في موقف المتفرج
عشان كدا الواحد ما بيقدر يقول انه الاب حالته كانت كيف ؟ او احاسيسه وبتاعت المعمل بكل ثقة الدنيا بتقول ليه بتك حامل ، يعني ح يكضب نتيجة معمل !!!
اكيد اجلها بس اجل محزن وربنا يرحمها ويسامح ابوها

[مدنيّة]

سبحان الله - قدر الله وماشاء فعل - خطاء المختبر ممكن يحصل لاكن خطاء الاب ابشع مليون مره الله يرحم البنيه

الله يرحمها
بس خطا الاب كان نتيجة لخطا بتاعت المعمل

[مدنيّة]

انا لو اهل من البنت الشهيدة والله لاقتل بتاعت المعمل... دي حقو يودها تعمل شاي بس علشان غلطت وادتك جبنه (قهوة ) يكون الوضع ايزي بس الخوف تقوم تكب لك بدل السكر سم هاري اللهم كفنى شرورهم يالله

والله حاجة محزنة جدا يا mohd.dafalla
وربنا يرحم البنية

[مدنيّة]

دا شنو دا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!!!!

دا حال الطب في السودان يا mohd.dafalla

[مدنيّة]

الأخت مدنيه هي فعلا كارثه والأسوأ إنو مافي مجلس طبي بيحاسب ولا يحزنون ، وكما قال الأدمن في شارع الدكاتره خير شاهد ودليل .
وإليك ما حدث أمام ناظري : في الأسبوع الماضي وفي تمرين الشرطه أصيب أخونا النقيب (ج . م) في كره مشتركه وأحس بألم في رجله إضطره لمغادرة الملعب وإضطررنا لإصطحابه للحوداث لعمل صورة أشعه حتى نطمئن ، قامت فني الأشعه باللازم وطلبت منا الإنتظار لدقائق ، وبعد حين نادت علي بحكم تواجدي قريباً من باب القسم وسلمتني الصورة فبادرت بسؤالها خير يا دكتوره ( لزوم النفخه طبعاً) فنفخت أوداجها وأجابتني بكل تأفف ( ما عندو أي حاااااااااااجه الصوره نضييييييييييييييييييفه) سعدت بالخبر وبشرت المصاب وبدأنا التنظير : الموضوع كدمه شوية ثلج ورباط والتمرين الجايي معانا ، ونحن في حالنا ذاك مر بنا طبيب معرفه وبطبيعة الحال سأل :خير مالكم بي جاي والحاصل شنو فأريناه الصوره وإذ به يقول الحمد لله ((الشق)) لم يصل للطرف الآخر من العظم ولكن لابد من التجبيص لمدة ثلاثه أسابيع لأن الجزء المتبقي لا يتحمل أي حركه ،، حينها حام بأحشائي كل غثيان الدنيا وأنا ألتفت لتلك المصيبه التي لا تزال واقفه بباب قسم الأشعه ولم أستطع أن أنطق ببنت شفه فأكتفيت بنظرةٍ ملؤها الإشفاق ......لا عليها هي بل على من يوقعه حظه العاثر في أشعتها .


يعني ياهثيم حتي الطب بقي بالمعرفة والوساطة
واليل ماعنده طبيب بيعرفه بيروح شمار × مرقة !!!!!

بعدين دا اصلا اللي خلي دكتورتي تتغاظ من الناس الزي ديل
بتاعت الاشعة دي هي مالها ومال الصورة ؟ ما تديكم ليها وتقول ليكم امشوا بيها لطبيب !!
غايتو الدكترة عندنا ساهلة كيف ياهيثم !!

[غيداء نورالدين]

لا حول ولا قوة الا بالله العظيم
ربنا يرحم ابنته

[مدنيّة]

الأخطاء الطبية دي يا مدنية اختي راقدة بالكوم زي ما قالوا الأخوة المعلقين من قبلي و المواقف الزي دي ما تديك الدرب و بعدين الناس البعموا الخطأ دا لا بعتزروا و لا شي و 100 % يطلعوا الخطأ عليك .

في مرة واحد متزوج و البيت مليان شفع حدو السقف مشي المستشفي يعمل فحوصات طبية و بعد يومين جا يستلم النتيجة و المستشفي راقي نوعاً ما يعني بشيلو النتيجة بتاعتك بختوها في مظروف و بسلموها ليك و انت تشيلها و تمشي الطبيب ، على العموم صاحبنا استلم النتيجة و مشي الدكتور الدكتور فتح الظرف و قرأ نتيجة الفحص و بقي بقول ليهو في مقدمات و صاحبنا ما فاهم حاجة و بعد شوية حاول يختصر على الطبيب الموضوع و قال ليهو يا دكتور البجي من الله كلو سمح فقام الدكتور قال ليهو للاسف انت عقيم و دي إرادة ربنا صاحبنا انصدم و مرت عليهو لحظات شكأ في نفسوا و في من حوله و اسودت الدنيا عليهو و حالتو بقت حالة تصعب على الكافر و بعد شوية قال لي الدكتور يا دكتور انا متزوج و البيت متروس عيال حدو السقف فالدكتور انتبه للموضوع و تريس شوية و سألو انت اسمك منو فقال ليهو فلان بن فلان قام الدكتور تأمل شوية و لقي فعلا اسم الشخص مكتوب على المظروف بس الأسم المكتوب على نتيجة الفحص شخص اخر تماما و بعد ما رجع صاحبنا لي بتاعت المعمل عشان يجيب نتيجتو الفعلية الموظفة انكرت و تكبرت و حلفت بي رأس ابوها انو انت الغلطان و براك شلت النتيجة دي و بعد ما وراها المظروف مكتوب عليهو اسمو قامت شالت المظروف قطعتوا بي عصبية كأن شي لم يكن !!!!

اها عليك الله يا ابوعُلا الزي دا لو كانت متهور كان ممكن يقتل زوجته ويضيع روحه ويضيعوا الاولاد من وراهم

[مدنيّة]

أختنا مدنية
هذه قطرة من بحر ومستشفياتنا فيها مآسى

بالنسبة الى الأب قام بحريمة القتل تحت تأثير الأستفزاز الشديد المفاجىء
وبالتالى تصبح الجريمة التى أرتكبها هى جريمة القتل شبه العمد لأستفادته من الأستثناءات الواردة فى القانون والتى تقضى ( بأنه لايعد القتل قتلا عمدا اذا سبب الجانى - وقد فقد السيطرة على نفسه بسبب استفزاز شديد مفاجىء - موت الشخص الذى أستفزه ) وعند سماع الأب خبر حمل أبنته فقد القدرة على ملاك قيد نفسه وتحمله وتهجم على أبنته بالضرب تحت تأثير هذا الأستفزاز الشديد والمفاجىء حتى فارقت الحياة وبالتالى فهذا الفعل يقع تحت طائلة هذه الأستثناءات وذلك لأن الوقائع تتضمن ظروفا تقتضى تخفيف المسئولية والعقاب ويشترط القانون أن يكون القتل حصل أثناء فترة فقدان الجانى السيطرة على نفسه بسبب هذا الأستفزاز وبالتالى سوف تتم ادانة الأب الجانى بجريمة القتل شبه العمد وليس العمد .

أما الفحيصة فلا تسأل عن جريمة القتل وأنما تسأل فقط عن الخطأ الذى ارتكبته فى تقديم هذه المعلومة الخاطئة
وذلك لأن الأب كان مفروض يتأكد من واقعة الحمل أولا بالأطلاع على الأسم

والله أعلم

مشكور يااستاذ عوض علي الراي القانوني
وربنا يرحم البت

[مدنيّة]

أختنا .. مدنيه ...
فعلا قصه تقشعر لها الأبدان
هندى شغال معاى , طعنو مسمار فى رجله الشمال أهملها كم يوم
لما تورمت وحالها بقى حال ووديناهو المستشفى وطوالى قرروا بترها
وبتروها وبعد كم ساعه الهندى صحى من البنج وشاف رجله السليمه مافى
والرجل المريضه قاعده , وطوالى غمر وتانى بعد فتره صحى وتانى شاف الحاصل وتانى
غمر ... وبعد داك حلف ما يقطعوا ليهو الرجل المريضه وسبحان الله
هسى يشوت بيها الحيطه يهدها والرجل اللى قطعوها أخد فيها تعويض من المستشفى .

يعني الكلام ما حاصل عندنا برانا ياود المطامير !!!!!!!
وبعد دا كله الرجل اللي اصلا كانت مصابة بقت سليمة !!
بالله شوف

[مدنيّة]

[صاح يامدنية ناس المعمل غلطانين لكن الاب غلطو اكبر .. بس لكن يعني بدون زعل القصة فيها نوع من المبالغة كيف قتل البت قدام الناس .. ياكافي البلا حجاز ساكت مافي[/QUOTE]

زي ماقلت يازيري اني نقلت الحادثة زي ما ذكرتها لي طبيبتي

[مدنيّة]

انا كان مسكت بتاعت المعهد بعد بتي طوالي تحصلها

علي الاقل الواحد كان اتفشي شوية مادام اصلا خربت خربت خليها التخرب للنهاية

[مدنيّة]

مفروض ابو البت دي طوالي يودي بتاعت المعمل يعني بالعربي تلحق البت ما خلاص المسالة جايطه والجايه بعد داك التجي ده لعب والله

فعلا والله لعب ولعب ماساوي يا انيس

غايتو ربنا يرحم البت

[مدنيّة]

نعم ...هكذا الحال فى بلدى ..وفى كثير من دول العالم الثالث...
نعم ...تتعدد الاسباب والموت واحد ...
نعم ...لا يؤجل الله نفس اذا جاء اجلها..
اتفق تماما مع الاخ بدرالدين ..فى تحميل المسؤليه لى والد البنت بالدرجه الاولى لماذا
هذا الوالد لديه من الخبره فى الحياه والتعامل ما اوصله الى ان يكون اب واحتمال يكون جد.
ويعلم تماما بالاخطاء التى تصدر من الفنيين والاطباء ..اذا لماذا الاستعجال ..يعنى خلاص جعلى
اهو قتل بنته ...بل قتل نفسه ..سيظل يتعذب حتى اخر لحظه فى حياته ..
وحسبنا الله ونعم والوكيل.

ايوة والله
بس برضو الناس بتختلف في ردود افعالها يانزار
وزي ما بيقولوا اصابعك مش زي بعضيها
وربنا يرحم البت

[الريانه]

اعوز بالله بس بصراحه الممرضه فكرت فى البشاره اول شى

[الشريف الهندي]

لاااااااااااااااااااااااااااحوله ولاقوة الا بالله
والله يامدنية الموضوع عنوانو جميل شديد وكلمات تفرح بالحيل والله
لكن والله القصه تبكي وتجنن وتقتل كمان .. وربنا يستر
وسمعت عن بعض القصص المشابهة بتحي عن شخص
قام بمساعدة بنت وقعت في الشارع ونقلها الى المستشفى واتصح انها حامل
وقامت باتهامه بانه اب للجنين . وحين انكاره وبعد اجراء الفحوصات عليه تم اكتشاف
انه عقيم وغير قادر على الانجاب ... فتفاجأ ... حينها وقال ليهم يا اخوانا قوقلو باسم الله
انا باولادي ... .... مصائب الدهر
وهناك قصه اخرى عشت تفاصيلها بكلية طب جامعة مانيبال بالهند ..يتم الاعلان لجميع الموجودين عن الاحتياج للتبرع بالدم ... وذهب احد الطلاب الاطباء في قسم الطبب النووي للتبرع واخطأت عاملة المعمل والتحليل واخذت منه العينه عن طريق ( حقنه ) مستخدمه وتسببت في انتقال مرض الايدز ...... اخطاء مميته
وربنا يستر علينا ويحفظنا جميعا وكل السامعين والحاضرين
شكرا مدنية

[الشريف الهندي]

لكن عندي سؤال ؟
موقف البت قصاد ابوها ومقف الاب مع بنته من يوم الموقف ولقدام ؟

[سواااح]

الاستاذة مدنية ..

طبعا ذكرتيني النكتة القديمة
الراجل العندو سكر
ومشي المعمل يعمل اختبار للسكر
فقال ليهو الفني مبروك يا حاج ..
حامل .. وفي الشهر الثالث...
وتعيشي اكتر
تسمعمي اكتر
وتستعجي اكتر
وتحزني .. اكتر

دمـــــــــــتي ،،

[صديق بلال]

تري ما هو شعور عاملة المعمل هذه وكيف تعيش الان في هناء وسرور بعد ان كانت السبب في قتل شابة في ريعان شبابها بسبب اهمالها في العمل ؟؟
وكم مثل هؤلاء يعيشون بيننا !!!!!!!!!


حقيقة هذه القصة مؤثرة جدا في أنفسنا نحن السامعين والقارئين... ولكن ماذا يكون أثر هذه المأساة في نفس الأب الذي كان مسرعا في إتخاذ القرار وأصدر الحكم بقسوة على إبنته المسكينة التي داهمها المرض وأتت إلى المستشفى أملا في العلاج... بعد إرادة الله طبعا... أما تلك الممرضة والله أعلم فأعتقد أنها تظن بأن والد الفتاة هو زوجها... وعلى كل.... سواء أكانت تظن أو لا تظن فإنها قد جنيت على الفتاة المسكينة... وأكيد أن الأب والممرضة يعيشان بمرارة الذنب اللذان إقترفاهما في حق المسكينة... إننا لا نملك إلا أن نسأل الله أن يرحم تلك الفتاة وأن يتغمدها بواسع رحمته... إنا لله وإنا إليه راجعون...

[طلال الصول]

والله يا مدنية بتاعت المعمل دي مفروض تنتحر لو عندها دم بي قرش
لأنها دمرت اسرة كاملة البت الماتت وبوها الما حايسامح نفسو لي يوم الدين
واخوانا وامها وكل المقربين يعني جريمة اجتماعية متكاملة بسبب اهمال واحدة
والا مافي داعي نقول بس الله يرحم البنية ويصبر اهلا على المصيبة

[مدنيّة]

اعوز بالله بس بصراحه الممرضه فكرت فى البشاره اول شى

بس برضو نست انه
ان الله يحب من احدكم اذا عمل عملاً ان يتقنه

[مدنيّة]

لاااااااااااااااااااااااااااحوله ولاقوة الا بالله
والله يامدنية الموضوع عنوانو جميل شديد وكلمات تفرح بالحيل والله
لكن والله القصه تبكي وتجنن وتقتل كمان .. وربنا يستر
وسمعت عن بعض القصص المشابهة بتحي عن شخص
قام بمساعدة بنت وقعت في الشارع ونقلها الى المستشفى واتصح انها حامل
وقامت باتهامه بانه اب للجنين . وحين انكاره وبعد اجراء الفحوصات عليه تم اكتشاف
انه عقيم وغير قادر على الانجاب ... فتفاجأ ... حينها وقال ليهم يا اخوانا قوقلو باسم الله
انا باولادي ... .... مصائب الدهر
وهناك قصه اخرى عشت تفاصيلها بكلية طب جامعة مانيبال بالهند ..يتم الاعلان لجميع الموجودين عن الاحتياج للتبرع بالدم ... وذهب احد الطلاب الاطباء في قسم الطبب النووي للتبرع واخطأت عاملة المعمل والتحليل واخذت منه العينه عن طريق ( حقنه ) مستخدمه وتسببت في انتقال مرض الايدز ...... اخطاء مميته
وربنا يستر علينا ويحفظنا جميعا وكل السامعين والحاضرين
شكرا مدنية

الضمير اصبح معدوم يا الشريف
ولا حياة لمن تنادي
ولا حسيب ولا رقيب

[مدنيّة]

لكن عندي سؤال ؟
موقف البت قصاد ابوها ومقف الاب مع بنته من يوم الموقف ولقدام ؟

موقف شنو يا الشريف
الاب قتل البت في نفس المستوصف اول ما بتاعت المعمل قالت كلامها دا

[مدنيّة]

الاستاذة مدنية ..

طبعا ذكرتيني النكتة القديمة
الراجل العندو سكر
ومشي المعمل يعمل اختبار للسكر
فقال ليهو الفني مبروك يا حاج ..
حامل .. وفي الشهر الثالث...
وتعيشي اكتر
تسمعمي اكتر
وتستعجي اكتر
وتحزني .. اكتر

دمـــــــــــتي ،،

شر البلية مايضحك يا سوااح

[مدنيّة]

حقيقة هذه القصة مؤثرة جدا في أنفسنا نحن السامعين والقارئين... ولكن ماذا يكون أثر هذه المأساة في نفس الأب الذي كان مسرعا في إتخاذ القرار وأصدر الحكم بقسوة على إبنته المسكينة التي داهمها المرض وأتت إلى المستشفى أملا في العلاج... بعد إرادة الله طبعا... أما تلك الممرضة والله أعلم فأعتقد أنها تظن بأن والد الفتاة هو زوجها... وعلى كل.... سواء أكانت تظن أو لا تظن فإنها قد جنيت على الفتاة المسكينة... وأكيد أن الأب والممرضة يعيشان بمرارة الذنب اللذان إقترفاهما في حق المسكينة... إننا لا نملك إلا أن نسأل الله أن يرحم تلك الفتاة وأن يتغمدها بواسع رحمته... إنا لله وإنا إليه راجعون...

الناس بتختلف في درجات انفعالها وتأثرها

غايتو ربنا يرحمها ويغفر ليها البت المسكينة دي

[مدنيّة]

والله يا مدنية بتاعت المعمل دي مفروض تنتحر لو عندها دم بي قرش
لأنها دمرت اسرة كاملة البت الماتت وبوها الما حايسامح نفسو لي يوم الدين
واخوانا وامها وكل المقربين يعني جريمة اجتماعية متكاملة بسبب اهمال واحدة
والا مافي داعي نقول بس الله يرحم البنية ويصبر اهلا على المصيبة

عند انعدام الضمير يا طلال فحدث ولا حرج
وغايتو ربنا يرحمها

[النيرو]

لاحول ولاقوة الا بالله , اعتقد ان الاخطاء الفنية توجد في عدة مجالات في بلادنا الحبيبة وليس مجال الطب فقط , وذلك للاهمال ونقص الخبرة واللامبلاة ويجب معالجة مثل هذه الاخطاء بكل حزم وحسم لكي نسير علي خطي الدول المتقدمة وقبل ذلك نهتم بالتدريب ووضع الشخص المناسب في المكان المناسب. والسلام...

[مدنيّة]

لاحول ولاقوة الا بالله , اعتقد ان الاخطاء الفنية توجد في عدة مجالات في بلادنا الحبيبة وليس مجال الطب فقط , وذلك للاهمال ونقص الخبرة واللامبلاة ويجب معالجة مثل هذه الاخطاء بكل حزم وحسم لكي نسير علي خطي الدول المتقدمة وقبل ذلك نهتم بالتدريب ووضع الشخص المناسب في المكان المناسب. والسلام...

المشكلة انه الاخطاء الطبية من اصعب الاخطاء
لانه ثمنها الانسان

[ود الاغبش]

لك التحية مدنية

عايز اقول ليه الاب ما اتأكد من المعلومة في الاول ؟؟؟؟
حتي بعدين يعمل في بتو الدايرو

المهم الايام و كملت
و كان مقدر تكون بالطريقة دي ..

تخريمة :
هل صحيح انو وزارة الصحة في الاردن ارسلت خطاب لي وزارة الصحة السودانية مفاده انو 60% من الفحوصات في السودان خطأ ؟؟؟
ارجو الاجابة من اهل الدراية
قصة حقيقية
امس و نحن في مستشفي الزهراء بجدة في انتظار ولادة زوجة قريبنا
و كان وضعها جدا خطير .... وضع الجنين غير طبيعي ... و وزنه اربعة كيلو
و مشاعر الزوج سيئة لدرجة البكاء بالدموع .....
و بعد اقل من ساعة خرج الدكتور (...........) قائلا :مبروك بت
الفرحة لم تسع الزوج بل خرج جاريا يبشر الاهل بالسودان عبر الاتصال بهم
الا ان هنالك امراءة
حاولت التاكد لانو الزمن كان جدا بسيط من لحظة دخولها و كلام الدكتور
و بالفعل كان حدسها في محلو حيث التي وضعت بت لم تكن زوجة صاحبنا بل ام اخري
و احتاجت زوجة صاحبنا الي عملية قيصرية و ولدت بعد اكثر من تلك اللحظة بست ساعات
السوال : منو البدفع تمن مشاعر الزوج ؟؟؟
و بي كم ؟؟؟